စစ်ဘေးရှောင် – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Tag Archive

Tag: စစ်ဘေးရှောင်

မွန်၊ ကရင်နှင့် တနင်္သာရီတွင် စစ်ဘေးရှောင် ၁၆ သိန်းကျော်လာ၊ ကူညီရေးအဖွဲ့များ အခက်ကြုံနေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၃ ရက်။ မွန်ပြည်၊ ကရင်ပြည်နှင့် တနင်္သာရီတိုင်းတို့တွင် စစ်အုပ်စုတပ်၏ စစ်ကြောင်းထိုးမှုနှင့် လေကြောင်း တိုက်ခိုက် မှုများကြောင့် နေရပ်စွန့်ခွာ ထွက်ပြေးရသည့် စစ်ဘေးရှောင် ဦးရေ ၁၆ သိန်းကျော်အထိ အဆမတန် တိုးလာနေ ပြီး အခြေခံ စားနပ်ရိက္ခာ၊ ဆေးဝါးနှင့် မိုးကာများ အရေးပေါ် လိုအပ်နေကြောင်း ဒေသခံ ကူညီကယ်ဆယ်ရေး အဖွဲ့များက ပြောသည်။ ဒေသတွင်း တိုက်ပွဲများအပြင် စစ်အုပ်စုတပ်၏ လက်နက်ကြီး ပစ်ခတ်မှု၊ ဒရုန်းနှင့် လေကြောင်း တိုက်ခိုက်မှုများ ကြောင့် ဒေသခံများသည် ဘေးလွတ်ရာ တောတောင်များနှင့် ရာဘာခြံများအတွင်းသို့ လအတော်ကြာ ထွက်ပြေး တိမ်းရှောင်နေကြရခြင်း ဖြစ်သည်။ မွန်ပြည် လူ့အခွင့်အရေး ဖောင်ဒေးရှင်း (HURFOM) ပရိုဂရမ် ဒါရိုက်တာ နိုင်အဲမွန်က “ဩဂုတ် ဒေတာအရ မွန်မှာ စုစုပေါင်း ၂၉၉,၇၂၉ ကျော်၊ ကရင်မှာ ၇၉၉,၇၀၀ ကျော်နဲ့ တနင်္သာရီမှာ ၅၁၆,၂၄၀ ကျော် ဆိုတော့ နေရပ်ရင်းက စွန့်ခွာ ထွက်ပြေးနေရတဲ့ အခြေအနေရှိတယ်နော်။ တစ်ပတ်ထဲမှာပဲ ကရင်မှာ ၂,၅၀၀၊ မွန်မှာ ၁,၂၀၀ နဲ့ တနင်္သာ ရီမှာ ၂,၁၀၀ တိုးလာတာကို အတည်ပြုနိုင်ခဲ့တာဖြစ်ပြီး မြေပြင်မှာ ဒီထက်ပိုများနိုင်ပါတယ်” ဟု ပြောသည်။ ထိုအရေအတွက်သည် မွန်ပြည်လူ့အခွင့်အရေး ဖောင်ဒေးရှင်း HURFOM က လက်လှမ်းမှီးသလောက် ကောက် ယူထားသည့် အရေအတွက်များသာဖြစ်ပြီး မြေပြင်တွင် ယခုအရေအတွက်ထက် ပိုများနိုင်သည်ဟု ဆိုသည်။ လက်ရှိတွင် စစ်ဘေးရှောင်များမှာ စားနပ်ရိက္ခာအပြင် မိုးကာ၊ သန့်ရှင်းသည့် သောက်သုံးရေနှင့် တစ်ကိုယ်ရည် သန့်ရှင်းရေး ပစ္စည်းများ လိုအပ်နေသည့်အပြင် စခန်းများ၌ ငှက်ဖျားနှင့် တုပ်ကွေးရောဂါများ ကူးစက်ဖြစ်ပွားနေ သဖြင့် ဆေးဝါးနှင့် ခြင်ထောင်များ အရေးပေါ် လိုအပ်လျက်ရှိသည်။ တနင်္သာရီတိုင်းမှ ကူညီကယ်ဆယ်ရေး ဆောင်ရွက်နေသူတစ်ဦးက “မြို့နယ်တိုင်းလိုလိုမှာ စစ်ဘေးရှောင်တွေ ရှိနေတယ်။ ဆေးလိုမယ်။ တာလပတ်၊ မိုးကာ၊ ရိက္ခာတွေ လိုတာပေါ့။ အခုက ငှက်ဖျားပေါတယ်။ ငှက်ဖျား တော်တော် ထိတယ်။ ဟိုတလောမှာတောင် ငှက်ဖျားကြောင့် ၂ ယောက်၊ ၃ ယောက် သေတယ်” ဟု ပြောသည်။ ထို့ပြင် တောတောင်နှင့် ရာဘာခြံများအတွင်း လပေါင်းများစွာ ခိုလှုံနေကြရသည့် စစ်ဘေးရှောင် မိသားစုများ တွင် ကလေးသူငယ်များ၏ ပညာရေးနှင့် ကျန်းမာရေးအတွက် အထူး စိုးရိမ်စရာ ဖြစ်နေသည်။ မိုးရာသီ ကာလဖြစ်သည့်အတွက် ယာယီတဲ shelter မလုံလောက်မှုကြောင့် တုပ်ကွေးနှင့် ဝမ်းပျက်ဝမ်းလျှော ရောဂါများ ကူးစက်ဖြစ်ပွားနေသည့်အပြင် ကလေးငယ်များအတွက် အာဟာရပြည့်ဝသည့် စားနပ်ရိက္ခာများနှင့် အခြေခံ ပညာသင်ကြားနိုင်ရေးအတွက်ပါ အခက်အခဲပေါင်းများစွာ ကြုံတွေ့နေကြရသည်။ တစ်ဖက်တွင်လည်း စစ်အုပ်စုတပ်၏ စစ်ကြောင်းထိုးမှုများအတွင်း ကျေးရွာများအနီး မြေမြှုပ်မိုင်းများ ထောင်ထားခဲ့ခြင်းနှင့် ဆက်သွယ်ရေး လိုင်းများ ဖြတ်တောက်ထားခြင်းတို့ကြောင့် ကူညီရေးအဖွဲ့များအနေဖြင့် စစ်ဘေးရှောင်များထံ အချိန်မီ သတင်းအချက်အလက် ပေးပို့နိုင်ရေးနှင့် ရိက္ခာဝေငှနိုင်ရေးအတွက် ကြီးမားသည့် စိန်ခေါ်မှုများနှင့် ရင်ဆိုင်နေရသည်။ ကူညီရေးအဖွဲ့များအနေဖြင့် စစ်ဘေးရှောင်များထံ သွားရောက် ကူညီရာ၌ စစ်အုပ်စုတပ်၏ လမ်းပိတ်ဆို့မှုများ၊ စစ်ဆေးရေးဂိတ်များ၊ လေကြောင်းနှောင့်ယှက်မှုများနှင့် ဆက်သွယ်ရေး ပြတ်တောက်မှုများကြောင့် အကူအညီ များ ပေးပို့ရန် ခက်ခဲနေကြသည်။ ထိုအခြေအနေနှင့် ပတ်သက်၍ HURFOM မှ နိုင်အဲမွန်က “အဓိက အခက်အခဲက သွားရေးလာရေး အခက်အခဲ တွေ ရှိတယ်။ လမ်းပိတ်တာတို့၊ Check point တိုးတာတို့ပေါ့နော်။ လက်နက်ကြီးနဲ့ ရမ်းသမ်းပစ်တဲ့ကိစ္စ၊ နောက်တစ်ခါ ဒရုန်းတို့ လန်းမိုင်းစစ်ကြောင်းတွေ၊ ဆက်သွယ်ရေး ပြတ်တောက်တာတွေကြောင့် relief team တွေ သွားရေးလာရေး ခက်လာတာတွေ ရှိတယ်။ ညဘက်ပဲ သွားရတာတွေရှိတယ်။ တစ်ဖက်မှာလည်း Funding တွေ လျှော့လာတယ်။ အကူအညီတွေက ကစဉ့်ကလျား ဖြစ်နေရတယ်” ဟု ဆက်ပြောသည်။ စစ်အုပ်စုတပ်သည် ၎င်းတို့ ဆုံးရှုံးလိုက်ရသည့် နယ်မြေများ၊ နယ်စပ်ကုန်သွယ်ရေးနှင့် မဟာဗျူဟာကျသည့် နေရာများကို ပြန်လည်ရယူရန် မြေပြင် ထိုးစစ်များအပြင် လေကြောင်းမှပါ အပြင်းအထန် တိုက်ခိုက်နေသဖြင့် ဒေသခံများ၏ လူသားချင်းစာနာမှု အကူအညီ လိုအပ်ချက်များမှာ ပိုမို ကြီးမားလာလျက်ရှိသည်။ (ဓာတ်ပုံ - ဒေါနတနင်္သာရီ - စစ်ဘေးရှောင်များ အထောက်အကူပြုရေးအဖွဲ့) #IDPs #စစ်ဘေးရှောင်

မွန်၊ ကရင်နှင့် တနင်္သာရီတွင် စစ်ဘေးရှောင် ၁၆ သိန်းကျော်လာ၊ ကူညီရေးအဖွဲ့များ အခက်ကြုံနေ

ပဲခူးတိုင်း ညောင်လေးပင်ခရိုင်အတွင်း စစ်ရှောင် ၄၀၀၀ ကျော် အကူအညီများ လိုအပ် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၁၈ ရက်။   ပဲခူးတိုင်း၊ ညောင်လေးပင်ခရိုင်၊ ကျောက်ကြီးမြို့နယ်အတွင်း စစ်ကော်မရှင်၏ လူသားဒိုင်းကာပြုလုပ်မှုနှင့် အစုလိုက်အပြုံလိုက် သတ်ဖြတ်ခံရမှုများကြောင့် ထွက်ပြေးတိမ်းရှောင်နေရသည့် ပြည်သူ ၄,၀၀၀ ကျော် အတွက် အရေးပေါ် အကူအညီများ လိုအပ်နေသည်။ ကျောက်ကြီးတွင် စစ်ကော်မရှင်တပ်များ၏ ရက်စက်ကြမ်းကြုတ်သော စစ်ကြောင်းထိုးမှု၊ လေကြောင်း တိုက် ခိုက်မှုနှင့် လူသားဒိုင်းကာပြုလုပ်မှုများကြောင့် ကျေးရွာ ၅ ရွာမှ ဒေသခံပြည်သူ ၄,၀၀၀ ကျော်သည် ဘေးလွတ် ရာသို့ ထွက်ပြေးတိမ်းရှောင်နေရပြီး စားနပ်ရိက္ခာနှင့် ဆေးဝါးအကူအညီများ အရေးပေါ်လိုအပ်နေခြင်း ဖြစ်သည်။ ကရင်အရေးပေါ် ကူညီကယ်ဆယ်ရေးကော်မတီ (KRC) ၏ ပြောရေးဆိုခွင့်ရှိသူတစ်ဦးက “အခုလက်ရှိ စစ်ဘေး ရှောင်နေတဲ့သူတွေက အဓိက လိုအပ်တာကတော့ အခြေခံစားနပ်ရိက္ခာပေါ့နော်။ ပြီးတော့မှ ကျန်းမာရေး အတွက် လိုအပ်တဲ့ဆေးဝါးတွေ။ သက်ကြီးရွယ်အို၊ ကလေးသူငယ်တွေနဲ့ ကျန်းမာရေးမကောင်းတဲ့သူတွေလည်း ရှိနေတယ်။ အချို့ထဲမှာတောင် ကိုယ်ဝန်ဆောင်မိခင်တွေပါနေတယ်။ ပြောရရင်တော့ အစစအရာရာ လိုအပ်နေ တာပါပဲ” ဟု ပြောသည်။ ပြီးခဲ့သည့် မတ်လ ၅ ရက်နေ့မှ စတင်ကာ စစ်ကော်မရှင်တပ်များသည် ရေတွင်းကုန်းကျေးရွာအုပ်စု အတွင်းသို့ လေယာဉ်၊ ဒရုန်းနှင့် လက်နက်ကြီးများအသုံးပြု၍ အကြမ်းဖက်ဝင်ရောက်လာခဲ့ခြင်းဖြစ်သည်။ ထိုသို့ဝင်ရောက်လာပြီးနောက် အပြစ်မဲ့ပြည်သူ အယောက် ၃၀ ထက်မနည်းကို ရက်စက်စွာ သတ်ဖြတ်ခဲ့သည့် အပြင် ပြည်သူပိုင်ပစ္စည်းများကို လုယက်ကာ နေအိမ်များကို မီးရှို့ဖျက်ဆီးခြင်း၊ ပြည်သူများကို လူသားဒိုင်း အဖြစ် အသုံးပြုခြင်းစသည့် လူ့အခွင့်အရေးချိုးဖောက်မှုများကို ကျူးလွန်ခဲ့သည်။ လူပေါင်း ၃၀၀ ခန့်ကို လူသားဒိုင်းအဖြစ် ဖမ်းဆီးထားသည့်အတွက် ကရင့်အမျိုးသား အစည်းအရုံးနှင့် ပူးပေါင်း တပ်ဖွဲ့များက ကယ်ထုတ်ခဲ့ရသေးသည်။ စစ်ဘေးရှောင် ၄,၀၉၇ ဦးခန့်ရှိသည့် ရေတွင်းကုန်း၊ ကျောင်းကုန်း၊ ဝါချဲ၊ အင်းပရစ်နှင့် ဒလဆိပ်ကျေးရွာများမှ ပြည်သူများသည် လက်ရှိတွင် တောတောင်များထဲ၌ လည်းကောင်း၊ နီးစပ်ရာကျေးရွာရှိ အသိမိတ်ဆွေများ၏ နေအိမ်များတွင်လည်းကောင်း ခိုလှုံနေရကာ အစားအသောက်၊ ဆေးဝါး နှင့် အမိုးအကာ လိုအပ်နေကြသည်။ ကရင်လူ့အခွင့်အရေးအဖွဲ့ (KHRG) မှ ပြောရေးဆိုခွင့်ရှိသူ စောအဲလ်ဘတ်ကလည်း “အခုလက်ရှိ ဒုက္ခရောက် နေတဲ့ ပြည်သူလူထုကို နိုင်တဲ့ဘက်ကနေပြီးတော့မှ ပံ့ပိုးကူညီပေးဖို့၊ အထူးသဖြင့် ကျန်းမာရေး ဝန်ဆောင်မှု တွေ၊ လက်နက်ကြီးနဲ့ လေကြောင်းတိုက်ခိုက်မှုကြောင့် ဒဏ်ရာရနေတဲ့ ပြည်သူတွေအတွက် လိုအပ်တဲ့ ဆေးဝါး နဲ့ ကုသမှုတွေကို အချိန်မီပံ့ပိုးပေးဖို့ ကျနော်တို့ တောင်းဆိုချင်ပါတယ်” ဟု ပြောသည်။ စစ်ကော်မရှင်၏ အဆိုပါလုပ်ရပ်များကြောင့် ပြည်သူ ၁၆ ဦး အပြင်းအထန် ဒဏ်ရာရရှိခဲ့ပြီး ဒေသခံများ၏ စည်းစိမ်ဥစ္စာများမှာလည်း ဆုံးရှုံးခဲ့ရသည်။ ထိုသို့သော စစ်ရာဇဝတ်မှုများကို နိုင်ငံတကာက သိရှိနေသော်လည်း ထိရောက်သော အရေးယူဆောင်ရွက်မှု မရှိခြင်းအပေါ် ဝေဖန်မှုများလည်း ထွက်ပေါ်နေသည်။ ကရင်ငြိမ်းချမ်းရေး အထောက်အကူပြုကွန်ရက် (KPSN) မှ နော်ချယ်ရီက “သူတို့ စစ်ရာဇဝတ်မှုတွေကို အမြဲ တမ်းကျူးလွန်နေတာ ဒါက နိုင်ငံတကာလည်း သိအောင် လုပ်နေတာပဲ။ နေ့စဉ်ရက်ဆက်ပေါ့နော်။ သိသိကြီးနဲ့ ဘာမှမလုပ်ဆောင်၊ အရေးလည်းမယူဘူးဆိုတော့ ဒါက ဝေဖန်စရာတွေ အများကြီးပဲ။ ခံရတာ ကျမတို့ ပြည်သူ လူထုတွေပဲလေ” ဟု ပြောသည်။ လူ့အခွင့်အရေး လှုပ်ရှားသူများကမူ ကုလသမဂ္ဂအပါအဝင် နိုင်ငံတကာ အသိုင်းအဝန်းအနေဖြင့် စိုးရိမ်ပူပန် ကြောင်း ကြေညာချက်များ ထုတ်ပြန်နေရုံနှင့် မလုံလောက်ဘဲ စစ်ကော်မရှင်၏ လေယာဉ်ဆီ၊ လက်နက်နှင့် ဘဏ္ဍာငွေ လမ်းကြောင်းများကို အမြန်ဆုံး ဖြတ်တောက်ပေးရန် တောင်းဆိုထားကြသည်။ ထို့ပြင် စစ်ကော်မရှင်တပ်၏ လူ့အခွင့်အရေး ချိုးဖောက်မှုများကို ခံစားနေရသည် မြန်မာပြည်သူများအတွက် တရားမျှတမှု ပြန်လည်ရရှိအောင် ကူညီလုပ်ဆောင်ပေးရန်နှင့် ကျူးလွန်သူများကို တာဝန်ယူ၊ တာဝန်ခံမှုရှိလာ အောင် လုပ်ဆောင်ပေးရန် တိုက်တွန်း တောင်းဆိုနေ ကြသည်။ #ပဲခူးတိုင်း #ညောင်လေးပင်ခရိုင် #ကျောက်ကြီးမြို့နယ် #လယ်ဒိုမြို့နယ် #လူ့အခွင့်အရေးချိုးဖောက်မှု #စစ်ကော်မရှင်တပ်

ပဲခူးတိုင်း ညောင်လေးပင်ခရိုင်အတွင်း စစ်ရှောင် ၄၀၀၀ ကျော် အကူအညီများ လိုအပ်

ဖယ်ခုံ စစ်ရှောင်များအတွက် တဲများ အရေးပေါ် လိုအပ်နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၆ ရက်။ ရှမ်းပြည်တောင်ပိုင်း၊ ဖယ်ခုံမြို့နယ်အတွင်း အိမ်ငှားခမပေးနိုင်၍ အိမ်ရှင်များ၏ နှင်ထုတ်ခြင်းကို ခံနေရသည့် ထပ်ဆင့် စစ်ဘေးရှောင်များအတွက် နေထိုင်ရေးစစ်ရှောင်တဲများ အရေးပေါ်လိုအပ်နေသည်ဟု စစ်ရှောင်အရေး ကူညီနေသူများက ပြောသည်။ အဆိုပါ စစ်ဘေးရှောင်များသည် ၂၀၂၅ ခုနှစ်၊ အောက်တိုဘာလနှောင်းပိုင်းတွင် ဖယ်ခုံမြို့နယ်၊ ဘောရန်မြောက် စလုံးကျေးရွာအား စစ်ကော်မရှင်နှင့် ပအိုဝ်းပြည်သူ့စစ် (PNA) တို့ ဝင်ရောက်စီးနင်းခဲ့မှုကြောင့် စတင်ထွက်ပြေး ခဲ့ကြရသူများဖြစ်ပြီး၊ ယခုအခါ စစ်ကြောင်းထိုးမှုများကြောင့် တစ်နေရာမှတစ်နေရာသို့ အဆင့်ဆင့် တိမ်းရှောင် နေကြရခြင်း ဖြစ်သည်။ စစ်ဘေးရှောင်ကူညီရေးအဖွဲ့ဖြစ်သည့် Dove KK မှ တာဝန်ခံ ကိုနိုင်းနိုင်းက “ဘောရန်မြောက်စလုံး ပွဲကတည်း က ရှောင်လာရတာပါ။ စားနပ်ရိက္ခာလည်း လိုအပ်တယ်။ အခုနေရာမှာတော့ သူတို့အတွက် ၆၀ ရာခိုင်နှုန်း လောက် လုံခြုံပါတယ်။ ဓာတ်ဆီအခက်အခဲကြောင့်လည်း သစ်တွေ ဝါးတွေ သယ်ဖို့ ခက်နေပါတယ်” ဟု လက်ရှိ ရင်ဆိုင်နေရသည့် အခြေအနေကို ပြောပြသည်။ လက်ရှိတွင် စစ်ဘေးရှောင်ဦးရေ တိုးပွားလာခြင်း၊ အိမ်ငှားခများ ဈေးကြီးမြင့်လာခြင်းနှင့် ငွေကြေးမတတ်နိုင် သဖြင့် အိမ်ရှင်များက နှင်ထုတ်ခြင်းများ ကြုံတွေ့နေရသည့်အတွက် ကိုယ်ပိုင်စစ်ရှောင်တဲများ အမြန်ဆုံး ဆောက်လုပ်ရန် လိုအပ်နေခြင်းဖြစ်သည်။ တဲတစ်လုံးလျှင် မြန်မာငွေ ၆ သိန်းကျပ်ခန့် ကုန်ကျမည်ဖြစ်ပြီး စုစုပေါင်း တဲအလုံး ၅၁ လုံးအထိ အရေးပေါ် လိုအပ်နေသည်ဟု အကူအညီပေးနေသူများက ပြောသည်။ စစ်ဘေးရှောင်များ၏ ရပ်တည်ရေးနှင့်ပတ်သက်၍လည်း ကိုနိုင်းနိုင်းက “အရမ်း စာနာဖို့ကောင်းတယ်ဗျာ့။ အလုပ်ခေါ်တဲ့သူရှိရင် လုပ်ကြတယ်။ လက်သမားတို့၊ တောင်ယာတို့ပေါ့။ မရှိရင် အလုပ်ကိုင်မရှိဘူးဗျ။ သူတို့ကျွမ်းကျင်တဲ့ ရွာပတ်ဝန်းကျင်မဟုတ်တော့” ဟု ရှင်းပြသည်။ ၎င်းတို့ ယခင်နေထိုင်ခဲ့သည့် ကျေးရွာများတွင် စစ်ကော်မရှင်နှင့် PNA တပ်များက တပ်စွဲထားဆဲဖြစ်သဖြင့် နေရပ်ပြန်ရန်မှာ အချိန်ကာလကြာမြင့်ဦးမည် ဖြစ်ကြောင်း စစ်ရှောင်များက ဆိုသည်။ ထို့ပြင် မတ်လ ၇ ရက်နေ့မှစတင်ကာ ဖယ်ခုံမြို့နယ်၊ မိုးဗြဲမြို့ဘက်သို့ စစ်ကော်မရှင်တပ်များ ထပ်မံ စစ်ကြောင်း ထိုးလာခြင်းကြောင့် အနီးနားရှိ ကျေးရွာသားများမှာလည်း ဘေးလွတ်ရာသို့ ထပ်မံတိမ်းရှောင်နေကြရသည်ဟု ဆိုသည်။ အဆိုပါ စစ်ရှောင်များအတွက် အရေးပေါ်စားနပ်ရိက္ခာနှင့် နေရာထိုင်ခင်းများ လိုအပ်နေသည်ဟု ဆိုကြသည်။ #ဖယ်ခုံစစ်ရှောင် #PNA #PNO #တဲအိမ်

ဖယ်ခုံ စစ်ရှောင်များအတွက် တဲများ အရေးပေါ် လိုအပ်နေ

Burma Act မှ ရန်ပုံငွေများ နယ်စပ်ဖြတ်ကျော် ကူညီရန် စစ်ရှောင်ကူညီသည့် အဖွဲ့များ မျှော်လင့် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၇ ရက်။ အမေရိကန်သမ္မတ အတည်ပြုလိုက်သည့် Burma Act ရန်ပုံငွေ ဒေါ်လာ ၁၂၁ သန်းကို စစ်ကော်မရှင်လက်သို့ မရောက်စေပဲ နယ်စပ်မှတစ်ဆင့် တိုက်ရိုက်ကူညီရန် စစ်ရှောင်များနှင့် ၎င်းတို့အား ကူညီနေသည့် အဖွဲ့အစည်း များက မျှော်လင့်နေကြသည်။ မြန်မာနိုင်ငံတဝန်း စစ်ရေးပဋိပက္ခများကြောင့် စစ်ဘေးရှောင်ဦးရေ မြင့်တက်နေချိန်တွင် အမေရိကန်သမ္မတက လူသားချင်းစာနာမှုအကူအညီ ဒေါ်လာ ၇၃ သန်း အပါအဝင် စုစုပေါင်း ရန်ပုံငွေ ၁၂၁ သန်းကို Burma Act အရ ဖေဖော်ဝါရီလ ၃ ရက်နေ့တွင် လက်မှတ်ရေးထိုး အတည်ပြုလိုက်သည်။ အဆိုပါ အကူအညီများသည် စစ်ကော်မရှင်ကို ကျော်ဖြတ်ကာ နယ်စပ်ဖြတ်ကျော် လမ်းကြောင်းများမှ တစ်ဆင့် မြေပြင်အဖွဲ့အစည်းများထံ တိုက်ရိုက်ရောက်ရှိလာရန် စစ်ရှောင်ကူညီသူများက မျှော်လင့်နေကြသည်။ လက်ရှိတွင် မြန်မာနိုင်ငံတဝန်း လေကြောင်းတိုက်ခိုက်မှုများနှင့် စစ်ရေးတင်းမာမှုများကြောင့် စစ်ဘေးရှောင်ဦး ရေ ၃ ဒသမ ၆ သန်းကျော်အထိ ရှိလာသော်လည်း နိုင်ငံတကာအကူအညီများမှာ ဆက်တိုက်လျော့နည်းလာနေ သည်။ အထူးသဖြင့် ကရင်ပြည်တွင် စစ်ဘေးရှောင် ၁ ဒသမ ၂ သန်းကျော်ရှိနေပြီး စားနပ်ရိက္ခာ အကျပ်အတည်းနှင့် အသက်ရှင်သန်ရေးအတွက် ပြင်းထန်စွာ ရုန်းကန်နေရသည်။ ကရင်ငြိမ်းချမ်းရေး အထောက်အကူပြု ကွန်ယက် (KPSN) ပြောရေးဆိုခွင့်ရှိသူ နော်ချယ်ရီက “Burma Act အကြောင်းကတော့ ကျမတို့ ကြားထားတာ တစ်လလောက် ရှိပါပြီ။ သူတို့အနေနဲ့ လူသားချင်းစာနာမှု (Humanitarian) အတွက် Support ပေးမယ်လို့ သိရပါတယ်။ ဇန်နဝါရီ ၃၁ ရက်မှာ အထက်လွှတ်တော်က အတည်ပြုလိုက်ပြီလို့ ကြားပါတယ်။ ကျမတို့ကတော့ အမြဲတမ်း Advocacy လုပ်နေတာက အကူအညီတွေကို စစ်ကော်မရှင် ဆီ မသွားဘဲ နယ်စပ်ဖြတ်ကျော် (Cross-border) လမ်းကြောင်းကနေ မြေပြင်မှာ တကယ် အလုပ်လုပ်နေတဲ့ Local organizations တွေဆီ တိုက်ရိုက်ရောက်ဖို့ပါပဲ။ အဲ့ဒါက ကျမတို့ရဲ့ မျှော်လင့်ချက် ပါပဲ” ဟု ပြောသည်။ စစ်ကော်မရှင်တပ်၏ တရစပ် တိုက်ခိုက်မှုများကြောင့် စစ်ဘေးရှောင်များသည် နေရာအတည်တကျမရှိဘဲ ခဏခဏ ပြောင်းရွှေ့နေရသဖြင့် ရေရှည်စီမံကိန်းများထက် တစ်နေ့တာ အသက်ရှင်သန်ရေးမှာ ပိုမိုအရေးကြီးနေ သည်။ နော်ချယ်ရီကပင် ဆက်လက်၍ “ကျမတို့ကလယ်လွီထူး (ညောင်လေးပင်) ဘက်မှာ လေကြောင်း တိုက်ခိုက်မှု တွေ၊ ဒရုန်းတွေနဲ့ တရစပ်လုပ်နေတော့ IDPs တွေက ခဏခဏ ပြောင်းရွှေ့နေရတယ်။ ကျမတို့မှာ ရေရှည် အတွက် Plan တွေ ရှိပေမယ့် မြေပြင်မှာတော့ Survival (အသက်ရှင်သန်ရေး) အတွက်ပဲ အကုန်လုံး ရုန်းကန် နေရတာပါ။ မိသားစုတစ်စုကို ဆန် ၅ အိတ်လောက် ပေးချင်ပေမယ့် လက်ရှိမှာ ၁ အိတ်လောက်ပဲ ပေးနိုင်တဲ့ အခြေအနေမျိုး ဖြစ်နေပါတယ်” ဟု ရှင်းပြသည်။ ထိုင်း-ကရင်နီနယ်စပ်ရှိ ဒုက္ခသည်စခန်းများတွင်လည်း ရန်ပုံငွေဖြတ်တောက်မှုကြောင့် ဒုက္ခသည် ၈၀ ရာခိုင်နှုန်း ကျော် ရိက္ခာပြတ်တောက်မည့် အန္တရာယ်နှင့် ရင်ဆိုင်နေရသည်။ ကျန်းမာရေးဝန်ဆောင်မှု ပေးနေသည့် IRC ကဲ့သို့ အဖွဲ့အစည်းများမှာလည်း လာမည့် မတ်လတွင် လုပ်ငန်းများ ရပ်နားတော့မည် ဖြစ်သည်။ ကရင်နီဒုက္ခသည်ကော်မတီ (KnRC) ဥက္ကဋ္ဌ ဦးနေကော်ထူးက “တကယ်လို့ ရလာခဲ့ရင်တော့ ဒါက အပေါင်း လက္ခဏာပေါ့။ အခု ကျန်းမာရေးဝန်ဆောင်မှုတွေ လျှော့ချလိုက်လို့ လူထုတွေက မရှိတဲ့ကြားကနေ ကိုယ့်ဘာ သာ ဆေးရုံသွားနေရတာဆိုတော့ ရလာရင်တော့ အဲ့ဒီဘက်ကို အများကြီး အထောက်အကူ ဖြစ်သွားမှာပါ။ နောက်ပြီး အရင်က NGO တွေ ကူညီခဲ့တဲ့ ရေပေးဝေရေးနဲ့ အမှိုက်သိမ်းစနစ်တွေမှာလည်း အခက်အခဲတွေ ရှိနေတာပါ” ဟု ပြောသည်။ ယခုအတည်ပြုလိုက်သော အမေရိကန်၏ ဘတ်ဂျက်တွင် လူသားချင်း စာနာမှုဆိုင်ရာ ရိက္ခာနှင့် ဆေးဝါးများ အပြင်၊ လက်နက်မဟုတ်သော အကူအညီများ၊ ရိုဟင်ဂျာများအတွက် တရားမျှတမှု ရှာဖွေရေးနှင့် နိုင်ငံရေး အကျဉ်းသားများအား ပံ့ပိုးရေးတို့ ပါဝင်နေသည်။ နိုင်ငံတကာ အကူအညီများကို စစ်ကော်မရှင်အား ကျော်ဖြတ်ကာ နယ်စပ်ဖြတ်ကျော်လမ်းကြောင်းများမှ တစ်ဆင့် မြေပြင်အခြေစိုက် လူမှုအဖွဲ့အစည်းများဆီ တိုက်ရိုက်ဖြန့်ဝေခြင်းသည်သာ ဒုက္ခသည်များထံ အကူအညီ အမှန်တကယ် ရောက်ရှိနိုင်မည့် တစ်ခုတည်းသော နည်းလမ်းဖြစ်ကြောင်း ကူညီပေးနေသူများက ပြောသည်။

Burma Act မှ ရန်ပုံငွေများ နယ်စပ်ဖြတ်ကျော် ကူညီရန် စစ်ရှောင်ကူညီသည့် အဖွဲ့များ မျှော်လင့်

ရှမ်းတောင် စစ်ရှောင်များ စောင်၊ အနွေးထည် နှင့် ခြင်ထောင်များ လိုအပ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ နိုဝင်ဘာလ ၂၆ ရက်။ ရှမ်းပြည်တောင်ပိုင်း၊ ဖယ်ခုံမြို့နယ်၊ မိုးဗြဲမြို့ အနောက်ခြမ်းရှိ စစ်ဘေးရှောင်စခန်း ၂၆ ခု၌ အအေးဒဏ် ပိုမို ပြင်းထန်လာခြင်းကြောင့် စစ်ရှောင်ပြည်သူများ အတွက် အရေးပေါ် အနွေးထည်၊ စောင်နှင့် ခြင်ထောင်များ လိုအပ်နေသည်ဟု အကူအညီပေးနေသူများက ပြောသည်။ စစ်ရှောင်စခန်း ၂၆ ခုက စစ်ရှောင်ပြည်သူများအတွက် စုစုပေါင်း အနွေးထည်၊ စောင် နှင့် ခြင်ထောင် အထည်ရေ ၃,၀၀၀ ခန့်စီ အရေးပေါ် လိုအပ်နေသည်ဟု မြေပြင်ရှိ စစ်ရှောင်အကူအညီပေးရေး အဖွဲ့များက ပြောသည်။ အဆိုပါဒေသ၌ ယခင်နှစ်များက ဒီဇင်ဘာလလယ်မှသာ အအေးပိုလေ့ရှိသော်လည်း ယခုနှစ်တွင် နိုဝင်ဘာလ အစကတည်းကပင် အအေးပိုနေပြီဖြစ်သည်ဟု အကူအညီပေးရေး တာဝန်ခံများက ပြောသည်။ နွေဦးရောင်ခြည်ဖောင်ဒေးရှင်း တာဝန်ခံ ကိုဇူလိုင်က ယခုနှစ်ဆောင်းရာသီ အအေးပိုမိုမှုကြောင့် နိုဝင်ဘာလ ၁ ရက်နေ့မှ ၂၅ ရက်နေ့အတွင်း သက်ကြီးပိုင်းအရွယ် သေဆုံးသူ ၆ ဦး အထိရှိကြောင်း ပြောသည်။ “ဒီနှစ်က နှစ်တိုင်းထက် ပိုအေးနေတယ်။ အအေးပိုမူကြောင့် သက်ကြီးပိုင်းတွေ သေဆုံးမှုများလာတယ်။ ဒါ ကြားရတာပဲ ရှိသေးတယ်။ တစ်ချို့သော ကျနော်တို့နဲ့ နည်းနည်းဝေးတဲ့ စခန်းတွေကြတော့ ကျနော်တို့ မကြား ရတာတွေ ရှိကောင်းရှိအုံးမယ်။ လက်ရှိ စောင်၊ အနွေးထည်၊ ခြင်ထောင် လိုအပ်မှုက အထည်ရေ ၃,၀၀၀ ဝန်းကျင် လိုအပ်နေပါတယ်။” ဖယ်ခုံ၊ မိုးဗြဲဒေသရှိ စစ်ရှောင်စခန်းများတွင် အာဏာသိမ်းပြီးချိန်မှ စတင်၍ ရှောင်တိမ်းလာသူများနှင့် ပြီးခဲ့သည့် ဇူလိုင်၊ ဩဂုတ်လများအတွင်း တိုက်ပွဲကြောင့် အသစ်ပြောင်းရွှေ့လာသူ မိသားစု ထောင်နှင့်ချီ ရှိနေသော်လည်း လက်ရှိတွင် အိမ်ထောင်စု ၂၀၀/၃၀၀ ဝန်းကျင်သာ အကူအညီရရှိသေးကြောင်း ကိုဇူလိုင်က ဆိုသည်။ စစ်ဘေးရှောင်များသည် တောတောင်ထဲတွင် နေထိုင်ကြရသဖြင့် အအေးဒဏ်အပြင် ငှက်ဖျား၊ သွေးလွန် တုပ်ကွေး၊ ရာသီတုပ်ကွေး စသည့် ရောဂါဝေဒနာများလည်း ဖြစ်နေကြောင်း ကရင်နီအမျိုးသမီးအစည်းအရုံး (KNWO) ဥက္ကဋ္ဌ မော်ဖရေးမြာက ပြောသည်။ မော်ဖရေးမြာက “ပြီးခဲ့တဲ့နှစ် ကျမတို့ မြေပြင်အခြေအနေအရ ငှက်ဖျားတွေ၊ တုပ်ကွေးတွေ အဖြစ်များတာ မျိုးတွေ ရှိတော့ အခုဆိုရင်လည်း ကလေးတွေ နှာစေးချောင်းဆိုးတာ ဖြစ်သလို တုပ်ကွေးနဲ့ ပတ်သက်ပြီး ဖြစ် တဲ့ဟာတွေ ရှိတယ်။ သက်ကြီးပိုင်းမှာဆို နာတာရှည်ရောဂါ ဝေဒနာသည်တွေ အတွက် စောင်တို့ အနွေးထည် တို့ မဖြစ်မနေလိုအပ်တဲ့ အခြေအနေတွေ ရှိတယ်” ဟု ပြောသည်။ KNWO က သက်ကြီးရွယ်အိုများ၊ ကိုယ်ဝန်သည်များ၊ ကလေးသူငယ်များအတွက် အနွေးထည်များ၊ စောင်များ နှင့် ခြင်ထောင်များ အထူးလိုအပ်နေကြောင်း အလေးထားပြောဆိုသည်။ ကျေးလက်မြေအဖွဲ့ တာဝန်ခံ ဦးဇော်မင်းထိုက်ကလည်း “ဒီစစ်ဘေးရှောင်တွေအတွက် အနွေထည်တွေ စောင် တွေက အရေးကြီးလိုအပ်တယ်။ ဘာကြောင့်လိုအပ်လဲဆိုလို့ရှိရင် ခြုံစရာစောင်တို့ မလုံတာတို့ ခြင်ထောင်တို့ ဘာတို့ မလုံတာဆိုရင် ဒီအချိန်မှာ ခြင်တို့ဘာတို့ ကိုက်ပြီးတော့ အအေးမိတာတွေ ဖျားနာတာတွေ မလိုလား အပ်တဲ့ ကျန်းမာရေး ထိခိုက်တာတွေ ဖြစ်လာနိုင်တယ်ပေါ့နော်” ဟုပြောသည်။ ကရင်နီ လူ့အခွင့်အရေးအဖွဲ့ (KnHRG) ၏ ထုတ်ပြန်ချက်အရ ကရင်နီပြည်တစ်ခုလုံး၌ လူဦးရေ သုံးသိန်းဝန်း ကျင် ရှိသည့်အနက် ပြည်သူ နှစ်သိန်းကျော်မှာ စစ်ဘေးရှောင်နေရပြီး အောက်တိုဘာလအတွင်း ထပ်မံရွှေ့ ပြောင်းရသူ ဦးရေ တစ်သောင်းခန့် ရှိခဲ့သည်။ လက်ရှိတွင် အဆိုပါ စစ်ဘေးရှောင်များအတွက် အနွေးထည်၊ စောင်၊ ခြင်ထောင်အပြင် ဆေးဝါးများ၊ ဆန်၊ ဆီ၊ ဆား စသည့် အခြေခံ စားနပ်ရိက္ခာများနှင့် ရေကန်များအတွက် မိုးကာများလည်း အရေးပေါ် လိုအပ်နေဆဲ ဖြစ်၍ ကူညီလှူဒါန်းပေးကြရန် မြေပြင်၌ အကူအညီပေးသည့် အဖွဲ့များက တိုက်တွန်းတောင်းဆိုထားသည်။

ရှမ်းတောင် စစ်ရှောင်များ စောင်၊ အနွေးထည် နှင့် ခြင်ထောင်များ လိုအပ်

ကလေးမြို့နယ် စစ်ရှောင်တစ်သောင်းကျော် အတွက် ဆေးဝါးနဲ့ စားနပ်ရိက္ခာ အရေးပေါ်လိုအပ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၇ ရက်။ စစ်ကိုင်းတိုင်းဒေသကြီး၊ ကလေးမြို့နယ်တွင် စစ်ဘေးရှောင် တစ်သောင်းကျော်အတွက် ဆေးဝါးနှင့် စားနပ်ရိက္ခာ အရေးပေါ် လိုအပ်နေသည်။ ကလေးမြို့နယ်တွင် စစ်ကော်မရှင်တပ်၏ အင်အားအလုံးအရင်းဖြင့် ထိုးစစ်ဆင်မှုများကြောင့် ဒေသခံပြည်သူ တစ်သောင်းကျော်သည် ဘေးလွတ်ရာသို့ အရေးပေါ် ထွက်ပြေးတိမ်းရှောင်နေရပြီး၊ ယင်းစစ်ရှောင်များအတွက် စားနပ်ရိက္ခာ၊ ဆေးဝါးနှင့် ကျန်းမာရေးအကူအညီများ အရေးပေါ် လိုအပ်နေကြောင်း အကူအညီပေးသူများက ပြောသည်။ အောက်တိုဘာလ ၁၆ ရက်နေ့မှ စတင်၍ စစ်ကော်မရှင်တပ်က လေကြောင်းမှ စစ်အင်အား ဖြည့်တင်းကာ ကလေး - တမူး နှင့် ကလေး - ဂန့်ဂေါ လမ်းပိုင်းတစ်လျှောက် စစ်ကြောင်းထိုးလာခြင်းကြောင့် ဒေသခံများ နေရပ်စွန့်ခွာ ထွက်ပြေးနေကြရခြင်း ဖြစ်သည်။ ကလေးမြို့လူထုတိုက်ပွဲ ဦးဆောင်ကော်မတီမှ ပြောရေးဆိုခွင့်ရှိသူ၏ ပြောကြားချက်အရ ထွက်ပြေးတိမ်းရှောင် နေရသူ အရေအတွက်မှာ အိမ်ထောင်စုပေါင်း ၄,၀၀၀ ခန့်နှင့် လူဦးရေ တစ်သောင်းခန့် ရှိနေသည်။ ကလေးမြို့လူထုတိုက်ပွဲ ဦးဆောင်ကော်မတီ ပြောရေးဆိုခွင့်ရှိသူ က “ဒီကျနော်တို့ ဒီ ကလေး - တမူး၊ အိန္ဒိယ -မြန်မာ ချစ်ကြည်ရေး လမ်းမတစ်လျှောက်က ဒီရွာတစ်လျှောက်လုံးပေါ့ဗျာ။ အဲဒီ ကျနော်တို့ ဆယ်ရွာကနေ ရွာပေါင်း ၂၀ လောက်ရှိမယ်။ အဲဒီရွာတွေမှာရှိတဲ့ အိမ်ထောင်စု ဒီ ၄၀၀၀ လောက်က ဒီလူဦးရေဆိုလို့ရှိရင် တစ်သောင်းလောက် ခန့်မှန်းရတယ်။ ဒီဟာတွေဆိုလို့ရှိရင် ကျနော်တို့ အရေးပေါ် တိမ်းရှောင်နေပါတယ်” ဟု လက်ရှိအခြေအနေကို ရှင်းပြသည်။ လက်ရှိတွင် တောတောင်များအတွင်း အဆင်ပြေသလို ခိုလှုံနေကြရသည့် စစ်ရှောင်များထဲ၌ သက်ကြီးရွယ်အို များ၊ ကိုယ်ဝန်ဆောင်မိခင်များ၊ ကလေးသူငယ်များနှင့် မသန်စွမ်းသူများ အများအပြား ပါဝင်နေသည်။ အထူးသဖြင့် ရာသီ အကူးအပြောင်းကာလ ဖြစ်သောကြောင့် ဖျားနာမှုများ များပြားနေပြီး အကူအညီပေးရေး လုပ်ငန်းများအတွက် ဆေးဝါးနှင့် ကျန်းမာရေးစောင့်ရှောက်မှုသည် အဓိက စိန်ခေါ်မှုဖြစ်လာနေသည်။ ကလေးမြို့လူထုတိုက်ပွဲ ဦးဆောင်ကော်မတီ ပြောရေးဆိုခွင့်ရှိသူ က “အခုရှိနေတဲ့အခြေအနေမှာတော့ ဒီအရေး ပေါ် ဆန်နဲ့ရိက္ခာနဲ့၊ ဒီအရေးပေါ်လူသုံးကုန်ပစ္စည်းတွေနဲ့ လက်ရှိ ရာသီဥတုပြောင်း ကာလကြောင့်မို့လို့ ဒီဖျားနာ တာတွေရော တွေ့ရတဲ့အတွက်ကြောင့်မို့လို့ ဒီအရေးပေါ် ကျန်းမာရေး ကူညီစောင့်ရှောက်မှု အလုံအလောက် လိုအပ်ပါတယ်” ဟု ဆက်ပြောသည်။ စစ်ရှောင်ပြည်သူ အချို့အတွက် စေတနာ့ဝန်ထမ်း အဖွဲ့အစည်းများက ကျန်းမာရေးစောင့်ရှောက်မှုကို လက်လှမ်း မီသလောက် လုပ်ဆောင်ပေးနေသော်လည်း၊ မသန်စွမ်း၊ ကလေးသူငယ်များ၏ ကျန်းမာရေးစောင့်ရှောက်မှုကမူ အရေးပေါ် လိုအပ်နေကြောင်း ၎င်းက ဖြည့်စွက်ပြောသည်။ စစ်ရေးလှုပ်ရှားမှုများကြောင့် ဒေသခံများသည် အသက်မွေးဝမ်းကျောင်း လုပ်ငန်းများနှင့် စိုက်ပျိုးရေး လုပ်ငန်း များကိုပါ စွန့်လွှတ်ခဲ့ရခြင်းကြောင့် ရေရှည်တွင် စားဝတ်နေရေး အကျပ်အတည်းများလည်း ရင်ဆိုင်ရဖွယ်ရှိနေ သည်။ အကူအညီပေးရေးအဖွဲ့များကမူ အရေးပေါ်အကူအညီများ အချိန်မီမရပါက လူသားချင်း စာနာမှုဆိုင်ရာ အကျပ် အတည်းသည် ပိုမိုဆိုးလာနိုင်သည်ဟု သုံးသပ်ထားသည်။ ကလေးမြို့ လူထုတိုက်ပွဲ ဦးဆောင် ကော်မတီကလည်း အရေးပေါ် တုံ့ပြန်ရေးအဖွဲ့ကို ဖွဲ့စည်းကြောင်း ကြေညာ ပြီး၊ နိုင်ငံတကာ အဖွဲ့အစည်းများ အပါအဝင် ပြည်တွင်းပြည်ပက အင်အားစုများ အနေဖြင့် စစ်ဘေးရှောင် ပြည်သူများကို အရေးပေါ်ပံ့ပိုးကူညီမှုများ ပြုလုပ်ပေးကြပါရန် မေတ္တာရပ်ခံ တောင်းဆိုထားသည်။

ကလေးမြို့နယ် စစ်ရှောင်တစ်သောင်းကျော် အတွက် ဆေးဝါးနဲ့ စားနပ်ရိက္ခာ အရေးပေါ်လိုအပ်

ရခိုင်တွင် အိုးအိမ်စွန့်ခွာ နေထိုင်ရသူ ၆ သိန်းကျော် အကူအညီများ လိုအပ်နေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၅ ရက်။ ရခိုင်ပြည်က တိုက်ပွဲများကြောင့် စစ်ဘေးရှောင်နေရသူများနှင့် သဘာဝဘေး အန္တရာယ်တို့ကြောင့် နေရပ်စွန့်ခွာ ထွက် ပြေးနေရသူ အရေအတွက် ခြောက်သိန်းကျော်အထိ ရှိလာနေသည်ဟု အာရက္ခတပ်တော် AA က ပြောသည်။ အဆိုပါ စစ်ရှောင်များနှင့် ရေဘေးဒုက္ခကြုံနေရသူ ခြောက်သိန်းကျော်အတွက် လူသားချင်းစာနာမှု အကူအညီ များ အရေးပေါ် လိုနေသည်ဟု AA ပြောခွင့်ရ ဦးခိုင်သုခက ပြောသည်။ ဦးခိုင်သုခ က “မြေပြင်မှတ်တမ်းတွေအရ ဘေးဒဏ်အမျိုးမျိုးကြောင့် အာရက္ခပြည်မှာ နေရပ်စွန့်ခွာပြည်သူ စုစုပေါင်း ခြောက် သိန်းကျော် ရှိထားပြီးတော့ အဲ့ဒီအထဲမှာ စစ်ဘေးရှောင် မိသားစုတွေနဲ့ မိုးရာသီ ရေကြီးလို့ ဒုက္ခရောက်ကြရတဲ့ မိသားစုဝင်တွေ ပါဝင်ပါတယ်။ လက်ရှိမှာ ဒုက္ခသည် အများစုဟာ အဆင်ပြေတဲ့ နေရာတွေ မှာ ခိုလှုံနေကြရပါတယ်” ဟု ဩဂုတ်လ ၁၁ ရက်နေ့က လုပ်ခဲ့သည့် သတင်းစာရှင်းလင်းပွဲတွင် ထည့်သွင်း ပြော ဆိုထားသည်။ ရခိုင်ပြည်၌ ဖြစ်နေသည့် စစ်ရေးပဋိပက္ခများ၊ တိုက်ပွဲများနှင့် သဘာဝဘေးဖြစ်သည့် ရေကြီးမှုကြောင့် ဒုက္ခကြုံ နေရသော ပြည်သူများဆီသို့ နိုင်ငံတကာမှ အကူအညီများ မရောက်အောင်လည်း စစ်တပ်က ပိတ်ဆို့ထားသည် ဟု ဦးခိုင်သုခက ပြောသည်။ ထို့အပြင် ရခိုင်ပြည် အလယ်ပိုင်းဒေသများတွင် စားနပ်ရိက္ခာလိုအပ်နေသည့် မိသားစု အရေအတွက်မှာ ယခုနှစ်အတွင်း ၂ ဆနီးပါး မြင့်တက်လာသည်ဟုလည်း ကမ္ဘာ့စားနပ်ရိက္ခာ အစီအစဉ် WFP က ဩဂုတ်လ ၁၂ ရက်နေ့တွင် ထုတ်ပြန်သည်။ အလားတူ ရခိုင်ပြည်၏ မြောက်ပိုင်းဒေသများထဲတွင် စားနပ်ရိက္ခာ မလုံလောက်သောကြောင့် အာဟာရချို့တဲ့မှု များ ပိုဖြစ်လာနိုင်ပြီး ဒေသတွင်းက ပဋိပက္ခဖြစ်ပွားမှုများကြောင့် လူထု၏ အခြေအနေက ပိုဆိုးလာနိုင်သည်ဟု WFP က ဆိုသည်။ နိုင်ငံတကာအနေဖြင့် ဒုက္ခအခက်အခဲများနှင့် ရင်ဆိုင်နေရသည့် ရခိုင်ပြည်သူ ခြောက်သိန်းကျော် အတွက် အကူ အညီပေးလိုပါက AA ၏ လူသားချင်း စာနာထောက်ထားရေးနှင့် ဖွံ့ဖြိုးရေးဆိုင်ရာ ပူးပေါင်းဆောင်ရွက်ရေးရုံး (HDCO) ကို တိုက်ရိုက်ဆက်သွယ်နိုင်သည်ဟု ဦးခိုင်သုခက ပြောသည်။ “တစ်ချိန်တည်းမှာ ကုလသမဂ္ဂ အပါအဝင် နိုင်ငံတကာနဲ့ ပြည်ပ အဖွဲ့အစည်းရဲ့ လူသားချင်းစာနာမှု အကူအညီ တွေကို စစ်ကောင်စီက ပိတ်ထားတဲ့အတွက် ဒုက္ခသည်တွေဟာ လုံလောက်တဲ့ ကူညီထောက်ပံ့မှုမရဘဲ ဖြစ်နေ ကြရပါတယ်။ နိုင်ငံတကာနဲ့ ပြည်ပ ကူညီတဲ့ အဖွဲ့အစည်းတွေ အနေနဲ့ ရခိုင်အမျိုးသားအဖွဲ့ချုပ်က ဖွဲ့စည်းထား တဲ့ လူသားချင်းစာနာမှုနဲ့ ညှိနှိုင်းရေးဆိုင်ရာ ပူးပေါင်းဆောင်ရွက်ရေးရုံး HDCO နဲ့ ချိတ်ဆက်ပြီးတော့ လူသား ချင်းစာနာမှု လုပ်ငန်းတွေကို အခုထက်ပိုပြီး ထိထိရောက်ရောက် လုပ်ဆောင်ပေးဖို့ လိုအပ်ပါကြောင်း အလေး အနက် တိုက်တွန်း ပြောကြားလိုပါတယ်။” ရေဘေးသင့် ပြည်သူများနှင့် စစ်ဘေးရှောင်များအတွက် စားနပ်ရိက္ခာ၊ အမိုးအကာ၊ မျိုးစပါး၊ ဆေးဝါးနှင့် အမျိုး သမီး လစဉ်သုံး ပစ္စည်းများ အပါအဝင် ကျန်းမာရေး စောင့်ရှောက်မှုများလည်း အရေးပေါ်လိုအပ်နေသည်ဟု ဒေသခံများက ပြောသည်။ HDCO ၏ ဇူလိုင်လ ၂၂ ရက်နေ့ စာရင်းအရ ရခိုင်ပြည်ရှိ ကျေးရွာ ၉၀ မှ အိမ်ထောင်စု ၃,၄၆၁ စုက လူဦးရေ ၁၂,၂၄၉ ဦး ရေဘေးဒဏ်သင့်ခဲ့ပြီး အကူအညီများ လိုအပ်နေသည်။ ဤသို့ လူသားချင်းစာနာမှု အကျပ်အတည်းများ ဖြစ်နေချိန် စစ်ကော်မရှင်တပ်က AA က ထိန်းချုပ်ထားသည့် နယ်မြေများထဲသို့ လေကြောင်းမှ ဗုံးကြဲခြင်းနှင့် လက်နက်ကြီးများဖြင့် ပစ်ခတ်တိုက်ခိုက်ခြင်းများကို ဆက်လက် လုပ်နေသည်ဟု ဒေသခံများနှင့် အကူအညီပေးနေသူများက ပြောသည်။

ရခိုင်တွင် အိုးအိမ်စွန့်ခွာ နေထိုင်ရသူ ၆ သိန်းကျော် အကူအညီများ လိုအပ်နေ

ဒီးမော့ဆို အနောက်ခြမ်း စစ်ရှောင်များ အဆိုးဆုံး ဆန်ပြတ်လပ်မှုနှင့် ကြုံနေ

ဒီးမော့ဆို အနောက်ခြမ်း စစ်ရှောင်များ အဆိုးဆုံး ဆန်ပြတ်လပ်မှုနှင့် ကြုံနေ

နေရပ်ပြန်စစ်ရှောင်များအား ပအိုဝ်းပြည်သူစစ်မှ စစ်သင်တန်းပေး

နေရပ်ပြန်စစ်ရှောင်များအား ပအိုဝ်းပြည်သူစစ်မှ စစ်သင်တန်းပေး

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

အမေရိကန်၊ တောင်ကိုရီးယားနှင့် ဂျပန် ပူးတွဲ စစ်လေ့ကျင့်ချိန်တွင် မြောက်ကိုရီးယားက ဒုတိယ ဖျက်သင်္ဘော တပ်တော်ဝင် — September 7, 2026 4:30 pm
ဩစတြီးယား၌ ၁၄ နှစ်အောက် ကျောင်းသူများ ခေါင်းစွပ်ဝတ်ဆင်မှု ပိတ်ပင်သည် ဥပဒေပြဌာန်း — September 7, 2026 2:04 pm
မီးတောင်ပေါက်ကွဲမှုကြောင့် ဂျာကာတာ လေကြောင်းလိုင်းများ ရပ်ဆိုင်း — September 7, 2026 2:01 pm

Recent Posts

အမေရိကန်၊ တောင်ကိုရီးယားနှင့် ဂျပန် ပူးတွဲ စစ်လေ့ကျင့်ချိန်တွင် မြောက်ကိုရီးယားက ဒုတိယ ဖျက်သင်္ဘော တပ်တော်ဝင်
ဩစတြီးယား၌ ၁၄ နှစ်အောက် ကျောင်းသူများ ခေါင်းစွပ်ဝတ်ဆင်မှု ပိတ်ပင်သည် ဥပဒေပြဌာန်း
မီးတောင်ပေါက်ကွဲမှုကြောင့် ဂျာကာတာ လေကြောင်းလိုင်းများ ရပ်ဆိုင်း
ဖိလစ်ပိုင် ဒုတိယသမ္မတ ဆာရာ ဒူတာတေးကို ဖမ်းဝရမ်းထုတ်
ဗီယက်နမ်နှင့် မြန်မာ စစ်အုပ်စုတို့ ကာကွယ်ရေးနှင့် စီးပွားရေး ပူးပေါင်းဆောင်ရွက်ရန် သဘောတူ

Archives

Archives

×Close