နိုင်ငံတကာသတင်း

ပုပ်ရဟန်းမင်းကြီးတွင် ကင်ဆာ ရောဂါတွေ့ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၅ ရက်။ ပုပ်ရဟန်းမင်းကြီး လီယို (၁၄) ၏ အဆုတ်အတွင်းမှ အဖုအကျိတ်ကို ခွဲစိတ်ဖယ်ရှားပြီးနောက် ၎င်းတွင် အဆုတ်ကင်ဆာရောဂါ ခံစားနေရကြောင်း ဗာတီကန်နန်းတော်က တရားဝင် အတည်ပြု ထုတ်ပြန် လိုက်သည်။ ဆေးဘက်ဆိုင်ရာ စစ်ဆေးချက်များအရ ပုပ်ရဟန်းမင်းကြီး၌ ဖြစ်ပွားနေသည့် ကင်ဆာမှာ အဖြစ်များသော အဆုတ်ကင်ဆာ အမျိုးအစားတစ်ခုဖြစ်သည့် "အဒီနိုကာစီနိုမား" (Adenocarcinoma) ဖြစ်ကြောင်း သိရသည်။ ကျွမ်းကျင်သူများ၏ ပြောကြားချက်အရ အဆိုပါရောဂါမှာ အန္တရာယ်ကြီးမားသော်လည်း ရောဂါ အစောပိုင်းအဆင့်တွင် စောစီးစွာ သိရှိကုသနိုင်ပါက ပျောက်ကင်းနိုင်ခြေ မြင့်မားကြောင်းနှင့် လက်ရှိ ပုပ်ရဟန်းမင်းကြီး၏ အခြေအနေမှာလည်း ရောဂါအစောပိုင်းအဆင့်တွင် ရှိနေသည်။ အဆုတ်ကင်ဆာသည် ဆေးလိပ်သောက်သုံးခြင်းကြောင့် အဓိက ဖြစ်ပွားလေ့ရှိသော်လည်း ဆေးလိပ် မသောက်သူများတွင်လည်း လေထုညစ်ညမ်းမှု၊ ရေဒွန်ဓာတ်ငွေ့ စသည်တို့နှင့် ထိတွေ့မှုကြောင့် ဖြစ်ပွား နိုင်ကြောင်း ကျန်းမာရေးပညာရှင်များက ထောက်ပြထားသည်။ လက်ရှိတွင် ပုပ်ရဟန်းမင်းကြီးသည် ခွဲစိတ်ကုသမှုအပြီး ဆေးရုံ၌ အနားယူလျက်ရှိကြောင်း ဗာတီကန် က သတင်းထုတ်ပြန်ထားသည်။

ပုပ်ရဟန်းမင်းကြီးတွင် ကင်ဆာ ရောဂါတွေ့

ပုပ်ရဟန်းမင်းကြီးတွင် ကင်ဆာ ရောဂါတွေ့ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၅ ရက်။ ပုပ်ရဟန်းမင်းကြီး လီယို (၁၄) ၏ အဆုတ်အတွင်းမှ အဖ…

  • October 15, 2026
အနောက်အာဖရိက အွန်လိုင်းငွေလိမ်ဂိုဏ်းကို နိုင်ငံတကာ ပူးပေါင်း ဖမ်းဆီး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၅ ရက်။ အနောက်အာဖရိကဒေသရှိ အွန်လိုင်း ငွေလိမ်ကွန်ရက်များကို အမေရိကန်နှင့် ဗြိတိန်တို့ ဦးဆောင်သည့် နိုင်ငံတကာ ပူးပေါင်းစစ်ဆင်ရေးဖြင့် ပထမဆုံးအကြိမ် ဝင်ရောက်နှိမ်နင်းခဲ့ရာ သံသယရှိသူ ၂၈ ဦးကို ဖမ်းဆီးရမိခဲ့သည်ဟု AP သတင်း တပုဒ်တွင် ဖော်ပြသည်။ အဆိုပါ စစ်ဆင်ရေးအတွင်း ဂါနာနိုင်ငံတွင် ၁၉ ဦးနှင့် နီးဂျီးရီးယားနိုင်ငံ၌ ၉ ဦး ဖမ်းဆီးခဲ့ခြင်း ဖြစ်သည်။ ဂါနာအာဏာပိုင်များက နီးဂျီးရီးယားနိုင်ငံသား ၁၂၀ ကို နေရပ်သို့ ပြန်လည်ပို့ဆောင်ခဲ့သည်။ စစ်ဆင်ရေးအတွင်း လိမ်လည်မှုတွင် အသုံးပြုသည့် အီလက်ထရောနစ် ပစ္စည်း ၃၅၆ ခုကို သိမ်းဆည်းနိုင်ခဲ့သလို၊ အမေရိကန်ဒေါ်လာ ၁၁ သန်းကျော်တန်ဖိုးရှိ ပြန်လည်သိမ်းဆည်းနိုင်မည့် ရန်ပုံငွေများကိုလည်း စုံစမ်းဖော်ထုတ်နိုင်ခဲ့သည်။ ထို့ပြင် လိမ်လည်မှုနှင့် ဆက်စပ်နေသည့် လူမှုကွန်ရက်အကောင့် သုံးသန်းကျော်ကို ပိတ်သိမ်းခဲ့သည်။ ယင်းအွန်လိုင်း ငွေလိမ်လုပ်ငန်းများတွင် အတင်းအကျပ် ခိုင်းစေခြင်းခံနေရသည့် လူကုန်ကူးခံရသူ ၁၁၇ ဦးကိုလည်း ကယ်တင်နိုင်ခဲ့ကြောင်း တရားဥပဒေစိုးမိုးရေး အေဂျင်စီများက သတင်းထုတ်ပြန်သည်။ အဆိုပါ ပူးပေါင်းစစ်ဆင်ရေးကို အမေရိကန်၊ ဗြိတိန်၊ နီးဂျီးရီးယားနှင့် ဂါနာနိုင်ငံတို့မှ ရဲတပ်ဖွဲ့များ၊ ဆိုက် ဘာလုံခြုံရေး အာဏာပိုင်များအပြင် Meta, Microsoft နှင့် Google အပါအဝင် နည်းပညာကုမ္ပဏီကြီး ၁၅ ခုတို့ ပူးပေါင်းပါဝင် ဆောင်ရွက်ခဲ့ခြင်း ဖြစ်သည်။

အနောက်အာဖရိက အွန်လိုင်းငွေလိမ်ဂိုဏ်းကို နိုင်ငံတကာ ပူးပေါင်း ဖမ်းဆီး

အနောက်အာဖရိက အွန်လိုင်းငွေလိမ်ဂိုဏ်းကို နိုင်ငံတကာ ပူးပေါင်း ဖမ်းဆီး သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၅ ရက်။ အနောက်အာဖရိကဒေသ…

  • October 15, 2026
အမေရိကန် ထောက်ပံ့မှု လျော့ကျပြီး ယူကရိန်း မြို့တော် တိုက်ခိုက်ခံနေရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၅ ရက်။ အမေရိကန်သမ္မတ ဒေါ်နယ်ထရန့်နှင့် ယူကရိန်းသမ္မတ ဗိုလိုဒီမာ ဇယ်လန်းစကီးတို့အကြား ဆက်ဆံ ရေး တင်းမာလာပြီးနောက် ယူကရိန်း၏ စစ်ရေးလှုပ်ရှားမှုများတွင် နှောင့်နှေးကြန့်ကြာမှုများ ကြုံတွေ့ နေကြောင်း နိုင်ငံတကာ သတင်းများတွင် ဖော်ပြသည်။ အမေရိကန်ထုတ် စတားလင့်ခ် (Starlink) ဆက်သွယ်ရေးစနစ်များပေါ် ရုတ်တရက် ကန့်သတ်ချက်များ ချမှတ်လိုက်ခြင်းကြောင့် ယူကရိန်းစစ်တပ်၏ ဒရုန်းဆင်နွှဲမှု အရှိန်အဟုန်နှင့် ထိရောက်မှုများ လျော့ကျ သွားခဲ့ရကြောင်း တာဝန်ရှိသူများက ပြောကြားသည်။ တစ်ချိန်တည်းမှာပင် မြို့တော်ကိဗ် (Kyiv) သည် ရုရှား၏ ကြည်းကြောင်း၊ လေကြောင်း စစ်ဆင်ရေး များကို ဆက်တိုက် ရင်ဆိုင်နေရသည်။ လွန်ခဲ့သည့် ရက်ပိုင်းအတွင်း ရုရှား၏ ပဲ့ထိန်းဒုံးကျည် (၅) စင်းသည် ကိဗ်မြို့ရှိ အရပ်ဘက် အဆောက် အအုံများကို ထိမှန်ပေါက်ကွဲခဲ့သည်။ အဆိုပါ ဒုံးကျည်များ မကျရောက်မီတွင် အနောက်အုပ်စု မိတ်ဖက်နိုင်ငံများထံမှ ပုံမှန်ရရှိနေကျ ကြိုတင်သတိပေးချက်များ လုံးဝမရရှိခဲ့ကြောင်း သမ္မတ ဇယ်လန်းစကီက အတည်ပြုခဲ့သည်။ ထို့ကြောင့် အမေရိကန်ထံမှ ရရှိနေသည့် အရေးပါသော စစ်ရေးထောက်လှမ်းရေး သတင်းချက် အလက်များ ပြတ်တောက်သွားနိုင်ခြေအပေါ် စိုးရိမ်မှုများ မြင့်တက်လာခဲ့သည်။ သမ္မတ ဒေါ်နယ်ထရမ့်ကမူ အမေရိကန်အနေဖြင့် ထောက်လှမ်းရေးသတင်း မျှဝေမှုကို ရပ်တန့် ထားခြင်း မရှိကြောင်း ငြင်းဆိုထားသည်။ သို့သော်လည်း အမေရိကန် သမ္မတ ဒေါ်နယ် ထရန့်က ယူကရိန်းတွင် သမ္မတအသစ်တစ်ဦး ရွေးချယ် တင်မြှောက်သင့်ပြီဟု မကြာသေးမီက ဝေဖန်ပြောဆိုထားသည်။

အမေရိကန် ထောက်ပံ့မှု လျော့ကျပြီး ယူကရိန်း မြို့တော် တိုက်ခိုက်ခံနေရ

အမေရိကန် ထောက်ပံ့မှု လျော့ကျပြီး ယူကရိန်း မြို့တော် တိုက်ခိုက်ခံနေရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၅ ရက်။ အမေရိကန်သမ္မတ ဒေါ…

  • October 15, 2026
အိန္ဒိယနိုင်ငံ ဂင်္ဂါမြစ်အတွင်း စက်လှေမှောက်၍ ၁၃ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၄ ရက်။ အိန္ဒိယနိုင်ငံ၊ ဘီဟာပြည်နယ်ရှိ ဂင်္ဂါမြစ်အတွင်း ဒေသခံ ခရီးသည်တင် စက်လှေတစ်စင်း တိမ်းမှောက်မှုဖြစ်ပွားခဲ့ရာ ကလေးငယ်များနှင့် လူငယ်များ အပါအဝင် လူ ၁၃ ဦး ရေနစ်သေဆုံးခဲ့သည်။ အင်္ဂါနေ့ညနေပိုင်းက ခရီးသည်များသည် ဒေသတွင်း ပွဲလမ်းသဘောတူ ဧည့်ခံပွဲတစ်ခုသို့ သွားရောက်စဉ် မြစ်လယ်၌ စက်လှေ ရုတ်တရက် နိမ့်ဆင်းတိမ်းမှောက်ခဲ့ခြင်းဖြစ်သည်။ အဆိုပါ မတော်တဆမှုကြောင့် အနည်းဆုံး ၁၃ ဦး သေဆုံးကာ ၇ ဦး ဒဏ်ရာရရှိ၍ ဆေးရုံသို့ တင်ပို့ထားရသည်။ ပျောက်ဆုံးနေဆဲဖြစ်သော ခရီးသည် ၃ ဦးမှ ၄ ဦးခန့်ကိုလည်း ဒေသခံ ရေငုပ်သမားများနှင့် ကယ်ဆယ်ရေးတပ်ဖွဲ့များက ဆက်လက် ရှာဖွေလျက်ရှိသည်။ ဘီဟာပြည်နယ် ဝန်ကြီးချုပ်က ဝမ်းနည်းကြောင်း ထုတ်ပြန်ထားပြီး သေဆုံးသူ မိသားစုများအတွက် အစိုးရဘက်မှ ထောက်ပံ့ကြေးများ ပေးအပ်သွားမည်ဟု ကြေညာထားသည်။

အိန္ဒိယနိုင်ငံ ဂင်္ဂါမြစ်အတွင်း စက်လှေမှောက်၍ ၁၃ ဦး သေဆုံး

အိန္ဒိယနိုင်ငံ ဂင်္ဂါမြစ်အတွင်း စက်လှေမှောက်၍ ၁၃ ဦး သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၄ ရက်။ အိန္ဒိယနိုင်ငံ၊ ဘီဟာပြည်န…

  • October 14, 2026
ရုရှား၌ ဂျပန်သတင်းထောက်တစ်ဦးကို သူလျှိုစွဲချက်ဖြင့် ဖမ်းဆီး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၄ ရက်။ ရုရှားနိုင်ငံ၊ ဆာခါလင်ကျွန်းတွင် ဂျပန်သတင်းစာတိုက်တစ်ခုမှ သတင်းထောက်တစ်ဦးကို စစ်ဘက်ဆိုင်ရာ လျှို့ဝှက်အချက်အလက်များ စုဆောင်းသည်ဟူသော စွပ်စွဲချက်ဖြင့် ရုရှားအာဏာပိုင်များက ဖမ်းဆီးလိုက်သည်။ ရုရှားလုံခြုံရေးတပ်ဖွဲ့ (FSB) က အဆိုပါ ဂျပန်သတင်းထောက်အား မော်စကိုမြို့သို့ ခေါ်ဆောင်သွားခဲ့ပြီး တရားရုံးက ထိန်းသိမ်းမိန့် ၂ လ ချမှတ်ထားသည်။ အဆိုပါ ဖြစ်စဉ်သည် ရုရှားနှင့် ဂျပန်နှစ်နိုင်ငံအကြား ပိုင်နက်အငြင်းပွားနေသည့် ကုရစ်ကျွန်းစု ( Kuril Islands ) သို့ ရုရှားသမ္မတ ဗလာဒီမာပူတင် သွားရောက်ခဲ့ပြီးနောက် နှစ်နိုင်ငံ ဆက်ဆံရေး တင်းမာနေချိန်တွင် ဖြစ်ပွားခဲ့ခြင်းဖြစ်သည်။

ရုရှား၌ ဂျပန်သတင်းထောက်တစ်ဦးကို သူလျှိုစွဲချက်ဖြင့် ဖမ်းဆီး

ရုရှား၌ ဂျပန်သတင်းထောက်တစ်ဦးကို သူလျှိုစွဲချက်ဖြင့် ဖမ်းဆီး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၄ ရက်။ ရုရှားနိုင်ငံ၊ ဆာခါလင်က…

  • October 14, 2026
ဗြိတိန်ကို ပြည်ပ ခြိမ်းခြောက်မှု လေးဆမြင့်တက်လာဟု MI5 သတိပေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၄ ရက်။ ဗြိတိန်နိုင်ငံအပေါ် ပြည်ပနိုင်ငံများ၏ ခြိမ်းခြောက်မှုများသည် လွန်ခဲ့သည့် ဆယ်စုနှစ်တစ်ခုကထက် ၄ ဆအထိ မြင့်တက်လာကြောင်း ဗြိတိသျှ ပြည်တွင်းထောက်လှမ်းရေးအဖွဲ့ (MI5) က ထုတ်ဖော်ပြောကြားလိုက်သည်။ MI5 ၏ ထုတ်ပြန်ချက်အရ ရုရှားနိုင်ငံသည် ဗြိတိန်၏ အဓိက ရန်သူအဖြစ် ရှိနေပြီး စိုက်ပျိုးရေးနှင့် စီးပွားရေးဆိုင်ရာ ဆိုက်ဘာတိုက်ခိုက်မှုများအပြင် ဒုစရိုက်သမားများကို ငွေပေးခိုင်းစေသည့် နည်းလမ်းများကို အသုံးပြုလာနေသည်ဟု ဆိုသည်။ ထို့ပြင် အီရန်နိုင်ငံသည်လည်း ဗြိတိန်အတွင်းရှိ ဂျူးအသိုင်းအဝိုင်းများနှင့် စစ်ဘက်ဆိုင်ရာ စခန်းများကို ပစ်မှတ်ထားကာ လှုပ်ရှားမှုများ တိုးမြှင့်လုပ်ဆောင်လျက်ရှိသည်။ အကြမ်းဖက်အဖွဲ့အစည်းများသည် AI နည်းပညာကို ဒရုန်းများတွင် တပ်ဆင်ခြင်းနှင့် ဇီဝလက်နက်များ ထုတ်လုပ်ရာတွင် အလွဲသုံးစားလုပ်ရန် ကြိုးပမ်းနေကြပြီး အင်တာနက်မှတစ်ဆင့် ပြန့်နှံ့လာသည့် လက်ယာစွန်း အစွန်းရောက်မှုများလည်း တိုးတက်လာကြောင်း MI5 က သတိပေးထားသည်။ သို့ဖြစ်ပါ၍ ဗြိတိန်နိုင်ငံ၏ အကြမ်းဖက်မှု ခြိမ်းခြောက်မှုအဆင့်ကို "ဆိုးရွားသည့်အဆင့်" (Severe) အဖြစ် သတ်မှတ်ထားကြောင်း BBC သတင်းတွင် ဖော်ပြထားသည်။ #MI5

ဗြိတိန်ကို ပြည်ပ ခြိမ်းခြောက်မှု လေးဆမြင့်တက်လာဟု MI5 သတိပေး

ဗြိတိန်ကို ပြည်ပ ခြိမ်းခြောက်မှု လေးဆမြင့်တက်လာဟု MI5 သတိပေး သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၄ ရက်။ ဗြိတိန်နိုင်ငံအပေါ် ပြည…

  • October 14, 2026
Sauna က သွေးချိုဆီးချိုနှင့် နှလုံးအတွက် အကျိုးပြု၊ သုတေသီများ အသေးစိတ်လေ့လာမည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၃ ရက်။ ချွေးထုတ်ခန်း (Sauna) ကို ပုံမှန် အသုံးပြုခြင်းသည် အမျိုးအစား (၂) သွေးချို/ဆီးချိုရောဂါကို သက်သာစေပြီး နှလုံးရောဂါဖြင့် သေဆုံးနိုင်ခြေကို လျော့နည်းစေသည်ဟု လေ့လာချက်အချို့တွင် တွေ့ရှိခဲ့သည်။ သို့သော် အဆိုပါ တွေ့ရှိချက်များသည် ပြီးပြည့်စုံသည့် သုတေသနများ မဟုတ်သေးသဖြင့် Sauna ဝင်ခြင်းနှင့် အပူကုထုံးများ သုံးစွဲခြင်းက ကျန်းမာရေးကို မည်သို့ အကျိုးပြုသည်ဆိုသည်ကို ခိုင်မာသည့် ဆေးဘက်ဆိုင်ရာ အထောက်အထားများ ရရှိရန်အတွက် နိုင်ငံတကာ သိပ္ပံပညာရှင်များက စနစ်တကျ သုတေသနပြုလျက်ရှိသည်။ ပြီးခဲ့သည့် စက်တင်ဘာလနှောင်းပိုင်းက နော်ဝေးနိုင်ငံ၌ ကျင်းပခဲ့သည့် အပြည်ပြည်ဆိုင်ရာ အပူကုထုံး သုတေသန စာတမ်းဖတ်ပွဲတွင် အမေရိကန်၊ ကနေဒါနှင့် ဆွီဒင်နိုင်ငံတို့မှ သိပ္ပံပညာရှင်များ စုဝေး၍ အပူကုထုံးဆိုင်ရာ စံနှုန်းများကို စနစ်တကျ သတ်မှတ်ရန် ဆွေးနွေးခဲ့ကြသည်။ ပဏာမ သုတေသနတွေ့ရှိချက်များအရ Sauna ဝင်ခြင်းသည် ပေါ့ပေါ့ပါးပါး လေ့ကျင့်ခန်းလုပ်သကဲ့သို့ သွေးဖိအားကို ကျစေပြီး နှလုံးနှင့် သွေးကြောဆိုင်ရာ ကျန်းမာရေးကို ကောင်းမွန်စေသည်ဟု ဆိုသည်။ ထို့ပြင် အမျိုးအစား (၂) ဆီးချိုရောဂါသည်များနှင့် စိတ်ကျရောဂါ ခံစားနေရသူများအတွက်လည်း သက်သာပျောက်ကင်းမှုအချို့ ပေးနိုင်သည်ဟု ဆိုသည်။ ဖင်လန်နိုင်ငံတွင် ပြုလုပ်ခဲ့သည့် လေ့လာချက်များအရလည်း တစ်ပတ်လျှင် ၄ ကြိမ်မှ ၇ ကြိမ်အထိ Sauna ဝင်သူများသည် နှလုံးရောဂါဖြင့် သေဆုံးနိုင်ခြေ ၄၀ ရာခိုင်နှုန်းမှ ၆၀ ရာခိုင်နှုန်းအထိ လျော့နည်းကြောင်း တွေ့ရှိထားသည်။ သို့သော် ထိုတွေ့ရှိချက်များကို နိုင်ငံတကာ ဆေးဘက်ဆိုင်ရာ အဖွဲ့အစည်းများက တရားဝင် လမ်းညွှန်ချက်အဖြစ် အသိအမှတ်ပြုနိုင်ရန် ခိုင်မာသည့် စမ်းသပ်မှုများ (Randomized controlled trials) ထပ်မံပြုလုပ်ရန် လိုအပ်နေသေးကြောင်း သုတေသနပညာရှင်များက ထောက်ပြထားသည်။

Sauna က သွေးချိုဆီးချိုနှင့် နှလုံးအတွက် အကျိုးပြု၊ သုတေသီများ အသေးစိတ်လေ့လာမည်

Sauna က သွေးချိုဆီးချိုနှင့် နှလုံးအတွက် အကျိုးပြု၊ သုတေသီများ အသေးစိတ်လေ့လာမည် သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၃ ရက်။ ချွ…

  • October 13, 2026
ပုပ်ရဟန်းမင်းကြီး လီယို ၁၄ အဆုတ်ခွဲစိတ်ရန် ဆေးရုံတက်ရောက်မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၃ ရက်။ ပုပ်ရဟန်းမင်းကြီး လီယို ၁၄ (Pope Leo XIV) သည် အဆုတ်တွင် တွေ့ရှိရသည့် အဖုအကျိတ်တစ်ခုကို ဖယ်ရှားရန်အတွက် အောက်တိုဘာ ၁၃ ရက် အင်္ဂါနေ့ နံနက်ပိုင်းတွင် ရောမမြို့၌ရှိသော ဆေးရုံတစ်ခု၌ တက်ရောက် ခွဲစိတ်ကုသမှု ခံယူသွားမည်ဟု ဗာတီကန်က သတင်းထုတ်ပြန်ခဲ့သည်။ ပုပ်ရဟန်းမင်းကြီးသည် ပုံမှန် ကျန်းမာရေး စစ်ဆေးမှု ပြုလုပ်စဉ် အဆုတ်တွင် အဖုအကျိတ်တစ်ခုကို တွေ့ရှိခဲ့ခြင်းဖြစ်သည်။ ခွဲစိတ်ကုသမှု အပြီးတွင် ဆေးရုံ၌ တစ်ပတ်နီးပါး ဆေးကုသမှု ဆက်လက် ခံယူရမည်ဖြစ်သည်။ ထို့ကြောင့် အောက်တိုဘာ ၂၀ ရက်နေ့အထိ စီစဉ်ထားသည့် ပုပ်ရဟန်းမင်းကြီး၏ လူထုနှင့် တွေ့ဆုံပွဲ အခမ်းအနားများ အားလုံးကို ဖျက်သိမ်းလိုက်သည်။ ဆေးရုံဆင်းပြီးနောက်တွင် ပုပ်ရဟန်းမင်းကြီးသည် ရပ်နားထားသည့် သာသနာပြု လုပ်ငန်းများနှင့် အစည်းအဝေး ဆုံးဖြတ်ချက်များကို ပြန်လည် သုံးသပ်၍ မိန့်ခွန်းများ ဆက်လက် မြွက်ကြားသွားမည်ဟု ဗာတီကန်က ထုတ်ပြန်ထားသည်။

ပုပ်ရဟန်းမင်းကြီး လီယို ၁၄ အဆုတ်ခွဲစိတ်ရန် ဆေးရုံတက်ရောက်မည်

ပုပ်ရဟန်းမင်းကြီး လီယို ၁၄ အဆုတ်ခွဲစိတ်ရန် ဆေးရုံတက်ရောက်မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၃ ရက်။ ပုပ်ရဟန်းမင်းကြီး လီယိ…

  • October 13, 2026
တောင်ကိုရီးယား ဒုံးကျည်စမ်းသပ်အပြီး မြောက်ကိုရီးယား ဒုံးကျည်များ ထပ်မံပစ်ခတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၃ ရက်။ တောင်ကိုရီးယားနိုင်ငံက အသံထက်မြန်သည့် ဟိုက်ပါဆိုးနစ် (Hypersonic) ဒုံးပျံသစ်ကို အောင်မြင်စွာ စမ်းသပ်ပစ်ခတ်ခဲ့ပြီးနောက် မြောက်ကိုရီးယားနိုင်ငံကလည်း ပင်လယ်ပြင်အတွင်းသို့ ပဲ့ထိန်းဒုံးကျည် အများအပြား ထပ်မံ ပစ်ခတ်ခဲ့သည်။ ဒါဟာ အောက်တိုဘာလအတွင်း မြောက်ကိုရီးယား၏ ၄ ကြိမ်မြောက် ဒုံးကျည် စမ်းသပ်ပစ်ခတ်မှုလည်း ဖြစ်သည်။ တောင်ကိုရီးယား ပူးတွဲစစ်ဦးစီးချုပ်ရုံး၏ ထုတ်ပြန်ချက်အရ မြောက်ကိုရီးယားသည် တနင်္လာနေ့ နံနက်ပိုင်းက ပျံယမ်း ဧရိယာမှနေ၍ ဒုံးပျံအမျိုးအစားမျိုးစုံကို ပစ်ခတ်ခဲ့ခြင်းဖြစ်သည်။ အဆိုပါ အထဲမှ ဒုံးပျံတစ်စင်းသည် ကီလိုမီတာ ၉၀ဝ အကွာအဝေးအထိ ပျံသန်းသွားခဲ့ပြီး ပင်လယ်ပြင်အတွင်းသို့ ကျရောက်ခဲ့သည်ဟု ဆိုသည်။ တောင်ကိုရီးယား၏ မဟာဗျူဟာမြောက် ဒုံးပျံသစ် စမ်းသပ်မှုကို တုံ့ပြန်သည့်အနေဖြင့် မြောက်ကိုရီးယားက စစ်ရေးအင်အား ပြသလိုက်ခြင်းဖြစ်သည်ဟု တောင်ကိုရီးယား စစ်ဘက်က သုံးသပ်ထားသည်။

တောင်ကိုရီးယား ဒုံးကျည်စမ်းသပ်အပြီး မြောက်ကိုရီးယား ဒုံးကျည်များ ထပ်မံပစ်ခတ်

တောင်ကိုရီးယား ဒုံးကျည်စမ်းသပ်အပြီး မြောက်ကိုရီးယား ဒုံးကျည်များ ထပ်မံပစ်ခတ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၃ ရက်။ တောင်ကိ…

  • October 13, 2026
×Close