နိုင်ငံတကာသတင်း

ရူမေးနီးယား F-16 က ရေပိုင်နက်အတွင်းဝင်လာသော ခေတ်မီ ဒရုန်း ၂ စီးကို ပစ်ချ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၉ ရက်။ နေတိုး (NATO) အဖွဲ့ဝင် ရူမေးနီးယားနိုင်ငံ၏ ရေပိုင်နက်အတွင်းသို့ ခွင့်ပြုချက်မရှိဘဲ ဝင်ရောက်လာခဲ့သော ရုရှားလုပ် Geran-4 အမျိုးအစား ခေတ်မီဒရုန်းနှစ်စင်းကို ရူမေးနီးယားလေတပ်က F-16 တိုက်လေယာဉ်များဖြင့် ကြားဖြတ် ပစ်ချခဲ့ကြောင်း ကာကွယ်ရေးဝန်ကြီးဌာနက ထုတ်ပြန်သည်။ ရူမေးနီးယား ကာကွယ်ရေးဝန်ကြီးဌာန၏ ထုတ်ပြန်ချက်အရ ပြီးခဲ့သည့် စနေနေ့က အဆိုပါ ဒရုန်းနှစ်စင်းသည် နိုင်ငံပိုင် ရေပိုင်နက်အတွင်းသို့ အချိန်အနည်းငယ်စီခြားကာ ဝင်ရောက်လာခဲ့ခြင်းဖြစ်သည်။ ပစ်ချခံရသော ဒရုန်းများသည် တစ်နာရီလျှင် ကီလိုမီတာ ၄၅၀ နှုန်းဖြင့် ပျံသန်းနိုင်သည့် တာဘိုပန်ကာအင်ဂျင်သုံး ခေတ်မီဒရုန်းများဖြစ်ကြောင်းနှင့် ရူမေးနီးယားနိုင်ငံအနေဖြင့် ယခုကဲ့သို့ ဒရုန်းမျိုးကို ပထမဆုံးအကြိမ် ပစ်ချနိုင်ခြင်းဖြစ်ကြောင်း ကာကွယ်ရေးဝန်ကြီးက ပြောကြားခဲ့သည်။ ယူကရိန်းနိုင်ငံနှင့် နယ်နိမိတ်ချင်း ထိစပ်နေသည့် ရူမေးနီးယားနိုင်ငံသည် ရုရှား၏ ဒရုန်းကျူးကျော်မှုများနှင့် ပင်လယ်နက်အတွင်း ကုန်တင်သင်္ဘောများ တိုက်ခိုက်ခံရမှုများကြောင့် လုံခြုံရေးအတွက် စိုးရိမ်ပူပန်လျက်ရှိပြီး နေတိုးအဖွဲ့ကလည်း နယ်မြေလုံခြုံရေးအတွက် ၂၄ နာရီ အသင့်ရှိနေကြောင်း တုံ့ပြန်ထားသည်။

ရူမေးနီးယား F-16 က ရေပိုင်နက်အတွင်းဝင်လာသော ခေတ်မီ ဒရုန်း ၂ စီးကို ပစ်ချ

ရူမေးနီးယား F-16 က ရေပိုင်နက်အတွင်းဝင်လာသော ခေတ်မီ ဒရုန်း ၂ စီးကို ပစ်ချ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၉ ရက်။ နေတိုး (NATO…

  • October 19, 2026
ယူကရိန်းက LGBTQI+ အခွင့်အရေးများပါသော လူ့အခွင့်အရေး မဟာဗျူဟာအသစ် အတည်ပြု သတင်းနှင့် မီဒီယာ ကွန်ရက်။ ၂၀၂၆ ခုနှစ် အောက်တိုဘာလ ၁၉ ရက်။ ယူကရိန်းသမ္မတ ဗိုလိုဒီမာ ဇယ်လန်းစကီးသည် နိုင်ငံ၏ လူ့အခွင့်အရေး မဟာဗျူဟာ အသစ်တစ်ရပ်ကို အတည်ပြု လက်မှတ်ရေးထိုးခဲ့ရာတွင် LGBTQI+ အခွင့်အရေးများကိုပါ ထိခိုက်လွယ်နိုင်ခြေရှိသော အုပ်စုတစ်စုအဖြစ် ထည့်သွင်းအသိအမှတ်ပြု ဖော်ပြထားသည်။ အောက်တိုဘာ ၁၂ ရက်စွဲဖြင့် အတည်ပြုထုတ်ပြန်ခဲ့သော အဆိုပါ မဟာဗျူဟာသည် ဥရောပသမဂ္ဂ (EU) အဖွဲ့ဝင်ဖြစ်ရေး ကြိုးပမ်းမှုများနှင့် တိုက်ရိုက်ဆက်စပ်နေပြီး ယူကရိန်းနိုင်ငံ၏ ဥပဒေများကို ဥရောပစံချိန်စံညွှန်းများနှင့်အညီ ချိန်ညှိဆောင်ရွက်ရန် ရည်ရွယ်သည်။ စစ်ဘေးဒဏ်နှင့် လူမှုရေးအခြေအနေများကြောင့် အခွင့်အရေး ချိုးဖောက်ခံရနိုင်ခြေ မြင့်မားသည့် ကလေးသူငယ်များ၊ မသန်စွမ်းသူများ၊ စစ်ပြန်များနှင့် မိသားစုဝင်များ၊ စစ်ဘေးရှောင်များ၊ တိုင်းရင်းသား လူနည်းစုများအပြင် LGBTQI+ လူမျိုးစုများကိုပါ အခွင့်အရေး ကာကွယ်ရမည့် အုပ်စုများအဖြစ် ထည့်သွင်းထားခြင်း ဖြစ်သည်။ အဆိုပါ မဟာဗျူဟာ၏ အောင်မြင်မှုကို ခွဲခြားဆက်ဆံမှု တိုင်ကြားချက်များ၊ မုန်းတီးမှုကြောင့် ကျူးလွန်သည့် ရာဇဝတ်မှု (Hate crimes) စာရင်းများနှင့် အခမဲ့ တရားဥပဒေ အကူအညီ ရယူသူဦးရေ စသည့် အညွှန်းကိန်းသုံးရပ်ဖြင့် တိုင်းတာသွားမည်ဖြစ်ပြီး လိုအပ်သည့် ရန်ပုံငွေများကို နိုင်ငံတော်နှင့် ဒေသန္တရဘတ်ဂျက်များမှ နှစ်အလိုက် သုံးစွဲသွားမည်ဖြစ်သည်။ #LGBTQI+

ယူကရိန်းက LGBTQI+ အခွင့်အရေးများပါသော လူ့အခွင့်အရေး မဟာဗျူဟာအသစ် အတည်ပြု

ယူကရိန်းက LGBTQI+ အခွင့်အရေးများပါသော လူ့အခွင့်အရေး မဟာဗျူဟာအသစ် အတည်ပြု သတင်းနှင့် မီဒီယာ ကွန်ရက်။၂၀၂၆ ခုနှစ် အောက်တိုဘာလ ၁၉ ရက်။ယူကရိန်းသမ္မတ ဗို…

  • October 19, 2026
ဥရောပနိုင်ငံများတွင် ဆန္ဒပြပွဲများနှင့် အဓိကရုဏ်းများ ဖြစ်ပွား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၉ ရက်။ ပြင်သစ်၊ အီတလီနှင့် အယ်လ်ဘေးနီးယားနိုင်ငံတို့တွင် လူနေမှုစရိတ် ကြီးမြင့်လာမှု၊ အများပြည်သူဆိုင်ရာ ဝန်ဆောင်မှု ယိုယွင်းမှုနှင့် အစိုးရ၏ အကျင့်ပျက်ခြစားမှုများကို ကန့်ကွက်သည့် လူထုဆန္ဒပြပွဲများ ပြင်းထန်လာပြီး အချို့နေရာများတွင် အဓိကရုဏ်းများအထိ ဖြစ်ပွားခဲ့သည်။ ပြင်သစ်နိုင်ငံ၊ ပါရီမြို့တော်နှင့် အခြားမြို့ကြီးများတွင် လူအများအပြား ငြိမ်းချမ်းစွာ ဆန္ဒပြခဲ့ကြသော်လည်း အကြမ်းဖက်အုပ်စုများက အများပြည်သူဆိုင်ရာ အဆောက်အအုံများကို ဖျက်ဆီးခြင်း၊ စူပါမားကတ်များနှင့် ဆိုင်များကို ဝင်ရောက်လုယက်ခြင်းများ လုပ်ဆောင်ခဲ့ကြသည်။ ဆန္ဒပြသူ ၅ သိန်းခွဲမှ ၈ သိန်းနီးပါးအထိ ပါဝင်ခဲ့ပြီး လုံခြုံရေးတပ်ဖွဲ့များက လူ ၁,၂၀၀ ကျော်ကို ဖမ်းဆီးထိန်းသိမ်းခဲ့ကာ အစိုးရအနေဖြင့် အကြမ်းဖက်မှုများကို လုံးဝလျော့ပေးမည်မဟုတ်ကြောင်း ပြင်သစ်ဝန်ကြီးချုပ်က သတိပေးထားသည်။ အလားတူ အီတလီနိုင်ငံ၊ မီလန်မြို့တွင်လည်း ဆန္ဒပြသူများနှင့် ရဲတပ်ဖွဲ့ကြား ထိပ်တိုက်ရင်ဆိုင်မှုများ ဖြစ်ပွားခဲ့ရာ ရဲတပ်ဖွဲ့က ရာဘာကျည်ဆံများ၊ မျက်ရည်ယိုဗုံးများနှင့် ရေအမြောက်များ အသုံးပြုကာ လူစုခွဲခဲ့ရပြီး အီတလီဝန်ကြီးချုပ် ဂျော်ဂျီယာ မယ်လိုနီက အရေးပေါ် အစိုးရအစည်းအဝေး ခေါ်ယူသွားမည်ဖြစ်ကြောင်း ထုတ်ပြန်ထားသည်။ ထို့ပြင် အယ်လ်ဘေးနီးယားနိုင်ငံ၊ တီရာနာမြို့တွင်လည်း အစိုးရ၏ အကျင့်ပျက်ခြစားမှုကို ဆန့်ကျင်သည့် ဆန္ဒပြပွဲများ ၅ ရက်ဆက်တိုက် ဖြစ်ပွားနေပြီး ဆန္ဒပြသူများက ယာယီအစိုးရတစ်ရပ် ဖွဲ့စည်းပေးရန်နှင့် ရွေးကောက်ပွဲအသစ် ကျင်းပပေးရန် တောင်းဆိုလျက်ရှိသည်။

ဥရောပနိုင်ငံများတွင် ဆန္ဒပြပွဲများနှင့် အဓိကရုဏ်းများ ဖြစ်ပွား

ဥရောပနိုင်ငံများတွင် ဆန္ဒပြပွဲများနှင့် အဓိကရုဏ်းများ ဖြစ်ပွား သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၉ ရက်။ ပြင်သစ်၊ အီတလီနှင့် အယ…

  • October 19, 2026
ဗီယက်နမ်နှင့် EFTA တို့ လွတ်လပ်သော ကုန်သွယ်ရေးသဘောတူစာချုပ် လက်မှတ်ရေးထိုး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၉ ရက်။ ဗီယက်နမ်နိုင်ငံသည် ဥရောပ လွတ်လပ်သော ကုန်သွယ်ရေးအသင်း (EFTA) နှင့် အဓိကကျသော လွတ်လပ်သော ကုန်သွယ်ရေး သဘောတူစာချုပ်ကို ဟနွိုင်းမြို့၌ တရားဝင် လက်မှတ်ရေးထိုးလိုက်သည်။ အရှေ့တောင်အာရှ၏ စီးပွားရေး တဟုန်ထိုး ဖွံ့ဖြိုးတိုးတက်နေသည့် ဗီယက်နမ်နိုင်ငံနှင့် အိုင်စလန်၊ လစ်တန်စတိန်း၊ နော်ဝေ၊ ဆွစ်ဇာလန်နိုင်ငံများ ပါဝင်သော EFTA အသင်းတို့သည် ၂၀၁၂ ခုနှစ်ကတည်းက စတင်ဆွေးနွေးခဲ့ကြပြီးနောက် အောက်တိုဘာ ၁၈ ရက်က ယခုကဲ့သို့ သဘောတူညီချက် ရယူခဲ့ခြင်း ဖြစ်သည်။ အဆိုပါ သဘောတူညီချက်အရ စက်မှုလက်မှု၊ ရေထွက်ပစ္စည်းနှင့် စိုက်ပျိုးရေးထွက်ကုန်များအပေါ် အကောက်ခွန်များကို လျှော့ချခြင်း သို့မဟုတ် အခွန်ကင်းလွတ်ခွင့်ပြုခြင်းများ လုပ်ဆောင်သွားမည်ဖြစ်သည်။ ထို့ပြင် ကုန်စည်နှင့် ဝန်ဆောင်မှု ကုန်သွယ်ရေး၊ ဉာဏပစ္စည်း မူပိုင်ခွင့်နှင့် ရေရှည်တည်တံ့သော ဖွံ့ဖြိုးတိုးတက်ရေး လုပ်ငန်းစဉ်များကိုလည်း ထည့်သွင်းချုပ်ဆိုထားသည်။ အမေရိကန်သမ္မတ ဒေါ်နယ်ထရန့်၏ အကောက်ခွန် မူဝါဒများကြောင့် ကမ္ဘာ့ကုန်သွယ်ရေးတွင် မသေချာမရေရာမှုများ မြင့်တက်နေချိန်၌ ဈေးကွက်များကို ကွဲပြားစုံလင်စေရန်နှင့် ကုန်သွယ်ရေး မိတ်ဖက်အသစ်များ ရှာဖွေရန် ယခုကဲ့သို့ ဆောင်ရွက်ခဲ့ခြင်းဖြစ်သည်။ ပြီးခဲ့သည့်နှစ်က နှစ်ဖက်ကုန်သွယ်မှုပမာဏမှာ ယူရို ၄ ဒသမ ၈ ဘီလီယံ (အမေရိကန်ဒေါ်လာ ၅ ဒသမ ၄ ဘီလီယံ) ရှိခဲ့သည်။ #EFTA

ဗီယက်နမ်နှင့် EFTA တို့ လွတ်လပ်သော ကုန်သွယ်ရေးသဘောတူစာချုပ် လက်မှတ်ရေးထိုး

ဗီယက်နမ်နှင့် EFTA တို့ လွတ်လပ်သော ကုန်သွယ်ရေးသဘောတူစာချုပ် လက်မှတ်ရေးထိုး သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၉ ရက်။ ဗီယက်နမ်နိ…

  • October 19, 2026
တောမီးငြှိမ်းသတ်ရေးအတွက် နိုင်ငံတကာအကူအညီ လက်ခံရန် အင်ဒိုနီးရှား သမ္မတ သဘောတူ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၆ ရက်။ အင်ဒိုနီးရှားနိုင်ငံ၌ ဆယ်စုနှစ်တစ်ခုကျော်အတွင်း အဆိုးရွားဆုံး ဖြစ်ပွားနေသည့် တောမီးလောင်ကျွမ်းမှုများကို ထိန်းချုပ်ရန် အိမ်နီးချင်းနိုင်ငံများ၏ အကူအညီကို လက်ခံရန် သမ္မတ ပရာဘိုဝို ဆူဘီယန်တို က သဘောတူလိုက်ပြီဖြစ်ကြောင်း အင်ဒိုနီးရှား နိုင်ငံခြားရေးဝန်ကြီးက သောကြာနေ့တွင် ပြောကြားသည်။ လပေါင်းများစွာ ဆက်တိုက် ဖြစ်ပွားနေသည့် တောမီးကြောင့် ထွက်ပေါ်လာသော ပြင်းထန်သည့် မီးခိုးမြူနှင်းများ (Haze) ကြောင့် အင်ဒိုနီးရှားနိုင်ငံသား သောင်းနှင့်ချီ အသက်ရှူလမ်းကြောင်းဆိုင်ရာ ရောဂါများ ခံစားနေရသည်။ ထို့ပြင် မီးခိုးမြူများသည် အိမ်နီးချင်း မလေးရှား၊ စင်ကာပူနှင့် အရှေ့တီမော နိုင်ငံများအထိ ပျံ့နှံ့သွားသဖြင့် အချို့ဒေသများတွင် ကျောင်းများကိုပါ ပိတ်ထားခဲ့ရသည်။ မလေးရှားနိုင်ငံက မီးငြှိမ်းသတ်ရေး ရဟတ်ယာဉ်များ၊ လေယာဉ်များနှင့် တပ်ဖွဲ့ဝင်များကို ကူညီရန် ကမ်းလှမ်းထားသကဲ့သို့ စင်ကာပူနိုင်ငံကလည်း အကူအညီပေးရန် အသင့်ရှိကြောင်း ကြေညာထားသည်။ လက်ရှိတွင် အင်ဒိုနီးရှား သဘာဝဘေးအန္တရာယ်ဆိုင်ရာ စီမံခန့်ခွဲမှုအေဂျင်စီ (BNPB) က အဆိုပါ အကူအညီများကို အမြန်ဆုံး အကောင်အထည်ဖော်နိုင်ရန် စီစဉ်လျက်ရှိသည်။ တောမီးလောင်ကျွမ်းမှုသည် ဆူမားတြားနှင့် ဘော်နီယို ကျွန်းများရှိ ပီတမြေ (Peatland) များတွင် အဆိုးရွားဆုံး ဖြစ်ပွားနေခြင်း ဖြစ်သည်။ ထို့အပြင် ဂျာဗားကျွန်းအရှေ့ပိုင်းရှိ အမျိုးသားဥယျာဉ်၌ ဖြစ်ပွားသည့် တောမီးကြောင့် မီးငြှိမ်းသတ်သူ ၄ ဦး သေဆုံးပြီး ၂ ဦး ပြင်းထန်စွာ ဒဏ်ရာရရှိခဲ့သည်ဟု ဆိုသည်။ #Indonediawildfire

တောမီးငြှိမ်းသတ်ရေးအတွက် နိုင်ငံတကာအကူအညီ လက်ခံရန် အင်ဒိုနီးရှား သမ္မတ သဘောတူ

တောမီးငြှိမ်းသတ်ရေးအတွက် နိုင်ငံတကာအကူအညီ လက်ခံရန် အင်ဒိုနီးရှား သမ္မတ သဘောတူ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၆ ရက်။ အင်ဒိုန…

  • October 16, 2026
ပါကစ္စတန်တွင် ကျောင်းခေါင်မိုးပြိုကျ၍ အနည်းဆုံး ကလေးငယ် နှင့် ဆရာ/မ ၃၄ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၆ ရက်။ ပါကစ္စတန်နိုင်ငံ မြောက်ပိုင်း ပက်ရှာဝါ (Peshawar) မြို့ရှိ ပုဂ္ဂလိကကျောင်းတစ်ကျောင်း၏ ခေါင်မိုးပြိုကျမှုကြောင့် ကလေးငယ် ၃၄ ဦးထက်မနည်းနှင့် ဆရာမတစ်ဦး သေဆုံးကာ လူ ၅၀ ကျော် ဒဏ်ရာရရှိခဲ့သည်။ ယင်းသည် ပါကစ္စတန်သမိုင်းတွင် အဆိုးရွားဆုံး အဆောက်အအုံ ပြိုကျမှုများထဲမှ တစ်ခုဖြစ်သည်။ ကြာသပတေးနေ့က အယ်လ်ခိုင်ယာ (Al-Khair) ပုဂ္ဂလိကကျောင်း၌ ဒုတိယတန်းနှင့် တတိယတန်း ကျောင်းသား၊ ကျောင်းသူများ စာသင်နေစဉ် စာသင်ခန်းနှစ်ခန်း၏ ခေါင်မိုးများ ရုတ်တရက် ပြိုကျခဲ့ခြင်း ဖြစ်သည်။ သေဆုံး ဒဏ်ရာရသူ အများစုမှာ အသက် ၆ နှစ်မှ ၁၂ နှစ်ကြား ကလေးငယ်များ ဖြစ်ကြသည်။ ဖြစ်စဉ်ဖြစ်ပွားပြီးနောက် အရေးပေါ်ကယ်ဆယ်ရေးအဖွဲ့များနှင့် ဒေသခံများသည် မိနစ်ပိုင်းအတွင်း ရောက်ရှိလာပြီး ကယ်ဆယ်ရေးလုပ်ငန်းများကို အရှိန်အဟုန်ဖြင့် ဆောင်ရွက်ခဲ့ရာ လက်ရှိတွင် ပိတ်မိနေသူ အားလုံးကို ထုတ်ယူနိုင်ခဲ့ပြီ ဖြစ်သည်။ ကျောင်းအဆောက်အအုံသည် စံချိန်စံညွှန်း မမီဘဲ ကြံ့ခိုင်မှု အားနည်းနေကြောင်း တွေ့ရှိရသဖြင့် ကျောင်းပိုင်ရှင်ကို ရဲတပ်ဖွဲ့က ဖမ်းဆီးထိန်းသိမ်းလိုက်ပြီး၊ တာဝန်ရှိသူများက သီးခြားစုံစမ်းစစ်ဆေးရေးကော်မတီ ဖွဲ့စည်း၍ စုံစမ်းစစ်ဆေးမှုများ စတင်နေပြီ ဖြစ်သည်။ #Peshawar

ပါကစ္စတန်တွင် ကျောင်းခေါင်မိုးပြိုကျ၍ အနည်းဆုံး ကလေးငယ် နှင့် ဆရာ/မ ၃၄ ဦး သေဆုံး

ပါကစ္စတန်တွင် ကျောင်းခေါင်မိုးပြိုကျ၍ အနည်းဆုံး ကလေးငယ် နှင့် ဆရာ/မ ၃၄ ဦး သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၆ ရက်။ ပါကစ…

  • October 16, 2026
ဆရာမမွေခေါင်ရေ စခရစ် ပို့ထားပြီနော်

တရုတ်နှင့် မြောက်ကိုရီးယား နယ်စပ်ဖြတ်ကျော်မြစ်ကူးတံတားသစ် ဖွင့်လှစ်

တရုတ်နှင့် မြောက်ကိုရီးယား နယ်စပ်ဖြတ်ကျော်မြစ်ကူးတံတားသစ် ဖွင့်လှစ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၆ ရက်။ တရုတ်နိုင်ငံနှင့်…

  • October 16, 2026
အမေရိကန်နှင့် မြန်မာစစ်အုပ်စုတို့ ဒုတိယအကြိမ်အဖြစ် ဂျပန်တွင် တိုက်ရိုက် တွေ့ဆုံ သတင်းနှင့် မီဒီယာ ကွန်ရက်။ ၂၀၂၆ ခုနှစ် အောက်တိုဘာလ ၁၆ ရက်။ အမေရိကန်အစိုးရနှင့် မြန်မာစစ်ကောင်စီ တာဝန်ရှိသူများသည် ဂျပန်နိုင်ငံ၊ တိုကျိုမြို့၌ လျှို့ဝှက်တွေ့ဆုံဆွေးနွေးပွဲတစ်ရပ် ထပ်မံပြုလုပ်ခဲ့ကြောင်း သတင်းရင်းမြစ်များကို ကိုးကား၍ ရိုက်တာနှင့် ဘီဘီစီ သတင်းဌာနများက ဖော်ပြသည်။ ယင်း သည် တစ်လအတွင်း နှစ်ဘက်ဒုတိယအကြိမ် တိုက်ရိုက်တွေ့ဆုံမှု ဖြစ်သည်။ လွန်ခဲ့သည့် စက်တင်ဘာလလယ်က အမေရိကန်နိုင်ငံခြားရေးဌာန အဆင့်မြင့်အရာရှိ မိုက်ကယ်ဗန့်စ် (Michael Vance) ဦးဆောင်သော အဖွဲ့သည် နေပြည်တော်၌ စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် သွားရောက်တွေ့ဆုံခဲ့ပြီးနောက် အဆိုပါ ဆွေးနွေးပွဲ ဒုတိယပိုင်းကို တိုကျိုမြို့၌ ဆက်လက်ကျင်းပခဲ့ခြင်း ဖြစ်သည်။ အစောပိုင်း ဆွေးနွေးပွဲများတွင် အမေရိကန်နိုင်ငံသားများကို ပစ်မှတ်ထား လိမ်လည်နေသည့် မြန်မာနိုင်ငံအတွင်းရှိ အွန်လိုင်းငွေလိမ် (ကျားဖြန့်) စခန်းများ ပိတ်သိမ်းရေးနှင့် ထိန်းသိမ်းခံ အမေရိကန်နိုင်ငံသားတစ်ဦး လွတ်မြောက်ရေးတို့ကို အဓိကထား ဆွေးနွေးခဲ့သည်။ ထို့အပြင် လျှပ်စစ်ကားနှင့် အဆင့်မြင့်နည်းပညာ ထုတ်ကုန်များအတွက် မရှိမဖြစ် လိုအပ်သည့် မြန်မာနိုင်ငံ၏ ရှားပါးမြေရှားသတ္တု (Rare Earth) ထုတ်လုပ်မှုဆိုင်ရာ အချက်အလက်များကိုပါ အမေရိကန်ဘက်က စိတ်ဝင်စားမှုရှိနေကြောင်း စစ်ရေးနှင့် နိုင်ငံရေးလေ့လာသူများက သုံးသပ်သည်။ ၂၀၂၁ ခုနှစ် စစ်အာဏာသိမ်းပြီးနောက်ပိုင်း စစ်ကောင်စီကို ဖယ်ကြဉ်ထားခဲ့သည့် အမေရိကန်၏ နိုင်ငံခြားရေးပေါ်လစီသည် လက်ရှိတွင် အမျိုးသားအကျိုးစီးပွားနှင့် စီးပွားရေးဆိုင်ရာ လိုအပ်ချက်များအပေါ် အခြေခံသည့် လက်တွေ့ဆန်သော (Transactional) ချဉ်းကပ်မှုဘက်သို့ ပြောင်းလဲလာကြောင်း သတင်းများတွင် သုံးသပ်ထားသည်။ တစ်ဖက်တွင်လည်း ဆွေးနွေးပွဲကို အိမ်ရှင်အဖြစ် လက်ခံကျင်းပပေးသည့် ဂျပန်နိုင်ငံသည် စစ်ကောင်စီနှင့် တရားဝင် မဟုတ်သည့်တိုင် အဆင့်မြင့် ထိတွေ့ဆက်ဆံမှုများကို ပြန်လည်စတင်ရန် ကြိုးပမ်းနေပြီး၊ ပြည်တွင်းရှိ ဂျပန်ရင်းနှီးမြှုပ်နှံမှုများနှင့် စီးပွားရေးလုပ်ငန်းများကို ကာကွယ်ရန် လုပ်ဆောင်နေခြင်းဖြစ်သည်ဟု ဆိုသည်။ #MichaelVance

အမေရိကန်နှင့် မြန်မာစစ်အုပ်စုတို့ ဒုတိယအကြိမ်အဖြစ် ဂျပန်တွင် တိုက်ရိုက် တွေ့ဆုံ

အမေရိကန်နှင့် မြန်မာစစ်အုပ်စုတို့ ဒုတိယအကြိမ်အဖြစ် ဂျပန်တွင် တိုက်ရိုက် တွေ့ဆုံ သတင်းနှင့် မီဒီယာ ကွန်ရက်။၂၀၂၆ ခုနှစ် အောက်တိုဘာလ ၁၆ ရက်။ အမေရိက…

  • October 16, 2026
ခွေးငယ်လေးများက ခွေးကြီးများထက် အသက်ရှည်ရသည့် အကြောင်းရင်းကို ရှာတွေ့ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၅ ရက်။ ခွေးမျိုးစိတ်များအနက် ခွေးကြီးများသည် ခွေးသေးသေးလေးများထက် အသက်အရွယ် ကြီးရင့်မှု ပိုမိုမြန်ဆန်ပြီး သက်တမ်းတိုရသည့် ဇီဝဗေဒဆိုင်ရာ အကြောင်းအရင်းကို သိပ္ပံပညာရှင်များ စုံစမ်း ဖော်ထုတ်နိုင်ခဲ့သည်။ အမေရိကန်ပြည်ထောင်စု Arizona State တက္ကသိုလ်မှ သုတေသီများ ဦးဆောင်သည့် "ခွေး အသက်ကြီးရင့်မှု စီမံကိန်း" (Dog Aging Project) မှ ခွေးပေါင်း ၈၆၄ ကောင်၏ DNA များကို လေ့လာဆန်းစစ်ခဲ့ကြခြင်းဖြစ်သည်။ လေ့လာမှုအရ ခွေးများ၏ DNA အတွင်းရှိ 'Jumping Genes' သို့မဟုတ် နေရာရွှေ့ပြောင်းနိုင်သော မျိုးဗီဇဓာတ်များ (ထိန်ချုပ်မှုစနစ်) သည် အသက်ကြီးလာသည်နှင့်အမျှ လျော့နည်းလာသည်ကို တွေ့ရှိရသည်။ အဆိုပါ ထိန်းချုပ်မှု လျော့နည်းသွားသည့်အခါ မျိုးဗီဇများ ပျက်စီးကာ ကင်ဆာနှင့် အခြား အသက် အရွယ်ဆိုင်ရာ ရောဂါများကို ပိုမိုဖြစ်ပွားစေသည်။ အထူးသဖြင့် ခွေးကြီးများသည် ခွေးသေးများထက် အဆိုပါ မျိုးဗီဇ ထိန်းချုပ်မှု လော့ကျသွားသည့်နှုန်း သည် ကိန်းဂဏန်းအားဖြင့် တစ်နှစ်လျှင် ၃၅ ရာခိုင်နှုန်းမက ပိုမိုမြန်ဆန်နေကြောင်း တွေ့ရှိရသည်။ ဒါ့အပြင် လေ့လာမှုတွင် ခွေးအထီးနှင့် ခွေးအမများအကြား အသက်ကြီးရင့်မှု ပုံစံ ကွဲပြားပြီး ခွေးအမ များက အသက်ပိုရှည်ကြောင်း တွေ့ရှိခဲ့ရသည်။ အဆိုပါ တွေ့ရှိချက်သည် ခွေးများအတွက်သာမက လူသားများ၏ သက်တမ်းရှည်ရေးနှင့် အသက်ကြီး ရင့်မှုဆိုင်ရာ ဆေးဝါးသုတေသနများအတွက်ပါ အထောက်အကူပြုနိုင်မည်ဟု သုတေသီများက မျှော် လင့်နေကြသည်။

ခွေးငယ်လေးများက ခွေးကြီးများထက် အသက်ရှည်ရသည့် အကြောင်းရင်းကို ရှာတွေ့

ခွေးငယ်လေးများက ခွေးကြီးများထက် အသက်ရှည်ရသည့် အကြောင်းရင်းကို ရှာတွေ့ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၅ ရက်။ ခွေးမျိုးစိတ်မျ…

  • October 15, 2026
×Close