မိုးကုတ်မြို့ – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Tag Archive

Tag: မိုးကုတ်မြို့

ရှမ်းမြောက် ဗုံးကြဲမှု အရပ်သား ထိခိုက်မှုများရှိနေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။ ရှမ်းမြောက်ဒေသထဲက သီပေါမြို့နှင့် မိုင်းငေါ့မြို့နယ်တို့အား စစ်ကောင်စီတပ်က လေကြောင်းမှ ဗုံးကြဲတိုက်ခိုက် ခဲ့ရာ အရပ်သား ထိမှန်သေဆုံးမှုများ ရှိခဲ့သည်။ မိုင်းငေါမြို့နယ်ထဲက မန်ပင့်တံတားကို စစ်တပ်က လေကြောင်းမှ ဗုံးကြဲတိုက်ခိုက်မှုကြောင့် ခရီးသွားပြည်သူ တစ်ဦး သေဆုံးခဲ့ပြီး၊ ၃ ဦး ထိမှန် ဒဏ်ရာ ရရှိခဲ့သည် ဟု တအာင်းတပ်မတော် TNLA က ထုတ်ပြန်ထားသည်။   ဇူလိုင်လ ၁၅ ရက်နေ့၊ နေ့လည် ၁၂ နာရီ၊ ၅၀ မိနစ် အချိန်တွင် စစ်ကောင်စီတပ်က မိုင်းငေါ့မြို့နယ်ထဲက မန်ပင့် တံတားနား တဝိုက်ကို ပေါင်း ၂၅၀ ဗုံး နှစ်လုံး လာကြဲသွားခြင်း ဖြစ်သည်။ မြေပြင် သတင်းအရင်းအမြစ် တစ်ဦးက “စစ်ကောင်စီက ဂျက်ဖိုက်တာနဲ့ ဗုံးကြဲသွားတာ။ ပေါင် ၂၅၀ ဗုံးနော် နှစ်လုံး လာကြဲတယ်။ ဗုံးက မန်ပင့်တံတားနားမှာ ကျပေါက်တော့ အပျက်အစီးရှိတယ်။ ဒီတံတားက မိုင်းငေါ့ - ကျောက်မဲ အထွက်ပေါ့နော်။ ဗုံးကြောင့် ဒီမန်ပင့်တံတားလည်း ဗုံးစထိမှန်ပြီး ပျက်စီးသွားတယ်” ဟု ပြော သည်။ အလားတူ ရှမ်းမြောက်ဒေသထဲ သီပေါမြို့ကိုလည်း စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ ဒေသခံ နှစ်ဦး သေဆုံးခဲ့ပြီး ၅ ဦး ထိမှန်ဒဏ်ရာ ရခဲ့သည်။ ဒေသခံ အမျိုးသား နှစ်ဦး ပွဲချင်းပြီး သေဆုံးခဲ့သည့်အပြင် အမျိုးသမီးတစ်ဦး၊ အမျိုးသား ၄ ဦး ထိမှန်ဒဏ်ရာ ရခဲ့သည်ဟု သီပေါမြို့ခံများက ပြောသည်။ သီပေါမြို့ပေါ်က တောင်မြို့ရပ်ကွက်ကို ဇူလိုင်လ ၁၄ ရက်နေ့၊ ညနေ ၆ နာရီအချိန်ခန့်တွင် လေယာဉ်ဖြင့် ဗုံးကြဲ တိုက်ခိုက်ခဲ့ခြင်း ဖြစ်သည်။ သီပေါ ဒေသခံတစ်ဦးက “ကျနော်တို့ သီပေါ တောင်မြို့ရပ်ကွက်မှာ ကျတာ။ သေတာက အမျိုးသား နှစ်ယောက်နော်။ သေသွားတဲ့ နှစ်ယောက်က ဒီရွှေလုံးအလှပြင်ဆိုင် ပိုင်ရှင်နဲ့ ဆိုင်ရှေ့မှာရှိနေတဲ့ ဆိုင်ကယ် ကယ်ရီသမားပေါ့နော်။ သေသွားတဲ့လူတွေကလည်း ကိုယ့်အသိတွေပဲ။ စိတ်မကောင်းဘူးဗျာ” ဟု ပြောသည်။ ထို့အပြင် လေကြောင်း ဗုံးကြဲတိုက်ခိုက်ခံရမှုထဲ၌ နေအိမ် ၅ လုံးလည်း ထိမှန်ပျက်စီးသွားခဲ့သည်။ သီပေါမြို့အား ဇူလိုင်လ ၁၄ ရက်နေ့ လေကြောင်းတိုက်ခိုက်မှုမှာ ယခုလအတွင်း ဒုတိယအကြိမ်ဖြစ်ပြီး ဇူလိုင် ၄ ရက်ကလည်း သီပေါမြို့ကို စစ်တပ်က ဂျက်ဖိုက်တာဖြင့် ပေါင် ၂၅၀ ဗုံး ၂ လုံး ကြဲချတိုက်ခိုက်ခဲ့ရာ အစိုးရ အဆောက်အအုံ ၅ လုံးနှင့် နေအိမ် ၈ လုံးထက်မနည်း ထိမှန်ပျက်စီးခဲ့သည်။ ဇွန်လ ၂၉ ရက်နေ့မှ ဇူလိုင်လ ၁၄ ရက်နေ့အထိ စစ်ကောင်စီတပ်က၏ လေကြောင်းဗုံးကြဲမှုများမှာ ကျောက်မဲမြို့ အား ၆ ကြိမ်၊ နောင်ချိုမြို့နယ်၌ တစ်ကြိမ်၊ မိုးကုတ်မြို့ကို နှစ်ကြိမ်နှင့် သီပေါမြို့ကို ၂ ကြိမ် တိုက်ခိုက်ခဲ့သည်ဟု တအာင်းတပ် TNLA ထုတ်ပြန်ထားသည်။

ရှမ်းမြောက် ဗုံးကြဲမှု အရပ်သား ထိခိုက်မှုများရှိနေ

လေကြောင်း တိုက်ခိုက်မှုကြောင့် မိုးကုတ်မှ ကလေး ၅ ဦး သေ၊ ၅ ဦး ဒဏ်ရာရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၀ ရက်။  မန္တလေးတိုင်း၊ ပြင်ဦးလွင်ခရိုင်၊ မိုးကုတ်မြို့တွင် စစ်ကောင်စီတပ်၏ လေကြောင်း တိုက်ခိုက်မှုကြောင့် ကလေး ၅ ဦး သေဆုံးပြီး ၅ ဦး ပြင်းထန်ဒဏ်ရာများ ရရှိသည်ဟု ဒေသတွင်း နီးစပ်သူများက ပြောသည်။ ယမန်နေ့ ဝါဆိုလပြည့်နေ့ (ဇူလိုင်လ ၉ ရက်နေ့) ည ၈ နာရီဝန်းကျင် အချိန်ခန့်တွင် မိုးကုတ်မြို့အဝင်၊ မြို့အရှေ့ ပိုင်းရှိ ပန်းမထိပ်ရပ်ကွက်အား စစ်ကောင်စီက ဂျက်ဖိုက်တာဖြင့် ဗုံးကြဲ တိုက်ခိုက်ခဲ့ခြင်း ဖြစ်သည်။ ရပ်ကွက်နေ ပြည်သူတစ်ဦးက “သေတဲ့ ၂ ယောက်လုံးက ညီအစ်ကိုတွေ၊ သူတို့အိမ် ဗုံးကျပြီးမှ တခြားအိမ်တွေ ထိတာ ဆိုတော့ သူတို့ ၂ ယောက်က ပွဲချင်းပြီးတယ်။ ကျန်တဲ့ကလေးတွေလည်း ဒဏ်ရာပြင်းတော့ သွေးအလှူရှင် အရေးပေါ် လိုနေတယ်” ဟု ပြောသည်။ သေဆုံးသူ ၂ ဦးမှာ အသက် ၁၀ နှစ် အရွယ်နှင့် အသက် ၁၂ အရွယ်တို့ ဖြစ်ကြပြီး ယနေ့ (ဇူလိုင်လ ၁၀ ရက်နေ့)၊ နံနက်ပိုင်း၌ ကလေး ၃ ဦး ထပ်မံသေဆုံးခဲ့သည်။ ထို့အပြင် ပြည်သူ ၅ ဦးအထိ ပြင်းထန်ဒဏ်ရာ ရရှိထားသည်ဟု ရပ်ကွက်နေပြည်သူများက ပြောသည်။ အဆိုပါ လေကြောင်း ဗုံးကြဲတိုက်ခိုက်မှုကြောင့် ရပ်ကွက်အတွင်း လူနေအိမ် ၆ လုံး မီးလောင်ပြာကျ ပျက်စီးခဲ့ပြီး နွား ၇ ကောင်လည်း သေဆုံးသည်ဟု ဆိုသည်။ ပန်းမထိပ်ရပ်ကွက်တွင် နေထိုင်သည့် အမျိုးသား တစ်ဦးက “၃ ယောက်က ဒီမနက်မှ ဆုံးတာ။ ဒဏ်ရာ ပြင်း တော့ ဘယ်လိုမှ ကယ်လို့ မရတော့ဘူး။ ခဏခဏ ကြဲနေတာ တာဝန်ရှိသူတွေကလည်း လေကြောင်း ကာကွယ် မှု ဘာညာ ပညာပေးတာ လုံးဝမရှိဘူး။ ပြည်သူတွေတော့ ပုံမှန်တိုင်း သွားလာနေကြတယ်။ မိုးကုတ်က ခဏ ခဏကြဲတော့ ရိုးသွားပြီ။ ပိုက်ဆံရှိတဲ့လူလောက်ပဲ ရှောင်ကြတာ” ဟု ပြောသည်။ အလားတူ ဇူလိုင်လ ၈ ရက်နေ့ (အဖိတ်နေ့) တွင်လည်း မိုးကုတ်မြို့ အနောက်ပိုင်းရှိ “ကြိုးစားသူများ” အမည်ရှိ ကိုယ်ပိုင် အထက်တန်းကျောင်း တစ်ခုအား စစ်ကောင်စီက လေကြောင်းမှ တိုက်ခိုက်ခဲ့ရာ မပြူး၊ အရီးနှင့် ကိုတိုး ဆိုသည့် ဒေသခံ ၃ ဦးလည်း သေဆုံးခဲ့သေးသည်။ ထို့အပြင် ဇွန်လ ၂၅ ရက်နေ့၌လည်း မိုးကုတ်မြို့ အရှေ့ပိုင်းရှိ အုန်းကိုင်းကျေးရွာအား စစ်ကောင်စီက လေကြောင်းမှ တိုက်ခိုက်ခဲ့ရာ ဒေသခံ ၄ ဦးအထိ ပြင်းထန်ဒဏ်ရာ ရရှိခဲ့ပြီး လူနေအိမ်အများစု ပျက်စီးခဲ့သည်ဟု ဒေသခံများက ပြောသည်။

လေကြောင်း တိုက်ခိုက်မှုကြောင့် မိုးကုတ်မှ ကလေး ၅ ဦး သေ၊ ၅ ဦး ဒဏ်ရာရ

တနင်္လာနေ့ ည ရုပ်သံသတင်း (၅-၅-၂၅)

တနင်္လာနေ့ ည ရုပ်သံသတင်း (၅-၅-၂၅)

ဒီနေ့ အစီအစဉ်ထဲမှာတော့ … TNLA သိမ်းပိုက်ထားတဲ့ နယ်မြေတွေ ပြန်ပေးဖို့ ဘယ်သူတွေက ဖိအား ပေးနေတာလဲ။ ကချင်၊ ကရင်၊ ကရင်နီ၊ ရှမ်းမြောက်က စစ်ရေး အခြေအနေတွေ။ ရုရှားရဲ့ မဟာအောင်ပွဲနေ့ အခမ်းအနားကို ဘယ်သူတွေ တက်မှာလဲ။ မလေးကျားက ထိုင်းနယ်စပ်မှာ ဘာလို့ ရောက်နေတာလဲ ဆိုတာတွေကို တင်ဆက်ထားပါတယ်။

×Close

News

IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm
Junta-Aligned Pa-O Militia Bans Residents from Leaving Villages — October 29, 2024 2:23 pm

Recent Posts

ဗီယက်နမ် အမျိုးသမီးတစ်ဦး ခင်ပွန်းနှင့် တူ နှစ်ဦး သတ်မှုဖြင့် တရားစွဲခံရ
တိုင်ဖုန်း ရာဂါဆာကြောင့် ထိုင်းနှင့် မြန်မာ မိုးကြီးမည်
ပါလက်စတိုင်းနိုင်ငံ အား နိုင်ငံအများအပြား အသိအမှတ်ပြု
ကချင်တွင် တိုက်ပွဲများဖြစ်၊ စစ်ကော်မရှင်က တပ်အင်အား တိုးချဲ့
စစ်ကော်မရှင်တပ်က အရပ်သားများ၊ ဘာသာရေး အဆောက်အဦများ၊ ဘုရားကျောင်းများအား ပစ်မှတ်ထား၊ စစ်ရာဇဝတ်မှုများကျူးလွန်နေဟု IEC ပြော

Archives

Archives

×Close