Kajiki – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Tag Archive

Tag: Kajiki

တောင်ကျရေကြောင့် ချင်းမိုင်ခရိုင်အတွင်း လူနှစ်ဦး သေဆုံး၊ တစ်ဦး ပျောက်ဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၂၇ ရက်။ မုန်တိုင်း Kajiki အရှိန်ကြောင့် မိုးသည်းထန်စွာ ရွာသွန်းခဲ့သည့်အတွက် ထိုင်းနိုင်ငံ၊ ချင်းမိုင်ခရိုင်အတွင်း တောင် ကျရေများ ကျဆင်းလာကာ အိမ်များ မျောပါပြီး လူ ၂ ဦး သေဆုံးခဲ့သည်။ ထို့အပြင် ကလေးငယ် တစ်ဦးပါ ပျောက်ဆုံးနေခဲ့သည်ဟု The Nation သတင်းတွင် ဖော်ပြထားသည်။ ချင်းမိုင်ခရိုင်၊ မယ့်ချမ် (Mae Cham) မြို့နယ်အတွင်း ဩဂုတ်လ ၂၆ ရက်နေ့ (အင်္ဂါနေ့) ညက မိုးသည်းထန်စွာ ရွာသွန်းခဲ့ခြင်းကြောင့် တောင်ကျရေများ ကျလာပြီး အိမ်များ မျောပါ သွားခဲ့သည်။ ပန်အုန် (Pang Ung) ကျေးရွာရှိ နေအိမ် ၇ လုံးလည်း လုံးဝ ပျက်စီးသွားခဲ့သည်ဟု ဆိုသည်။ ညပိုင်းတွင် လူ ၃ ဦး ပျောက်ဆုံးနေခဲ့ရာမှ ဩဂုတ်လ ၂၇ ရက်နေ့ (ယနေ့) နံနက်ပိုင်းတွင် ၂ ဦးကို သေဆုံးလျက် တွေ့ရှိခဲ့သည်။ လူ ၁၀ ဦး ဒဏ်ရာရသွားခဲ့ပြီး ဒဏ်ရာရသူများကို မယ်ဟောင်ဆောင် ခရိုင်ရှိ ခွန်ယွမ်း (Khun Yuam) နှင့် ချင်းမိုင်ခရိုင်ထဲက မယ့်ချမ် ဆေးရုံတို့တွင် ဆေးကုသပေးထားသည်။ ပျောက်ဆုံးနေတဲ့သူမှာ အသက် ၁၂ နှစ်အရွယ် ကလေးမလေး ဖြစ်သည်။ မယ်ဟောင်ဆောင် ခရိုင်၊ ခွန်ယွမ်းတွင် မြေပြိုပြီး သစ်ပင်များ လဲကျခြင်းကြောင့် လမ်းများ ပိတ်နေသည်ဟု ဆိုသည်။

တောင်ကျရေကြောင့် ချင်းမိုင်ခရိုင်အတွင်း လူနှစ်ဦး သေဆုံး၊ တစ်ဦး ပျောက်ဆုံး

တိုင်ဖုန်း မုန်တိုင်း Kajiki ကြောင့် ဗီယက်နမ်တွင် လူ သိန်းနှင့် ချီ ရွှေ့ပြောင်း၊ ထိုင်းတစ်နိုင်ငံလုံး အရေးပေါ် ပြင်ဆင်ထားရန် အမိန့်ထုတ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၂၅ ရက်။ အားပြင်းလာတဲ့ တိုင်ဖုန်းမုန်တိုင်း ကာဂျီကီ (Kajiki) ကြောင့် ဗီယက်နမ် နိုင်ငံတွင် လူပေါင်း ၅ သိန်း ကျော် အရေးပေါ် ရွှေ့ပြောင်းထားပြီး ထိုင်းနိုင်ငံ ခရိုင် အားလုံးကို အရေးပေါ် ပြင်ဆင်မှု လုပ်ရန် ပြည်ထဲ‌ရေး ဝန်ကြီးက အမိန့်ထုတ်ထားသည်။ ဗီယက်နမ်နိုင်ငံ Thanh Hoa၊ Quang Tri၊ Hue နှင့် Da Nang ဒေသများရှိ လူများ အရေး ပေါ် ရွှေ့ပြောင်း ထားပြီး ကမ်းလွန်ပင်လယ်ပြင်တွင် လှေသင်္ဘောများ သွားလာခြင်းမပြုရန် ဗီယက်နမ် အစိုးရက အကြံပြုထားသည်။ ဗီယက်နမ် လေကြောင်း (Vietnam Airlines) က လာမည့် ရက်များအတွင်း အနည်းဆုံး လေယာဉ် ခရီးစဉ် ၂၂ ခုကို ဖျက်သိမ်းထားလိုက်သည်။ ဒီကနေ့ ဩဂုတ်လ ၂၅ ရက် မနက် ခန့်မှန်းချက်တွေ အရ တိုင်ဖွန်း ကာဂျီကီဟာ ဗီယက်နမ် အလယ်ပိုင်း ဒါနန်းမြို့ရဲ့ မြောက်ဘက် ရေမိုင် ၂၀၀ ကျော် အကွာမှာ ရောက်ရှိနေပါတယ်။ မုန်တိုင်းအတွင်း လေတိုက်ခတ်နှုန်းမှာ တနာရီလျှင် ၁၆၅ ကီလိုမီတာ (၉၅မိုင်) နှုန်းရှိနေပြီး ပင်လယ်ရေလှိုင်း အမြင့်သည် ၉.၄ မီတာ (၃၁) ပေအထိ မြင့်နိုင်သည်ဟု ဆိုသည်။ ဗီယက်နမ် နိုင်ငံကို မုန်တိုင်း Kajiki က ဩဂုတ်လ ၂၅-၂၆ ရက်များတွင် ဝင်ရောက်မည်ဟု ခန့်မှန်းထားသည်။ ဗီယက်နမ် ဝန်ကြီးချုပ် Pham Minh Chinh က စစ်ဒေသ အမှတ် ၄ ဌာနချုပ်ကို အမိန့်ပေး ဌာန အဖြစ် လွှဲအပ်လိုက်ပြီး စိုက်ပျိုးရေး၊ ကာကွယ်ရေး၊ နဲ့ အစိုးရ ဌာနများ ကို အစည်းအဝေး ခေါ်ယူပြီး အရေးပေါ် အစီအစဉ်များကို သုံးသပ် အတည်ပြုခဲ့သည်။ တရုတ် မိုးလေဝသ ဌာန၏ တိုင်းတာချက်များအရ မုန်တိုင်းသည် ဟိုင်နန်ကျွန်း တောင်ဘက် ကမ်းခြေ တလျောက် ဖြတ်သွားပြီး မုန်တိုင်းအားကောင်းလာကာ ဗီယက်နမ်ကို ဝင်ရောက်သွားမည်ဟု ခန့်မှန်းထားသည်။ မုန်တိုင်းလမ်းကြောင်းမှာ ဗီယက်နမ် နိုင်ငံမှ တဆင့် လာအို နိုင်ငံသို့ ဝင်ရောက်ပြီး ထိုင်းနိုင်ငံ အရှေ့မြောက်ပိုင်းနှင့် မြောက်ပိုင်းနှင့် မြန်မာနိုင်ငံသို့ ဝင်ရောက်သွားနိုင်သည်ဟု ခန့်မှန်းထားသည်။ တချိန်တည်းမှာပင် ထိုင်းနိုင်ငံခြားရေး ဝန်ကြီးလည်းဖြစ်ပြီး သဘာဝ ဘေးအန္တရာယ် ကာကွယ်ရေးနှင့် လျော့ချရေး အမျိုးသား ညွန်ကြားမှု စင်တာ ဒါရိုက်တာလည်း ဖြစ်သည့် Phumtham Wechayachai က ခရိုင် ၇၆ ခုလုံးမှ အုပ်ချုပ်ရေးမှူးများကို ဘေးအန္တရာယ် ကာကွယ်ရေးနှင့် လျော့ချရေး ဌာနနှင့် အနီးကပ် ပူးပေါင်း ဆောင်ရွက်ရန် အမိန့်ပေးထားပြီဟု ပြောသည်။ ခရိုင်တိုင်းတွင် ဌာနစုံ ပူးပေါင်း “စစ်ဆင်ရေး ရုံး” များ ဖွင့်လှစ်ထားပြီး အခြေအနေကို အနီးကပ် စောင့်ကြည့်သွားမည်ဟု ဆိုသည်။ ကာကွယ်ရေး လုပ်ငန်းများအဖြစ် ရေဘေးသင့်သူများကို ဘေးကင်းဇုံသို့ ရွှေ့ပြောင်းခြင်း၊ အစားအစာနှင့် အခြေခံ လိုအပ်ချက်များဖြည့်စည်းခြင်းတို့ကို ပြင်ဆင်ထားပြီး ရေထွက်လမ်းကြောင်းများကို ရှင်းလင်းထားမည် ဖြစ်သည်။ ဧရာမ ဆိုင်းဘုတ်ကြီးများနှင့် အထပ်မြင့် အဆောက်အဦများရှိသော ခရိုင်များတွင် ၎င်းတို့၏ ကြံ့ခိုင်မှုကို ပိုင်ရှင်များနှင့် ပူးပေါင်း စစ်ဆေးရန်လည်း အစိုးရ ဌာနများကို ညွန်ကြားထားသည်။ တရုတ်နိုင်ငံရှိ ပင်လယ်ကမ်းခြေ အပန်းဖြေ စခန်းမြို့ဖြစ်သော Sanya တွင် အနီရောင် အဆင့် သတိပေးချက် ထုတ်ပြန်ထားပြီး ခရီးသွားနေရာများ အားလုံးကို ပိတ်ထားလိုက်ကာ ဆောက်လုပ်ရေး လုပ်ငန်းများအပါအဝင် လုပ်ငန်းများနှင့် လူထု သယ်ယူပို့ဆောင်ရေး လုပ်ငန်းများကိုလည်း ပိတ်ထားလိုက်သည်။

တိုင်ဖုန်း မုန်တိုင်း Kajiki ကြောင့် ဗီယက်နမ်တွင် လူ သိန်းနှင့် ချီ ရွှေ့ပြောင်း၊ ထိုင်းတစ်နိုင်ငံလုံး အရေးပေါ် ပြင်ဆင်ထားရန် အမိန့်ထုတ်

မုန်တိုင်း ကဂျီကီ (Kajiki) က တိုင်ဖုန်းမုန်တိုင်း ဖြစ်လာ၊ ထိုင်းနှင့် မြန်မာနိုင်ငံများတွင် မိုးကြီးမည်။ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၂၄ ရက်။ တောင်တရုတ်ပင်လယ်မှာ ဖြစ်ပေါ်နေသော ကဂျီကီ (Kajiki) မုန်တိုင်းသည် တိုင်ဖုန်း မုန်တိုင်း အဖြစ်အားကောင်းလာပြီး ဗီယက်နမ်နှင့် လာအို နိုင်ငံ အထက်ပိုင်းကို ဦးတည်လျက်ရှိနေသည်ဟု ထိုင်းနှင့် မြန်မာ မိုးလေဝသ ဌာနများက ထုတ်ပြန်ထားသည်။ ကဂျီကီ မုန်တိုင်းမှ တိမ်တိုက်များသည် မြန်မာနိုင်ငံသို့ ရောက်ရှိလာနိုင်ပြီး ဘင်္ဂလားပင်လယ်အော်ရှိ လေဖိအားနည်း ရပ်ဝန်းများ အရှိန်ကြောင့် ဩဂုတ်လ ၂၆ ရက်မှ ၂၈ ရက်အတွင်း မြန်မာနိုင်ငံ ဒေသ အများအပြားတွင် မိုးကြီးနိုင်ကြောင်း မိုးလေဝသနှင့် ဇလ ဗေဒ ဦးစီဌာနမှ ဩဂုတ် ၂၄ ရက် ညနေတွင် ထုတ်ပြန်ထားသည်။ မိုးရွာသွန်းနိုင်သည့် နေရာများအဖြစ် ကချင်ပြည်နယ်နှင့် စစ်ကိုင်းတိုင်း အထက်ပိုင်းတွင် နေရာကျဲကျဲ၊ နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်းအောက်ပိုင်း၊ ဧရာဝတီတိုင်း တနင်္သာရီတိုင်း၊ ကယား (ကရင်နီ) ပြည်၊ ကရင်ပြည်၊ ချင်းပြည်၊ မွန်ပြည်၊ ရခိုင်ပြည်နှင့် ရှမ်းပြည်တို့တွင် နေရာစိပ်စိပ်မှ နေရာ အနှံ့အပြား မိုးထစ်ချုန်း ရွာနိုင်သည်ဟု ခန့်မှန်းထားသည်။ အချို့နေရာများတွင် နေရာကွက်၍ မိုးကြီးနိုင်ကြောင်းလည်း သတိပေးထားသည်။ ထိုင်းမိုးလေဝသ ဌာန အဆိုအရ မုန်တိုင်းသည် လာအိုနိုင်ငံကို ဖြတ်ပြီး ထိုင်း အရှေ့မြောက် ဒေသ၏ အရှေ့ပိုင်းသို့ ဝင်ရောက်နိုင်သည်ဟု ခန့်မှန်းထားကြောင်း ဘန်ကောက်ပို့စ် သတင်းတွင် ဖော်ပြထားပါသည်။ အင်္ဂါနေ့နှင့် ဗုဒ္ဓဟူးနေ့များတွင် မြန်မာနိုင်ငံနှင့် နီးစပ်သော ထိုင်းနိုင်ငံမြောက်ပိုင်းရှိ ချင်းမိုင်၊ မဲဟောင်ဆောင် ၊ တာ့ခ် ခရိုင်များ အပါအဝင် ခရိုင် ၁၅ ခုတွင် မိုးသီးထန်စွာ ရွာသွန်းနိုင်သည်ဟု ခန့်မှန်းထားပါသည်။ အခြား ထိုင်းနိုင်ငံ၏ အရှေ့မြောက်ပိုင်း၊ အလယ်ပိုင်း၊ အရှေ့ပိုင်းနှင့် တောင်ပိုင်း ခရိုင်အများအပြားတွင်လည်း မိုးကြီးမည်ဟု ဆိုပါသည်။ လက်ရှိ တောင်တရုတ်ပင်လယ်ရှိ Kajiki မုန်တိုင်းသည် တနာရီလျှင် မိုင် ၉၀ နှုန်းကျော်အထိ အရှိန်ပြင်းလာပြီး တိုင်ဖုန်း မုန်တိုင်းအဖြစ် ပြောင်းလဲ သွားခဲ့ပြီ ဖြစ်သည်။

မုန်တိုင်း ကဂျီကီ (Kajiki) က တိုင်ဖုန်းမုန်တိုင်း ဖြစ်လာ၊ ထိုင်းနှင့် မြန်မာနိုင်ငံများတွင် မိုးကြီးမည်။

တနင်္လာနေ့ ည ရုပ်သံသတင်း (၅-၅-၂၅)

တနင်္လာနေ့ ည ရုပ်သံသတင်း (၅-၅-၂၅)

ဒီနေ့ အစီအစဉ်ထဲမှာတော့ … TNLA သိမ်းပိုက်ထားတဲ့ နယ်မြေတွေ ပြန်ပေးဖို့ ဘယ်သူတွေက ဖိအား ပေးနေတာလဲ။ ကချင်၊ ကရင်၊ ကရင်နီ၊ ရှမ်းမြောက်က စစ်ရေး အခြေအနေတွေ။ ရုရှားရဲ့ မဟာအောင်ပွဲနေ့ အခမ်းအနားကို ဘယ်သူတွေ တက်မှာလဲ။ မလေးကျားက ထိုင်းနယ်စပ်မှာ ဘာလို့ ရောက်နေတာလဲ ဆိုတာတွေကို တင်ဆက်ထားပါတယ်။

×Close

News

IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm
Junta-Aligned Pa-O Militia Bans Residents from Leaving Villages — October 29, 2024 2:23 pm

Recent Posts

ဗီယက်နမ် အမျိုးသမီးတစ်ဦး ခင်ပွန်းနှင့် တူ နှစ်ဦး သတ်မှုဖြင့် တရားစွဲခံရ
တိုင်ဖုန်း ရာဂါဆာကြောင့် ထိုင်းနှင့် မြန်မာ မိုးကြီးမည်
ပါလက်စတိုင်းနိုင်ငံ အား နိုင်ငံအများအပြား အသိအမှတ်ပြု
ကချင်တွင် တိုက်ပွဲများဖြစ်၊ စစ်ကော်မရှင်က တပ်အင်အား တိုးချဲ့
စစ်ကော်မရှင်တပ်က အရပ်သားများ၊ ဘာသာရေး အဆောက်အဦများ၊ ဘုရားကျောင်းများအား ပစ်မှတ်ထား၊ စစ်ရာဇဝတ်မှုများကျူးလွန်နေဟု IEC ပြော

Archives

Archives

×Close