Peace Talk Russia and ukraine – Network Media Group

Tag: Peace Talk Russia and ukraine

ရုရှား-ယူကရိန်း ငြိမ်းချမ်းရေးဆွေးနွေးပွဲ ပြန်လည်စတင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၁၁ ရက်။ (၉) လ အတွင်း ပထမဆုံးအကြိမ်အဖြစ် ရုရှားနှင့် ယူကရိန်း တာဝန်ရှိသူများသည် အမေရိကန်သမ္မတ ဒေါ်နယ်ထရမ့်၏ အထူးကိုယ်စားလှယ်များ ဦးဆောင်မှုဖြင့် အာရပ်စော်ဘွားများပြည်ထောင်စု (UAE)၊ အဘူဒါဘီမြို့တွင် အင်္ဂါနေ့က စတင်တွေ့ဆုံခဲ့ကြသည်။ ယင်းဆွေးနွေးပွဲသည် အလွန်ထိရောက်ပြီး အကျိုးဖြစ်ထွန်းမှုရှိကြောင်း အမေရိကန် နိုင်ငံခြားရေးဝန်ကြီး မာကိုရူဘီယိုက ပြောကြားခဲ့သည်။ အလားတူ ယူကရိန်းသမ္မတ ဗိုလိုဒီမာ ဇယ်လန်းစကီးကလည်း လူသားချင်းစာနာထောက်ထားမှုနှင့် လုံခြုံရေးဆိုင်ရာ ကိစ္စရပ်များကို ဆွေးနွေးခဲ့ကြကြောင်းနှင့် အမေရိကန်၏ ချဉ်းကပ်ပုံပြောင်းလဲလာမှုအပေါ် ကျေနပ်အားရမှုရှိကြောင်း ထုတ်ဖော်ပြောဆိုခဲ့သည်။ သို့ရာတွင် ရုရှားနိုင်ငံဘက်မှ လက်ရှိပဋိပက္ခကို ဖြေရှင်းရန်ထက် ဥရောပလုံခြုံရေးမူဘောင်ကို ဦးစွာရေးဆွဲရန် လိုလားနေပြီး၊ ယူကရိန်းဘက်မှမူ စစ်ပွဲချက်ချင်းရပ်တန့်ရေးနှင့် လုံခြုံရေးအာမခံချက်များရရှိရေးကို ဦးစားပေး လုပ်ဆောင်လိုလျက်ရှိသည်။ မြေပြင်အခြေအနေတွင် ရုရှားတပ်များသည် ယူကရိန်းမြို့ပြများအား ဆက်လက်တိုက်ခိုက်လျက်ရှိသကဲ့သို့၊ ယူကရိန်းတပ်များကလည်း ရုရှား၏ စွမ်းအင်ဆိုင်ရာ အခြေခံအဆောက်အအုံများအား လက်တုံ့ပြန် တိုက်ခိုက်မှုများ ပြုလုပ်လျက်ရှိသည်။

ရုရှား-ယူကရိန်း ငြိမ်းချမ်းရေးဆွေးနွေးပွဲ ပြန်လည်စတင်

ရုရှား၊ ယူကရိန်းနှင့် အမေရိကန် သုံးပွင့်ဆိုင် ငြိမ်းချမ်းရေး ဆွေးနွေးပွဲ UAE ၌ ကျင်းပမည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၄ ရက်။ ရုရှား၊ ယူကရိန်းနှင့် အမေရိကန် သုံးပွင့်ဆိုင် ငြိမ်းချမ်းရေး ဆွေးနွေးပွဲကို လာမည့် နိုဝင်ဘာ ၁၀ ရက်မှ ၁၁ ရက်နေ့အထိ အာရပ်စော်ဘွားများပြည်ထောင်စု (UAE) ၊ အဘူဒါဘီမြို့တွင် ကျင်းပမည်ဖြစ်ကြောင်း ကရင်မလင်နန်းတော်က အတည်ပြုလိုက်သည်။ အဆိုပါ ဆွေးနွေးပွဲတွင် စစ်ပွဲအလွန် လုံခြုံရေးဆိုင်ရာ သဘောတူညီချက်များနှင့် တင်းမာမှု လျှော့ချရေး အခြေအနေများကို အဓိကထား ဆွေးနွေးမည်ဟု အမေရိကန် ကိုယ်စားလှယ် Steve Witkoff က ပြောကြားသည်။ ယင်းနှင့် ပတ်သက်၍ ဂျာမနီ ဝန်ကြီးချုပ် ဖရက်ဒရစ် မာဇ် (Friedrich Merz) က ဘာလင်မြို့၌ ယူကရိန်း သမ္မတ ဇလန်းစကီးနှင့် တွေ့ဆုံစဉ် ဥရောပ၏ ပါဝင်မှုမရှိဘဲ ယူကရိန်း ငြိမ်းချမ်းရေးဆိုင်ရာ သဘောတူညီချက်များကို ဆုံးဖြတ်၍ မရနိုင်ကြောင်း သတိပေးခဲ့သည်။ သမ္မတ ဇလန်းစကီးကလည်း ယူကရိန်းနိုင်ငံ ဥရောပသမဂ္ဂ (EU) အဖွဲ့ဝင်ဖြစ်ရေးကို အမေရိကန်နှင့် ရုရှားတို့က ဆုံးဖြတ်ပိုင်ခွင့် မရှိဟု တုံ့ပြန်ပြောဆိုခဲ့သည်။ ထို့အပြင် ဂျာမနီနိုင်ငံသည် လာမည့် နိုဝင်ဘာ ၁၉ ရက်နေ့တွင် မဟာမိတ်နိုင်ငံများကို ဘာလင်မြို့သို့ ဖိတ်ခေါ်ကာ ယူကရိန်းအတွက် စစ်ရေးအကူအညီနှင့် လုံခြုံရေး အာမခံချက်များ ပေးနိုင်ရေး ဆွေးနွေးသွားမည်ဖြစ်သည်။

ရုရှား၊ ယူကရိန်းနှင့် အမေရိကန် သုံးပွင့်ဆိုင် ငြိမ်းချမ်းရေး ဆွေးနွေးပွဲ UAE ၌ ကျင်းပမည်

ယူကရိန်းနှင့် ငြိမ်းချမ်းရေးဆွေးနွေးရန် အဆင်သင့်ရှိကြောင်း ရုရှားပြော

ဗုဒ္ဓဟူးနေ့ညပိုင်း ရုပ်သံသတင်း(၇-၁၀-၂၆)

ဒီကနေ့ အစီအစဉ်ထဲမှာတော့-

– ကျိုက်ထိုမြို့နယ်မှာ တိုက်ပွဲမဖြစ်ပဲ စစ်အုပ်စုက အရပ်သားရွာတွေကို ဗုံးကြဲလို့ ထောင်နဲ့ချီထွက်ပြေးနေရ

– ရခိုင်-ဧရာဝတီ အစပ်မှာ တိုက်ပွဲ ပြင်းထန်ပြီး စစ်အုပ်စုက အစုအပြုံလိုက် ကျဆုံးနေ

– ကချင်ပြည်က ရွှေကူ-ငအိုး လမ်းပိုင်း သုံးသူတွေကို အရေးယူသွားမယ်လို့ KIAသတိပေး

– အလုပ်သမားတွေ ဆီက အခွန်နဲ့ လွှဲငွေ ရရှိဖို့ ပိုမို တင်းကြပ်သွားမယ်လို့ စစ်အုပ်စုပြော

– စစ်အုပ်စု ခေါင်းဆောင် ၇-၈ ရက်နေ့တွေမှာ မလေးရှားကို သွားမည်

– လာအို ဒုတိယမြို့တော်လေဆိပ် ကိုယ်ပိုင်လေယာဉ်ပေါ်တင်တဲ့ မူးယစ်ဆေးဝါး ကီလို ၅၀၀ ကျော်ဖမ်းမိ

– မက်ဒေါ်နယ်(McDonald’s)ကုမ္ပဏီဟာ AI သုံးစွဲပြီး လွတ်လပ်စွာ ယှဉ်ပြိုင်ခွင့်ကို ချိုးဖောက်တယ်ဆိုပြီး တရားစွဲခံရ

– ပထမဆုံး FIFA အာဆီယံ ဖလားကို အင်ဒိုနီးရှား အသင်း ပင်နယ်တီ အဆုံးအဖြတ်နဲ့ ဆွတ်ခူး…..စတာတွေ တင်ဆက်ထားပါတယ်။