Ukraine Drone – Network Media Group

Tag: Ukraine Drone

ရှေ့တန်း ဒဏ်ရာရစစ်သည်ကို ကမ္ဘာ့ပထမဆုံးအဖြစ် ဒရုန်းဖြင့် ကယ်ထုတ်နိုင်ကြောင်း ယူကရိန်းပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၀ ရက်။ ရှေ့တန်းစစ်မျက်နှာတွင် ဒဏ်ရာရရှိခဲ့သည့် စစ်သည်တစ်ဦးအား ဒရုန်း အသုံးပြု၍ ဘေးကင်းရာသို့ အောင်မြင်စွာ ကယ်ထုတ်နိုင်ခဲ့ပြီး စစ်ပွဲသမိုင်းတွင် ကမ္ဘာ့ပထမဆုံး ဒရုန်းသုံး လူနာကယ်ဆယ်ရေး ဖြစ်ကြောင်း ယူကရိန်းစစ်တပ်က ထုတ်ပြန်လိုက်သည်။ အဆိုပါ စစ်ဆင်ရေးကို ယူကရိန် အမှတ် (၉၂) သီးခြားတိုက်ခိုက်ရေး တပ်မဟာက ဆောင်ရွက်ခဲ့ခြင်း ဖြစ်သည်။ တိုက်ပွဲဖြစ်ပွားရာ ဒေသတွင် ရုရှားဒရုန်းများ၏ အန္တရာယ်နှင့် မြေမြှုပ်မိုင်းများ ဝိုင်းရံနေခြင်းကြောင့် ပုံမှန် ကုန်းဘက်သွား ကယ်ဆယ်ရေးယာဉ်များဖြင့် သွားရောက်ကယ်ထုတ်ရန် မဖြစ်နိုင်ခဲ့ပေ။ သို့ဖြစ်ပါ၍ တပ်ဖွဲ့ဝင်များသည် နဂိုက ဗုံးကြဲရန် ထုတ်လုပ်ထားသည့် လေးလံသော ပစ္စည်းများ သယ်ဆောင်နိုင်သည့် ဒရုန်းကြီးကို အသုံးပြု၍ ဒဏ်ရာရ စစ်သည်ကို ကြိုးဖြင့် စနစ်တကျ ချည်နှောင်ကာ အနိမ့်ပျံသန်းမှုဖြင့် ဘေးကင်းရာသို့ ကယ်ထုတ်ပေးခဲ့ခြင်း ဖြစ်သည်။ ကယ်ထုတ်ခံရသည့် စစ်သည်သည် လက်ရှိတွင် ဆေးကုသမှုနှင့် ပြန်လည်သန်စွမ်းရေး လုပ်ငန်းများ ဆောင်ရွက်လျက်ရှိသည်။ ယခုဖြစ်စဉ်သည် စစ်ပွဲအတွင်း စစ်သည်အင်အား နည်းပါးလာမှုကို ကူညီရန် နည်းပညာကို ထိရောက်စွာ အသုံးပြုလာကြခြင်းကို ပြသနေသည်။ ထို့ပြင် ယူကရိန်အစိုးရသည် အရေးပေါ် ဆေးဝါးများ၊ သွေးနှင့် ခန္ဓာကိုယ် အစိတ်အပိုင်းများကို ဆေးရုံများအကြား သယ်ယူပို့ဆောင်ရန်အတွက် ဒရုန်းများကို အသုံးပြုမည့် စမ်းသပ်စီမံကိန်း တစ်ခုကို လည်း မကြာသေးမီက အတည်ပြုထားသည်။

ရှေ့တန်း ဒဏ်ရာရစစ်သည်ကို ကမ္ဘာ့ပထမဆုံးအဖြစ် ဒရုန်းဖြင့် ကယ်ထုတ်နိုင်ကြောင်း ယူကရိန်းပြော

ယူကရိန်းနှင့် ရုရှားတို့ ဗျူဟာမြောက် ဒရုန်းအသစ်များ တိုးမြှင့် အသုံးပြုလာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂ ရက်။ ယူကရိန်းစစ်ပွဲအတွင်း နှစ်ဖက်စလုံးမှ ပိုမိုအားကောင်းပြီး ထိရောက်မှုရှိသော ဒရုန်းနှင့် ဒုံးကျည်နည်းပညာသစ်များကို တိုးမြှင့်ထုတ်လုပ် တပ်ဆင်အသုံးပြုလျက်ရှိကြောင်း နိုင်ငံတကာ သတင်းများတွင် ဖော်ပြသည်။ ယူကရိန်းသမ္မတ ဗိုလိုဒီမီယာ ဇယ်လန်းစကီး၏ ထုတ်ပြန်ချက်အရ ယူကရိန်းစစ်တပ်သည် အမေရိကန်ပြုလုပ် ATACMS မြေပြင်မှ မြေပြင်ပစ် ဗျူဟာမြောက် ပဲ့ထိန်းဒုံးကျည်နှင့် စွမ်းဆောင်ရည် ဆင်တူပြီး ထုတ်လုပ်မှုစရိတ် သက်သာသော ကိုယ်ပိုင် FP-7 နည်းဗျူဟာမြောက် ပဲ့ထိန်းဒုံးကျည်ကို စစ်ဆင်ရေးအတွင်း ပထမဆုံးအကြိမ် စတင်အသုံးပြုခဲ့သည်။ ပစ်ခတ်မှုအကွာအဝေး ကီလိုမီတာ ၂၀၀ အထိ ရောက်ရှိနိုင်သော အဆိုပါ FP-7 ဒုံးကျည်များကို အမြောက်အမြား ထုတ်လုပ်သွားမည်ဖြစ်ကာ၊ အကွာအဝေး ပိုမိုဝေးလံစွာ ပစ်ခတ်နိုင်သည့် FP-9 ဒုံးကျည်ကိုလည်း ယခုနှစ်ကုန်ပိုင်းတွင် အပြီးသတ် ထုတ်လုပ်နိုင်ရေး ပြင်ဆင်လျက်ရှိသည်။ အခြားတစ်ဖက်တွင်လည်း ရုရှားစစ်တပ်က ပိုမိုမြန်ဆန်သည့် ဂျက်အင်ဂျင်တပ် Geran-4 နှင့် Geran-5 အမျိုးအစား ဒရုန်းသစ်များကို ပြောင်းလဲအသုံးပြုလာခြင်းကြောင့် ယူကရိန်းဘက်မှ ကြားဖြတ်ပစ်ခတ်နိုင်စွမ်း ပမာဏသည် ၅၇ ရာခိုင်နှုန်းအထိ ကျဆင်းသွားခဲ့သည်။ ရုရှားသည် လွန်ခဲ့သည့်လအတွင်း အဆိုပါ ဒရုန်းအစင်းရေ ၂,၀၀၀ နီးပါး ထုတ်လုပ်စုဆောင်းထားရှိပြီး လာမည့်ဆောင်းရာသီကာလ၌ ယူကရိန်း၏ စွမ်းအင်နှင့် အခြေခံအဆောက်အအုံများကို ပစ်မှတ်ထား၍ အရှိန်အဟုန်မြှင့် တိုက်ခိုက်လာနိုင်ကြောင်း စစ်ရေးလေ့လာသူများက သတိပေးသုံးသပ်ထားသည်။

ယူကရိန်းနှင့် ရုရှားတို့ ဗျူဟာမြောက် ဒရုန်းအသစ်များ တိုးမြှင့် အသုံးပြုလာ

မော်စကိုနှင့် ရုရှားအနှံ့ ယူကရိန်းက ဒရုန်းစစ်ဆင်ရေး ဆင်နွှဲ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မေလ ၁၈ ရက်။ ယူကရိန်းနိုင်ငံကနေ ရုရှားနိုင်ငံမြို့တော် မော်စကိုအပါအဝင် ဒေသအတော်များများကို တစ်နှစ်ကျော်ကာလအတွင်း အကြီးမားဆုံးသော ညတွင်းချင်း ဒရုန်းစစ်ဆင်ရေးတစ်ရပ် ဆင်နွှဲခဲ့သည်။ အဆိုပါ တိုက်ခိုက်မှုကြောင့် အနည်းဆုံး လူလေးဦး သေဆုံးသွားခဲ့ကြောင်း ရုရှားဒေသခံအာဏာပိုင်များက အတည်ပြုထုတ်ပြန်သည်။ ရုရှားကာကွယ်ရေးဝန်ကြီးဌာန၏ ထုတ်ပြန်ချက်အရ ပြီးခဲ့သည့် ၂၄ နာရီအတွင်း ရုရှားလေကြောင်းရန် ကာကွယ်ရေးစနစ်များသည် နိုင်ငံတစ်ဝန်းတွင် ယူကရိန်းဒရုန်း အစင်းရေ ၁,၀၀၀ ကျော်ကို ကြားဖြတ်ပစ်ချ ခြေမှုန်းနိုင်ခဲ့သည်ဟု ဆိုသည်။ ယခုတိုက်ခိုက်မှုသည် လွန်ခဲ့သည့် လေးရက်ခန့်က ရုရှားဘက်ကနေ ယူကရိန်းနိုင်ငံအပေါ် စစ်ပွဲစတင်ခဲ့သည့် လေးနှစ်တာကာလအတွင်း အပြင်းထန်ဆုံးအဖြစ် နှစ်ရက်ဆက်တိုက် ဒုံးကျည်နှင့် ဒရုန်းမိုးရွာသလို အကြီးအကျယ် ဗုံးကြဲတိုက်ခိုက်ခဲ့မှုအပေါ် ယူကရိန်းဘက်က လက်တုံ့ပြန်လိုက်ခြင်း ဖြစ်သည်။ ယူကရိန်းသမ္မတ ဗိုလိုဒီမား ဇလန်းစကီးက ရုရှားဘက်က ယူကရိန်းမြို့ပြများကို အဆက်မပြတ် တိုက်ခိုက်နေခြင်းကြောင့် မိမိတို့ဘက်က ယခုကဲ့သို့ တုံ့ပြန်ခြင်းသည် လုံးဝတရားမျှတမှုရှိကြောင်း ပြတ်ပြတ်သားသား ပြောကြားခဲ့သည်။ ထို့ပြင် ယခုစစ်ဆင်ရေးအတွင်း နယ်စပ်မှ ကီလိုမီတာ ၅၀၀ ကျော်ကွာဝေးသည့် မော်စကိုမြို့အပြင်ဘက်ရှိ အဝေးထိန်းစနစ်ဖြင့် တိကျစွာ ပစ်ခတ်နိုင်သည့် ရုရှား၏ လက်နက်ထုတ်လုပ်ရေးစက်ရုံတစ်ရုံကို ထိမှန်အောင် တိုက်ခိုက်နိုင်ခဲ့သည်ဟု သတင်းများတွင် ဖော်ပြသည်။ တချိန်တည်းမှာပင် ဥရောပနိုင်ငံပေါင်း ၃၀ သည် ရုရှား၏ ယူကရိန်းအပေါ် ကျူးကျော်စစ်ဆင်နွှဲမှုနှင့် ပတ်သက်၍ တရားစွဲဆိုအပြစ်ပေးနိုင်ရန် ရည်ရွယ်ပြီး "အထူးနိုင်ငံတကာရာဇဝတ်ခုံရုံး" (Special Tribunal) တစ်ရပ်ကို အမြန်ဆုံးဖွဲ့စည်းနိုင်ရေးအတွက် ပူးတွဲသဘောတူညီချက်တစ်ရပ်ကို လက်မှတ်ရေးထိုးလိုက်ကြသည်။ သို့ရာတွင် အဆိုပါခုံရုံးသို့ ရုရှားခေါင်းဆောင်ပိုင်းကို မည်ကဲ့သို့ ဖမ်းဆီးခေါ်ဆောင်လာမည်ဆိုသည့် လုပ်ငန်းစဉ် အသေးစိတ်ကိုမူ တရားဝင် ပြောဆိုထုတ်ပြန်ထားခြင်း မရှိသေးပေ။ #Ukraine #Moscow

မော်စကိုနှင့် ရုရှားအနှံ့ ယူကရိန်းက ဒရုန်းစစ်ဆင်ရေး ဆင်နွှဲ

ယူကရိန်းနှင့် အမေရိကန် ဒရုန်းနည်းပညာ သဘောတူညီချက်ရယူမည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မေလ ၁၃ ရက်။ ရုရှားနှင့် စစ်ပွဲအတွင်း ဒရုန်းနည်းပညာတွင် ဆန်းသစ်တီထွင်မှုများ ပြုလုပ်ထားသည့် ယူကရိန်းနိုင်ငံသည် ၎င်းတို့၏ ဒရုန်းများကို အမေရိကန်မြေပေါ်တွင် စမ်းသပ်ရန် ပင်တဂွန်စစ်ဌာနချုပ်နှင့် Statement of Intent (SoI) ဟုခေါ်သည့် ရည်ရွယ်ချက်ဖော်ပြချက် မူကြမ်းကို လက်မှတ်ရေးထိုးရန် နီးစပ်နေပြီဖြစ်သည်။ သမ္မတ ဇလန်းစကီး၏ အဆိုအရ လက်ရှိတွင် နိုင်ငံပေါင်း ၂၀ ခန့်သည် ယူကရိန်း၏ ဒရုန်းနည်းပညာကို စိတ်ဝင်စားနေပြီး နိုင်ငံ ၄ နိုင်ငံနှင့် သဘောတူညီချက်များ လက်မှတ်ရေးထိုးပြီးဖြစ်သည်။ ဤသဘောတူညီချက်အရ ယူကရိန်း၏ ကြည်း၊ ရေ၊ လေ ဒရုန်းစနစ်များက အမေရိကန်စစ်တပ်၏ လိုအပ်ချက်များနှင့် ကိုက်ညီမှုရှိ၊ မရှိ စမ်းသပ်သွားမည် ဖြစ်သည်။ တစ်ဖက်တွင်လည်း ယူကရိန်းသမ္မတ ဗိုလိုဒီမာ ဇလန်းစကီးက ယခု အခါ နိုင်ငံပေါင်း ၂၀ နီးပါးသည် ယူကရိန်းနှင့် ဒရုန်းဆိုင်ရာ သဘောတူညီချက်များ လုပ်ဆောင်ရန် စိတ်ဝင်စားနေကြပြီး နိုင်ငံ ၄ နိုင်ငံနှင့်တော့ သဘောတူညီချက်များ လက်မှတ်ရေးထိုးပြီးဖြစ်ကြောင့် မေလ ၁၁ ရက်နေ့က တရားဝင် ပြောကြားခဲ့သည်။ ဧပြီလအတွင်းတွင် ဂျာမနီ၊ နော်ဝေ၊ နယ်သာလန်တို့နဲ့ ကာကွယ်ရေးဆိုင်ရာ သဘောတူညီချက်များ ရယူခဲ့သည်။ အရှေ့အလယ်ပိုင်းက ဆော်ဒီအာရေးဘီးယား၊ ကာတာနဲ့ ယူအေအီးနိုင်ငံများနှင့်လည်း ရေရှည်လုံခြုံရေး မိတ်ဖက်အဖြစ် ဆောင်ရွက်နေပြီဟု ဆိုထားသည်။ ယခု အမေရိကန်နှင့် ပူးပေါင်းဆောင်ရွက်မှုသည် နောင်တစ်ချိန်တွင် ယူကရိန်းဒရုန်းများကို အမေရိကန်က ဝယ်ယူခြင်း သို့မဟုတ် ပူးပေါင်းထုတ်လုပ်ခြင်းတို့အတွက် အလားအလာကောင်းသည့် ခြေလှမ်းတစ်ရပ် ဖြစ်လာနိုင်သည်။ #UkraineDrone

ယူကရိန်းနှင့် အမေရိကန် ဒရုန်းနည်းပညာ သဘောတူညီချက်ရယူမည်

ဗုဒ္ဓဟူးနေ့ညပိုင်း ရုပ်သံသတင်း(၇-၁၀-၂၆)

ဒီကနေ့ အစီအစဉ်ထဲမှာတော့-

– ကျိုက်ထိုမြို့နယ်မှာ တိုက်ပွဲမဖြစ်ပဲ စစ်အုပ်စုက အရပ်သားရွာတွေကို ဗုံးကြဲလို့ ထောင်နဲ့ချီထွက်ပြေးနေရ

– ရခိုင်-ဧရာဝတီ အစပ်မှာ တိုက်ပွဲ ပြင်းထန်ပြီး စစ်အုပ်စုက အစုအပြုံလိုက် ကျဆုံးနေ

– ကချင်ပြည်က ရွှေကူ-ငအိုး လမ်းပိုင်း သုံးသူတွေကို အရေးယူသွားမယ်လို့ KIAသတိပေး

– အလုပ်သမားတွေ ဆီက အခွန်နဲ့ လွှဲငွေ ရရှိဖို့ ပိုမို တင်းကြပ်သွားမယ်လို့ စစ်အုပ်စုပြော

– စစ်အုပ်စု ခေါင်းဆောင် ၇-၈ ရက်နေ့တွေမှာ မလေးရှားကို သွားမည်

– လာအို ဒုတိယမြို့တော်လေဆိပ် ကိုယ်ပိုင်လေယာဉ်ပေါ်တင်တဲ့ မူးယစ်ဆေးဝါး ကီလို ၅၀၀ ကျော်ဖမ်းမိ

– မက်ဒေါ်နယ်(McDonald’s)ကုမ္ပဏီဟာ AI သုံးစွဲပြီး လွတ်လပ်စွာ ယှဉ်ပြိုင်ခွင့်ကို ချိုးဖောက်တယ်ဆိုပြီး တရားစွဲခံရ

– ပထမဆုံး FIFA အာဆီယံ ဖလားကို အင်ဒိုနီးရှား အသင်း ပင်နယ်တီ အဆုံးအဖြတ်နဲ့ ဆွတ်ခူး…..စတာတွေ တင်ဆက်ထားပါတယ်။