ဘိုလီးဗီးယား သမ္မတဟောင်းအား အဂတိလိုက်စားမှုဖြင့်ဖမ်းဆီး
သတင်းနှင့် မီဒီယာ ကွန်ရက်။
၂၀၂၅ ခုနှစ်၊ ဒီဇင်ဘာလ ၁၁ ရက်။
ဘိုလီးဗီးယားနိုင်ငံတွင် နှစ် ၂၀ ကြာ အုပ်ချုပ်ခဲ့သော ဆိုရှယ်လစ်အစိုးရ အဆုံးသတ်ပြီး တစ်လအကြာ ဗုဒ္ဓဟူးနေ့၌ ဥပဒေစိုးမိုးရေး အရာရှိများသည် သမ္မတဟောင်း Luis Arce (လူးဝစ် အာဆဲ) ကို အဂတိလိုက်စားမှုဖြင့် ဖမ်းဆီးထိန်းသိမ်းခဲ့သည်။
သမ္မတ Rodrigo Paz (ရိုဒရီဂို ပါ့ဇ်) အစိုးရ၏ အကြီးတန်းအရာရှိတစ်ဦးက သမ္မတဟောင်း Arce သည် တာဝန်ပျက်ကွက်မှု နှင့် ဘဏ္ဍာရေး မလျော်မကန်ပြုမှု တို့ဖြင့် စွဲချက်တင်ခံထားရကြောင်း အတည်ပြုခဲ့သည်။ သမ္မတဟောင်းကို ဘိုလီးဗီးယား မြို့တော် လာပက်ဇ် (La Paz) ရှိ ရဲဌာနချုပ်၌ ထိန်းသိမ်းထားသည်။
အရာရှိများ၏ ပြောကြားချက်အရ Arce ကို ဖမ်းဆီးခြင်းသည် အမြင့်ဆုံးအဆင့်ရှိ အဂတိလိုက်စားမှုကို တိုက်ဖျက်ရေး အတွက် အစိုးရသစ်၏ ကတိကဝတ်ကို လက်တွေ့ အကောင်အထည် ဖော်ခြင်းဖြစ်သည်ဟု ဆိုသည်။
သမ္မတဟောင်း Arce ၏ မဟာမိတ်များကမူ ၎င်း၏ ဖမ်းဆီးမှုကို တရားမျှတမှုမရှိဘဲ နိုင်ငံရေး အညှိုးအာဃာတဖြင့် အပြစ်ပေးခြင်း သာဖြစ်ကြောင်း ဝေဖန်ပြောဆိုခဲ့သည်။
