UNFC ၏ ဒုတိယအကြိမ် ညီလာခံ ထုတ်ပြန်ကြေညာချက်

June 29, 2017

ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC ၏ ဒုတိယအကြိမ် ညီလာခံ ထုတ်ပြန်ကြေညာချက် ၂၉ – ၆ – ၂၀၁၇။

သောကြာနေ့ည ရုပ်သံသတင်း (၁၀-၁၀-၂၅)

ဒီကနေ့ အစီအစဉ်ထဲမှာတော့ … မိုးမိတ်မှာ ဗုံးကြဲတိုက်ခိုက်ခဲ့လို့ ကလေးတွေ အပါအဝင် အရပ်သားတွေ အသက်ဆုံးရှုံးခဲ့ရပါတယ်။ မွန်နဲ့ တနင်္သာရီမှာလည်း အရပ်သားတွေ လေကြောင်းတိုက်ခိုက်မှု ခံရပါတယ်။ ဖားကန့်မှာ စစ်ကော်မရှင်က ဘာကြောင့် ညမထွက်ရ အမိန့်ထုတ်လိုက်တာပါလဲ

ထိုင်းရောက် အလုပ်သမားတွေအတွက် ပန်းရောင်ကတ် ပြုလုပ်ရမယ့် နေရာတွေက ဘယ်နေရာတွေလဲ၊ ဘယ်လိုလုပ်ရမှာလဲ။ ယူကရိန်းတိုက်ပွဲမှာ လောင်စာ အရင်းအမြစ်တွေကို ဘာလို့ အပြန်အလှန် တိုက်ခိုက်နေကြတာလဲ။ ယူကေက အိန္ဒိယ နိုင်ငံကို အပေါ့စား ဒုံးကျည်တွေ ရောင်းပေးလိုက်ပါတယ်။

ကမ္ဘာကျော် မုဒိမ်းမှုတစ်ခုမှာ အယူခံဝင်တဲ့သူကို တရားရုံးက ဘယ်လို အမိန့်ချမှတ်လိုက်သလဲ … စတာတွေတင်ဆက်ထားပါတယ်။

Related Posts

မောတောင် နယ်စပ်ဂိတ်အနီး စစ်တပ်က ဗုံးကြဲတိုက်ခိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၉ ရက်။ မြန်မာ-ထိုင်းနယ်စပ်၊ တနင်္သာရီမြို့နယ်ရှိ တော်လှန်ရေးပူးပေါင်းတပ်များ သိမ်းပိုက်ထားသည့် မောတောင်မြို့ကို စစ်တပ်က ပေါင် ၃၀၀ ဗုံးများအသုံးပြုကာ လေကြောင်းမှ ဆက်တိုက်ဗုံးကြဲတိုက်ခိုက်ခဲ့သဖြင့် အရပ်သား ဇနီးမောင်နှံနှစ်ဦး ဗုံးစထိမှန်ကာ သေဆုံးသွားသည်။ ပြီးခဲ့သည့် ဧပြီလ ၂၇ ရက်နေ့က စစ်တပ်သည် ဂျက်ဖိုက်တာများဖြင့် မောတောင်မြို့ပေါ်နှင့် အနီးနားရှိ ကျေးရွာ များသို့ ခြောက်ကြိမ်ထက်မနည်း လာရောက်ဗုံးကြဲခဲ့ခြင်းဖြစ်သည်။ အဆိုပါ တိုက်ခိုက်မှုအတွင်း အမှတ် (၆) ရွာမှ အမှတ် (၃) ရွာသို့ ဈေးဝယ်ထွက်လာသည့် အသက် ၅၀ ကျော် အရွယ် ဦးမြင့်စိုးနှင့် ဇနီးဖြစ်သူ ဒေါ်လှဝင်းတို့သည် ဆီအုန်းကုမ္ပဏီဝန်းကျင်တွင် ဗုံးထိမှန်ကာ သေဆုံးခဲ့ခြင်း ဖြစ်သည်။ ဒေသခံတစ်ဦးက “သူတို့လင်မယားက ဈေးဝယ်ထွက်လာတာဗျ။ ဗုံးကျတဲ့အချိန်မှာ ဆီအုန်းကုမ္ပဏီနား ရောက် နေတာ။ အဲ့ဒီမှာတင် ပွဲချင်းပြီး ဆုံးသွားကြတာပဲ” ဟု ပြောသည်။ ကရင်အမျိုးသားအစည်းအရုံး (KNU) ၏ ဧပြီလ ၂၈ ရက်နေ့ ထုတ်ပြန်ချက်အရ စစ်တပ်သည် ပေါင် ၃၀၀ ဗုံး ၁၂ လုံးထက်မနည်း အသုံးပြုကာ လူနေရပ်ကွက်များကို ရည်ရွယ်ချက်ရှိရှိ ပစ်မှတ်ထားတိုက်ခိုက်ခဲ့ခြင်းဖြစ်ပြီး၊ ပြည်ဖြိုးထွန်းကုမ္ပဏီ ဆီအုန်းစိုက်ပျိုးရေးစီမံကိန်းရှိ အလုပ်သမားတန်းလျားများနှင့် လူနေအိမ်အချို့လည်း ထိခိုက်ပျက်စီးသွားသည်ဟု သိရသည်။ ဧပြီလ ၂၆ ရက်နေ့ကလည်း မောတောင်မြို့ အမှတ် (၁) နှင့် အမှတ် (၉) ရွာများကို ပေါင် ၂၅၀ ဗုံးများဖြင့် ကြဲချခဲ့ သဖြင့် နေအိမ်အချို့ ပျက်စီးခဲ့သေးသည်။ မြေပြင်ရှိ တော်လှန်ရေးတပ်ဖွဲ့ဝင်တစ်ဦးက “စစ်တပ်က ဒီမြို့ကို ပြန်ရဖို့ အသည်းအသန် ကြိုးစားနေတာ။ မြေ ပြင်ကနေ စစ်ကြောင်းထိုးလို့မရတော့ လေယာဉ်ကိုပဲ အားကိုးနေရတာ။ နေ့တိုင်းလိုလိုလည်း လေယာဉ်က ဝဲနေတာပဲ။ ရွာသားတွေအနေနဲ့ အသွားအလာ သတိထားကြဖို့လိုတယ်ဗျ။ လေကြောင်းအန္တရာယ်ကို အမြဲ နားစွင့်ထားကြဖို့ပဲ ပြောချင်ပါတယ်” ဟု ပြောသည်။ မောတောင်မြို့သည် ထိုင်း-မြန်မာ နယ်စပ်ကုန်သွယ်ရေးအတွက် အလွန်အရေးပါသော မြို့တစ်မြို့ဖြစ်ပြီး ၁၉၉၀ ခုနှစ်တွင် စစ်တပ်က သိမ်းယူခဲ့ခြင်းဖြစ်သည်။ သို့သော် ၃၅ နှစ်အကြာ ၂၀၂၅ ခုနှစ်၊ နိုဝင်ဘာလတွင် တော်လှန်ရေးပူးပေါင်းတပ်များက ပြန်လည်သိမ်းပိုက်နိုင်ခဲ့ သည်။ စစ်တပ်သည် မြို့ကိုပြန်လည်ထိန်းချုပ်ရန် ငါးလကြာသည်အထိ စစ်ကြောင်းထိုးနေသော်လည်း တော်လှန်ရေး အင်အားစုများ၏ ပိတ်ဆို့ဖြတ်တောက်မှုကြောင့် မြို့အနားပင် မကပ်နိုင်ဘဲ လေကြောင်းကိုသာ အဓိက အသုံးပြု တိုက်ခိုက်နေရခြင်းဖြစ်သည်။ KNU အနေဖြင့် နိုင်ငံတကာ အသိုင်းအဝိုင်းနှင့် အာဆီယံနိုင်ငံများ အနေဖြင့် စိုးရိမ်ပူပန်မှုကို ထုတ်ဖော် ပြသခြင်း ထက် လက်တွေ့ကျသည့် အရေးယူဆောင်ရွက်မှုများ ပြုလုပ်ကာ စစ်တပ်၏ လေကြောင်းတိုက်ခိုက်မှုများကို ရပ်တန့်စေရန် တားဆီးပေးဖို့ ထုတ်ပြန်တိုက်တွန်းထားသည်။ #မောတောင်နယ်စပ်ကုန်သွယ်ရေး #မောတောင်မြို့ #လေကြောင်းတိုက်ခိုက်

မောတောင် နယ်စပ်ဂိတ်အနီး စစ်တပ်က ဗုံးကြဲတိုက်ခိုက်

April 29, 2026

အာရပ်စော်ဘွားများပြည်ထောင်စု (UAE) အိုပက် (OPEC) အဖွဲ့မှ နှုတ်ထွက်မည်

April 29, 2026

စက်သုံးဆီရှားပါးမှုကြောင့် ကမ်းနီး ငါးဖမ်းလုပ်ငန်းများ ရပ်လုနီးဖြစ်

April 28, 2026

KNU ပူးပေါင်းတပ်များ ဝေါလေဗျူဟာကုန်းကို ထိုးစစ်ဆင်နေပြီး တိုက်ပွဲ ပြင်းထန် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၉ ရက်။ မြန်မာ-ထိုင်းနယ်စပ်၊ မြဝတီမြို့တောင်ဘက်ရှိ စစ်တပ်၏ ‘ဝေါလေဗျူဟာကုန်း’ ကို ကရင်အမျိုးသား လွတ်မြောက်ရေးတပ်မတော် (KNLA) နှင့် တော်လှန်ရေးပူးပေါင်းတပ်ဖွဲ့များက အပြီးသတ်သိမ်းပိုက်နိုင်ရန် အရှိန်အဟုန်မြှင့် ထိုးစစ်ဆင်လျက်ရှိရာ တိုက်ပွဲများ ဆက်လက်ပြင်းထန်နေသည်။ ပြီးခဲ့သည့် ဧပြီလတတိယပတ်မှ စတင်ကာ တော်လှန်ရေးပူးပေါင်းတပ်များက ဝေါလေဗျူဟာစခန်းကို အလုံး အရင်းဖြင့် ဝင်ရောက်တိုက်ခိုက်ခဲ့ခြင်းဖြစ်ပြီး၊ လက်ရှိတွင် စစ်တပ်၏ ရှေ့တန်းကာကင်းစခန်းအချို့ကို ထပ်မံ သိမ်းပိုက်ထားနိုင်ပြီဖြစ်သည်။ စစ်တပ်ဘက်ကမူ ၎င်းတို့၏ ဗျူဟာစခန်း လက်မလွှတ်ရရေးအတွက် တစ်ရက်တည်းတွင်ပင် လေကြောင်းမှ ဗုံးအကြိမ် ၂၀ နီးပါး ကြဲချကာ ခုခံနေရသည်။ ထိုသို့ တိုက်ပွဲများပြင်းထန်နေစဉ်အတွင်း ဧပြီလ ၂၇ ရက်နေ့က စစ်တပ်ဘက်မှ ဂျက်ဖိုက်တာများဖြင့် မီးလောင် ဗုံးများ အသုံးပြုကာ တိုက်ခိုက်ခဲ့သဖြင့် ဝေါလေနှင့် ထီးသဲလယ်ကျေးရွာရှိ လူနေအိမ် ၃၀ ခန့် မီးလောင်ပျက်စီး သွားသည်ဟု တော်လှန်ရေး တပ်ဖွဲ့ဝင်တစ်ဦးက ပြောသည်။ မြေပြင်ရှိ တော်လှန်ရေးတပ်ဖွဲ့ဝင်တစ်ဦးက “၂၇ ရက်နေ့ နေ့လယ် ၁ နာရီလောက်မှာ ဗုံးလာကြဲတယ်။ ဂျက် ဖိုက်တာနဲ့ မီးလောင်ဗုံးတွေ အပါအဝင် ဗုံးအလုံးရေ တော်တော်များများ လာကြဲသွားတာပါ။ အဲ့ဒီတိုက်ခိုက်မှု ကြောင့် ဝေါလေနဲ့ ထီးသဲလယ်ရွာက အိမ်ပေါ့နော် ၃၀ လောက် မီးလောင်ပြာကျသွားခဲ့ရတယ်။ ကံကောင်းတာ က ဒေသခံတွေက တိုက်ပွဲအခြေအနေကြောင့် ကြိုတင်ရှောင်တိမ်းနေကြလို့ လူထိခိုက်မှုတော့ မရှိခဲ့ဘူး” ဟု ပြောသည်။ တိုက်ပွဲများကြောင့် ဝေါလေဒေသခံ အရပ်သား ၁၂ ဦးထက်မနည်း ထိခိုက်ဒဏ်ရာရရှိခဲ့ပြီး ဒေသခံများမှာလည်း ဘေးလွတ်ရာသို့ ထွက်ပြေးတိမ်းရှောင်နေကြရသည်။ ဝေါလေဒေသခံတစ်ဦးက “လေယာဉ်ကတော့ တောက်လျှောက်ဝဲပြီး ဗုံးကြဲနေတာပဲ။ စခန်းထဲက စစ်သားတွေ လည်း အပြင်ကို ထွက်ပြေးနေကြတယ်လို့ ကြားတယ်။ ရွာထဲမှာလည်း လက်နက်ကြီးကျည်တွေကျတော့ လူတွေက ထိုင်းဘက်ကမ်းကို ကူးဖို့ အထုပ်အပိုးတွေနဲ့ ပြင်နေကြရပြီ” ဟု ပြောသည်။ တစ်ဖက်တွင်လည်း စစ်တပ်သည် နယ်စပ်ကုန်သွယ်ရေး တံတားကို ဧပြီလ ၂၈ ရက်နေ့တွင် ပြန်ဖွင့်ရန် ထိုင်းအာဏာပိုင်များထံ စာပို့ အကြောင်းကြားထားကြောင်း ထိုင်းသတင်းအချို့က ဖော်ပြသည်။ မြဝတီတဖက်ခြမ်း မဲဆောက်မြို့မှ ဒေသခံတစ်ဦးက “ချစ်ကြည်ရေး တံတားဖွင့်ဖို့ မြန်မာအာဏာပိုင်တွေ Tak (တက်ခ်ခရိုင်) အာဏာပိုင်တွေကို စာပို့တယ်လို့ ကြားတယ်။ ဧပြီ ၂၈ ရက်မှာ ဖွင့်ဖို့ ဖွင့်လို့အဆင်ပြေပြီ ဆိုတဲ့အကြောင်းပေါ့ဗျာ။ ဒါက တကယ်တော့ ဘယ်လိုမှ မဖြစ်နိုင်တဲ့ကိစ္စ။ တိုက်ပွဲက နေ့တိုင်းလိုလို ဖြစ်နေတာလေ။ မြန်မာဘက်က သူတို့ဖြစ်ချင်တာကို ပြောနေတာမျိုးဗျ” ဟု ပြောသည်။ သို့သော်လည်း မြေပြင်တွင် စစ်တပ်ကပစ်ခတ်သည့် လက်နက်ကြီးကျည်များမှာ ထိုင်းနိုင်ငံဘက်ခြမ်းသို့ အကြိမ်ကြိမ်ကျရောက်နေသဖြင့် ထိုင်းအာဏာပိုင်များက နယ်စပ်လုံခြုံရေးကို အရေးပေါ်တပ်လှန့် သတိပေးထားသည်။ ဝေါလေဗျူဟာကုန်းသည် မြဝတီတောင်ဘက်ခြမ်းတွင် စစ်တပ်၏ နောက်ဆုံး အမာခံစခန်းဖြစ်သဖြင့် အဆိုပါ စခန်းသာ ကျဆုံးသွားပါက နယ်စပ်တစ်လျှောက် စစ်တပ် ကင်းစင်နယ်မြေ ဖြစ်လာမည်ဖြစ်သည်။ ဝေါလေဗျူဟာ ကုန်းသည် ထိုင်း-မြန်မာနယ်စပ်အား စောင့်ကြည့်စိုးမိုးနိုင်သည့် အမြင့်ပိုင်းနေရာတွင် ရှိခြင်းကြောင့် နယ်စပ်ဖြတ်ကျော်မှုများနှင့် ကုန်သွယ်ရေးလမ်းကြောင်းများကို ထိန်းချုပ်ထားနိုင်သည့် ဗျူဟာမြောက်ကုန်းတစ်ခု ဖြစ်သည်။ မြဝတီ - ဝေါလေ လမ်းပိုင်းကို စိုးမိုးထားနိုင်သည့် အတွက် ဤဒေသတွင်ရှိ စစ်ရေးလှုပ်ရှားမှုတွေအတွက် အချက်အခြာကျသည်။ ထို့ကြောင့် စစ်တပ်အနေဖြင့် လေကြောင်းတိုက်ခိုက်မှုများကို အရှိန်မြှင့်လုပ်ဆောင်နေသလို၊ ထိုင်းနိုင်ငံဘက်မှ တစ်ဆင့် စစ်ကူပို့ဆောင်နိုင်ရေး ကြိုးပမ်းနေသည်ဟူသော သတင်းများလည်း ထွက်ပေါ်နေသည်။ #ဝေါလေဗျူဟာကုန်း #KNLA #KNU #PDF #KNDO #ဝေါလေတိုက်ပွဲ

KNU ပူးပေါင်းတပ်များ ဝေါလေဗျူဟာကုန်းကို ထိုးစစ်ဆင်နေပြီး တိုက်ပွဲ ပြင်းထန်

April 29, 2026

တရုတ်၏ ဒုတိယအကြီးဆုံး ချစ်ပ်ကုမ္ပဏီ Hua Hong အား အမေရိကန်က ပိတ်ဆို့

April 29, 2026

စစ်တပ်စစ်ကြောင်းများ အင်းတော်သို့ ထိုးစစ်ဆင်၊ မြို့ခံများ ရှောင်တိမ်းနေရ

April 28, 2026

ရေဖြူမြို့နယ်အတွင်း ရော်ဘာခြံလုပ်သားတစ်ဦး မိုင်းနင်းမိ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၉ ရက်။ ထားဝယ်ခရိုင်၊ ရေဖြူမြို့နယ်၊ ကလိန်အောင်မြို့အနီးရှိ ရာဖူးကျေးရွာတွင် ရော်ဘာခြံလုပ်သားတစ်ဦး မိုင်းနင်း မိပြီး ပြင်းထန်ဒဏ်ရာများ ရရှိခဲ့သည့်အတွက် ခြေထောက်တစ်ဖက် ဖြတ်ပစ်ရမည့် အခြေအနေနှင့် ရင်ဆိုင်နေရ ကြောင်း ဒေသခံများက ပြောသည်။ ဧပြီလ ၂၈ ရက် နံနက်ပိုင်းက ရာဖူးရွာဟောင်းဘက်ရှိ ကားလမ်းဘေးမှ ခြံအတွင်းသို့ အသက် ၃၀ ခန့်အရွယ် ခြံလုပ်သားတစ်ဦး အလုပ်လုပ်ရန် သွားလာနေစဉ် မြေမြှုပ်မိုင်း နင်းမိခဲ့ခြင်း ဖြစ်သည်။ အဆိုပါ ပေါက်ကွဲမှုကြောင့် ၎င်းမှာ ပြင်းထန် ဒဏ်ရာများရရှိခဲ့ပြီး လက်ရှိတွင် ရေးမြို့ဆေးရုံသို့ ပို့ဆောင်ကာ အရေးပေါ် ဆေးကုသမှု ခံယူနေရသည်။ ဖြစ်စဉ်နှင့် ပတ်သက်၍ အသက် ၅၀ ခန့်အရွယ် ရွာသားတစ်ဦးက “မိုင်းနင်းမိတဲ့သူမှာ အပြင်းအထန် ဒဏ်ရာရ ရှိခဲ့တာ၊ ခြေထောက်တစ်ဖက်ကတော့ ဖြတ်ပစ်ရမဲ့ အခြေအနေထိ ရှိနေတယ်” ဟု ပြောသည်။ ရာဖူးကျေးရွာဝန်းကျင်တွင် ယခုဧပြီလအတွင်း၌ပင် မိုင်းပေါက်ကွဲမှုများ ဆက်တိုက် ဖြစ်ပွားနေသဖြင့် ဒေသခံ များမှာ ဥယျာဉ်ခြံလုပ်ငန်းခွင်သို့ သွားရောက်ရန် စိုးရိမ်ထိတ်လန့်နေကြသည်။ ဧပြီလ ၁၁ ရက်နေ့ကလည်း ရာဖူးကျေးရွာရှိ ရော်ဘာခြံတစ်ခုအတွင်း ရေပိုက်လိုင်း ပြုပြင်ရန်သွားသည့် အလုပ် သမား မိသားစုတစ်စု မိုင်းနင်းမိခဲ့ပြီး ကလေးငယ်များ အပါအဝင် မိသားစုဝင် ၅ ဦးစလုံး ဒဏ်ရာ ရရှိခဲ့သည့် ဖြစ်စဉ် ဖြစ်ပွားခဲ့သေးသည်။ ထို့ပြင် ဧပြီလဆန်းပိုင်းကလည်း ရာဖူးကျေးရွာအနီးရှိ သာယာမွန်ကျေးရွာမှ ဇနီးမောင်နှံနှစ်ဦး ခြံအတွင်းသို့ ဆိုင်ကယ်ဖြင့် သွားလာစဉ် မိုင်းနင်းမိခဲ့ရာ လူထိခိုက်မှု မရှိခဲ့သော်လည်း ဆိုင်ကယ် ပျက်စီးသွားခဲ့ကြောင်း သိရသည်။ ထားဝယ်ခရိုင်အတွင်း ဧပြီလတစ်လတည်းမှာပင် မိုင်းပေါက်ကွဲမှု သုံးကြိမ်အထိ ရှိလာခဲ့ပြီး အဆိုပါ ဖြစ်စဉ်များ အတွင်း ကလေးငယ်တစ်ဦး သေဆုံးကာ၊ ခြေတစ်ဖက် ဆုံးရှုံးရသူတစ်ဦး အပါအဝင် စုစုပေါင်း ၈ ဦးအထိ ထိခိုက်ဒဏ်ရာ ရရှိခဲ့ပြီ ဖြစ်သည်။ ထိုသို့ စိုက်ပျိုးရေးခြံများအတွင်း မိုင်းအန္တရာယ် များပြားလာခြင်းက ၎င်းတို့၏ အသက်မွေးဝမ်းကျောင်း လုပ်ငန်း များအပေါ် ကြီးမားသည့် ခြိမ်းခြောက်မှုတစ်ခု ဖြစ်နေကြောင်း ဒေသခံများက ပြောသည်။ #ရေဖြူမြို့နယ် #တနင်္သာရီတိုင်း #ထားဝယ်

ရေဖြူမြို့နယ်အတွင်း ရော်ဘာခြံလုပ်သားတစ်ဦး မိုင်းနင်းမိ

April 29, 2026

ဦးမင်းအောင်လှိုင် သမ္မတဖြစ်လာပြီးနောက် EU က မြန်မာအပေါ် ပိတ်ဆို့မှု သက်တမ်းတိုး

April 29, 2026

ထိုင်းပြန် သီရိလင်္ကာသံဃာတော် ၂၂ ပါးထံမှ ဆေးခြောက် အမြောက်အမြား ဖမ်းဆီးရမိ

April 28, 2026