UNFC CEC တိုးချဲ့အစည်းအဝေးမှ သတင်းထုတ်ပြန်ချက်

December 11, 2017

UNFC CEC တိုးချဲ့အစည်းအဝေးမှ သတင်းထုတ်ပြန်ချက်

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

Related Posts

ပုဏ္ဏားကျွန်းအမှုတွင် မုဒိမ်းကျင့်သတ်ဖြတ်သူကို သေဒဏ်နှင့် နှစ်ဦးကို ထောင်ဒဏ် ၂၀ နှစ် ချမှတ် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဩဂုတ်လ ၇ ရက်။ ရခိုင်ပြည်၊ ပုဏ္ဏားကျွန်းမြို့နယ်တွင် ဖြစ်ပွားခဲ့သည့် မုဒိမ်းကျင့်လူသတ်မှုနှင့်ပတ်သက်၍ တရားခံသုံးဦးအနက် တစ်ဦးကို မသေမချင်း လည်ပင်းကြိုးကွင်းစွပ်၍ သတ်စေရန် သေဒဏ်ချမှတ်ခဲ့ပြီး ကျန်တရားခံနှစ်ဦးကိုမူ ထောင်ဒဏ် နှစ် ၂၀ စီ အသီးသီး ချမှတ်လိုက်သည်။ အဆိုပါ ပြစ်ဒဏ်ချမှတ်မှုနှင့်ပတ်သက်၍ “ပုဏ္ဏားကျွန်းမြို့နယ်၊ ယိုးတရုပ်ရပ်ရွာနေ (အဖ) ဦးသာထွန်းစံ၏သား - (၁) တရားခံ မောင်တင်ဝင်းမာ ရာဇသတ်ကြီးပုဒ်မ - ၃၀၂(၁)(ဂ) အရ ပြစ်မှုထင်ရှားပေါ်ပေါက်သဖြင့် ယင်း ဥပဒေ၊ ယင်းပုဒ်မအရ မသေမချင်း လည်ပင်းကြိုးကွင်းစွပ်၍ သတ်စေ” ဟု အာရက္ခမှုခင်းနှင့် ဆက်စပ်သတင်း များ ထုတ်ပြန်ရေးအဖွဲ့၏ ဩဂုတ်လ ၆ ရက်နေ့ထုတ်ပြန်ချက်တွင် ဖော်ပြပါရှိသည်။ အမျိုးသမီးအား မုဒိမ်းကျင့်သတ်ဖြတ်ခဲ့ကြောင်း ပုဏ္ဏားကျွန်းမြို့နယ်၊ ယိုးတရုပ်ကျေးရွာ၊ ကျားလောင်ပွန်းဘုန်း ကြီးကျောင်းရှိ ယာယီစစ်ရှောင်စခန်းတွင် နေထိုင်သူဖြစ်ပြီး ပုဏ္ဏားကျွန်းမြို့နယ်၊ ဆင်အင်းကြီးရွာမှ (အဖ) ဦးသာထွန်းစံ၏ သားဖြစ်သူ မောင်တင်ဝင်း (၃၇ နှစ်) က ဝန်ခံထွက်ဆိုခဲ့ကြောင်း မှုခင်းသတင်းထုတ်ပြန်ချက် တွင် ဖော်ပြထားသည်။ ထို့ပြင် ကျန်တရားခံနှစ်ဦးနှင့်ပတ်သက်၍လည်း “ပုဏ္ဏားကျွန်းမြို့နယ်၊ ကြံခင်းစစ်ရှောင်စခန်းနေ (အဖ) ဦးကျော်ဆန်း ၏သား - (၂) တရားခံ အေးကျော် (ခ) မောင်ပုမာ ရာဇသတ်ကြီးပုဒ်မ - ၃၆၄ အရ ပြစ်မှုထင်ရှား ပေါ်ပေါက်သဖြင့် ယင်းဥပဒေ၊ ယင်းပုဒ်မအရ ထောင်ဒဏ် (၂၀) နှစ် ကျခံစေ” ဟု အမိန့်ချမှတ်ခဲ့သည်။ ယခုကဲ့သို့ အမြန်ဆုံး အမိန့်ချမှတ်နိုင်ခဲ့ခြင်းအပေါ် အာရက္ခတပ်တော် တရားရေးနှင့် နီးစပ်သူ ရှေ့နေတစ်ဦးက ယခုကဲ့သို့ သုံးသပ်ပြောဆိုသည်။ “အမှုက လူထုစိတ်ဝင်စားတယ်၊ မခံမရနိုင် ဖြစ်နေကြတော့ အေအေက စောစောအမိန့်ချနိုင်အောင် ဆောင်ရွက် ခဲ့တာလို့ ထင်ပါတယ်။ ဝေဖန်တာတွေကို မပြောလိုပါဘူး။ အခုအမိန့်ချလိုက်ပြီဆိုတော့ ရှင်းသွားပါပြီ၊ ဩဂုတ် လ ၅ ရက်နေ့က စစ်တွေခရိုင်တရားရုံးက ချမှတ်တာပါ။ တရားခံတွေကို ချုပ်ရက်ခံစားဖို့ ဘေးတွဲဆိုင်ကယ် ၂ စီးပိုင်ရှင်ကို ပြန်ပေးဖို့လည်း ပါပါတယ်။” တရားခံများသည် ဇူလိုင်လ ၂၃ ရက်နေ့မှ ဩဂုတ်လ ၅ ရက်နေ့အထိ ချုပ်ရက်များကို ထုတ်နှုတ်ခံစားစေပြီး ရှာဖွေပုံစံ (ဏ) ဖြင့် သိမ်းဆည်းထားသော ဘေးတွဲဆိုင်ကယ် နှစ်စီးအား ပိုင်ရှင်ထံ ပြန်လည်ပေးအပ်စေကာ ကျန်သက်သေခံပစ္စည်းများကို ဖျက်ဆီးစေပြီး အမှုအား “အမှုမှန်” ဟု သတ်မှတ်ကြောင်း တရားရုံးက ဆိုထား သည်။ အဆိုပါအမှုမှာ ၂၀၂၆ ခုနှစ်၊ ဇူလိုင်လ ၂၂ ရက်နေ့၊ ည ၁၀ နာရီအချိန်တွင် ပုဏ္ဏားကျွန်းမြို့နယ်၊ တန်းစွယ်ကျေးရွာ အနောက်ဘက် တောင်ခြေရင်းအောက် မြောင်းစပ်၌ လူတစ်ဦး သေဆုံးနေကြောင်း သတင်းရရှိသဖြင့် ကျေးရွာ အုပ်ချုပ်ရေး တာဝန်ရှိသူများနှင့်အတူ ဒီလပ်တာဝန်ရှိသူများက အခင်းဖြစ်ပွားရာ နေရာသို့ သွားရောက် စစ်ဆေး ခဲ့ရာမှ စတင်ပေါ်ပေါက်လာခဲ့ခြင်း ဖြစ်သည်။ စစ်တွေခရိုင်တရားရုံးသည် အဆိုပါအမှုကို ၂၀၂၆ ခုနှစ်၊ ရာဇဝတ်ကြီးမှုအမှတ် - ၃၅ ဖြင့် တရားလိုဘက်မှ ခရိုင် ဥပဒေအရာရှိတစ်ဦးနှင့် တရားခံဘက်မှ ဥပဒေအကျိုးဆောင် တစ်ဦးတို့ကို တာဝန်ပေးအပ်ကာ လိုပြသက်သေ ၁၉ ဦးအပါအဝင် နှစ်ဖက်စစ်ဆေးမှုများကို ပြုလုပ်ခဲ့ပြီးနောက် ဩဂုတ်လ ၂ ရက်နေ့တွင် စွဲချက်အမိန့် ချမှတ်ခဲ့ ခြင်း ဖြစ်သည်။ #မုဒိမ်းမှု #ပုဏ္ဏားကျွန်း

ပုဏ္ဏားကျွန်းအမှုတွင် မုဒိမ်းကျင့်သတ်ဖြတ်သူကို သေဒဏ်နှင့် နှစ်ဦးကို ထောင်ဒဏ် ၂၀ နှစ် ချမှတ်

August 7, 2026

စစ်အုပ်စုကို ထိုင်းက ဖိတ်ခေါ်သော်လည်း အာဆီယံတစ်စုံလုံး လက်ခံရန် ခဲယဉ်းဟု ဆို

August 7, 2026

သတင်းထောက်သေဆုံးမှု အစ္စရေးကို စစ်ရာဇဝတ်မှုဖြင့် စွပ်စွဲ

August 7, 2026

အောင်ပန်းတွင် ပျောက်ဆုံးနေသည့် ကလေးငယ်အလောင်းကို ရေတွင်းပျက်၌တွေ့ရှိ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၇ ရက်။ ရှမ်းပြည်တောင်ပိုင်း၊ ကလောမြို့နယ်၊ အောင်ပန်းမြို့အနီးတွင် အသက် ခြောက်နှစ်အရွယ် ကလေးငယ်တစ်ဦး ပျောက်ဆုံးသွားပြီးနောက် သေဆုံးနေသည့် အနေအထားဖြင့် ရေတွင်းပျက်တစ်ခုအတွင်း၌ ပြန်လည်တွေ့ရှိခဲ့ ကြောင်း လူမှုကူညီရေးအသင်းဝင်များက ပြောဆိုသည်။ အောင်ပန်းနာရေး ကူညီမှုအသင်းနှင့် မိသားစုဝင်များ ဝိုင်းဝန်းရှာဖွေခဲ့ကြရာ အောင်ပန်းမြို့အနီး၊ ဘုရားတောင် ကျေးရွာရှိ ရေတွင်းပျက်တစ်ရွာ၌ ဩဂုတ်လ ၆ ရက် ည ၁၁ နာရီခန့်က ယခုကဲ့သို့ အလောင်းကို ရှာဖွေတွေ့ရှိခဲ့ ခြင်း ဖြစ်သည်။ ဖြစ်စဉ်နှင့်ပတ်သက်ပြီး နီးစပ်သူတစ်ဦးက “စတွေ့တော့ အလောင်းက ပုံမှန်ဟုတ်မနေဘူး။ ဒီတိုင်းပြုတ်ကျလို့ သေတာလား၊ တခုခု လုပ်ခံရတာလားဆိုတာ မြင်တဲ့သူတိုင်း သိကြပါတယ်။ ကလေးက ပျောက်နေတုန်း ဖြစ် သွားတာဆိုတော့ မိဘတွေ ရင်ကျိုးမတတ်ပဲ” ဟု ပြောသည်။ သေဆုံးသူ ကလေးငယ်သည် ဩဂုတ်လ ၆ ရက်နေ့၊ ညနေ ၅ နာရီခန့်ကတည်းက ကျေးရွာအတွင်းရှိ နေအိမ်မှ တစ်ဦးတည်း ပျောက်ဆုံးသွားခဲ့ခြင်းဖြစ်ပြီး မိသားစုဝင်များက ဝိုင်းဝန်းရှာဖွေော်သော်လည်း မတွေ့ရှိရသဖြင့် လူမှုကူညီရေး အသင်းဝင်များထံ အကူအညီ လိုက်လံတောင်းခံခဲ့ရခြင်း ဖြစ်သည်။ အလောင်းအား တွေ့ရှိချိန်တွင် သေဆုံးသူ ဝတ်ဆင်ထားသည့် နားကပ်တစ်ရံ ပျောက်ဆုံးနေပြီး နားရွက်၌ ဆွဲဖြုတ်ယူထားသည့် ဒဏ်ရာများကို တွေ့ရသည့်အပြင် တစ်ကိုယ်လုံးရှိ ဒဏ်ရာအနေအထားများအရ ရိုက်နှက် လုယက် သတ်ဖြတ်ပြီးမှ ရေတွင်းထဲသို့ ပစ်ချခဲ့ခြင်း ဖြစ်နိုင်ကြောင်း လူမှုကူညီရေးအသင်းဝင်များက ကောက် ချက်ချ ပြောဆိုကြသည်။ သေဆုံးသူ ခြောက်နှစ်အရွယ် ကလေးငယ်မှာ နောင်ရဲကျေးရွာနေ ဦးမောင်မောင်နှင့် ဒေါ်ခက်ခက်တို့၏ သမီး ဖြစ်သူ မဆောင်းနှင်း ဖြစ်ပြီး သူငယ်တန်း (KG) တက်ရောက်နေသူတစ်ဦး ဖြစ်ကြောင်း နီးစပ်သူများက ပြောသည်။ လိုက်လံကူညီဆောင်ရွက်ပေးခဲ့သည့် အမျိုးသားတစ်ဦးက “အခု ရဲစစ်ချက်ယူနေသေးတယ်။ အသတ်ခံရတာ တော့ ဟုတ်တယ်။ အဲဒါတော့ သေချာပြောလို့ရတယ်။ နားကပ်ကလည်း ပြောရမယ်ဆို ပြန်ရောင်းရင် ဘယ် လောက်မှ မရပါဘူး။ သားသမီးချင်း မစာမနာ လုပ်ရက်ကြတာ။ ဒီမှာက ဆေးသမားများတော့ ဒါမျိုးတွေက ခဏခဏ ဖြစ်တယ်” ဟု ပြောသည်။ စစ်အာဏာသိမ်းပြီး နောက်ပိုင်း ကလောမြို့နယ်အတွင်း ပိုင်ရှင်မဲ့အလောင်းများ တွေ့ရှိရခြင်း၊ ကိုယ့်ကိုယ်ကိုယ် အဆုံးစီရင်ခြင်းနှင့် အသတ်ခံရသည့် ဖြစ်စဉ်များကြောင့် တစ်လလျှင် အနည်းဆုံး အလောင်းတစ်လောင်းခန့် ပေါ်ထွက်နေပြီး ဒေသခံများအနေဖြင့် ညဘက်သွားလာရေးအတွက် အထူးစိုးရိမ်ပူပန်နေကြရသည်။ ဒေသခံများ၏ ပြောပြချက်အရ အဆိုပါ အသတ်ခံရသည့် ရာဇဝတ်မှုများနှင့် လောင်းကစား၊ မူးယစ်ဆေးဝါး ရောင်းဝယ်ဖောက်ကား သုံးစွဲမှုများမှာ တစ်နည်းတစ်ဖုံ ဆက်စပ်လျက်ရှိကြောင်း သိရသည်။ #ကလော #အောင်ပန်းမြို့

အောင်ပန်းတွင် ပျောက်ဆုံးနေသည့် ကလေးငယ်အလောင်းကို ရေတွင်းပျက်၌တွေ့ရှိ

August 7, 2026

ဒေါ်အောင်ဆန်းစုကြည်အား ချွင်းချက်မရှိ လွှတ်ပေးရန် US နိုင်ငံခြားရေး ဌာနနှင့် အာဆီယံ ဥက္ကဋ္ဌတောင်းဆို

August 7, 2026

သေဒဏ်ချခံထားသည့်ဘင်္ဂလားဒေ့ရှ် ဝန်ကြီးချုပ်ဟောင်း နေရပ်ပြန်မည်ဟု ကြေညာ

August 7, 2026

တိုက်ပွဲနှင့် ဗုံးကြဲမှုများကြောင့် ကရင်နီတွင် စစ်ဘေးရှောင် အိမ်ထောင်စု ၂၅၀ နီးပါး တိုးလာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၇ ရက်။ ကရင်နီပြည်တွင် ဇူလိုင်လအတွင်း စစ်အုပ်စု၏ တိုက်ခိုက်မှုများကြောင့် အရပ်သား နှစ်ဦး သေဆုံးကာ ၁၁ ဦး ဒဏ်ရာရရှိခဲ့ပြီး အိမ်ထောင်စု ၂၅၀ နီးပါးမှာလည်း ထပ်မံတိမ်းရှောင်ခဲ့ရကြောင်း ကရင်နီလူ့အခွင့်အရေးအဖွဲ့ (KnHRG) က ထုတ်ပြန်ထားသည်။ ဇူလိုင်လအတွင်း ဒီးမော့ဆိုနှင့် မိုးဗြဲမြို့တို့တွင် နှစ်ဖက်ထိတွေ့တိုက်ပွဲများ ပြင်းထန်စွာ ဖြစ်ပွားခဲ့ပြီး တိုက်ပွဲ ဖြစ်ပွားရာ မဟုတ်သည့် ကျေးရွာများဘက်သို့ စစ်တပ်က ဗုံးကြဲတိုက်ခိုက်ခဲ့ခြင်းကြောင့် အရပ်သား နှစ်ဦး သေဆုံးကာ ၁၁ ဦး ထိခိုက်ဒဏ်ရာရရှိခဲ့ကြောင်း KnHRG က ဩဂုတ်လ ၆ ရက်နေ့တွင် ထုတ်ပြန်ခဲ့သည်။ အဆိုပါ လူ့အခွင့်အရေး ချိုးဖောက်မှုများနှင့် ပတ်သက်ပြီး KnHRG ၏ ဒါရိုက်တာ မမေက “လူ့အခွင့်အရေး ချိုးဖောက်မှုကတော့ မြင့်တက်နေဆဲ ဖြစ်တယ်ပေါ့နော်။ စစ်ကောင်စီဘက်ကနေပြီးတော့ နေရာထပ်တိုးဖို့ လုပ်နေတဲ့အတွက်ကြောင့်မို့လို့ တော်တော်လေး တိုက်ပွဲ ပြင်းထန်တဲ့ အနေအထားမျိုးဖြစ်တယ်။ အဲ့ဒီအတွက် ကြောင့်မို့ တိုက်ပွဲဖြစ်တဲ့ နေရာမှာဆိုလို့ရှိရင် နေ့တိုင်း လေယာဉ်၊ ဒရုန်းနဲ့ ကြဲတာ၊ တိုက်ခိုက်တာတွေလည်း ရှိတယ်။ အဲ့ဒါအပြင် စစ်ဖြစ်ပွားခြင်းမရှိတဲ့ အရပ်သားပြည်သူတွေ နေထိုင်တဲ့နေရာတွေကိုလည်း လက်နက် ကြီး၊ ဒရုန်း၊ လေကြောင်းတိုက်ခိုက်မှုတွေက ဆက်တိုက် ပြုလုပ်နေတဲ့ဟာ ရှိတယ်ပေါ့နော်” ဟု ပြောသည်။ ထို့ပြင် စစ်တပ်၏ စစ်ကြောင်းထိုးမှုနှင့် အရပ်သားများကို ပစ်မှတ်ထား ဗုံးကြဲတိုက်ခိုက်မှုများကြောင့် မိုးဗြဲ အနောက်ခြမ်း၊ ဖလိုင်တောင်ခြေအနီးဝန်းကျင်ရှိ ကျေးရွာဒေသခံနှင့် စစ်ဘေးရှောင် အိမ်ထောင်စု ၂၅၀ နီးပါးမှာ ထပ်မံရွှေ့ပြောင်း ထွက်ပြေးခဲ့ကြရသည်။ လက်ရှိတွင်လည်း ဒီးမော့ဆိုမြို့နယ်၊ ဒေါငံခါးကျေးရွာ အနီးတစ်ဝိုက်၌ စစ်တပ်နှင့် တော်လှန်ရေးတပ်များအကြား တိုက်ပွဲများ ပြင်းထန်နေဆဲဖြစ်ပြီး စစ်တပ်ဘက်မှ လက်နက်ကြီးနှင့် ဒရုန်းတို့ဖြင့် ဆက်တိုက် ထိုးစစ်ဆင်နေ သဖြင့် အနီးဝန်းကျင်ရှိ ဒေသခံများနှင့် စစ်ဘေးရှောင်များမှာ ထပ်မံတိမ်းရှောင်နေကြရသည်။ ဩဂုတ်လ ၆ ရက်နေ့တွင် ဒီးမော့ဆိုအနောက်ဘက်ခြမ်း တစ်နေရာကို စစ်တပ်က လေကြောင်းမှ သုံးကြိမ်တိုင် တိုင် ဗုံးကြဲတိုက်ခိုက်ခဲ့ခြင်းကြောင့် အသက် ၅၀ ကျော်အရွယ် စစ်ဘေးရှောင် အမျိုးသားတစ်ဦး သေဆုံးခဲ့ပြီး အသက် ၇၀ ဝန်းကျင်အရွယ် အမျိုးသမီးတစ်ဦးလည်း ဗုံးစထိမှန် ဒဏ်ရာရရှိခဲ့သည်။ အလားတူ ဩဂုတ်လ ၄ ရက်နေ့ကလည်း ဖရူဆိုမြို့နယ်အတွင်းရှိ ကျေးရွာတစ်ရွာကို စစ်တပ်က ဒရုန်းဖြင့် ဗုံးကြဲတိုက်ခိုက်ခဲ့ရာ ငါးလသားအရွယ် ကလေးငယ်တစ်ဦး အပါအဝင် အရပ်သား ငါးဦး အသက်ဆုံးရှုံးခဲ့ရသည်။ ဒီးမော့ဆိုအနောက်ခြမ်းတွင် နေထိုင်နေကြသည့် စစ်ဘေးရှောင် အမျိုးသမီးတစ်ဦးက “စစ်ရှောင်တွေက စိတ်ပူ တာပေါ့။ တိုက်ပွဲဖြစ်နေတဲ့နေရာနဲ့လည်း သိပ်မဝေးဘူး။ ထပ်တိမ်းရှောင်ဖို့နေရာလည်း အဆင်မပြေဘူးလေ။ ပြီးတော့ လေယာဉ်နဲ့ လာကြဲသွားတာ အရမ်းနီးတယ်။ ဘယ်ချိန် စစ်ရှောင်စခန်းတွေမှာ ထပ်လာကြဲမလဲဆိုတဲ့ စိတ်နဲ့ ပူပန်သောကတွေ ရောက်နေတယ်။ ဘယ်နေရာပဲနေနေ လုံခြုံမှုမရှိတော့ အနာဂတ်အတွက် မျှော်လင့် ချက်တွေ ယုံကြည်မှုတွေ စိတ်လျော့အားနည်းလာကြတယ်” ဟု ပြောသည်။ ကရင်နီ ပြည်သူလူထုအနေဖြင့် လက်ရှိတွင် ရှင်သန်ရေးအတွက်သာ ရုန်းကန်နေကြရပြီး အနာဂတ်အတွက် မသေချာ မရေရာမှုများနှင့် ရင်ဆိုင်နေကြရကြောင်း KnHRG က ထောက်ပြပြောဆိုထားသည်။ ထို့ကြောင့် နိုင်ငံတကာ အသိုင်းအဝိုင်းအနေဖြင့် ပြည်သူများ ကြုံတွေ့နေရသည့် အကျပ်အတည်းကို အရေးပေါ် အခြေအနေအဖြစ် အသိအမှတ်ပြုရန်၊ စစ်တပ်၏ လူ့အခွင့်အရေးချိုးဖောက်မှုများ လျှော့ပါးစေရန်နှင့် တရားမျှ တမှုအတွက် ပြတ်ပြတ်သားသား အရေးယူဆောင်ရွက်ပေးရန် KnHRG က တိုက်တွန်းတောင်းဆိုထားသည်။ #KnHRG #KarenniIDPs

တိုက်ပွဲနှင့် ဗုံးကြဲမှုများကြောင့် ကရင်နီတွင် စစ်ဘေးရှောင် အိမ်ထောင်စု ၂၅၀ နီးပါး တိုးလာ

August 7, 2026

ထိုင်းစာသင်ကျောင်း ပစ်ခတ်မှု အနည်းဆုံး ၇ ဦး သေဆုံး ပြီး၁၅ ဦး ဒဏ်ရာရ

August 7, 2026

မြန်မာ-ထိုင်း ကုန်သွယ်မှုတိုးမြှင့်ရေးနှင့် ပူးပေါင်းဆောင်ရွက်မှု MoU များ လက်မှတ်ထိုး

August 7, 2026