FIFA – Network Media Group

Tag: FIFA

FIFA က အီတလီအသင်းအား အီရန် နေရာတွင် အစားထိုးရန် အဆိုပြုချက်ကို ပယ်ချ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၄ ရက်။ လာမည့် ၂၀၂၆ ကမ္ဘာ့ဖလားပြိုင်ပွဲတွင် အီရန်အသင်းအစား အီတလီအသင်းကို အစားထိုးဝင်ရောက်ယှဉ်ပြိုင်စေရန် အမေရိကန်ဘက်မှ အဆိုပြုချက်ကို ကမ္ဘာ့ဘောလုံးအဖွဲ့ချုပ် (FIFA) က တရားဝင်ငြင်းပယ်လိုက်သည်။ အမေရိကန်သမ္မတ၏ အထူးကိုယ်စားလှယ် Paolo Zampolli က အီရန်နှင့် အမေရိကန်ကြား တင်းမာမှုများကြောင့် အီရန်အစား အီတလီကို အစားထိုးရန် အဆိုပြုခဲ့ခြင်းဖြစ်သည်။ သို့သော်လည်း FIFA ဥက္ကဋ္ဌ Gianni Infantino က အားကစားကို နိုင်ငံရေးနှင့် မရောထွေးသင့်ကြောင်းနှင့် အီရန်အသင်းသည် ခြေစစ်ပွဲအောင်မြင်ထားသဖြင့် သေချာပေါက် ပါဝင်ခွင့်ရမည်ဖြစ်ကြောင်း အတည်ပြုခဲ့ပါသည်။ အီရန်အစိုးရကလည်း အမေရိကန်၏ လုပ်ရပ်မှာ ကိုယ်ကျင့်တရားပျက်ပြားမှုဖြစ်ကြောင်း တုံ့ပြန်ခဲ့သည်။ အီတလီအစိုးရတာဝန်ရှိသူများကလည်း အားကစားသမားပီသစွာ ကွင်းအတွင်း၌သာ ခြေစစ်ပွဲအောင်မြင်မှု ရယူလိုကြောင်းနှင့် ဤအဆိုပြုချက်မှာ ရှက်ဖွယ်ကောင်းကြောင်း ပြောကြားခဲ့သည်။ အီရန်အသင်းသည် ဇွန်လ ၁၁ ရက်နေ့တွင် စတင်မည့် ၂၀၂၆ ကမ္ဘာ့ဖလားပြိုင်ပွဲ၌ နယူးဇီလန်၊ ဘယ်လ်ဂျီယံ၊ အီဂျစ်တို့နှင့်အတူ အမေရိကန်နိုင်ငံရှိ မြို့ကြီးများတွင် အုပ်စုပွဲစဉ်များ ယှဉ်ပြိုင်ကစားသွားရမည် ဖြစ်သည်။ ၂၀၂၆ ခုနှစ် အမျိုးသား ကမ္ဘာ့ ဖလား ဘောလုံးပွဲကို အမေရိကန် ပြည်ထောင်စု၊ ကနေဒါနှင့် မက္ကစီကို နိုင်ငံများတွင် ပြိုင်ပွဲများခွဲ၍ ကျင်းပသွားမည် ဖြစ်သည်။ #အီရန်ဘောလုံးအသင်း #အီတလီဘောလုံးအသင်း #ဒေါ်နယ်ထရမ့် #ကမ္ဘာ့ဖလားဘောလုံးပွဲ #FIFAWorldCup2026

FIFA က အီတလီအသင်းအား အီရန် နေရာတွင် အစားထိုးရန် အဆိုပြုချက်ကို ပယ်ချ

၂၀၂၆ ကမ္ဘာ့ဖလား အဆင့် သတ်မှတ်ချက် ပြင်သစ် ထိပ်ဆုံးတွင် ရပ်တည် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဧပြီလ ၂၃ ရက်။ ၂၀၂၆ ခုနှစ် မြောက်အမေရိက ကမ္ဘာ့ဖလားပြိုင်ပွဲကြီး စတင်ရန် ရက်ပေါင်း ၅၀ အလိုတွင် Fox Sports ၏ နာမည်ကြီးဘောလုံးဝေဖန်ရေးသမား Alexi Lalas က အသင်းများ၏ အင်အားကြီး အဆင့်သတ်မှတ်ချက်ကို ထုတ်ပြန်ခဲ့ရာ ပြင်သစ်က ထိပ်ဆုံးတွင် ရောက်ရှိနေသည်။ ကီလီယန် အမ်ဘာပေ ဦးဆောင်သည့် ပြင်သစ်အသင်း က နံပါတ် ၁ နေရာတွင် ရှိနေပြီး၊ စပိန်က အဆင့် ၂၊ အင်္ဂလန်က အဆင့် ၃ တို့တွင် အသီးသီး ရှိနေသည်။ ကိုလံဘီယာအသင်းက အဆင့် ၄ သို့ ခုန်တက်လာပြီး လက်ရှိချန်ပီယံ အာဂျင်တီးနားကမူ အဆင့် ၅ တွင်သာ ရှိနေသည်။ ဂျပန် က အဆင့် ၁၈ဖြင့် အာရှတွင် အဆင့်အမြင့်ဆုံးဖြစ်ပြီး တောင်ကိုရီးယားက အဆင့် ၂၀ တွင် ရှိနေသည်။ အီရန်မှာ အဆင့် ၃၀ နှင့် ဆော်ဒီအာရေဗျမှာ အဆင့် ၃၁ တွင် ရှိနေသည်။ တောင်ကိုရီးယားမှာ အိမ်ရှင် မက္ကစီကိုနှင့် အုပ်စု တစ်ခုတည်း ကစားရမည် ဖြစ်သည်။ အိမ်ရှင် အမေရိကန်မှာ ခြေစမ်းပွဲရလဒ်များကြောင့် အဆင့် ၁၂ သို့ ရောက်ရှိနေပြီး စီရော်နယ်လ်ဒို၏ ပေါ်တူဂီမှာ အဆင့် ၆ တွင် ရှိနေသည်။ ဟေတီ၊ ကျူရာဆာအိုနှင့် ပနားမားတို့မှာ ဇယား၏ အောက်ဆုံးအဆင့်များတွင် သတ်မှတ်ခံထားရသည်။ #FIFA #FIFAWorldCup2026 #France #၂၀၂၆ကမ္ဘာ့ဖလားဘောလုံးပွဲ #ဖီဖာ

၂၀၂၆ ကမ္ဘာ့ဖလား အဆင့် သတ်မှတ်ချက် ပြင်သစ် ထိပ်ဆုံးတွင် ရပ်တည်

ကမ္ဘာ့ဖလားအတွက် ကြိုတင်ငှားရမ်းထားသော အခန်းသောင်းဂဏန်း ပယ်ဖျက် သတင်းနှင့် မီဒီယာကွန်ရက်။ ၂၀၂၆ ခုနှစ်၊ မတ်လ ၂၂ ရက်။ ကမ္ဘာ့ဘောလုံးအဖွဲ့ချုပ် FIFA သည် ပြီးခဲ့သည့်အပတ်က အမေရိကန်ပြည်ထောင်စု မြို့သုံးမြို့တွင် ကြိုတင်စာရင်းသွင်းထားသော ဟိုတယ်အခန်း သောင်းနှင့်ချီ၍ ပယ်ဖျက်ခဲ့သည်ဟု Philadelphia Inquirer သတင်းစာတွင် ဖော်ပြထားသည်။ ဖီလာဒဲလ်ဖီးယားမြို့တွင် ကြိုတင်စာရင်းသွင်းထားသည့် ဟိုတယ်အခန်း ၁၀,၀၀၀ အနက် ၂,၀၀၀ ကို ပယ်ဖျက်ခဲ့ပြီး အလားတူလုပ်ဆောင်မှုမျိုးကို အမေရိကန်ရှိ အခြားအိမ်ရှင်မြို့ အနည်းဆုံး နှစ်မြို့တွင်လည်း ပြုလုပ်ခဲ့သည်ဟု Philadelphia Inquirer က ဆိုသည်။ ယခုလအစောပိုင်းက မက္ကဆီကိုစီးတီးရှိ ဟိုတယ်ဘိုကင် ၄၀ ရာခိုင်နှုန်းကို FIFA က ပယ်ဖျက်ခဲ့သည်ဟူသော သတင်းများ ထွက်ပေါ်လာပြီးနောက် ထပ်မံဖြစ်ပွားလာခြင်းဖြစ်သည်။ အမေရိကန်ပြည်ထောင်စုတွင် လက်ရှိဖြစ်ပွားနေသော လူဝင်မှုကြီးကြပ်ရေးဆိုင်ရာ တင်းကျပ်မှုများကြောင့် လာမည့်ကမ္ဘာ့ဖလားပြိုင်ပွဲသို့ လာရောက်မည့် နိုင်ငံတကာမှ အားကစားသမားများနှင့် ပရိသတ်များ ဝင်ရောက်နိုင်မှုအပေါ် အကြီးအကျယ် သက်ရောက်မှုရှိလာနိုင်ကြောင်း ကမ္ဘာ့ဖလားပရိသတ်များအကြား စိုးရိမ်မှုများ မြင့်တက်နေသည်။ ယခုနှစ်နွေရာသီတွင် ကျင်းပမည့် ကမ္ဘာ့ဖလားပွဲစဉ် ၁၀၄ ပွဲအနက် ၇၈ ပွဲကို အမေရိကန်တွင် ကျင်းပမည်ဖြစ်ပြီး ကနေဒါနှင့် မက္ကဆီကိုတို့တွင် ၁၃ ပွဲစီ ကျင်းပမည်ဖြစ်သည်။ လူဝင်မှုကြီးကြပ်ရေးဆိုင်ရာ စိုးရိမ်မှုများသည် ကြီးမားလာသဖြင့် နယူးဂျာစီပြည်နယ် လွှတ်တော်အမတ် Nellie Pou က ယခုနှစ်နွေရာသီ အမေရိကန်တွင် ကျင်းပမည့် ကမ္ဘာ့ဖလားပွဲစဉ်များ သို့မဟုတ် ပရိသတ်ပွဲတော် (Fan Festival) များ ကျင်းပရာနေရာ၏ တစ်မိုင်ပတ်လည်အတွင်း မည်သည့်ဖက်ဒရယ်ရန်ပုံငွေကိုမျှ လူဝင်မှုကြီးကြပ်ရေးဆိုင်ရာ အရေးယူဆောင်ရွက်မှုများအတွက် အသုံးမပြုရန် တောင်းဆိုသည့် ဥပဒေမူကြမ်းတစ်ခုကို တင်သွင်းခဲ့သည်။ ထို့ကြောင့်ပင် FIFA အနေဖြင့် အိမ်ရှင်မြို့ အနည်းဆုံး သုံးမြို့၌ ကြိုတင်ဘိုကင်လုပ်ထားသော ဟိုတယ်အခန်းပေါင်း သောင်းနှင့်ချီ၍ ပြန်လည်ပယ်ဖျက်လိုက်သည့် သတင်းမှာ စိုးရိမ်စရာ ဖြစ်လာခဲ့သည်။ FIFA ၏ ဟိုတယ်စာချုပ်များနှင့် နီးစပ်သော်လည်း တရားဝင်ထုတ်ဖော်ပြောဆိုခွင့်မရှိသူတစ်ဦးကမူ ဘောလုံးအဖွဲ့ချုပ်အနေဖြင့် ကမ္ဘာလုံးဆိုင်ရာ အခမ်းအနားကြီးများတွင် ပြုလုပ်လေ့ရှိသည့် ပုံမှန်စာချုပ်ပါ လုပ်ထုံးလုပ်နည်းအတိုင်း ဆောင်ရွက်ခြင်းဖြစ်ကြောင်းနှင့် အခြားအိမ်ရှင်မြို့များတွင်လည်း ဟိုတယ်အခန်းများ ပြန်လည်လျှော့ချမှုများ ရှိနေကြောင်း အတည်ပြုခဲ့သည်။ အဆိုပါအခန်းများကို FIFA ဝန်ထမ်းများ၊ မီဒီယာအဖွဲ့အစည်းများနှင့် တက်ရောက်သူများအတွက် သီးသန့်ဖယ်ထားခြင်းဖြစ်သည်။ ကမ္ဘာ့ဖလားပြိုင်ပွဲမတိုင်မီ လိုအပ်သည့် အခန်းအရေအတွက်ကို FIFA က ပြန်လည်ညှိနှိုင်းလေ့ရှိသည်မှာ ထူးဆန်းသည့်ကိစ္စမဟုတ်သော်လည်း ယခုနှစ်တွင် ပြုလုပ်သည့် ဆုံးဖြတ်ချက်များ၏ ပမာဏနှင့် အချိန်အခါမှာ အမေရိကန်အိမ်ရှင်မြို့များအတွက် စိန်ခေါ်မှုတစ်ခု ဖြစ်နေသည်။ လုံခြုံရေးကုန်ကျစရိတ်များအတွက် ဖက်ဒရယ်အစိုးရထံမှ ရန်ပုံငွေရရှိမှု ကြန့်ကြာနေခြင်းကြောင့် နယူးဂျာစီ၊ ဘော့စတွန်၊ မိုင်ယာမီနှင့် ဆန်ဖရန်စစ္စကို အပါအဝင် အမေရိကန်အိမ်ရှင်မြို့ အများအပြားသည် အကြီးစားပရိသတ်ပွဲတော် (Fan Festivals) များ ကျင်းပမည့်အစီအစဉ်ကို လျှော့ချခဲ့ရသည်။ အဆိုပါပွဲတော်များသည် လက်မှတ်မဝယ်နိုင်သည့် ပရိသတ်များအကြား အလွန်ရေပန်းစားလှပြီး၊ ပွဲတော်အစီအစဉ်များ ပြောင်းလဲသွားခြင်းမှာ ဟိုတယ်ပိုင်ရှင်များနှင့် စားသောက်ဆိုင်များအတွက် နောက်ထပ်စိုးရိမ်စရာ ကိစ္စတစ်ခု ဖြစ်လာခဲ့သည်။ #FIFAWorldCup2026 #FIFA #WorldCup2026

ကမ္ဘာ့ဖလားအတွက် ကြိုတင်ငှားရမ်းထားသော အခန်းသောင်းဂဏန်း ပယ်ဖျက်

ကမ္ဘာ့ဖလား လက်မှတ် ၁၇,၀၀၀ နီးပါး တပြိုင်တည်း ရုတ်သိမ်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၄ ရက်။ ၂၀၂၆ ကမ္ဘာ့ဖလားကျင်းပရန် ၆ လအလိုတွင် ပရိသတ်ပေါင်း ၁၇,၀၀၀ ခန့်က လက်မှတ်များကို တစ်ပြိုင်နက် ပယ်ဖျက်လိုက်ခြင်းကြောင့် FIFA အဖွဲ့ချုပ်သည် အရေးပေါ်အစည်းအဝေး ခေါ်ယူထားရသည်။ ယင်းသို့ ဖြစ်ရခြင်းမှာ အမေရိကန်သမ္မတ ဒေါ်နယ်ထရမ့်၏ ဗင်နီဇွဲလားအပေါ် လေကြောင်းတိုက်ခိုက်မှု အမိန့်နှင့် အခြားနိုင်ငံများအပေါ် ခြိမ်းခြောက်မှုများကြောင့် လုံခြုံရေးဆိုင်ရာ စိုးရိမ်မှုများ မြင့်တက်လာခြင်းကြောင့် ဖြစ်သည်။ လူမှုကွန်ရက်တွင်လည်း #BoycottWorldCup လှုပ်ရှားမှုများ အားကောင်းလာပြီး အမေရိကန်နိုင်ငံ၏ ခရီးသွားလာခွင့် ကန့်သတ်ချက်များကြောင့် ပရိသတ်များ လာရောက်ရန် ခက်ခဲနေသည်။ ထို့အပြင် ဗြိတိန်လွှတ်တော်အမတ်အချို့ကလည်း အမေရိကန်အား အိမ်ရှင်အဖြစ်မှ ဖယ်ရှားရန် တောင်းဆိုနေကြရာ FIFA အနေဖြင့် လက်မှတ်ရောင်းအား၊ လုံခြုံရေးနှင့် အဖွဲ့အစည်း၏ ဂုဏ်သိက္ခာပိုင်းဆိုင်ရာ စိန်ခေါ်မှုများကို ရင်ဆိုင်နေရသည်။

ကမ္ဘာ့ဖလား လက်မှတ် ၁၇,၀၀၀ နီးပါး တပြိုင်တည်း ရုတ်သိမ်း

ဈေးချပေမယ့် လူတိုင်းမတတ်နိုင်သေးတဲ့ ကမ္ဘာ့ဖလား လက်မှတ်ဈေးနှုန်း သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဒီဇင်လဘာလ ၁၇ ရက်။ ၂၀၂၆ ကမ္ဘာ့ဖလား ဘောလုံးပြိုင်ပွဲ၏ လက်မှတ်ဈေးနှုန်းများမှာ အလွန်မြင့်မားနေသည်ဆိုသည့် ဝေဖန်မှုများ ထွက်ပေါ်ခဲ့ပြီးနောက်တွင် ကမ္ဘာ့ဘောလုံးအဖွဲ့ချုပ် (FIFA) က အနိမ့်ဆုံးဈေးနှုန်း ဒေါ်လာ ၆၀ တန် လက်မှတ်အမျိုးအစားသစ်ကို ထည့်သွင်းပေးလိုက်သည်။ သို့သော်လည်း အဆိုပါ လက်မှတ်များကို လူတိုင်းဝယ်ယူခွင့်မရှိဘဲ ပါဝင်ကစားမည့် နိုင်ငံအသီးသီးမှ "သစ္စာရှိပရိသတ်များ" အတွက်သာ သီးသန့်ခွဲတမ်းဖြင့် ရောင်းချပေးမည်ဖြစ်သည်။ ဤလက်မှတ်အမျိုးအစားမှာ နိုင်ငံတစ်နိုင်ငံချင်းစီရရှိသည့် လက်မှတ်စုစုပေါင်း၏ ၁၀ ရာခိုင်နှုန်းသာ ရှိသဖြင့် အရေအတွက် အလွန်နည်းပါးနေသည်။ ထို့ကြောင့် ဘောလုံးဝါသနာရှင်များနှင့် ပရိသတ်အဖွဲ့အစည်းများက ယခုလုပ်ရပ်သည် ဝေဖန်မှုများကို လျှော့ချရန် ကြိုးပမ်းသည့် ဟန်ပြလုပ်ရပ်သာဖြစ်သည်ဟု ဆိုကြသည်။ ပရိသတ်တစ်ဦးအနေဖြင့် မိမိအသင်းနောက်သို့ ဗိုလ်လုပွဲအထိ လိုက်ပါအားပေးမည်ဆိုပါက အမေရိကန်ဒေါ်လာ ၆,၀၀၀ ခန့်အထိ ကုန်ကျမည့် အခြေအနေမှာ သိသိသာသာ ပြောင်းလဲသွားခြင်းမရှိကြောင်း ဝေဖန်ထောက်ပြနေကြသည်။

ဈေးချပေမယ့် လူတိုင်းမတတ်နိုင်သေးတဲ့ ကမ္ဘာ့ဖလား လက်မှတ်ဈေးနှုန်း

FIFA က ၂၀၂၆ ခုနှစ် ကမ္ဘာ့ ဖလား ပွဲစဉ်များ ကြေညာ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဒီဇင်ဘာလ ၈ ရက်။ ကမ္ဘာမှာ လူကြိုက်အများဆုံး အားကစားပွဲဖြစ်တဲ့ ၂၀၂၆ ခုနှစ် ကမ္ဘာ့ ဖလား အမျိုးသားဘောလုံး ပြိုင်ပွဲ ပွဲစဉ်တွေကို ဒီဇင်ဘာ ၅ ရက်နေ့က ရေးဆွဲခဲ့ပါတယ်။ လာမယ့် ၂၀၂၆ ခုနှစ် ဇွန်လ ၁၁ ရက်နေ့မှာစတင်မယ့် ကမ္ဘာ့ ဖလား ဘောလုံးပြိုင်ပွဲကို မက္ကစီကို၊ အမေရိကန်နဲ့ ကနေဒါ နိုင်ငံ ၃ နိုင်ငံပူးတွဲ ကျင်းပမှာ ပထမဆုံး အဖွင့်ပွဲတွေကိုတော့ မက္ကစီကို နိုင်ငံမှာ စတင်မှာပါ။ ပထမဆုံးပွဲက ဇွန်လ ၁၁ ရက်နေ့ ဂရင်းနစ် စံတော်ချိန် ၂၁း၀၀ နာရီ မြန်မာစံတော်ချိန်နဲ့ ဆိုရင် ဇွန်လ ၁၂ ရက် မနက် ၃နာရီ ခွဲမှာ စတင်မှာ ဖြစ်ပါတယ်။ မက္ကစီကိုစီးတီးမှာ ကျင်းပမယ့် အဲဒီပွဲကိုတော့ မက္ကစီကို အသင်းနဲ့ တောင်အာဖရိက အသင်းတို့ ယှဉ်ပြိုင် ကစားကြမှာ ဖြစ်ပါတယ်။ အသင်း ၄ သင်းစီပါတဲ့ အုပ်စု ၁၂ ခု မှာ အသင်းပေါင်း ၄၈ သင်း ယှဉ်ပြိုင် ကစားကြမှာ ဖြစ်ပါတယ်။ အမေရိကန်၊ ကနေဒါနဲ့ မက္ကစီကိုက နေရာ ၁၆ ခုမှာ ယှဉ်ပြိုင်ကစားကြမှာ ဖြစ်ပြီး နောက်ဆုံး ဖိုင်နယ်ပွဲကိုတော့ အမေရိကန် နိုင်ငံ နယူးယောက်မြို့ နယူးဂျာစီ အားကစားကွင်းမှာ ဇူလိုင်လ ၁၉ ရက်နေ့ ဒေသစံတော်ချိန် နေ့လည် ၃ နာရီ (မြန်မာစံတော်ချိန်ကတော့ ဇူလိုင် ၂၀ ရက် မနက် ၂ နာရီ ခွဲ) မှာ ကစားသွားမှာ ဖြစ်ပါတယ်။ ကမ္ဘာ့ ဖလား အုပ်စု ခွဲတဲ့နေ့မှာတော့ ကမ္ဘာ့ဘောလုံး အဖွဲ့ချုပ် FIFA က FIFA ငြိမ်းချမ်းရေး ဆု ဆိုတဲ့ ဆုအသစ်တစ်ခုကို အမေရိကန် သမ္မတ ဒေါ်နယ် ထရန့်ကို ပေးခဲ့ပါတယ်။ ဘောလုံးပွဲစဉ်တွေကြေညာပြီးနောက်မှာတော့ ကမ္ဘာအနှံ့အပြားမှာ ကိုယ့်အသင်းပါတဲ့ ပွဲစဉ်တွေ ကြည့်နိုင်ဖို့ လေယာဉ်လက်မှတ် ဝယ်ယူမှု အများအပြား ပြုလုပ်နေကြပြီ ဖြစ်ပါတယ်။ ကမ္ဘာ့ ဖလား ပွဲစဉ်များကို အခု လင့်ခ်မှာ ကြည့်ရှု နိုင်ပါတယ်။ https://www.fifa.com/en/tournaments/mens/worldcup/canadamexicousa2026/scores-fixtures?country=QA&wtw-filter=ALL

FIFA က ၂၀၂၆ ခုနှစ် ကမ္ဘာ့ ဖလား ပွဲစဉ်များ ကြေညာ

သောကြာနေ့ည ရုပ်သံသတင်း (၁၀-၁၀-၂၅)

ဒီကနေ့ အစီအစဉ်ထဲမှာတော့ … မိုးမိတ်မှာ ဗုံးကြဲတိုက်ခိုက်ခဲ့လို့ ကလေးတွေ အပါအဝင် အရပ်သားတွေ အသက်ဆုံးရှုံးခဲ့ရပါတယ်။ မွန်နဲ့ တနင်္သာရီမှာလည်း အရပ်သားတွေ လေကြောင်းတိုက်ခိုက်မှု ခံရပါတယ်။ ဖားကန့်မှာ စစ်ကော်မရှင်က ဘာကြောင့် ညမထွက်ရ အမိန့်ထုတ်လိုက်တာပါလဲ

ထိုင်းရောက် အလုပ်သမားတွေအတွက် ပန်းရောင်ကတ် ပြုလုပ်ရမယ့် နေရာတွေက ဘယ်နေရာတွေလဲ၊ ဘယ်လိုလုပ်ရမှာလဲ။ ယူကရိန်းတိုက်ပွဲမှာ လောင်စာ အရင်းအမြစ်တွေကို ဘာလို့ အပြန်အလှန် တိုက်ခိုက်နေကြတာလဲ။ ယူကေက အိန္ဒိယ နိုင်ငံကို အပေါ့စား ဒုံးကျည်တွေ ရောင်းပေးလိုက်ပါတယ်။

ကမ္ဘာကျော် မုဒိမ်းမှုတစ်ခုမှာ အယူခံဝင်တဲ့သူကို တရားရုံးက ဘယ်လို အမိန့်ချမှတ်လိုက်သလဲ … စတာတွေတင်ဆက်ထားပါတယ်။