IDPs – Page 3 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Tag Archive

Tag: IDPs

ခဲသတ္တုမိုင်းများကို လေကြောင်းမှ ဗုံးကြဲ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၆ ရက်။ ကရင်နီ ပြည်အတွင်းက စီးပွားရေး လုပ်ငန်းတွေတည်ရှိရာ မော်ချိးဒေသကို စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့သည်။ ဖားဆောင်းမြို့နယ်၊ မော်ချီးဒေသကို စစ်ကောင်စီက လေကြောင်းနှင့် ဗုံးကြဲ တိုက်ခိုက်သည့် အတွက် လူထိခိုက်ဒဏ်ရာ ရရှိခဲ့သည့်အပြင် နေအိမ် အဆောက်အအုံများလည်း ထိမှန် ပျက်စီးခဲ့သည်ဟု မော်ချီး ဒေသခံများက ပြောသည်။ ဧပြီလ ၂၆ ရက်နေ့ (ယနေ့) နေ့လယ် ၁၂ နာရီခွဲ အချိန်ခန့်တွင် စစ်ကောင်စီတပ်က လေယာဉ်နှင့် လာပြီး ဗုံးကြဲ ချခဲ့ခြင်း ဖြစ်သည်ဟု ဗုံးကြဲခံရသည့် နေရာအနီးဝန်းကျင်တွင် ရှိနေသည့် မော်ချီး ဒေသခံတစ်ဦးက ယခုကဲ့သို့ ပြောသည်။ မော်ချီးဒေသခံ တစ်ဦးက “အပေါ်က ဒီဇယ်ကုန်းမှာ ကြဲသွားတာ သူတို့ ထိတဲ့သူတွေလည်းရှိတယ် ပြောတယ်။ အခြေအနေကတော့ အောက်ရွာ ဒီဇယ်ကုန်းဖက်မှာ သုံးလုံးလောက်ပေါ့နော် လေယာဉ်လာကြဲသွားတယ်။ ပြီးလို့ ရှိရင် အထိအခိုက်တော့ အိမ်တွေဘာတွေတော့ ထိတယ်။ ပြီးလို့ရှိရင် ယောက်ကျား ၂ ယောက် ထိတယ် ပြောတယ်။ အတိအကျတော့ သေသေချာချား မသိရသေးဘူး။ မိုးတွေလည်း အရမ်းရွာတော့ အပေါ်က မိသားစု တွေ ပြန်ဆင်းလာတော့ ပြောပြတာပေါ့” ဟု ပြောသည်။ လေယာဉ်လာကြဲပြီးနောက် မိုးသည်းထန်စွာ ရွာသွန်းလာသောကြောင့် အခြေအနေ အသေးစိတ်ကို မသိရ သေးဘူးဟု ဆိုသည်။ ပြီးခဲ့သည့် ဧပြီလ ၂၄ ရက်နေ့ကလည်း စစ်ကောင်စီက မော်ချီးမြို့ရှိ ခဲလုပ်ကွက် တစ်ခုထဲ ပေါင် ၅၀၀ ဗုံးနှင့် လာရောက် ကြဲချခဲ့သောကြောင့် အရပ်သား ၅ ယောက် ထိမှန်သေဆုံးခဲ့သည့်အပြင် ၁၀ ယောက်ထက် မနည်း ထိခိုက်ဒဏ်ရာ ရရှိခဲ့သည်ဟု အဆိုပါ မော်ချီးဒေသခံက ဆက်ပြောသည်။ “မနေ့တစ်နေ့က ကြဲတာက ဒီအခု ကျနော်တို့ နေတဲ့ အိမ်အပေါ် တစ်လုံးကျော်နားမှာပေါ့နော။ တရုတ်စက်ရုံမှာ ကြဲသွားတာ။ အဲဒီ တရုတ်စက်ရုံ အလုပ်လုပ်နေတဲ့ အချိန်မှာပဲ ကြဲတော့ တော်တော်များများလည်း ထိတယ်။ တော်တော်များများလည်း သေကြတယ်။ ငါးယောက် ခြောက်ယောက်လောက်တော့ သေတယ်ကြားတယ်။ သူ အဓိက ကြဲတဲ့နေရာတွေကတော့ တရုတ်စက်ရုံတွေပေါ့။ ဒီစက်ရုံမှာ ကြဲတာ ဆိုလို့ရှိရင် သိသလောက်ဆိုရင် တရုတ် လင်မယားပါတယ်။ တရုတ်ပဲ ငါးယောက်လောက်ပါတယ်။” ထို့အတူ ဧပြီလ ၂၄ ရက်နေ့ နံနက် ၂ နာရီခွဲခန့်တွင်လည်း မယ်စဲ့မြို့နယ်ထဲက နေရာတစ်ခုကို စစ်ကောင်စီက လေကြောင်းဖြင့် ဗုံးကြဲတိုက်ခိုက်ခဲ့သေးသည်ဟု မယ်စဲ့မြို့နယ်ထဲက ဒေသခံတစ်ဦး က ပြောသည်။ ထို့အပြင် စစ်ကောင်စီသည် ပြီးခဲ့သည့် မတ်လ ၇ ရက်နေ့ကလည်း မော်ချီးမြို့အဝင်တွင်ရှိသည့် အမှတ် ၂ ဂိတ် အနီးဝန်းကျင်ကို ဗုံးကြဲတိုက်ခိုက်ခဲ့သောကြောင့် အရပ်သား ၂ ဦးသေဆုံးခဲ့ပြီး ၁၀ ဦးထက်မနည်း ထိခိုက် ဒဏ်ရာ ရရှိခဲ့သည်။  လက်ရှိတွင် စစ်ကောင်စီသည် ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အရှိန်အဟုန်မြင့် ဆောင်ရွက်ရန်နှင့် တည်ငြိမ်အေးချမ်းရေးကို ရှေးရှု့ပြီး ဧပြီလကုန်အထိ ယာယီ အပစ်ရပ်ထား မည်ဟု ထုတ်ပြန်ထားသည်။ ယာယီ အပစ်ရပ်မည်ဟု ထုတ်ပြန်ထားသော်လည်း စစ်ကောင်စီသည် လေကြောင်းအပြင် ဒရုန်းသုံး ဗုံးကြဲ တိုက် ခိုက်မှုများနှင့် လက်နက်ကြီး ပစ်ခတ်မှုများကို နိုင်ငံတဝှမ်း နေ့တိုင်း လုပ်နေပြီး တိုက်ပွဲများလည်း ပြင်းထန်စွာ ဆက်လက် ဖြစ်ပွားနေသည်ဟု တော်လှန်ရေး အင်အားစုများက ပြောသည်။ Photo – ဒေသခံ

ခဲသတ္တုမိုင်းများကို လေကြောင်းမှ ဗုံးကြဲ

အပစ်ရပ် ထပ်တိုးကြေညာသည့်ရက်တွင် PNLO ဌာနချုပ်နယ်မြေကို စစ်ကောင်စီ လက်နက်ကြီးဖြင့် ပစ် သတင်းနှင့် မီဒီယာ ကွန်ရက်။ ၂၀၂၅ ခုနှစ် ဧပြီလ ၂၄ ရက်။ အပစ်ရပ် ထပ်တိုးကာလအတွင်း စစ်ကောင်စီက ရှမ်းပြည်တောင်ပိုင်းက ပအိုဝ်းအမျိုးသား လွတ်မြောက်ရေး အဖွဲ့ချုပ် PNLO ဌာနချုပ်အနီးက ကျေးရွာများကို လက်နက်ကြီးများဖြင့် ပစ်ခတ်တိုက်ခိုက်ခံခဲ့ရသည်။ ငလျင်ဘေး ပြန်လည်ထူထောင်ရေး ထပ်တိုးလိုက်သည့် အပစ်ရပ်ကာလ ဧပြီလ ၂၂ ရက်နေ့က လက်နက်ကြီး များဖြင့် ပစ်ခတ်တိုက်ခိုက်ခံခဲ့ရခြင်း ဖြစ်သည်ဟု PNLO သတင်းနှင့် ပြန်ကြားရေး တာဝန်ရှိသူ ခွန်းရိန်းယံက ပြောသည်။ “ဖြစ်စဉ်ကတော့မနေ့ကဖြစ်တာပေါ့နော စစ်ကောင်စီကတော့ သူတို့အပစ်ခတ်ရပ်စဲ ထားတယ်လို့ ကြေညာထား တဲ့ နောက်ဆုံးရက်၊ ပြီးတော့ လကုန်အထိ သူတို့ထပ်ပြီး သက်တမ်းတိုးတဲ့ရက် အဲဒီရက်မှာပဲ သူတို့က ကျနော် တို့ ဌာနချုပ်နားမှာ ရှိတဲ့ ကျေးရွာတွေ နောင်ထောကျေးရွာတွေကို ၈၁ မမတွေ ပြီးတော့ ဟောင်ဝစ်ဇာ လက် နက်ကြီးတွေ သုံးပြီးတော့မှ ပစ်ခတ်တိုက်ခိုက်တယ်။ အနည်းဆုံး ၁၀ ကြိမ်ပေါ့လေ ပေါက်ကွဲတာတွေလည်း ရှိ တယ်။ မပေါက်ကွဲတာတွေလည်း ရှိတယ်၊ ပြည်သူလူထုရဲ့ အိမ်တစ်ချို့ ထိခိုက်တယ် လူထိခိုက်မှုတော့ မရှိပါ ဘူး။” ငလျင်ကြောင့် ပျက်စီးမှုများရှိခဲ့သည့် ပအိုဝ်းဒေသတွင် ပြန်လည်ထူထောင်ရေး လုပ်ဆောင်နေသည့် အတွက် PNLO ဘက်ကလည်း အပစ်ခတ်ရပ်ထားသည့် ကာလ၌ စစ်ကောင်စီဘက်က တိုက်ခိုက်လာခြင်း ဖြစ်သည်ဟု ခွန်းရိန်းယံက ဆက်ပြောသည်။ “မြေငလျင်လှုပ်ပြီး နောက်ပိုင်းမှာ ပြန်လည် ထူထောင်ရေးတွေ တစ်ချို့ ပအိုဝ်းဒေသမှာလည်း လူသေဆုံးတာ တွေ အိမ်ပြိုတာတွေလည်း ရှိတော့ ကျနော်တို့လည်း စစ်ရေးဖော်ဆောင်မှုတွေ စစ်ရေးပြင်ဆင်မှုတွေ မလုပ်ဘဲ နဲ့ ပြည်သူလူထုတွေရဲ့ ဒုက္ခတွေကို စာနာတဲ့အနေနဲ့ အပစ်ရပ်ထားတာမျိုးတွေ ရှိပါတယ်။ အဓိကက ထိုးစစ်တွေ မလုပ်ကြဘူးပေါ့လေ။ ဒါပေမယ့် စစ်ကောင်စီလည်း အဲ့လိုမျိုး ကြေညာထားတဲ့ အထဲမှာကိုပဲ ကျနော်တို့ကို တိုက်ခိုက်တာတွေတော့ ရှိတာပေါ့နော။” စစ်ကောင်စီတပ်သည် အပစ်ရပ်ကာလတွင် ယခုကဲ့သို့ ပစ်ခတ်တိုက်ခိုက်မှုများ လုပ်နေခြင်းမှာ တည်ငြိမ်မှုကို အမှန်တကယ် မလိုလားသည့် သဘောမျိုးဖြစ်နေသည်ဟု ဆက်ပြောသည်။ ခွန်းရိန်းယံက “ဒီလုပ်ရပ်တွေက သေချာကြည့်လိုက်ရင် စစ်ကောင်စီက ကျနော်တို့ဒေသမှာပဲ မဟုတ်ဘူး။ တခြားဒေသမှာလည်း အပစ်ရပ်ထားတယ် ဆိုပြီးတော့မှ ဗုံးတွေကြဲတယ်။ ကလေးတွေကစ သေဆုံးရတယ် ဆိုတဲ့ဟာတွေ တွေ့ရတယ်ပေါ့နော်၊ ဒါကိုကြည့်ခြင်းအားဖြင့် စစ်ကောင်စီက ငြိမ်းချမ်းမှု တည်ငြိမ်မှုကို တကယ်လိုလားတာ မဟုတ်ဘူးဆိုတာ တွေ့မြင်ရတဲ့ အနေအထားဖြစ်ပါတယ်” ဟု ပြောသည်။ စစ်ကောင်စီတပ်က ဧပြီလ ၂ ရက်နေ့မှ ဧပြီလ ၂၂ ရက်နေ့ အပစ်ရပ်ကာလ အတွင်း၌လည်း PNLO ဌာနချုပ် ဧရိယာထဲကို လေကြောင်းမှ လာရောက် ဗုံးကြဲ တိုက်ခိုက်ခြင်းမျိုး ရှိခဲ့သည်ဟု ဆိုသည်။ အပစ်ရပ်ကာလမှာပင် စစ်ကောင်စီက ပအိုဝ်းဒေသ အပါအဝင် စစ်ကိုင်း၊ မကွေး၊ မန္တလေး၊ ကချင်၊ ကရင်၊ ကရင် နီ၊ ချင်း၊ ရခိုင်၊ ရှမ်းမြောက်ဒေသနှင့် နိုင်ငံတဝန်း လက်နက်ကြီးအပြင် လေကြောင်းမှ ဗုံးကြဲ တိုက်ခိုက်မှုများ ပြင်းပြင်းထန်ထန် လုပ်နေသောကြောင့် ၎င်းတို့ကိုယ်တိုင် ကြေညာခဲ့သည့် အပစ်ရပ်ကြေညာမှုကို နေ့စဉ် ချိုးဖောက်နေသည်ဟု တော်လှန်ရေးတပ်ဖွဲ့များက ဆိုသည်။

အပစ်ရပ် ထပ်တိုးကြေညာသည့်ရက်တွင် PNLO ဌာနချုပ်နယ်မြေကို စစ်ကောင်စီ လက်နက်ကြီးဖြင့် ပစ်

ဒီကနေ့ အင်္ဂါနေ့ NMG ရဲ့ ရုပ်သံ သတင်းတွေ ထဲမှာတော့ ... လားရှိုးကို စစ်ကောင်စီတပ်တွေ ဘယ်လောက်ရောက်လာပြီလဲ ထီးထ စခန်းဟာ KNU မြိတ်-ထားဝယ်ခရိုင်အတွက် ဘယ်လို သမိုင်းတန်ဖိုး ရှိပါသလဲ။ ဘိုးရင်း 737 Max လေယာဉ်သစ်ကြီးဟာ တရုတ်ပြည်ကို မရောက်ပဲ မိုင် ၅၀၀၀ ဝေးတဲ့ အမေရိကန် ဆီယက်တဲလ်ကို ဘာလို့ ပြန်သွားရတာလဲ။ ကြယ်ကြွေချိန် ဆုတောင်းသူတွေအတွက် ဥက္ကာခဲ အစုလိုက် ကျလာမယ့် သတင်းတွေ ပါဝင်ပါတယ်။

အင်္ဂါနေ့ ည ရုပ်သံသတင်း (၂၂-၄-၂၅)

ကော့ကရိတ်မြို့နယ်တွင် စစ်ကောင်စီရဲ့ တိုက်ခိုက်မှုကြောင့် ကလေးအပါအဝင် ပြည်သူ ၈ ဦး ဒဏ်ရာရ ယာယီအပစ်အခတ်ရပ်စဲရေး ထုတ်ပြန်ထားပေမဲ့လည်း စစ်ကောင်စီက ကရင်ပြည်နယ် ကော့ကရိတ်မြို့နယ်ထဲရှိ ကျေးရွာတွေထဲကို လက်နက်ကြီးပစ်ခတ်ခတ်တာ၊ ဒရုန်းနဲ့ ဗုံးကြဲတိုက်ခိုက်တာကြောင့် ကလေးအပါအဝင် ပြည်သူ ၈ ယောက် ထိခိုက်ဒဏ်ရာရရှိပြီး နေအိမ် ၂ လုံး ထိမှန်ပျက်စီးခဲ့တယ်လို့ KNU က ထုတ်ပြန်ပါတယ်။

ကော့ကရိတ်မြို့နယ်တွင် စစ်ကောင်စီရဲ့ တိုက်ခိုက်မှုကြောင့် ကလေးအပါအဝင် ပြည်သူ ၈ ဦး ဒဏ်ရာရ

ဘင်္ဂလားဒေ့ရှ် ငါးဖမ်းသမား ၅၅ ယောက်ကို AA ပြန်လွှဲ အာရက္ခတပ်တော်(AA)က ဖမ်းဆီးထိန်းသိမ်းထားတဲ့ ဘင်္ဂလားဒေ့ရှ် ငါးဖမ်းသမား ၅၅ ယောက်ကို AA က ဘင်္ဂလားဒေ့ရှ် အာဏာပိုင်တွေဆီကို ပြန်လွှဲပေးလိုက်ပါတယ်။

ဘင်္ဂလားဒေ့ရှ် ငါးဖမ်းသမား ၅၅ ယောက်ကို AA ပြန်လွှဲ

တိုင်းရင်းသာ ဘာသာ သတင်းအစီအစဉ် (၂၁ - ၄ -၂၅) အာရက္ခတပ်တော်(AA)က ဖမ်းဆီးထိန်းသိမ်းထားတဲ့ ဘင်္ဂလားဒေ့ရှ် ငါးဖမ်းသမား ၅၅ ယောက်ကို AA က ဘင်္ဂလားဒေ့ရှ် အာဏာပိုင်တွေဆီကို ပြန်လွှဲပေးလိုက်ပါတယ်။ ငလျင်ဒဏ်အပြင်းထန်ခံစားခဲ့ရတဲ့ စစ်ကိုင်း၊ မန္တလေးနဲ့ နေပြည်တော်တွေမှာ နောက်ဆက်တွဲ ကျန်းမာရေး ထိခိုက်မှုတွေလည်း ရှိလာတယ်လို့ ကုသရေးလုပ်ဆောင်ပေးနေတဲ့ ကျန်းမာရေးဝန်ထမ်းတွေက ပြောပါတယ်။ မြန်မာ့နှစ်ဆန်းတစ်ရက်နေ့ လွတ်ငြိမ်းချမ်းသာခွင့်ပေးရာမှာ နိုင်ငံရေးအကျဉ်းသားဦးရေ ပါဝင်မှုနှုန်း အဆမတန် နည်းပါးတယ်လို့ ထောင်နဲ့နီးစပ်သူတွေက ပြောပါတယ်။

တိုင်းရင်းသာ ဘာသာ သတင်းအစီအစဉ် (၂၁ – ၄ -၂၅)

တနင်္လာနေ့ညပိုင်း ရုပ်သံ အစီအစဉ် သတင်းနှင့် မီဒီယာ ကွန်ရက်။ ဧပြီလ ၂၁ ရက်၊ ၂၀၂၅ ခုနှစ်။ ရှမ်းမြောက်ဒေသ၊ လာရှိုးက မြို့တော်ခန်းမရှေ့မှာ ဧပြီလ ၂၁ ရက်နေ့က စလို့ မြန်မာနိုင်ငံတော် အလံကို ပြန်လည် လွှင့်ထူထားတာကို တွေ့နေရတယ်လို့ မြို့ခံတွေက ပြောပါတယ်။ အရင်က လွှင့်ထူထားတဲ့ ကိုးကန့် MNDAA တပ်ရဲ့ အလံကို ဧပြီလ ၂၁ ရက်နေ့မှာ ပြန်လည်ဖြုတ်ချခဲ့ပြီး မြန်မာနိုင်ငံအလံပဲ ကျန်ရှိတော့တယ်လို့ ဆိုပါတယ်။ လားရှိုးမြို့ကို စစ်ကောင်စီကို ပြန်လည်အပ်နှံရေး တရုတ်ဘက်က ကြားဝင် ဖိအားပေးခဲ့တာ ဖြစ်ပါတယ်။ ဒီလို ကြားဝင် ဖိအားပေးမှုရဲ့ နောက်မှာတော့ ကိုးကန့် MNDAA တပ်နဲ့ စစ်ကောင်စီတပ် တာဝန်ရှိသူတွေ တွေ့ဆုံပြီး လားရှိုးမြို့ပေါ် ၁၂ ရပ်ကွက်ကို စစ်ကောင်စီလကထဲ ကိုးကန့်တပ်က ပြန်လည် ပေးအပ်ခဲ့တာ ဖြစ်ပါတယ်။ လားရှိုးကို တရုတ်အကူအညီနဲ့ ပြန်ယူလိုက်တဲ့ စစ်ကောင်စီတပ်နဲ့ လက်အောက်ခံ အုပ်ချုပ်ရေးအဖွဲ့တွေဟာ မြို့ထဲကို ပြန်ဝင်နေကြပြီ ဖြစ်ပါတယ်။

တနင်္လာနေ့ ညပိုင်း ရုပ်သံ အစီအစဉ်

ကိုးကန့် MNDAA လားရှိုးကနေ တပ်ဆုတ်မည် ရှမ်းပြည်မြောက်ပိုင်း လားရှိုးမြို့ကို သိမ်းပိုက်ထိန်းချုပ်ထားတဲ့ ကိုးကန့်တပ်ဖွဲ့ MNDAA က ဧပြီလ ၂၂ ရက်နေ့ နောက်ဆုံးထားပြီး မြို့ပေါ်ကနေ ဆုတ်ခွာဖို့ ပြင်ဆင်နေတယ်လို့ မြေပြင်သတင်းအရင်းအမြစ်က ပြောပါတယ်။

ကိုးကန့် MNDAA လားရှိုးကနေ တပ်ဆုတ်မည်

တိုင်းရင်းသာ ဘာသာ သတင်းအစီအစဉ် (၃၁ - ၃ -၂၅)

တိုင်းရင်းသာ ဘာသာ သတင်းအစီအစဉ် (၃၁ – ၃ -၂၅)

« Prev 1 2 3 4 5 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ် — August 31, 2026 3:40 pm
နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ — August 31, 2026 3:29 pm
EU နှင့် မပူးပေါင်းရန် အိုက်စလန် လူထု ဆန္ဒပြု — August 31, 2026 3:27 pm

Recent Posts

ချင်းတောင်ပိုင်း မင်းတပ်တွင် စစ်အုပ်စုက လေကြောင်းမှ ဗုံးကြဲ၍ ကလေးများအပါ ၈ ဦး သေဆုံး
ရခိုင်-မကွေး အစပ် မင်းတုန်းတွင် ထွန်စက်များ ချောဆွဲခံရမှုကြောင့် တောင်သူများ စိုးရိမ်ထိတ်လန့်
ရခိုင်မြောက်ပိုင်း မောင်တောနယ်စပ်တွင် ကင်းလှည့်နေသည့် AA နှင့် ARSA, RSO ပူးပေါင်းအဖွဲ့ တိုက်ပွဲဖြစ်
ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ်
နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ

Archives

Archives

×Close