သတင်းပေးဟု ကျော်ဇောသူ အထက်တန်း ဆရာမ တစ်ဦး ပစ်သတ်ခံရ
သတင်းနှင့် မီဒီယာ ကွန်ရက်။
၂၀၂၁ ခုနှစ်၊ နိုဝင်ဘာလ ၅ ရက်။
မြို့ပြ ပျောက်ကြား အဖွဲ့၏ သတိပေးခြင်း ခံထားရသော ဒဂုံမြို့သစ် အရှေ့ပိုင်းမှ အထက်တန်း ဆရာမတစ်ဦး သေနတ်ဖြင့် ပစ်ခံရပြီး သေဆုံး သွားခဲ့သည်ဟု မြောက်ဥက္ကလာပ အဝိုင်းအနီး နေထိုင်သူများက ပြောသည်။
ဒဂုံမြို့သစ် အရှေ့ပိုင်း အ.ထ.က(၂) ကျောင်းမှ Non- CDM အထက်တန်းပြ ဆရာမ ဒေါ်လှလှသန်းသည် အငှားယာဉ်ဖြင့် နိုဝင်ဘာ ၅ ရက်နေ့၊ နံနက်ပိုင်းက ကျောင်းသို့သွားစဉ် သုဓမ္မာလမ်းနှင့် နွယ်နီလမ်းဆုံတွင် မီးပွိုင့်မိနေချိန် သေနတ်ဖြင့်ပစ်ခတ်ခံရခြင်း ဖြစ်သည် ဟု (ဃ) ရပ်ကွက်အတွင်း နေထိုင်သည့် ဒေသခံ တစ်ဦးက ပြောသည်။
“အရပ်ဝတ်နဲ့ဆိုတော့ ပထမ ဆရာမမှန်းမသိဘူး နောက်မှသိတာ။ မြင်တဲ့သူတွေကတော့ တစ်ယောက်ထဲ လာ ပစ်တာလို့ ပြောတယ်” ဟု (ဃ) ရပ်ကွက်အတွင်း နေထိုင်သည့် အသက် ၅၀ အရွယ် အမျိုးသားတစ်ဦးက ပြော သည်။
သေနတ်ဖြင့်ပစ်ခံရသည့် အထက်တန်းပြ ဆရာမဒေါ်လှလှသန်းသည် သေနတ်ဒဏ်ရာ ၃ ချက်ရရှိခဲ့သဖြင့် မြောက်ဥက္ကာလာပ ဆေးရုံသို့ တင်ပို့စဉ်သေဆုံးသွားခဲ့ခြင်းဖြစ်သည်ဟု အထက်ပါ အမျိုးသားက ပြောသည်။
ဒေါ်လှလှသန်းမှာ ရပ်ရွာအတွင်းတွင် စစ်ကောင်စီအား သတင်းပေးသူဟု စွပ်စွဲ ခံရမှုများ ရှိခဲ့သကဲ့သို့ မြို့ပြပျောက်ကြား အဖွဲ့တစ်ဖွဲ့ဖြစ်သော Generation Z Defence Force ဂျင်ဇီ ကာကွယ်ရေး တပ်ဖွဲ့၏ သတိပေးခြင်းကိုလည်း ခံထားရသူဖြစ်သည်။
သေဆုံးသူကျောင်းဆရာမနှင့် နီးစပ်သူ တစ်ဦးက “သူ့သားမက်ကစစ်ဗိုလ်။ သူသတင်းပေးလို့ ကလေး ၅ ယောက် အဖမ်းခံရဖူးတယ်။ ရှောင်ပြေးနေရတဲ့ ကလေးတွေလည်း အများကြီးပဲ” ဟု ပြောသည်။
Generation Z Defence Force အဖွဲ့ကလည်း ကျောင်းဆရာမဒေါ်လှလှသန်းအား “ကလေးတွေကို ခြိမ်းခြောက် ဖမ်းဆီးမှုတွေ ဆက်လုပ်နေမယ်ဆို ရောက်ရာနေရာကနေ အသက်ပျောက်အောင်တန်းလုပ်ပါ့မယ်။ ဒီတစ်ခါ ကလေးတွေ တောင်းဆိုမှုကို ထိထိရောက်ရောက် လုပ်ဆောင်သွားမယ်” ဟု နောက်ဆုံးအကြိမ် သတိပေးစာတွင် ရေးသားထားသည်။
ရန်ကုန်မြို့ တော်လှန်ရေးအင်အားစုများ အနေဖြင့် စစ်ကောင်စီ လက်အောက်ရှိ Non-CDM ဝန်ထမ်းများကို CDM ပြုလုပ်ရန် အကြိမ်ကြိမ် သတိပေးထားပြီး နိုဝင်ဘာ ၃ ရက်နေ့၊ ညနေပိုင်းအချိန်ခန့်ကလည်း တောင်ဒဂုံမြို့နယ် အ.ထ.က(၆) ကျောင်းပေါက်ဝကို မီးပုလင်းဖြင့် ပစ်ပေါက်ခံခဲ့ရသည်။
လှိုင်သာယာမြို့နယ်၊ ၇ ရပ်ကွက်၊ တေးဥယျာဉ်(၃)လမ်းထိပ်၊ မီးခွက်ဈေးနှင့် ၅ ထိပ် အနီးတို့တွင်လည်း ပစ်ခတ်မှု များဖြစ်ပွားခဲ့သည်ဟု လှိုင်သာယာမြို့နယ်အတွင်း နေထိုင်သူများက ပြောသည်။
*** ZAWGYI ***
သတင္းေပးဟု ေက်ာ္ေဇာသူ အထက္တန္း ဆရာမ တစ္ဦး ပစ္သတ္ခံရ
သတင္းႏွင့္ မီဒီယာ ကြန္ရက္။
၂၀၂၁ ခုႏွစ္၊ ႏိုဝင္ဘာလ ၅ ရက္။
ၿမိဳ႕ျပ ေပ်ာက္ၾကား အဖြဲ႕၏ သတိေပးျခင္း ခံထားရေသာ ဒဂုံၿမိဳ႕သစ္ အေရွ႕ပိုင္းမွ အထက္တန္း ဆရာမတစ္ဦး ေသနတ္ျဖင့္ ပစ္ခံရၿပီး ေသဆုံး သြားခဲ့သည္ဟု ေျမာက္ဥကၠလာပ အဝိုင္းအနီး ေနထိုင္သူမ်ားက ေျပာသည္။
ဒဂုံၿမိဳ႕သစ္ အေရွ႕ပိုင္း အ.ထ.က(၂) ေက်ာင္းမွ Non- CDM အထက္တန္းျပ ဆရာမ ေဒၚလွလွသန္းသည္ အငွားယာဥ္ျဖင့္ ႏိုဝင္ဘာ ၅ ရက္ေန႔၊ နံနက္ပိုင္းက ေက်ာင္းသို႔သြားစဥ္ သုဓမၼာလမ္းႏွင့္ ႏြယ္နီလမ္းဆုံတြင္ မီးပြိဳင့္မိေနခ်ိန္ ေသနတ္ျဖင့္ပစ္ခတ္ခံရျခင္း ျဖစ္သည္ ဟု (ဃ) ရပ္ကြက္အတြင္း ေနထိုင္သည့္ ေဒသခံ တစ္ဦးက ေျပာသည္။
“အရပ္ဝတ္နဲ႔ဆိုေတာ့ ပထမ ဆရာမမွန္းမသိဘူး ေနာက္မွသိတာ။ ျမင္တဲ့သူေတြကေတာ့ တစ္ေယာက္ထဲ လာ ပစ္တာလို႔ ေျပာတယ္” ဟု (ဃ) ရပ္ကြက္အတြင္း ေနထိုင္သည့္ အသက္ ၅၀ အ႐ြယ္ အမ်ိဳးသားတစ္ဦးက ေျပာ သည္။
ေသနတ္ျဖင့္ပစ္ခံရသည့္ အထက္တန္းျပ ဆရာမေဒၚလွလွသန္းသည္ ေသနတ္ဒဏ္ရာ ၃ ခ်က္ရရွိခဲ့သျဖင့္ ေျမာက္ဥကၠာလာပ ေဆး႐ုံသို႔ တင္ပို႔စဥ္ေသဆုံးသြားခဲ့ျခင္းျဖစ္သည္ဟု အထက္ပါ အမ်ိဳးသားက ေျပာသည္။
ေဒၚလွလွသန္းမွာ ရပ္႐ြာအတြင္းတြင္ စစ္ေကာင္စီအား သတင္းေပးသူဟု စြပ္စြဲ ခံရမႈမ်ား ရွိခဲ့သကဲ့သို႔ ၿမိဳ႕ျပေပ်ာက္ၾကား အဖြဲ႕တစ္ဖြဲ႕ျဖစ္ေသာ Generation Z Defence Force ဂ်င္ဇီ ကာကြယ္ေရး တပ္ဖြဲ႕၏ သတိေပးျခင္းကိုလည္း ခံထားရသူျဖစ္သည္။
ေသဆုံးသူေက်ာင္းဆရာမႏွင့္ နီးစပ္သူ တစ္ဦးက “သူ႔သားမက္ကစစ္ဗိုလ္။ သူသတင္းေပးလို႔ ကေလး ၅ ေယာက္ အဖမ္းခံရဖူးတယ္။ ေရွာင္ေျပးေနရတဲ့ ကေလးေတြလည္း အမ်ားႀကီးပဲ” ဟု ေျပာသည္။
Generation Z Defence Force အဖြဲ႕ကလည္း ေက်ာင္းဆရာမေဒၚလွလွသန္းအား “ကေလးေတြကို ၿခိမ္းေျခာက္ ဖမ္းဆီးမႈေတြ ဆက္လုပ္ေနမယ္ဆို ေရာက္ရာေနရာကေန အသက္ေပ်ာက္ေအာင္တန္းလုပ္ပါ့မယ္။ ဒီတစ္ခါ ကေလးေတြ ေတာင္းဆိုမႈကို ထိထိေရာက္ေရာက္ လုပ္ေဆာင္သြားမယ္” ဟု ေနာက္ဆုံးအႀကိမ္ သတိေပးစာတြင္ ေရးသားထားသည္။
ရန္ကုန္ၿမိဳ႕ ေတာ္လွန္ေရးအင္အားစုမ်ား အေနျဖင့္ စစ္ေကာင္စီ လက္ေအာက္ရွိ Non-CDM ဝန္ထမ္းမ်ားကို CDM ျပဳလုပ္ရန္ အႀကိမ္ႀကိမ္ သတိေပးထားၿပီး ႏိုဝင္ဘာ ၃ ရက္ေန႔၊ ညေနပိုင္းအခ်ိန္ခန႔္ကလည္း ေတာင္ဒဂုံၿမိဳ႕နယ္ အ.ထ.က(၆) ေက်ာင္းေပါက္ဝကို မီးပုလင္းျဖင့္ ပစ္ေပါက္ခံခဲ့ရသည္။
လႈိင္သာယာၿမိဳ႕နယ္၊ ၇ ရပ္ကြက္၊ ေတးဥယ်ာဥ္(၃)လမ္းထိပ္၊ မီးခြက္ေဈးႏွင့္ ၅ ထိပ္ အနီးတို႔တြင္လည္း ပစ္ခတ္မႈ မ်ားျဖစ္ပြားခဲ့သည္ဟု လႈိင္သာယာၿမိဳ႕နယ္အတြင္း ေနထိုင္သူမ်ားက ေျပာသည္။
