အကြမ်းဖက်မှုများ လုပ်ဆောင်နေသည့် စစ်ကောင်စီ ငြိမ်းချမ်းရေးကို ဖော်ဆောင်နိုင်မည်မဟုတ်
သတင်းနှင့်မီဒီယာကွန်ရက်
၂၀၂၃ ခုနှစ်၊ အောက်တိုဘာလ ၃၁ ရက်။
အကြမ်းဖက်မှုများကို လုပ်ဆောင်နေသည့် စစ်ကောင်စီက ငြိမ်းချမ်းရေးကို ဖော်ဆောင်နိုင်မှာ မဟုတ်ဘူးဟု ပအိုဝ်း အမျိုးသား ဖက်ဒရယ်ကောင်စီ – PNFC ဥက္ကဋ္ဌ ခွန်မြင့်ထွန်းက ပြောသည်။။
တွေ့ဆုံဆွေးနွေးမှုများနှင့် ပြည်တွင်း ငြိမ်းချမ်းရေး ကိစ္စရပ်များကို ပြောနေကြသော်လည်း လူထုကို အကြမ်းဖက် ပြီး ရန်သူကဲ့သို့ ပစ်မှတ်ထား တိုက်ခိုက်နေသည့် စစ်ကောင်စီ၏ လုပ်ရပ်များအပေါ် PNFC ဥက္ကဋ္ဌ ခွန်မြင့်ထွန်းက သုံးသပ် ပြောဆိုလိုက်ခြင်း ဖြစ်သည်။
PNFC ဥက္ကဋ္ဌ ခွန်မြင့်ထွန်းက “စစ်အုပ်စုဟာ ငြိမ်းချမ်းရေးဆိုတဲ့ဟာကို တွင်တွင်ပြောနေပေမယ့်လည်း တကယ့် ရင်ထဲမှာ ငြိမ်းချမ်းလိုတဲ့ ဆန္ဒမရှိတဲ့အပြင်ကို ပြည်သူကို ရန်သူသတ်မှတ်ပြီးတော့မှ ပိုမိုပြီးတော့မှ ရက်စက်လာ တာ ဖြစ်ပါတယ်။ ဒါကြောင့်မို့လို့ ဒီကနေ့ စစ်အုပ်စုသည် ကျနော်တို့ တရားမဝင်တဲ့ အစိုးရ ဖြစ်သလိုပဲ စစ်အုပ် စု ပါဝင်တဲ့ စစ်တပ်ဟာ တရားဝင် တပ်မတော်ကနေ ပျက်ပြယ်သွားပြီ ဖြစ်ပါတယ်။ ပြည်သူကို ရန်သူလို သတ် မှတ်နေတဲ့ စစ်အုပ်စုကို ကျနော်တို့ လူထုကလည်း လူထုရဲ့ ရန်သူအနေနဲ့ သတ်မှတ်တာ ဖြစ်ပါတယ်” ဟု ပြော သည်။
စစ်ကောင်စီအနေဖြင့် ငြိမ်းချမ်းရေးဟု ပြောနေသော်လည်း တစ်ဖက်တွင် စစ်ရေးပဋိပက္ခများ ဖြစ်ပွားနေသည့် ဒေသတိုင်းတွင် လူထုအပေါ် လူ့အခွင့်အရေး ချိုးဖောက်မှုများ၊ အကြမ်းဖက်မှုများ၊ စစ်ရာဇဝတ်မှုများကို အမြဲ တမ်းလိုလို ကျူးလွန်နေသည်ဟု လူ့အခွင့်အရေး တက်ကြွလှုပ်ရှားသူများနှင့် တောင်လှန်ရေး အင်အားစုများက ပြောသည်။
ကရင်နီအမျိုးသားများ ကာကွယ်ရေးတပ် KNDF ဥက္ကဋ္ဌ ခွန်းဘီထူးကလည်း “ဒီလိုမျိုးကချင်ပြည်နယ်မှာ စစ် ကိုင်းမှာ ကရင်နီမှာ တစ်နိုင်ငံလုံးမှာပေါ့နော် ချင်းပြည်နယ်ဖက်မှာရော ရက်စက်စွာ သတ်ဖြတ်မှုတွေ လူမဆန် တဲ့ သတ်ဖြတ်မှုတွေက အများကြီးတွေ့ရတဲ့ အတွက်ပေါ့နော။ ကျနော်တို့ အားလုံးက ဒီထက်ကို ညီညွတ်ကြ ပြီး မှပေါ့နော်။ စစ်ကောင်စီကို တကယ်ပဲ အာဏာသိမ်းယူမှုကနေပြီးမှ ဖြုတ်ချနိုင်ဖို့အတွက် ကျနော်တို့ ဆက်ပြီး တော့ ကြိုးစားကြရမယ် ညီညွတ်ကြရမယ်ပေါ့နော်။ ကျနော်တို့တွေ ဒီထက်ပိုပြီးမှလည်း မြန်မြန်ဆန်ဆန်နဲ့ ပေါ့နော ဒီအာဏာရှင်ကို ဖြုတ်ချနိုင်မှသာလျှင် ဒီသွေးထွက်သံယိုမှုတွေ ပြည်သူပြည်သားတွေ တိုင်းပြည်နစ်နာ မှုတွေကို အမြန်ဆုံး ကုစားနိုင်မှာ ဖြစ်တဲ့အတွက် အမြန်ဆုံးဆက် လက်တွဲကြရအောင်လို့ တခဲနက် ဖိတ်ခေါ် တိုက်တွန်း လိုပါတယ်ဗျ” ဟု ပြောသည်။
အကြမ်းဖက် လုပ်ရပ်များကို လုပ်ဆောင်နေသည့် စစ်တပ် မရှိမှသာ ငြိမ်းချမ်းရေးကို တည်ဆောက်နိုင်မည်ဟု ခွန်မြင့်ထွန်းက ဆက် ပြောသည်။
“ကျနော်တို့ တိုင်းပြည်မှာ စစ်အာဏာရှင်စနစ် မဖြုတ်သိမ်းနိုင်ဘူးဆိုရင် ဒီလိုဖြစ်စဉ်တွေ ထပ်ကြုံရမှာ ဖြစ်ပါ တယ်။ စစ်အုပ်စုနဲ့ စစ်အာဏာရှင် စနစ် တစမကျန် ဖြိုဖျက်ဖို့ ကျနော်တို့ အားလုံးမှာ တာဝန်ရှိပါတယ်လို့ ဒီနေ့ ကချင်များနဲ့အတူ ကျနော်တို့ တသားတည်း ကျနော်တို့ ရပ်တည်ဆောင် ရွက်သွားမှာ ဖြစ်ပါတယ်။”
အောက်တိုဘာလ ဒုတိယအပတ်တွင် ဖြစ်ပွားခဲ့သည့် ကချင်ပြည်နယ် လိုင်ဇာမြို့အနီးက မုန်လိုင်ခက်စစ်ရှောင် စခန်း တိုက်ခိုက်ခံရမှုအပြီးတွင် ပြောဆိုခဲ့ကြခြင်း ဖြစ်သည်။
၂၀၂၁ ခုနှစ် ဖေဖော်ဝါရီလ ၁ ရက်နေ့က စစ်အာဏာသိမ်းလိုက်ပြီးနောက် မြန်မာ့တပ်မတော်သည် စစ်တပ်၏ အာဏာသိမ်းမှုနှင့် အတူ တရားဝင် တပ်မတော်မှ ပျက်ပြယ်သွားပြီဟု ပအိုဝ်း တိုင်းရင်းသားခေါင်း ဆောင် ခွန်မြင့်ထွန်းက သုံးသပ်ပြောဆိုထားသည်။
ဓါတ်ပုံ – Simsa Kasa Multimedia
