February 2026 – Page 10 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Monthly Archive

Archive: February 2026

Feb 13

ကမ္ဘာ့အင်အားကြီး နိုင်ငံများကို ရင်ဆိုင်ရန် EU ခေါင်းဆောင်များ စီးပွားရေး နှင့် လုံခြုံရေးဆိုင်ရာ မဟာဗျူဟာသစ် ရေးဆွဲ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ ဥရောပသမဂ္ဂ (EU) အဖွဲ့ဝင် ၂၇ နိုင်ငံမှ ခေါင်းဆောင်များသည် အမေရိကန်၊ တရုတ်နှင့် ရုရှားနိုင်ငံတို့ထံမှ ရိုက်ခတ်လာသော ဘက်စုံဖိအားများကို ရင်ဆိုင်နိုင်ရန်အတွက် ထူးခြားသော မဟာဗျူဟာသစ်တစ်ရပ်ကို ချမှတ်ပြင်ဆင်လျက် ရှိကြသည်။ ၂၀၂၆ ခုနှစ်၊ ဖေဖော်ဝါရီလ ၁၂ ရက်နေ့တွင် ဘယ်လ်ဂျီယံနိုင်ငံရှိ ရှေးဟောင်းရဲတိုက်တစ်ခု၌ ကျင်းပခဲ့သော ထိပ်သီးအစည်းအဝေးတွင် ဥရောပ၏ စီးပွားရေးနှင့် လုံခြုံရေးကဏ္ဍများကို အကြီးအကျယ် ပြုပြင်ပြောင်းလဲရန် ခေါင်းဆောင်များအကြား အပြီးသတ် သဘောတူညီမှု ရရှိခဲ့ကြသည်။ အမေရိကန်သမ္မတ ဒေါ်နယ်ထရန့်၏ လျှပ်တပြက် သွင်းကုန်ခွန် တိုးမြှင့်မည့် မူဝါဒများကြောင့် ဥရောပစီးပွားရေး ထိခိုက်လာမည့်အရေးကို EU ခေါင်းဆောင်များက အထူးစိုးရိမ်လျက် ရှိကြသည်။ ယင်းစိန်ခေါ်မှုကို တုံ့ပြန်သည့်အနေဖြင့် ပြင်သစ်သမ္မတ မက်ခရွန်က အမေရိကန်ဒေါ်လာ၏ စိုးမိုးမှုကို လျှော့ချနိုင်ရန် "Eurobonds" ဟုခေါ်သော EU ဘုံချေးငွေစနစ်သစ်ကို အဆိုပြုခဲ့သည်။ ထို့ပြင် အမေရိကန်အပေါ် မှီခိုနေရမှုကို လျှော့ချ၍ ဥရောပ၏ "မဟာဗျူဟာမြောက် ကိုယ်ပိုင်ပြဋ္ဌာန်းခွင့်" (Strategic Autonomy) ကို ပိုမိုခိုင်မာစေရန် မက်ခရွန်က အားပေးတိုက်တွန်းခဲ့သည်။ တရုတ်နိုင်ငံသည် ဥရောပဈေးကွက်အတွင်းသို့ ၎င်း၏ ကုန်ပစ္စည်းများကို ဈေးနှုန်းချိုသာစွာဖြင့် အလုံးအရင်းနှင့် သွန်ထည့်နေသည့် "မမျှတသော ပြိုင်ဆိုင်မှု" များအပေါ် EU ခေါင်းဆောင်များက ပြင်းပြင်းထန်ထန် ထောက်ပြဝေဖန်ခဲ့ကြသည်။ ထို့ပြင် နည်းပညာကဏ္ဍအတွက် မရှိမဖြစ်လိုအပ်သော အရေးကြီးသတ္တုတွင်းထွက် (Critical Minerals) များ တင်ပို့မှုကို တရုတ်က ကန့်သတ်လိုက်ခြင်းသည် ဥရောပ၏ နည်းပညာအနာဂတ်ကို ခြိမ်းခြောက်နေခြင်း ဖြစ်သည်။ ယင်းကို တုံ့ပြန်ရန်အတွက် ဥရောပကုမ္ပဏီကြီးများ အချင်းချင်း ပေါင်းစည်းကာ ကမ္ဘာ့အဆင့်မီ "ဥရောပချန်ပီယံများ" (European Champions) ပေါ်ထွက်လာစေရန် တင်းကျပ်သော စည်းမျဉ်းများကို ဖြေလျှော့ပေးရန် သဘောတူညီခဲ့ကြသည်။ ရုရှား၏ ယူကရိန်းအပေါ် ကျူးကျော်စစ်သည် ဥရောပအတွက် တိုက်ရိုက်ခြိမ်းခြောက်မှု ဖြစ်သကဲ့သို့ ဆိုင်ဘာတိုက်ခိုက်မှု၊ ဝါဒဖြန့်မှုနှင့် လုံခြုံရေးနှောင့်ယှက်မှုများအပါအဝင် "Hybrid ခြိမ်းခြောက်မှု" များကိုလည်း ခေါင်းဆောင်များက ပြင်းထန်စွာ ရှုတ်ချခဲ့ကြသည်။ ဂျာမန်ဝန်ကြီးချုပ်သစ် ဖရိုင်းဒရစ် မာ့ဇ်နှင့် ပြင်သစ်သမ္မတ မက်ခရွန်တို့ ဘေးချင်းယှဉ်လျက် အစည်းအဝေးသို့ တက်ရောက်လာခြင်းသည် ရုရှားကို ရင်ဆိုင်ရာတွင် ဥရောပ၏ စည်းလုံးညီညွတ်မှုကို ပြသသည့် သင်္ကေတတစ်ခုလည်း ဖြစ်ခဲ့သည်။ ဥရောပကော်မရှင်ဥက္ကဋ္ဌ အာဆူလာ ဗွန်ဒါလီယန်က ဖိအားများသည် အလွန်ကြီးမားနေပြီဖြစ်ကြောင်း ပြောဆိုကာ လာမည့် မတ်လတွင် တရားဝင်တင်သွင်းမည့် ပြုပြင်ပြောင်းလဲရေး မူဘောင်ကို ချပြခဲ့သည်။ ယင်းတွင် - · နိုင်ငံအချင်းချင်း စွမ်းအင်မျှဝေမှု အားကောင်းစေရန် စွမ်းအင်ကွန်ရက်များ အဆင့်မြှင့်တင်ခြင်း၊ · ဥရောပအတွင်း ဘဏ္ဍာရေး ပေါင်းစည်းမှုကို မြှင့်တင်ကာ ငွေကြေးစီးဆင်းမှု လွယ်ကူမြန်ဆန်စေခြင်း၊ · ကမ္ဘာ့ဈေးကွက်တွင် အမေရိကန်နှင့် တရုတ်ကို ယှဉ်နိုင်ရန် လုပ်ငန်းစုကြီးများ ပေါင်းစည်းခြင်းဆိုင်ရာ စည်းမျဉ်းများကို ဖြေလျှော့ခြင်းတို့ ပါဝင်သည်။ ဦးစားပေး ကိစ္စရပ်များ သတ်မှတ်ရာတွင်မူ ခေါင်းဆောင်များအကြား ကွဲပြားမှုများ ရှိနေဆဲ ဖြစ်သည်။ ဂျာမနီဝန်ကြီးချုပ် ဖရိုင်းဒရစ် မာ့ဇ်နှင့် အီတလီဝန်ကြီးချုပ် ဂျော်ဂျီယာ မယ်လိုနီတို့က စည်းမျဉ်းများကို အမြန်ဆုံး လျှော့ချရန်၊ ဝါရှင်တန်နှင့် ဆက်ဆံရေး ပြန်လည်ပြင်ဆင်ရန်နှင့် Mercosur ကဲ့သို့သော အဖွဲ့အစည်းများနှင့် ကုန်သွယ်ရေးစာချုပ်များ အမြန်ချုပ်ဆိုရန် အလေးပေးခဲ့ကြသည်။ သို့သော် ပြင်သစ်သမ္မတ မက်ခရွန်ကမူ ဥရောပထုတ်ကုန်များကိုသာ ဦးစားပေးဝယ်ယူသည့် "Buy European" မူဝါဒနှင့် ကိုယ်ပိုင်စစ်အင်အား တည်ဆောက်ရေးကိုသာ အဓိကထား လိုလားလျက်ရှိသည်။ ယခုဆွေးနွေးခဲ့သည့် စီးပွားရေးပြုပြင်ပြောင်းလဲမှု အစီအစဉ်ကို ၂၀၂၆ ခုနှစ်၊ မတ်လအတွင်း တရားဝင် ထုတ်ပြန်ကြေညာမည်ဖြစ်ပြီး၊ အမေရိကန်နှင့် တရုတ်ကို တန်ပြန်မည့် သွင်းကုန်ခွန် မူဝါဒအသစ်များကို ယခုနှစ် နှစ်လယ်ပိုင်းတွင် စတင်ကျင့်သုံးနိုင်ဖွယ် ရှိကြောင်း သိရှိရပါသည်။

ကမ္ဘာ့အင်အားကြီး နိုင်ငံများကို ရင်ဆိုင်ရန် EU ခေါင်းဆောင်များ စီးပွားရေး နှင့် လုံခြုံရေးဆိုင်ရာ မဟာဗျူဟာသစ် ရေးဆွဲ

Feb 13

ထိုင်းကမ္ဘောဒီးယား ပင်လယ်ပြင် ဖြေရှင်းရေး သဘောတူညီချက်ကို ထိုင်း ပယ်ဖျက်မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၂ ရက်။ ပြီးခဲ့သည့် တနင်္ဂနွေနေ့ ရွေးကောက်ပွဲတွင် အပြတ်အသတ် အနိုင်ရရှိခဲ့သည့် ဖုန်ကျိုင်ထိုင်း (Bhumjaithai) ပါတီခေါင်းဆောင်၊ အိမ်စောင့်အစိုးရ ဝန်ကြီးချုပ် အနူတင် ချာန်ဗီရာကူးလ်သည် ကမ္ဘောဒီးယားနိုင်ငံနှင့် ချုပ်ဆိုထားသည့် MoU 44 နယ်စပ်သဘောတူညီချက်ကို ပယ်ဖျက်ရန် အစိုးရအဖွဲ့ကို အရေးပေါ် ညွှန်ကြားလိုက်သည်။ အဆိုပါ သဘောတူညီချက်မှာ ၂၅ နှစ်ကြာလာသည်အထိ ပင်လယ်ပြင်သယံဇာတ ခွဲဝေရေးတွင် တိုးတက်မှုမရှိခြင်းကြောင့် ပယ်ဖျက်ရခြင်းဖြစ်ပြီး၊ ခေတ်မီဂြိုဟ်တုမြေပုံစနစ်များကို အခြေခံသည့် MoU 69 အသစ်ဖြင့် အစားထိုးရန် စီစဉ်နေခြင်း ဖြစ်သည်။ (မှတ်ချက်။ ။ ၄၄ နှင့် ၆၉ ဆိုသည်မှာ သဘောတူညီချက် ချုပ်ဆိုသည့် ထိုင်းသာသနာသက္ကရာဇ် ၂၅၄၄ နှင့် ၂၅၆၉ တို့ကို ရည်ညွှန်းခြင်း ဖြစ်သည်။ ယခုနှစ်မှာ ၂၅၆၉ ခုနှစ် ဖြစ်သည်။) သို့သော် ဤလှုပ်ရှားမှုသည် အွန်လိုင်းလူမှုကွန်ရက်တွင် ပျံ့နှံ့နေသည့် "ရွေးကောက်ပွဲ မဲမသမာမှု" စွပ်စွဲချက်များမှ လူထုအာရုံကို လွှဲပြောင်းရန် ကြိုးပမ်းမှုဖြစ်ကြောင်း နိုင်ငံရေးလေ့လာသူများက သုံးသပ်ကြသည်။ မဲစာရင်းမှားယွင်းမှုများအတွက် ဒေါသထွက်နေသည့် လူထုသည် အနူတင်က "အမျိုးသားရေးနှင့် မျိုးချစ်စိတ်ဓာတ်" ကို ရှေ့တန်းတင်လိုက်သည့်အခါ နယ်စပ်အငြင်းပွားမှုကိစ္စဘက်သို့ အာရုံရောက်ရှိသွားခဲ့သည်။ လက်ရှိတွင် အိမ်စောင့်အစိုးရအနေဖြင့် အချုပ်အခြာအာဏာဆိုင်ရာ ဆုံးဖြတ်ချက်များတွင် အကန့်အသတ်ရှိသော်လည်း၊ အနူတင်သည် ၎င်းဝန်ကြီးချုပ်အဖြစ် တက်ရောက်လာပါက MoU 44 ပယ်ဖျက်ရေးကို အဓိကဦးစားပေး လုပ်ဆောင်သွားမည် ဖြစ်သည်။

ထိုင်းကမ္ဘောဒီးယား ပင်လယ်ပြင် ဖြေရှင်းရေး သဘောတူညီချက်ကို ထိုင်း ပယ်ဖျက်မည်

Feb 13

ထိုင်းနိုင်ငံ တောင်ပိုင်း စာသင်ကျောင်းတစ်ခုအတွင်း ပစ်ခတ်မှုနှင့် ဓါးစာခံဖမ်းဆီးမှု ဖြစ်ပွား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၂ ရက်။ ထိုင်းနိုင်ငံတောင်ပိုင်း၊ ဆောင်ခလာခရိုင်၊ ဟတ်ရိုင်မြို့ရှိ စာသင်ကျောင်းတစ်ခုတွင် ဖေဖော်ဝါရီလ ၁၁ ရက် ဗုဒ္ဓဟူးနေ့က သေနတ်ပစ်ခတ်မှုနှင့် ဓားစာခံဖမ်းဆီးမှု ဖြစ်ပွားခဲ့သည်။ အသက် ၁၇ နှစ်အရွယ် သေနတ်သမားသည် ၎င်း၏မိခင်အား ရန်ပြုရန် ကြိုးပမ်းနေစဉ် ရဲတပ်ဖွဲ့က တားဆီးရာမှ ရဲတပ်ဖွဲ့ဝင်တစ်ဦး၏ M4 ရိုင်ဖယ်သေနတ်ကို လုယူကာ ကျောင်းဝင်းအတွင်းသို့ ထွက်ပြေးဝင်ရောက်သွားခဲ့ခြင်း ဖြစ်သည်။ သေနတ်သမားသည် ကျောင်းအတွင်း၌ စိတ်လှုပ်ရှားခြောက်ခြားစွာဖြင့် ရမ်းသန်းပစ်ခတ်ခဲ့ရာ ကျောင်းအုပ်ဆရာမကြီးနှင့် ကျောင်းသားအချို့ ထိမှန်ဒဏ်ရာရရှိခဲ့ပြီး၊ အမျိုးသမီးဆရာမတစ်ဦးကိုလည်း ဓားစာခံအဖြစ် ဖမ်းဆီးထားခဲ့သည်။ ရဲတပ်ဖွဲ့နှင့် အထူးစစ်ဆင်ရေးတပ်ဖွဲ့ဝင်များက ကျောင်းဝင်းကို ပိတ်ဆို့ကာ လူများကို ဘေးလွတ်ရာသို့ ရွှေ့ပြောင်းပေးခဲ့ရသည်။ ရင်ဘတ်နှင့် ခန္ဓာကိုယ်တွင် သေနတ်ဒဏ်ရာ ပြင်းထန်စွာရရှိခဲ့သည့် ကျောင်းအုပ်ဆရာမကြီးသည် ဟတ်ရိုင်ဆေးရုံကြီးတွင် ဆေးကုသမှုခံယူခဲ့သော်လည်း၊ ဖေဖော်ဝါရီ ၁၂ ရက် နံနက်ပိုင်းတွင် ကိုယ်တွင်းဒဏ်ရာနှင့် သွေးထွက်လွန်မှုကြောင့် ကွယ်လွန်သွားခဲ့ပြီ ဖြစ်သည်။ ထို့အပြင် အသက် ၁၄ နှစ်အရွယ် ကျောင်းသူတစ်ဦးမှာလည်း ဝမ်းဗိုက်တွင် ဒဏ်ရာရရှိခဲ့ကာ ခွဲစိတ်ကုသမှု ခံယူနေရသည်။ သေနတ်သမားအား ဖျောင်းဖျနားချရန် ကြိုးပမ်းမှု မအောင်မြင်သဖြင့် နောက်ဆုံးတွင် ရဲတပ်ဖွဲ့က ပစ်ခတ်ဖမ်းဆီးခဲ့ရပြီး ၎င်းမှာ ဒဏ်ရာဖြင့် အဖမ်းခံခဲ့ရသည်။ #ထိုင်းတောင်ပိုင်းပစ်ခတ်မှု

ထိုင်းနိုင်ငံ တောင်ပိုင်း စာသင်ကျောင်းတစ်ခုအတွင်း ပစ်ခတ်မှုနှင့် ဓါးစာခံဖမ်းဆီးမှု ဖြစ်ပွား

Feb 13

လကမ္ဘာဆီသို့ တရုတ်၏ ခြေလှမ်းသစ်နှင့် တရုတ်နှင့် နာဆာ အာကာသပြိုင်ပွဲ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ တရုတ်နိုင်ငံသည် ၂၀၃၀ ပြည့်နှစ်မတိုင်မီ လကမ္ဘာပေါ်သို့ လူသားများစေလွှတ်နိုင်ရန် ရည်မှန်းထားသည့် စီမံကိန်းအတွက် အရေးပါသော ဒုံးပျံနှင့် အာကာသယာဉ် စမ်းသပ်မှုကို အောင်မြင်စွာ ဆောင်ရွက်နိုင်ခဲ့သည်။ ဖေဖော်ဝါရီလ ၁၀ ရက် အင်္ဂါနေ့ညပိုင်းက ဟိုင်နန်ကျွန်းရှိ လွှတ်တင်ရေးစခန်းတွင် (လောင်းမာ့ချ် ၁၀) Long March 10 ဒုံးပျံနှင့် (အိပ်မက်ယာဉ်) ဟု အဓိပ္ပာယ်ရသည့် (မန်ကျိုး) Mengzhou အာကာသယာဉ်တို့ကို စမ်းသပ်ခဲ့ခြင်း ဖြစ်သည်။ ဤစမ်းသပ်မှုတွင် အာကာသယာဉ်ကို လေထုဖိအား အမြင့်ဆုံးအချိန်၌ ဒုံးပျံမှ အရေးပေါ်ခွဲထွက်သည့်စနစ်ကို အဓိကထား စမ်းသပ်ခဲ့သည်။ ၎င်းစနစ်သည် ဒုံးပျံချို့ယွင်းမှု ဖြစ်ပွားပါက အာကာသယာဉ်မှူးများကို ဘေးကင်းရာသို့ ဆွဲထုတ်ပေးမည့်စနစ်ဖြစ်ပြီး၊ စမ်းသပ်မှုအတွင်း အာကာသယာဉ်သည် ပင်လယ်ပြင်သို့ လေထီးဖြင့် ဘေးကင်းစွာ ဆင်းသက်နိုင်ခဲ့သည်။ ထူးခြားချက်မှာ အာကာသယာဉ် ခွဲထွက်သွားသော်လည်း ဒုံးပျံသည် အာကာသထဲသို့ ဆက်လက်ပျံသန်းသွားခဲ့ပြီး နောက်ပိုင်းတွင် ကမ္ဘာ့လေထုထဲသို့ ပြန်လည်ဝင်ရောက်ကာ တောင်တရုတ်ပင်လယ်အတွင်းရှိ ရေပေါ်စင်မြင့်ထက်သို့ ဒေါင်လိုက်မတ်တတ် အောင်မြင်စွာ ပြန်လည်ဆင်းသက်နိုင်ခဲ့ခြင်း ဖြစ်သည်။ Mengzhou အာကာသယာဉ်သည် လကမ္ဘာသွားရန်သာမက လက်ရှိ တရုတ်အာကာသစခန်းသို့ လူ ၇ ဦးအထိ ပို့ဆောင်ရန်အတွက်ပါ အသုံးပြုနိုင်မည်ဖြစ်သည်။ ယခုအောင်မြင်မှုကြောင့် ၁၉၇၂ ခုနှစ်နောက်ပိုင်း လကမ္ဘာသို့ လူပြန်လည်စေလွှတ်ရန် ပြင်ဆင်နေသည့် အမေရိကန် အမျိုးသား အာကာသအေဂျင်စီ (NASA) နှင့် တရုတ်နိုင်ငံတို့အကြား အာကာသပြိုင်ဆိုင်မှုမှာ ပိုမိုပြင်းထန်လာခဲ့သည်။ NASA က Artemis ဟု အမည်ပေးထားသော စီမံကိန်းဖြင့် ၂၀၂၆-၂၀၂၇ တွင် လကမ္ဘာသို့ နောက်တကြိမ် လူပို့ရန် ကြိုးစားနေသည်။

လကမ္ဘာဆီသို့ တရုတ်၏ ခြေလှမ်းသစ်နှင့် တရုတ်နှင့် နာဆာ အာကာသပြိုင်ပွဲ

Feb 13

အွန်လိုင်းချစ်သူနှင့် ချိန်းတွေ့ရာမှ ကားနှင့် ရွှေများ အခိုးခံရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ အသက် ၅၀ အရွယ် အမျိုးသမီး တစ်ဦးက အွန်လိုင်းပေါ်တွင် တွေ့ဆုံခဲ့သည့် အသက် ၄၂ နှစ်အရွယ် အမျိုးသားတစ်ဦးကို ယုံကြည်မိခဲ့ရာမှ ကား၊ ရွှေဆွဲကြိုးနှင့် တန်ဖိုးကြီး ဘုရားဆင်းတုတော်တို့ ခိုးယူခံလိုက်ရသည့် အဖြစ်အပျက် ထိုင်းနိုင်ငံ ဥဒုံဌာနီ Udon Thani မြို့တွင် ဖြစ်ပွားခဲ့သည်ဟု ဘန်ကောက်ပို့စ် သတင်းစာတွင် ဖော်ပြသည်။ ရဲတပ်ဖွဲ့က ပျောက်ဆုံးသွားသော ကားကို ပြန်လည်ရှာဖွေတွေ့ရှိခဲ့သည်။ မစ္စစ်ဘီ (အမည်လွှဲ) သည် Facebook ပေါ်တွင် မိမိကိုယ်မိမိ မုဆိုးဖိုဟု ပြောဆိုကာ ချဉ်းကပ်လာသည့် အသက် ၄၂ နှစ်အရွယ် မစ္စတာပူ (Mr. Pu) နှင့် ၂ လခန့် စကားပြောခဲ့ကြသည်။ ၎င်းအမျိုးသားမှာ ယုံကြည်ထိုက်သူတစ်ဦးဟု ထင်မှတ်ခဲ့သဖြင့် ဖေဖော်ဝါရီ ၆ ရက်နေ့တွင် ဥဒုံဌာနီရှိ အပန်းဖြေစခန်းတစ်ခု၌ တွေ့ဆုံရန် ချိန်းဆိုခဲ့သည်။ ၃ ရက်တာ အတူရှိနေစဉ်အတွင်း အမျိုးသမီးဖြစ်သူက အသုံးစရိတ်အားလုံးကို စိုက်ထုတ်ပေးခဲ့ရသည်။ အမျိုးသားဖြစ်သူက ၎င်း၏လစာရလျှင် ကုန်ကျစားရိတ်များ ပြန်ပေးမည်ဟု ကတိပေးခဲ့သည်။ ဖေဖော်ဝါရီလ ၈ ရက် တနင်္ဂနွေနေ့တွင် ကျောင်းကန်ဘုရားသို့ အတူသွားခဲ့ကြပြီးနောက် ညနေပိုင်းတွင် အမျိုးသားဖြစ်သူက လစာဝင်ပြီဖြစ်ကြောင်း၊ ငွေသွားထုတ်ရင်း ဘီယာဝယ်ခဲ့မည် ဖြစ်ကြောင်း ပြောကာ အမျိုးသမီး၏ Toyota Veloz တိုယိုတာကားကို မောင်းနှင်ထွက်ခွာသွားခဲ့သည်။ အမျိုးသားမှာ ကားမောင်းထွက်သွားပြီးနောက် အမျိုးသမီးထံ ဖုန်းဆက်၍ ငွေလွှဲပေးမည်ဟုဆိုကာ ဘဏ်အကောင့်နံပါတ် တောင်းခံခဲ့သည်။ သို့သော် ငွေလွှဲဝင်မလာသည့်အပြင် ၎င်း၏ ဖေ့စ်ဘွတ်ခ် အကောင့်ကိုပါ ပိတ်ပစ် (Block) ခဲ့သည်။ အမျိုးသမီးက အခန်းအတွင်း ပြန်လည်စစ်ဆေးရာ ၎င်း၏ ရွှေဆွဲကြိုးနှင့် (စုစုပေါင်းတန်ဖိုး ဘတ် ၈ သောင်းခန့်)တန်ဖိုးရှိ စိန်စီထားသည့် ရွှေဘောင်သွင်း ဘုရားဆင်းတုတော် ပါ ပျောက်ဆုံးနေသည်ကို တွေ့ရှိခဲ့ရသည်။ အမျိုးသမီးက ရဲစခန်းသို့ အကြောင်းကြားပြီး ကားအပိုသော့ကို ပေးအပ်ခဲ့ရာ၊ ရဲတပ်ဖွဲ့က စုံစမ်းထောက်လှမ်းမှုများ အမြန်ဆုံးပြုလုပ်ခဲ့ပြီးနောက် ဈေးဝယ်စင်တာတစ်ခု၏ ကားပါကင်တွင် ကားကို ပြန်လည်ရှာဖွေတွေ့ရှိခဲ့သည်။ သို့သော် ခိုးယူသွားသည့် ရွှေထည်ပစ္စည်းများကိုမူ ပြန်မရသေးပေ။ အမျိုးသမီးမှာ အသည်းကွဲရုံသာမက ပစ္စည်းများလည်း ဆုံးရှုံးသွားခဲ့ရသည်။ ရဲက တရားရုံးတွင် ဖမ်းဝရမ်း ရယူပြီး ပျောက်ဆုံးသွားသော ထိုအမျိုးသားကို လိုက်လံ ရှာဖွေလျက်ရှိသည်။

အွန်လိုင်းချစ်သူနှင့် ချိန်းတွေ့ရာမှ ကားနှင့် ရွှေများ အခိုးခံရ

Feb 12

ဩဂုတ်လကုန်မှစ၍ ထိုင်းနိုင်ငံတွင် ဗီဇာ သတ်မှတ်ချက်နှင့် လုပ်ထုံးလုပ်နည်း အပြောင်းအလဲများ ရှိမည်။ ဘွဲ့လွန် ကျောင်းဗီဇာဖြင့် အလုပ်လုပ်ခွင့် ပြုတော့မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၂ ရက်။ ဘွဲ့လွန်ကျောင်းသားများကို အလုပ်လုပ်ခွင့် ပြုခြင်း အပါအဝင် ဗီဇာ သတ်မှတ်ချက်များကို လာမည့် ဩဂုတ်လကုန်မှ စတင်၍ ကျင့်သုံးသွားမည် ဖြစ်ကြောင်း ထိုင်းခရီးသွားနှင့် အားကစား ဝန်ကြီးဌာန အမြဲတမ်း အတွင်းဝန် နတ်ထရီယာ ထီဝီဝုန် Natthriya Thaweevong ကို ကိုးကား၍ ဘန်ကောက်ပို့စ် သတင်းစာက ဖော်ပြသည်။ ပြောင်းလဲမှုများတွင် ဘွဲ့လွန်ကျောင်းသား ဗီဇာဖြင့် နေထိုင်သူများကို အလုပ်လုပ်ခွင့် ပြုခြင်းလည်း ပါဝင်မည် ဖြစ်သည်။ ထိုင်းအစိုးရ၏ မူဝါဒအသစ်အရ ထိုင်းနိုင်ငံတွင် ဘွဲ့ကြို (Bachelor) ဒါမှမဟုတ် ဘွဲ့လွန် (Master/PhD) တက်ရောက်ပြီး ဘွဲ့ရရှိထားတဲ့ နိုင်ငံခြားသားကျောင်းသားများကို ဘွဲ့ရပြီးနောက် ၁ နှစ်တိတိ ဗီဇာသက်တမ်းတိုးပေးပြီး အလုပ်ရှာခွင့် ပေးထားခြင်း ဖြစ်သည်။ အဆိုပါ တစ်နှစ်အတွင်း အလုပ်ရပါက ကျောင်းသား ဗီဇာမှ အလုပ်ဗီဇာသို့ ထိုင်းနိုင်ငံအတွင်းတွင် တိုက်ရိုက် ပြောင်းလဲခွင့် ပေးထားသည်။ သို့သော်လည်း ကျောင်းသား ဗီဇာဟု ခေါ်ကြသော ဘာသာစကားကျောင်း၊ နှင့် အခြားသော သင်ကြားရေး ဗီဇာများဖြင့် အလုပ်လုပ်ခွင့် ပြုမည်မဟုတ်ပါ။ လက်ရှိရှိနေသော ဗီဇာ အမျိုးအစား ၁၇ မျိုးကို ၇ မျိုးသို့ လျော့ချ၍ ပိုမိုလွယ်ကူအောင် ပြုပြင်ပြောင်းလဲသွားမည်ဟုလည်း ဆိုသည်။ ထိုင်းနိုင်ငံက နိုင်ငံပေါင်း ၉၃ နိုင်ငံမှ နိုင်ငံသားများကို ဗီဇာမဲ့ ရက် ၆၀ ဝင်ရောက်ခွင့် ပြုထားခြင်းကိုမူ ရက်ပေါင်း ၃၀ သို့ လျော့ချမည်ဖြစ်သည်။ လတ်တလော ရေပန်းစားနေသော DTV ဟုခေါ်သည့် Destination Thailand Visa နှင့် အငြိမ်းစား ဗီဇာများ ဆက်ရှိနေမည်ဖြစ်သည်။ အငြိမ်းစား ဗီဇာအတွက်မူ ဝင်ငွေ အထောက်အထား နှင့် ဘဏ်စာရင်းရှိ ငွေ ပမာဏနှင့် ပတ်သက်၍ ပိုမို တင်းကြပ်မှုများ ရှိမည်ဟု ဆိုထားသည်။ #ထိုင်းနိုင်ငံ #ထိုင်းဗီဇာအပြောင်းအလဲ #ဘွဲ့လွန်ကျောင်းဗီဇာ #ThaiVisa

ဩဂုတ်လကုန်မှစ၍ ထိုင်းနိုင်ငံတွင် ဗီဇာ သတ်မှတ်ချက်နှင့် လုပ်ထုံးလုပ်နည်း အပြောင်းအလဲများ ရှိမည်။ ဘွဲ့လွန် ကျောင်းဗီဇာဖြင့် အလုပ်လုပ်ခွင့် ပြုတော့မည်

Feb 11

ဗန်းမောက်ဒေသခံများ NUG ကို ထောက်ခံသော်လည်း ရွှေလုပ်ကွက်များ ပြန်ဖွင့်ရန် တောင်းဆို   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၁ ရက်။ စစ်ကိုင်းတိုင်း၊ ဗန်းမောက်မြို့နယ် တောင်ပိုင်းရှိ ဒေသခံပြည်သူများနှင့် စစ်ဘေးရှောင် (၅၀၀) ကျော် သည် NUG ကို ပြည်သူ့အစိုးရအဖြစ် ဆက်လက်ထောက်ခံကြောင်း ပြသခဲ့ကြသော်လည်း လက်ရှိကျင့်သုံးနေသည့် ရွှေတူးဖော်မှုမူဝါဒကို ပြန်လည်သုံးသပ်ပေးရန် ဆန္ဒထုတ်ဖော်ခဲ့ကြသည်။ အမျိုးသားညီညွတ်ရေးအစိုးရ (NUG) ကို ပြည်သူ့အစိုးရအဖြစ် ဆက်လက်ထောက်ခံကြောင်း ပြသခဲ့ကြသော် လည်း လက်ရှိကျင့်သုံးနေသည့် ရွှေတူးဖော်မှုမူဝါဒကို ပြန်လည်သုံးသပ်ပေးရန် ဖေဖော်ဝါရီလ (၉) ရက်နေ့က ဆန္ဒထုတ်ဖော်ခဲ့ကြခြင်း ဖြစ်သည်။ ‘NUG အစိုးရ တို့အစိုးရ’ ဟု ကြွေးကြော်ကာ ဆန္ဒပြခဲ့ကြသည့် အဆိုပါလူထုသည် ဒေသခံများ၏ စားဝတ်နေ ရေး အတွက် တိကျခိုင်မာသည့် ရွှေတူးဖော်မှုမူဝါဒ ချမှတ်ပေးရန်နှင့် ပိတ်သိမ်းထားသည့် တစ်နိုင်တစ်ပိုင် လုပ်ကွက်များကို ပြန်လည်ဖွင့်လှစ်ပေးရန် တောင်းဆိုခဲ့ကြခြင်းဖြစ်သည်။ ဆန္ဒထုတ်ဖော်ရာမှု အခြေအနေနှင့် ပတ်သက်၍ “ကျနော်တို့ ဒီက ဗန်းမောက်သူ ဗန်းမောက်သားတွေက စစ်အုပ်စုကို ဘယ်တော့မှ အသိအမှတ်မပြုဘူး။ NUG ကိုပဲ ကိုယ့်အစိုးရလို့ ယုံကြည်တယ်။ ဒါပေမဲ့ အခုက NUG သယံဇာတအဖွဲ့က လုပ်ကွက်တွေအကုန် လိုက်ပိတ်ခိုင်းနေတော့ လက်လုပ်လက်စားတွေ ငတ်မတတ် ဖြစ်နေပြီ။ တော်လှန်ရေးကို ထောက်ခံသလို ကျနော်တို့ ဝမ်းရေးကိုလည်း အစိုးရအနေနဲ့ စာနာပေး စေချင် တယ်” ဟု ပြောသည်။ ယခုကိစ္စနှင့် ပတ်သက်၍ NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က လုပ်ပိုင်ခွင့်ရထားသည့် ကုမ္ပဏီအချို့သည် အစိုးရ၏ မူဝါဒကို ချိုးဖောက်ကာ အစုစားလုပ်ကွက်များကို စနစ်တကျမဟုတ်ဘဲ ပြန်လည်ခ ျထားပေးနေမှုများကြောင့်သာ လုပ်ငန်းပိတ်သိမ်းမှုများ ပြုလုပ်ခဲ့ရခြင်းဖြစ်ကြောင်း တုံ့ပြန်ပြောကြားထား သည်။ ဗန်းမောက်မြို့သည် ပြီးခဲ့သည့် ဖေဖော်ဝါရီလ (၈) ရက်နေ့ကမှ တော်လှန်ရေးအင်အားစုများ လက်လွှတ်ခဲ့ရသည့် မြို့ဖြစ်သော်လည်း စစ်ကောင်စီ၏ အုပ်ချုပ်ရေးယန္တရား စိုးမိုးနိုင်ခြင်းမရှိသည့် မြို့နယ်တောင်ပိုင်းဒေသများတွင် ပြည်သူများက NUG အစိုးရအပေါ် ယုံကြည်မှုရှိနေဆဲဖြစ်ကြောင်း ပြသခဲ့ခြင်းဖြစ်သည်။ အဆိုပါ လူထုဆန္ဒထုတ်ဖော်ပွဲကို ဗန်းမောက်မြို့နယ် ပြည်သူ့လုံခြုံရေးအဖွဲ့ (ပလဖ) က လုံခြုံရေးယူပေးခဲ့ပြီး ဒေသခံများကတော့ အစိုးရနှင့် ပြည်သူကြား မြေပြင်အခြေအနေကို ထင်ဟပ်သည့် မူဝါဒများ ပေါ်ထွက်လာရန် မျှော်လင့်နေကြသည်။

ဗန်းမောက်ဒေသခံများ NUG ကို ထောက်ခံသော်လည်း ရွှေလုပ်ကွက်များ ပြန်ဖွင့်ရန် တောင်းဆို  

Feb 11

ဝမ်ပေါင်နှင့် ယန်စီကုမ္ပဏီမှ အရာရှိကြီး ၁၀ ဦးကို ပြည်သူ့သစ္စာဖောက်အဖြစ် အမည်ပျက်စာရင်းသွင်း   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၁ ရက် စစ်ကော်မရှင်၏ စီးပွားရေးထောက်တိုင် စီမံကိန်းများတွင် ဆက်လက် တာဝန်ထမ်းဆောင်နေသည့် ပုဂ္ဂလိက Non-CDM ဝန်ထမ်း (၁၀) ဦးကို ဆားလင်းကြီးမြို့နယ် ပြည်သူ့အုပ်ချုပ်ရေးအဖွဲ့က 'ပြည်သူ့သစ္စာဖောက်' အဖြစ် အမည်ပျက်စာရင်း ထုတ်ပြန်လိုက်သည်။ စစ်ကော်မရှင်၏ အဓိကဝင်ငွေရရှိရာ စီမံကိန်းများတွင် တာဝန်ထမ်းဆောင်ရင်း တော်လှန်ရေးတွင် ပူးပေါင်း ပါဝင်ရန် ငြင်းဆန်ခဲ့သည့် ပုဂ္ဂလိက Non-CDM ဝန်ထမ်း (၁၀) ဦးကို ပြည်သူ့သစ္စာဖောက်များအဖြစ် သတ်မှတ် ကာ အမည်ပျက်စာရင်း (Blacklist) ထုတ်ပြန်လိုက်ကြောင်း ဆားလင်းကြီးမြို့နယ် ပြည်သူ့အုပ်ချုပ်ရေးအဖွဲ့က သတင်းထုတ်ပြန်သည်။ အဆိုပါ ဖေဖော်ဝါရီလ ၉ ရက်နေ့ ထုတ်ပြန်ချက်ထဲတွင် မြန်မာ-ဝမ်ပေါင် (Wanbao) နှင့် မြန်မာ-ယန်စီ (Yang Tse) ကုမ္ပဏီများမှ အကြံပေး (Advisor)၊ အထွေထွေမန်နေဂျာ (GM Consultant) နှင့် မန်နေဂျာ (Manager) အဆင့်ရှိသည့် ထိပ်ပိုင်းတာဝန်ရှိသူ (၁၀) ဦး ပါဝင်နေသည်။ ၎င်းတို့အား ဇန်နဝါရီလ (၃၁) ရက်နေ့ကို နောက်ဆုံးထား၍ အလုပ်မှနုတ်ထွက်ရန် တိုက်တွန်းခဲ့သော်လည်း လိုက်နာခြင်းမရှိဘဲ စစ်အုပ်စု၏ စီမံကိန်းများတွင် ဆက်လက်ဦးဆောင် ပါဝင်နေသည့်အတွက် ယခုကဲ့သို့ အမည်ပျက်စာရင်းသွင်းခြင်း ဖြစ်သည်ဟု ဆိုသည်။ ဆားလင်းကြီးမြို့နယ် ပုဂ္ဂလိက Non-CDM ဝန်ထမ်းစီမံခန့်ခွဲရေးကော်မတီ တာဝန်ရှိသူတစ်ဦးက ၎င်းတို့၏ ရပ်တည်ချက်နှင့် ပတ်သက်၍ ယခုကဲ့သို့ ရှင်းပြသည်။ “ဒီလူတွေဟာ စစ်ကောင်စီအတွက် တစ်လကို ဒေါ်လာသန်းပေါင်းများစွာ ဝင်ငွေရအောင် လုပ်ပေးနေတဲ့ အဓိက ထောက်တိုင်တွေဖြစ်ပါတယ်။ ပြည်သူ့ဘက်ရပ်တည်ဖို့ အကြိမ်ကြိမ် အခွင့်အရေးပေးခဲ့ပေမယ့် ငြင်းပယ်ခဲ့ ကြတာကြောင့် ဥပဒေအရ ပြင်းပြင်းထန်ထန် အရေးယူသွားမယ့် ပြည်သူ့သစ္စာဖောက်စာရင်းထဲ ထည့်သွင်း လိုက်တာပါ။” အမည်ပျက်စာရင်း ထုတ်ပြန်ခံရသူများသည် စစ်တပ်အတွက် အခွန်ငွေနှင့် ဝင်ငွေစီးဆင်းမှု လမ်းကြောင်းများကို အသက်သွေးကြောသဖွယ် ဖော်ဆောင်ပေးနေသူများဖြစ်ကြောင်း၊ နောင်တွင် ပေါ်ပေါက်လာမည့် ပြည်သူ့အစိုးရ လက်ထက်တွင်လည်း ၎င်းတို့၏ လုပ်ရပ်များအတွက် တရားစီရင်ရေးအရ တာဝန်ခံရမည်ဖြစ်ကြောင်း ထုတ်ပြန် ချက်တွင် သတိပေးထားသည်။ ထို့အပြင် အဆိုပါကုမ္ပဏီများ၌ ဆက်လက်တာဝန်ထမ်းဆောင်နေသည့် အခြားဝန်ထမ်းများကိုလည်း အချိန်မီ ပြည်သူနှင့် ပူးပေါင်းရန် တိုက်တွန်းထားပြီး လိုက်နာခြင်းမရှိပါက အမည်ပျက်စာရင်းများကို ထပ်မံထုတ်ပြန်သွား မည်ဟု ဆားလင်းကြီးမြို့နယ် ပုဂ္ဂလိက Non-CDM ဝန်ထမ်းစီမံခန့်ခွဲရေး ကော်မတီက အသိပေးထားသည်။

ဝမ်ပေါင်နှင့် ယန်စီကုမ္ပဏီမှ အရာရှိကြီး ၁၀ ဦးကို ပြည်သူ့သစ္စာဖောက်အဖြစ် အမည်ပျက်စာရင်းသွင်း  

Feb 11

ပေါက်မြို့နယ် ချက်ကန်ရွာကို လေကြောင်းမှ အပြင်းအထန် ဗုံးကြဲ၊ အရပ်သား ၁၀ ဦး သေဆုံး    သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီ ၁၁ ရက်။ မကွေးတိုင်း၊ ပေါက်မြို့နယ်ရှိ ချက်ကန်ကျေးရွာကြီးကို စစ်ကော်မရှင်တပ်က လေကြောင်းမှ ဗုံးကြဲတိုက်ခိုက် ခဲ့ရာ လူစည်ကားရာ ဈေးဆိုင်တည့်တည့် ဗုံးကျရောက်ပေါက်ကွဲပြီး အရပ်သား (၁၀) ဦးထက်မနည်း သေဆုံးကာ အများအပြား ဒဏ်ရာရရှိခဲ့သည့် ဖြစ်စဉ်တစ်ခု ဖြစ်ပွားခဲ့သည်။ ဖေဖော်ဝါရီလ (၁၀) ရက်နေ့ နံနက် (၁၀) နာရီဝန်းကျင်တွင် မကွေးလေတပ်စခန်းမှ တက်လာသည့် ဂျက်ဖိုက်တာ (၄) စီးသည် ချက်ကန်ရွာပေါ်သို့ ပေါင် (၅၀၀) ဗုံးများ အပါအဝင် ဗုံးသီးအလုံးပေါင်း (၁၀) လုံးထက်မနည်းကို အကြိမ်ကြိမ် ပတ်ကြဲခဲ့ခြင်းဖြစ်ကြောင်း ဒေသခံများက ပြောသည်။ အဆိုပါ လေကြောင်းတိုက်ခိုက်မှုနှင့် ပတ်သက်၍ ဘေးလွတ်ရာသို့ တိမ်းရှောင်နေရသည့် ရွာသားတစ်ဦးက မြေပြင်အခြေအနေကို ယခုကဲ့သို့ ပြောသည်။ “မနက်ခင်း ဈေးရောင်းဈေးဝယ် ကောင်းနေတဲ့အချိန်ကြီး အချက်ပေးချိန်တောင် မရလိုက်ဘူး။ လေယာဉ် ၄ စီးက ဝဲပြီးတော့ကို ပတ်ကြဲတာ။ ဗုံးတစ်လုံးက ရွာထဲက ကုန်စုံဆိုင်ပေါ် တည့်တည့်ကျသွားတော့ ဆိုင်ထဲမှာ ရှိနေတဲ့သူတွေရော၊ ဈေးဝယ်နေတဲ့သူတွေရော အကုန်လုံး မီးခိုးတွေကြားထဲ ပျောက်သွားတာပဲ။ ကျနော်တို့ ပြန်သွားကြည့်တော့ လူခန္ဓာကိုယ်တွေတောင် မမှတ်မိတော့ဘူး။ အရမ်းရက်စက်လွန်းပါတယ်။” ဗုံးဒဏ်ကြောင့် ဆိုင်ပိုင်ရှင်နှင့်အတူ ဈေးဝယ်နေသည့် အမျိုးသား (၁) ဦး၊ အမျိုးသမီး (၄) ဦးတို့မှာ နေရာတွင်ပင် ပွဲချင်းပြီး သေဆုံးခဲ့ရပြီး လက်ရှိအချိန်အထိ အတည်ပြုနိုင်သော သေဆုံးသူအရေအတွက်မှာ (၁၀) ဦး ရှိနေပြီ ဖြစ်သည်။ မြေပြင်တွင် ကူညီပေးနေသည့် ဒေသခံကာကွယ်ရေးအဖွဲ့ဝင် တစ်ဦးကလည်း ဒဏ်ရာရရှိသူများ၏ အခြေအနေ ကို ယခုလို ဖြည့်စွက်ပြောသည်။ “အခု သေဆုံးသူ ၁၀ ယောက်ကတော့ ကနဦးစာရင်းပါ။ ဒဏ်ရာပြင်းထန်တဲ့သူ ၁၀ ယောက်ထက်မနည်း ရှိနေသေးတော့ သေဆုံးစာရင်းက ဒီထက်တိုးလာနိုင်တယ်။ တချို့က ကိုယ်လက်အင်္ဂါတွေ ပြတ်ထွက်ကုန်တာ။ ဆေးကုသပေးဖို့အတွက်လည်း ခက်ခဲနေတယ်၊ လေယာဉ်က ပြန်လာဦးမလားဆိုပြီး အားလုံးက ကြောက်နေ ကြရတယ်” ဟု ပြောသည်။ အမျိုးသားညီညွတ်ရေးအစိုးရ (NUG) ၏ ထုတ်ပြန်ချက်စာရင်းများအရ ၂၀၂၅ ခုနှစ် တစ်နှစ်တာအတွင်း စစ်ကော်မရှင်၏ လေကြောင်းတိုက်ခိုက်မှုကြောင့် တစ်နိုင်ငံလုံးတွင် အရပ်သားပြည်သူ (၂,၃၀၀) ကျော် သေဆုံးခဲ့ ရပြီး နေအိမ်နှင့် ဘာသာရေး အဆောက်အအုံပေါင်း (၄,၀၀၀) နီးပါး ပျက်စီးဆုံးရှုံးခဲ့ကြောင်း သိရသည်။ ယခု ချက်ကန်ကျေးရွာ တိုက်ခိုက်ခံရမှုသည် တိုက်ပွဲဖြစ်ပွားခြင်းမရှိဘဲ အရပ်သားများကို ပစ်မှတ်ထားသည့် အစုအပြုံလိုက် သတ်ဖြတ်မှုတစ်ခုဖြစ်သည်ဟု လူ့အခွင့်အရေးစောင့်ကြည့်သူများက ဝေဖန်ထောက်ပြနေကြ သည်။

ပေါက်မြို့နယ် ချက်ကန်ရွာကို လေကြောင်းမှ အပြင်းအထန် ဗုံးကြဲ၊ အရပ်သား ၁၀ ဦး သေဆုံး 

« Prev 1 … 8 9 10 11 12 … 19 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

ဗင်နီဇွဲလား ငလျင်တွင် သေဆုံးသူ အနည်းဆုံး ၃၂ ဦး ရှိပြီ
ဒီးမော့ဆိုမြို့နယ်အတွင်း ကျေးရွာတစ်ရွာကို စစ်တပ် ဒရုန်းဖြင့်ဗုံးကြဲ၍ ကလေးငယ်နှစ်ဦး သေဆုံး
ဧရာဝတီ ရှေ့တန်းတွင် တပ်ပြေး များပြားလာသဖြင့် လိုက်ဖမ်းနေရ
ဗင်နီဇွဲလားတွင် နှစ်ထပ်ဆင့် အားပြင်းငလျင် လှုပ်
အာဖရိကတွင် ရှားပါး သတ္တုတူးဖော်ရေး အမေရိကန် ကုမ္ပဏီ လုပ်ပိုင်ခွင့်ရ

Archives

Archives

×Close