February 2026 – Page 9 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Monthly Archive

Archive: February 2026

Feb 16

နိုင်ငံတကာ လျစ်လျူရှုမှုက နိုင်ငံတကာတွင် အာဏာရှင်များအား လမ်းဖွင့်ပေးသကဲ့သို့ ဖြစ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၆ ရက်။ မြန်မာနိုင်ငံတွင် စစ်ကော်မရှင်က ကျူးလွန်နေသည့် ရာဇဝတ်မှုများကို နိုင်ငံတကာက အရေးမယူဘဲ လျစ်လျူ ရှုထားခြင်းသည် မြန်မာပြည်သူများအတွက်သာမက တစ်ကမ္ဘာလုံးရှိ အာဏာရှင် များအတွက်ပါ လမ်းဖွင့်ပေး သကဲ့သို့ ဖြစ်နေကြောင်း အမျိုးသမီးအဖွဲ့အစည်းများက သတိပေးထောက်ပြလိုက်သည်။ တအာင်း အမျိုးသမီး အဖွဲ့အစည်း (TWO) က ဖေဖော်ဝါရီလ ၇ ရက်နေ့တွင် ထုတ်ပြန်သည့် ‘လုံခြုံမှုကင်းမဲ့ သော ဘဝများ’ အစီရင်ခံစာ မိတ်ဆက်ပွဲ ဆွေးနွေးစတင်မှုတွင် အမျိုးသမီးခေါင်းဆောင်များက ယခုကဲ့သို့ ထည့်သွင်းပြောဆိုခဲ့ခြင်း ဖြစ်သည်။ မြန်မာနိုင်ငံတွင် စစ်အာဏာရှင်များက ပြစ်ဒဏ်ကင်းလွတ်ခွင့် ရရှိနေခြင်းသည် ကမ္ဘာ့လုံခြုံရေးကို ခြိမ်းခြောက် လာနိုင်ကြောင်း အမျိုးသမီးများအဖွဲ့ချုပ် (မြန်မာနိုင်ငံ) WLB ၏ တွဲဖက် အထွေထွေအတွင်းရေးမှူး (၁) မွန်းနေလီက ထောက်ပြသည်။ “မြန်မာနိုင်ငံမှာ ဖြစ်ပျက်နေတဲ့ အခြေအနေက အများကြီး သက်ဆိုင်နေတာ တွေ့ရတယ်။ နိုင်ငံတကာ ရာဇဝတ်မှု ကျူးလွန်တဲ့ သူကို ဒီတိုင်း ကင်းလွတ်ခွင့် ပေးထားတယ် ဆိုလို့ရှိရင် မြန်မာကနေတစ်ဆင့် တခြားသော နိုင်ငံတွေမှာလည်း ဒီလိုမျိုး စစ်အာဏာရှင်စနစ်၊ အာဏာရှင်စနစ်က ပိုပြီး ကူးစက်သွားနိုင်တာ ဖြစ်သလို တစ်ကမ္ဘာလုံးရဲ့ လုံခြုံမှုကလည်း စိုးရိမ်စရာ ဖြစ်လာနိုင်တယ်။” ထို့ကြောင့် နိုင်ငံတကာရာဇဝတ်မှု ကျူးလွန်ထားသည့် စစ်ခေါင်းဆောင်များကို နိုင်ငံတကာဥပဒေဖြင့် အမြန်ဆုံး အရေးယူရန်နှင့် တရားမျှတမှုဖော်ဆောင်ရေး ယန္တရားများမှတစ်ဆင့် တာဝန်ခံမှုရှိစေရန် အမျိုးသမီးအဖွဲ့များက တိုက်တွန်းထားသည်။ မွန်းနေလီက “ကျမတို့ မြန်မာနိုင်ငံမှာ ဖြစ်ပျက်နေတဲ့ အခြေအနေက မြန်မာနိုင်ငံရဲ့ အတွင်းရေးပဲ ဖြစ်နေတာ မဟုတ်ဘဲနဲ့ တစ်ကမ္ဘာလုံးဆိုင်ရာ အရေးကိစ္စတွေ ဖြစ်လာတာ ဖြစ်တဲ့အတွက်ကြောင့်မို့လို့ နိုင်ငံတကာရဲ့ တာဝန် ယူမှု၊ တာဝန်ခံမှုတွေ ပိုပြီး ထိထိရောက်ရောက် လုပ်ဆောင်ဖို့ လိုသလို ကျမတို့ ပြည်သူလူထုတွေရဲ့ လုံခြုံမှု ကင်းမဲ့နေတဲ့ ဘဝတွေကို ပြန်ပြီးတော့ ထူထောင်ပေးနိုင်ဖို့အတွက် စိုးရိမ်နေတဲ့ ဒီဘဝက လွတ်မြောက်ဖို့အတွက် အားလုံးရဲ့ ပါဝင်ပတ်သက်မှုက အရေးကြီးတယ်” ဟု ဆက်ပြောသည်။ စစ်ကော်မရှင်တပ်သည် အရပ်သားပစ်မှတ်များကို ရည်ရွယ်ချက်ရှိရှိ လေကြောင်းဖြင့် ဗုံးကြဲခြင်း၊ လက်နက်ကြီး ဖြင့် ပစ်ခတ်ခြင်း၊ မတရားဖမ်းဆီးသတ်ဖြတ်ခြင်းနှင့် လိင်ပိုင်းဆိုင်ရာ အကြမ်းဖက်ခြင်းစသည့် လူ့အခွင့်အရေး ချိုးဖောက်မှုများကို စနစ်တကျ လုပ်ဆောင်လျက်ရှိကြောင်း TWO ၏ အစီရင်ခံစာတွင် ဖော်ပြထားသည်။ မိုးကုတ်မြို့တွင် စစ်ကော်မရှင်၏ လက်နက်ကြီးထိမှန်၍ ဒဏ်ရာရခဲ့သည့် အမျိုးသမီးတစ်ဦးကလည်း သူမ၏ အခက်အခဲဒုက္ခကို ယခုကဲ့သို့ ပြောဆိုသည်။ “ကျမက ၂၀၂၄ ခုနှစ်၊ ၆ လပိုင်း ၂၈ ရက် မိုးကုတ်အနောက်ပိုင်း မြို့သိမ်းတိုက်ပွဲမှာ ရပ်ကွက်သူ ရပ်ကွက်သား တွေနဲ့ စစ်ရှောင်နေတုန်း ဘယ်ကပစ်မှန်းမသိတဲ့ လက်နက်ကြီးစ ထိခဲ့တာပါ။ ယနေ့ထိ ဆေးကုနေရတုန်းပါ။ အရင်က မိသားစု စားဝတ်နေရေး လုံလောက်ရုံပဲ ရှိတာ၊ အခု ခြေထောက်ထိသွားတဲ့အချိန်မှာ ပြောပြစရာ မရှိအောင် ခက်ခဲခဲ့ပါတယ်။ နှစ်ရှည်လများ အကြမ်းဖက်မှုတွေရဲ့ နောက်ဆက်တွဲမှာ စိတ်ဒဏ်ရာတွေလည်း အများကြီး ရပါတယ်။” စစ်အာဏာရှင် အဆက်ဆက် ပြစ်ဒဏ်ကင်းလွတ်ခွင့် ရနေခြင်းကို အဆုံးသတ်ရန် TWO ၏ အထွေထွေ အတွင်းရေးမှူး လွေးပကျိုဝ်းဇားက ယခုကဲ့သို့ တောင်းဆိုလိုက်သည်။ “ပြည်တွင်း ဥပဒေအရရော နိုင်ငံတကာအရရော စစ်အာဏာရှင် မျိုးဆက်တွေက မျိုးဆက်အဆက်ဆက်မှာ ကင်းလွတ်ခွင့်တွေ ရနေခဲ့ပြီ ဖြစ်တယ်ပေါ့နော်။ လုံးဝကို ကျယ်ကျယ်ပြန့်ပြန့် စနစ်တကျ ရက်ရက်စက်စက် ကျူးလွန်နေတဲ့ အကြမ်းဖက် စစ်အာဏာရှင် မျိုးဆက်ကိုတော့ အမြန်ဆုံး ကျမတို့ အပြည်ပြည်ဆိုင်ရာ တရားစီရင်ခွင့် ကနေတစ်ဆင့် နိုင်ငံတကာ စစ်ဆေးမှုနယ်ပယ်ကို ပိုပြီးတော့ အားကောင်းအောင် တိုးချဲ့ပြီးမှ ဒီနိုင်ငံတကာ ဥပဒေနဲ့အညီ အကြမ်းဖက် စစ်ခေါင်းဆောင် မင်းအောင်လှိုင် အပါအဝင် သူ့ရဲ့နောက်လိုက် အကုန်လုံးကို အမြန်ဆုံး အရေးယူ ဆောင်ရွက်ပေးဖို့ တောင်းဆိုချင်ပါတယ်” TWO ၏ မှတ်တမ်းများအရ ၂၀၂၁ မှ ၂၀၂၄ ခုနှစ်အတွင်း တအာင်းဒေသရှိ မြို့နယ် ၁၄ ခုတွင် စစ်ကော်မရှင်က လူ့အခွင့်အရေး ချိုးဖောက်မှုပေါင်း ၂၈၃ မှု ကျူးလွန်ခဲ့ပြီး အပြစ်မဲ့ပြည်သူ ၈၄၉ ဦး ထိခိုက်နစ်နာခဲ့သည်။ အမျိုးသမီးအဖွဲ့များက နိုင်ငံတကာအနေဖြင့် စစ်ကော်မရှင်ထံသို့ လေကြောင်းလောင်စာဆီ၊ လက်နက်နှင့် ထောက်လှမ်းရေး နည်းပညာများ တင်ပို့နေမှုကို ချက်ချင်းရပ်တန့်ရန်နှင့် ကုလသမဂ္ဂ လုံခြုံရေး ကောင်စီ အနေဖြင့် မြေပြင် အခြေအနေများကို စုံစမ်းစစ်ဆေးကာ ကျူးလွန်သူများကို ထိရောက်စွာ အရေးယူပေးရန် တောင်းဆိုထားကြသည်။ #စစ်ရာဇဝတ်မှု #ရွေးကောက်ပွဲ #WLB #TWO

နိုင်ငံတကာ လျစ်လျူရှုမှုက ကမ္ဘာတွင် အာဏာရှင်များအား လမ်းဖွင့်ပေးသကဲ့သို့ ဖြစ်

Feb 16

ကရင်နီ စစ်ရှောင် စခန်းများတွင် ရေကျောက် ကူးစက်မှု ဆိုးရွား၊ သန့်ရှင်းရေး ပစ္စည်းများ အရေးပေါ်လိုအပ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၆ ရက်။ ကရင်နီပြည် အတွင်းရှိ စစ်ဘေးရှောင်စခန်းများတွင် ရေကျောက်ရောဂါ အစုလိုက်အပြုံလိုက် ကူးစက် ပြန့်ပွား နေပြီး ကာကွယ်ဆေးပါ ပြတ်လပ်နေသောကြောင့် အခက်အခဲဖြစ်နေကြသည်။ ကရင်နီ စစ်ဘေးရှောင်စခန်းများတွင် ရေကျောက်ရောဂါ (Chickenpox) အစုလိုက်အပြုံလိုက် ကူးစက် ပြန့်ပွားလျက်ရှိရာ ရောဂါထိန်းချုပ်ရန်အတွက် ကာကွယ်ဆေးနှင့် သန့်ရှင်းရေးသုံးပစ္စည်းများ အရေးပေါ်လို အပ်နေကြောင်း ဒေသတွင်း ကျန်းမာရေးတာဝန်ရှိသူများက ပြောသည်။ လက်ရှိတွင် ဖရူဆိုမြို့နယ် အနောက်ဘက်ခြမ်းနှင့် ရှားတောမြို့နယ်ရှိ စစ်ဘေးရှောင်စခန်းများ၌ ရောဂါကူးစက်မှု အရှိန်အဟုန် မြင့်မားနေခြင်းဖြစ်သည်။ ဖရူဆိုအနောက်ခြမ်းတစ်ခုတည်းတွင်ပင် အတည်ပြုလူနာ ၅၀ ကျော်ရှိလာပြီး ကူးစက်မှုနှုန်း မြန်ဆန်လွန်းသဖြင့် ရောဂါပြန့်ပွားမှုကို တားဆီးရန် စာသင်ကျောင်းအချို့ကိုပင် ယာယီပိတ်ထားရသည့် အခြေအနေသို့ ရောက်ရှိနေ သည်။ ဖွံဘော်ခွတ်မြို့နယ် ကျန်းမာရေးဦးစီးမှူး ဂျူးလစ်ငဲငယ်က “အဖြစ်များတာက အခု ကျောင်းနေအရွယ်ပေါ့။ ၅ နှစ်ကနေ ၁၈ နှစ် ဆိုပေမယ့် ၁၈ နှစ်ကျော်တွေ ဖြစ်တာလည်း ရှိတယ်၊ ၅ နှစ်အောက် ၁ နှစ်အောက်တောင်မှ ဖြစ်တယ် ပေါ့နော်။ အခုက အသက်အရွယ်မရွေး ဖြစ်နေတာ။ လူကြီးပိုင်းလည်း ဖြစ်တယ်၊ အသက်ကြီးတဲ့ လူလည်း ဖြစ်တယ်ပေါ့။ အခုက တော်တော်လေး ကူးမြန်နေခါကျတော့လေ တော်တော်ဆိုးတယ်လို့ ပြောရမှာ ပေါ့” ဟု ပြောသည်။ ကရင်နီပြည် ကြားကာလအုပ်ချုပ်ရေးကောင်စီ (IEC) ကျန်းမာရေးဌာန၏ အဆိုအရ အဓိက အခက်အခဲမှာ ဒေသတွင်း၌ ရေကျောက်ကာကွယ်ဆေး လုံးဝပြတ်လပ်နေခြင်း ဖြစ်သည်။ IEC ကျန်းမာရေးဌာန ဌာနမှူးကြီး ခွန်းဖိလစ်က “ကာကွယ်ဆေးက လုံးဝမရှိဘူးလေ။ ကျနော်တို့ လက်ထဲမှာ မရှိဘူး အဲ့လို။ မြန်မာပြည်ထဲမှာလည်း ရေကျောက်တွေက အမြစ်ပြတ် ပျောက်သွားပြီ ဖြစ်တဲ့အတွက် သူတို့ မထိုးတာ ကြာပြီလေ။ ပြီးခဲ့တဲ့ နှစ် ၂၀ လောက်ကတည်းကဆို ကြာလှပြီပေါ့။ အဲ့ဒါကြောင့် အခု ရောဂါ အခုမှ ပြန်ဖြစ်လာတာကိုး” ဟု ပြောသည်။ ဗိုင်းရပ်စ်ကြောင့် ဖြစ်ပွားသော ရောဂါဖြစ်သဖြင့် သီးသန့်ကုသဆေး မရှိဘဲ တစ်ကိုယ်ရေသန့်ရှင်းမှု အားနည်း ပါက နောက်ဆက်တွဲ ပြည်တည်နာများ ဖြစ်ပွားလာမည်ကိုလည်း ကျန်းမာရေးဝန်ထမ်းများက စိုးရိမ်နေကြ သည်။ “ဒီဟာက virus ဖြစ်တဲ့အတွက် သူ့ဆေးမရှိဘူး။ ဒါပေမဲ့ သူ့ရဲ့ နောက်ဆက်တွဲ ဆိုးကျိုး ပေါ့နော်၊ အဲ့ဒီဟာတွေ ဥပမာ ဒီ အရေပြားယားတဲ့ဟာတွေ၊ ဒီ ရေကျောက်ပေါက်လို့ အဖုပေါက်တဲ့ဟာတွေ ကုတ်မိတာတို့၊ မသန့်ရှင်း ဘဲနဲ့ လက်တွေနဲ့ ကုတ်မိတယ် ဆိုလို့ရှိရင် ပြည်တည်နာတွေ ဖြစ်နိုင်တယ်၊ အဲ့ဒါတွေကိုပဲ စိုးရိမ်ရတာ” ဟု ဂျူးလစ်ငဲငယ် က ဆက်ပြောသည်။ လက်ရှိတွင် ကရင်နီဒေသ၌ ရေရှားပါးမှုပြဿနာနှင့် ရင်ဆိုင်နေရခြင်းကြောင့် စစ်ဘေးရှောင်များအကြား တစ်ကိုယ်ရေသန့်ရှင်းမှု အားနည်းနေခြင်းက ရောဂါပြန့်ပွားမှုကို ပိုမိုတွန်းအားပေးသကဲ့သို့ ဖြစ်နေသည်။ ကျန်းမာရေးဌာနများမှ ကိုယ်ပူကျဆေးနှင့် လိမ်းဆေးအချို့ ဝေငှပေးနေသော်လည်း စစ်ဘေးရှောင်စခန်းများ အတွက် ဆပ်ပြာ၊ လက်သန့်ဆေးရည်နှင့် သန့်ရှင်းရေးသုံးပစ္စည်းများ အရေးပေါ် လိုအပ်လျက်ရှိသည်။ ထို့ကြောင့် ပြည်သူများအနေဖြင့် ရောဂါလက္ခဏာတွေ့ရှိပါက နီးစပ်ရာကျန်းမာရေးဝန်ထမ်းများထံ အမြန်ဆုံး ပြသကြရန် ကရင်နီပြည် ကြားကာလအုပ်ချုပ်ရေးကောင်စီ (IEC) နှင့် ကရင်နီနယ်လှည့်ကျန်းမာရေးကော်မတီ (KnMHC) တို့က တိုက်တွန်းနှိုးဆော်ထားသည်။ #ရေကျောက် #Chickenpox #IEC #KnMHC #ကရင်နီနယ်လှည့်ကျန်းမာရေးကော်မတီ #ကရင်နီပြည် ကြားကာလအုပ်ချုပ်ရေးကောင်စီ #ဖရူဆိုမြို့နယ်အနောက်ဘက်ခြမ်း #ရှားတောမြို့နယ်

ကရင်နီ စစ်ရှောင် စခန်းများတွင် ရေကျောက် ကူးစက်မှု ဆိုးရွား၊ သန့်ရှင်းရေး ပစ္စည်းများ အရေးပေါ်လိုအပ်

Feb 16

တောင်ကြီး မောက်မယ်တွင် အရပ်ဘက် ရွာများကို အသေခံ ဒရုန်းများ ဖြင့် ပစ်ခတ်

တောင်ကြီး မောက်မယ်တွင် အရပ်ဘက် ရွာများကို အသေခံ ဒရုန်းများ ဖြင့် ပစ်ခတ်

Feb 13

ရုရှားနိုင်ငံက အင်တာနက် သုံးစွဲမှုကို တိုးမြှင့် ထိန်းချုပ်၊ Whatsapp ကို ရုရှားတွင် ပိတ်ပင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ ရုရှားအစိုးရ (ကရင်မလင်) သည် နိုင်ငံအတွင်း သတင်းအချက်အလက် စီးဆင်းမှုနှင့် ဆက်သွယ်ရေးကဏ္ဍကို အလုံးစုံ ထိန်းချုပ်နိုင်ရန်အတွက် အမေရိကန်နိုင်ငံသားပိုင် ဆက်သွယ်ရေး အက်ပလီကေးရှင်းတစ်ခုဖြစ်သည့် WhatsApp ကို ပိတ်ပင်ရန် အမိန့်ထုတ်ပြန်လိုက်သည်။ ယင်းလုပ်ရပ်သည် ရုရှားအသုံးပြုသူ သန်း ၁၀၀ ကျော်ကို အစိုးရမှ တိုက်ရိုက်စောင့်ကြည့်နိုင်သော "Max" အက်ပ်ဆီသို့ အတင်းအကျပ် ရွှေ့ပြောင်းစေရန် ရည်ရွယ်ခြင်းဖြစ်ကြောင်း Whatsapp ပိုင်ရှင်ဖြစ်သည့် Meta က ဝေဖန်လိုက်သည်။ ကရင်မလင် ပြောရေးဆိုခွင့်ရှိသူ ဒီမစ်ထရီ ပက်စကော့ဗ်က WhatsApp အနေဖြင့် ရုရှားနိုင်ငံ၏ တည်ဆဲဥပဒေများကို လိုက်နာရန် ငြင်းဆန်ခြင်းကြောင့် ယခုကဲ့သို့ ပိတ်ပင်ရခြင်းဖြစ်ကြောင်း BBC သတင်းဌာနသို့ ပြောကြားခဲ့သည်။ ရုရှားအစိုးရ၏ စွပ်စွဲချက်အရ WhatsApp နှင့် Telegram တို့သည် အသုံးပြုသူများ၏ အချက်အလက် (Data) များကို ရုရှားနိုင်ငံအတွင်းရှိ ဆာဗာများ၌ သိမ်းဆည်းရန် ငြင်းဆန်နေကြခြင်းသည် နိုင်ငံတော်လုံခြုံရေးကို ထိခိုက်စေသည်ဟု ဆိုသည်။ ရုရှားအစိုးရသည် ၎င်းတို့ကိုယ်တိုင် ထုတ်လုပ်ထားသည့် "Max" အက်ပ်ကို လူထုအတွင်း ကျယ်ကျယ်ပြန့်ပြန့် သုံးစွဲလာစေရန် အသည်းအသန် တိုက်တွန်းလျက်ရှိသည်။ သို့သော် နည်းပညာကျွမ်းကျင်သူများနှင့် ဝေဖန်သူများကမူ "Max" အက်ပ်တွင် အစိုးရမှ ဖောက်ထွင်းကြည့်ရှုနိုင်သည့် အားနည်းချက်များ ရှိနေကြောင်း ထောက်ပြကြသည်။ ယင်းအက်ပ်သည် တရုတ်နိုင်ငံ၏ WeChat ကဲ့သို့ပင် လူထု၏ နေ့စဉ်ဘဝနှင့် ပြောဆိုဆက်သွယ်မှုများကို စောင့်ကြည့်စစ်ဆေးသည့် ကိရိယာတစ်ခု ဖြစ်လာမည်ကို စိုးရိမ်နေကြသည်။ အစိုးရ၏ အမိန့်အရ ၂၀၂၅ ခုနှစ်မှစတင်ကာ ရုရှားနိုင်ငံအတွင်း ရောင်းချသည့် မိုဘိုင်းလ်ဖုန်းအသစ်တိုင်းတွင် "Max" အက်ပ်ကို ကြိုတင်ထည့်သွင်းထားရမည် ဖြစ်သည်။ ထို့ပြင် အစိုးရဝန်ထမ်းများ၊ ဆရာများနှင့် ကျောင်းသားများကိုလည်း ယင်းအက်ပ်ကိုသာ အဓိကထား သုံးစွဲရန် ဖိအားပေးမှုများ ရှိနေသည်။ တစ်ဖက်တွင်လည်း ရုရှားစစ်တပ်နှင့် စစ်လိုလားသည့် ဘလော့ဂါများအကြား ရေပန်းစားသော Telegram ကိုလည်း လုံခြုံရေးအကြောင်းပြချက်ဖြင့် ကန့်သတ်မှုများ စတင်ပြုလုပ်လာသည်။ ယင်းအပေါ် Telegram အကြီးအကဲ Pavel Durov က လူထုကို နိုင်ငံရေးအရ ဆင်ဆာဖြတ်ရန် ကြိုးပမ်းမှုဖြစ်ကြောင်း တုံ့ပြန်ခဲ့သည်။ ရုရှားအင်တာနက် ထိန်းချုပ်ရေးအဖွဲ့ (Roskomnadzor) သည် YouTube၊ Facebook၊ Instagram တို့အပြင် နိုင်ငံတကာ သတင်းဌာနများဖြစ်သည့် BBC နှင့် Deutsche Welle (DW) စသည့် ဝက်ဘ်ဆိုက်များကိုလည်း နိုင်ငံတော် အင်တာနက် လိပ်စာစာရင်းမှ ဖယ်ရှားလိုက်ပြီ ဖြစ်သည်။ ထိုသို့ လုပ်ဆောင်လိုက်ခြင်းကြောင့် ရုရှားပြည်သူများသည် ကျော်ခွရသည့် နည်းပညာ (VPN) များ မပါရှိဘဲ အဆိုပါ ဝက်ဘ်ဆိုက်များကို ဝင်ရောက်ကြည့်ရှုနိုင်ခြင်း မရှိတော့ဘဲ သတင်းအချက်အလက် ဖြတ်တောက်ခံရသည့် အခြေအနေသို့ ဆိုက်ရောက်သွားခဲ့သည်။ #Whatsapp

ရုရှားနိုင်ငံက အင်တာနက် သုံးစွဲမှုကို တိုးမြှင့် ထိန်းချုပ်၊ Whatsapp ကို ရုရှားတွင် ပိတ်ပင်

Feb 13

မြောက်ကိုရီးယား ခေါင်းဆောင်က သမီးဖြစ်သူကို ဆက်ခံသူ အဖြစ် သတ်မှတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ ကွန်မြူနစ်ဝါဒကို ကျင့်သုံးသည်ဆိုသော်လည်း မြောက်ကိုရီးယားနိုင်ငံတွင် သားစဉ်မြေးဆက် အာဏာဆက်ခံသည့် ပဒေသရာဇ်ဆန်သော စနစ်ကို ဆက်လက်ကျင့်သုံးလျက်ရှိသည်။ လက်ရှိခေါင်းဆောင် ကင်ဂျုံအန်၏ အသက် ၁၃ နှစ်အရွယ် သမီးဖြစ်သူ ကင်ဂျူအေး (Kim Ju Ae) ကို အရိုက်အရာ ဆက်ခံမည့်သူအဖြစ် အတည်ပြု သတ်မှတ်လိုက်ပြီဖြစ်ကြောင်း တောင်ကိုရီးယား ထောက်လှမ်းရေးအေဂျင်စီ (NIS) က ထုတ်ဖော်ပြောကြားခဲ့သည်။ ကင်ဂျူအေးသည် ၂၀၂၅ ခုနှစ်တွင် ဖခင်နှင့်အတူ ပေကျင်းမြို့သို့ ပထမဆုံး ပြည်ပခရီးစဉ် သွားရောက်ခဲ့သလို၊ နိုင်ငံတော် မူဝါဒအချို့တွင်လည်း သူမ၏ ထင်မြင်ချက်များကို ထည့်သွင်းပြောဆိုလာသည့် လက္ခဏာများ တွေ့ရှိရသည်။ ဤဖြစ်ရပ်သည် မြောက်ကိုရီးယား သမိုင်းတစ်လျှောက် ပထမဆုံးသော အမျိုးသမီးခေါင်းဆောင် ပေါ်ထွက်လာစေရန် လမ်းခင်းပေးခြင်းလည်း ဖြစ်သည်။ ကမ္ဘောဒီးယားတွင်လည်း ဟွန်ဆန်ထံမှ သားဖြစ်သူ ဟွန်မာနက်သို့ အာဏာလွှဲပြောင်းခဲ့သည့် ဖြစ်စဉ် ရှိခဲ့သည်။ #မြောက်ကိုရီးယား #ကင်ဂျုံအန်း #ကင်ဂျူအေး #KimJuAe

မြောက်ကိုရီးယား ခေါင်းဆောင်က သမီးဖြစ်သူကို ဆက်ခံသူ အဖြစ် သတ်မှတ်

Feb 13

CIA က YouTube ဗီဒီယိုဖြင့် တရုတ်စစ်တပ်အတွင်း သတင်းပေးရှာဖွေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ အမေရိကန် ထောက်လှမ်းရေးအေဂျင်စီ (CIA) သည် တရုတ်စစ်ဘက်အရာရှိများကို သတင်းပေး (Informants) အဖြစ် စည်းရုံးရန် YouTube မှတစ်ဆင့် ဗီဒီယိုတစ်ခုကို လူသိရှင်ကြား ထုတ်လွှင့်လာခဲ့သည်။ ယင်းဗီဒီယိုတွင် တရုတ်စစ်တပ်အတွင်း ခေါင်းဆောင်မှုအရည်အချင်းရှိသူများ သံသယဝင် ဖယ်ရှားခံနေရပုံနှင့် အာဏာပိုင်များ၏ မုသာဝါဒများကို တရုတ်ဘာသာ (Mandarin) ဖြင့် သရုပ်ဖော်ထားသည်။ ရိုက်တာသတင်းဌာန၏ သုံးသပ်ချက်အရ CIA သည် မကြာသေးမီက တရုတ်ဗဟိုစစ်ကော်မရှင် ဒုတိယဥက္ကဋ္ဌ ကျန်းယိုရှား (Zhang Youxia) အပါအဝင် ထိပ်တန်းစစ်ဗိုလ်ချုပ်များ ရာထူးမှ ဖယ်ရှားခံရမှုကြောင့် ဖြစ်ပေါ်လာသည့် စစ်တပ်တွင်း မကျေနပ်မှုများကို အခွင့်ကောင်းယူရန် ကြိုးပမ်းခြင်းဖြစ်သည်။ ၂၀၁၀-၂၀၁၂ ခုနှစ်များအတွင်း တရုတ်နိုင်ငံ၌ အမေရိကန်၏ သူလျှိုကွန်ရက် ပြိုကွဲခဲ့ဖူးသော်လည်း ယခုအခါ CIA သည် တရုတ်နိုင်ငံအတွင်း သူလျှိုကွန်ရက်ကို အင်တိုက်အားတိုက် ပြန်လည်တည်ဆောက်ရန် ကြိုးပမ်းနေခြင်းလည်း ဖြစ်သည်။

CIA က YouTube ဗီဒီယိုဖြင့် တရုတ်စစ်တပ်အတွင်း သတင်းပေးရှာဖွေ

Feb 13

တရုတ်က အီရန်ကို ဖျက်သင်္ဘောတွေနဲ့ ထောက်ကူထားပေးပြီ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ အမေရိကန်နှင့် အနောက်အုပ်စုနိုင်ငံများက အီရန်နိုင်ငံအပေါ် စစ်ရေးအရ တိုက်ခိုက်ရန် ပြင်ဆင်နေချိန်တွင် တရုတ်ပြည်သူ့လွတ်မြောက်ရေးတပ်မတော် ရေတပ် (PLAN) သည် ကမ္ဘာ့အစွမ်းထက်ဆုံးဟု သတ်မှတ်ထားသော 'Type 055' အဆင့်မြင့်ဖျက်သင်္ဘောကြီးကို အိုမန်ပင်လယ်ကွေ့နှင့် အိန္ဒိယသမုဒ္ဒရာ မြောက်ပိုင်းသို့ စေလွှတ်၍ တပ်ဖြန့်လိုက်ကြောင်း စစ်ရေးစောင့်ကြည့်ရေးမဂ္ဂဇင်း (Military Watch Magazine) က ဖေဖော်ဝါရီလ ၁၀ ရက်နေ့တွင် ဖော်ပြခဲ့သည်။ ယင်းစစ်သင်္ဘောအုပ်စုတွင် 'Type 052D' ဖျက်သင်္ဘောနှင့် 'Liaowang-1' အာကာသခြေရာခံ ထောက်လှမ်းရေးသင်္ဘောကြီးတို့လည်း ပါဝင်သည်။ တရုတ်နိုင်ငံ၏ ဤခြေလှမ်းသည် အနောက်အုပ်စု ရေတပ်၏ လှုပ်ရှားမှုများကို စောင့်ကြည့်ရန်နှင့် ရရှိလာသော ထောက်လှမ်းရေးသတင်းများကို အီရန်ဘက်သို့ လက်ဆင့်ကမ်းပေးရန် ဖြစ်နိုင်ကြောင်း သုံးသပ်ကြသည်။ အကယ်၍ ထိုသို့ သတင်းပေးပို့မှုများ အတည်ဖြစ်ခဲ့ပါက အနောက်အုပ်စု၏ "အငိုက်ဖမ်းတိုက်ခိုက်မှု" ဗျူဟာကို ပျက်ပြားစေမည့်အပြင် အီရန်၏ ဒုံးကျည်နှင့် ဒရုန်းစနစ်များအတွက် အလွန်အရေးပါသော ပစ်မှတ်ခြေရာခံ အချက်အလက်များကို ရရှိသွားစေမည် ဖြစ်သည်။

တရုတ်က အီရန်ကို ဖျက်သင်္ဘောတွေနဲ့ ထောက်ကူထားပေးပြီ

Feb 13

ထိုင်းနိုင်ငံ Rayong တွင် မြန်မာနိုင်ငံသားတစ်ဦး ခွေးရူးရောဂါဖြင့်သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ ထိုင်းနိုင်ငံ လယောင်း Rayong မြို့တွင် ၂၀၂၆ ခုနှစ်အတွင်း ထိုင်းနိုင်ငံ၏ ပထမဆုံး ခွေးရူးရောဂါဖြင့် သေဆုံးမှု ဖြစ်ခဲ့ပြီး သေဆုံးသူများ အသက် ၃၆ နှစ်အရွယ် မြန်မာနိုင်ငံသား ဖြစ်သည်ဟု နေရှင်း သတင်းစာက ဖော်ပြသည်။ သေဆုံးသူသည် ၂၀၂၅ ခုနှစ်၊ ဒီဇင်ဘာလအတွင်းက ပိုင်ရှင်မဲ့ ခွေးပေါက်စတစ်ကောင်က ညာဘက်လက်ဖဝါးတွင် ကိုက်ခြင်းကို ခံခဲ့ရသည်။ အကိုက်ခံရပြီးနောက် ဒဏ်ရာကို ဆေးကြောခြင်း မပြုလုပ်ခဲ့သလို၊ ခွေးရူးပြန်ရောဂါ ကာကွယ်ဆေး ထိုးနှံရန်အတွက်လည်း ဆရာဝန်ထံ သွားရောက်ပြသခြင်း မရှိခဲ့ပေ။ ၂၀၂၆ ခုနှစ်၊ ဇန်နဝါရီလ ၂၃ ရက်နေ့တွင် စတင်၍ ရေသောက်ပြီးနောက် ရင်ဘတ်အောင့်ခြင်း၊ အသက်ရှူရခက်ခဲခြင်းနှင့် ခေါင်းမူးခြင်း ဝေဒနာများ ခံစားခဲ့ရသည်။ ရောဂါလက္ခဏာများ ပြင်းထန်လာပြီးနောက် ဇန်နဝါရီလ ၂၅ ရက်နေ့တွင် ကွယ်လွန်သွားခဲ့ခြင်း ဖြစ်သည်ဟု ဆိုသည်။ ထိုင်းနိုင်ငံ ရောဂါထိန်းချုပ်ရေးဦးစီးဌာန (DDC) ညွှန်ကြားရေးမှူးချုပ် Dr. Montien Kanasawat က ခွေးရူးပြန်ရောဂါသည် တိရစ္ဆာန်မှတစ်ဆင့် လူသို့ ကူးစက်တတ်ပြီး ဖြစ်ပွားပါက သေဆုံးနိုင်ခြေ အလွန်မြင့်မားကြောင်း သတိပေးခဲ့သည်။ ၂၀၂၅ ခုနှစ်အတွင်းကလည်း ထိုင်းနိုင်ငံ၌ ခွေးရူးပြန်ရောဂါဖြင့် သေဆုံးသူ ၇ ဦး ရှိခဲ့ပြီး၊ ချွန်ဘူရီ၊ တာ့ခ်၊ စီစကက်၊ နခွန်ရပ်ချာစီမာ၊ ချာချိုအန်ဆောင်နှင့် လယောင်း ခရိုင်တို့တွင် ဖြစ်ပွားခဲ့ခြင်း ဖြစ်သည်။ သေဆုံးသူအားလုံးမှာ တိရစ္ဆာန် အကိုက်ခံရပြီးနောက် ကာကွယ်ဆေး သွားရောက်မထိုးနှံခြင်းကြောင့် ဖြစ်သည်။ ၎င်းတို့အနက် ထက်ဝက်ကျော်မှာ ပိုင်ရှင်ရှိသော ခွေးများထံမှ ရောဂါကူးစက်ခံရခြင်း ဖြစ်သည်။ နို့တိုက်သတ္တဝါအားလုံးသည် ခွေးရူးပြန်ဗိုင်းရပ်စ်ကို သွားရည်မှတစ်ဆင့် သယ်ဆောင်နိုင်ပြီး အကိုက်ခံရခြင်း၊ ကုတ်ခံရခြင်း သို့မဟုတ် ဒဏ်ရာကို လျက်ခံရခြင်းတို့မှတစ်ဆင့် လူသို့ ကူးစက်နိုင်သည်။ ထို့ကြောင့် တိရစ္ဆာန် အကိုက်ခံရပါက ဒဏ်ရာကို ဆပ်ပြာနှင့် ရေဖြင့် စင်ကြယ်အောင် အမြန်ဆုံး ဆေးကြောရန်နှင့် နီးစပ်ရာ ဆေးရုံ၊ ဆေးခန်းသို့ သွားရောက်၍ ကာကွယ်ဆေး အမြန်ဆုံး ထိုးနှံရန် တိုက်တွန်းထားသည်။ #Dog #ခွေးရှူးရောဂါ #ထိုင်းနိုင်ငံ #မြန်မာနိုင်ငံသားသေဆုံး #ရွေ့ပြောင်းအလုပ်သမား

ထိုင်းနိုင်ငံ Rayong တွင် မြန်မာနိုင်ငံသားတစ်ဦး ခွေးရူးရောဂါဖြင့်သေဆုံး

Feb 13

ဘင်္ဂလားဒေ့ရှ် ရွေးကောက်ပွဲ BNP ပါတီ အနိုင်ရနေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၃ ရက်။ မြန်မာ့အိမ်နီးချင်း ဘင်္ဂလားဒေ့ရှ်နိုင်ငံ ရွေးကောက်ပွဲတွင် ဘင်္ဂလားဒေ့ရှ် အမျိုးသားပါတီ (BNP) က အပြတ်အသတ် အနိုင်ရရှိရန် သေချာသွားပြီ ဖြစ်သည်။ ပြည်ပတွင် ၁၇ နှစ်ကြာ တိမ်းရှောင်ခဲ့ရသော BNP ခေါင်းဆောင် တာရစ်ခ် ရာမန် (Tarique Rahman) သည် ဖေဖော်ဝါရီလ ၁၄ ရက်မှ ၁၆ ရက်အတွင်း ဝန်ကြီးချုပ်အဖြစ် ကျမ်းသစ္စာကျိန်ဆို၍ အစိုးရသစ် ဖွဲ့စည်းတော့မည်ဖြစ်သည်။ အိန္ဒိယ၊ ပါကစ္စတန်နှင့် အမေရိကန်နိုင်ငံတို့က BNP ၏ အောင်ပွဲကို ဂုဏ်ပြုခဲ့ကြပြီး တရုတ်နိုင်ငံကလည်း မဟာဗျူဟာမြောက် မိတ်ဖက်ဆက်ဆံရေးကို ဆက်လက်ခိုင်မာအောင် လုပ်ဆောင်မည်ဟု ဆိုသည်။ BNP အစိုးရသည် ရိုဟင်ဂျာပြဿနာကို နိုင်ငံတော်လုံခြုံရေးအတွက် ခြိမ်းခြောက်မှုအဖြစ် ရှုမြင်ပြီး ၎င်းတို့ကို မြန်မာနိုင်ငံသို့ အမြန်ဆုံးပြန်ပို့နိုင်ရန် မြန်မာစစ်ကောင်စီနှင့် နိုင်ငံတကာကို ဖိအားပေးလာဖွယ်ရှိသည့်အပြင် နယ်စပ်လုံခြုံရေးကိုလည်း အရင်ကထက် ပိုမိုတင်းကျပ်လာဖွယ် ရှိနေသည်။

ဘင်္ဂလားဒေ့ရှ် ရွေးကောက်ပွဲ BNP ပါတီ အနိုင်ရနေ

« Prev 1 … 7 8 9 10 11 … 19 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

ဒီးမော့ဆိုမြို့နယ်အတွင်း ကျေးရွာတစ်ရွာကို စစ်တပ် ဒရုန်းဖြင့်ဗုံးကြဲ၍ ကလေးငယ်နှစ်ဦး သေဆုံး
ဧရာဝတီ ရှေ့တန်းတွင် တပ်ပြေး များပြားလာသဖြင့် လိုက်ဖမ်းနေရ
ဗင်နီဇွဲလားတွင် နှစ်ထပ်ဆင့် အားပြင်းငလျင် လှုပ်
အာဖရိကတွင် ရှားပါး သတ္တုတူးဖော်ရေး အမေရိကန် ကုမ္ပဏီ လုပ်ပိုင်ခွင့်ရ
တရုတ်နှင့် ဆက်ဆံရေး ကောင်းလာပြီဟု အိန္ဒိယ ပြော

Archives

Archives

×Close