ရွှေ့ပြောင်းအခြေချသူ အစုအပြုံလိုက်ဝင်ရောက်မှုကြောင့် စပိန် တပ်ဖွဲ့များ စေလွှတ်
သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇူလိုင်လ ၃၁ ရက်။
မော်ရိုကိုနိုင်ငံနှင့် နယ်နိမိတ်ချင်း ထိစပ်နေသည့် စပိန်ပိုင် မြောက်အာဖရိက နယ်မြေတစ်ခုဖြစ်သော စီယူတာ (Ceuta) သို့ ဇူလိုင်လ ၃၀ ရက် ကြာသပတေးနေ့က ရာနှင့်ချီသည့် ရွှေ့ပြောင်းအခြေချသူများသည် ပင်လယ်ကို ဖြတ်ကူး၍ အစုလိုက်အပြုံလိုက် ဝင်ရောက်ခဲ့ကြသဖြင့် ကာကွယ်တားဆီးရန် စပိန်နိုင်ငံက စစ်တပ်များ စေလွှတ်ခဲ့ပါသည်။
စီယူတာသည် ဥရောပတိုက်နှင့် ဂျီဘရော်လ်တာ ရေလက်ကြား ခြားထားသော်လည်း စပိန်နိုင်ငံ၏ အချုပ်အခြာအာဏာပိုင် ပိုင်နက်နယ်မြေ ဖြစ်ပါသည်။
ပင်လယ်ကူး၍ ဝင်ရောက်ရန် ကြိုးပမ်းစဉ် အနည်းဆုံး လူ ၁၅ ဦး ရေနစ်သေဆုံးခဲ့ပြီး စပိန်မီဒီယာများ၏ ခန့်မှန်းချက်အရ လူပေါင်း ၂,၀၀၀ မှ ၃,၀၀၀ ကြား မြို့အတွင်းသို့ ဝင်ရောက်နိုင်ခဲ့ပါသည်။
စပိန်တရားရုံးချုပ်က ပင်လယ်ပြင်တွင် ဖမ်းဆီးရမိသည့် ရွှေ့ပြောင်းအခြေချသူများကို မော်ရိုကိုဘက်သို့ ချက်ချင်း ပြန်မပို့ရဟု ဆုံးဖြတ်ခဲ့ပြီးနောက် ယခုကဲ့သို့ အကဲစမ်း ဖြတ်ကျော်မှုများ အစုအပြုံလိုက် ပေါ်ပေါက်လာခဲ့ခြင်း ဖြစ်ပါသည်။
အဆိုပါ ဖြစ်စဉ်ကြောင့် ဒုက္ခသည် လက်ခံရေးစခန်းများ မနိုင်မနင်း ဖြစ်နေသည့်အပြင်၊ အီတလီဝန်ကြီးချုပ်က စပိန်နှင့် နယ်စပ် ပိတ်ပင်ရေးအထိ စဉ်းစားနေကြောင်း ပြောဆိုခဲ့သဖြင့် အီတလီနှင့် စပိန်နိုင်ငံတို့အကြား တင်းမာမှုများပါ ပေါ်ပေါက်လျက် ရှိပါသည်။
Photo:AP
