ထိုင်းတစ်နိုင်ငံလုံး၌ မိုးကြီးနိုင်ခြေရှိပြီး တောင်ကျရေနှင့် ရေကြီးရေလျှံမှုများ သတိပေး
သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇူလိုင်လ ၃၁ ရက်။
အနောက်တောင်မုတ်သုံလေ အားလျော့သွားသော်လည်း ထိုင်းနိုင်ငံ မြောက်ပိုင်းနှင့် အရှေ့မြောက်ပိုင်းပေါ် ဖြတ်သန်းနေသော မုတ်သုံလေဖိအားနည်းရပ်ဝန်းကြောင့် လာမည့် ၂၄ နာရီအတွင်း ထိုင်းတစ်နိုင်ငံလုံး၌ မိုးသည်းထန်စွာ ဆက်လက်ရွာသွန်းနိုင်ကြောင်း ထိုင်းမိုးလေဝသဌာနက ဇူလိုင်လ ၃၁ ရက်တွင် သတိပေးလိုက်ပါသည်။
မြောက်ပိုင်းဒေသများဖြစ်သည့် ချင်းမိုင်၊ မယ်ဟောင်ဆောင်၊ နန် စသည့် မြို့နယ်များတွင် မိုးကြီးနိုင်ပြီး ချင်းရိုင် (Chiang Rai) နှင့် ဖက်ချဘွန် (Phetchabun) တို့တွင် မိုးအလွန်သည်းထန်စွာ ရွာသွန်းနိုင်သည်ဟု ဆိုသည်။
ထို့အပြင် ဘန်ကောက်မြို့အပါအဝင် ကမ်ဖဲင်ဖက်၊ အယုဒ္ဓယ စသည့် အလယ်ပိုင်းဒေသများနှင့် အရှေ့ပိုင်း၊ တောင်ပိုင်း ဒေသများတွင်လည်း မိုးရွာသွန်းနိုင်သည်ဟု ခန့်မှန်းထားသည်။
တောင်ခြေနှင့် ရေလမ်းကြောင်းအနီး တည်ရှိသည့် ဒေသများတွင် ရုတ်တရက် တောင်ကျရေဆင်းခြင်းနှင့် ရေကြီးရေလျှံမှုများ ဖြစ်ပွားနိုင်သဖြင့် ပြည်သူများ သတိပြုကြရန် အသိပေးထားသည်။
Photo: Madaree TOHLALA/AFP
