မဲနိုင်လျှင် လူတစ်ဦးကို ဒေါ်လာ ၅၀၀၀ ပေးမည်ဟု ထရန့်ကြေညာ
သတင်းနှင့် မီဒီယာ ကွန်ရက်။
၂၀၂၆ ခုနှစ်၊ စက်တင်ဘာလ ၁၁ ရက်။
လာမည့် နိုဝင်ဘာ ကြားဖြတ်ရွေးကောက်ပွဲတွင် ရီပတ်ဘလစ်ကန်ပါတီ အနိုင်ရပါက အရွယ်ရောက်ပြီး အမေရိကန်နိုင်ငံသားတစ်ဦးလျှင် ဒေါ်လာ ၅,၀၀၀ စီ ပေးမည်ဟု သမ္မတ ဒေါ်နယ်ထရမ့်က ကတိပြုပြောကြားခဲ့သည်။
ယင်းအစီအစဉ်အတွက် စုစုပေါင်း ဒေါ်လာ ၁.၃ ထရီလီယံခန့် ကုန်ကျမည်ဖြစ်ပြီး ရရှိလာသည့် ငွေကြေးကို ပြည်တွင်း၌ပင် သုံးစွဲရမည်ဟု သတ်မှတ်ထားသည်။
ဒီမိုကရက်များကမူ ယင်းကို မဲဝယ်သည့် ကတိတစ်ခုအဖြစ် ဝေဖန်ကြပြီး ဥပဒေပညာရှင်အချို့ကမူ အခွန်လျှော့ပေးသည့် ကတိအဖြစ် ရှုမြင်၍ တရားဝင်နိုင်သည်ဟု သုံးသပ်ကြသည်။
ထို့ပြင် အရှေ့အလယ်ပိုင်း ပဋိပက္ခကြောင့် ကုန်ဈေးနှုန်း မြင့်တက်နေချိန်တွင် ယခုကဲ့သို့ ဒေါ်လာ ထရီလီယံချီ ထုတ်ပေးမည့် အစီအစဉ်သည် ငွေကြေးဖောင်းပွမှုကို ပိုမိုဆိုးရွားစေနိုင်ကြောင်း စီးပွားရေးပညာရှင်များက ထောက်ပြထားကြသည်။
