UNFC နှင့် အခြား တိုင်းရင်းသား မဟာမိတ်အဖွဲ့များ အစည်းအဝေး ကျင်းပ (ဓါတ်ပုံ)

June 27, 2017

UNFC နှင့် အခြား တိုင်းရင်းသား မဟာမိတ်အဖွဲ့များ အစည်းအဝေး ကျင်းပ (ဓါတ်ပုံ)

ဗုဒ္ဓဟူးနေ့ညပိုင်း ရုပ်သံသတင်း(၇-၁၀-၂၆)

ဒီကနေ့ အစီအစဉ်ထဲမှာတော့-

– ကျိုက်ထိုမြို့နယ်မှာ တိုက်ပွဲမဖြစ်ပဲ စစ်အုပ်စုက အရပ်သားရွာတွေကို ဗုံးကြဲလို့ ထောင်နဲ့ချီထွက်ပြေးနေရ

– ရခိုင်-ဧရာဝတီ အစပ်မှာ တိုက်ပွဲ ပြင်းထန်ပြီး စစ်အုပ်စုက အစုအပြုံလိုက် ကျဆုံးနေ

– ကချင်ပြည်က ရွှေကူ-ငအိုး လမ်းပိုင်း သုံးသူတွေကို အရေးယူသွားမယ်လို့ KIAသတိပေး

– အလုပ်သမားတွေ ဆီက အခွန်နဲ့ လွှဲငွေ ရရှိဖို့ ပိုမို တင်းကြပ်သွားမယ်လို့ စစ်အုပ်စုပြော

– စစ်အုပ်စု ခေါင်းဆောင် ၇-၈ ရက်နေ့တွေမှာ မလေးရှားကို သွားမည်

– လာအို ဒုတိယမြို့တော်လေဆိပ် ကိုယ်ပိုင်လေယာဉ်ပေါ်တင်တဲ့ မူးယစ်ဆေးဝါး ကီလို ၅၀၀ ကျော်ဖမ်းမိ

– မက်ဒေါ်နယ်(McDonald’s)ကုမ္ပဏီဟာ AI သုံးစွဲပြီး လွတ်လပ်စွာ ယှဉ်ပြိုင်ခွင့်ကို ချိုးဖောက်တယ်ဆိုပြီး တရားစွဲခံရ

– ပထမဆုံး FIFA အာဆီယံ ဖလားကို အင်ဒိုနီးရှား အသင်း ပင်နယ်တီ အဆုံးအဖြတ်နဲ့ ဆွတ်ခူး…..စတာတွေ တင်ဆက်ထားပါတယ်။

Related Posts

အောက်တိုဘာလအတွင်း လေကြောင်းတိုက်ခိုက်မှု ၇၅ ရာခိုင်နှုန်းကျော်မှာ အရပ်သားပစ်မှတ်များဖြစ်ဟုဆို သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၁၂ ရက်။ မြန်မာနိုင်ငံတစ်ဝန်းတွင် စစ်အုပ်စုတပ်က လေကြောင်းတိုက်ခိုက်မှုများကို အရှိန်အဟုန်မြှင့် လုပ်ဆောင်လျက်ရှိ ရာ တိုက်ခိုက်မှု စုစုပေါင်း၏ ၇၅ ရာခိုင်နှုန်းကျော်မှာ စစ်ရေးပစ်မှတ်များ မဟုတ်ဘဲ အရပ်သားပြည်သူများ နေထိုင်ရာ ဒေသများကို တိုက်ရိုက် ဦးတည်နေကြောင်း မြန်မာ့စစ်ဘက်ရေးရာနှင့် လုံခြုံရေးဆိုင်ရာ လေ့လာရေး အဖွဲ့ (MDSI) က ပြောသည်။ ပြီးခဲ့သည့် အောက်တိုဘာလ တစ်လတည်းအတွင်းမှာပင် လေကြောင်းတိုက်ခိုက်မှု ဖြစ်စဉ်ပေါင်း ၁၆၁ ခုအထိ ရှိခဲ့ပြီး အကြိမ်ရေအားဖြင့် ၃၄၇ ကြိမ် ဗုံးကြဲတိုက်ခိုက်ခဲ့သည်ဟု မြန်မာ့စစ်ဘက်ရေးရာနှင့် လုံခြုံရေးဆိုင်ရာ လေ့လာရေး အဖွဲ့ (MDSI) ၏ နိုဝင်ဘာ ၁၀ ရက်နေ့တွင် အစီရင်ခံစာထဲတွင် ဖော်ပြထားသည်။ လေကြောင်းဒဏ်ကို အဆိုးရွားဆုံး ခံစားနေရသည့် ရခိုင်ပြည်၊ မြောက်ဦးမြို့နယ်၊ နန်းကျားကျေးရွာ ဒေသခံ တစ်ဦးက လက်ရှိ ကြုံတွေ့နေရသည့် အခြေအနေကို ယခုကဲ့သို့ ပြောသည်။ “ကျနော်တို့ ကျေးရွာက စစ်ရေးနဲ့လည်း ဘာမှ မသက်ဆိုင်ပါဘူး။ ဒါကိုမှ လူအိပ်ချိန် သန်းခေါင်ယံမှာ လေကြောင်းကနေ ပေါင် ၅၀၀ ဗုံးနဲ့ လာချတာ။ နေ့တိုင်းလိုလို လေယာဉ်သံက ကြားနေရတာမျိုးပါ။ ကျနော်တို့ နန်းကျားရွာကို ဗုံးကျခဲ့လို့ ကိုယ်ဝန်ဆောင် မိခင်ဆေးရုံမှာ ဆုံးသွားခဲ့တာဗျ။ အခုဆိုရင် ဘယ်နေရာမှလည်း လုံခြုံမှု မရှိတော့ပါဘူး။ လူတွေကလည်း ညဘက်ဆိုရင်လည်း ကောင်းကောင်း မအိပ်ရဲကြဘူး။ အချိန်ပြည့် အသံကို သေချာနားထောင်နေရတာ” ဟု ပြောသည်။ အဆိုပါ တိုက်ခိုက်မှုများတွင် ဂျက်တိုက်လေယာဉ် အမျိုးမျိုးအပြင် Mi-35 ရဟတ်ယာဉ်များ၊ Y-12 ထောက်ပို့ လေယာဉ်များ၊ စက်တပ်လေထီး (Gyrocopter) များနှင့် အသေခံဒရုန်းများ အပါအဝင် လေယာဉ်အမျိုးအစား ၈ မျိုးအထိ အလွှာစုံ ပေါင်းစပ်အသုံးပြုခဲ့ကြောင်း MDSI ၏ စာရင်းများက ဆိုသည်။ အဆိုပါ လေကြောင်းတိုက်ခိုက်မှုများအတွက် မကွေး၊ ရှမ်းတဲ၊ တံတားဦးနှင့် နေပြည်တော်ရှိ အဓိက လေတပ် စခန်းများမှနေ၍ တိုက်လေယာဉ်များ အဆက်မပြတ် ပျံသန်းတိုက်ခိုက်ခဲ့ခြင်း ဖြစ်သည်။ မကွေးတိုင်း၊ မင်းတုန်းမြို့ရှိ AA နှင့် နီးစပ်သည့် သတင်းရင်းမြစ်က “မင်းတုန်းကနေ ရခိုင်ရိုးကို တက်ဖို့ စစ်တပ် အင်အား ၃၀၀ လောက်ထပ်ဖြည့်တယ်။ အခုရိုးအနီးတဝိုက်က တပ်တွေပြန်ဆင်းတာ နည်းတယ်။ မြေပြင်ရော လေကြောင်းရောပဲ။ သူတို့ဘက်က အသေ အပျောက်များ တော့ Paramotor လည်း တော်တော်လေး အသုံးပြုလာနေတယ်” ဟု ပြောသည်။ စစ်အုပ်စုတပ်၏ ဤကဲ့သို့ အရပ်သားပစ်မှတ်ထား ဗုံးကြဲမှုများကြောင့် အောက်တိုဘာလ တစ်လအတွင်း အရပ် သားပြည်သူ ၁၄၅ ဦး သေဆုံးခဲ့ပြီး ၃၁၆ ဦး ထိခိုက်ဒဏ်ရာ ရရှိခဲ့သည်။ အထူးသဖြင့် ရခိုင်ပြည်၊ စစ်ကိုင်းတိုင်း နှင့် မကွေးတိုင်းတို့သည် လေကြောင်းဒဏ်ကို အပြင်းထန်ဆုံး ခံစားခဲ့ရပြီး အရပ်သား ထိခိုက်သေဆုံးမှု အမြင့် မားဆုံး ဒေသများ ဖြစ်လာခဲ့သည်။ စစ်ကိုင်းတိုင်းအတွင်း လေကြောင်းအန္တရာယ်ကို ရင်ဆိုင်နေရသည့် ဒေသခံတစ်ဦးကလည်း “လေယာဉ်ပျံသန်းသံ ကြားတာနဲ့ ရွာထဲက စာသင်ကျောင်းတွေ၊ ဘုန်းကြီးကျောင်းတွေဘက် မသွားရဲတော့ဘူး။ လူစုလူဝေးနဲ့ နေလို့ ကို မရဲတာ။ အိမ်တွေမှာလည်း ဗုံးခိုကျင်းတွေ တူးထားကြရတယ်။ သာမန်ပြည်သူတွေပဲ နေ့တိုင်းလိုလို သေဆုံး နေရတာကို ဘယ်သူမှ ကာကွယ်ပေးနိုင်မယ့် အခြေအနေ မရှိဘူး ဖြစ်နေတယ်” ဟု ပြောသည်။ လက်ရှိတွင်လည်း တိုက်ပွဲအရှိန် ဆက်လက် မြင့်တက်နေဆဲဖြစ်သည့် ရခိုင်ပြည်၊ ချင်းပြည် တောင်ပိုင်း၊ မကွေး တိုင်းနှင့် စစ်ကိုင်းတိုင်း အထက်ပိုင်းတို့တွင် အရပ်ဘက် နေရာများကို ပစ်မှတ်ထားသော ဗုံးကြဲတိုက်ခိုက်မှုများ နောင်လာမည့်ရက်များတွင်လည်း ပိုမိုများပြားလာနိုင်ကြောင်း MDSI က သတိပေးထားသည်။ ထို့ကြောင့် စာသင်ကျောင်းများ၊ ဆေးရုံများ၊ ဘာသာရေးအဆောက်အအုံများနှင့် လူစည်ကားရာ ဈေးနေရာများ တွင် လေကြောင်းရန် ကြိုတင်သတိပေးစနစ်များ (Early Warning Systems) နှင့် အသိပညာပေးမှုများကို သက် ဆိုင်ရာ တာဝန်ရှိသူများနှင့် ဒေသခံများအနေဖြင့် အရေးပေါ် တိုးမြှင့်ဆောင်ရွက်ကြရန် အကြံပြု တိုက်တွန်းထား သည်။ ပုံစာ - ရခိုင်တွင် လေကြောင်းတိုက်ခိုက်မှု ထိခိုက်ဒဏ်ရာရရှိသူများ။ - ပုံဟောင်း / ဓာတ်ပုံ - AA Info Desk) #MDSI

အောက်တိုဘာလအတွင်း လေကြောင်းတိုက်ခိုက်မှု ၇၅ ရာခိုင်နှုန်းကျော်မှာ အရပ်သားပစ်မှတ်များဖြစ်ဟုဆို

November 12, 2026

ဧရာဝတီတိုင်း ရေကြည်မှတစ်ဆင့် ရခိုင်ရိုးမပေါ် စစ်အုပ်စုတပ် ထိုးစစ်ဆင်၍ တိုက်ပွဲပြင်းထန်နေ

November 12, 2026

အစ္စရေး အစိုးရသစ် မဖွဲ့နိုင်သေးဘဲ နိုင်ငံရေးအကျပ်အတည်း ဆိုက်နေ

November 12, 2026

စစ်တွေ-ပုဏ္ဏားကျွန်းအစပ်တွင် တိုက်ပွဲပြင်းထန်ပြီး စစ်အုပ်စု စစ်ရေယာဉ် တိုက်ခိုက်ခံရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၁၂ ရက်။ ရခိုင်ပြည်၊ စစ်တွေမြို့နှင့် ပုဏ္ဏားကျွန်းမြို့နယ်အစပ် ကုန်းမြေနှင့် ရေကြောင်းနေရာများတွင် အာရက္ခတပ်တော် (AA) နှင့် စစ်အုပ်စုတပ်တို့အကြား တိုက်ပွဲများ ပိုမိုပြင်းထန်လာပြီး ရေလမ်းကြောင်း၌ စစ်ရေးလှုပ်ရှားနေသည့် စစ်ရေယာဉ်တစ်စီးကို AA က ထပ်မံ ပစ်ခတ်ဖျက်ဆီးခဲ့ကြောင်း ဒေသတွင်း စစ်ရေးသတင်းရင်းမြစ်များက ပြောသည်။ စစ်တွေမြို့အနီး ရေလမ်းကြောင်းများဖြစ်သည့် ငပြီကျွန်းနှင့် ပုဏ္ဏားကျွန်းနယ်စပ်တို့ကို ကင်းလှည့် အင်အား ဖြည့်တင်းနေသော ရွှေမင်းဂံ ရေတပ်စခန်းမှ စစ်သင်္ဘောများကို AA က ပစ်မှတ်ထား တိုက်ခိုက်နေသကဲ့သို့ စစ်တွေနှင့် ပုဏ္ဏားကျွန်းအစပ် ကုန်းမြေနေရာများတွင်လည်း နှစ်ဖက်တိုက်ပွဲများ ပြင်းထန်စွာ ဖြစ်ပွားနေခြင်း ဖြစ်သည်။ AA နှင့် နီးစပ်သော စစ်ရေးသတင်းရင်းမြစ်တစ်ဦးက လက်ရှိ စစ်ရေးအခြေအနေကို “စစ်တွေ-ပုဏ္ဏားကျွန်း မြို့နယ်အစပ် ရေကြောင်းတစ်လျှောက်ရော ကုန်းကြောင်းတစ်လျှောက်ရော နိုဝင်ဘာ ၈ ရက်ကစလို့ ၁၀ ရက် နေ့အထိ တိုက်ပွဲရှိပါတယ်။ အောက်တိုဘာလ ၉ ရက်နေ့မှာလည်း ငပြီကျွန်းအနီး ကုလားတန်မြစ်ထဲက စစ် သင်္ဘောတစ်စီးကို အေအေပစ်လို့ ထိခိုက်ခဲ့တယ်။ ကုန်းမြေအစပ်မှာတော့ ပုဏ္ဏားကျွန်းမြို့နယ် ကွမ်းတောင် ဘက်ကို စစ်တပ်က လေကြောင်းပစ်ကူပေးပြီး စစ်ကြောင်းထိုးတယ်” ဟု ပြောသည်။ စစ်အုပ်စုတပ်အနေဖြင့် ရခိုင်ရေကြောင်းတိုက်ပွဲများအတွင်း ပြီးခဲ့သည့် ၂၀၂၃ ခုနှစ် နိုဝင်ဘာလမှစကာ ၂၀၂၆ ခုနှစ် အောက်တိုဘာလ အထိ သုံးနှစ်နီးပါးကာလအတွင်း စစ်တပ်၏ စစ်သင်္ဘော ၁၀ စီးကျော်ကို နစ်မြုပ်ပျက်စီး အောင် တိုက်ခိုက်ချေမှုန်းနိုင်ခဲ့ကြောင်း ရခိုင်ပြည် အခြေစိုက် သတင်းဌာနဖြစ်သည့် DMG (Development Media Group) ၏ ဖော်ပြချက်အရ သိရသည်။ လက်ရှိတွင် မင်းချောင်းတံတားနှင့် ကွမ်းတောင်ကျေးရွာတို့၌ တိုက်ပွဲများ ပြင်းထန်လျက်ရှိပြီး စစ်အုပ်စုတပ် သည် မြေပြင်အင်အားများ ဆက်တိုက်ဖြည့်တင်းကာ နယ်စပ်နေရာ သုံးခုတွင် ထိုးစစ်ဆင်နေသကဲ့သို့ ဝီရဌာနီ (ပေါက်တော)မြို့နယ် ကုလားတန်မြစ်အတွင်းမှ ငပြီကျွန်းသို့လည်း အင်အားဖြည့်တင်းလျက် ရှိသည်။ စစ်အုပ်စုတပ်သည် ကွမ်းတောင်ကျေးရွာကို ပြီးခဲ့သည့် စက်တင်ဘာလ ၄ ရက်နေ့ကလည်း ထိုးစစ်ဆင်ခဲ့ဖူးပြီး ယခုအခါ ဒုတိယအကြိမ်မြောက် ပြန်လည်ထိုးစစ်ဆင်လာခြင်း ဖြစ်သည်။ အဆိုပါ တိုက်ပွဲများအတွင်း နှစ်ဖက် ဒရုန်းများအသုံးပြု တိုက်ခိုက်နေကြသည့်အပြင် စစ်အုပ်စုဘက်ကလည်း လေယာဉ်များအသုံးပြု၍ ပုဏ္ဏားကျွန်းမြို့နယ် ကွမ်းတောင်အပါအဝင် ကျေးရွာအချို့နှင့် ဝီရဌာနီ (ပေါက်တော) မြို့နယ်ဘက်တို့ကို ဗုံးကြဲတိုက်ခိုက်မှုများ ပြုလုပ်နေသည်။ ထို့အတူ AA ဘက်ကလည်း စစ်တွေမြို့အနီး ရေတပ်သင်္ဘောများကို ဆက်တိုက် ပစ်မှတ်ထား တိုက်ခိုက်လျက် ရှိရာ ပြီးခဲ့သည့် အောက်တိုဘာ ၂၆ ရက်ကလည်း ကုလားတန်မြစ်ဝရှိ စစ်သင်္ဘော သုံးစီးကို တိုက်ခိုက်ခဲ့ရာ နှစ်စီး နစ်မြုပ်ပြီး တစ်စီး ပြင်းထန်စွာ ပျက်စီးခဲ့ကြောင်း AA ပြောရေးဆိုခွင့်ရှိသူ ဦးခိုင်သုခက ပြောဆိုထားသည်။ တိုက်ပွဲများကြောင့် စစ်တွေမြို့ခံများမှာ သွားလာရေး ကန့်သတ်ခံထားရကြောင်း စစ်တွေဒေသခံ မွတ်ဆလင် တစ်ဦး က ယခုကဲ့သို့ ပြောသည်။ “ကျနော်တို့ မြို့ပြင်ထွက်လို့ မရသလို မြို့ထဲလည်း ထွက်မရဘူး။ အခုရက်ပိုင်း စစ်ဆေးရေး တင်းကြပ်ထား တယ်။ မြို့ပတ်ပတ်လည်က ပစ်ခတ်သံတွေ ကြားနေရတယ်။ ရေထဲကလည်း ပစ်တယ်၊ ငါးမဖမ်းရဘူး။ ရွှေမင်းဂံရေတပ်စခန်းနားကို အေအေ ကပ်လာနေတယ်လို့ ကြားတယ်။” လက်ရှိတွင် စစ်အုပ်စုတပ်သည် စစ်တွေမြို့ဝန်းကျင်ရှိ ရွှေမင်းဂံရေတပ်စခန်း၊ စစ်တွေ-ပုဏ္ဏားကျွန်း နယ်စပ်နှင့် ရသေ့တောင်မြို့နယ် မယူမြစ်အနီး စသည့် နေရာများတွင် ခံစစ်ပြင်ဆင်ထားပြီး ရေလမ်းကြောင်းများ၌လည်း စစ်ရေးလှုပ်ရှားမှုများ ဆက်လက် ပြုလုပ်နေသည်ဟု ဆိုသည်။ ပုံစာ - ရခိုင်ပြည်အတွင်း လှုပ်ရှားနေသည့် အာရက္ခတပ်တော် (AA) တပ်ဖွဲ့ဝင်အချို့ကို တွေ့ရစဉ်။ - ပုံဟောင်း / ဓာတ်ပုံ - AA Info Desk) #စစ်တွေ #ပုဏ္ဏားကျွန်း

စစ်တွေ-ပုဏ္ဏားကျွန်းအစပ်တွင် တိုက်ပွဲပြင်းထန်ပြီး စစ်အုပ်စု စစ်ရေယာဉ် တိုက်ခိုက်ခံရ

November 12, 2026

AI ကုမ္ပဏီများကို ရာဇဝတ်ဥပဒေဖြင့် အရေးယူနိုင်ရန် ဩစတြေးလျ ပြင်ဆင်

November 12, 2026

ရုရှား-ယူကရိန်း- အမေရိကန် သုံးပွင့်ဆိုင် ဆွေးနွေးပွဲ ထူးခြားရလဒ်မထွက်ဘဲ ပြီးဆုံး

November 12, 2026

ကချင်-စစ်ကိုင်းအစပ် တိုက်ပွဲပြင်းထန်၊ မန္တလေး-မြစ်ကြီးနား လမ်းပိုင်း ပိတ်ဆို့နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၁၂ ရက်။ ကချင်ပြည်နှင့် စစ်ကိုင်းတိုင်းအစပ် ဒေသများဖြစ်သည့် မိုးညှင်း၊ အင်းတော်၊ မော်လူးနှင့် ရွှေကူမြို့နယ်တို့တွင် စစ်အုပ်စုတပ်၏ စစ်ကြောင်းထိုး လှုပ်ရှားမှုများနှင့်အတူ ကချင်လွတ်လပ်ရေးတပ်မတော် (KIA) ပူးပေါင်းတပ် များအကြား တိုက်ပွဲများ ဆက်လက် ပြင်းထန်နေပြီး မန္တလေး-မြစ်ကြီးနား ပြည်ထောင်စုလမ်းမကြီး ပိတ်ဆို့ နေကြောင်း ဒေသခံများနှင့် စစ်ရေးသတင်းရင်းမြစ်များက ပြောသည်။ မိုးညှင်းမြို့နယ်၊ နန့်စီးအောင်ကျေးရွာ အခြေစိုက် စစ်အုပ်စုတပ်စခန်းမှနေ၍ အနီးပတ်ဝန်းကျင်ရှိ ပင်လုံနှင့် မာန်ဟဲ ကျေးရွာများဘက်သို့ လက်နက်ကြီးများဖြင့် ရမ်းသမ်းပစ်ခတ်နေသည့်အပြင် စစ်ကြောင်းထိုး လှုပ်ရှား မှုများ ပြုလုပ်နေသဖြင့် ဒေသခံပြည်သူများအနေဖြင့် အထူးသတိပြု နေထိုင်ကြရန် KIA မြေပြင် သတင်းရင်း မြစ်များက သတိပေးထားသည်။ KIA မြေပြင်သတင်းရင်းမြစ်တစ်ဦးက “ပြီးခဲ့တဲ့ နိုဝင်ဘာ ၇ ရက်က နန့်စီးအောင် စစ်တပ်စခန်းကို ကျနော်တို့ ပူးပေါင်းတပ်တွေ သွားတိုက်ခဲ့ပြီးနောက်ပိုင်း စစ်တပ်ဘက်က ပတ်ဝန်းကျင်ရွာတွေကို လက်နက်ကြီးနဲ့ ရမ်း သမ်းပစ်နေတာပါ။ ပင်လုံနဲ့ မာန်ဟဲရွာဘက်တွေကို လက်နက်ကြီးတွေ ကျသလို အခုရက်ပိုင်း စခန်းပတ်ဝန်း ကျင် ရွာတွေဘက်ကိုပါ စစ်ကြောင်းထိုး လှုပ်ရှားလာနေတယ်။ ဒါကြောင့် ဒေသခံပြည်သူတွေအနေနဲ့ သွားလာ နေ ထိုင်တာတွေ အထူးသတိထားကြဖို့ က အသိပေးနှိုးဆော်ထားပါတယ်” ဟု ပြောသည်။ တစ်ချိန်တည်းမှာပင် ကချင်ပြည်တောင်ပိုင်းနှင့် စစ်ကိုင်းတိုင်းမြောက်ပိုင်း ဆက်သွယ်ရာ အချက်အချာကျသည့် ရွှေကူမြို့နယ်အတွင်း၌လည်း စစ်အုပ်စုတပ်က ခတ်ခုံ၊ မန်နားလေးနှင့် ဇင်းဘုံကျေးရွာများဘက်သို့ စစ်ကြောင်း နှစ်ကြောင်းခွဲ၍ ထိုးစစ်ဆင်လာခဲ့သော်လည်း KIA ပူးပေါင်းတပ်များ၏ ကြားဖြတ်တိုက်ခိုက်မှုကြောင့် အထိနာ ပြီး ရွှေကူမြို့ဘက်သို့ ပြန်လည် ဆုတ်ခွာသွားခဲ့ရသည်။ အလားတူ စစ်ကိုင်း-ကချင် အဝင်ပေါက်ဖြစ်သည့် အင်းတော်မြို့နယ်၊ မော်လူးမြို့အနီးတွင်လည်း မန္တလေး-မြစ်ကြီးနား ပြည်ထောင်စုလမ်းမကြီးကို အသုံးပြု၍ စစ်အင်အားနှင့် ရိက္ခာဖြည့်တင်းရန် ကြိုးပမ်းနေသော စစ်အုပ်စု၏ စစ်ယာဉ်တန်းများနှင့် လမ်းပိုင်းသွားလာမှုကို ဖြတ်တောက်တိုက်ခိုက်နေသဖြင့် တိုက်ပွဲများ ဆက်တိုက် ဖြစ်ပွားနေသည်။ စစ်အုပ်စုဘက်ကလည်း မြေပြင်တိုက်ပွဲများအပြင် လေကြောင်းမှ ဗုံးကြဲတိုက်ခိုက်မှုများကို နေ့ရောညပါ ပြုလုပ် လျက် ရှိသည်။ နိုဝင်ဘာလ ၁၁ ရက်နေ့အထိ တိုက်ပွဲများ ပြင်းထန်နေသည်ဟု မြေပြင်သတင်းရင်းမြစ်က ဆိုသည်။ အဆိုပါ တိုက်ပွဲများနှင့် လမ်းပိုင်းပိတ်ဆို့မှုများကြောင့် မန္တလေး-မြစ်ကြီးနား လမ်းမကြီးတစ်လျှောက် ခရီးသည် တင်ယာဉ်များနှင့် ကုန်တင်ကားများမှာ ကသာ၊ နန့်စီးအောင်နှင့် ပေကုန်းကျေးရွာတို့တွင် ရက်ရှည် ပိတ်မိနေကြ ပြီး ခရီးသွားပြည်သူများမှာ ကုန်ကျစရိတ် ကြီးမြင့်စွာဖြင့် ဆိုင်ကယ်ကယ်ရီများ ငှားရမ်းကာ ခက်ခက်ခဲခဲ သွားလာနေကြရသည်။ လမ်းခုလတ်တွင် ပိတ်မိနေသည့် ခရီးသွားတစ်ဦးက “လမ်းကြီးတစ်လျှောက်လုံးက ပိတ်နေတာ ရက်အတော် ကြာပြီ။ ကားတွေက ရှေ့ဆက်လို့ လုံးဝမရတော့ဘူး။ မဖြစ်မနေ သွားရမယ့်သူတွေကျတော့ ကသာဘက်ကနေ တောလမ်းအတိုင်း ဆိုင်ကယ်ကယ်ရီတွေ ငှားစီးရတယ်။ ကယ်ရီခကလည်း တစ်စီးကို သုံးသိန်းဝန်းကျင်အထိ ပေးနေရတော့ တော်ရုံလူက မတတ်နိုင်ကြဘူး။ လမ်းမှာတင် ပိတ်မိပြီး စားရေးသောက်ရေးပါ ခက်ခဲနေကြ တာပါ” ဟု လက်ရှိကြုံတွေ့နေရသည့် အခက်အခဲကို ပြောပြသည်။ ထို့ပြင် မော်လူးနှင့် နန့်စီးအောင် အနီးဝန်းကျင်ရှိ ကျေးရွာများမှ ဒေသခံပြည်သူများမှာလည်း နှစ်ဖက်တိုက်ပွဲများ၊ လက်နက်ကြီး ရမ်းသမ်းပစ်ခတ်မှုများနှင့် လေကြောင်းဗုံးကြဲမှု အန္တရာယ်တို့ကြောင့် နေရပ်စွန့်ခွာကာ ဘေးလွတ် ရာ တောတောင်များနှင့် ကျေးရွာများသို့ ထွက်ပြေးတိမ်းရှောင်နေကြရသည်။ နန့်စီးအောင်ကျေးရွာအနီးမှ စစ်ဘေးရှောင် ဒေသခံတစ်ဦးကလည်း “ရွာထဲမှာ ဘယ်လိုမှ နေလို့မရဲတော့ဘူး။ လက်နက်ကြီးသံတွေက နေ့တိုင်းလိုလို ကြားနေရသလို လေယာဉ်သံကြားတာနဲ့ ပြေးစရာမြေ မရှိအောင် ကြောက်နေရတယ်။ စစ်ကြောင်းတွေကလည်း ရွာနားတစ်ဝိုက်မှာ လှုပ်ရှားနေတော့ အိမ်တွေကို ပစ်ထားခဲ့ပြီး ဘေးလွတ်ရာကို အမြန်ဆုံး ရှောင်လာကြရတာပါ” ဟု ပြောသည်။ လက်ရှိတွင် မန္တလေး-မြစ်ကြီးနား ပြည်ထောင်စုလမ်းမကြီး၏ အရှေ့ဘက်နှင့် အနောက်ဘက် လမ်းကြောင်းများ ပါ ပိတ်ဆို့နေသဖြင့် ကုန်စည်စီးဆင်းမှုများ ရပ်တန့်နေပြီး ဒေသတွင်း အခြေခံစားသောက်ကုန်နှင့် စက်သုံးဆီ ဈေးနှုန်းများလည်း မြင့်တက်လာနေကြောင်း ဒေသခံများက ပြောသည်။ ပုံစာ - (မန္တလေး-မြစ်ကြီးနား ပြည်ထောင်စုလမ်းမကြီးပေါ်တွင် ပိတ်မိနေသည့် ခရီးသည်တင်ယာဉ်နှင့် ကုန်တင်ယာဉ်အချို့ကို တွေ့ရစဉ်။ - ပုံဟောင်း / ဓာတ်ပုံ - Original uploader) #မော်လူး #ရွှေကူ

ကချင်-စစ်ကိုင်းအစပ် တိုက်ပွဲပြင်းထန်၊ မန္တလေး-မြစ်ကြီးနား လမ်းပိုင်း ပိတ်ဆို့နေ

November 12, 2026

အီဂျစ်တွင် လွတ်လပ်သည့် သတင်းဌာန Mada Masr အယ်ဒီတာချုပ်၏ အမှုကို ရွှေ့ဆိုင်း

November 12, 2026

ရုရှား၏ လွတ်လပ်သော Novaya Gazeta သတင်းစာတိုက် မော်စကိုရုံးခန်းကို တရားဝင် ပိတ်သိမ်း

November 11, 2026