နိုင်ငံတကာသတင်း

ကျူးဘားနိုင်ငံ လျှပ်စစ်ဓါတ်အားပေး စနစ် ပြိုလဲ     သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၄ ရက်။   ကျူးဘားနိုင်ငံတွင် အပူချိန် လွန်ကဲပြီး လျှပ်စစ်မီး မကြာခဏ ပြတ်တောက်လျက်ရှိသည်။ ပြည်သူများသည် အပူဒဏ်ကို မခံနိုင်သဖြင့် အိမ်ပြင်နှင့် ဟားဗားနား (Havana) တက္ကသိုလ် လှေကားထစ်များပေါ်တွင် ထွက်အိပ်နေကြရသည်။   ထိုသို့ ကြုံတွေ့နေရစဉ်မှာပင် အမျိုးသား လျှပ်စစ်ဓာတ်အားစနစ် (SEN) တစ်ခုလုံး ဒုတိယအကြိမ် ထပ်မံ ပြိုလဲ (System Break Down ဖြစ်) သွားခဲ့သည်။   တနင်္ဂနွေနေ့ညက လူဦးရေ ၁၀ သန်းနီးပါးရှိသော ကျူးဘား တစ်နိုင်ငံလုံး မီးလုံးဝ ပြတ်တောက်သွားခဲ့ခြင်း ဖြစ်သည်။   အာဏာပိုင်များက ပြန်လည် ပြင်ဆင်ရန် ကြိုးပမ်းနေစဉ်မှာပင် တနင်္လာနေ့ မွန်းလွဲပိုင်း၌ တစ်နိုင်ငံလုံး မီးပြန်ပျက်သွားခဲ့သည်။   ရာသီဥတု ဆိုးရွားမှုနှင့် စနစ် မတည်ငြိမ်မှုများကြောင့် ပြန်လည် လည်ပတ်နေပြီဖြစ်သည့် စက်ရုံများပါ ထပ်မံ ထိခိုက်သွားရသည်ဟု အစိုးရ လျှပ်စစ်လုပ်ငန်း (UNE) က ထုတ်ပြန်ထားသည်။   ကျူးဘား၏ လျှပ်စစ်စနစ်သည် အလွန် ယိမ်းယိုင်နေပြီး အခြေခံ အဆောက်အအုံများ ဟောင်းနွမ်းနေသကဲ့သို့ စက်သုံးဆီ ပြတ်လပ်မှုနှင့် ပြုပြင်ထိန်းသိမ်းရေး အခက်အခဲများပါ ကြုံတွေ့နေရသည်။   ပြီးခဲ့သည့် ဇူလိုင်လအတွင်း၌ပင် တစ်နိုင်ငံလုံး မီးပြတ်တောက်မှု ၃ ကြိမ်အထိ ဖြစ်ပွားခဲ့သည်။   အဆိုပါ လျှပ်စစ် အကျပ်အတည်းနှင့် ပတ်သက်၍ အမေရိကန်၏ စီးပွားရေး ပိတ်ဆို့မှုများကြောင့် စက်သုံးဆီနှင့် အပိုပစ္စည်း ဝယ်မရဟု ကျူးဘားအစိုးရက စွပ်စွဲထားသည်။   အမေရိကန်ဘက်ကမူ ယင်းသည် ကျူးဘားအစိုးရ၏ စီးပွားရေး စီမံခန့်ခွဲမှု ပျက်ကွက်မှုကြောင့်သာ ဖြစ်သည်ဟု တုံ့ပြန်ထားသည်။   Photo:Reuters #Cuba

ကျူးဘားနိုင်ငံ လျှပ်စစ်ဓါတ်အားပေး စနစ် ပြိုလဲ

ကျူးဘားနိုင်ငံ လျှပ်စစ်ဓါတ်အားပေး စနစ် ပြိုလဲ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၄ ရက်။  ကျူးဘားနိုင်ငံတွင် အပူချိန် လွန်ကဲပြီး …

  • August 4, 2026
နျူစက်ရုံများ ရေရရန် မြစ်ကို ကီလို ၁၈၀ ခန့်ယမ်းများဖြင့် လမ်းကြောင်းပြောင်း   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၄ ရက်။   နျူကလီးယား ဓာတ်အားပေးစက်ရုံများကို အအေးဓာတ်ပေးသည့် ဒါနူးဘ် (Danube) မြစ်ရေသည် စံချိန်တင် ကျဆင်းနေသဖြင့် နျူကလီးယားစက်ရုံ ရေပြတ်တောက်၍ ပိတ်မသွားစေရန် ရိုမေးနီးယား စစ်တပ်က ဒါနူးဘ်မြစ်အတွင်း ကီလို ၁၈၀ ရှိသည့် ယမ်းများဖြင့် မိုင်းခွဲကာ ရေလမ်းကြောင်း ပြောင်းလဲခဲ့ရသည်။   ဥရောပတွင် အပူချိန် စံချိန်တင် မြင့်မားပြီး မိုးခေါင်ရေရှားမှုများ ဖြစ်ပေါ်နေသည်။       ရိုမေးနီးယားနိုင်ငံ ချာနာဗိုဒါ (Cernavodă) နျူကလီးယား စက်ရုံသို့ မြစ်ရေ အလုံအလောက် စီးဝင်နိုင်ရန် ရိုမေးနီးယား ရေတပ်သည် ယမ်းအမြောက်အမြောက်ကို အသုံးပြု၍ မြစ်ကြောင်း ပိတ်နေသည့် ကျောက်ဆောင်ကြီးကို မိုင်းခွဲ ဖယ်ရှားခဲ့ရခြင်း ဖြစ်သည်။   အဆိုပါ ရာသီဥတု အကျပ်အတည်းသည် အိမ်နီးချင်း ဟန်ဂေရီနိုင်ငံသို့ပါ ရိုက်ခတ်နေပြီး ပက်ခ်စ် (Paks) နျူကလီးယား စက်ရုံလည်း ထုတ်လုပ်မှု ပမာဏကို လျှော့ချထားရသည်။   ပုံမှန် မီဂါဝပ် ၂,၀၀၀ ထုတ်လုပ်သည့် အဆိုပါစက်ရုံသည် ပြီးခဲ့သည့် တနင်္ဂနွေနေ့တွင် မီဂါဝပ် ၂၄၀ သာ ထုတ်လုပ်နိုင်ခဲ့သည်။   ဟန်ဂေရီ အစိုးရက စက်မှုလုပ်ငန်းများကို လျှပ်စစ်ဓာတ်အား လျှော့ချရန် အမိန့်ပေးထားရသကဲ့သို့ ပြည်သူများကိုလည်း လျှပ်စစ် လျှော့သုံးကြရန် ဟန်ဂေရီ ဝန်ကြီးချုပ်က ပန်ကြားထားရသည်။   ဒါနူးဘ် မြစ်ရေသည် သမိုင်းတွင် မကြုံဖူးသည့်အထိ ခန်းခြောက်သွားခဲ့သဖြင့် ရေအောက်တွင် နှစ်ပေါင်းများစွာ မြုပ်နေခဲ့သည့် ဒုတိယကမ္ဘာစစ် လက်ကျန် သင်္ဘောပျက်များနှင့် ရှေးဟောင်း မက်မော့သ် (Mammoth) ဆင်ရိုးများပါ ပေါ်ထွက်လာခဲ့သည်။ Photo:AP   #Danube

နျူစက်ရုံများ ရေရရန် မြစ်ကို ကီလို ၁၈၀ ခန့်ယမ်းများဖြင့် လမ်းကြောင်းပြောင်း 

နျူစက်ရုံများ ရေရရန် မြစ်ကို ကီလို ၁၈၀ ခန့်ယမ်းများဖြင့် လမ်းကြောင်းပြောင်း  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၄ ရက်။  နျူကလီးယ…

  • August 4, 2026
မလုပ်မနေရ  စစ်မှုထမ်းကာလ ဒိန်းမတ်တွင် ၃ ဆနီးပါး တိုးမြှင့်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၄ ရက်။   ရုရှား၏ စစ်ရေး ခြိမ်းခြောက်မှုနှင့် အမေရိကန်၏ ဂရင်းလန်းကျွန်းဆိုင်ရာ ဖိအားပေးမှုများကြောင့် ဒိန်းမတ်နိုင်ငံသည် စစ်မှုထမ်း ကာလကို ၃ ဆနီးပါး တိုးမြှင့်လိုက်ပြီး ဂရင်းလန်းကျွန်းသို့ ပထမဆုံးအကြိမ် စစ်မှုထမ်းသစ်များ စေလွှတ်တော့မည် ဖြစ်သည်။   ဒိန်းမတ်နိုင်ငံတွင် အသက် ၁၈ နှစ်ပြည့်ပြီးစ လူငယ် ၁,၆၀၀ နီးပါးသည် ၁၁ လကြာ စစ်မှုထမ်းရမည့် စနစ်သစ်အတိုင်း စတင် တာဝန်ထမ်းဆောင်နေကြပြီ ဖြစ်သည်။   အရင်က စစ်မှုထမ်းကာလမှာ ၄ လသာ ရှိခဲ့ခြင်းဖြစ်သည်။   ဒိန်းမတ်အစိုးရသည် စစ်မှုထမ်းစနစ်တွင် အမျိုးသမီးများကိုပါ စတင် ပါဝင်ခွင့်ပေးလိုက်သည်။   အထူးခြားဆုံးအနေဖြင့် ယခုလအကုန်တွင် စစ်မှုထမ်းသစ် ၁၀၀ ကျော်ပါဝင်သည့် တပ်ခွဲတစ်ခုကို ဒိန်းမတ်ပိုင် ဂရင်းလန်း (Greenland) ကျွန်းသို့ ပထမဆုံးအကြိမ် စေလွှတ် တာဝန်ထမ်းဆောင်စေတော့မည် ဖြစ်သည်။   ထိုသို့ ဂရင်းလန်းကျွန်းသို့ တပ်ဖွဲ့များ စေလွှတ်ခြင်းသည် စစ်ရေးနှင့် နိုင်ငံရေးအရ အလွန် အရေးပါလျက်ရှိသည်။   အမေရိကန် သမ္မတ ဒေါ်နယ်ထရမ့်က ဒိန်းမတ်ပိုင် ဂရင်းလန်းကျွန်းကို အမေရိကန်ပိုင်အဖြစ် သိမ်းပိုက်ရန် ကြိုးပမ်းနေခြင်းကြောင့်ဖြစ်ပြီး ဒိန်းမတ်နှင့် ဂရင်းလန်း အစိုးရတို့က အဆိုပါ တောင်းဆိုချက်ကို ပြတ်ပြတ်သားသား ငြင်းဆိုထားသည်။     ဒိန်းမတ် ဝန်ကြီးချုပ် ကလည်း စစ်မဟာမိတ် နေတိုး (NATO) နယ်မြေတစ်ခုလုံးနှင့် ဒိန်းမတ်ပိုင်နက် မှန်သမျှကို အစွမ်းကုန် ကာကွယ်သွားမည်ဟု ပြောကြားထားသည်။   စစ်မှုထမ်းသစ်များသည် ပထမ ၅ လတွင် အခြေခံ စစ်သင်တန်း တက်ရောက်ရမည်ဖြစ်ပြီး ကျန် ၆ လတွင် ဒရုန်းတပ်ဖွဲ့ အပါအဝင် လက်တွေ့ စစ်ရေး တာဝန်များကို ထမ်းဆောင်ကြရမည် ဖြစ်သည်။   #ဒိန်းမတ် #စစ်မှုထမ်း #NATO

မလုပ်မနေရ  စစ်မှုထမ်းကာလ ဒိန်းမတ်တွင် ၃ ဆနီးပါး တိုးမြှင့် 

မလုပ်မနေရ  စစ်မှုထမ်းကာလ ဒိန်းမတ်တွင် ၃ ဆနီးပါး တိုးမြှင့်  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၄ ရက်။  ရုရှား၏ စစ်ရေး ခြိမ်းခြော…

  • August 4, 2026
ယူကရိန်း ရှေ့တန်းစစ်မျက်နှာ၌ ရုရှားတပ်များ ရှေ့ပိုတိုးလာနေ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၄ ရက်။   ဇူလိုင်လအတွင်း ရုရှားစစ်တပ်သည် စစ်ရေးအရ အရေးပါသည့် ယူကရိန်း နယ်မြေများကို ပိုမို တိုးချဲ့ သိမ်းပိုက်နိုင်ခဲ့ကြောင်း ကီးဗ်ပို့စ် (Kyiv Post) သတင်းတွင် ဖော်ပြထားသည်။   ယူကရိန်းဘက်က တာဝေးပစ် ဒရုန်းများဖြင့် ရုရှား အတွင်းပိုင်းအထိ ပြန်လည် တုံ့ပြန် တိုက်ခိုက်နေသည့် အချိန်တွင်ပင် ရုရှားတပ်များ ရှေ့သို့ တိုးလာနိုင်ခဲ့ခြင်း ဖြစ်သည်။   စစ်ရေး လေ့လာစောင့်ကြည့်သည့် ဒီးပ်စတိတ် (DeepState) အဖွဲ့၏ ထုတ်ပြန်ချက်အရ ဇူလိုင်လအတွင်း ရုရှားတပ်များသည် ယူကရိန်း နယ်မြေ စတုရန်းကီလိုမီတာ ၃၆ ကီလိုမီတာမှ ၈၈ ကီလိုမီတာအထိ တိုးချဲ့ သိမ်းပိုက်နိုင်ခဲ့သည်။   ထိုသို့ နယ်မြေ ပမာဏ တိုးချဲ့နိုင်ခြင်းသည် သာမန်အားဖြင့် မများပြားလှသော်လည်း ယူကရိန်း စစ်တပ်၏ အဓိက စစ်ရေး ထောက်ပံ့ရေး လမ်းကြောင်းများနှင့် မဟာဗျူဟာကျ မြို့များကို တိုက်ရိုက် ခြိမ်းခြောက်နိုင်သဖြင့် စစ်ရေးအရ အလွန် အရေးပါလျက်ရှိသည်။   လက်ရှိတွင် မြို့နှစ်မြို့ အနီးအနား အပါအဝင် ရှေ့တန်း စစ်မျက်နှာများ၌ တိုက်ပွဲများ အလွန် ပြင်းထန်လျက်ရှိသည်။     သို့သော် ဆုံးရှုံးသွားသည့် နယ်မြေများကို ပြန်လည် သိမ်းပိုက်နိုင်ရန် ယူကရိန်း စစ်တပ်သည် မြေပြင်တွင် စစ်သည် အထိအခိုက် နည်းပါးစေမည့် လူမပါသည့် မြေပြင်ဒရုန်းယာဉ် (UGV) များကို ပိုမို အသုံးပြု၍ တိုက်ပွဲဝင်လျက်ရှိသည်။   ထို့ပြင် မြေပြင် တိုက်ပွဲတင်မကဘဲ ရုရှားနိုင်ငံ အတွင်းပိုင်းအထိ တာဝေးပစ် ဒရုန်းများ စေလွှတ်ကာ စစ်ရေးနှင့် စီးပွားရေး အဆောက်အအုံများကိုပါ ပစ်မှတ်ထား တိုက်ခိုက်နေခြင်း ဖြစ်သည်။   ရုရှား၏ စစ်ရေး ထောက်ပံ့မှုနှင့် စွမ်းအင် အရင်းအမြစ်များကို ထိခိုက်စေရန်အတွက် ရုရှား အတွင်းပိုင်းရှိ ရေနံချက်စက်ရုံများနှင့် ကုန်တိုက်ကြီးများကိုပါ တာဝေးပစ် ဒရုန်းများဖြင့် ဝင်ရောက် ပစ်ခတ် တိုက်ခိုက်လျက် ရှိသည်။   ယူကရိန်းအနေဖြင့် နည်းပညာ အသာစီးဖြင့် တိုက်ခိုက်နေသော်လည်း ရုရှား၏ ကြီးမားသည့် တပ်အင်အားနှင့် လက်နက်ကြီး အသုံးပြုနိုင်စွမ်းတို့ကြောင့် အဆိုပါ နယ်မြေများကို ရှေ့တိုး သိမ်းပိုက်နိုင်ခဲ့ခြင်း ဖြစ်သည်။     #ယူကရိန်းစစ်ပွဲ #ရုရှားစစ်တပ်

ယူကရိန်း ရှေ့တန်းစစ်မျက်နှာ၌ ရုရှားတပ်များ ရှေ့ပိုတိုးလာနေ 

ယူကရိန်း ရှေ့တန်းစစ်မျက်နှာ၌ ရုရှားတပ်များ ရှေ့ပိုတိုးလာနေ  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၄ ရက်။  ဇူလိုင်လအတွင်း ရုရှားစစ်တ…

  • August 4, 2026
လူမှု မီဒီယာ စောစော သုံးသည့် ကလေးများ နောက်ပိုင်းတွင် ကျောင်းစာ ရမှတ်များ ထိခိုက် 

လူမှု မီဒီယာ စောစော သုံးသည့် ကလေးများ နောက်ပိုင်းတွင် ကျောင်းစာ ရမှတ်များ ထိခိုက် 

လူမှု မီဒီယာ စောစော သုံးသည့် ကလေးများ နောက်ပိုင်းတွင် ကျောင်းစာ ရမှတ်များ ထိခိုက်  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၄ ရက်။  ကလ…

  • August 4, 2026

အင်ဒိုနီးရှား ကူးတို့ သင်္ဘောမီးလောင်၊ အနည်းဆုံး လူ ၅ ဦး သေဆုံး

အင်ဒိုနီးရှား ကူးတို့ သင်္ဘောမီးလောင်၊ အနည်းဆုံး လူ ၅ ဦး သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃ ရက်။  အင်ဒိုနီးရှားနိုင်ငံ ပင်လယ…

  • August 3, 2026
တောင်ကိုရီးယားနိုင်ငံတွင် သမိုင်းတစ်လျှောက် အမြင့်ဆုံးအပူချိန် 41.4°C အထိ စံချိန်တင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃ ရက်။ တောင်ကိုရီးယားနိုင်ငံတွင် ခေတ်သစ်မိုးလေဝသတိုင်းတာမှု သမိုင်းတစ်လျှောက် အမြင့်ဆုံးအပူချိန်အဖြစ် သောကြာနေ့က 41.4°C အထိ စံချိန်တင် မြင့်တက်ခဲ့သည်။ အရှေ့တောင်ပိုင်းရှိ ယန်ဆန်း (Yangsan) မြို့တွင် နေ့လယ် ၁ နာရီ ၄၀ မိနစ်အချိန်က စံချိန်တင်ခဲ့ခြင်းဖြစ်သည်။ ၂၀၁၈ ခုနှစ်က တိုင်းတာရရှိခဲ့သော စံချိန်ဟောင်း 41.0°C ကို ကျော်လွန်သွားခဲ့ခြင်းဖြစ်သည်။ ယန်ဆန်းမြို့တွင် အပူချိန် 40°C အထက်သို့ ၃ ရက်ဆက်တိုက် ရောက်ရှိနေပြီး၊ နိုင်ငံတစ်ဝန်းတွင်လည်း အမြင့်ဆုံး အပူလှိုင်းသတိပေးချက်များ ထုတ်ပြန်ထားရသည်။ ယခုကဲ့သို့ အပူချိန် အလွန်အမင်း မြင့်တက်လာရခြင်းမှာ ပစိဖိတ်သမုဒ္ဒရာမြောက်ပိုင်းနှင့် တိဗက်ဒေသရှိ လေဖိအားကြီးရပ်ဝန်း နှစ်ခု ပေါင်းဆုံကာ ကိုရီးယားကျွန်းဆွယ်ကို အဖုံးတစ်ခုသဖွယ် ဖုံးအုပ်လိုက်ခြင်းကြောင့် အပူငွေ့များ ပိတ်လှောင်မိပြီး ဖြစ်ပေါ်လာရခြင်းဖြစ်ကြောင်း တောင်ကိုရီးယား မိုးလေဝသဌာနက ရှင်းလင်းထားသည်။ လာမည့်သီတင်းပတ်တွင်မူ ပစိဖိတ်သမုဒ္ဒရာအနောက်ပိုင်း၌ ဖြစ်ပေါ်နေသော တိုင်ဖွန်းမုန်တိုင်း ဒေါ်လ်ဖင် (Dolphin) ၏ ရွေ့လျားမှု လမ်းကြောင်းပေါ် မူတည်၍ ကိုရီးယားကျွန်းဆွယ်၏ ရာသီဥတုအခြေအနေ အပြောင်းအလဲ ရှိနိုင်ကြောင်း ခန့်မှန်းထားသည်။ #South_Korea #temperature

တောင်ကိုရီးယားနိုင်ငံတွင် သမိုင်းတစ်လျှောက် အမြင့်ဆုံးအပူချိန် 41.4°C အထိ စံချိန်တင်

တောင်ကိုရီးယားနိုင်ငံတွင် သမိုင်းတစ်လျှောက် အမြင့်ဆုံးအပူချိန် 41.4°C အထိ စံချိန်တင် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃ ရက်။ တောင်…

  • August 3, 2026
အကြမ်းဖက် ဆန့်ကျင်ရေး ဆန္ဒပြရာ အသေခံဗုံးခွဲသဖြင့် ၁၄ ဦး သေဆုံး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၃ ရက်။   ပါကစ္စတန်နိုင်ငံ အနောက်မြောက်ပိုင်းတွင် တနင်္ဂနွေနေ့က ပြုလုပ်ခဲ့သော အကြမ်းဖက်မှုဆန့်ကျင်ရေး ဆန္ဒပြပွဲတစ်ခုအတွင်း အသေခံဗုံးခွဲမှု ဖြစ်ပွားခဲ့ရာ အနည်းဆုံး လူ ၁၄ ဦး သေဆုံးပြီး ၂၄ ဦးကျော် ဒဏ်ရာရရှိခဲ့သည်။   ယင်းဆန္ဒပြပွဲကို ရဲစခန်းတစ်ခုအနီးတွင် ပြုလုပ်နေခြင်းဖြစ်ပြီး သေဆုံးသူများထဲတွင် အရပ်သား ၉ ဦးနှင့် ရဲအရာရှိ ၅ ဦး ပါဝင်ကြောင်း ဒေသဆိုင်ရာ ရဲတပ်ဖွဲ့က အတည်ပြုထားသည်။   ဒေသခံပြည်သူများသည် နှစ်ပေါင်းများစွာ အကြမ်းဖက်မှုများကြားတွင် နေထိုင်ခဲ့ရသဖြင့် ငြိမ်းချမ်းစွာ နေထိုင်ခွင့်ရရှိရေးနှင့် အကြမ်းဖက်သမားများကို အစိုးရအနေဖြင့် ထိရောက်စွာ နှိမ်နင်းပေးရေးအတွက် တောင်းဆိုဆန္ဒပြနေခဲ့ခြင်း ဖြစ်သည်။   ဆန္ဒပြပွဲ ကျင်းပနေစဉ်မှာပင် လူအုပ်အတွင်းသို့ ဝင်ရောက်ကာ ယခုကဲ့သို့ အသေခံ တိုက်ခိုက်ခဲ့ခြင်း ဖြစ်သည်။   ဆွတ်တ်တောင်ကြား (Swat Valley) ဒေသသည် ယခင်က စစ်သွေးကြွများ ကြီးစိုးခဲ့သည့် နေရာဖြစ်ပြီး မကြာသေးမီ လပိုင်းများအတွင်း စစ်သွေးကြွများ ပြန်လည်ခြေကုပ်ယူလာသည့်အတွက် ဒေသခံများက ယခုကဲ့သို့ ဆန့်ကျင်ဆန္ဒပြနေကြခြင်း ဖြစ်သည်။       အဆိုပါ တိုက်ခိုက်မှုကို လုပ်ဆောင်ခဲ့ကြောင်း မည်သည့်အဖွဲ့အစည်းကမျှ တရားဝင် ထုတ်ဖော်ပြောဆိုထားခြင်း မရှိသေးပေ။   သို့သော်လည်း ပါကစ္စတန် တာလီဘန်အဖွဲ့ (TTP) ၏ လက်ချက်ဖြစ်နိုင်ကြောင်း အများက ခန့်မှန်းထားကြသည်။   ပါကစ္စတန် သမ္မတနှင့် ဝန်ကြီးချုပ်တို့ကမူ ယခုဖြစ်ရပ်အပေါ် ပြင်းထန်စွာ ရှုတ်ချခဲ့ပြီး အကြမ်းဖက်ဝါဒ အမြစ်ပြတ်သည်အထိ ဆက်လက် တိုက်ဖျက်သွားမည်ဖြစ်ကြောင်း ထုတ်ပြန်ကြေညာထားသည်။ Photo:AFP   #ပါကစ္စတန် #တာလီဘန် #ဆန္ဒပြ #အသေခံဗုံးခွဲ

အကြမ်းဖက်ဆန့်ကျင်ရေး ဆန္ဒပြရာ အသေခံဗုံးခွဲသဖြင့် ၁၄ ဦး သေဆုံး 

အကြမ်းဖက်ဆန့်ကျင်ရေး ဆန္ဒပြရာ အသေခံဗုံးခွဲသဖြင့် ၁၄ ဦး သေဆုံး  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃ ရက်။  ပါကစ္စတန်နိုင်ငံ အနောက…

  • August 3, 2026
အမျိုးသမီး ဖောက်ခွဲရေးသမား သယ်လာသော ဗုံးပေါက်ကွဲ ပြီး အနည်းဆုံး ၃ ဦး သေဆုံး   သတင်းနှင့် မီဒီယာ ကွန်ရက်။
၂၀၂၆ ခုနှစ် ဩဂုတ်လ ၃ ရက်။   ရုရှားနိုင်ငံ၊ မော်စကိုမြို့လယ်ရှိ နာမည်ကျော် အီတလီစားသောက်ဆိုင်တစ်ဆိုင်ရှေ့တွင် စနေနေ့ ညပိုင်း ၈ နာရီမတိုင်မီက အမျိုးသမီးတစ်ဦး သယ်ဆောင်လာသော ဗုံးတစ်လုံး ပေါက်ကွဲမှု ဖြစ်ပွားခဲ့သည်။   အဆိုပါပေါက်ကွဲမှုကြောင့် အနည်းဆုံး လူ ၃ ဦး သေဆုံးပြီး ၂၁ ဦး ဒဏ်ရာရရှိခဲ့သည်။   သေဆုံးသူများထဲတွင် လက်လုပ်ဗုံး သယ်ဆောင်လာသည့် အမျိုးသမီး၊ ဆိုင်လုံခြုံရေးဝန်ထမ်းနှင့် ဧည့်သည်တစ်ဦးတို့ ပါဝင်သည်။   ဆေးရုံတွင် နောက်ထပ် ၂ ဦး ထပ်မံသေဆုံးခဲ့သဖြင့် သေဆုံးသူအရေအတွက်မှာ ၅ ဦးအထိ ရှိလာနိုင်သည်ဟု ဆိုသည်။   ဖြစ်စဉ်မှာ ဗုံးသယ်ဆောင်လာသည့် အမျိုးသမီးက ဆိုင်အတွင်းသို့ ဝင်ရောက်ရန် ကြိုးပမ်းစဉ် လုံခြုံရေးဝန်ထမ်းက တားဆီးရာမှ ချက်ချင်းပေါက်ကွဲမှု ဖြစ်ပွားခဲ့ခြင်းဖြစ်သည်။   ယင်းနေ့က အဆိုပါစားသောက်ဆိုင်ကို သီးသန့်ပွဲတစ်ပွဲအတွက်သာ ဖွင့်လှစ်ထားခြင်းဖြစ်ပြီး ရုရှားစစ်တပ်မှ အဆင့်မြင့် အရာရှိကြီးတစ်ဦးကို ပစ်မှတ်ထား တိုက်ခိုက်ခြင်း ဖြစ်နိုင်ကြောင်း လူမှုကွန်ရက်များတွင် ခန့်မှန်းလျက်ရှိကြသည်။   ယခုဖြစ်ရပ်သည် ယူကရိန်းစစ်ပွဲနှင့် ဆက်စပ်မှုရှိနိုင်ပြီး ယူကရိန်း၏ လက်ချက်ဖြစ်နိုင်ကြောင်း ရုရှားစစ်ရေးလေ့လာသူများက စွပ်စွဲထားသော်လည်း ယူကရိန်းဘက်က တစ်စုံတစ်ရာ တုံ့ပြန်ထားခြင်း မရှိသေးပေ။   ဗုံးသယ်ဆောင်လာသည့် အမျိုးသမီးမှာ ၎င်းထံတွင် ဗုံးပါကြောင်းကို မသိရှိဘဲ အဝေးမှ ထိန်းချုပ်ဖောက်ခွဲလိုက်ခြင်းမျိုးလည်း ဖြစ်နိုင်ခြေရှိကြောင်း ရုရှားသတင်းစာတစ်စောင်က သုံးသပ်ထားသည်။   မော်စကိုမြို့တော်ဝန်က အဆိုပါ အကြမ်းဖက်တိုက်ခိုက်မှုအပေါ် ဝမ်းနည်းကြောင်း ပြောကြားခဲ့ပြီး ကျူးလွန်သူများကို ပြင်းထန်စွာ အရေးယူသွားမည်ဖြစ်ကြောင်း ကြေညာထားသည်။   #မော်စကို #ဗုံးပေါက်ကွဲ #Female_Bomber

အမျိုးသမီးဖောက်ခွဲရေးသမားသယ်လာသော ဗုံးပေါက်ကွဲ ပြီး အနည်းဆုံး ၃ ဦး သေဆုံး

အမျိုးသမီးဖောက်ခွဲရေးသမားသယ်လာသော ဗုံးပေါက်ကွဲ ပြီး အနည်းဆုံး ၃ ဦး သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃ ရက်။  ရုရှားနိုင်ငံ၊ မ…

  • August 3, 2026
×Close