နိုင်ငံတကာသတင်း

မြန်မာ-ထိုင်း ကုန်သွယ်မှုတိုးမြှင့်ရေးနှင့် ပူးပေါင်းဆောင်ရွက်မှု MoU များ လက်မှတ်ထိုး   သတင်းနှင့် မီဒီယာ ကွန်ရက်။ 
၂၀၂၆ ခုနှစ်၊ ဩဂုတ်လ ၇ ရက်။   ထိုင်းနိုင်ငံသို့ တရားဝင်အလည်အပတ် ရောက်ရှိနေသည့် မြန်မာစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်သည် ထိုင်းဝန်ကြီးချုပ် အနုတင်ချန်ဗီရာကူလ် (Anutin Charnvirakul) နှင့် တွေ့ဆုံ၍ နှစ်နိုင်ငံစီးပွားရေးဆိုင်ရာ ကိစ္စရပ်များကို ဆွေးနွေးခဲ့ပြီး နားလည်မှုစာချွန်လွှာများ လက်မှတ်ရေးထိုးခဲ့ကြောင်း ဘန်ကောက်ပို့စ် သတင်းစာတွင် ဖော်ပြထားသည်။   ထိုသို့ တွေ့ဆုံဆွေးနွေးရာတွင် နှစ်နိုင်ငံ ကုန်သွယ်မှုပမာဏကို လက်ရှိအခြေအနေထက် ပိုမိုတိုးချဲ့ကာ အမေရိကန်ဒေါ်လာ ၁၂ ဘီလီယံအထိ ရောက်ရှိရန် ရည်မှန်းချက်ထား ဆွေးနွေးခဲ့ကြသည်။   ထို့အပြင် ရွှေ့ပြောင်းအလုပ်သမားအရေး၊ နယ်စပ်ဖြတ်ကျော် ရေထုညစ်ညမ်းမှု ထိန်းသိမ်းရေးနှင့် အာကာသနည်းပညာ ပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာ ၃ ရပ်ကိုလည်း သဘောတူ လက်မှတ်ရေးထိုးခဲ့ကြသည်။   နယ်စပ်ကုန်သွယ်ရေးနှင့် လုံခြုံရေးကဏ္ဍတို့နှင့် ပတ်သက်၍ ရပ်ဆိုင်းနေသည့် မြဝတီ-မယ်ဆောက် အမှတ် (၂) ချစ်ကြည်ရေးတံတားကို ပြန်လည်ဖွင့်လှစ်ကာ နယ်စပ်ကုန်သွယ်ရေးကို ပြန်လည်မြှင့်တင်ရန် သဘောတူညီခဲ့ကြသည်။   ၎င်းအပြင် မူးယစ်ဆေးဝါးနှင့် အွန်လိုင်းငွေလိမ်လည်မှု (Scams) စသည့် နယ်စပ်ဖြတ်ကျော် မှုခင်းများကို ပူးပေါင်းနှိမ်နင်းရန်လည်း ဆွေးနွေးခဲ့ကြသည်။   အဆိုပါ ဆွေးနွေးပွဲတွင် ထိုင်းနိုင်ငံမှတစ်ဆင့် အိန္ဒိယသမုဒ္ဒရာကိုဖြတ်ကာ အာရှတိုက်အနောက်ပိုင်းသို့ အတိုဆုံးလမ်းကြောင်းဖြင့် ကုန်စည်ပို့ဆောင်နိုင်မည့် ထားဝယ်ရေနက်ဆိပ်ကမ်းနှင့် အထူးစီးပွားရေးဇုန် စီမံကိန်းကို ပြန်လည်အကောင်အထည်ဖော်ရန် မြန်မာဘက်မှ ဆွေးနွေးခဲ့ပြီး ထိုင်းရင်းနှီးမြှုပ်နှံသူများကို ဖိတ်ခေါ်ခဲ့သည်။   ထိုင်းနိုင်ငံဘက်ကလည်း မြန်မာနိုင်ငံနှင့် စီးပွားရေး ပူးပေါင်းဆောင်ရွက်မှု အခန်းကဏ္ဍသစ် ဖွင့်လှစ်ရန် အသင့်ရှိနေကြောင်း ပြောကြားခဲ့သည်။   #MOU #Myanmar #Thailand

မြန်မာ-ထိုင်း ကုန်သွယ်မှုတိုးမြှင့်ရေးနှင့် ပူးပေါင်းဆောင်ရွက်မှု MoU များ လက်မှတ်ထိုး 

မြန်မာ-ထိုင်း ကုန်သွယ်မှုတိုးမြှင့်ရေးနှင့် ပူးပေါင်းဆောင်ရွက်မှု MoU များ လက်မှတ်ထိုး  သတင်းနှင့်မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၇ ရက်။  …

  • August 7, 2026
အီလွန်မာ့စ်ခ်၏ SpaceX Falcon 9 ဒုံးပျံ အစိတ်အပိုင်း လကမ္ဘာပေါ်သို့ ဝင်ဆောင့်မိဟု ယူဆရ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၆ ရက်။   အမေရိကန် စပေ့စ်အိက်စ် (SpaceX) ကုမ္ပဏီ၏ ဒုံးပျံအပျက်အစီး အစိတ်အပိုင်းတစ်ခုသည် လကမ္ဘာပေါ်သို့ အရှိန်ပြင်းစွာ သွားရောက်ဆောင့်မိခဲ့ပြီဟု ပညာရှင်များက ယူဆထားကြသည်။   အဆိုပါ အစိတ်အပိုင်းမှာ ၂၀၂၅ ခုနှစ် ဇန်နဝါရီလတွင် လကမ္ဘာပေါ် ဆင်းသက်မည့် ယာဉ်နှစ်စီးကို တင်ဆောင်လွှတ်တင်ခဲ့သည့် Falcon 9 ဒုံးပျံ၏ အထက်ပိုင်း (Upper Stage) ဖြစ်သည်။   ၆ ဘီး ကုန်တင်ကားတစ်စီးစာမျှရှိပြီး အလေးချိန် ၅ တန်ခန့်ရှိသော အဆိုပါ အစိတ်အပိုင်းသည် အာကာသထဲတွင် လွင့်မျောနေရာမှ လကမ္ဘာပေါ်သို့ တစ်နာရီလျှင် မိုင်ပေါင်း ၅,၄၀၀ (တစ်နာရီ ၈,၆၉၀ ကီလိုမီတာ) အရှိန်ဖြင့် လကမ္ဘာ၏ အနောက်ဘက်အစွန်းရှိ "အိုင်စတိုင်း" (Einstein) ကျင်းကြီးအနီးသို့ သွားရောက်ဆောင့်မိခဲ့ခြင်းဖြစ်သည်။   အမေရိကန် အမျိုးသား လေကြောင်းနှင့် အာကာသ အုပ်ချုပ်ရေးအဖွဲ့ (NASA) ၏ ပြောရေးဆိုခွင့်ရှိသူက အဆိုပါ ဝင်ဆောင့်မှုကြောင့် ကမ္ဘာမြေပေါ်ရှိ ပြည်သူများအတွက် ဘေးအန္တရာယ် တစ်စုံတစ်ရာမရှိကြောင်း အတည်ပြုပြောကြားထားသည်။   ဒုံးပျံ ဝင်ဆောင့်မှုကြောင့် အကျယ် ၁၈ မီတာနှင့် အနက် ၄ မီတာရှိသော ကျင်းသစ်တစ်ခု ဖြစ်ပေါ်သွားမည်ဟု ခန့်မှန်းထားသည်။     မိုင်ပေါင်းများစွာ ကျယ်ပြန့်သည့် လကမ္ဘာမှ ဖုန်မှုန့်နှင့် အပျက်အစီး စိမ့်လှိုင်း (Plume) များ ထွက်ပေါ်လာမည်ဖြစ်သည်။   ယခုဖြစ်စဉ်သည် မတော်တဆမှုတစ်ခု ဖြစ်သော်လည်း ဒုံးပျံ၏ အရှိန်နှင့် အလေးချိန်ကို အတိအကျ သိရှိထားသဖြင့် သဘာဝ ဥက္ကာခဲများ ကျရောက်မှုကို တိုင်းတာသည့် စံချိန်စံညွှန်းများ ညှိယူရန်   (Calibration) အတွက် လည်းကောင်း၊ ထွက်ပေါ်လာသည့် ဖုန်မှုန့်များကို လေ့လာ၍ လကမ္ဘာ၏ ပါဝင်ပစ္စည်း ဖွဲ့စည်းပုံကို သိရှိနိုင်ရန်အတွက် လည်းကောင်း၊ အနာဂတ်တွင် လကမ္ဘာပေါ် အခြေစိုက်စခန်း ဆောက်လုပ်မည့် အာကာသယာဉ်မှူးများအတွက် အာကာသ အပျက်အစီးများ၏ ဘေးအန္တရာယ်ကို ကြိုတင်တွက်ချက်နိုင်ရန်အတွက် လည်းကောင်း သိပ္ပံပညာရှင်များအတွက် များစွာ အသုံးဝင်မည်ဖြစ်ဟု ပညာရှင်တွေက ဆိုပါတယ်။   #SpaceX  #SpaceXFalcon9

အီလွန်မာ့စ်ခ်၏ SpaceX Falcon 9 ဒုံးပျံ အစိတ်အပိုင်း လကမ္ဘာပေါ်သို့ ဝင်ဆောင့်မိဟု ယူဆရ

အီလွန်မာ့စ်ခ်၏ SpaceX Falcon 9 ဒုံးပျံ အစိတ်အပိုင်း လကမ္ဘာပေါ်သို့ ဝင်ဆောင့်မိဟု ယူဆရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၆ ရက်။  …

  • August 6, 2026
ရုရှားနှင့် ယူကရိန်းတို့အကြား ဒရုန်းထုတ်လုပ်ရေးဆိုင်ရာ ပစ်မှတ်များကို အပြန်အလှန် တိုက်ခိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၆ ရက်။ ရုရှားနှင့် ယူကရိန်း စစ်ပွဲအတွင်း နည်းပညာနှင့် ဒရုန်းထုတ်လုပ်ရေး ကဏ္ဍများကို ပစ်မှတ်ထားသည့် နှစ်ဖက်တိုက်ခိုက်မှုများ သိသိသာသာ ပြင်းထန်လာနေသည်။ ဩဂုတ်လ ၄ ရက် အင်္ဂါနေ့က ရုရှားနိုင်ငံအတွင်း မြို့တစ်မြို့၌ ကားဗုံးပေါက်ကွဲမှုဖြစ်ပွားခဲ့ရာ "ဗင်မ်ပိုင်ယာ" (Vampire) ဒရုန်းများ ထုတ်လုပ်ပေးနေသည့် စက်ရုံမှူး ဗလာဒီမီယာ ထကာချက် ပြင်းထန်စွာ ဒဏ်ရာရရှိခဲ့ပြီး ၎င်း၏ ယာဉ်မောင်းဖြစ်သူ သေဆုံးသွားခဲ့သည်။ ယင်းသည် ပြီးခဲ့သည့်သီတင်းပတ်အတွင်း ရုရှား ဒရုန်းထုတ်လုပ်သူများ ပစ်မှတ်ထားခံရသည့် ဒုတိယမြောက် ဖြစ်စဉ်ဖြစ်သည်။ ပထမဖြစ်စဉ်မှာ ဇူလိုင်လကုန်ပိုင်းက ဖြစ်ပွားခဲ့ပြီး "ဂက်ဒ်ဖလိုင်း" (Gadfly) ဒရုန်းအမျိုးအစားကို တီထွင်ထုတ်လုပ်သူ သေနတ်ဖြင့် ပစ်ခတ်တိုက်ခိုက်ခံခဲ့ရခြင်းဖြစ်သည်။ တစ်ချိန်တည်းမှာပင် ရုရှားတပ်ဖွဲ့များဘက်ကလည်း ယူကရိန်းမြို့တော် ကီးယက်ဖ် (Kyiv) တွင် တည်ရှိသော အမေရိကန်ကုမ္ပဏီပိုင် ဒရုန်းထုတ်လုပ်ရေးစက်ရုံကို ဒုံးကျည်ဖြင့် ပထမဆုံးအကြိမ် ပစ်ခတ်တိုက်ခိုက်ခဲ့သည်။ အဆိုပါစက်ရုံသည် ရုရှား၏ လျှပ်စစ်သံလိုက် လှိုင်းနှောင့်ယှက်မှု (Jamming) များကို ခံနိုင်ရည်ရှိသော အဝေးပစ်ဒရုန်းများကို တစ်လလျှင် အစီးရေ ၁,၀၀၀ အထိ ထုတ်လုပ်ပေးနေသည့် စက်ရုံဖြစ်သည်။ စစ်ပွဲကြာရှည်လာသည်နှင့်အမျှ နှစ်ဖက်စလုံးက စစ်မြေပြင်တွင် အရေးပါသည့် ဒရုန်းထုတ်လုပ်မှုနှင့် ကွပ်ကဲမှုကွန်ရက်များကို အဓိကထား ပစ်မှတ်ထားလာကြသည်။ #VampireDrone

ရုရှားနှင့် ယူကရိန်းတို့အကြား ဒရုန်းထုတ်လုပ်ရေးဆိုင်ရာ ပစ်မှတ်များကို အပြန်အလှန် တိုက်ခိုက်

ရုရှားနှင့် ယူကရိန်းတို့အကြား ဒရုန်းထုတ်လုပ်ရေးဆိုင်ရာ ပစ်မှတ်များကို အပြန်အလှန် တိုက်ခိုက် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၆ ရက်။ …

  • August 6, 2026
စစ်မက်ဖြစ်ပွားချိန် အကျပ်အတည်းများကို ရင်ဆိုင်နိုင်ရန် ထိုင်ဝမ်ပြင်ဆင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၆ ရက်။ ထိုင်ဝမ်နိုင်ငံတွင် စစ်ပွဲဖြစ်ပွားလာပါက ကြုံတွေ့ရမည့် စိန်ခေါ်မှုများကို တုံ့ပြန်ရန် အဓိကဦးတည်သည့် ၁၀ ရက်ကြာ "ဟန်ကွမ်း" (Han Kuang) စစ်ရေးလေ့ကျင့်မှုကို ဗုဒ္ဓဟူးနေ့တွင် စတင်လိုက်ပြီဖြစ်သည်။ နှစ်စဉ် ကျင်းပမြဲဖြစ်သော ယခုစစ်ရေးလေ့ကျင့်မှုတွင် ယခင်နှင့်မတူဘဲ မျှော်လင့်မထားသည့် ရန်သူ့လှုပ်ရှားမှုများအပေါ် စစ်သေနာပတိများ၏ လက်ငင်းတုံ့ပြန် ကွပ်ကဲနိုင်စွမ်းကို အဓိကထား စမ်းသပ်သွားမည်ဖြစ်သည်။ စစ်ရေးလေ့ကျင့်မှု၏ ထူးခြားချက်များမှာ - ၁။ စစ်ပွဲအတွင်း ဆက်သွယ်ရေး လှိုင်းနှုန်း အကန့်အသတ်ရှိချိန်၌ ပြည်သူများ၏ ဆက်သွယ်ဆောင်ရွက်နိုင်စွမ်းကို စမ်းသပ်ရန် အင်တာနက် လှိုင်းနှုန်းများကို လျှော့ချထားမည်ဖြစ်သည်။ ၂။ အမေရိကန်စစ်တပ်၏ နည်းဗျူဟာများကို ပြောင်းလဲကျင့်သုံးသွားမည်ဖြစ်သည်။ ၃။ ရှေ့တန်းသတင်းထုတ်ပြန်မှုနှင့် ရန်သူ့သတင်းတုများကို တုံ့ပြန်နိုင်ရေးအတွက် သတင်းထောက်များ ပူးတွဲလိုက်ပါသည့် သတင်းတု တုံ့ပြန်ရေးစနစ်ကို စမ်းသပ်သွားမည်ဖြစ်သည်။ ယခု စစ်ရေးလေ့ကျင့်မှုတွင် အရန်တပ်ဖွဲ့ဝင် ၂၀,၀၀၀ ကျော် ပါဝင်ပြီး တိုက်လေယာဉ်များနှင့် စစ်သင်္ဘောများ အရေးပေါ် နေရာချထားမှု၊ စစ်လက်နက်ပစ္စည်းများ ရွှေ့ပြောင်းမှုနှင့် ပစိဖိတ်ကမ်းလွန် ထောက်ပံ့ရေးလမ်းကြောင်း ကာကွယ်ရေး စစ်ဆင်ရေးများကိုပါ စိစစ်စမ်းသပ်သွားမည်ဖြစ်ကြောင်း ထိုင်ဝမ်စစ်တပ်က ထုတ်ပြန်ထားသည်။ Photo:AFP #Taiawn #HanKuang

စစ်မက်ဖြစ်ပွားချိန် အကျပ်အတည်းများကို ရင်ဆိုင်နိုင်ရန် ထိုင်ဝမ်ပြင်ဆင်

စစ်မက်ဖြစ်ပွားချိန် အကျပ်အတည်းများကို ရင်ဆိုင်နိုင်ရန် ထိုင်ဝမ်ပြင်ဆင် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၆ ရက်။ ထိုင်ဝမ်နိုင်ငံတွင် …

  • August 6, 2026
မြန်မာစစ်အုပ်စုခေါင်းဆောင် ထိုင်းနှင့် စီးပွားရေးဆိုင်ရာ သဘောတူညီချက်များ လက်မှတ်ထိုးမည် သတင်းနှင့် မီဒီယာကွန်ရက်။ ၂၀၂၆ ခုနှစ်၊ ဩဂုတ်လ ၆ ရက်။ မြန်မာစစ်အုပ်စုခေါင်းဆောင် ဦးမင်းအောင်လှိုင် ဦးဆောင်သော အဖွဲ့သည် ထိုင်းနိုင်ငံအစိုးရ၏ တရားဝင်ဖိတ်ကြားချက်အရ ယနေ့တွင် ထိုင်းနိုင်ငံသို့ ရောက်ရှိလာခဲ့သည်။ ထိုင်းဝန်ကြီးချုပ်၏ ပြောကြားချက်အရ ယခုခရီးစဉ်အတွင်း နှစ်နိုင်ငံ နယ်စပ်ကုန်သွယ်ရေး ပိတ်ဆို့ထားမှုများ၊ နယ်စပ်ဒေသ လုံခြုံရေးနှင့် နယ်စပ်ဖြတ်ကျော် ရာဇဝတ်မှုများ၊ အွန်လိုင်း ငွေလိမ်ဂိုဏ်းများ နှိမ်နင်းရေးနှင့် နယ်စပ်ဖြတ်ကျော် ပတ်ဝန်းကျင် ညစ်ညမ်းမှုဆိုင်ရာ ကိစ္စရပ်များကို ပဓာနထား ဆွေးနွေးသွားမည်ဖြစ်သည်။ အဆိုပါခရီးစဉ်အတွင်း မြန်မာကုန်သည်ကြီးများအသင်းမှ ကိုယ်စားလှယ်အများအပြားလည်း လိုက်ပါလာပြီး ထိုင်းစီးပွားရေးလုပ်ငန်းများနှင့် နားလည်မှုစာချွန်လွှာ (MoU) အများအပြား လက်မှတ်ရေးထိုးရန် ရှိကြောင်း လေ့လာသူများက သုံးသပ်ထားသည်။ ထို့အပြင် ဘန်ကောက်မြို့ Queen Sirikit Convention Center ၌ ထိုင်း-မြန်မာ ချစ်ကြည်ရေးအသင်းမှ ဦးစီးကျင်းပသည့် "ထိုင်း-မြန်မာ စီးပွားရေးဖိုရမ် ၂၀၂၆" ကိုလည်း အချိန်ကိုက် ကျင်းပသွားမည်ဖြစ်ကြောင်း ဦးဆောင်ကျင်းပသည့် အဖွဲ့က ကြေညာထားသည်။ အဆိုပါ စီးပွားရေးဖိုရမ်သို့ စစ်အုပ်စုခေါင်းဆောင် ဦးမင်းအောင်လှိုင်နှင့် ထိုင်းဝန်ကြီးချုပ် အနုတင် ချာန်ဗီရာကူးလ် တို့ တက်ရောက် အမှာစကား ပြောကြားမည်ဟု Khaosod သတင်းတွင် ဖော်ပြထားသည်။ မနေ့ကလည်း စစ်အုပ်စုခေါင်းဆောင်ကို ကြိုဆိုမည့် အခမ်းအနား ပြင်ဆင်မှုများကို ထိုင်းဝန်ကြီးချုပ်ကိုယ်တိုင် ကြီးကြပ်ကွပ်ကဲနေသည်ကို ထိုင်းသတင်းများ၌ တွေ့ရှိရသည်။ စစ်အုပ်စုခေါင်းဆောင်၏ ခရီးစဉ်နှင့် ပတ်သက်၍ မြန်မာလှုပ်ရှားတက်ကြွသူများက ပြင်းထန်စွာ ကန့်ကွက်ထားကြပြီး ရိုဟင်ဂျာ အဖွဲ့အစည်းတစ်ခုကမူ စစ်အုပ်စုခေါင်းဆောင်အား ဖမ်းဆီး၍ ဝရမ်းထုတ်ထားသည့် အာဂျင်တီးနားတရားရုံးသို့ လွှဲပြောင်းပေးရန် ထိုင်းအစိုးရကို တောင်းဆိုထားသည်။ လွန်ခဲ့သည့် ဇူလိုင်လနှောင်းပိုင်းကလည်း မြန်မာစစ်အုပ်စုနှင့် ထိုင်းနိုင်ငံ၏ PTTEP စွမ်းအင်ကုမ္ပဏီတို့အကြား သဘာဝဓာတ်ငွေ့ဆိုင်ရာ သဘောတူညီချက်အသစ်တစ်ရပ် လက်မှတ်ရေးထိုးခဲ့ကြသည်။ #ဦးမင်းအောင်လှိုင် #အနုတင်ချာန်ဗီရာကူးလ်

မြန်မာစစ်အုပ်စုခေါင်းဆောင် ထိုင်းနှင့် စီးပွားရေးဆိုင်ရာ သဘောတူညီချက်များ လက်မှတ်ထိုးမည်

မြန်မာစစ်အုပ်စုခေါင်းဆောင် ထိုင်းနှင့် စီးပွားရေးဆိုင်ရာ သဘောတူညီချက်များ လက်မှတ်ထိုးမည် သတင်းနှင့် မီဒီယာကွန်ရက်။၂၀၂၆ ခုနှစ်၊ ဩဂုတ်လ ၆ ရက်။ မြန…

  • August 6, 2026
နအူရူး ကျွန်းနိုင်ငံက တရားဝင် နိုင်ငံအမည်အား "နာအိုအဲရိုး" ဟု ပြောင်းလဲ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၅ ရက်။   ကမ္ဘာပေါ်တွင် တတိယမြောက် အသေးငယ်ဆုံး ကျွန်းနိုင်ငံဖြစ်သည့် နအူရူး (Nauru) နိုင်ငံသည် ၎င်းတို့၏ မူရင်း ဘာသာစကား အခေါ်အဝေါ်အတိုင်း "နာအိုအဲရိုး သမ္မတနိုင်ငံ" (Republic of Naoero) ဟု တရားဝင် နိုင်ငံအမည် ပြောင်းလဲလိုက်ကြောင်း သမ္မတ ဒေးဗစ် အာဒီယန်း (David Adeang) က ကြေညာခဲ့သည်။   အဆိုပါ နိုင်ငံသည် ဗာတီကန်စီးတီးနှင့် တူဗာလူး နိုင်ငံတို့ပြီးလျှင် လူဦးရေအရ ကမ္ဘာ့တတိယ အသေးငယ်ဆုံး နိုင်ငံဖြစ်ပြီး လူဦးရေ ၁၂,၀၀၀ နီးပါး ရှိသည်။   အမည်ပြောင်းလဲလိုက်ခြင်းကြောင့် အပြည်ပြည်ဆိုင်ရာ အတိုကောက် သင်္ကေတမှာ NRU အစား NRO ဖြစ်လာမည်ဖြစ်ပြီး နိုင်ငံသားများကိုလည်း dei-Naoero ဟု ခေါ်ဆိုသွားမည် ဖြစ်သည်။   အဆိုပါ အမည်ပြောင်းလဲမှုကို ပါလီမန် အတည်ပြုချက်၊ အဓိက နိုင်ငံတကာ အဖွဲ့အစည်းများ၏ အသိအမှတ်ပြုမှုတို့ဖြင့် ဆောင်ရွက်ခဲ့ခြင်းဖြစ်ပြီး ကုလသမဂ္ဂ (UN)၊ အမေရိကန်၊ တရုတ်၊ ဩစတြေးလျနှင့် ဖီဂျီ နိုင်ငံတို့ကလည်း ၎င်းတို့၏ တရားဝင် ဝဘ်ဆိုက်များတွင် Naoero ဟု ပြောင်းလဲသုံးစွဲနေပြီ ဖြစ်သည်။   ယင်းကျွန်းနိုင်ငံသည် ၁၉၆၈ ခုနှစ်တွင် လွတ်လပ်ရေးရရှိခဲ့ပြီး ၁၉၇၀ ပြည့်လွန်နှစ်များက ဖော့စဖိတ် (Phosphate) သတ္တု တူးဖော်မှုကြောင့် ချမ်းသာကြွယ်ဝခဲ့သော်လည်း လက်ရှိတွင် ရာသီဥတုပြောင်းလဲမှုကြောင့် ရေထုမြင့်တက်လာသည့် အန္တရာယ်ကို အဆိုးရွားဆုံး ရင်ဆိုင်နေရသော နိုင်ငံတစ်နိုင်ငံ ဖြစ်သည်။   #Nauru #RepublicofNaoero #Naoero

နအူရူး ကျွန်းနိုင်ငံက တရားဝင် နိုင်ငံအမည်အား “နာအိုအဲရိုး” ဟု ပြောင်းလဲ

နအူရူး ကျွန်းနိုင်ငံက တရားဝင် နိုင်ငံအမည်အား "နာအိုအဲရိုး" ဟု ပြောင်းလဲ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၅ ရက်။  ကမ္ဘာပေါ်တွင်…

  • August 5, 2026
ဂွါတီမာလာ နိုင်ငံတွင် မီးတောင် ပေါက်ကွဲမှုကြောင့် ရွာသားများ အရေးပေါ် ရွှေ့ပြောင်း   သတင်းနှင့် မီဒီယာ ကွန်ရက်။ 
၂၀၂၆ ခုနှစ်၊ ဩဂုတ်လ ၅ ရက်။   ဂွာတီမာလာနိုင်ငံရှိ ဖူအဲဂို (Fuego) မီးတောင် ပြင်းထန်စွာ ပေါက်ကွဲပြီး ချော်ရည်များနှင့် ပြာပူများ ပန်းထွက်နေသည့်အတွက် အနီးအနား ကျေးရွာအချို့မှ ပြည်သူများကို ဘေးလွတ်ရာသို့ အရေးပေါ် ရွှေ့ပြောင်းပေးနေရသည်။   အနောက်ကမ္ဘာခြမ်းတွင် မီးတောင်လှုပ်ရှားမှု အများဆုံးဖြစ်သည့် အဆိုပါ မီးတောင်သည် တနင်္လာနေ့မှစတင်၍ ပေါက်ကွဲခဲ့ခြင်းဖြစ်သည်။   လက်ရှိတွင် ပူပြင်းသည့် မီးတောင်ဓာတ်ငွေ့များ၊ ပြာပူများနှင့် ကျောက်ခဲအပျက်အစီးများ ပါဝင်သည့် မီးတောင်စီးကြောင်းများသည် မီးတောင်၏ အရှေ့တောင်ဘက် တောင်စောင်းအတိုင်း စီးဆင်းနေတယ်လို့ သဘာဝဘေး စောင့်ကြည့်ရေးအဖွဲ့က အင်္ဂါနေ့အစောပိုင်းတွင် သတင်းထုတ်ပြန်သည်။   ယင်းအခြေအနေကြောင့် ဂွာတီမာလာ သဘာဝဘေးအန္တရာယ် စီမံခန့်ခွဲရေးအေဂျင်စီက တစ်နိုင်ငံလုံးအတိုင်းအတာဖြင့် ဒုတိယအမြင့်ဆုံး လိမ္မော်ရောင်အဆင့် သတိပေးချက် ထုတ်ပြန်ထားသည်။   မီးတောင် ပေါက်ကွဲမှုများ ထပ်မံဖြစ်ပေါ်နိုင်ပြီး မီးတောင်ပြာမိုးများ ကျရောက်နိုင်သဖြင့် အနီးအနားရှိ စာသင်ကျောင်းများကို ပိတ်ထားလိုက်သကဲ့သို့ ဒေသခံများအား အိမ်တံခါးနှင့် ပြတင်းပေါက်များကို လုံအောင်ပိတ်ထားကြရန် သတိပေးထားသည်။   ဖူအဲဂိုမီးတောင်သည် ယူနက်စကို ကမ္ဘာ့အမွေအနှစ်စာရင်းဝင် အန်တီဂွာ (Antigua) မြို့၏ အနောက်ဘက် ၁၀ မိုင်အကွာတွင် တည်ရှိပြီး အာဏာပိုင်များက ခရီးသွားများနှင့် ဒေသခံများအား အန္တရာယ်ရှိသော မီးတောင်စောင်း ဧရိယာများသို့ မသွားရောက်ကြရန် နှိုးဆော်ထားသည်။   Photo: Moises Castillo/AP    #Fuego #Antigua

ဂွါတီမာလာ နိုင်ငံတွင် မီးတောင် ပေါက်ကွဲမှုကြောင့် ရွာသားများ အရေးပေါ် ရွှေ့ပြောင်း 

ဂွါတီမာလာ နိုင်ငံတွင် မီးတောင် ပေါက်ကွဲမှုကြောင့် ရွာသားများ အရေးပေါ် ရွှေ့ပြောင်း  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၅ ရက်။  ဂ…

  • August 5, 2026
ဂါဇာတွင် လူပေါင်း ၁၁၂ ဦး၏ အစုအပြုံလိုက် ဈာပနအခမ်းအနား ကျင်းပ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၅ ရက်။   ၂၀၂၃ ခုနှစ် ဂါဇာစစ်ပွဲ အစောပိုင်းက အစ္စရေး၏ လေကြောင်းတိုက်ခိုက်မှုကြောင့် သေဆုံးခဲ့ရသည့် ပါလက်စတိုင်း ၁၁၂ ဦး၏ ရုပ်အလောင်းများကို အပျက်အစီးများအောက်မှ ပြန်လည်တူးဖော် ရရှိခဲ့ပြီးနောက် ဂါဇာမြို့တွင် အစုလိုက်အပြုံလိုက် ဈာပန အခမ်းအနားကို ကျင်းပခဲ့ကြသည်။     သေဆုံးသူများမှာ ၂၀၂၃ ခုနှစ် နိုဝင်ဘာလ ၂၂ ရက်က ဂါဇာမြို့ရှိ လူနေအဆောက်အအုံ တိုက်တန်းတစ်ခု တိုက်ခိုက်ခံရမှုကြောင့် သေဆုံးခဲ့သည့် ဆွေမျိုးတော်စပ်ကြသော မိသားစုကြီး နှစ်ခုမှ အဖွဲ့ဝင်များ ဖြစ်ကြသည်။     ၎င်းတို့အနက် အများစုမှာ အမျိုးသမီးများနှင့် ကလေးငယ်များ ဖြစ်ကြသည်။ စာရင်းများအရ သေဆုံးသူ ၁၁၂ ဦးတွင် ကလေးငယ် ၄၄ ဦး၊ အမျိုးသမီး ၃၈ ဦးနှင့် မသန်စွမ်းသူ ၇ ဦး ပါဝင်သည်။   အပြည်ပြည်ဆိုင်ရာ ကြက်ခြေနီကော်မတီ (ICRC) ၏ ထောက်ပံ့ကူညီမှုဖြင့် ဂါဇာ မြို့ပြကာကွယ်ရေး အဖွဲ့က ရုပ်အလောင်း တူးဖော်ရေး လုပ်ငန်းများကို ဆောင်ရွက်ခဲ့ခြင်းဖြစ်ပြီး အပျက်အစီးများအောက်တွင် ရုပ်အလောင်း အများအပြား ကျန်ရှိနေသေးသည်ဟု ဆိုသည်။   အခမ်းအနားတွင် ရုပ်အလောင်းများကို ပါလက်စတိုင်း အလံများ၊ သေဆုံးသူများ၏ ဓာတ်ပုံများနှင့်တကွ ခင်းကျင်းထားပြီး ဆွေမျိုးသားချင်းများက နောက်ဆုံးခရီးစဉ်သို့ လိုက်ပါပို့ဆောင်ခဲ့ကြသည်။   ကုလသမဂ္ဂက ယုံကြည်စိတ်ချရသည်ဟု သတ်မှတ်ထားသည့် ဂါဇာ ကျန်းမာရေးဝန်ကြီးဌာန၏ ထုတ်ပြန်ချက်အရ စစ်ပွဲစတင်ချိန်မှစ၍ လက်ရှိအချိန်ထိ ဂါဇာတွင် သေဆုံးသူ စုစုပေါင်း အနည်းဆုံး ၇၃,၃၇၇ ဦးရှိပြီ ဖြစ်သည်။   #GAZA #Funeral

ဂါဇာတွင် လူပေါင်း ၁၁၂ ဦး၏ အစုအပြုံလိုက် ဈာပနအခမ်းအနား ကျင်းပ 

ဂါဇာတွင် လူပေါင်း ၁၁၂ ဦး၏ အစုအပြုံလိုက် ဈာပနအခမ်းအနား ကျင်းပ  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၅ ရက်။  ၂၀၂၃ ခုနှစ် ဂါဇာစစ…

  • August 5, 2026
တရုတ်၏ စစ်ရေး လှုပ်ရှားမှုသည် အကြီးမားဆုံး စိန်ခေါ်မှု ဖြစ်သည်ဟု ဂျပန် ထုတ်ပြန်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၅ ရက်။   ဂျပန်အစိုးရသည် စာမျက်နှာ ၅၉၈ မျက်နှာပါဝင်သော အမျိုးသား ကာကွယ်ရေး အစီရင်ခံစာ (Defense White Paper) ကို အင်္ဂါနေ့တွင် တရားဝင် ထုတ်ပြန်လိုက်ပြီး တရုတ်နိုင်ငံ၏ စစ်ရေးလှုပ်ရှားမှုများသည် ဂျပန်နိုင်ငံအတွက် အကြီးမားဆုံး စိန်ခေါ်မှုဖြစ်ကြောင်း ဖော်ပြလိုက်သည်။   အဆိုပါ အစီရင်ခံစာတွင် ယူကရိန်းနှင့် အရှေ့အလယ်ပိုင်း စစ်ပွဲများ၌ သုံးစွဲနေသည့် ဒရုန်း နည်းပညာများနှင့် အတုပြုလုပ်ထားသော ဉာဏ်ရည် (AI) တို့ကို အသုံးချ၍ စစ်ရေးစွမ်းရည် တိုးမြှင့်သွားမည်ဟု ပါဝင်သည်။   အထူးသဖြင့် ပစိဖိတ်သမုဒ္ဒရာအတွင်း တရုတ်စစ်သင်္ဘောများ လှုပ်ရှားမှု များပြားလာခြင်း၊ တိုင်ဝမ်အရေး တင်းမာလာခြင်းနှင့် ဂျပန်နိုင်ငံ၏ လူဦးရေ လျှော့နည်းလာခြင်းတို့ကြောင့် စစ်ရေး တည်ဆောက်မှုများကို အရှိန်အဟုန်မြှင့် ဆောင်ရွက်သွားရန်လိုအပ်ကြောင်း ထောက်ပြထားသည်။   မကြာသေးမီက ဂျပန်နိုင်ငံ၏ တိုမာဟော့ခ် (Tomahawk) ဒုံးကျည် စမ်းသပ်ပစ်ခတ်မှုကို မြောက်ကိုရီးယား ခေါင်းဆောင် ကင်မ်ဂျုံအန်း၏ ညီမဖြစ်သူ ကင်မ်ယိုးဂျုံက ဝေဖန်ရှုတ်ချခဲ့ကြောင်း မြောက်ကိုရီးယား အစိုးရပိုင် KCNA သတင်းဌာနက ဖော်ပြသည်။     တစ်ချိန်တည်းတွင် ဂျပန်နိုင်ငံသည် ပြည်တွင်း လက်နက်ထုတ်လုပ်မှု ကဏ္ဍကို မြှင့်တင်လျက်ရှိပြီး ဩစတြေးလျ၊ နယူးဇီလန်နှင့် ဖိလစ်ပိုင် အပါအဝင် အိမ်နီးချင်း နိုင်ငံများသို့ စစ်သင်္ဘောများနှင့် ကာကွယ်ရေး နည်းပညာများ စတင် ရောင်းချပေးနေပြီဖြစ်သည်။   အဆိုပါ အစီရင်ခံစာနှင့် ပတ်သက်၍ တရုတ် ကာကွယ်ရေးဝန်ကြီးဌာနက ဂျပန်နိုင်ငံသည် စစ်အင်အား တိုးချဲ့ရန်အတွက် မဟုတ်မမှန် သတင်းများဖြင့် ဆင်ခြေပေးနေခြင်းဖြစ်ကြောင်း ချက်ချင်း တုံ့ပြန် ကန့်ကွက်ခဲ့သည်။

တရုတ်၏ စစ်ရေး လှုပ်ရှားမှုသည် အကြီးမားဆုံး စိန်ခေါ်မှု ဖြစ်သည်ဟု ဂျပန် ထုတ်ပြန်

တရုတ်၏ စစ်ရေး လှုပ်ရှားမှုသည် အကြီးမားဆုံး စိန်ခေါ်မှု ဖြစ်သည်ဟု ဂျပန် ထုတ်ပြန် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၅ ရက်။ ဂျပန်အစိုးရ…

  • August 5, 2026
×Close