ဂျပန် – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Tag Archive

Tag: ဂျပန်

သြစတြေးလျနှင့် ဂျပန်တို့ စွမ်းအင်နှင့် အရေးကြီးသတ္တုကဏ္ဍ ပူးပေါင်းမည် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မေလ ၅ ရက်။ ဂျပန်ဝန်ကြီးချုပ် ဆာနိုင်း တာကာအီချီ (Sanae Takaichi) ၏ သြစတြေးလျ ၃ ရက်ကြာ ခရီးစဉ်အတွင်း နှစ်နိုင်ငံအကြား စွမ်းအင်၊ စားနပ်ရိက္ခာနှင့် အရေးကြီးသတ္တုတွင်းထွက် (Critical Minerals) ကဏ္ဍများတွင် ပူးပေါင်းဆောင်ရွက်ရန် သဘောတူညီခဲ့ကြသည်။ သြစတြေးလျဝန်ကြီးချုပ် အန်ထော်နီ အယ်လ်ဘာနီးစ် (Anthony Albanese) နှင့် တွေ့ဆုံစဉ် ကမ္ဘာ့စီးပွားရေး မတည်ငြိမ်မှုများမှ ကာကွယ်ရန် စီးပွားရေးလုံခြုံမှုဆိုင်ရာ မဟာဗျူဟာမြောက် လက်တွဲလုပ်ဆောင်ရန် ဆုံးဖြတ်ခဲ့ခြင်းဖြစ်သည်။ သြစတြေးလျအစိုးရအနေဖြင့် ဂျပန်နှင့် ဆက်စပ်နေသော အရေးကြီးသတ္တုစီမံကိန်းများအတွက် သြစတြေးလျဒေါ်လာ ၁.၃ ဘီလီယံ ထောက်ပံ့မည်ဖြစ်ပြီး နီကယ်၊ ဂရပ်ဖိုက်နှင့် မြေရှားသတ္တုများကို ဂျပန်သို့ တည်ငြိမ်စွာ တင်ပို့သွားမည်ဖြစ်သည်။ ဂျပန်နိုင်ငံသည် ၎င်း၏ စွမ်းအင်လိုအပ်ချက် ၃ ပုံ ၁ ပုံကို သြစတြေးလျထံမှ ရယူနေရပြီး ပြီးခဲ့သည့်လကလည်း ဂျပန်နိုင်ငံထုတ် စစ်သင်္ဘောများကို သြစတြေးလျသို့ ဒေါ်လာ ၁၀ ဘီလီယံ ဖိုး ရောင်းချရန် သဘောတူညီထားခဲ့သည်။ #ဂျပန်ဩစတြေးလျ #SanaeTakaichi #AnthonyAlbanese

သြစတြေးလျနှင့် ဂျပန်တို့ စွမ်းအင်နှင့် အရေးကြီးသတ္တုကဏ္ဍ ပူးပေါင်းမည်

ဂျပန်နှင့် အမေရိကန် ပေါင်း၍ မြေရှားသတ္တု တူးဖော်မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၉ ရက်။ ဂျပန်နိုင်ငံ အနီး မြေရှားသတ္တု (Rare Earth) ကြွယ်ဝသော ပင်လယ်ရေအောက်ရွှံ့နွံများ ဖော်ထုတ်ရေးအတွက် ဂျပန်နှင့် အမေရိကန်အစိုးရတို့ ပူးပေါင်းဆောင်ရွက်ရန် သဘောတူညီခဲ့ကြောင်း နစ်ကေးသတင်းစာက ဖော်ပြသည်။ ဝါရှင်တန်ဒီစီတွင် ကျင်းပမည့် ဂျပန်ဝန်ကြီးချုပ် ဆာနိုင်း တာကာအီချီ (Sanae Takaichi) နှင့် သမ္မတ ဒေါ်နယ်ထရန့်တို့၏ ထိပ်သီးဆွေးနွေးပွဲတွင် အဆိုပါ နားလည်မှုစာချွန်လွှာ (MoU) ကို လက်မှတ်ရေးထိုးမည် ဖြစ်သည်။ နှစ်နိုင်ငံပူးပေါင်း၍ လုပ်ငန်းအဖွဲ့ (Working Group) တစ်ခု ဖွဲ့စည်းကာ မီနာမီ-တိုရီရှီးမား (Minami-Torishima) ကျွန်းအနီးရှိ မြေရှားသတ္တုနှင့် မဂ္ဂနိစ် (Manganese) ကဲ့သို့သော ရှားပါးသတ္တုများ ဖော်ထုတ်ခြင်း၊ အချက်အလက်ဖလှယ်ခြင်းနှင့် စက်ပစ္စည်းအခြေခံအဆောက်အအုံများကို အပြန်အလှန် အသုံးပြုခြင်းတို့ လုပ်ဆောင်သွားမည်ဖြစ်သည်။ ဤလုပ်ဆောင်ချက်သည် ကမ္ဘာ့မြေရှားသတ္တုထုတ်လုပ်မှုကို ထိန်းချုပ်ထားသည့် တရုတ်နိုင်ငံ၏ စီးပွားရေးအရ ဖိအားပေးမှုများကို တုံ့ပြန်ရန်နှင့် ကိုယ်ပိုင်အရင်းအမြစ် ရှာဖွေရန်အတွက် မဟာဗျူဟာမြောက် ခြေလှမ်းတစ်ရပ် ဖြစ်သည်။ #JapanRareEarth #AmericaJapan #မြေရှားသတ္တုတူးဖော်ရေး #အမေရိကန်ဂျပန်သဘောတူညီမှု

ဂျပန်နှင့် အမေရိကန် ပေါင်း၍ မြေရှားသတ္တု တူးဖော်မည်

ဂျပန်က ထိုင်ဝမ်ကျွန်းနှင့် မိုင် ၇၀ ခန့် အကွာတွင် ဒုံးကျည်စနစ် ချထားမည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂၆ ရက်။ တရုတ်နိုင်ငံနှင့် ဆက်ဆံရေးတင်းမာနေစဉ်အတွင်း ဂျပန်နိုင်ငံသည် ထိုင်ဝမ်ကျွန်းနှင့် ၆၈ မိုင်ခန့်သာ ဝေးကွာသော ယိုနာဂူနီ (Yonaguni) ကျွန်းတွင် ဒုံးကျည်စခန်းတည်ဆောက်မည့် အစီအစဉ်ကို ကြေညာလိုက်ပါသည်။ ဂျပန်ကာကွယ်ရေးဝန်ကြီး ရှင်ဂျီရို ကိုအီဇူမိ၏ ပြောကြားချက်အရ အဆိုပါဒုံးကျည်တပ်ဖွဲ့ကို ၂၀၃၀ ပြည့်နှစ်တွင် အပြီးသတ်တပ်ဖြန့်မည်ဖြစ်သည်။ ဒုံးကျည်များမှာ ဂျပန်နိုင်ငံထုတ် အလတ်စား မြေပြင်မှ ဝေဟင်ပစ် (Surface-to-air) အမျိုးအစားများ ဖြစ်ကြပါသည်။ ၎င်းဒုံးကျည်စနစ်သည် ၃၆၀ ဒီဂရီ ပတ်လည် ပစ်ခတ်နိုင်သည့်အပြင် ပစ်မှတ် ၁၀၀ ကို တစ်ပြိုင်နက် ထောက်လှမ်း၍ ပစ်မှတ် ၁၂ ခုကို တစ်ချိန်တည်း ကြားဖြတ်ဟန့်တားနိုင်စွမ်း ရှိပါသည်။ ထို့အပြင် ၂၀၂၆ ခုနှစ်အတွင်း ရန်သူ့ဆက်သွယ်ရေးနှင့် ရေဒါများကို နှောင့်ယှက်နိုင်မည့် အီလက်ထရွန်နစ် စစ်ဆင်ရေးတပ်ဖွဲ့ကိုလည်း အဆိုပါကျွန်းတွင် အခြေစိုက်ရန် စီစဉ်ထားသဖြင့် ယိုနာဂူနီကျွန်းသည် ဂျပန်နိုင်ငံ၏ အရေးပါသော ရှေ့တန်းစစ်စခန်းတစ်ခု ဖြစ်လာနေပါသည်။ #Japan #Taiwan #ChinaJapanTention

ဂျပန်က ထိုင်ဝမ်ကျွန်းနှင့် မိုင် ၇၀ ခန့် အကွာတွင် ဒုံးကျည်စနစ် ချထားမည်

ဂျပန် အစိုးရသစ်၏ ကာကွယ်ရေး မူဝါဒများကို တရုတ်စိုးရိမ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၁ ရက်။ ဂျပန်နိုင်ငံတွင် ကျင်းပခဲ့သော ရွေးကောက်ပွဲ၌ ဝန်ကြီးချုပ် ဆာနာအဲ တာကာအီချီ ဦးဆောင်သော အာဏာရပါတီ (LDP) က အောက်လွှတ်တော်၏ သုံးပုံနှစ်ပုံကျော် အနိုင်ရရှိခဲ့သည်။ ထို့ကြောင့် ဂျပန်ကိုယ်ပိုင်ကာကွယ်ရေးတပ် (SDF) ကို တရားဝင် "စစ်တပ်" တစ်ခုအဖြစ် ပြောင်းလဲဖွဲ့စည်းရန် အခွင့်အလမ်းရရှိသွားခဲ့သည်။ ယင်းသည် တရုတ်နိုင်ငံနှင့် ဆက်ဆံရေးကို ပိုမိုတင်းမာလာစေနိုင်ကြောင်း အကဲခတ်များက သုံးသပ်ကြသည်။ ဂျပန်ဝန်ကြီးချုပ်သည် ကာကွယ်ရေးအသုံးစရိတ်ကို ပြည်တွင်းအသားတင်ထုတ်ကုန် (GDP) ၏ ၂ ရာခိုင်နှုန်းအထိ ရောက်ရှိရန် ယခင်သတ်မှတ်ထားသော အချိန်ဇယားထက်စော၍ ၂၀၂၆ ခုနှစ်၊ မတ်လကုန်တွင် အကောင်အထည်ဖော်ရန် တွန်းအားပေးနေသည်။ ထို့ပြင် လက်နက်ပစ္စည်းများ ပြည်ပသို့ တင်ပို့ရောင်းချမှုကို ဖြေလျှော့ရန်နှင့် အခြားနိုင်ငံများနှင့် ကာကွယ်ရေးဆိုင်ရာ ပူးတွဲစီမံကိန်းများ လုပ်ဆောင်ရန် စီစဉ်လျက်ရှိသည်။ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူကမူ ဂျပန်အနေဖြင့် နိုင်ငံတကာ၏ စိုးရိမ်မှုများကို လျစ်လျူမရှုရန်နှင့် စစ်ရေးဝါဒ အမှားများကို မလုပ်ဆောင်ရန် တိုက်တွန်းပြောကြားခဲ့သည်။

ဂျပန် အစိုးရသစ်၏ ကာကွယ်ရေး မူဝါဒများကို တရုတ်စိုးရိမ်

ဂျပန်နိုင်ငံက ကမ္ဘာ့အကြီးဆုံး နျူကလီးယားစက်ရုံကို ပြန်လည်စတင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၂ ရက်။ ဂျပန်နိုင်ငံသည် ၂၀၁၁ ခုနှစ် ဖူကူရှီးမား နျူကလီးယားမတော်တဆမှုအပြီး ပိတ်ထားခဲ့ရသည့် ကမ္ဘာ့အကြီးဆုံး နျူကလီးယားဓာတ်အားပေးစက်ရုံကို ၂၀၂၆ ခုနှစ်၊ ဇန်နဝါရီလ ၂၁ ရက်တွင် ပြန်လည်စတင် လည်ပတ်လိုက်ပြီ ဖြစ်သည်။ တိုကျိုမြို့ အနောက်မြောက်ဘက်ရှိ ကာရှီဝါဇာကီ-ကာရီဝါ (Kashiwazaki-Kariwa) စက်ရုံမှ ဓာတ်ပေါင်းဖိုအမှတ် (၆) ကို စတင်မောင်းနှင်ခဲ့ခြင်း ဖြစ်သည်။ အဆိုပါ ဓာတ်ပေါင်းဖိုအမှတ် (၆) သည် လျှပ်စစ်မီဂါဝပ် ၁,၃၅၆ အထိ ထုတ်လုပ်နိုင်စွမ်းရှိပြီး ၎င်းနှင့်အမျိုးအစားတူ ဓာတ်ပေါင်းဖိုအမှတ် (၇) ကိုလည်း ၂၀၃၀ ပြည့်နှစ်တွင် ပြန်လည်ဖွင့်လှစ်နိုင်ရန် မျှော်မှန်းထားသည်။ ကာရှီဝါဇာကီ-ကာရီဝါ စက်ရုံတွင် ဓာတ်ပေါင်းဖို စုစုပေါင်း ၇ ခုရှိရာ အမှတ် (၁) မှ (၅) အထိမှာ မီဂါဝပ် ၁,၁၀၀ ထုတ်လုပ်နိုင်သည့် ရိုးရိုးရေဆူဓာတ်ပေါင်းဖို (BWR) များဖြစ်ပြီး၊ အမှတ် (၆) နှင့် (၇) မှာမူ ပိုမိုအဆင့်မြင့်သည့် နည်းပညာသုံး ဓာတ်ပေါင်းဖို (ABWR) များ ဖြစ်ကြသည်။ ဖူကူရှီးမားဖြစ်ရပ်ကြောင့် ဂျပန်တစ်နိုင်ငံလုံးရှိ ဓာတ်ပေါင်းဖို ၅၄ ခုစလုံးကို ပိတ်သိမ်းခဲ့သော်လည်း၊ ဘေးကင်းလုံခြုံရေး စံနှုန်းသစ်များ ချမှတ်ကာ ၂၀၂၅ ခုနှစ်အတွင်း၌ ဓာတ်ပေါင်းဖို ၁၅ ခုကို ပြန်လည်လည်ပတ်နိုင်ခဲ့သည်။ လက်ရှိ ဝန်ကြီးချုပ် ဆာနိုင်း တာကာအိချိသည် နျူကလီးယားစွမ်းအင် ပြန်လည်အသုံးပြုရေးကို အားပေးသူတစ်ဦးဖြစ်ပြီး၊ ဂျပန်နိုင်ငံ၏ စွမ်းအင်လိုအပ်ချက်အတွက် နျူကလီးယားစွမ်းအင်မှာ အလွန်အရေးပါသော ကဏ္ဍတွင် ဆက်လက်တည်ရှိနေသည်။ #နျူကလီးယားစက်ရုံ #ဂျပန် #Kashiwazaki #Kariwa #နျူကလီးယားစွမ်းအင်

ဂျပန်နိုင်ငံက ကမ္ဘာ့အကြီးဆုံး နျူကလီးယားစက်ရုံကို ပြန်လည်စတင်

ဒေသတွင်းတင်းမာမှုကို တုံ့ပြန်ရန် ဂျပန်နှင့် ဖိလစ်ပိုင်တို့ လုံခြုံရေးစာချုပ်များ လက်မှတ်ရေးထိုး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၆ ရက်။ ဖိလစ်ပိုင်နှင့် ဂျပန်နိုင်ငံတို့သည် ဒေသတွင်း၌ တရုတ်၏ နယ်မြေချဲ့ထွင်လာမှုနှင့် တောင်တရုတ်ပင်လယ် တင်းမာမှုများကို ရင်ဆိုင်ရန်အတွက် ၂၀၂၆ ခုနှစ်၊ ဇန်နဝါရီလ ၁၅ ရက်တွင် စစ်ဘက်ဆိုင်ရာ သဘောတူညီချက်နှစ်ရပ်ကို လက်မှတ်ရေးထိုးခဲ့ကြသည်။ ဤပူးပေါင်းဆောင်ရွက်မှုသည် အမေရိကန်၊ ဂျပန်နှင့် ဖိလစ်ပိုင် သုံးနိုင်ငံ မဟာဗျူဟာမြောက် မဟာမိတ်ဖွဲ့မှုကို ပိုမိုခိုင်မာစေမည်ဟု ဖိလစ်ပိုင် သမ္မတက ပြောသည်။ ပထမသဘောတူညီချက်မှာ "စစ်ဘက်ဆိုင်ရာ ထောက်ပံ့မှုနှင့် ဝန်ဆောင်မှု အပြန်အလှန်လဲလှယ်ရေး သဘောတူညီချက်" (ACSA) ဖြစ်ပြီး နှစ်နိုင်ငံစစ်တပ်အချင်းချင်း ရိက္ခာနှင့် အပိုပစ္စည်းများကို အပြန်အလှန် အလျင်အမြန် ပံ့ပိုးပေးနိုင်မည်ဖြစ်သည်။ ဒုတိယအနေဖြင့် "တရားဝင် လုံခြုံရေး အကူအညီ" (OSA) အစီအစဉ်အရ ဂျပန်နိုင်ငံက ဖိလစ်ပိုင်သို့ အမေရိကန်ဒေါ်လာ ၆ သန်း ထောက်ပံ့မည်ဖြစ်ကာ အဆိုပါငွေကြေးကို ဂျပန်ကလှူဒါန်းထားသည့် အမြန်ပြေးမော်တော်ဘုတ်များ ထားရှိမည့် အဆောက်အအုံများ တည်ဆောက်ရာတွင် အသုံးပြုမည်ဖြစ်သည်။ ဂျပန်နိုင်ငံခြားရေးဝန်ကြီး Motegi က ပိုမိုဆိုးရွားလာသော မဟာဗျူဟာမြောက် ပတ်ဝန်းကျင်ကြောင့် ဤသို့ပူးပေါင်းဆောင်ရွက်ရန် လိုအပ်ကြောင်း ပြောကြားခဲ့ပြီး နှစ်နိုင်ငံလုံးက ပင်လယ်ရေကြောင်း လွတ်လပ်စွာ သွားလာခွင့်နှင့် တရားဥပဒေစိုးမိုးရေးကို မြှင့်တင်ရန် ကတိပြုခဲ့ကြသည်။

ဒေသတွင်းတင်းမာမှုကို တုံ့ပြန်ရန် ဂျပန်နှင့် ဖိလစ်ပိုင်တို့ လုံခြုံရေးစာချုပ်များ လက်မှတ်ရေးထိုး

တရုတ် နယ်နမိတ် အနီးကပ်လျက် ဂျပန်က စစ်ရေး လေ့ကျင့်ခန်းကြီး လုပ်မည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၈ ရက်။ ဂျပန်ဦးဆောင်သည့် အင်အား ၅၀,၀၀၀ ကျော် ပါဝင်မည့် စစ်ရေး လေ့ကျင့်ခန်း တစ်ခုကို အမေရိကန်၊ ဩစတေးလျတို့နှင့် အတူ အောက်တိုဘာ လ အတွင်း လုပ်သွားရန် ပြင်ဆင်နေသည်။ လူအင်အား ၅၂,၃၀၀၊ ယာဉ် ၄ ထောင်ကျော်၊ သင်္ဘော ၆၀ နဲ့ လေယာဉ် ၃၁၀ ပါဝင်မည့် စစ်လေ့ကျင့်ခန်းကို အမေရိကန် အခြေစိုက်စခန်းများ အပါအဝင် ဂျပန် နိုင်ငံ တလျှောက်နှင့် ရေပိုင်နက်၊ လေပိုင်နက်များတွင် လုပ်ဆောင်သွားမည်ဟု ဆိုသည်။ အောက်တိုဘာလ ၂၀ မှ ၃၁ အထိ လုပ်မည့် အဆိုပါစစ်ရေး လေ့ကျင့်မှုတွင် အမေရိကန် က လူအင်အား ၅,၉၀၀ ဩစတေးလျ က လူအင်အား ၂၃၀ ပါဝင် မည် ဖြစ်သည်။ စစ်ရေးလေ့ကျင့်မှုသည် ဂျပန် ကာကွယ်ရေး တပ်ဖွဲ့၏ ပူးပေါင်း စစ်ဆင်ရေးကို လေ့ကျင့်ရန်နှင့် စွမ်းဆောင်ရည်ကို မြှင့်တင်ရန် ဖြစ်သည်ဟု ကြေညာချက်တွင် ဖော်ပြထားသည်။ စစ်လေ့ကျင့်မှုအတွင်း လေကြောင်းကာကွယ်ရေး၊ ဝေဟင်၊ ကုန်းရေနှစ်သွယ်၊ ကုန်းကြောင်းနှင့် ရေကြောင်းဆိုင်ရာစစ်ဆင်ရေးလေ့ကျင့်ခန်းများ ပါဝင်မည်ဟု ထုတ်ပြန်ထားသည်။ ယခု စစ်ဆင်ရေးတွင် ဂျပန်နှင့် အမေရိကန် စစ်စခန်းများသာမက အရပ်ဖက် လေဆိပ်များနှင့် သင်္ဘောဆိပ်များကိုပါ အသုံးပြုသွားမည်ဟုလည်း ဆိုသည်။ ဂျပန်နိုင်ငံ၏ ရဟတ်ယာဉ်တင်သင်္ဘောများကို လေယာဉ်တင် သင်္ဘောများအဖြစ် ပြောင်းလဲထားပြီး မကြာသေးခင်ကမှ ရောက်ရှိလာသည့် F-35B ကိုယ်ပျောက် ဂျက်တိုက်လေယာဉ်များ ယခုစစ်လေ့ကျင့်ရေးတွင် ပါဝင် ခြင်းရှိမရှိကိုတော့ ထုတ်ပြန်ထားခြင်း မရှိသေးပါ။

တရုတ် နယ်နမိတ် အနီးကပ်လျက် ဂျပန်က စစ်ရေး လေ့ကျင့်ခန်းကြီး လုပ်မည်

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ် — August 31, 2026 3:40 pm
နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ — August 31, 2026 3:29 pm
EU နှင့် မပူးပေါင်းရန် အိုက်စလန် လူထု ဆန္ဒပြု — August 31, 2026 3:27 pm

Recent Posts

ချင်းတောင်ပိုင်း မင်းတပ်တွင် စစ်အုပ်စုက လေကြောင်းမှ ဗုံးကြဲ၍ ကလေးများအပါ ၈ ဦး သေဆုံး
ရခိုင်-မကွေး အစပ် မင်းတုန်းတွင် ထွန်စက်များ ချောဆွဲခံရမှုကြောင့် တောင်သူများ စိုးရိမ်ထိတ်လန့်
ရခိုင်မြောက်ပိုင်း မောင်တောနယ်စပ်တွင် ကင်းလှည့်နေသည့် AA နှင့် ARSA, RSO ပူးပေါင်းအဖွဲ့ တိုက်ပွဲဖြစ်
ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ်
နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ

Archives

Archives

×Close