ဂျပန် အစိုးရသစ်၏ ကာကွယ်ရေး မူဝါဒများကို တရုတ်စိုးရိမ်
သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၁၁ ရက်။
ဂျပန်နိုင်ငံတွင် ကျင်းပခဲ့သော ရွေးကောက်ပွဲ၌ ဝန်ကြီးချုပ် ဆာနာအဲ တာကာအီချီ ဦးဆောင်သော အာဏာရပါတီ (LDP) က အောက်လွှတ်တော်၏ သုံးပုံနှစ်ပုံကျော် အနိုင်ရရှိခဲ့သည်။
ထို့ကြောင့် ဂျပန်ကိုယ်ပိုင်ကာကွယ်ရေးတပ် (SDF) ကို တရားဝင် “စစ်တပ်” တစ်ခုအဖြစ် ပြောင်းလဲဖွဲ့စည်းရန် အခွင့်အလမ်းရရှိသွားခဲ့သည်။
ယင်းသည် တရုတ်နိုင်ငံနှင့် ဆက်ဆံရေးကို ပိုမိုတင်းမာလာစေနိုင်ကြောင်း အကဲခတ်များက သုံးသပ်ကြသည်။
ဂျပန်ဝန်ကြီးချုပ်သည် ကာကွယ်ရေးအသုံးစရိတ်ကို ပြည်တွင်းအသားတင်ထုတ်ကုန် (GDP) ၏ ၂ ရာခိုင်နှုန်းအထိ ရောက်ရှိရန် ယခင်သတ်မှတ်ထားသော အချိန်ဇယားထက်စော၍ ၂၀၂၆ ခုနှစ်၊ မတ်လကုန်တွင် အကောင်အထည်ဖော်ရန် တွန်းအားပေးနေသည်။
ထို့ပြင် လက်နက်ပစ္စည်းများ ပြည်ပသို့ တင်ပို့ရောင်းချမှုကို ဖြေလျှော့ရန်နှင့် အခြားနိုင်ငံများနှင့် ကာကွယ်ရေးဆိုင်ရာ ပူးတွဲစီမံကိန်းများ လုပ်ဆောင်ရန် စီစဉ်လျက်ရှိသည်။
တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူကမူ ဂျပန်အနေဖြင့် နိုင်ငံတကာ၏ စိုးရိမ်မှုများကို လျစ်လျူမရှုရန်နှင့် စစ်ရေးဝါဒ အမှားများကို မလုပ်ဆောင်ရန် တိုက်တွန်းပြောကြားခဲ့သည်။
