Karen State – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Tag Archive

Tag: Karen State

ဗုဒ္ဓဟူးနေ့ ရုပ်သံသတင်း (၃၀-၄-၂၅) ဒီနေ့ အစီအစဉ်ထဲမှာတော့ ... နေပြည်တော် ပြန်လည်တည်ဆောက်ရေး ဘယ်သူတွေ ခေါင်းခံရမှာလဲ၊ NUG က အာဆီယံကို ဘယ်လို သတိပေးလိုက်သလဲ၊ ဗီယက်နမ်တွေက သစ္စာတရားရဲ့ အောင်ပွဲ ဆိုပြီး ဘာကြောင့် အောင်ပွဲ ခံနေကြတာလဲ စတာတွေ ကြည့်ရှု နားဆင်ရမှာပါ

ဗုဒ္ဓဟူးနေ့ ရုပ်သံသတင်း (၃၀-၄-၂၅)

ဒီနေ့ အစီအစဉ်ထဲမှာတော့ ... EU က ဗိုလ်ချုပ်မှူးကြီး မင်းအောင်လှိုင်အပါအဝင် စစ်ရေး၊ နိုင်ငံရေး၊ စီးပွားရေး တာဝန်ရှိသူ ၁၀၀ ကျော်ကို အရေးယူပိတ်ဆို့မှု သက်တမ်းတိုးလိုက်တဲ့အကြောင်း တိုက်ပွဲတွေ အကြောင်းနောက်ဆုံးရ သတင်းတွေ တရုတ်က ကမ္ဘာမှာ ပထမဆုံး နျူကလီးယား စွမ်းအင်မသုံးတဲ့ ဟိုက်ဒရိုဂျင်ဗုံးကို စမ်းသပ်အောင်မြင်သွားတော့ ဘာတွေ ဖြစ်လာမှာလဲ။ ဆိုတာနဲ့ ပါကစ္စတန်က နျူကလီးယား ထိပ်ဖူး ၁၃၀ ဟာ အိန္ဒိယ အတွက် ဖြစ်သွားမယ်လို့ ဘာလို့ ပြောလိုက်တာလဲ ဆိုတာတွေ ပါဝင်ပါတယ်။

တနင်္လာနေ့ ည ရုပ်သံသတင်း (၂၈-၄-၂၅)

ကြာသာပတေးနေ့ ရုပ်သံသတင်း (၂၄-၄-၂၅) ဒီနေ့ အစီအစဉ်မှာ စိတ်ဝင်စားစရာတွေက ... အင်းတော်မြို့ကို တော်လှန်ရေးတပ်တွေ သိမ်းလိုက်တဲ့အခါ ပျူစောထီးတွေ ပြည်သူ စစ် တပ်ဖွဲ့တွေကို ဘယ်လို အရေးယူထားပါသလဲ။ ယူကရိန်း စစ်ပွဲက တရုတ် လူမျိုးတွေ အကြောင်း၊ ထိုင်းကို လမ်းကြောင်း အမျိုးမျိုးက ဝင်ရောက်လာသူတွေ မေလ ၁ ရက်နေ့က စလို့ Arrival Card ပြားကို အွန်လိုင်းမှာ ဘယ်လို ဖြည့်စွက်ကြရမှာလဲ ဆိုတာနဲ့ မြန်မာနိုင်ငံက လေယာဉ်စီး ခရီးသွားတွေ အတွက် လေဆိပ်ခွန်ကို ဘယ်လို တိုးမြှင့်မှာလဲ ဆိုတာတွေ ပါဝင်ပါတယ်။

ကြာသာပတေးနေ့ ရုပ်သံသတင်း (၂၄-၄-၂၅)

အပစ်ရပ် ထပ်တိုးကြေညာသည့်ရက်တွင် PNLO ဌာနချုပ်နယ်မြေကို စစ်ကောင်စီ လက်နက်ကြီးဖြင့် ပစ် သတင်းနှင့် မီဒီယာ ကွန်ရက်။ ၂၀၂၅ ခုနှစ် ဧပြီလ ၂၄ ရက်။ အပစ်ရပ် ထပ်တိုးကာလအတွင်း စစ်ကောင်စီက ရှမ်းပြည်တောင်ပိုင်းက ပအိုဝ်းအမျိုးသား လွတ်မြောက်ရေး အဖွဲ့ချုပ် PNLO ဌာနချုပ်အနီးက ကျေးရွာများကို လက်နက်ကြီးများဖြင့် ပစ်ခတ်တိုက်ခိုက်ခံခဲ့ရသည်။ ငလျင်ဘေး ပြန်လည်ထူထောင်ရေး ထပ်တိုးလိုက်သည့် အပစ်ရပ်ကာလ ဧပြီလ ၂၂ ရက်နေ့က လက်နက်ကြီး များဖြင့် ပစ်ခတ်တိုက်ခိုက်ခံခဲ့ရခြင်း ဖြစ်သည်ဟု PNLO သတင်းနှင့် ပြန်ကြားရေး တာဝန်ရှိသူ ခွန်းရိန်းယံက ပြောသည်။ “ဖြစ်စဉ်ကတော့မနေ့ကဖြစ်တာပေါ့နော စစ်ကောင်စီကတော့ သူတို့အပစ်ခတ်ရပ်စဲ ထားတယ်လို့ ကြေညာထား တဲ့ နောက်ဆုံးရက်၊ ပြီးတော့ လကုန်အထိ သူတို့ထပ်ပြီး သက်တမ်းတိုးတဲ့ရက် အဲဒီရက်မှာပဲ သူတို့က ကျနော် တို့ ဌာနချုပ်နားမှာ ရှိတဲ့ ကျေးရွာတွေ နောင်ထောကျေးရွာတွေကို ၈၁ မမတွေ ပြီးတော့ ဟောင်ဝစ်ဇာ လက် နက်ကြီးတွေ သုံးပြီးတော့မှ ပစ်ခတ်တိုက်ခိုက်တယ်။ အနည်းဆုံး ၁၀ ကြိမ်ပေါ့လေ ပေါက်ကွဲတာတွေလည်း ရှိ တယ်။ မပေါက်ကွဲတာတွေလည်း ရှိတယ်၊ ပြည်သူလူထုရဲ့ အိမ်တစ်ချို့ ထိခိုက်တယ် လူထိခိုက်မှုတော့ မရှိပါ ဘူး။” ငလျင်ကြောင့် ပျက်စီးမှုများရှိခဲ့သည့် ပအိုဝ်းဒေသတွင် ပြန်လည်ထူထောင်ရေး လုပ်ဆောင်နေသည့် အတွက် PNLO ဘက်ကလည်း အပစ်ခတ်ရပ်ထားသည့် ကာလ၌ စစ်ကောင်စီဘက်က တိုက်ခိုက်လာခြင်း ဖြစ်သည်ဟု ခွန်းရိန်းယံက ဆက်ပြောသည်။ “မြေငလျင်လှုပ်ပြီး နောက်ပိုင်းမှာ ပြန်လည် ထူထောင်ရေးတွေ တစ်ချို့ ပအိုဝ်းဒေသမှာလည်း လူသေဆုံးတာ တွေ အိမ်ပြိုတာတွေလည်း ရှိတော့ ကျနော်တို့လည်း စစ်ရေးဖော်ဆောင်မှုတွေ စစ်ရေးပြင်ဆင်မှုတွေ မလုပ်ဘဲ နဲ့ ပြည်သူလူထုတွေရဲ့ ဒုက္ခတွေကို စာနာတဲ့အနေနဲ့ အပစ်ရပ်ထားတာမျိုးတွေ ရှိပါတယ်။ အဓိကက ထိုးစစ်တွေ မလုပ်ကြဘူးပေါ့လေ။ ဒါပေမယ့် စစ်ကောင်စီလည်း အဲ့လိုမျိုး ကြေညာထားတဲ့ အထဲမှာကိုပဲ ကျနော်တို့ကို တိုက်ခိုက်တာတွေတော့ ရှိတာပေါ့နော။” စစ်ကောင်စီတပ်သည် အပစ်ရပ်ကာလတွင် ယခုကဲ့သို့ ပစ်ခတ်တိုက်ခိုက်မှုများ လုပ်နေခြင်းမှာ တည်ငြိမ်မှုကို အမှန်တကယ် မလိုလားသည့် သဘောမျိုးဖြစ်နေသည်ဟု ဆက်ပြောသည်။ ခွန်းရိန်းယံက “ဒီလုပ်ရပ်တွေက သေချာကြည့်လိုက်ရင် စစ်ကောင်စီက ကျနော်တို့ဒေသမှာပဲ မဟုတ်ဘူး။ တခြားဒေသမှာလည်း အပစ်ရပ်ထားတယ် ဆိုပြီးတော့မှ ဗုံးတွေကြဲတယ်။ ကလေးတွေကစ သေဆုံးရတယ် ဆိုတဲ့ဟာတွေ တွေ့ရတယ်ပေါ့နော်၊ ဒါကိုကြည့်ခြင်းအားဖြင့် စစ်ကောင်စီက ငြိမ်းချမ်းမှု တည်ငြိမ်မှုကို တကယ်လိုလားတာ မဟုတ်ဘူးဆိုတာ တွေ့မြင်ရတဲ့ အနေအထားဖြစ်ပါတယ်” ဟု ပြောသည်။ စစ်ကောင်စီတပ်က ဧပြီလ ၂ ရက်နေ့မှ ဧပြီလ ၂၂ ရက်နေ့ အပစ်ရပ်ကာလ အတွင်း၌လည်း PNLO ဌာနချုပ် ဧရိယာထဲကို လေကြောင်းမှ လာရောက် ဗုံးကြဲ တိုက်ခိုက်ခြင်းမျိုး ရှိခဲ့သည်ဟု ဆိုသည်။ အပစ်ရပ်ကာလမှာပင် စစ်ကောင်စီက ပအိုဝ်းဒေသ အပါအဝင် စစ်ကိုင်း၊ မကွေး၊ မန္တလေး၊ ကချင်၊ ကရင်၊ ကရင် နီ၊ ချင်း၊ ရခိုင်၊ ရှမ်းမြောက်ဒေသနှင့် နိုင်ငံတဝန်း လက်နက်ကြီးအပြင် လေကြောင်းမှ ဗုံးကြဲ တိုက်ခိုက်မှုများ ပြင်းပြင်းထန်ထန် လုပ်နေသောကြောင့် ၎င်းတို့ကိုယ်တိုင် ကြေညာခဲ့သည့် အပစ်ရပ်ကြေညာမှုကို နေ့စဉ် ချိုးဖောက်နေသည်ဟု တော်လှန်ရေးတပ်ဖွဲ့များက ဆိုသည်။

အပစ်ရပ် ထပ်တိုးကြေညာသည့်ရက်တွင် PNLO ဌာနချုပ်နယ်မြေကို စစ်ကောင်စီ လက်နက်ကြီးဖြင့် ပစ်

စစ်ကောင်စီက နိုင်ငံ၏ လေးပုံ တစ်ပုံ ပင် ထိန်းချုပ်မထားနိုင်တော့ကြောင်း NUG ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၄ ရက်။ မြန်မာနိုင်ငံ၏ သမိုင်းတစ်လျှောက် စစ်တပ်သည် နွေဦးတော်လှန်ရေး ကာလအတွင်း အကြီးမားဆုံး ရှုံးဆုံးမှုကို ရင်ဆိုင်ကြုံတွေ့နေရပြီး နယ်မြေထိန်းချုပ်နိုင်မှု အနေအထားကလည်း လေးပုံတစ်ပုံပင် မရှိတော့ဘူးဟု အမျိုးသား ညီညွတ်ရေး အစိုးရ NUG ယာယီ သမ္မတ ဒူဝါလရှီးလက ပြောဆိုလိုက်သည်။ ယခုနှစ်တွင် ကျရောက်သည့် မြန်မာ့ရိုးရာ နှစ်သစ်ကူး နှုတ်ခွန်းဆက်မိန့်ခွန်း၌ NUG ယာယီသမ္မတ က ထည့်သွင်း ပြောကြားသွားခြင်း ဖြစ်သည်။ “တော်လှန်ရေး အင်အားစု အသီးသီးရဲ့ စွမ်းဆောင်ရည်တွေနဲ့ ပြည်သူလူထုရဲ့ အားပေးထောက်ခံမှုတွေကြောင့် ဒီကနေ့ အချိန်မှာ စစ်ကောင်စီအနေနဲ့ မြန်မာစစ်သမိုင်းတစ်လျှောက် အကြီးမားဆုံး ရှုံးဆုံးမှုတွေကို ရင်ဆိုင်ကြုံ တွေ့နေကြရပြီဆိုတာ အားလုံးမျက်မြင်ပဲ ဖြစ်ပါတယ်။ နိုင်ငံတဝန်းမှာ စစ်ကောင်စီ ထိန်းချုပ်နိုင်မှုက လေးပုံ တစ်ပုံတောင် မရှိတော့ဘူးဆိုတာကို မြေပြင် အချက်အလက်တွေက ဖော်ပြနေပါတယ်။” တော်လှန်ရေး ၄ နှစ်တာ ကာလအတွင်း စစ်ကောင်စီကို ရင်ဆိုင်တော်လှန်နိုင်ခြင်းက သက်ဆိုင်ရာ တော်လှန်ရေး အဖွဲ့အစည်းများနှင့် မဟာမိတ် ဆက်ဆံရေးကို အခိုင်အမာ တည်ဆောက်ထားနိုင်ပြီး ပြည်သူလူထု၏ ထောက်ခံ အားပေးမှုကြောင့်ဟု ဆိုသည်။ တစ်ဖက်တွင်လည်း တော်လှန်ရေး ကြာရှည်လာသည်နှင့်အမျှ ပြည်သူများမှာ ပိုမို ထိခိုက်ခံစားနေရပြီး တိုင်းပြည်လည်း နစ်နာနေရသည်ဟု NUG ယာယီ သမ္မတ က ဆက်ပြောသည်။ “တိုင်းပြည်နဲ့ ပြည်သူ့ ဘဏ္ဍာတွေကို ဂုတ်သွေးစုပ်ပြီး ပြည်သူကို စစ်မက်ပြုနေတဲ့ စစ်အုပ်စုကို တိုက်ထုတ်ရတဲ့ တော်လှန်ရေး ဖြစ်သလို စစ်အာဏာရှင်နဲ့ အာဏာရှင်မှန်သမျှကို စစ်အာဏာရှင် အမူအကျင့် အတွေးအခေါ်မှန် သမျှ အဆုံးသတ်ရေးအတွက် ဆင်နွှဲနေရတဲ့ တော်လှန်ရေး ဖြစ်တာကြောင့် ခက်ခဲကြမ်းတမ်းမှုတွေ အများကြီး ရှိတာဆိုတာကိုလည်း အရှိတရားကျကျ ကြည့်မြင်ရမှာ ဖြစ်ပါတယ်။” ထို့ကြောင့် တော်လှန်ရေးကို အမြန်ဆုံး အဆုံးသတ်နိုင်ရန် သက်ဆိုင်ရာ တော်လှန်ရေး အင်အားစုများ အနေဖြင့် ပိုပြီး ကြိုးစားကြရန် NUG ယာယီ သမ္မတ ဒူဝါလရှီးလက တိုက်တွန်းထားသည်။ “တတ်နိုင်သမျှ ဒီတော်လှန်ရေးကို အမြန်ဆုံးအောင်မြင်အောင် လုပ်ဆောင်ပြီး ပြည်သူလူထု ထမ်းထားရတဲ့ ဝန်ထုပ်ဝန်ပိုးတွေ ပပျောက်သွားအောင် ကြိုးစားကြရမှာ ဖြစ်ပါတယ်။ အထူးသဖြင့် ဒီ ၂၀၂၅ ခုနှစ်ဟာ ကြီးမား တဲ့ တော်လှန်ရေး အလှည့်အပြောင်း ဖြစ်လာစေမယ့်နှစ် ပြည်သူလူထု အတွက် တော်လှန်ရေး အပြီးသတ် အောင်ပွဲ အလင်းရောင်ကို ယူဆောင်သွားနိုင်မယ့် နှစ်ဖြစ်ဖို့ ကျနော်တို့ တော်လှန်ရေး အင်အားစုတွေ အားလုံး ဆထက်တစ်ပိုး ကြိုးစားသွားရမှာ ဖြစ်ပါတယ်။” စစ်အာဏာသိမ်းပြီးနောက် ပြည်နယ်နှင့် တိုင်းဒေသကြီးတွေမှာ စစ်ကောင်စီတပ်နှင့် တော်လှန်ရေး အင်အား စုများအကြား တိုက်ပွဲများ ပြင်းပြင်းထန်ထန် ဖြစ်ပွားလာခဲ့သည်။ စစ်ရေးပဋိပက္ခများကြားက ပြည်သူများသည် စစ်ကောင်စီတပ်၏ ဖမ်းဆီးနှိပ်စက် သတ်ဖြတ်ခြင်း၊ လူသားဒိုင်း ကာ ပြုလုပ်ခြင်း၊ နေအိမ်များကို မီးရှို့ခြင်း၊ ပြည်သူများ လုပ်ကိုင်စားသောက်နေသည့် နေရာများကို လက်နက် ကြီး ပစ်ခတ်ခြင်းနှင့် ကျေးရွာများထဲမှ မောင်းထုတ်ခြင်း စသည့် လူ့အခွင့်အရေး ချိုးဖောက်မှုများကို ခံစားခဲ့ရ သည်။ လက်ရှိတွင် စစ်ကောင်စီတပ်က ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အရှိန်အဟုန်မြင့် ဆောင်ရွက်ဖို့ရန် တည်ငြိမ်အေးချမ်းရေးကို ရှေးရှု့ပြီး ယာယီ အပစ်ရပ်ထားမည်ဟု ထုတ်ပြန် ထားသည်။ ယာယီ အပစ်ရပ်မည်ဟု ထုတ်ပြန်ထားသော်လည်း လေကြောင်းတိုက်ခိုက်မှု၊ ဒရုန်းနှင့် ဗုံးကြဲ တိုက်ခိုက်မှု၊ လက်နက်ကြီး ပစ်ခတ်မှုများကို စစ်ကောင်စီက ပြည်နယ်နှင့် တိုင်းဒေသကြီးများတွင် နေ့တိုင်း လုပ်ဆောင်နေပြီး တိုက်ပွဲများလည်း ပြင်းထန်စွာ ဆက်လက် ဖြစ်ပွားနေသည်ဟု တော်လှန်ရေး အင်အားစုများက ပြောသည်။

စစ်ကောင်စီက နိုင်ငံ၏ လေးပုံ တစ်ပုံ ပင် ထိန်းချုပ်မထားနိုင်တော့ကြောင်း NUG ပြော

အညာ ပြည်သူတွေ သတင်းအချက်အလက်တွေကို Starlink မှ ရယူနေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၃ ရက်။ စစ်တပ်က အာဏာသိမ်းပြီးနောက် ဖုန်းလိုင်းနှင့် အင်တာနက် ဖြတ်တောက်ခံထားရသည့် အညာဒေသက ပြည်သူများသည် ဒေသတွင်းနှင့် နိုင်ငံတဝန်းက သတင်းအချက်အလက်များ ရရှိရန် ခက်ခဲနေမှုများကို စစ်ကောင်စီ ထိန်းချုပ်မထားသည့် ဂြိုလ်တု အင်တာနက်မှ တဆင့် ရယူနေနိုင်ကြပြီ ဟု ABSDF ဥက္ကဋ္ဌ က ပြောဆိုလိုက်သည်။ ဖုန်းလိုင်းနှင့် အင်တာနက် ဖြတ်တောက်မှုကြားက ပြည်သူများအနေနဲ့ ၎င်းတို့သိချင်သည့် သတင်းအချက် အလက်များ ရယူနေရသည့် အခြေအနေနှင့် ပတ်သက်၍ အညာဒေသကို ရောက်ခဲ့သည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ဥက္ကဋ္ဌ ရဲဘော်သံခဲက ယခုကဲ့သို့ ပြောသည်။ “ကျနော်တွေ့တဲ့ လူထုကြားထဲမှာ တီဗွီကြည့်တဲ့ လူတန်းစား မရှိတော့ဘူးနော်။ နောက်တစ်ခုက လူတန်းစားဆို တဲ့ နေရာမှာ တီဗွီကြည့်တဲ့ တီဗွီပေါ်မှာ မှီပြီးတော့ သတင်းယူ ကြတော့မယ့် ဆိုတဲ့ အခြေအနေ တော်တော်ရှား သွားပြီ။ အဲတော့ ဘာလုပ်လဲဆိုတော့ သက်ကြီးရွယ်အိုပဲ ဖြစ်ဖြစ် ကျနော်တို့ ဒီ အခုပြောသလို အလယ်တန်း အထက်တန်း ကျနော်တို့ ဒီအရွယ်တွေက အစပေါ့နော်။ ကျနော်တို့ အားလုံးအိမ်တိုင်း ကိုယ်စီမှာတော့ အခု ပြောနေတဲ့ ဒီတယ်လီဖုန်း ဒါမှမဟုတ် တက်ပလက်လို ဟာမျိုးတွေနဲ့ ဆက်သွယ်မှု စနစ်ကို သတင်းအချက် အလက် ဒီသူတို့အတွက် ရယူတဲ့ပုံစံပေါ့ အဲဒီဖက်ကို ပြောင်းသွားတာ တွေ့ရတယ်။ တီဗွီကြည့်တဲ့နေရာက ဘောလုံးပွဲ ကြည့်တဲ့နေရာ ဖြစ်နေတယ်။ သတင်းကြည့်တဲ့ နေရာမဟုတ်ဘူး။ ကြည့်တဲ့လူရှိတယ် နည်းတယ်။” အညာပြည်သူများသည် ဖုန်းလိုင်းနှင့် အင်တာနက် ဖြတ်တောက်မှုကြောင့် သတင်းအချက်အလက် ရယူရန် ခက် ခဲမှုများကို အချိန်အတော် ကြာကြာ ကြုံတွေ့ခဲ့ရပြီး လက်ရှိတွင်မူ စစ်တပ် ထိန်းချုပ်မှုအောက်က မဟုတ်သည့် Starlink အင်တာနက်ကို အသုံးပြီး သတင်းအချက်အလက်များ ပြန်လည်ရယူနေပြီဟု ဆက်ပြောသည်။ ရဲဘော်သံခဲက “ကျနော်ပြောတာက အများစုက သတင်းပေါ်မှာ မှီခိုနေတာကတော့ အခုပြောနေတဲ့ satellite စင်တာတွေက ကျနော်တို့ လူထုအတွက် သတင်းအချက်အလက် စုဆောင်းတဲ့နေရာ နောက်တစ်ခုက တော့ အချင်းချင်း ဆက်သွယ်တဲ့နေရာ နောက်မိသားစု အချင်းချင်းပဲ ဖြစ်ဖြစ် နောက်ဝေးကွာနေတဲ့ နိုင်ငံခြားကို လည်း ဆက်လို့ရတယ်” ဟု ပြောသည်။ ကလေးမှ လူကြီးအဆုံး ဖုန်းများ၊ tablet များအား အသုံးပြု၍ Star link အင်တာနက်ကို အသုံးပြီး အဝေး ရောက် မိသားစုဝင်များနှင့် ဆက်သွယ်ခြင်းနှင့် သတင်း အချက်အလက်များ ရယူနေကြသည်ဟု ရဲဘော်သံခဲက ဆက်ပြောသည်။ “အခုမြန်မာပြည်ထဲမှာ အချင်းချင်းလည်း ဆက်လို့ရတယ်ဆိုတဲ့ အခါကျတော့ တွေ့တာကျတော့ ဘယ်လို ပြော မလဲဆိုရင် တစ်ချို့နေရာတွေမှာတော့ အခု သက်ကြီးရွယ်အို ဥပမာ ထားပါတော့ အဖေ အမေလိုဟာမျိုး ဖြစ်မယ်။ အသက် ၇၀ လိုဟာမျိုး ၂ ယောက်လာပြီးတော့ ထိုင်နေရင် ဒါက ဂိမ်းဆော့တာ မဟုတ်တာတော့ သေချာတယ်။ ဒါ သူတို့စကားပြောနေတာက အဝေးကို ရောက်နေတဲ့ သူတို့ သားသမီးတွေနဲ့ စကားပြော နေ တယ်။ အလားတူပဲ ဒီလူငယ်တွေဆိုရင်လည်း အဲဒီမှာ သူတို့ ဝါသနာပါတာတွေ လေ့လာတယ်။ တစ်တော့လား ဒီလိုဟာမျိုးတွေနဲ့ သူတို့ဆော့ရင်ဆော့မယ်။ သူတို့ အချင်းချင်းကြားမှာ သတင်းအချက်အလက်တွေကို ပြောဆို နေတာတွေရှိတယ်” ဟု ဆက်ပြောသည်။ စစ်အာဏာသိမ်းပြီးနောက် စစ်ကောင်စီက သတင်းအမှောင်ချဖို့ရန်အတွက် ဖုန်းလိုင်းနှင့် အင်တာနက်လိုင်းတို့ကို ပြည်နယ်နှင့် တိုင်းဒေသကြီး တော်တော်များများ၌ ဖြတ်တောက်ခဲ့ပြီး လူ့အခွင့်အရေး ချိုးဖောက်မှုများကို ကျယ် ကျယ်ပြန့်ပြန့် ကျူးလွန်ခဲ့သည်ဟု လူ့အခွင့်အရေး လှုပ်ရှားသူများနှင့် ပြည်သူတွေက ဆိုသည်။ ဖုန်းလိုင်းနှင့် အင်တာနက်လိုင်း ဖြတ်တောက်မှုများကြောင့် အညာဒေသက ပြည်သူများသည် သတင်းအချက် အလက် ရယူရန် အခက်အခဲများ ရှိလာသည့်အပြင် အွန်လိုင်းမှ စျေးရောင်းသူများ၊ အွန်လိုင်းကနေတဆင့် လုပ် ဆောင်ရသည့် ငွေသွင်း ငွေထုတ် လုပ်ငန်းများလည်း ရပ်တန့်သွားခဲ့သည်။ လက်ရှိတွင်မ အညာဒေသက ပြည်သူများသည် Starlink အင်တာနက်ကို အသုံးပြု၍ ရလာသည့်အတွက် ၎င်းတို့ သိချင်သည့် ဒေသတွင်းနှင့် နိုင်ငံတဝန်းက နိုင်ငံရေး၊ စီးပွားရေး၊ လူမှုရေး၊ လူ့အခွင့်အရေး ချိုးဖောက်မှု အစရှိ သည့် သတင်းများကို ပြန်ပြီးရယူနိုင်ကြပြီ ဖြစ်၍ ပြည်သူများ အချင်းချင်းကြားတွင်မလည်း သတင်း ဖလှယ်မှု များကို လုပ်ဆောင်နေကြပြီဟု ရဲဘော်သံခဲက ပြောသည်။ ဓါတ်ပုံ - ပြန်/ဆက်

အညာ ပြည်သူတွေ သတင်းအချက်အလက်တွေကို Starlink မှ ရယူနေ

ကော့ကရိတ်မြို့နယ်တွင် စစ်ကောင်စီရဲ့ တိုက်ခိုက်မှုကြောင့် ကလေးအပါအဝင် ပြည်သူ ၈ ဦး ဒဏ်ရာရ ယာယီအပစ်အခတ်ရပ်စဲရေး ထုတ်ပြန်ထားပေမဲ့လည်း စစ်ကောင်စီက ကရင်ပြည်နယ် ကော့ကရိတ်မြို့နယ်ထဲရှိ ကျေးရွာတွေထဲကို လက်နက်ကြီးပစ်ခတ်ခတ်တာ၊ ဒရုန်းနဲ့ ဗုံးကြဲတိုက်ခိုက်တာကြောင့် ကလေးအပါအဝင် ပြည်သူ ၈ ယောက် ထိခိုက်ဒဏ်ရာရရှိပြီး နေအိမ် ၂ လုံး ထိမှန်ပျက်စီးခဲ့တယ်လို့ KNU က ထုတ်ပြန်ပါတယ်။

ကော့ကရိတ်မြို့နယ်တွင် စစ်ကောင်စီရဲ့ တိုက်ခိုက်မှုကြောင့် ကလေးအပါအဝင် ပြည်သူ ၈ ဦး ဒဏ်ရာရ

ငလျင် ထူထောင်ရေး အဖွဲ့အစည်းများအား စစ်ကောင်စီ စစ်ဆေးမှု တင်းကြပ် ရှမ်းပြည်တောင်ပိုင်းရှိ ငလျင်ဘေးသင့်ဒေသတွေမှာ ပြန်လည်ထူထောင်ရေး ဆောင်ရွက်နေတဲ့အဖွဲ့အစည်းတွေကို စစ်ကောင်စီတပ်တွေက အစစ်အဆေး တင်းကျပ်နေတယ်လို့ ပရဟိတအသင်းဝင်တချို့က ပြောပါတယ်။

ငလျင် ထူထောင်ရေး အဖွဲ့အစည်းများအား စစ်ကောင်စီ စစ်ဆေးမှု တင်းကြပ်

ဘင်္ဂလားဒေ့ရှ် ငါးဖမ်းသမား ၅၅ ယောက်ကို AA ပြန်လွှဲ အာရက္ခတပ်တော်(AA)က ဖမ်းဆီးထိန်းသိမ်းထားတဲ့ ဘင်္ဂလားဒေ့ရှ် ငါးဖမ်းသမား ၅၅ ယောက်ကို AA က ဘင်္ဂလားဒေ့ရှ် အာဏာပိုင်တွေဆီကို ပြန်လွှဲပေးလိုက်ပါတယ်။

ဘင်္ဂလားဒေ့ရှ် ငါးဖမ်းသမား ၅၅ ယောက်ကို AA ပြန်လွှဲ

တနင်္လာနေ့ ည ရုပ်သံသတင်း (၅-၅-၂၅)

တနင်္လာနေ့ ည ရုပ်သံသတင်း (၅-၅-၂၅)

ဒီနေ့ အစီအစဉ်ထဲမှာတော့ … TNLA သိမ်းပိုက်ထားတဲ့ နယ်မြေတွေ ပြန်ပေးဖို့ ဘယ်သူတွေက ဖိအား ပေးနေတာလဲ။ ကချင်၊ ကရင်၊ ကရင်နီ၊ ရှမ်းမြောက်က စစ်ရေး အခြေအနေတွေ။ ရုရှားရဲ့ မဟာအောင်ပွဲနေ့ အခမ်းအနားကို ဘယ်သူတွေ တက်မှာလဲ။ မလေးကျားက ထိုင်းနယ်စပ်မှာ ဘာလို့ ရောက်နေတာလဲ ဆိုတာတွေကို တင်ဆက်ထားပါတယ်။

×Close

News

IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm
Junta-Aligned Pa-O Militia Bans Residents from Leaving Villages — October 29, 2024 2:23 pm

Recent Posts

ကော့ကရိတ်မြို့ အနီး စစ်ကောင်စီ နယ်စပ် တပ်စခန်းတစ်ခုကို KNU တိုက်ခိုက် သိမ်းပိုက်
လူထု တောင်းဆိုမှုကြောင့် ပြန်လွှတ်ခဲခြင်းဖြစ်ကြောင်း ပရာဒေါင်း ခေါင်းဆောင်ပြော
တနင်္လာရီ မြို့နယ်အတွင်း စစ်ကောင်စီ တပ်ဖွဲ့ ဒရုန်းနှင့် အတိုက်ခံရ
လောင်းလုံးမှ ဖမ်းဆီးခံ ၉ ဦး ပြန်လွတ်
တနင်္လာရီမြို့နယ်တွင် ဖြတ်တောက်မှုများ တိုးမြှင့်

Archives

Archives

×Close