Rohingya – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Tag Archive

Tag: Rohingya

ရိုဟင်ဂျာဒုက္ခသည် အရေးအတွက် မြန်မာစစ်အုပ်စုအပြင် AA နှင့်ပါ ဆွေးနွေးလျက်ရှိဟု ဘင်္ဂလားဒေ့ရှ် ပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၉ ရက်။ ရိုဟင်ဂျာဒုက္ခသည် ပြဿနာကို ဖြေရှင်းနိုင်ရေးအတွက် မြန်မာအစိုးရ (စစ်ကောင်စီ) သာမက ရခိုင်ပြည်နယ်အတွင်း အဓိက ထိန်းချုပ်ထားသည့် အာရက္ခတပ်တော် (AA) နှင့်ပါ ဆက်သွယ်ဆွေးနွေးမှုများ ပြုလုပ်လျက်ရှိကြောင်း ဘင်္ဂလားဒေ့ရှ် နိုင်ငံခြားရေးဒုတိယဝန်ကြီး ရှားမား အိုဘေးဒ် အစ္စလာမ် (Shama Obaed Islam) က ပြောကြားလိုက်ကြောင်း ဒါကာ အခြေစိုက် “New Age” သတင်းစာတွင် ဖော်ပြသည်။ နိုဝင်ဘာ ၈ ရက် (တနင်္ဂနွေနေ့) က ဒါကာမြို့တွင် ကျင်းပသည့် ဆွေးနွေးပွဲတစ်ခုအတွင်း ၎င်းက ထိုသို့ ထုတ်ဖော်ပြောဆိုခဲ့ခြင်းဖြစ်သည်။ ဘင်္ဂလားဒေ့ရှ်အစိုးရအနေဖြင့် ရိုဟင်ဂျာအရေးဆိုင်ရာ အမျိုးသားအဆင့် ဗျူဟာရေးဆွဲရန် ကော်မတီတစ်ရပ် ဖွဲ့စည်းထားပြီး၊ ထိုကော်မတီ၏ လုပ်ဆောင်ချက်အောက်မှပင် မြန်မာအစိုးရနှင့်ရော အာရက္ခတပ်တော် (AA) နှင့်ပါ ထိတွေ့ဆက်ဆံ ဆွေးနွေးနေခြင်းဖြစ်သည်ဟု ၎င်းက ဆိုသည်။ ရိုဟင်ဂျာအရေးသည် နိုင်ငံရေးဆိုင်ရာ ပြဿနာတစ်ရပ်ဖြစ်ပြီး ပုံမှန်သံတမန် လမ်းကြောင်းတစ်ခုတည်းဖြင့် ဒုက္ခသည်များ ပြန်လည်လက်ခံရေးကို အကောင်အထည်ဖော်နိုင်မည်ဟု ယူဆ၍ မရနိုင်ကြောင်း ဒုဝန်ကြီးက ထောက်ပြသည်။ မြန်မာနိုင်ငံ၏ နိုင်ငံရေးအခြေအနေမှာ အလွန်တရာ မတည်ငြိမ်သည့်အတွက် ဘင်္ဂလားဒေ့ရှ်နိုင်ငံရှိ နိုင်ငံရေးပါတီများအားလုံး ပူးပေါင်း၍ မြန်မာနိုင်ငံအတွင်းရှိ သက်ဆိုင်ရာ အဖွဲ့အစည်းများအပေါ် နိုင်ငံတကာက ဖိအားပေးလာစေရန် ကြိုးပမ်းရမည်ဟုလည်း ၎င်းက တိုက်တွန်းခဲ့သည်။ ရခိုင်ပြည်နယ်နှင့် နယ်နိမိတ်ချင်း ထိစပ်နေသည့် ဘင်္ဂလားဒေ့ရှ်နိုင်ငံအနေဖြင့် ဤပြဿနာကို လူသားချင်းစာနာထောက်ထားမှုတစ်ခုတည်းထက် ဗျူဟာမြောက် ရှုထောင့်မှ ကြည့်မြင်ရန် လိုအပ်ကြောင်းနှင့် ရခိုင်ပြည်နယ်သည် မကြာမီ ကွန်ဖက်ဒရိတ်ပြည်နယ် သို့မဟုတ် ထိုထက်ပိုသော အခြေအနေသို့ ရောက်ရှိလာနိုင်သဖြင့် အာရက္ခတပ်တော် (AA) နှင့် တိုက်ရိုက်ဖြစ်စေ၊ တတိယအဖွဲ့အစည်းများမှတစ်ဆင့် ဖြစ်စေ ရင်းနှီးသည့် ဆက်ဆံရေး တည်ဆောက်ထားရန် လိုအပ်ကြောင်း ၎င်းက ထည့်သွင်းပြောဆိုခဲ့သည်။ ထို့အပြင် တရုတ်နိုင်ငံ၏ စီးပွားရေးစင်္ကြံ စီမံကိန်းများကိုလည်း ဒုက္ခသည်များ ပြန်လည်လက်ခံရေးတွင် လဲလှယ်အသုံးချနိုင်ရေးအတွက် ထည့်သွင်းစဉ်းစားသင့်ကြောင်း ၎င်းက အကြံပြုထားသည်။

ရိုဟင်ဂျာဒုက္ခသည် အရေးအတွက် မြန်မာစစ်အုပ်စုအပြင် AA နှင့်ပါ ဆွေးနွေးလျက်ရှိဟု ဘင်္ဂလားဒေ့ရှ် ပြော

ရိုဟင်ဂျာ ဒုက္ခသည်များပြန်ပို့မည့် အစီအစဉ် ရပ်ဆိုင်းရန် အရပ်ဘက်အဖွဲ့ ၁၆၆ ဖွဲ့ တောင်းဆို သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၅ ရက်။ မလေးရှားနိုင်ငံ၌ ရောက်ရှိနေသည့် ရိုဟင်ဂျာ ဒုက္ခသည်များအား မြန်မာနိုင်ငံသို့ ပြန်လည်လွှဲပြောင်းပေးမည့် အစီအစဉ်ကို အမြန်ဆုံး ရပ်ဆိုင်းရန် အရပ်ဘက် အဖွဲ့အစည်း ၁၆၆ ဖွဲ့က မလေးရှား ဝန်ကြီးချုပ် အန်ဝါ အီဘရာဟင် (Anwar Ibrahim) ထံ တောင်းဆိုလိုက်သည်။ အကူအညီပေးရေး အဖွဲ့အစည်းများ၏ ပူးတွဲထုတ်ပြန်ချက်တွင် မြန်မာနိုင်ငံသို့ ပြန်လည်ပို့ဆောင်ခံရပါက ဒုက္ခသည်များအနေဖြင့် အကြမ်းဖက် ဖိနှိပ်မှုများနှင့် ရင်ဆိုင်ရမည့်အပြင် စစ်အုပ်စုနှင့် ရက္ခိုင့်တပ်တော် (AA) တို့၏ အတင်းအဓမ္မ စစ်မှုထမ်းခိုင်းစေခြင်းကိုပါ ခံရနိုင်ကြောင်း သတိပေးထားသည်။ မလေးရှားအစိုးရသည် ထိန်းသိမ်းရေးစခန်းများရှိ ဒုက္ခသည် ၅,၀၀၀ နီးပါးအား ပြန်လည်ပို့ဆောင်ရန် စစ်အုပ်စုနှင့် သဘောတူညီထားပြီး၊ ပထမအသုတ်အဖြစ် လူ ၁,၄၀၀ ကျော်အား စက်တင်ဘာ ၂၉ ရက်တွင် မြန်မာစစ်သင်္ဘောများဖြင့် စတင်ပြန်ပို့ရန် စီစဉ်နေခြင်းဖြစ်သည်။ ထို့ပြင် ဝန်ကြီးချုပ် အန်ဝါ အီဘရာဟင်က ဒုက္ခသည်အရေး ဆွေးနွေးရန် စစ်ကောင်စီခေါင်းဆောင် မင်းအောင်လှိုင်အား မလေးရှားသို့ ဖိတ်ခေါ်မည်ဟုပါ ပြောကြားခဲ့သည်။ မလေးရှား အရပ်ဘက် အဖွဲ့အစည်းများကမူ စစ်အုပ်စု ခေါင်းဆောင်အား ဖိတ်ခေါ်ခြင်းနှင့် ဒုက္ခသည်များအား အတင်းအဓမ္မ ပြန်လည်ပို့ဆောင်ခြင်းတို့သည် မလေးရှား၏ နိုင်ငံတကာ ဂုဏ်သိက္ခာကို ထိခိုက်စေပြီး မြန်မာစစ်တပ်၏ လူမျိုးတုံး သတ်ဖြတ်မှုများတွင် ပူးပေါင်းဆောင်ရွက်ရာ ရောက်နေကြောင်း ပြင်းပြင်းထန်ထန် ဝေဖန်ထားသည်။ သို့ဖြစ်ပါ၍ မြန်မာနိုင်ငံအတွင်းရှိ အခြေအနေများကို ဘက်စုံစိစစ် သုံးသပ်ခြင်း မပြုမီ ဒုက္ခသည် ပြန်လည်ပို့ဆောင်ရေး အစီအစဉ် အားလုံးကို ချက်ချင်း ရပ်ဆိုင်းထားရန် အဆိုပါ အဖွဲ့အစည်းများက တောင်းဆိုထားကြသည်။

ရိုဟင်ဂျာ ဒုက္ခသည်များပြန်ပို့မည့် အစီအစဉ် ရပ်ဆိုင်းရန် အရပ်ဘက်အဖွဲ့ ၁၆၆ ဖွဲ့ တောင်းဆို

ဘင်္ဂလားဒေ့ရှ်ရောက် ရိုဟင်ဂျာ ဒုက္ခသည် သောင်းနှင့်ချီ၍ ဘေးကင်းစွာ နေရပ်ပြန်နိုင်ရေး ဆန္ဒထုတ်ဖော် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၆ ရက်။ ဘင်္ဂလားဒေ့ရှ်နိုင်ငံ၊ ကော့ဇ်ဘဇား ဒုက္ခသည်စခန်းများတွင် ခိုလှုံနေကြသည့် ရိုဟင်ဂျာ ဒုက္ခသည် သောင်းနှင့်ချီ၍ မိမိတို့၏ မူလနေရပ်ဆီ ဘေးကင်းလုံခြုံစွာ ပြန်လည်နေထိုင်ခွင့်ရရှိရေးအတွက် စုဝေးဆန္ဒထုတ်ဖော်ခဲ့ကြသည်။ ဩဂုတ်လ ၂၅ ရက် (အင်္ဂါနေ့) ၌ ကျရောက်သည့် "ရိုဟင်ဂျာ လူမျိုးတုံးသတ်ဖြတ်မှု ၉ နှစ်ပြည့်" အထိမ်းအမှတ်နေ့တွင် ကော့ဇ်ဘဇား ဒေသအတွင်းရှိ ဒုက္ခသည်စခန်းပေါင်းများစွာမှ ဒုက္ခသည်များသည် ရခိုင်ပြည်နယ်အတွင်း ဘေးအန္တရာယ်ကင်းရှင်းရေးနှင့် ငြိမ်းချမ်းရေး ပတ်ဝန်းကျင် ဖန်တီးပေးရန် နိုင်ငံတကာအသိုင်းအဝိုင်းအား တောင်းဆိုခဲ့ကြခြင်းဖြစ်သည်။ လက်ရှိတွင် ဘင်္ဂလားဒေ့ရှ်နိုင်ငံအတွင်း ခိုလှုံနေသူ ရိုဟင်ဂျာ ဒုက္ခသည် ၁ သန်းကျော် ရှိနေပြီး ဘင်္ဂလားဒေ့ရှ်အစိုးရဘက်ကမူ မည်သူ့ကိုမျှ အတင်းအဓမ္မ ပြန်လည်စေလွှတ်မည်မဟုတ်ကြောင်း ထုတ်ပြန်ထားသည်။ မြန်မာစစ်အုပ်စုဘက်က ဒုက္ခသည် ၃ သိန်းကျော်ကို ပြန်လည်လက်ခံမည်ဟု ထုတ်ပြန်ထားချက်နှင့် ပတ်သက်၍လည်း ယင်းကိန်းဂဏန်းများမှာ မှန်ကန်မှုမရှိကြောင်း ဘင်္ဂလားဒေ့ရှ်ဘက်က ပြောကြားထားသည်။ ထို့ပြင် မြန်မာစစ်အုပ်စုက "ရိုဟင်ဂျာ" ဟူသော အမည်ကို သုံးစွဲရန် ငြင်းဆန်ပြီး "ဘင်္ဂါလီ" ဟု ခေါ်ဆိုနေခြင်းသည် ၎င်းတို့၏ အထောက်အထားကို ငြင်းပယ်ရန် ကြိုးပမ်းခြင်းဖြစ်သည်ဟုလည်း ဘင်္ဂလားဒေ့ရှ်ဘက်က ဝေဖန်ထားသည်။ ပြီးခဲ့သည့် ဇန်နဝါရီလအတွင်းကလည်း နိုင်ငံတကာတရားရုံး (ICJ) ၌ အဆိုပါ ဒုက္ခသည်များ ထွက်ပြေးခဲ့ရသည့် အဖြစ်အပျက်များနှင့် ပတ်သက်သော မြန်မာနိုင်ငံ၏ လူမျိုးတုံးသတ်ဖြတ်မှု စွပ်စွဲချက်များအား သက်သေအထောက်အထားများနှင့်အတူ ကြားနာစစ်ဆေးခဲ့သည်။ Photo:AP/Abdul Goni #ရိုဟင်ဂျာဒုက္ခသည် #Rohingya

ဘင်္ဂလားဒေ့ရှ်ရောက် ရိုဟင်ဂျာ ဒုက္ခသည် သောင်းနှင့်ချီ၍ ဘေးကင်းစွာ နေရပ်ပြန်နိုင်ရေး ဆန္ဒထုတ်ဖော်

မလေးရှားရောက် ရိုဟင်ဂျာ ၅,၀၀၀ ကို မြန်မာဘက်က ပြန်လည်လက်ခံမည်

ရိုဟင်ဂျာဒုက္ခသည် ၅၀၀ ကျော်လိုက်ပါလာသော စက်လှေနှစ်စီး နစ်မြုပ်ဟု ကုလသမဂ္ဂ ထုတ်ပြန်

54 Rohingya Arrested In The Ayawaddy Region

ဗုဒ္ဓဟူးနေ့ည ရုပ်သံသတင်း (၇-၁၀-၂၆)

ဗုဒ္ဓဟူးနေ့ညပိုင်း ရုပ်သံသတင်း(၇-၁၀-၂၆)

ဒီကနေ့ အစီအစဉ်ထဲမှာတော့-

– ကျိုက်ထိုမြို့နယ်မှာ တိုက်ပွဲမဖြစ်ပဲ စစ်အုပ်စုက အရပ်သားရွာတွေကို ဗုံးကြဲလို့ ထောင်နဲ့ချီထွက်ပြေးနေရ

– ရခိုင်-ဧရာဝတီ အစပ်မှာ တိုက်ပွဲ ပြင်းထန်ပြီး စစ်အုပ်စုက အစုအပြုံလိုက် ကျဆုံးနေ

– ကချင်ပြည်က ရွှေကူ-ငအိုး လမ်းပိုင်း သုံးသူတွေကို အရေးယူသွားမယ်လို့ KIAသတိပေး

– အလုပ်သမားတွေ ဆီက အခွန်နဲ့ လွှဲငွေ ရရှိဖို့ ပိုမို တင်းကြပ်သွားမယ်လို့ စစ်အုပ်စုပြော

– စစ်အုပ်စု ခေါင်းဆောင် ၇-၈ ရက်နေ့တွေမှာ မလေးရှားကို သွားမည်

– လာအို ဒုတိယမြို့တော်လေဆိပ် ကိုယ်ပိုင်လေယာဉ်ပေါ်တင်တဲ့ မူးယစ်ဆေးဝါး ကီလို ၅၀၀ ကျော်ဖမ်းမိ

– မက်ဒေါ်နယ်(McDonald’s)ကုမ္ပဏီဟာ AI သုံးစွဲပြီး လွတ်လပ်စွာ ယှဉ်ပြိုင်ခွင့်ကို ချိုးဖောက်တယ်ဆိုပြီး တရားစွဲခံရ

– ပထမဆုံး FIFA အာဆီယံ ဖလားကို အင်ဒိုနီးရှား အသင်း ပင်နယ်တီ အဆုံးအဖြတ်နဲ့ ဆွတ်ခူး…..စတာတွေ တင်ဆက်ထားပါတယ်။

×Close

News

ရိုဟင်ဂျာဒုက္ခသည် အရေးအတွက် မြန်မာစစ်အုပ်စုအပြင် AA နှင့်ပါ ဆွေးနွေးလျက်ရှိဟု ဘင်္ဂလားဒေ့ရှ် ပြော — November 9, 2026 8:04 pm
တရုတ်နိုင်ငံ မြောက်ပိုင်း အထပ်မြင့်လူနေအဆောက်အအုံ မီးလောင်မှုကြောင့် ၁၄ ဦး သေဆုံး — November 9, 2026 8:01 pm
အန်းဒရွိုက်ဖုန်းများအား လိုင်းပျက်ကျစေသည့် လုံခြုံရေး အားနည်းချက်သစ် တွေ့ရှိ — November 9, 2026 7:42 pm

Recent Posts

စစ်တွေတွင် တိုက်ပွဲပြင်းထန်နေပြီး စစ်အုပ်စုက မြို့ခံ ၁၅ ဦးထက်မနည်းကို ဖမ်းဆီး ငွေညှစ်
မြန်မာလေယာဉ်ချဉ်းကပ်လာသဖြင့် ထိုင်း F-16 များ ပျံတက်ဟန့်တားခဲ့ရ၊ နယ်စပ် ဂိတ်အချို့ ပြန်ဖွင့်
ဆေးရုံများကို ဗုံးကြဲမှု စစ်ရာဇဝတ်မှု မြောက်ကြောင်း AA ထောက်ပြ
ရိုဟင်ဂျာဒုက္ခသည် အရေးအတွက် မြန်မာစစ်အုပ်စုအပြင် AA နှင့်ပါ ဆွေးနွေးလျက်ရှိဟု ဘင်္ဂလားဒေ့ရှ် ပြော
တရုတ်နိုင်ငံ မြောက်ပိုင်း အထပ်မြင့်လူနေအဆောက်အအုံ မီးလောင်မှုကြောင့် ၁၄ ဦး သေဆုံး

Archives

Archives

×Close