Wang Yi – Network Media Group

Tag: Wang Yi

အီရန်-အမေရိကန် ဆက်ဆွေးနွေးရန်နှင့် ဟော်မုဇ် ရေလက်ကြား ပြန်ဖွင့်ရန် တရုတ်တိုက်တွန်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၇ ရက်။ အရှေ့အလယ်ပိုင်း တင်းမာမှုများ လျော့ပါးစေရေးအတွက် အီရန်နှင့် အမေရိကန်တို့အနေဖြင့် စိတ်အေးအေးထားကာ ထိန်းထိန်းသိမ်းသိမ်း ဆောင်ရွက်ကြရန်နှင့် ဇွန်လက ရရှိခဲ့သည့် ယာယီငြိမ်းချမ်းရေး သဘောတူညီချက်အတိုင်း ဆွေးနွေးပွဲများ ပြန်လည်စတင်ရန် တရုတ်နိုင်ငံခြားရေးဝန်ကြီး ဝမ်ယိ (Wang Yi) က တိုက်တွန်းလိုက်သည်။ ဘေဂျင်းမြို့သို့ ရောက်ရှိနေသည့် အီရန်နိုင်ငံခြားရေးဝန်ကြီး အဘက်စ် အာရက်ချီ (Abbas Araqchi) နှင့် ဗုဒ္ဓဟူးနေ့က တွေ့ဆုံစဉ် တရုတ်နိုင်ငံခြားရေးဝန်ကြီးက ယခုကဲ့သို့ တိုက်တွန်းခဲ့ခြင်း ဖြစ်သည်။ တရုတ်နိုင်ငံခြားရေးဝန်ကြီးက ကမ္ဘာ့စွမ်းအင် သယ်ယူပို့ဆောင်ရေး ဘေးကင်းရေးအတွက် ဟော်မုဇ် (Hormuz) ရေလက်ကြားကို အမြန်ဆုံး ပြန်လည်ဖွင့်လှစ်ရန် တောင်းဆိုခဲ့ပြီးသည်။ လက်ရှိ ပဋိပက္ခသည် ယီမင်နှင့် ပင်လယ်နီ ဒေသများသို့ ဆက်လက် ကူးစက်ကျယ်ပြန့်သွားမည်ကို မလိုလားကြောင်း အသိပေးခဲ့သည်။ ထို့ပြင် အရှေ့အလယ်ပိုင်းဒေသ၏ လက်ရှိ လုံခြုံရေးစနစ်ကို ပြုပြင်ပြောင်းလဲရန် လိုအပ်နေကြောင်းလည်း ဖော်ပြထားသည်။ #WangYi

အီရန်-အမေရိကန် ဆက်ဆွေးနွေးရန်နှင့် ဟော်မုဇ် ရေလက်ကြား ပြန်ဖွင့်ရန် တရုတ်တိုက်တွန်း

တရုတ်-အိန္ဒိယ နယ်စပ်လုံခြုံရေးနဲ့ ပူးပေါင်းဆောင်ရွက်ရေး အချက် ၈ ချက် သဘောတူညီချက် ရရှိ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၇ ရက်။ ပေကျင်းမြို့၌ ကျင်းပခဲ့သည့် (၂၅) ကြိမ်မြောက် တရုတ်-အိန္ဒိယ နယ်စပ်ရေးရာ အထူးကိုယ်စားလှယ်များ ဆွေးနွေးပွဲတွင် နှစ်နိုင်ငံ နယ်စပ်ဒေသ တည်ငြိမ်ရေးနှင့် စစ်ဘက်၊ စီးပွားရေး ပူးပေါင်းဆောင်ရွက်မှုများ တိုးမြှင့်ရန်အတွက် အချက် ၈ ချက်ပါ သဘောတူညီချက် ရရှိခဲ့ကြောင်း တရုတ်နိုင်ငံခြားရေးဝန်ကြီးဌာနက ထုတ်ပြန်သည်။ ဩဂုတ်လ ၂၅ ရက်နေ့က ပြုလုပ်သည့် အဆိုပါ ဆွေးနွေးပွဲတွင် တရုတ်နိုင်ငံခြားရေးဝန်ကြီး ဝမ်ယိ (Wang Yi) နှင့် အိန္ဒိယ အမျိုးသားလုံခြုံရေးအကြံပေး အဂျစ် ဒိုဗားလ် (Ajit Doval) တို့ တွေ့ဆုံကာ အမြင်ချင်း ဖလှယ်ခဲ့ကြခြင်းဖြစ်သည်။ နှစ်နိုင်ငံ ကိုယ်စားလှယ်များသည် ၂၀၀၅ ခုနှစ်က လက်မှတ်ရေးထိုးခဲ့သည့် မူဝါဒများအတိုင်း နယ်စပ်ဒေသ ငြိမ်းချမ်းရေးကို ထိန်းသိမ်းသွားရန်နှင့် မလိုလားအပ်သည့် နားလည်မှုလွဲမှားခြင်းများ မရှိစေရန် စစ်ဘက်၊ သံတမန်ရေးရာ ဆက်သွယ်ရေး လမ်းကြောင်းများကို တိုးမြှင့်သွားရန် သဘောတူညီခဲ့ကြသည်။ ဆွေးနွေးပွဲ ရလဒ်များအရ ထိပ်တန်းတပ်မှူးများအဆင့် တွေ့ဆုံဆွေးနွေးပွဲ ပြုလုပ်မည့် နေရာ ၂ နေရာ ထပ်မံတိုးချဲ့ခဲ့ပြီး အရှေ့ပိုင်းနှင့် အလယ်ပိုင်း စစ်ဒေသများအတွက် စစ်ဘက် တိုက်ရိုက်ဖုန်းလိုင်း (Hotlines) ၂ လိုင်း ထပ်မံဖွင့်လှစ်ရန် ဆုံးဖြတ်ခဲ့ကြသည်။ ထို့ပြင် နယ်စပ် ကုန်သွယ်ရေးစခန်း ၃ ခု ပြန်လည်ဖွင့်လှစ်နိုင်ခဲ့မှုကို ကြိုဆိုခဲ့ကြပြီး အိန္ဒိယ ဘုရားဖူးများ တိဘက်ဒေသရှိ ကေလာသတောင်သို့ သွားရောက်ခွင့်နှင့် သွားရောက်မည့် အရေအတွက် ပိုမိုတိုးမြှင့်ပေးရေးကိုလည်း သဘောတူခဲ့ကြသည်။ လာမည့် စက်တင်ဘာလတွင် ကျင်းပမည့် နယ်စပ်ဖြတ်ကျော်မြစ်များဆိုင်ရာ ကျွမ်းကျင်သူအဆင့် အစည်းအဝေး၌ ရေထုအချက်အလက် မျှဝေရေးနှင့် နားလည်မှုစာချွန်လွှာ သက်တမ်းတိုးမြှင့်ရေးဆိုင်ရာ ကိစ္စရပ်များကို ဆက်လက်ဆွေးနွေးသွားမည် ဖြစ်သည်။ #China #India #Wang_Yi #Ajit_Doval

တရုတ်-အိန္ဒိယ နယ်စပ်လုံခြုံရေးနဲ့ ပူးပေါင်းဆောင်ရွက်ရေး အချက် ၈ ချက် သဘောတူညီချက် ရရှိ

တရုတ်နိုင်ငံခြားရေးဝန်ကြီး ဝမ်ယိ တောင်ကိုရီးယားနှင့် အင်ဒိုနီးရှားသို့ သွားမည် သတင်းနှင့် မီဒီယာ ကွန်ရက် ၂၀၂၆ ခုနှစ်၊ ဩဂုတ်လ ၁၉ ရက်။ တရုတ်နိုင်ငံခြားရေးဝန်ကြီး ဝမ်ယိ (Wang Yi) သည် တောင်ကိုရီးယားနှင့် အင်ဒိုနီးရှားနိုင်ငံများသို့ ဩဂုတ်လ ၁၉ ရက်မှ ၂၂ ရက်နေ့အထိ သွားရောက်မည့် ၄ ရက်ကြာ တရားဝင် ခရီးစဉ်ကို စတင်လိုက်ပြီကြောင်း ဆင်ဟွာ သတင်းဌာနက ထုတ်ပြန်သည်။ ယင်းခရီးစဉ်သည် ဝမ်ယိအတွက် ၅ နှစ်တာကာလအတွင်း တောင်ကိုရီးယားနိုင်ငံသို့ ပထမဆုံးအကြိမ် သွားရောက်ခြင်းဖြစ်ပြီး ဩဂုတ်လ ၁၉ ရက်မှ ၂၀ ရက်နေ့အထိ သွားရောက်မည် ဖြစ်သည်။ ခရီးစဉ်အတွင်း တောင်ကိုရီးယား သမ္မတ လီဂျေမြောင် (Lee Jae Myung) နှင့် တွေ့ဆုံကာ နှစ်နိုင်ငံ ဆက်ဆံရေးနှင့် ဒေသတွင်း ရေးရာများကို ဆွေးနွေးမည်ဖြစ်သည်။ နိုင်ငံခြားရေးဝန်ကြီး ချိုဟျွန်း (Cho Hyun)၊ အမျိုးသားလုံခြုံရေးအကြံပေး ဝီဆောင်လတ် (Wi Sung-lac) တို့နှင့်လည်း သီးခြားစီ တွေ့ဆုံသွားမည် ဖြစ်သည်။ ယခုခရီးစဉ်သည် နိုဝင်ဘာလအတွင်း တရုတ်နိုင်ငံ၌ ကျင်းပမည့် အာရှ-ပစိဖိတ် စီးပွားရေး ပူးပေါင်းဆောင်ရွက်ရေး (APEC) ထိပ်သီးအစည်းအဝေး မတိုင်မီ နှစ်နိုင်ငံ ဆက်ဆံရေး ပိုမိုကောင်းမွန်စေရန်နှင့် အဆင့်မြင့် ဆွေးနွေးပွဲများအတွက် ပြင်ဆင်ရန် ရည်ရွယ်ခြင်း ဖြစ်သည်။ တောင်ကိုရီးယား ခရီးစဉ်အပြီးတွင် ဝမ်ယိသည် အင်ဒိုနီးရှားနိုင်ငံသို့ ဆက်လက် ထွက်ခွာမည်ဖြစ်သည်။ အင်ဒိုနီးရှား၌ ရောက်ရှိစဉ်အတွင်း တရုတ်-အင်ဒိုနီးရှား ဘက်စုံ စတိုရီဂျစ် ဆွေးနွေးပွဲ မူဘောင်သစ်ကို သဘာပတိအဖြစ် ဦးဆောင်ကျင်းပမည်ဖြစ်သလို၊ တရုတ် ကာကွယ်ရေးဝန်ကြီး ဒေါင်ဂျွန် (Dong Jun) နှင့်အတူ နှစ်နိုင်ငံ နိုင်ငံခြားရေးနှင့် ကာကွယ်ရေး ဝန်ကြီးများအဆင့် (2+2) ဒုတိယအကြိမ် ပူးတွဲဆွေးနွေးပွဲသို့လည်း တက်ရောက်သွားမည်ဖြစ်သည်ဟု ဆိုသည်။ #ဝမ်ယိ #Wang_Yi

တရုတ်နိုင်ငံခြားရေးဝန်ကြီး ဝမ်ယိ တောင်ကိုရီးယားနှင့် အင်ဒိုနီးရှားသို့ သွားမည်

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ