ရှမ်းမြောက်တွင် အစိုးရတပ်မတော်မှ ထိုးစစ်ဆင်မှုကြောင့် တိုက်ပွဲဖြစ်
သတင်းနှင့်မီဒီယာ ကွန်ယက်။
သြဂုတ်လ ၃ ရက်၊ ၂၀၁၆ ခုနှစ်။
ရှမ်းပြည်နယ် မြောက်ပိုင်း၊ မူဆယ်မြို့နယ်၊ ကောင်းမူးရွာဟောင်းအနီး မြန်မာအစိုးရ တပ်မတော်နှင့် တအာင်းတပ်မတော် (TNLA) တို့ အကြား သြဂုတ်လဆန်းတွင် တိုက်ပွဲ ဖြစ်ပွားခဲ့သည်ဟု တအာင်းအမျိုးသား လွတ်မြောက်ရေးတပ်မတော် PSLF/TNLA မှ ပြောသည်။
သြဂုတ်လ ၂ ရက်နေ့တွင် အစိုးရတပ်မတော်နှင့် TNLA တို့အကြား တိုက်ပွဲ နှစ်ကြိမ်ဖြစ် ပွားခဲ့ကြောင်း PSLF/TNLA ပြန်ကြားရေး တာဝန်ခံ-ဗိုလ်မှူး မိုင်းအိုက်ကျော် က ပြော သည်။
“မြန်မာ့တပ်မတော်နဲ့မနေ့ကတော့ ဖြစ်တယ်။ တနေရာတည်းမှာပဲ ၂ ကြိမ် ဒီ မူဆယ် မြို့ နယ် ကောင်းမူးရွာဟောင်း နားမှာဖြစ်တယ်။ နေ့လည် ၁၁း၁၅ နာရီလောက်ကနေ ၁၂ နာရီထိ တစ်ကြိမ်၊ ည ၂း၁၅ နာရီလောက်ကနေ ၇ နာရီထိ တစ်ကြိမ်၊ ထုံးစံအတိုင်း ပဲ တိုက်ပွဲကတော့ လတိုင်းဖြစ်တာပေါ့၊ မဖြစ်တဲ့လကိုမရှိဘူး။ အဓိကဖြစ်တဲ့ အကြောင်း အရင်းက ထိုးစစ်ကြောင့် ဖြစ်တာပေါ့နော်” ဗိုလ်မှူး မိုင်းအိုက်ကျော် က ပြောသည်။
PSLF/TNLA နယ်မြေများအတွင်း အစိုးရတပ်မတော်ဘက်မှ ထိုးစစ်ဆင်မှုများရှိနေပြီး လိုက်လံ ပိတ်ဆို့တိုက်ခိုက်လာတဲ့အတွက် ယခုလို တိုက်ပွဲများ ဖြစ်ပွားနေရခြင်း ဖြစ် ကြောင်း ဗိုလ်မှူးမိုင်းအိုက်ကျော်က ပြောသည်။
သြဂုတ်လ ၂ ရက်နေ့တွင် အစိုးရတပ်မတော်နှင့်သာမက PSLF/TNLA နှင့် ရှမ်းပြည် တပ်မတော် တောင်ပိုင်း(RCSS/SSA) တို့အကြား မန်တုံမြို့နယ်အတွင်း တိုက်ပွဲ ၂ ကြိမ် ဖြစ်ပွားခဲ့ကြောင်းသိရသည်။
အဆိုပါကိစ္စနှင့် ပတ်သက်၍ ဗိုလ်မှူး မိုင်းအိုက်ကျော်က “RCSS နဲ့ အဲဒီမှာက နေလည် ပိုင်း အဲနေ့ကဖြစ်တယ်။ မန်တုံမြို့နယ် မန်အီကျေးရွာမှာ တစ်နေရာဖြစ်တယ် မန်မိုင်ရွာ မှာ တစ်နေရာဖြစ်တယ်” ပြောသည်။
ရှမ်းပြည်နယ် မြောက်ပိုင်းမှာ သာမက ကချင်ပြည်နယ်အတွင်းမှာလည်း အစိုးရတပ် မတော်နှင့် ကချင်လွတ်မြောက်ရေး တပ်မတော် (KIO/KIA) တို့အကြား ဇူလိုင်လကုန် ပိုင်းမှ ဒီကနေ့အချိန်ထိ တိုက်ပွဲများ ဖြစ်ပွားနေသည်။
ကချင်ပြည်နယ် မိုင်ဂျာယန်ဒေသတွင် တိုင်းရင်းသား လက်နက်ကိုင် တော်လှန်ရေး အဖွဲ့အစည်းများ၏ မျက်နှာစုံညီအစည်းအဝေးကျင်းပနေစဉ် တအာင်းမျိုးသား လွတ် မြောက်ရေး တပ်မတော်(PSLF/TNLA)၊ ကချင်လွတ်မြောက် တပ်မတော် (KIO/KIA) နှင့် အစိုးရ တပ်မတော်တို့အကြား တိုက်ပွဲများ ဖြစ်ပွားခဲ့သည်။
