ဂျပန်သတင်းထောက် လွတ်မြောက်ရေး ရုရှား ပယ်ချ၊ ပိတ်ဆို့မှု ရုပ်သိမ်းရန်တောင်းဆို
သတင်းနှင့် မီဒီယာ ကွန်ရက်။
၂၀၂၆ ခုနှစ်၊ နိုဝင်ဘာလ ၃ ရက်။
အမေရိကန်နိုင်ငံ အတ္တလန်တာမြို့တွင် ပြုလုပ်သည့် ဂျပန်-ရုရှား သီးသန့် တွေ့ဆုံပွဲ၌ ဖမ်းဆီးခံထားရသော ဂျပန်သတင်းထောက် လွတ်မြောက်ရေး တောင်းဆိုမှုကို ရုရှားဘက်က ပယ်ချခဲ့သဖြင့် နှစ်နိုင်ငံ သံတမန်ရေး ဆွေးနွေးပွဲများ လမ်းစပျောက်လျက်ရှိသည်။
ဂျပန် နိုင်ငံခြားရေးဝန်ကြီး တိုရှီမစ်ဆူ မိုတေဂီ (Toshimitsu Motegi) နှင့် ရုရှား နိုင်ငံခြားရေးဝန်ကြီး ဆာဂေး လက်ဗရော့ဗ် (Sergey Lavrov) တို့၏ တွေ့ဆုံပွဲတွင် ဖမ်းဆီးခံ ဟော့်ကိုင်းဒိုး ရှင်ဘွန်း သတင်းစာမှ သတင်းထောက်ကို ချက်ချင်း ပြန်လွှတ်ပေးရန် ဂျပန်ဘက်က တောင်းဆိုခဲ့သည်။
သို့သော် ရုရှားနိုင်ငံခြားရေးဝန်ကြီးက ဖမ်းဆီးမှုနှင့် ပတ်သက်၍ ရှင်းလင်းပြောဆိုခြင်း မရှိဘဲ၊ ရုရှားအပေါ် ချမှတ်ထားသည့် စီးပွားရေး ပိတ်ဆို့မှုများကို အရင်ဆုံး ရုပ်သိမ်းပေးမှသာ ငြိမ်းချမ်းရေး သဘောတူညီချက်နှင့် ဆွေးနွေးပွဲများကို ပြန်လည်စတင်နိုင်မည်ဟု တုံ့ပြန်ခဲ့သည်။
ဂျပန်အစိုးရကမူ ယူကရိန်းကို ကျူးကျော်ထားသည့် ရုရှားတပ်များ မရုပ်သိမ်းသမျှ ပိတ်ဆို့မှုများကို ရုပ်သိမ်းမည် မဟုတ်ကြောင်း မူအားဖြင့် ရပ်တည်ထားပြီး၊ ဖမ်းဆီးခံ သတင်းထောက် လွတ်မြောက်ရေးအတွက် သံတမန်ရေးရာ လမ်းကြောင်းမျိုးစုံမှ ဆက်လက် ကြိုးပမ်းသွားမည်ဟု ဆိုသည်။
