NMG Doh – Page 24 – Network Media Group

NMG Doh

Author: NMG Doh

Apr 5

ဝင်းဝ စခန်းအနီးရှိ ကျေးရွာကို ဗုံးကြဲ တိုက်ခိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၄ ရက်။ ထားဝယ်ခရိုင်၊ သရက်ချောင်းမြို့နယ်၊ အတွင်းရှိ ဝင်းဝ စခန်းကို ပြန်လည် ထိန်းချုပ်ပြီးနောက် အနီးရှိ ကျေးရွာများကို ဝဲရစ်ကျေးရွာအနီးကို စစ်ကော်မရှင်တပ်က တိုက်လေယာဉ်နှစ်စင်းဖြင့် ဗုံးကြဲတိုက်ခိုက်ခဲ့သည်ဟု ဒေသခံရွာသားများက ပြောသည်။ ပြီးခဲ့သည့် ဧပြီလ ၂ ရက်နေ့ မွန်းလွဲ ၁၂ နာရီကျော်အချိန်တွင် K8W ဂျက်ဖိုက်တာနှစ်စင်းဖြင့် ဝဲရစ် ကျေးရွာကို ပေါင် ၂၅၀ ဗုံး လေးလုံးကို ရှေ့ဆင့်နောက်ဆင့် ကြဲချတိုက်ခိုက်ခဲ့သည့်အပြင် စက်သေနတ်များဖြင့်ပါ ပစ်ခတ်မှုများ ရှိခဲ့ခြင်း ဖြစ်သည်။ အဆိုပါ ဖြစ်စဉ်နှင့်ပတ်သက်၍ အသက် ၄၀ ခန့်အရွယ် ဝဲရစ်ရွာသားတစ်ဦးက “ဝဲရစ်ကျေးရွာအနားကို ဂျက်ဖိုက်တာနှစ်စီးနဲ့ လာကြဲချသွားတာပါ၊ ရွာသားတွေ ထိခိုက်မှုကတော့ မရှိခဲ့ပါဘူး” ဟု ပြောသည်။ ဝဲရစ်ကျေးရွာသည် မြိတ်-ထားဝယ် ကားလမ်းပေါ်ရှိ ဝင်းဝကျေးရွာ၏ တောင်ဘက် နှစ်မိုင်ခန့်အကွာတွင် တည်ရှိသည်။ လက်ရှိတွင် အဆိုပါ ဝင်းဝကျေးရွာသို့ စစ်ကော်မရှင်တပ်များ ပြန်လည်ရောက်ရှိနေကြောင်း တော်လှန်ရေး အင်အားစုများနှင့် ဒေသတွင်း သတင်းအရင်းအမြစ်များက ပြောသည်။ ပြီးခဲ့သည့် မတ်လ ၁၁ ရက်နေ့တွင် KNLA နှင့် PDF ပူးပေါင်းတပ်များက သိမ်းယူခဲ့သည့် ဝင်းဝစခန်းသို့ ရက် ပေါင်း ၂၀ ခန့်အကြာ မတ်လ ၃၁ ရက်နေ့တွင် စစ်ကော်မရှင်တပ်က ပြန်လည်ထိုးဖောက် ရောက်ရှိလာခြင်း ဖြစ်သည်။ စစ်ရေးသတင်းအရင်းအမြစ်များ၏ အဆိုအရ မတ်လနောက်ဆုံးပတ်တွင် သရက်ချောင်းမြို့ဘက်မှ အင်အား ၆၀ ခန့်ရှိ စစ်ကူစစ်ကြောင်းတစ်ကြောင်း ထပ်မံရောက်ရှိလာပြီး ဂုံညှင်းဆိပ်ကျေးရွာဘက်မှတစ်ဆင့် ဝင်းဝစခန်းသို့ ပြန်လည်ဝင်ရောက်လာခြင်း ဖြစ်သည်ဟု သိရသည်။ သို့သော် အဆိုပါစစ်ရေးအခြေအနေနှင့် ပတ်သက်၍ ကရင်အမျိုးသားအစည်းအရုံး KNU နှင့် PDF တာဝန်ရှိသူ အချို့ထံ ဆက်သွယ်မေးမြန်းထားသော်လည်း တစ်စုံတစ်ရာ ပြန်လည်ဖြေကြားခြင်း မရှိသေးပေ။ စစ်ကော်မရှင်ဘက်က ဝင်းဝစခန်းကို ပြန်လည်ထိန်းချုပ်နိုင်ပြီဖြစ်ပြီး မြိတ်-ထားဝယ် ကားလမ်းကိုလည်း ပြန်လည်ဖွင့်လှစ်လိုက်ပြီဟု ထုတ်ပြန်ထားသော်လည်း မြေပြင်တွင် လမ်းပိုင်းအခြေအနေမှာ ပုံမှန်မဟုတ်ဘဲ ပြန်လည်ပိတ်ဆို့မှုများ ရှိနေကြောင်း ဒေသခံများက ပြောသည်။ ဝင်းဝစခန်းကို တော်လှန်ရေးတပ်များ သိမ်းပိုက်ခဲ့သည့် နောက်ပိုင်းမှစ၍ လက်ရှိအချိန်ထိ သရက်ချောင်းမြို့နယ် အောက်ပိုင်းရှိ ကျေးရွာ ၁၂ ရွာခနှ့်မှာ စစ်ကော်မရှင်၏ လေကြောင်းနှင့် ရေကြောင်းမှ လက်နက်ကြီးပစ်ခတ်မှုဒဏ်ကို နေ့စဉ်ရင်ဆိုင်နေရ သည်ဟု ဒေသခံများက ပြောသည်။ စစ်ကော်မရှင်တပ်၏ စစ်ကြောင်းထိုးမှုနှင့် တိုက်ခိုက်မှုများကြောင့် ဒေသခံရွာသား ၂၀ ခန့် သေဆုံးခဲ့ရပြီး လူနေအိမ်၊ ဘာသာရေးအဆောက်အအုံနှင့် စာသင်ကျောင်းများစွာလည်း မီးလောင်ပျက်စီးခဲ့ရသည်။ #ဝင်းဝ #လေကြောင်းတိုက်ခိုက်မှု #စစ်ကော်မရှင် #ထားဝယ် #သရက်ချောင်းမြို့နယ်

ဝင်းဝ စခန်းအနီးရှိ ကျေးရွာကို ဗုံးကြဲ တိုက်ခိုက်

Apr 4

သေဆုံးသွားသော နိုင်ကျဉ်း အလောင်းအား မိသားစုထံပြန်မပေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၄ ရက်။ အကျဉ်းထောင်အတွင်း သေဆုံးသွားသည့် နိုင်ငံရေးအကျဉ်းသူ တစ်ဦး၏ ရုပ်အလောင်းအား မိသားစုထံ ပြန် လည်ပေးအပ်ခြင်း မရှိခြင်းသည် အကျဉ်းသားအခွင့်အရေးနှင့် လူ့ဂုဏ်သိက္ခာကို အဆုံးစွန်ထိ စော်ကားခြင်း ဖြစ်ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) က ရှုတ်ချလိုက်သည်။ စစ်ကိုင်းတိုင်း၊ တန့်ဆည်အချုပ်ထောင်တွင် မတရားဖမ်းဆီးခံထားရသည့် နိုင်ငံရေးအကျဉ်းသူ မသက်သက်မာ သည် ဆေးဝါးကုသခွင့် ပိတ်ပင်ခံရမှုကြောင့် ကျဆုံးသွားခဲ့ရပြီး၊ ၎င်း၏ရုပ်အလောင်းကိုပင် မိသားစုထံ ပြန်မပေး ဘဲ အာဏာပိုင်များက အတင်းအဓမ္မ သင်္ဂြိုဟ်လိုက်ခြင်းအပေါ် PPNM က ယခုကဲ့သို့ တုံ့ပြန်ပြောဆိုလိုက်ခြင်း ဖြစ်သည်။ အသက် ၅၄ နှစ်အရွယ်ရှိ မသက်သက်မာသည် သွေးလေးဘက်နာရောဂါကို ပြင်းထန်စွာ ခံစားနေရသူ ဖြစ်သော် လည်း ပြင်ပဆေးရုံတွင် ကုသခွင့်တောင်းခံမှုကို အာဏာပိုင်များက ပိတ်ပင်ခဲ့ခြင်းကြောင့် ပြီးခဲ့သည့် မတ်လ ၂၇ ရက်နေ့တွင် ကျဆုံးသွားခဲ့ရခြင်းဖြစ်သည်။ ၎င်းသည် ရွှေဘိုခရိုင် ထောက်ပို့တာဝန်ခံ စာရေးဆရာ ရန်ငြိမ်းသူ၏ ဇနီးဖြစ်ပြီး ဓားစာခံအဖြစ် မတရားဖမ်းဆီး ခံခဲ့ရကာ ထောင်ဒဏ် ၂၀ နှစ် အမိန့်ချမှတ်ခံထားရသူလည်း ဖြစ်သည်။ PPNM ဦးဆောင်ကော်မတီဝင် မရောင်နီလင်းက “မသက်သက်မာဟာ အဖမ်းမခံရခင် ကတည်းက သွေးလေး ဘက်နာကို ကုသနေရတဲ့ သူဖြစ်ပါတယ်။ အချုပ်ကာလမှာ ဆေးဝါးတွေကို ရဲစခန်းမှူး ဆီကနေမှတစ်ဆင့် ဝယ် ယူသောက်သုံး နေရပါတယ်။ ရောဂါ ပြင်းထန်လာတဲ့အချိန်မှာ ပြင်ပဆေးရုံကို ကုသခွင့် တောင်းဆိုခဲ့ပေမဲ့ ပိတ်ပင်ခံထား ခဲ့ရပါတယ်။ ဒါကြောင့်မို့လို့ မသေဆုံးသင့်ဘဲ သေဆုံး ခဲ့ရတဲ့ နိုင်ငံရေးအကျဉ်းသူတစ်ဦး ဖြစ်ပါ တယ်” ဟု ပြောသည်။ မသက်သက်မာ ဆုံးပါးသွားခဲ့သည့် မတ်လ ၂၇ ရက်နေ့တွင် မိသားစုထံ အကြောင်းကြားခဲ့သော်လည်း ရုပ်အလောင်းကို နောက်ဆုံးခရီး ပို့ဆောင်ခွင့်ပင် မပေးဘဲ အာဏာပိုင်များက အလျင်အမြန် စီစဉ်ခဲ့ကြောင်း ဆိုသည်။ ဖြစ်စဉ်နှင့်ပတ်သက်၍ မရောင်နီလင်းက “အရေးပေါ် စီမံချက်အရ အမြန် သင်္ဂြိုဟ်ရမယ်ဆိုတဲ့ အကြောင်းပြ ချက်ကို သုံးပြီးတော့ မိသားစုကို အလောင်း ပြန်ပေးတာမျိုးလည်း မရှိပါဘူး။ ဘယ်လိုပုံစံနဲ့ သင်္ဂြိုဟ်လိုက် တယ် ဆိုတာလည်း မသိရပါဘူး။ နောက်ဆုံးခရီး ပို့ဆောင်ခွင့်ကိုလည်း မရရှိခဲ့ပါဘူးရှင့်” ဟု ဆက် ပြောသည်။ အကျဉ်းထောင်များသည် အကျဉ်းဆိုင်ရာ နိုင်ငံတကာစံနှုန်းများကို လိုက်နာကျင့်သုံးရန် လိုအပ်ပြီး အကျဉ်း ထောင် အတွင်း သေဆုံးမှုများအတွက် လွတ်လပ်စွာ စုံစမ်းစစ်ဆေးခွင့်၊ မိသားစုဝင်များနှင့် ဆက်သွယ်ခွင့်၊ ရုပ် အလောင်းအား ပြန်လည်လက်ခံပိုင်ခွင့်နှင့် ဘာသာရေးအရ နောက်ဆုံးခရီးအား ဆောင်ရွက်ခွင့် ရှိရမည်ဖြစ် ကြောင်း PPNM က ထောက်ပြထားသည်။ ထို့ပြင် ယခုကဲ့သို့ ဆေးဝါးကုသခွင့် ပိတ်ပင်မှုကြောင့် အကျဉ်းသားများ မသေဆုံးသင့်ဘဲ သေဆုံးခဲ့ရသည့် ဖြစ်စဉ်အပေါ် သက်ဆိုင်ရာ အာဏာပိုင်များ အနေဖြင့် တာဝန်ယူ၊ တာဝန်ခံရမည် ဖြစ်သည်ဟု ဆိုသည်။ PPNM အနေဖြင့် အကျဉ်းသား အခွင့်အရေး ချိုးဖောက်မှုများ၊ ဆေးကုသခွင့် ပိတ်ပင်မှုများနှင့် ဓားစာခံအဖြစ် ဖမ်းဆီးမှုများကို ပြင်းထန်စွာ ရှုတ်ချပြီး တရားမျှတမှု ရရှိစေရန်နှင့် ကျန်ရှိနေသည့် နိုင်ငံရေးအကျဉ်းသားများ၏ အသက်ဘေးကင်းလုံခြုံရေးအတွက် နိုင်ငံတကာမှ အလေးထား စောင့်ကြည့်ပေးရန် တောင်းဆိုထားသည်။ #PPNM #မသက်သက်မာ #နိုင်ငံရေးအကျဉ်းသား

သေဆုံးသွားသော နိုင်ကျဉ်း အလောင်းအား မိသားစုထံပြန်မပေး

Apr 3

အီစတာ အကြို ပွဲတော်များ ကျင်းပ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၃ ရက်။ လာမည့်တနင်္ဂနွေနေ့တွင် ကျရောက်မည့် အီစတာပွဲတော် (Easter Sunday) အကြိုကာလအဖြစ် ကမ္ဘာ့ဒေသအသီးသီးတွင် ဝတ်ပြုပွဲများ ကျင်းပလျက်ရှိသည်။ ဗြိတိသျှဘုရင် တတိယမြောက် ချားလ်စ် (Charles III) နှင့် မိဖုရား ကမ္မီလာ (Camilla) တို့သည် ဝေလနယ်မြောက်ပိုင်းရှိ စိန့်အဆက်ပ် ကက်သီဒရယ် (St Asaph Cathedral) တွင် ကျင်းပသော မန္ဒီဝတ်ပြုပွဲ (Maundy Service) သို့ တက်ရောက်ခဲ့သည်။ ဤပွဲတော်မှာ နှစ်ပေါင်း ၈၀၀ အတွင်း ဝေလနယ်၌ ဒုတိယအကြိမ်မြောက် ကျင်းပခြင်းဖြစ်သည်။ ဗြိတိသျှ ဘုရင်ကြီးက ၎င်း၏အသက် ၇၇ နှစ်နှင့်အညီ ထူးချွန်သော အမျိုးသား ၇၇ ဦးနှင့် အမျိုးသမီး ၇၇ ဦးတို့ကို အထူးထုတ်လုပ်ထားသည့် ငွေစင်ဒင်္ဂါးပြားများ လက်ဆောင်ပေးအပ်ကာ ဂုဏ်ပြုခဲ့သည်။ အယ်လ်ဆာဗေးဒိုးနိုင်ငံတွင်မူ ရှေးဟောင်းရိုးရာပွဲတော်တစ်ခုကို ကျင်းပခဲ့ကြသည်။ နတ်ဆိုးသဏ္ဌာန် ဝတ်ဆင်ထားသူများက ဘာသာဝင်များကို ရိုက်နှက်ခြင်းဖြင့် တစ်နှစ်တာအတွင်း ကျူးလွန်ခဲ့သော အပြစ်များကို ဖြေဖျောက်သည့် ယုံကြည်မှုကို ဖော်ထုတ်ခဲ့ကြသည်။ အခမ်းအနားအဆုံးတွင် ယေရှုခရစ်တော်အသွင် ဝတ်ဆင်ထားသူက နတ်ဆိုးများကို အောင်နိုင်သည့် အထိမ်းအမှတ်ဖြင့် ပွဲတော်ကို ရုပ်သိမ်းခဲ့သည်။

အီစတာ အကြို ပွဲတော်များ ကျင်းပ

Apr 3

အမေရိကန် ရှေ့နေချုပ်နှင့် ကြည်းတပ်ဦးစီးချုပ်တို့ ရာထူးမှ ထုတ်ပယ်ခံရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၃ ရက်။ အမေရိကန်သမ္မတ ဒေါ်နယ်ထရမ့်သည် ၎င်း၏ အနီးကပ်မဟာမိတ်ဖြစ်သူ ရှေ့နေချုပ် ပမ်းဘွန်ဒီ (Pam Bondi) ကို ရာထူးမှ ဖယ်ရှားလိုက်သည်။ ကာမရာဇဝတ်မှု ကျူးလွန်သူ Jeffrey Epstein နှင့် ပတ်သက်သော လျှို့ဝှက်ဖိုင်တွဲများ ထုတ်ပြန်မှုကို ခွင့်ပြုခဲ့သည့်အတွက် သမ္မတနှင့် လွှတ်တော်အမတ်များ၏ မကျေနပ်မှုကို ခံခဲ့ရပြီးနောက် ယခုကဲ့သို့ ရာထူးမှ ဖယ်ရှားခံခဲ့ရခြင်းဖြစ်သည်။ တစ်ချိန်တည်းမှာပင် ကာကွယ်ရေးဝန်ကြီး (စစ်ဝန်ကြီး) ပက်တီ ဟဂ်ဆက်သ် (Pete Hegseth) သည် ကြည်းတပ်ဦးစီးချုပ် ဗိုလ်ချုပ်ကြီး ရန်ဒီ ဂျော့ဂျ် (Randy George) ကို ချက်ချင်းအနားယူရန် ဖိအားပေး ဖယ်ရှားခဲ့သည်။ ၂၀၂၇ ခုနှစ်အထိ တာဝန်သက်တမ်းရှိသော ဗိုလ်ချုပ်ကြီး George ၏ နေရာတွင် ဝန်ကြီး Hegseth ၏ လက်ထောက်ဟောင်းဖြစ်သူ ဗိုလ်ချုပ်ကြီး Christopher LaNeve က ယာယီဦးစီးချုပ်အဖြစ် အစားထိုး တာဝန်ယူမည်ဖြစ်သည်။ ဤရွှေ့ပြောင်းမှုများသည် သမ္မတ၏ မူဝါဒများကို အပြည့်အဝ အကောင်အထည်ဖော်နိုင်မည့် ခေါင်းဆောင်မှုအပြောင်းအလဲကို ဖော်ဆောင်ခြင်းဖြစ်ကြောင်း အကဲခတ်များက သုံးသပ်သည်။

အမေရိကန် ရှေ့နေချုပ်နှင့် ကြည်းတပ်ဦးစီးချုပ်တို့ ရာထူးမှ ထုတ်ပယ်ခံရ

Apr 3

NATO မှ နုတ်ထွက်ရန် ဒေါ်နယ်ထရန့် နည်းလမ်းရှာနေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၃ ရက်။ အမေရိကန်သမ္မတ ဒေါ်နယ်ထရန့်သည် မြောက်အတ္တလန္တိတ်စစ်စာချုပ်အဖွဲ့ (NATO) မှ အမေရိကန်ပြည်ထောင်စု နုတ်ထွက်ရေးကို အလေးအနက် စဉ်းစားလျက်ရှိကြောင်း ထုတ်ဖော်ပြောကြားလိုက်သည်။ လက်ရှိဖြစ်ပွားနေသော အီရန်စစ်ပွဲတွင် NATO အဖွဲ့ဝင် ဥရောပနိုင်ငံများက ဟော်မုဇ်ရေလက်ကြား (Strait of Hormuz) ပိတ်ဆို့မှုအား ဖြေရှင်းရန် အမေရိကန်က တောင်းဆိုခဲ့သော်လည်း စစ်သင်္ဘောများ စေလွှတ်ခြင်းမရှိခဲ့ပေ။ ထို့အပြင် ဗြိတိန်၊ စပိန်နှင့် အီတလီနိုင်ငံတို့က အမေရိကန်စစ်လေယာဉ်များအား ၎င်းတို့၏ ဝေဟင်ပိုင်နက် အသုံးပြုခွင့်နှင့် စခန်းချနားခွင့်ကို ပိတ်ပင်ခဲ့ခြင်းတို့ကြောင့် သမ္မတထရမ့်က ယခုကဲ့သို့ တုံ့ပြန်ခဲ့ခြင်းဖြစ်သည်။ သို့ရာတွင် ၂၀၂၃ ခုနှစ်၌ အမေရိကန်လွှတ်တော်က ပြဋ္ဌာန်းထားသည့် ဥပဒေအရ သမ္မတသည် အထက်လွှတ်တော်အမတ် ၁၀၀ အနက် ၆၇ ဦး (နှစ်ပုံသုံးပုံ) ၏ ထောက်ခံမှုမရှိဘဲ NATO မှ နုတ်ထွက်ခွင့်မရှိပေ။ အိမ်ဖြူတော်အစိုးရအဖွဲ့ကမူ ထိုဥပဒေသည် အခြေခံဥပဒေနှင့် ညီညွတ်ခြင်းမရှိကြောင်းနှင့် နိုင်ငံတကာစာချုပ်များမှ နုတ်ထွက်ခွင့်မှာ သမ္မတ၏ လုပ်ပိုင်ခွင့်သာဖြစ်ကြောင်း တုံ့ပြန်ရန် ပြင်ဆင်နေသည်။ အကဲခတ်များကမူ အမေရိကန်သည် NATO စစ်အသုံးစရိတ်၏ ၆၂ ရာခိုင်နှုန်းကို ကျခံထားခြင်းကြောင့် အမေရိကန်၏ ပူးပေါင်းဆောင်ရွက်မှုမပါဝင်ပါက ဥပဒေကြောင်းအရ မည်သို့ပင်ရှိစေကာမူ NATO အဖွဲ့၏ စစ်ရေးစွမ်းဆောင်ရည်မှာ အလွန်အမင်း အားနည်းသွားမည်ဖြစ်ကြောင်း သုံးသပ်ထားကြသည်။

NATO မှ နုတ်ထွက်ရန် ဒေါ်နယ်ထရန့် နည်းလမ်းရှာနေ

Apr 3

တရုတ်ကို လက်လှမ်းမီသည့် ပြည်တွင်း ထုတ် ဒုံးကျည်များ ဂျပန် တပ်ဖြန့်၊ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၃ ရက်။ ဂျပန်နိုင်ငံက ပြည်တွင်းဖြစ် တာဝေးပစ်ဒုံးကျည်များကို ပထမဆုံးအကြိမ် တပ်ဖြန့်ချထားလိုက်သည်။ ဂျပန်နိုင်ငံသည် ၎င်း၏ကိုယ်ပိုင်နည်းပညာဖြင့် တီထွင်ထုတ်လုပ်ထားသော အဝေးပစ် ဒုံးကျည်နှစ်မျိုးဖြစ်သည့် Type-25 ကမ်းခြေအခြေစိုက် သင်္ဘောဖျက်ဒုံးကျည် နှင့် Type-25 အရှိန်ပြင်း ပျံသန်းတိုက်ခိုက်ရေးဒုံးကျည် (HVGP) တို့ကို ကာကွယ်ရေးတပ်ဖွဲ့များထံ တရားဝင်လွှဲပြောင်းကာ စတင်တပ်ဖြန့်ချထားလိုက်ပြီ ဖြစ်သည်။ Type-25 သင်္ဘောဖျက်ဒုံးကျည်ကို ကူမာမိုတို (Kumamoto) ခရိုင်ရှိ Camp Kengun စခန်းတွင် တပ်ဖြန့်ထားသည်။ Camp Kengun စခန်းသည် ဂျပန် နိုင်ငံ တောင်ပိုင်း ကျူးရူးကျွန်း အလယ်ပိုင်းတွင် ရှိပြီး တရုတ်နိုင်ငံ ရှန်ဟိုင်းမြို့နှင့်မိုင် ၅၄၀ ခန့်ဝေးပြီး ထိုင်ဝမ်ကျွန်းနှင့် မိုင် ၇၅၀ ခန့်ဝေးသည်။ ၎င်းသည် ကီလိုမီတာ ၁,၀၀၀ ခန့်အထိ ပစ်ခတ်နိုင်စွမ်း ရှိသဖြင့် တရုတ် ကမ်းရိုးတန်း ပစ်မှတ်များကိုသာမက မြောက်ကိုရီးယား တစ်နိုင်ငံလုံးကိုပါ လက်လှမ်း မီသည့် ဒုံးကျည်များ ဖြစ်လာသည်။ Type-25 HVGP ဒုံးကျည်ကိုတော့ ဂျပန်နိုင်ငံ၏ အဓိက ကျွန်းဖြစ်သော ဟွန်ရှူးကျွန်းရှိ ရှီဇူအိုကာ (Shizuoka) ခရိုင်ရှိ ဖူဂျီတောင်ခြေ (Camp Fuji) အနီးတွင် တပ်ဖြန့်ထားသည်။ ၎င်းသည် အသံထက်မြန်သော အရှိန်ဖြင့် ပုံသေမဟုတ်သော လမ်းကြောင်းများမှ ပျံသန်းနိုင်သဖြင့် ရန်သူ့ကာကွယ်ရေးစနစ်များက ကြားဖြတ်ဟန့်တားရန် အလွန်ခက်ခဲသည်။ ယင်းသည် ဂျပန် နိုင်ငံ အလယ်ဗဟိုတွင် တည်ရှိပြီး ကာကွယ်ရေး အတွက် အဓိက ရည်ရွယ်ထားရှိခြင်း ဖြစ်သည်ဟု စစ်ရေး သုံးသပ်သူများက ဆိုသည်။ ဤလုပ်ဆောင်ချက်သည် ဂျပန်နိုင်ငံ၏ တန်ပြန်တိုက်ခိုက်နိုင်စွမ်း (Counterstrike Capability) ကို လက်တွေ့စတင်လိုက်ခြင်း ဖြစ်သည်။ တရုတ်နိုင်ငံ၏ စစ်ရေးလှုပ်ရှားမှုများနှင့် မြောက်ကိုရီးယား၏ ဒုံးကျည်စမ်းသပ်မှုများကြောင့် ဒေသတွင်း တင်းမာမှုများ မြင့်တက်နေချိန်တွင် ဂျပန်နိုင်ငံက ယခုကဲ့သို့ တာဝေးမှ ကြိုတင်ဟန့်တားနိုင်သည့် စွမ်းရည်ကို မြှင့်တင်လိုက်ခြင်း ဖြစ်သည်။ ယခုဒုံးကျည်များကို ယခင်က အဆင့်မြှင့်တင်ထားသော Type-12 သင်္ဘောဖျက်ဒုံးကျည်နှင့် ကျွန်းစုကာကွယ်ရေး အရှိန်ပြင်းဒုံးကျည်များအဖြစ် လူသိများခဲ့သော်လည်း ယခုအခါ Type-25 အဖြစ် တရားဝင်အမည်ပြောင်းကာ တပ်ဖြန့်လိုက်ခြင်းဖြစ်သည်။ မကြာသေးမီကလည်း ဂျပန်နိုင်ငံ၏ Chokai စစ်သင်္ဘောကို အမေရိကန်လုပ် Tomahawk ဒုံးကျည်များ ပစ်ခတ်နိုင်ရန် အဆင့်မြှင့်တင်မှုများ ပြုလုပ်ခဲ့ပြီး ဖြစ်သည်။ #Tomahawk #Japan #Kumamoto #Camp Kengun #HVGP

တရုတ်ကို လက်လှမ်းမီသည့် ပြည်တွင်း ထုတ် ဒုံးကျည်များ ဂျပန် တပ်ဖြန့်၊

Apr 3

အီရန် စစ်ပွဲတွင် AI များ အရေးပါလာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၃ ရက်။ အီရန်စစ်ပွဲအတွင်းမှာ အမေရိကန်စစ်တပ်ဟာ ပစ်မှတ်တွေကို စက္ကန့်ပိုင်းအတွင်း ရှာဖွေဖော်ထုတ်နိုင်ဖို့ AI စနစ်တွေကို အားကိုးလာသလို၊ တစ်ဖက်မှာလည်း လူမှုကွန်ရက်ပေါ်မှာ AI နဲ့ ဖန်တီးထားတဲ့ သတင်းမှားတွေက လူထုတွေကို ဝေဝါးစေပါတယ်။ အမေရိကန်စစ်တပ်ဟာ Palantir ကုမ္ပဏီထုတ် Maven Smart System ကို အသုံးပြုပြီး အီရန်နိုင်ငံအတွင်းက ပစ်မှတ်ပေါင်း ၁၁,၀၀၀ ကျော်ကို ဗုံးကြဲတိုက်ခိုက်ခဲ့တယ် လို့ ဘီဘီစီ သတင်းတပုဒ်မှာ ဖော်ပြပါတယ်။ ဒီစနစ်ဟာ ဒရုန်းဗီဒီယိုတွေ၊ ဂြိုဟ်တုဓာတ်ပုံတွေနဲ့ ထောက်လှမ်းရေးသတင်းတွေကို ပေါင်းစပ်ပြီး ဘယ်နေရာကို တိုက်ခိုက်ရမလဲဆိုတာ အကြံပြုပေးတာပါ။ ဒါပေမယ့် Palantir UK ကုမ္ပဏီ အကြီးအကဲ လူးဝစ် မော့စ်လေ Louis Mosley ကတော့ နောက်ဆုံးဆုံးဖြတ်ချက်ကို လူတွေက ပဲ ချမှတ်တာဖြစ်ပြီး AI ကတော့ အချက်အလက် အမြောက်အမြားကို လူသားတွေ တစ်ခုချင်း လိုက်မကြည့်နိုင်ခင် အမြန်ဆုံး စုစည်းပေးတာပဲ ဖြစ်တယ် လို့ ရှင်းပြပါတယ်။ အမေရိကန် အရှေ့အလယ်ပိုင်း စစ်ဌာနချုပ် အကြီးအကဲလေတပ်ဗိုလ်ချုပ် ဘရက်ဒ် ကူးပါး (Adm Brad Cooper) ကတော့ AI က ခေါင်းဆောင်တွေကို သတင်းအချက်အလက်တွေကြားက အမှိုက်တွေကို ဖယ်ထုတ်ပေးပြီး ရန်သူက တုံ့ပြန်ဖို့ မပြင်နိုင်ခင်မှာ ပိုမိုမြန်ဆန်၊ ပိုမိုကောင်းမွန်တဲ့ ဆုံးဖြတ်ချက်တွေကို ချနိုင်အောင် ကူညီပေးတာ ဖြစ်တယ်လို့ ဆိုပါတယ်။ ဒါပေမယ့်လည်း AI ကြောင့် စစ်ဆင်ရေးတွေဟာ "အတွေးထက် ပိုမြန်တဲ့နှုန်း" နဲ့ ဖြစ်ပေါ်နေတာကြောင့် လူသားတွေအနေနဲ့ ပစ်မှတ်ဟာ တကယ်ပဲ စစ်ရေးပစ်မှတ် ဟုတ်၊ မဟုတ် ပြန်လည်စစ်ဆေးဖို့ အချိန်မရတော့မှာကို ပညာရှင်တွေက စိုးရိမ်နေကြတယ်လို့ ဘီဘီစီ သတင်းတပုဒ်မှာ ဖော်ပြပါတယ်။ မတ်လဆန်းပိုင်းက အီရန်နိုင်ငံ မီနပ်ဘ် (Minab) မြို့က ကျောင်းတစ်ကျောင်း ဗုံးကြဲခံရပြီး ကလေးငယ် ၁၁၀ အပါအဝင် ၁၆၈ ဦး သေဆုံးခဲ့ရမှုဟာ AI ကြောင့် မှားယွင်းတဲ့ ပစ်မှတ်ကို ရွေးချယ်မိတာလားဆိုတဲ့ မေးခွန်းတွေလည်း ထွက်ပေါ်နေပါတယ်။ ဘီဘီစီ ကမ္ဘာတဝှမ်း အစီအစဉ်က သတင်းတပုဒ်မှာ ဘုရင်မ မေရီ တက္ကသိုလ်က ပါမောက္ခတယောက်ကို ကိုးကား ဖော်ပြထားပါတယ်။ Prof Elke Schwarz က AI အပေါ် အလွန်အကျွံ အားကိုးလာရင် လူသားတွေရဲ့ ဝေဖန်ပိုင်းခြားနိုင်စွမ်း လျော့နည်းသွားပြီး အရပ်သားတွေ သေဆုံးဖို့ အခွင့်အလမ်း ပိုများလာစေနိုင်တယ်လို့ ထောက်ပြထားပါတယ်။ စစ်မြေပြင်က ပစ်မှတ်ရှာရာမှာ AI ကို အသုံးပြုနေသလို အင်တာနက်ပေါ်မှာလည်း AI နဲ့ ဖန်တီးထားတဲ့ ဗီဒီယိုအတုတွေ ပျံ့နှံ့နေပါတယ်။ အမေရိကန်စစ်သားတွေကို အီရန်က ဖမ်းဆီးထားတဲ့ပုံစံတွေ၊ အစ္စရေး လေဆိပ်တွေ ဗုံးကြဲခံရတဲ့ ပုံစံတွေကို AI နဲ့ လက်ရာမြောက်စွာ ဖန်တီးပြီး ဝါဒဖြန့်နေကြတာပါ။ အင်္ဂလန်နိုင်ငံ ဘာကလေ တက္ကသိုလ်က ပါမောက္ခ ဟာနီ ဖာရစ် Hany Farid က အရင်က အတုတွေက အနည်းအကျဉ်းသာ ဖြစ်ပြီး ချက်ချင်း သိသာတယ်၊ အခုက အတုတွေ ရာနဲ့ ချီလာပြီး အစစ်နဲ့ တူတာကြောင့် လူတွေကလည်း ထပ်ဆင့် ဝေမျှနေကြတယ်လို့ ထောက်ပြထားပါတယ်။ အနာဂတ် စစ်ပွဲတွေမှာ AI ဟာ မလွဲမသွေ ပါလာတော့မှာ ဖြစ်ပေမယ့် AI ကြောင့် သတင်းအမှားတွေကို အမှန်မထင်ဖို့နဲ့ အရပ်သား ထိခိုက်မှုတွေကို ကာကွယ်ဖို့ကတော့ မေးခွန်းထုတ်စရာ ဖြစ်နေဆဲ ဖြစ်ပါတယ်။

အီရန် စစ်ပွဲတွင် AI များ အရေးပါလာ

Apr 2

၅၄ နှစ်အကြာတွင် လကမ္ဘာသို့ လူသားများ ပြန်သွားပြီ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂ ရက်။ အမေရိကန်အာကာသအေဂျင်စီ (NASA) သည် လူသားများကို လကမ္ဘာဆီသို့ ပြန်လည်စေလွှတ်မည့် သမိုင်းဝင် အာတီမစ် ၂ (Artemis II) ခရီးစဉ်ကို ဖလော်ရီဒါပြည်နယ်ရှိ ကနေဒီအာကာသစခန်းမှ ဧပြီလ ၁ ရက်နေ့တွင် အောင်မြင်စွာ လွှတ်တင်နိုင်ခဲ့သည်။ ဤသည်မှာ လွန်ခဲ့သော နှစ်ပေါင်း ၅၀ ကျော်က အပိုလို (Apollo) စီမံကိန်းနောက်ပိုင်း လူသားများ လကမ္ဘာသို့ ပထမဆုံးအကြိမ် ပြန်လည်ခရီးနှင်ခြင်းဖြစ်သည်။ အာတီမစ် ၂ ခရီးစဉ်တွင် အမေရိကန်အာကာသယာဉ်မှူး ၃ ဦးနှင့် ကနေဒါအာကာသယာဉ်မှူး ၁ ဦး၊ စုစုပေါင်း ၄ ဦး ပါဝင်ပြီး လကမ္ဘာကို ပတ်၍ ၁၀ ရက်ကြာ ခရီးနှင်ကြမည်ဖြစ်သည်။ ယခင်က နည်းပညာပိုင်းနှင့် လောင်စာဆီ ယိုစိမ့်မှုအခက်အခဲများကြောင့် ကြန့်ကြာခဲ့ရသော်လည်း ယခုအကြိမ်တွင်မူ အဆင်ပြေချောမွေ့စွာ လွှတ်တင်နိုင်ခဲ့ခြင်းဖြစ်သည်။ အာကာသယာဉ်သည် လကမ္ဘာကို ပတ်ပြီးနောက် ကမ္ဘာ့ဆွဲအားကို အသုံးပြု၍ ပစိဖိတ်သမုဒ္ဒရာ အတွင်းသို့ ပြန်လည်ဆင်းသက်မည်ဖြစ်သည်။ ဤစီမံကိန်းသည် နောင်တွင် လပေါ်၌ လူသားများ အခြေချနေထိုင်ရန်နှင့် အင်္ဂါဂြိုဟ် (Mars) သို့ ခရီးနှင်နိုင်ရန်အတွက် အလွန်အရေးပါသော ခြေလှမ်းတစ်ခုဖြစ်သည်ဟု နာဆာက ပြောသည်။ NASA သိပ္ပံပညာရှင်များက ယခုခရီးစဉ်ကို မျိုးဆက်သစ်တို့အတွက် "မျက်မှောက်ခေတ်၏ အပိုလိုစီမံကိန်း" အဖြစ် တင်စားပြောဆိုခဲ့ကြသည်။

၅၄ နှစ်အကြာတွင် လကမ္ဘာသို့ လူသားများ ပြန်သွားပြီ

Apr 2

ငွေလိမ်ဂိုဏ်းခေါင်းဆောင်တစ်ဦးကို ကမ္ဘောဒီးယားမှ တရုတ်သို့လွှဲပြောင်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂ ရက်။ ကမ္ဘောဒီးယားနိုင်ငံတွင် အခြေစိုက်ကာ နိုင်ငံဖြတ်ကျော် ငွေကြေးခဝါချမှုနှင့် အွန်လိုင်းလိမ်လည်မှုများ ကျူးလွန်ခဲ့သည်ဟု စွပ်စွဲခံရသော ဂိုဏ်းခေါင်းဆောင် တစ်ဦးဖြစ်သော လီရှောင်း (Li Xiong) ကို ကမ္ဘောဒီးယားအစိုးရက ဖမ်းဆီး၍ တရုတ်နိုင်ငံသို့ လွှဲပြောင်းပေးအပ်လိုက်သည်။ လီရှောင်းသည် ကမ္ဘောဒီးယားနိုင်ငံရှိ နာမည်ကြီးငွေကြေးဝန်ဆောင်မှုလုပ်ငန်းဖြစ်သော ဟွေယွန်းပေး (Huione Pay) ၏ ဥက္ကဋ္ဌဟောင်းဖြစ်သည်။ ပြီးခဲ့သည့် ဇန်နဝါရီလက ဖမ်းဆီးခံခဲ့ရသည့် စီးပွားရေးသမား ချန်ကျိ (Chen Zhi) ၏ ရာဇဝတ်ဂိုဏ်းတွင် အဓိကအဖွဲ့ဝင်တစ်ဦးအဖြစ် စွပ်စွဲခံထားရသူဖြစ်သည်။ အမေရိကန်ဘဏ္ဍာရေးဝန်ကြီးဌာန၏ ထုတ်ပြန်ချက်အရ ဟွေယွန်းအုပ်စု (Huione Group) သည် ၂၀၂၁ ခုနှစ်မှ ၂၀၂၅ ခုနှစ်အတွင်း အွန်လိုင်းလိမ်လည်မှု (ကျားဖြန့်) လုပ်ငန်းများမှရရှိသော တရားမဝင်ငွေကြေး အမေရိကန်ဒေါ်လာ ၄ ဘီလီယံခန့်ကို ခဝါချပေးခဲ့သည်။ ချန်ကျိ ပိုင်ဆိုင်သည့် ပရင့်စ်အုပ်စု (Prince Group) ကို အမေရိကန်နှင့် ဗြိတိန်နိုင်ငံတို့က "နိုင်ငံဖြတ်ကျော် ရာဇဝတ်အင်ပါယာ" အဖြစ် သတ်မှတ်ထားသော်လည်း အဆိုပါအဖွဲ့ဘက်ကမူ ၎င်းတို့သည် လီရှောင်းနှင့် ပတ်သက်မှုမရှိကြောင်း ငြင်းဆိုထားသည်။ ကမ္ဘောဒီးယားအစိုးရ ပြောရေးဆိုခွင့်ရှိသူကမူ ယခုဖမ်းဆီးမှုသည် ကမ္ဘောဒီးယားနိုင်ငံအတွင်း အွန်လိုင်းလိမ်လည်မှုများကို အပြတ်အသတ်နှိမ်နင်းမည့် ရပ်တည်ချက်ကို ပြသခြင်းဖြစ်ကြောင်း ပြောကြားခဲ့သည်။

ငွေလိမ်ဂိုဏ်းခေါင်းဆောင်တစ်ဦးကို ကမ္ဘောဒီးယားမှ တရုတ်သို့လွှဲပြောင်း

« Prev 1 … 22 23 24 25 26 … 1,047 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ