နိုင်ငံတကာသတင်း

ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ အမေရိကန် စစ်တပ် (Centcom) သည် ဟော်မုဇ် ရေလက်ကြားရှိ လားရတ် (Larak) ကျွန်းပေါ်၌ ရှိသော အီရန် ဒုံးပစ်လောင်ချာ ၂ ခုကို လေကြောင်းမှ တိုက်ခိုက်ခဲ့သည်။ ယင်းကို လက်တုန့်ပြန်သည့်အနေဖြင့် အီရန် တော်လှန်ရေး အစောင့်တပ်က UAE ရှိ အမေရိကန် လေတပ်စခန်းကို ဒရုန်းများဖြင့် ပြန်လည် တိုက်ခိုက်ခဲ့သည်။ ဟော်မုဇ် ရေလက်ကြားအတွင်း မိုင်းထောင်နေသည့် အီရန်တပ်ဖွဲ့များ၏ ခြိမ်းခြောက်မှုကို ဟန့်တားရန်ဖြစ်ပြီး ဇူလိုင်လကုန်နောက်ပိုင်း ပထမဆုံးအကြိမ် တိုက်ခိုက်ခြင်း ဖြစ်သည်ဟု အမေရိကန် စစ်တပ်က ပြောသည်။ ယခု တိုက်ခိုက်မှုကြောင့် ၂ ဦး သေဆုံးပြီး ၂ ဦး ဒဏ်ရာရရှိခဲ့ကြောင်း အီရန် တော်လှန်ရေး အစောင့်တပ် (IRGC) က သတင်းထုတ်ပြန်သည်။ ဒီတိုက်ခိုက်မှုကို လက်စားချေသည့်အနေဖြင့် အီရန် တော်လှန်ရေး အစောင့်တပ်က ဂျော်ဒန်နိုင်ငံရှိ အမေရိကန် စစ်စခန်း ၂ ခုကို ပဲ့ထိန်း ဘော်လစ်စတစ် ဒုံးကျည်များဖြင့် ပြန်လည် တိုက်ခိုက်ခဲ့ရာ ဂျော်ဒန် စစ်တပ်က ဒုံးကျည် ၈ စင်းကို ကြားဖြတ် ပစ်ခတ် ဖျက်ဆီးခဲ့သည်။ အီရန်နိုင်ငံပိုင် ရုပ်သံက ယူအေအီး (UAE) ရှိ အမေရိကန် လေတပ်စခန်းကို ဒရုန်းများဖြင့် တိုက်ခိုက်ခဲ့သည်ဟု ဖော်ပြခဲ့သော်လည်း ယူအေအီး ကာကွယ်ရေး ဝန်ကြီးဌာနကမူ အဆိုပါ သတင်းမှာ မဟုတ်မှန်ကြောင်း ငြင်းဆိုခဲ့ပြီး ဒရုန်းတစ်စင်းကို ပစ်ချခဲ့ကြောင်းသာ အတည်ပြုသည်။ ကမ္ဘာ့ ရေနံနှင့် သဘာဝဓာတ်ငွေ့ သယ်ယူပို့ဆောင်ရေးတွင် အလွန်အရေးပါသော ဟော်မုဇ် ရေလက်ကြား၌ အီရန်က ကုန်သင်္ဘောများကို စစ်ဆေးမှုများ ပြုလုပ်ကာ ဖြတ်သန်းခ ဒေါ်လာ ၂ သန်းအထိ တောင်းခံနေခြင်း ဖြစ်သည်။ ပြီးခဲ့သည့် ဖေဖော်ဝါရီ ၂၈ ရက်တွင် စတင်ခဲ့သော စစ်ပွဲသည် ၆ လကျော် ကြာမြင့်လာပြီဖြစ်ပြီး အမေရိကန်က အီရန်အပေါ် ရေကြောင်းနှင့် စီးပွားရေး ပိတ်ဆို့မှုများ ဆက်လက် ပြုလုပ်ထားသည်။ #Larak

ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ်

ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။ အမေရိကန် စစ်တပ် (Centc…

  • August 31, 2026
နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ နီပေါနိုင်ငံတွင် ပြီးခဲ့သည့် ဗုဒ္ဓဟူးနေ့က ဖြစ်ပွားခဲ့သော ရုတ်တရက် ရေကြီးရေလျှံမှုကြောင့် ရေအားလျှပ်စစ် စီမံကိန်း လိုဏ်ခေါင်းများအတွင်း လူရာပေါင်းများစွာ ပိတ်မိနေဆဲဖြစ်ရာ အရေးပေါ် ကယ်ဆယ်ရေး လုပ်ငန်းများကို အရှိန်အဟုန်မြှင့် ဆောင်ရွက်လျက်ရှိကြောင်း နိုင်ငံတကာ သတင်းများတွင် ဖော်ပြသည်။ တရုတ်နှင့် အိန္ဒိယနိုင်ငံတို့မှ ကျွမ်းကျင်သူများ ပါဝင်သည့် ကယ်ဆယ်ရေးအဖွဲ့များက လိုဏ်ခေါင်းအတွင်းပိုင်းကို ဆက်သွယ်နိုင်ရန် ကြိုးပမ်းနေသော်လည်း လက်ရှိအချိန်အထိ တစ်စုံတစ်ရာ အကြောင်းပြန်မှု မရှိသေးပေ။ နီပေါနိုင်ငံ အမျိုးသား သဘာဝဘေးအန္တရာယ် စီမံခန့်ခွဲရေး အာဏာပိုင်အဖွဲ့၏ ထုတ်ပြန်ချက်အရ လက်ရှိအချိန်အထိ သေဆုံးသူ ၉၀၃ ဦးရှိပြီး ပျောက်ဆုံးနေသူ ၄,၂၀၀ ကျော်ရှိကြောင်း အတည်ပြုထားသည်။ ထို့ပြင် နီပေါနှင့် နယ်နိမိတ်ချင်း ထိစပ်နေသည့် တရုတ်နိုင်ငံ၊ တိဘက်ဒေသတွင်လည်း သေဆုံးသူ ၁၆ ဦးနှင့် ပျောက်ဆုံးသူ ၅၄၆ ဦးရှိကြောင်း တရုတ်သတင်းများက ဖော်ပြသည်။ မိုးဆက်တိုက် ရွာသွန်းနေမှုနှင့် မီတာကျော် ထူထပ်သော ရွှံ့နွံများကြောင့် အသက်ရှင်ကျန်ရစ်သူများ ရှာဖွေရေး ကယ်ဆယ်ရေးလုပ်ငန်းများ ဆောင်ရွက်ရာတွင် ခက်ခဲမှုများနှင့် ကြုံတွေ့နေရသည်။ #NepalFlashFlood

နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ

နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ…

  • August 31, 2026
EU နှင့် မပူးပေါင်းရန် အိုက်စလန် လူထု ဆန္ဒပြု သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ အိုက်စလန်နိုင်ငံ၌ ဥရောပသမဂ္ဂ (EU) အဖွဲ့ဝင်ဖြစ်ရေး ဆွေးနွေးပွဲများ ပြန်လည်စတင်ရန် ကိစ္စနှင့် ပတ်သက်၍ လူထုဆန္ဒခံယူပွဲ ကျင်းပခဲ့ရာ မဲပေးသူ အများစုက ကန့်ကွက်ခဲ့ကြသည်။ မဲပေးသူ အားလုံးအနက် ၅၂ ရာခိုင်နှုန်းကျော်က ကန့်ကွက်မဲ ပေးခဲ့ကြပြီး ၄၇ ရာခိုင်နှုန်းကျော်ကသာ ထောက်ခံခဲ့ကြခြင်းဖြစ်သည်။ ယခုဆန္ဒခံယူပွဲတွင် မဲပေးပိုင်ခွင့်ရှိသူ၏ ၈၂ ရာခိုင်နှုန်းကျော်အထိ လာရောက် မဲပေးခဲ့ကြသဖြင့် ၂၀၀၉ ခုနှစ်နောက်ပိုင်း မဲပေးသူ ရာခိုင်နှုန်း အမြင့်မားဆုံး ဆန္ဒခံယူပွဲ ဖြစ်ခဲ့သည်။ အိုက်စလန် ပြည်သူများ ကန့်ကွက်ခဲ့သည့် အဓိက အကြောင်းရင်းမှာ ပို့ကုန် စုစုပေါင်း၏ ၄၀ ရာခိုင်နှုန်းအထိ တာဝန်ယူထားသော ငါးဖမ်းလုပ်ငန်း ကဏ္ဍကြောင့် ဖြစ်သည်။ EU အဖွဲ့ဝင် ဖြစ်လာပါက ပင်လယ်ရေပြင် ငါးဖမ်းခွင့်များ ထိန်းချုပ်ခံရမည်ကို စိုးရိမ်ခဲ့ကြခြင်း ဖြစ်သည်။ EU အဖွဲ့ဝင်ရေးကို မြို့တော်နေ ပြည်သူ အများစုက ထောက်ခံခဲ့သော်လည်း ကျေးလက်ဒေသခံ အများစုက မဲပေးကန့်ကွက်ခဲ့ကြသည်။ အိုက်စလန် ဝန်ကြီးချုပ်ကမူ မိမိတို့ အစိုးရ လက်ထက်အတွင်း EU အဖွဲ့ဝင်ရေး ဆွေးနွေးပွဲများကို ထပ်မံ ပြုလုပ်တော့မည် မဟုတ်ကြောင်း အတည်ပြု ပြောကြားခဲ့သည်။ #Iceland

EU နှင့် မပူးပေါင်းရန် အိုက်စလန် လူထု ဆန္ဒပြု

EU နှင့် မပူးပေါင်းရန် အိုက်စလန် လူထု ဆန္ဒပြု သတင်းနှင့်မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။ အိုက်စလန်နိုင်ငံ၌ ဥရောပသမဂ္ဂ (EU) အဖွဲ့ဝင်ဖြစ…

  • August 31, 2026
အစ္စရေး ခရီးသွားများအား ထိုင်း ဒေသခံများ ကန့်ကွက် ဆန္ဒပြ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ ထိုင်းနိုင်ငံသို့ လာရောက်သည့် ပြည်ပခရီးသွားအချို့၏ စည်းကမ်းမဲ့ ပြုမူနေထိုင်မှုများနှင့် ပတ်သက်၍ ဒေသခံ ထိုင်းပြည်သူများ မကျေမနပ်ဖြစ်ကာ ဆန္ဒထုတ်ဖော်မှုများ ပြုလုပ်လျက်ရှိသည်။ ပြီးခဲ့သည့် သောကြာနေ့က ဖူးခက်မြို့တွင် ဒေသခံ ၁၅၀ ကျော် ပါဝင်သော "Save Phuket" ဆန္ဒပြပွဲ ဖြစ်ပွားခဲ့ပြီး၊ စက်တင်ဘာလ ၁ ရက်နေ့တွင်လည်း ဘန်ကောက်မြို့ရှိ အစ္စရေးသံရုံးရှေ့၌ ထိုင်းအမျိုးသားရေးအဖွဲ့တစ်ခုက ဦးဆောင်၍ ထပ်မံဆန္ဒပြရန် စီစဉ်လျက်ရှိသည်။ အဆိုပါ ဆန္ဒပြပွဲများတွင် အထူးသဖြင့် အစ္စရေး ခရီးသွားအချို့၏ ဥပဒေနှင့် ဒေသန္တရ ယဉ်ကျေးမှု ထုံးတမ်းများကို လေးစားမှု မရှိခြင်း၊ စားသောက်ဆိုင်များတွင် စားသောက်ပြီး ပိုက်ဆံမပေးဘဲ ထွက်ခွာခြင်း၊ သုံးဘီးယာဉ် (တုတ်တုတ်) ဒရိုင်ဘာများနှင့် အတိုက်အခံပြုခြင်း၊ အထူးအခွင့်အရေး တောင်းဆိုခြင်းနှင့် လုပ်ငန်းရှင်များအား မလေးမစား ပြုမူခြင်း စသည့် အပြုအမူများကို ထိန်းသိမ်းရန် တောင်းဆိုထားကြသည်။ ထို့ပြင် အစ္စရေး ခရီးသွားများအနေဖြင့် ၎င်းတို့ အချင်းချင်း ပိုင်ဆိုင်သော ဟိုတယ်နှင့် လုပ်ငန်းများကိုသာ အားပေးသဖြင့် ဒေသခံများအတွက် စီးပွားရေး အကျိုးမရှိဘဲ ပြဿနာများသာ ကြုံတွေ့ရကြောင်း ထောက်ပြကြသည်။ ယခု ဖြစ်စဉ်များနှင့် ပတ်သက်၍ ထိုင်း ခရီးသွားလာရေး ဝန်ကြီးဌာနနှင့် အစိုးရပိုင်းက စည်းကမ်း ပျက်ကွက်သည့် ခရီးသွားများကို ဗီဇာ ပယ်ဖျက်၍ ပြည်နှင်ဒဏ်ပေးခြင်းနှင့် နိုင်ငံအတွင်း ဝင်ရောက်ခွင့် ပိတ်ပင်ခြင်းအထိ ဥပဒေအတိုင်း ပြင်းပြင်းထန်ထန် အရေးယူ ဆောင်ရွက်သွားမည်ဟု သတိပေး ထုတ်ပြန်ထားသည်။ #Save_Phuket

အစ္စရေး ခရီးသွားများအား ထိုင်း ဒေသခံများ ကန့်ကွက် ဆန္ဒပြ

အစ္စရေး ခရီးသွားများအား ထိုင်း ဒေသခံများ ကန့်ကွက် ဆန္ဒပြ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။ ထိုင်းနိုင်ငံသို့ လာရောက်သည့် ပြည…

  • August 31, 2026
ထိုင်းအမျိုးသမီး ဘော်လီဘောအသင်း အာရှချန်ပီယံဆုထပ်ရ၊ ပထမဆုံးအကြိမ် အိုလံပစ်ပြိုင်ပွဲ ဝင်ခွင့်ရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ ထိုင်းအမျိုးသမီး ဘော်လီဘောအသင်းသည် ၂၀၂၆ ခုနှစ် အာရှ အမျိုးသမီး ဘော်လီဘော ချန်ပီယံဆုကို ဆွတ်ခူးခဲ့ပြီး ၂၀၂၈ ခုနှစ် လော့စ်အိန်ဂျလိစ် အိုလံပစ်ပြိုင်ပွဲသို့ အလိုအလျောက် တိုက်ရိုက်ဝင်ခွင့် ရရှိသွားခဲ့သည်။ တနင်္ဂနွေနေ့က ကျင်းပခဲ့သည့် ဗိုလ်လုပွဲတွင် ကမ္ဘာ့အဆင့် ၁၇ ရှိ ထိုင်းအသင်းသည် အိမ်ရှင် ကမ္ဘာ့အဆင့် ၇ တရုတ်အသင်းကို ၃ ပွဲ ၂ ပွဲ (ပွဲငယ် ရလဒ် ၅ ပွဲ) ဖြင့် အကြိတ်အနယ် ယှဉ်ပြိုင် အနိုင်ယူကာ ချန်ပီယံဆုကို ဆက်လက် ထိန်းသိမ်းနိုင်ခဲ့ခြင်းဖြစ်သည်။ ယခု အောင်ပွဲသည် ထိုင်းနိုင်ငံအတွက် ၁၉၆၈ ခုနှစ် မက္ကဆီကို အိုလံပစ်ပြိုင်ပွဲတွင် အမျိုးသား ဘောလုံးအသင်း ဝင်ခွင့်ရရှိခဲ့ပြီးနောက်ပိုင်း ဆယ်စုနှစ်ပေါင်းများစွာအကြာ၌ အသင်းလိုက် အားကစားနည်းဖြင့် အိုလံပစ် ဝင်ခွင့်ကို ပထမဆုံးအကြိမ် ပြန်လည်ရရှိခြင်း ဖြစ်သည်။ သမိုင်းဝင် အောင်ပွဲရရှိခဲ့သည့် ထိုင်းအသင်းအတွက် ထိုင်းအစိုးရက ကစားသမား ၁၄ ဦးအား တစ်ဦးလျှင် ဘတ် ၆ သိန်းစီ၊ နည်းပြအဖွဲ့အတွက် ဘတ် ၈ သိန်း ၄ သောင်းနှင့် ထိုင်းဘော်လီဘော အဖွဲ့ချုပ်အတွက် ဘတ် ၂ ဒသမ ၅၂ သန်း အသီးသီး ခွဲဝေ ချီးမြှင့်သွားမည်ဖြစ်ကြောင်း ကြေညာထားသည်။ #ထိုင်းအမျိုးသမီးဘော်လီဘောအသင်း

ထိုင်းအမျိုးသမီး ဘော်လီဘောအသင်း အာရှချန်ပီယံဆုထပ်ရ၊ ပထမဆုံးအကြိမ် အိုလံပစ်ပြိုင်ပွဲ ဝင်ခွင့်ရ

ထိုင်းအမျိုးသမီး ဘော်လီဘောအသင်း အာရှချန်ပီယံဆုထပ်ရ၊ ပထမဆုံးအကြိမ် အိုလံပစ်ပြိုင်ပွဲ ဝင်ခွင့်ရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။…

  • August 31, 2026
လာအို-တရုတ် နယ်စပ်အနီး ရေကြီးပြီး လာအိုအတွင်း ကျေးရွာ ၃၀ ကျော် ရေလွှမ်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ လာအို-တရုတ် နယ်စပ် ရေကြီး ရေလျှံမှုကြောင့် Luang Namtha ပြည်နယ် စီမံခန့်ခွဲရေး ကော်မတီက ဒေသတချို့ကို သဘာဝ ဘေးအန္တရာယ်ကျရောက်သော ဒေသအဖြစ် တရားဝင် ကြေညာခဲ့သည်ဟု လာအို မြို့တော် ဗီယန်ကျန်း အခြေစိုက် The Star သတင်းတွင် ဖော်ပြသည်။ လာအိုနိုင်ငံ မြောက်ပိုင်း လှေင်းနမ့်သာ (Luang Namtha) ပြည်နယ်တွင် ရက်ဆက် မိုးသည်းထန်စွာ ရွာသွန်းပြီး ရုတ်တရက် ရေကြီးရေလျှံမှုနှင့် မြေပြိုမှုများ ဖြစ်ပွားခဲ့ခြင်း ဖြစ်သည်။ အဆိုပါ ရေကြီးရေလျှံမှုကြောင့် လာအို-တရုတ် နယ်စပ် ဘိုတန် (Boten) အထူးစီးပွားရေးဇုန် အပါအဝင် လှေင်းနမ့်သာနှင့် နာလဲ (Nalae) မြို့နယ်များရှိ ကျေးရွာပေါင်း ၃၀ ကျော်၊ လေဆိပ်၊ စာသင်ကျောင်းများ၊ ဆေးရုံများနှင့် စိုက်ပျိုးမြေ အများအပြား ရေဖုံးလွှမ်း ထိခိုက်ခဲ့သည်။ သို့သော် လာအို-တရုတ် နယ်စပ်ဂိတ် ပင်မ အဆောက်အအုံမှာမူ ထိခိုက်မှု မရှိဟု ဆိုသည်။ မြစ်အထက်ပိုင်းတွင် မိုးသည်းထန်စွာ ရွာသွန်းခဲ့မှုကြောင့် သာ (Tha) မြစ်ရေသည် သတိပေးရေမှတ် ၆ မီတာထက် ကျော်လွန်ကာ ၆.၅၈ မီတာအထိ မြင့်တက်လာခဲ့သည်။ ထို့ကြောင့် ပြည်နယ် အာဏာပိုင်များက မြို့နယ် ၅ မြို့နယ်ရှိ မြစ်ကမ်းဘေးနှင့် မြေနိမ့်ပိုင်းနေ ပြည်သူများအား ဘေးလွတ်ရာသို့ ရွှေ့ပြောင်းနိုင်ရေး ကြိုတင်ပြင်ဆင်ထားကြရန် သတိပေးထားသည်။ ထို့ပြင် လေဖိအားနည်းရပ်ဝန်းနှင့် အနောက်တောင်မုတ်သုံလေတို့၏ အရှိန်ကြောင့် လှေင်းနမ့်သာ အပါအဝင် ပြည်နယ် ၁၄ ခုတွင် မိုးကြိုးမုန်တိုင်းများ၊ မိုးသည်းထန်စွာ ရွာသွန်းခြင်းနှင့် လေပြင်းတိုက်ခတ်ခြင်းများ ဖြစ်ပေါ်နိုင်သဖြင့် မိုးလေဝသဌာနက သတိပေးချက် ထုတ်ပြန်ထားသည်။ #Luang_Namtha #လာအိုတရုတ်နယ်စပ် #ရေကြီးရေလျှံ

လာအို-တရုတ် နယ်စပ်အနီး ရေကြီးပြီး လာအိုအတွင်း ကျေးရွာ ၃၀ ကျော် ရေလွှမ်း

လာအို-တရုတ် နယ်စပ်အနီး ရေကြီးပြီး လာအိုအတွင်း ကျေးရွာ ၃၀ ကျော် ရေလွှမ်း သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။ လာအို-တရုတ် နယ်စပ်…

  • August 31, 2026
ရုရှားက နေတိုး နယ်မြေတွေကို တိုက်မှာမဟုတ်ကြောင်း ထရန့် အာမခံ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၈ ရက်။ ရုရှားအနေဖြင့် နေတိုး (NATO) အဖွဲ့ဝင် နိုင်ငံများကို တိုက်ခိုက်မည်မဟုတ်ကြောင်း အမေရိကန်သမ္မတ ဒေါ်နယ်ထရမ့်က အခိုင်အမာ ပြောကြားလိုက်သည်။ ရုရှားနှင့် ဥရောပသမဂ္ဂ (EU) တို့ကလည်း ဤကဲ့သို့သော သတင်းများကို အခြေအမြစ်မရှိသည့် ကောလာဟလများအဖြစ် ပယ်ချခဲ့သည်။ အမေရိကန်နှင့် ရုရှား ထောက်လှမ်းရေး အကြီးအကဲများ၏ မော်စကိုမြို့ တွေ့ဆုံမှုမှာလည်း နေတိုးကို သတိပေးရန်ထက် ယူကရိန်းစစ်ပွဲ အဆုံးသတ်ရေးဆိုင်ရာ ကိစ္စရပ်များသာဖြစ်ကြောင်း ဆိုသည်။ သ သို့သော် ဒွန်ဘတ်စ် (Donbas) ဒေသမှ ယူကရိန်းတပ်များ ဆုတ်ခွာရန် ရုရှားဘက်က ဆက်လက်တောင်းဆိုနေသည်။ စစ်မျက်နှာပြင်တွင်လည်း နှစ်ဖက်အပြန်အလှန် ဒရုန်းတိုက်ခိုက်မှုများကြောင့် အခြေအနေများ တင်းမာလျက် ရှိသည်။ #Trump #NATO #Russia

ရုရှားက နေတိုး နယ်မြေတွေကို တိုက်မှာမဟုတ်ကြောင်း ထရန့် အာမခံ

ရုရှားက နေတိုး နယ်မြေတွေကို တိုက်မှာမဟုတ်ကြောင်း ထရန့် အာမခံ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက်။ ရုရှားအနေဖြင့် နေတိုး (NATO) …

  • August 28, 2026
DanielPaulRiva

ရန်ကုန်မြို့ အမေရိကန်သံတမန် သေဆုံးမှုသံသယရှိသူ ထိုင်းအမျိုးသမီးကို လဝက အမှုဖြင့် ထောင် ၁ နှစ်ချ

ရန်ကုန်မြို့ အမေရိကန်သံတမန် သေဆုံးမှုသံသယရှိသူ ထိုင်းအမျိုးသမီးကို လဝက အမှုဖြင့် ထောင် ၁ နှစ်ချ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက…

  • August 28, 2026
ဆားဗီးယား စစ်ရာဇဝတ်သား ရက်တ်ကို မလာဒစ် အကျဉ်းထောင်အတွင်းတွင် ကွယ်လွန် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၈ ရက်။ 'ဘော့စနီးယား သားသတ်သမား' ဟု လူသိများသည့် ဘော့စနီးယား-ဆာ့ဘ် စစ်သေနာပတိဟောင်း ရက်တ်ကို မလာဒစ်သည် နယ်သာလန်နိုင်ငံ၊ သည်ဟိတ် (The Hague) မြို့ရှိ အကျဉ်းထောင်ဆေးရုံတွင် အသက် ၈၀ အရွယ်၌ ကွယ်လွန်သွားပြီဖြစ်သည်။ လေဖြတ်ဝေဒနာကြောင့် ကျန်းမာရေး ဆိုးရွားနေရာမှ သေဆုံးခြင်းဖြစ်ကာ ၎င်း၏သေဆုံးမှုနှင့် ပတ်သက်၍ ကုလသမဂ္ဂ ခုံရုံးတရားသူကြီးက အသေးစိတ် စုံစမ်းစစ်ဆေးရန် အမိန့်ပေးထားသည်။ မလာဒစ်သည် ၁၉၉၅ ခုနှစ်က စရေဘရီနီကာ (Srebrenica) မြို့တွင် မွတ်စလင် ၈,၀၀၀ ကျော်ကို အစုလိုက်အပြုံလိုက် သတ်ဖြတ်မှုနှင့် ဆာရာယေဗိုမြို့ ဝိုင်းရံပိတ်ဆို့မှုများကို ကွပ်ကဲခဲ့သူဖြစ်ပြီး၊ ၂၀၁၇ ခုနှစ်တွင် ကုလသမဂ္ဂ ခုံရုံးက ထောင်ဒဏ် တစ်သက်တစ်ကျွန်း ချမှတ်ထားခဲ့ခြင်း ဖြစ်သည်။ #RatkoMladic

ဆားဗီးယား စစ်ရာဇဝတ်သား ရက်တ်ကို မလာဒစ် အကျဉ်းထောင်အတွင်းတွင် ကွယ်လွန်

ဆားဗီးယား စစ်ရာဇဝတ်သား ရက်တ်ကို မလာဒစ် အကျဉ်းထောင်အတွင်းတွင် ကွယ်လွန် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက်။ 'ဘော့စနီးယား သားသတ်သ…

  • August 28, 2026
×Close