နိုင်ငံတကာသတင်း

ဗြိတိန် သုတေသနများအား တရုတ်ထောက်လှမ်းရေးများက အသုံးချနေကြောင်း MI5 သတိပေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁ ရက်။ ဗြိတိန်နိုင်ငံရှိ တက္ကသိုလ်များနှင့် သုတေသနပညာရှင် ၁၀၀ ကျော်သည် တရုတ်နိုင်ငံ၏ ထောက်လှမ်းရေးလုပ်ငန်းများအတွက် မသိမသာ ကူညီပေးမိလျက်သား ဖြစ်နေကြောင်း ဗြိတိန် ပြည်တွင်းလုံခြုံရေးဌာန (MI5) က အများပြည်သူသို့ အရေးပေါ် သတိပေးချက် ထုတ်ပြန်လိုက်သည်။ တရုတ်နိုင်ငံ၏ CGTRI နည်းပညာသုတေသနအဖွဲ့သည် တရုတ် နိုင်ငံတော်လုံခြုံရေးဝန်ကြီးဌာန၏ ရှေ့ထွက်အဖွဲ့အစည်းတစ်ခုဖြစ်ပြီး ဗြိတိန်ပညာရှင်များ၏ AI နည်းပညာ၊ ဆိုင်ဘာလုံခြုံရေးနှင့် လျှို့ဝှက်ဆက်သွယ်ရေးဆိုင်ရာ သုတေသနများကို ငွေကြေးထောက်ပံ့ကာ တရုတ်ထောက်လှမ်းရေး၏ နည်းပညာစွမ်းရည် မြှင့်တင်ရေးအတွက် အသုံးချနေခြင်းဖြစ်ကြောင်း MI5 က ဆိုသည်။ ဗြိတိန် လုံခြုံရေးဆိုင်ရာဝန်ကြီး Dan Jarvis က တက္ကသိုလ်ပါမောက္ခချုပ်များထံ စာရေးသားပေးပို့၍ အဆိုပါ တရုတ်အဖွဲ့အစည်းနှင့် ဆက်နွှယ်မှုများအား ချက်ချင်းရပ်ဆိုင်းရန် တောင်းဆိုထားသည်။ လန်ဒန်မြို့အခြေစိုက် တရုတ်သံရုံး ပြောရေးဆိုခွင့်ရှိသူကမူ အဆိုပါစွပ်စွဲချက်များမှာ အခြေအမြစ်မရှိဘဲ လုပ်ကြံဖန်တီးထားခြင်းဖြစ်ကြောင်း ငြင်းဆိုထားသည်။

ဗြိတိန် သုတေသနများအား တရုတ်ထောက်လှမ်းရေးများက အသုံးချနေကြောင်း MI5 သတိပေး

ဗြိတိန် သုတေသနများအား တရုတ်ထောက်လှမ်းရေးများက အသုံးချနေကြောင်း MI5 သတိပေး သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁ ရက်။ ဗြိတိန်နိုင်…

  • October 1, 2026
ကာလင်နင်ဂရက်ဒေသအား ပိတ်ဆို့ပါက နျူကလီးယားလက်နက်ဖြင့် တုံ့ပြန်မည်ဟု ရုရှား သတိပေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁ ရက်။ ရုရှားနိုင်ငံသည် မိမိတို့၏ အနောက်ဘက်စွန်းနယ်မြေဖြစ်သော ကာလင်နင်ဂရက် (Kaliningrad) ဒေသအား နေးတိုး (NATO) အဖွဲ့ဝင်နိုင်ငံများက ပိတ်ဆို့ရန် ကြိုးပမ်းပါက နျူကလီးယားလက်နက် အပါအဝင် လက်နက်အင်အား အပြည့်အဝအသုံးပြု၍ ကာကွယ်သွားမည်ဖြစ်ကြောင်း သတိပေးလိုက်သည်။ နေးတိုးအဖွဲ့က ကာလင်နင်ဂရက်ဒေသအား လေကြောင်းနှင့် ရေကြောင်းမှ ပိတ်ဆို့ရန် ပြင်ဆင်နေသည့် သတင်းအချက်အလက်များ ရရှိထားကြောင်း ဥရောပနိုင်ငံများရှိ ရုရှားသံရုံးများက ထုတ်ပြန်ခဲ့ခြင်း ဖြစ်သည်။ သို့သော် နေးတိုးအဖွဲ့ ပြောရေးဆိုခွင့်ရှိသူ အယ်လီဆင် ဟပ်ထ် (Allison Hart) က နေးတိုးသည် ခုခံကာကွယ်ရေး အဖွဲ့အစည်းတစ်ခုသာဖြစ်ပြီး ရုရှားပိုင်နက်အား ခြိမ်းခြောက်ခြင်းမရှိကြောင်းနှင့် ရုရှား၏ နျူကလီးယားဖြင့် ခြိမ်းခြောက်ပြောဆိုမှုများအား ပြင်းထန်စွာ ရှုတ်ချကြောင်း တုံ့ပြန်ခဲ့သည်။ ပိုလန်နှင့် လစ်သူရေးနီးယား နိုင်ငံတို့ကြား တည်ရှိသည့် ကာလင်နင်ဂရက်ဒေသသည် ရုရှား၏ ဘောလ်တစ် ရေတပ်စခန်းနှင့် နျူကလီးယားထိပ်ဖူး တပ်ဆင်နိုင်သည့် ဒုံးကျည်များ တပ်ဆင်ထားသော အရေးပါသည့် စစ်ရေးနယ်မြေတစ်ခု ဖြစ်သည်။

ကာလင်နင်ဂရက်ဒေသအား ပိတ်ဆို့ပါက နျူကလီးယားလက်နက်ဖြင့် တုံ့ပြန်မည်ဟု ရုရှား သတိပေး

ကာလင်နင်ဂရက်ဒေသအား ပိတ်ဆို့ပါက နျူကလီးယားလက်နက်ဖြင့် တုံ့ပြန်မည်ဟု ရုရှား သတိပေး သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁ ရက်။ ရုရှာ…

  • October 1, 2026
ခရီးသည်တင်လေယာဉ် ပျက်ကျအောင် လေယာဉ်မှူးကို ဓါးနဲ့ထိုးသည့် တွဲဖက် လေယာဉ်မှူးအား ခရီးသည်များ ဝိုင်းဝန်းဖမ်းဆီး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁ ရက်။ ဒူဘိုင်းမှ အစ္စရေးနိုင်ငံသို့ ပျံသန်းလာသည့် Flydubai လေကြောင်းလိုင်းပိုင် ခရီးသည်တင် လေယာဉ်ပေါ်တွင် စက်တင်ဘာလ ၃၀ ရက်နေ့က အိုမန်နိုင်ငံသား တွဲဖက်လေယာဉ်မှူးက လေယာဉ်မှူးကြီး စမစ် မက်ချာ (Smit Machchhar) အား ဓားဖြင့်ထိုးနှက်၍ လေယာဉ်ကို ပျက်ကျအောင် ပြုလုပ်ရန် ကြိုးပမ်းသည့် ဖြစ်စဉ်တစ်ခု ဖြစ်ပွားခဲ့သည်ဟု နိုင်ငံတကာ သတင်းများတွင် ဖော်ပြသည်။ ခရီးသည် ၁၇၄ ဦး တင်ဆောင်လာသည့် အဆိုပါ လေယာဉ်သည် အမြင့်ပေ ၃၃,၀၀၀ မှ ပေ ၁၇,၀၀၀ သို့ နှစ်မိနစ်ခန့်အတွင်း အရှိန်ဟုန်ဖြင့် ထိုးစိုက်ကျဆင်းခဲ့သဖြင့် လေယာဉ်အမြှီးပိုင်း ထိန်းချုပ်ယက်မ (Rudder) ပျက်စီးသည်အထိ အခြေအနေ ဆိုးရွားခဲ့သည်။ အိန္ဒိယနိုင်ငံသား လေယာဉ်မှူးကြီးသည် ပြင်းထန်စွာ ဒဏ်ရာရရှိခဲ့သော်လည်း အစွမ်းကုန် ပြန်လည်ခုခံကာ လေယာဉ်မှူးခန်း တံခါးကို ဖွင့်ပေးနိုင်ခဲ့သည်။ ထို့နောက် အစ္စရေး ခရီးသည်တစ်ဦးဖြစ်သူ ယာနစ်ဗ် ဟာယွန် (Yaniv Hayoun) နှင့် အခြားခရီးသည်များသည် လေယာဉ်မှူးခန်းအတွင်း ဝင်ရောက်ကာ တိုက်ခိုက်သူအား ချုပ်နှောင်ဆွဲထုတ်၍ ကြိုးတုပ်ဖမ်းဆီးခဲ့ကြသည်။ ခရီးသည် ယာနစ်ဗ် ဟာယွန် သည် လေယာဉ်ထိန်းချုပ်မောင်းတံများအား ပြန်လည်ဆွဲတင်၍ ပျံသန်းမှုကို ပုံမှန်အခြေအနေသို့ ရောက်ရှိစေရန် ဆောင်ရွက်ခဲ့ပြီး လေယာဉ်ပေါ်ပါ အရန်လေယာဉ်မှူးများက ဆက်လက်ထိန်းချုပ် မောင်းနှင်ကာ ဆော်ဒီအာရေးဘီးယားနိုင်ငံ၌ အရေးပေါ် ဘေးကင်းစွာ ဆင်းသက်နိုင်ခဲ့သည်။ ပြစ်မှုကျူးလွန်သူ တွဲဖက်လေယာဉ်မှူးအား ဆော်ဒီ အာဏာပိုင်များက ဖမ်းဆီးစစ်ဆေးလျက်ရှိပြီး အစ္စရေးနိုင်ငံကလည်း စုံစမ်းစစ်ဆေးမှုများတွင် ပူးပေါင်းပါဝင်သွားမည်ဖြစ်သည်။ အစ္စရေး ကာကွယ်ရေးဝန်ကြီးက အဆိုပါ ဖြစ်စဉ်အား အကြမ်းဖက်တိုက်ခိုက်မှုအဖြစ် သတ်မှတ်ထားပြီး သက်ဆိုင်ရာ အာဏာပိုင်များက အသေးစိတ် ဆက်လက်စုံစမ်း စစ်ဆေးလျက်ရှိသည်။

ခရီးသည်တင်လေယာဉ် ပျက်ကျအောင် လေယာဉ်မှူးကို ဓါးနဲ့ထိုးသည့် တွဲဖက် လေယာဉ်မှူးအား ခရီးသည်များ ဝိုင်းဝန်းဖမ်းဆီး

ခရီးသည်တင်လေယာဉ် ပျက်ကျအောင် လေယာဉ်မှူးကို ဓါးနဲ့ထိုးသည့် တွဲဖက် လေယာဉ်မှူးအား ခရီးသည်များ ဝိုင်းဝန်းဖမ်းဆီး သတင်းနှင့် မီဒီယာ ကွန်ရက်။၂၀၂၆ ခုနှစ်၊…

  • October 1, 2026
ယူဂန်ဒါနိုင်ငံတွင် သတင်းသမား တစ်ဦး ဘုရင်အဖြစ် ဘိသိက်မြှောက်ခံရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၃၀ ရက်။ ယူဂန်ဒါနိုင်ငံ အစိုးရရုပ်သံလိုင်း (UBC) ၏ သတင်းတင်ဆက်သူနှင့် အယ်ဒီတာဟောင်း အသက် ၅၆ နှစ်အရွယ် အက်ဒ်ဝပ် ရူကီဒီ ကီဂျာနန်ဂိုမာ (Edward Rukidi Kijanangoma) သည် ယူဂန်ဒါနိုင်ငံ၏ အဓိက ရှေးဟောင်းတိုင်းပြည် ၄ ခုအနက် တစ်ခုဖြစ်သည့် ထူးရိုး (Tooro) တိုင်းပြည်၏ ဘုရင်အဖြစ် တရားဝင် ဘိသိက်မြှောက်ခံခဲ့ရသည်ဟု BBC ကမ္ဘာတဝှမ်း အစီအစဉ်တွင် ဖော်ပြထားသည်။ အသက် ၃ နှစ်အရွယ်မှစ၍ နှစ်ပေါင်း ၃၁ နှစ်ကြာ ထူးရိုးတိုင်းပြည်ကို အုပ်ချုပ်ခဲ့သည့် ဘုရင် အိုယို (King Oyo) သည် ပြီးခဲ့သည့်လက အသက် ၃၄ နှစ်အရွယ်တွင် ကင်ဆာရောဂါဖြင့် ကွယ်လွန်သွားခဲ့ခြင်းဖြစ်သည်။ ဘုရင် အိုယို ကွယ်လွန်ပြီးနောက် နန်းမွေဆက်ခံမှုတွင် အငြင်းပွားမှုများ ရှိခဲ့သည်။ ဘုရင်ဟောင်း၏ မယ်တော် Queen Best Kemigisa က ဘုရင်ဟောင်းတွင် အမေရိကန်၌ ရောက်ရှိနေသည့် သားငယ်တစ်ဦးရှိပြီး အရိုက်အရာ ဆက်ခံရန် သေတမ်းစာ ထားရှိခဲ့သည်ဟု အခိုင်အမာ ဆိုခဲ့သည်။ သို့သော် ဘုရင် ရွေးချယ်ရေး အဖွဲ့ဝင် ၂၁ ဦးပါ ဘာဘီးတို (Babiito) တော်ဝင်ဆွေမျိုးစု ကောင်စီက အဆိုပါ ကလေးငယ်အား တရားဝင် တင်ပြထားခြင်း မရှိဟုဆိုကာ ယင်းတောင်းဆိုမှုကို ပယ်ချပြီး ဘုရင်ဟောင်း၏ ဝမ်းကွဲညီအစ်ကို တော်စပ်သူ သတင်းထောက်ဟောင်း ကီဂျာနန်ဂိုမာကို ဘုရင်အဖြစ် ရွေးချယ်ခဲ့ခြင်း ဖြစ်သည်။ ယူဂန်ဒါနိုင်ငံတွင် ရိုးရာဘုရင်များသည် နိုင်ငံရေး အာဏာ မရှိသော်လည်း ယဉ်ကျေးမှုနှင့် လူထုအပေါ် ဩဇာတိက္ကမ ကြီးမားသည်။ သမ္မတ ယိုဝေရီ မူဆီဗီနီ (Yoweri Museveni) အစိုးရနှင့် တပ်မတော် အကြီးအကဲတို့က ကီဂျာနန်ဂိုမာ ဘုရင်ဖြစ်လာမှုကို တရားဝင် ထောက်ခံခဲ့ပြီး သမ္မတကိုယ်တိုင် နန်းတက်ပွဲ အခမ်းအနားသို့ တက်ရောက်ခဲ့သည်။ ဘုရင်သစ် ကီဂျာနန်ဂိုမာသည် သတင်းထောက်အဖြစ် ၂၁ နှစ်ကျော် လုပ်ကိုင်ခဲ့သည့် အတွေ့အကြုံနှင့် အဆက်အသွယ်များကို အသုံးပြုကာ ပြည်သူများ စည်းလုံးညီညွတ်ရေးနှင့် တိုင်းပြည် ဖွံ့ဖြိုးတိုးတက်ရေးအတွက် အဓိကထား ဆောင်ရွက်သွားမည်ဟု ကတိပြုပြောကြားခဲ့သည်။ #Edward_Rukidi_Kijanangoma #King_Oyo

ယူဂန်ဒါနိုင်ငံတွင် သတင်းသမား တစ်ဦး ဘုရင်အဖြစ် ဘိသိက်မြှောက်ခံရ

ယူဂန်ဒါနိုင်ငံတွင် သတင်းသမား တစ်ဦး ဘုရင်အဖြစ် ဘိသိက်မြှောက်ခံရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၃၀ ရက်။ ယူဂန်ဒါနိုင်ငံ အစိုးရရုပ…

  • September 30, 2026
အမေရိကန် ရေတပ်သား ၅,၀၀၀ ကျော် ဖူးကက်သို့ အပန်းဖြေလာရောက်မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာ ၃၀ ရက်။ အမေရိကန် ရေတပ်၏ စစ်သင်္ဘော နှစ်စီးဖြစ်သည့် USS George H.W. Bush နှင့် USS Delbert D. Black တို့သည် တပ်ဖွဲ့ဝင် ၅,၁၀၀ ကျော်နှင့်အတူ လာမည့် အောက်တိုဘာ ၅ ရက်မှ ၁၀ ရက်နေ့အထိ ထိုင်းနိုင်ငံ ဖူးကက် Phukhet ရေနက်ဆိပ်ကမ်းသို့ လာရောက် ဆိုက်ကပ်မည်ဖြစ်ကြောင်း ထိုင်းသတင်းများတွင် ဖော်ပြပါရှိသည်။ အဆိုပါ စစ်သင်္ဘောများအနက် လေယာဉ်တင်သင်္ဘော USS George H.W. Bush (CVN-77) တွင် တပ်ဖွဲ့ဝင် ၄,၈၀၀ ခန့်နှင့် ဒုံးကျည်တင် စဖျက်သင်္ဘော USS Delbert D. Black (DDG-119) တွင် တပ်ဖွဲ့ဝင် ၃၂၀ ခန့် ပါဝင်မည်ဖြစ်သည်။ လာရောက်မည့် အမေရိကန် စစ်သည်များ၏ လုံခြုံရေး၊ မြေပြင် တရားဥပဒေ စိုးမိုးရေးနှင့် ထိုင်းနိုင်ငံ၏ ဒေသတွင်း ဥပဒေများအား စနစ်တကျ လိုက်နာဆောင်ရွက်ရေးတို့အတွက် ထိုင်းရဲတပ်ဖွဲ့နှင့် ထိုင်းနိုင်ငံဆိုင်ရာ အမေရိကန်သံရုံးမှ တာဝန်ရှိသူများ (Force Protection Detachment) တို့သည် စက်တင်ဘာ ၂၉ ရက်နေ့က ဖူးကက်ပြည်နယ် ပါတောင်း ရဲစခန်းတွင် အရေးပေါ် တွေ့ဆုံ ညှိနှိုင်းခဲ့ကြသည်။ စက်တင်ဘာလ ဆန်းပိုင်းကလည်း အီရန် စစ်ပွဲတွင် တာဝန်ထမ်းဆောင်ခဲ့သည့် USS Abraham Lincoln နှင့် အခြား သင်္ဘောများမှ ရေတပ်သား ၅,၀၀၀ ကျော်တို့ ထိုင်းနိုင်ငံ ပတ္တယား ကမ်းခြေတွင် အနားယူ အပန်းဖြေ လာရောက်ခဲ့ကြသေးသည်။ #USSGeorgeH_W_Bush

အမေရိကန် ရေတပ်သား ၅,၀၀၀ ကျော် ဖူးကက်သို့ အပန်းဖြေလာရောက်မည်

အမေရိကန် ရေတပ်သား ၅,၀၀၀ ကျော် ဖူးကက်သို့ အပန်းဖြေလာရောက်မည် သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာ ၃၀ ရက်။ အမေရိကန် ရေတပ်၏ စစ်သင်္ဘော န…

  • September 30, 2026
ပြင်သစ်တွင် ဘတ်ဂျက် လျှော့မှု အပေါ် အစိုးရဝန်ထမ်းများနှင့် ကျောင်းသားများ ဆန္ဒပြ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၃၀ ရက်။ ပြင်သစ်နိုင်ငံတွင် သမ္မတ အီမန်နုအဲလ် မက်ခရွန် အစိုးရ၏ အများပြည်သူဆိုင်ရာ အသုံးစရိတ် ဖြတ်တောက်မည့် ဘတ်ဂျက်မူကြမ်း ထွက်ရှိမလာမီ အစိုးရဝန်ထမ်းများနှင့် အထက်တန်းကျောင်းသားများ ဦးဆောင်၍ စက်တင်ဘာ ၂၉ ရက်နေ့က နိုင်ငံတဝှမ်း အစုလိုက်အပြုံလိုက် ဆန္ဒပြ သပိတ်မှောက်ခဲ့ကြပါသည်။ ၂၀၂၇ ဘတ်ဂျက်မူကြမ်း ထွက်ရှိရန် နှစ်ရက်အလိုတွင် ဖြစ်ပွားခဲ့သည့် အဆိုပါ ဆန္ဒပြပွဲများတွင် ပညာရေးဝန်ထမ်းများ၊ မီးသတ်သမားများနှင့် ကျန်းမာရေးဝန်ထမ်းများအပြင်၊ နိုင်ငံတဝှမ်းရှိ အထက်တန်းကျောင်းပေါင်း ၃၃၀ ကျော် ပါဝင်ခဲ့ကြပါသည်။ ကျောင်းသားများသည် စာသင်ခန်းများ ပြည့်ကျပ်နေမှု၊ ဆရာ/ဆရာမ မလုံလောက်မှုနှင့် ရဲတပ်ဖွဲ့၏ ဖိနှိပ်မှုများကို ဆန့်ကျင်သည့်အနေဖြင့် ကျောင်းအဝင်ဝများကို အမှိုက်ပုံးများနှင့် အတားအဆီးများ ပိတ်ဆို့ ဆန္ဒပြခဲ့ကြပါသည်။ ပြင်သစ်အစိုးရသည် ဘတ်ဂျက်လိုငွေပြမှုကို ထိန်းချုပ်ရန် စုစုပေါင်း ယူရို ၅၄ ဘီလီယံအထိ အသုံးစရိတ် ချွေတာရန် စီစဉ်နေခြင်း ဖြစ်သည်။ အဆိုပါ အစီအစဉ်တွင် အစိုးရဝန်ထမ်းများ၏ အခြေခံလစာကို ၂၀၂၇ ခုနှစ်တွင် ထပ်မံ ဆိုင်းငံ့ထားခြင်းဖြင့် ယူရို ၂ ဘီလီယံ လျှော့ချရန် ကြိုးပမ်းမှု ပါဝင်သည်။ ဒါဟာ သမ္မတ မက်ခရွန် အစိုးရသက်တမ်းအတွင်း ၈ ကြိမ်မြောက် လစာဆိုင်းငံ့ခြင်းဖြစ်ပြီး ဝန်ထမ်းများ၏ ဝယ်ယူနိုင်စွမ်းအားကို အကြီးအကျယ် ထိခိုက်စေသည်ဟု အလုပ်သမားသမဂ္ဂများက ပြင်းပြင်းထန်ထန် ဝေဖန်ထားကြသည်။ အလုပ်သမားသမဂ္ဂ (CGT) ကမူ အဆိုပါ အစီအစဉ်ကို ၄၈ နာရီအတွင်း ပြန်လည်ရုတ်သိမ်းပေးရန် အစိုးရထံ တောင်းဆိုထားပါသည်။ လာမည့် သမ္မတရွေးကောက်ပွဲ ကျင်းပရန် ၇ လခန့်အလိုတွင် ဖြစ်ပွားခဲ့သည့် ယခု သပိတ်မှောက်မှုသည် သမ္မတ မက်ခရွန်အပေါ် လူထုထောက်ခံမှု ကျဆင်းနေချိန်နှင့် တိုက်ဆိုင်လျက်ရှိနေသည်။

ပြင်သစ်တွင် ဘတ်ဂျက် လျှော့မှု အပေါ် အစိုးရဝန်ထမ်းများနှင့် ကျောင်းသားများ ဆန္ဒပြ

ပြင်သစ်တွင် ဘတ်ဂျက် လျှော့မှု အပေါ် အစိုးရဝန်ထမ်းများနှင့် ကျောင်းသားများ ဆန္ဒပြ သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၃၀ ရက်။ ပြင်သ…

  • September 30, 2026
စစ်မဲ့ဇုန် မိုင်းကွဲမှုမှာ မြောက်ကိုရီးယားမိုင်း ဖြစ်ဟု တောင်ကိုရီးယား ထုတ်ပြန်

စစ်မဲ့ဇုန် မိုင်းကွဲမှုမှာ မြောက်ကိုရီးယားမိုင်း ဖြစ်ဟု တောင်ကိုရီးယား ထုတ်ပြန်

စစ်မဲ့ဇုန် မိုင်းကွဲမှုမှာ မြောက်ကိုရီးယားမိုင်း ဖြစ်ဟု တောင်ကိုရီးယား ထုတ်ပြန် သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၃၀ ရက်။ တောင်န…

  • September 30, 2026
EU က တရုတ်ထုတ်ကုန်များအပေါ် ကန့်သတ်ပါက ပြင်းပြင်းထန်ထန် တုံ့ပြန်မည်ဟု ပေကျင်း သတိပေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၃၀ ရက်။ ဥရောပသမဂ္ဂ (EU) အနေဖြင့် တရုတ် စီးပွားရေးလုပ်ငန်းများနှင့် ထုတ်ကုန်များအပေါ် ကန့်သတ်ပိတ်ပင်မှုများ ပြုလုပ်လာပါက ပြင်းပြင်းထန်ထန် တုံ့ပြန်ဆောင်ရွက်သွားမည်ဖြစ်ကြောင်း တရုတ် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက စက်တင်ဘာ ၂၉ ရက်နေ့တွင် သတိပေး ထုတ်ပြန်လိုက်ပါသည်။ အီးယူနှင့် တရုတ်နိုင်ငံတို့အကြား ဖြစ်ပွားနေသော ကုန်သွယ်ရေး အငြင်းပွားမှုများနှင့် ပတ်သက်၍ လာမည့်သီတင်းပတ်အတွင်း ထိပ်သီး ဆွေးနွေးပွဲများ မကျင်းပမီ တရုတ်ဘက်က ယခုကဲ့သို့ သတိပေးလိုက်ခြင်း ဖြစ်ပါသည်။ ဥရောပသမဂ္ဂသည် တရုတ်နှင့် ကုန်သွယ်မှုတွင် စံချိန်တင် လိုငွေပြနေမှုကို လာမည့် အောက်တိုဘာလအတွင်း လျှော့ချနိုင်ရန် ကြိုးပမ်းနေခြင်း ဖြစ်သည်။ အီးယူ ကုန်သွယ်ရေး ကော်မရှင်နာက တရုတ်ဘက်မှ ခိုင်မာသည့် ရလဒ်များ မပြသနိုင်ပါက ပိုမိုပြင်းထန်သည့် အရေးယူမှုများနှင့် ရင်ဆိုင်ရမည်ဟု သတိပေးထားပါသည်။ သတင်းများအရ ဂျာမနီနှင့် ပြင်သစ်နိုင်ငံတို့သည် တရုတ်ကုန်ပစ္စည်းများကို ဥရောပဈေးကွက်အတွင်းသို့ မဝင်ရောက်နိုင်အောင် နာရီ ၂၄ နာရီအတွင်း ပိတ်ပင်နိုင်သည့် ကန့်သတ်အရေးယူမှုများ လုပ်ဆောင်ရန် စီစဉ်နေသည်။ တရုတ် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနကမူ နှစ်ဖက် ကုန်သွယ်ရေး ဆွေးနွေးမှုများ ပြုလုပ်နေစဉ် ယခုကဲ့သို့ ဆောင်ရွက်ခြင်းသည် ဆွေးနွေးပွဲများကို အဟန့်အတား ဖြစ်စေသည်ဟု ထုတ်ပြန်ထားသည်။ လက်ရှိတွင် EU နှင့် တရုတ်နိုင်ငံအကြား နှစ်စဉ် ကုန်သွယ်မှု ပမာဏသည် ယူရို ၈၈၀ ဘီလီယံ (အမေရိကန်ဒေါ်လာ ၁ ထရီလီယံနီးပါး) ရှိနေသော်လည်း၊ အီးယူဘက်တွင် စံချိန်တင် ကုန်သွယ်ရေး လိုငွေပြမှုနှင့် ရင်ဆိုင်နေရသဖြင့် အောက်တိုဘာလအတွင်း နှစ်ဖက် သဘောတူညီချက် ရရှိရန် ကြိုးပမ်းနေခြင်း ဖြစ်သည်။

EU က တရုတ်ထုတ်ကုန်များအပေါ် ကန့်သတ်ပါက ပြင်းပြင်းထန်ထန် တုံ့ပြန်မည်ဟု ပေကျင်း သတိပေး

EU က တရုတ်ထုတ်ကုန်များအပေါ် ကန့်သတ်ပါက ပြင်းပြင်းထန်ထန် တုံ့ပြန်မည်ဟု ပေကျင်း သတိပေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၃၀ ရက်။ …

  • September 30, 2026
ကုလ ကန့်ကွက်သည့်ကြားမှ မြန်မာနိုင်ငံသား ၁,၅၀၀ နီးပါးအား မလေးရှား ပြန်လည်လွှဲပြောင်း သတင်းနှင့် မီဒီယာ ကွန်ရက်။ ၂၀၂၆ ခုနှစ် စက်တင်ဘာလ ၃၀ ရက်။ မလေးရှားအစိုးရသည် ကုလသမဂ္ဂနှင့် နိုင်ငံတကာ လူ့အခွင့်အရေး အဖွဲ့အစည်းများ၏ ကန့်ကွက်မှုများကြားမှ ကလေးငယ်များ ပါဝင်သည့် မြန်မာနိုင်ငံသား ၁,၅၀၀ နီးပါးအား စက်တင်ဘာ ၂၉ ရက်နေ့တွင် စစ်အုပ်စု၏ စစ်ရေယာဉ်များဖြင့် မြန်မာနိုင်ငံသို့ ပြန်လည်လွှဲပြောင်း ပို့ဆောင်ခဲ့ပါသည်။ ယခု လွှဲပြောင်းမှုသည် မလေးရှားနှင့် မြန်မာစစ်အုပ်စုတို့အကြား သဘောတူထားသည့် မြန်မာနိုင်ငံသား ၅,၀၀၀ အထိ ပြန်လည်ပို့ဆောင်ရေး အစီအစဉ်၏ ပထမဆုံးအဆင့် ဖြစ်သည်။ မလေးရှား ပြည်ထဲရေးဝန်ကြီးဌာန၏ ထုတ်ပြန်ချက်အရ ပို့ဆောင်ခံရသူများတွင် အမျိုးသား ၁,၃၇၀ ဦး၊ အမျိုးသမီး ၇၉ ဦး၊ ယောက်ျားလေး ၂၀ ဦးနှင့် မိန်းကလေး ၇ ဦး ပါဝင်သည်။ မလေးရှားဘက်က ယခု ပို့ဆောင်မှုသည် သဘောထားဆန္ဒအလျောက် ပြန်လည်ထွက်ခွာခြင်း ဖြစ်သည်ဟု ပြောဆိုသော်လည်း၊ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) နှင့် အစိုးရမဟုတ်သော အဖွဲ့အစည်းများကမူ မြန်မာနိုင်ငံတွင် လက်နက်ကိုင် ပဋိပက္ခများ ပြင်းထန်နေဆဲ ဖြစ်သည့်အတွက် ဘေးကင်းလုံခြုံမှု မရှိကြောင်း ထောက်ပြထားကြသည်။ မလေးရှား အစိုးရကမူ ဒုက္ခသည် ဦးရေ များပြားလာခြင်းသည် နိုင်ငံ၏ နယ်စပ်လုံခြုံရေးနှင့် ဘဏ္ဍာရေးဆိုင်ရာ ဝန်ထုပ်ဝန်ပိုး ဖြစ်ပေါ်စေသည်ဟု အကြောင်းပြခဲ့ပါသည်။ ပြန်လည်ပို့ဆောင်ခံရသူများအနက် ရိုဟင်ဂျာ ဒုက္ခသည်များ ပါဝင်ခြင်း ရှိမရှိ တိတိကျကျ မသိရသေးသော်လည်း၊ UNHCR ဒုက္ခသည်အဖြစ် အသိအမှတ်ပြုခံထားရသူ အချို့နှင့် ခိုလှုံခွင့်တောင်းခံထားသူများ ပါဝင်နေကြောင်း ချင်းဒုက္ခသည်များဆိုင်ရာ တာဝန်ရှိသူများက အတည်ပြုထားပါသည်။ မြန်မာနိုင်ငံသို့ ပြန်လည်ရောက်ရှိပါက စစ်အုပ်စု၏ အဓမ္မ စစ်မှုထမ်းခိုင်းခြင်းခံရပြီး ရှေ့တန်းစစ်မျက်နှာစာများတွင် အသက်အန္တရာယ် ကြုံတွေ့ရနိုင်ကြောင်း လူ့အခွင့်အရေး အဖွဲ့အစည်းများက စိုးရိမ်မကင်း ထုတ်ပြန်ထားကြပါသည်။

ကုလ ကန့်ကွက်သည့်ကြားမှ မြန်မာနိုင်ငံသား ၁,၅၀၀ နီးပါးအား မလေးရှား ပြန်လည်လွှဲပြောင်း

ကုလ ကန့်ကွက်သည့်ကြားမှ မြန်မာနိုင်ငံသား ၁,၅၀၀ နီးပါးအား မလေးရှား ပြန်လည်လွှဲပြောင်း သတင်းနှင့် မီဒီယာ ကွန်ရက်။ ၂၀၂၆ ခုနှစ် စက်တင်ဘာလ ၃၀ ရက်။ မလ…

  • September 30, 2026
×Close