ပါကစ္စတန်နိုင်ငံ – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Tag Archive

Tag: ပါကစ္စတန်နိုင်ငံ

အကြမ်းဖက် ဆန့်ကျင်ရေး ဆန္ဒပြရာ အသေခံဗုံးခွဲသဖြင့် ၁၄ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃ ရက်။ ပါကစ္စတန်နိုင်ငံ အနောက်မြောက်ပိုင်းတွင် တနင်္ဂနွေနေ့က ပြုလုပ်ခဲ့သော အကြမ်းဖက်မှုဆန့်ကျင်ရေး ဆန္ဒပြပွဲတစ်ခုအတွင်း အသေခံဗုံးခွဲမှု ဖြစ်ပွားခဲ့ရာ အနည်းဆုံး လူ ၁၄ ဦး သေဆုံးပြီး ၂၄ ဦးကျော် ဒဏ်ရာရရှိခဲ့သည်။ ယင်းဆန္ဒပြပွဲကို ရဲစခန်းတစ်ခုအနီးတွင် ပြုလုပ်နေခြင်းဖြစ်ပြီး သေဆုံးသူများထဲတွင် အရပ်သား ၉ ဦးနှင့် ရဲအရာရှိ ၅ ဦး ပါဝင်ကြောင်း ဒေသဆိုင်ရာ ရဲတပ်ဖွဲ့က အတည်ပြုထားသည်။ ဒေသခံပြည်သူများသည် နှစ်ပေါင်းများစွာ အကြမ်းဖက်မှုများကြားတွင် နေထိုင်ခဲ့ရသဖြင့် ငြိမ်းချမ်းစွာ နေထိုင်ခွင့်ရရှိရေးနှင့် အကြမ်းဖက်သမားများကို အစိုးရအနေဖြင့် ထိရောက်စွာ နှိမ်နင်းပေးရေးအတွက် တောင်းဆိုဆန္ဒပြနေခဲ့ခြင်း ဖြစ်သည်။ ဆန္ဒပြပွဲ ကျင်းပနေစဉ်မှာပင် လူအုပ်အတွင်းသို့ ဝင်ရောက်ကာ ယခုကဲ့သို့ အသေခံ တိုက်ခိုက်ခဲ့ခြင်း ဖြစ်သည်။ ဆွတ်တ်တောင်ကြား (Swat Valley) ဒေသသည် ယခင်က စစ်သွေးကြွများ ကြီးစိုးခဲ့သည့် နေရာဖြစ်ပြီး မကြာသေးမီ လပိုင်းများအတွင်း စစ်သွေးကြွများ ပြန်လည်ခြေကုပ်ယူလာသည့်အတွက် ဒေသခံများက ယခုကဲ့သို့ ဆန့်ကျင်ဆန္ဒပြနေကြခြင်း ဖြစ်သည်။ အဆိုပါ တိုက်ခိုက်မှုကို လုပ်ဆောင်ခဲ့ကြောင်း မည်သည့်အဖွဲ့အစည်းကမျှ တရားဝင် ထုတ်ဖော်ပြောဆိုထားခြင်း မရှိသေးပေ။ သို့သော်လည်း ပါကစ္စတန် တာလီဘန်အဖွဲ့ (TTP) ၏ လက်ချက်ဖြစ်နိုင်ကြောင်း အများက ခန့်မှန်းထားကြသည်။ ပါကစ္စတန် သမ္မတနှင့် ဝန်ကြီးချုပ်တို့ကမူ ယခုဖြစ်ရပ်အပေါ် ပြင်းထန်စွာ ရှုတ်ချခဲ့ပြီး အကြမ်းဖက်ဝါဒ အမြစ်ပြတ်သည်အထိ ဆက်လက် တိုက်ဖျက်သွားမည်ဖြစ်ကြောင်း ထုတ်ပြန်ကြေညာထားသည်။ Photo:AFP #ပါကစ္စတန် #တာလီဘန် #ဆန္ဒပြ #အသေခံဗုံးခွဲ

အကြမ်းဖက်ဆန့်ကျင်ရေး ဆန္ဒပြရာ အသေခံဗုံးခွဲသဖြင့် ၁၄ ဦး သေဆုံး

ပါကစ္စတန်-အာဖဂန် နယ်စပ် တိုက်ခိုက်မှုအတွင်း အနည်းဆုံး ၂၉ ဦးသေဆုံး

ပါကစ္စတန်က အာဖဂန်ကို လေကြောင်း တိုက်ခိုက်မှု ပြန်လုပ်

ပါကစ္စတန်က စစ်ကြေညာပြီး အာဖဂန်မြို့ကြီးများကိုတိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂၇ ရက်။ ပါကစ္စတန်အစိုးရသည် အာဖဂန်နစ္စတန်နိုင်ငံအတွင်းရှိ မြို့ကြီးများဖြစ်သော ကဘူးလ် (Kabul) နှင့် ကန်ဒါဟာ (Kandahar) မြို့များကို ဖေဖော်ဝါရီလ ၂၆ ရက်နေ့မှစတင်ကာ လေကြောင်းမှ ဗုံးကြဲတိုက်ခိုက်ခဲ့သည်။ ပါကစ္စတန်ဝန်ကြီးချုပ် ရှာဘတ်ဇ် ရှရစ်ဖ် (Shehbaz Sharif) က မိမိတို့နိုင်ငံအပေါ် ကျူးကျော်စော်ကားလာမှုမှန်သမျှကို ပြတ်ပြတ်သားသား ချေမှုန်းသွားမည်ဟု ပြောကြားခဲ့ပြီး၊ ကာကွယ်ရေးဝန်ကြီးကလည်း အာဖဂန်တာလီဘန်များအား "ပွင့်လင်းစစ်" (Open War) ဆင်နွှဲရန် တရားဝင် ကြေညာလိုက်သည်။ ဤတင်းမာမှုသည် အာဖဂန်တာလီဘန်တို့၏ စစ်ဆင်ရေးတစ်ခုကြောင့် ပါကစ္စတန်စစ်သား နှစ်ဦး သေဆုံးခဲ့ရပြီးနောက် ပေါ်ပေါက်လာခြင်းဖြစ်သည်။ ပါကစ္စတန်အစိုးရကို တိုက်ခိုက်နေသည့် စစ်သွေးကြွများသည် အာဖဂန်မြေပေါ်တွင် အခြေစိုက်သည်ဟုဆိုကာ ဒရုန်းများဖြင့်လည်း ဝင်ရောက်တိုက်ခိုက်ခဲ့သည်။ တာလီဘန်စစ်ဘက်ကမူ ၎င်းတို့အနေဖြင့် စစ်ကို အရင်စတင်မည်မဟုတ်သော်လည်း တိုက်ခိုက်ခံရပါက လက်စားချေ တုံ့ပြန်သွားမည်ဟု BBC သတင်းဌာနသို့ ဖြေကြားထားသည်။

ပါကစ္စတန်က စစ်ကြေညာပြီး အာဖဂန်မြို့ကြီးများကိုတိုက်

ပါကစ္စတန်က အာဖဂန်နစ္စတန် အတွင်း နေရာ ၇ ခုကို ဒရုန်းနှင့် တိုက်ခိုက် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဖေဖော်ဝါရီလ ၂၃ ရက်။ ပါကစ္စတန်စစ်တပ်သည် ဖေဖော်ဝါရီလ ၂၂ ရက် မနက်အစောပိုင်းတွင် အာဖဂန်နစ္စတန်နိုင်ငံအတွင်းရှိ စစ်သွေးကြွစခန်းများကို လေကြောင်းမှ တိုက်ခိုက်ခဲ့ရာ စစ်သွေးကြွ ၇၀ ခန့်ကို ခြေမှုန်းနိုင်ခဲ့ကြောင်း ထုတ်ပြန်ခဲ့ပါသည်။ ပါကစ္စတန်အစိုးရက ၎င်းတို့နိုင်ငံအတွင်း ဖြစ်ပွားခဲ့သော အသေခံဗုံးခွဲမှုများသည် အာဖဂန်တာလီဘန်များ ကျောထောက်နောက်ခံပေးထားသည့် TTP နှင့် IS-K အဖွဲ့များ၏ လက်ချက်ဖြစ်ကြောင်း ခိုင်လုံသော အထောက်အထားများရှိသည်ဟု ဆိုကာ လက်စားချေတိုက်ခိုက်ခဲ့ခြင်း ဖြစ်ပါသည်။ သို့သော်လည်း တာလီဘန်အစိုးရကမူ ပါကစ္စတန်၏ တိုက်ခိုက်မှုကြောင့် အမျိုးသမီးနှင့် ကလေးငယ်များအပါအဝင် အရပ်သား ၁၈ ဦး သေဆုံးခဲ့ရပြီး မိသားစုဝင် ၂၃ ဦးရှိသော နေအိမ်တစ်လုံးတွင် ၅ ဦးသာ အသက်ရှင်ကျန်ရစ်သည့်ဖြစ်စဉ်မျိုး ရှိခဲ့ကြောင်း တုံ့ပြန်ခဲ့ပါသည်။ တာလီဘန်တို့က ဤလုပ်ရပ်သည် အချုပ်အခြာအာဏာ ကျူးကျော်မှုဖြစ်ပြီး သင့်တော်သလို ပြန်လည်တုံ့ပြန်သွားမည်ဟု သတိပေးထားသဖြင့် နယ်စပ်တင်းမာမှုများ မြင့်တက်လျက်ရှိပါသည်။

ပါကစ္စတန်က အာဖဂန်နစ္စတန် အတွင်း နေရာ ၇ ခုကို ဒရုန်းနှင့် တိုက်ခိုက်

ပါကစ္စတန်- အမေရိကန် ဆက်ဆံရေး သစ် စလိုက်ပြီ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၇ ရက်။ တရုတ်နိုင်ငံက ထိန်းချုပ်ထားသည့် မြေရှား သတ္တု ပထမအသုတ်ကို လွန်ခဲ့သည့် ရက်သတ္တပတ်အတွင်း ပါကစ္စတန်က အမေရိကန်သို့ ပေးပို့ခဲ့သည်။ ပါကစ္စတန် ကုမ္ပဏီနှင့် အမေရိကန် ကုမ္ပဏီ တို့က မြေရှား သတ္တု အမေရိကန် ဒေါ်လာသန်း ၅၀၀ ဖို့ တင်ပို့ရန် စက်တင်ဘာလ အတွင်းက သဘောတူညီခဲ့ကြသည်။ ယခု ပေးပို့မှုမှာ အဆိုပါ သဘောတူညီချက်၏ ပထမအသုတ်ဖြစ်သည်။ ယခု ကိစ္စသည် အမေရိကန်- ပါကစ္စတန် ဆက်ဆံရေးကို ထူးထူးခြားခြား ပြောင်းလဲ လာစေမည့် အလားအလာလည်း ဖြစ်သည်ဟု နှစ်နိုင်ငံ လုံးက ဆိုသည်။ ပါကစ္စတန် နိုင်ငံမှ Frontier Works Organization (FWO) နှင့် အမေရိကန် USSM ခေါ် အမေရိကန် ပြည်ထောင်စု မဟာ ဗျူဟာ သတ္တု လုပ်ငန်း တို့ အကြား ယခင်လအတွင်းက ဒေါ်လာ သန်း ၅၀၀ တန်ဖိုးရှိ မြေရှား သတ္တုများ ပါကစ္စတန်မှ ပေးပို့ရန် နားလည်မှု စာချွန်လွှာကို လက်မှတ်ထိုးခဲ့ခြင်းကို အကောင်အထည်ဖော်ခြင်းလည်း ဖြစ်သည်။ ပါကစ္စတန်ဝန်ကြီးချုပ် Shehbaz Sharif ကတော့ လုံခြုံပြီး ကွဲပြားတဲ့ ပစ္စည်းပေးသွင်းမှု လမ်းကြောင်းကို တည်ဆောက်ခြင်း ဖြစ်ပြီး ၂ နိုင်ငံလုံး အတွက် အကျိုး ရှိစေမည်ဟု ပြောသည်။ ပထမဆုံးပေးပို့မှုထဲတွင် အင်တီမိုနီ၊ ပြင်းအားမြင့် ကြေး၊ နဲ့ မြေရှား သတ္တုများ ပါဝင်ကြောင်း နှစ်နိုင်ငံလုံး က ထုတ်ပြန်ထားသည်။ အမေရိကန် နိုင်ငံသည် ဗျူဟာမြောက် အရေးပါသည့် သတ္တု ပေးသွင်းမှု လမ်းကြောင်းကို အားဖြည့်ရန်နှင့် တရုတ် အပေါ် မှီခိုရမှုကိုလျော့ချရန် ခြေလှမ်းများ ပြင်ဆင်နေခြင်းလည်း ဖြစ်သည်။

ပါကစ္စတန်- အမေရိကန် ဆက်ဆံရေး သစ် စလိုက်ပြီ

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ် — August 31, 2026 3:40 pm
နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ — August 31, 2026 3:29 pm
EU နှင့် မပူးပေါင်းရန် အိုက်စလန် လူထု ဆန္ဒပြု — August 31, 2026 3:27 pm

Recent Posts

ချင်းတောင်ပိုင်း မင်းတပ်တွင် စစ်အုပ်စုက လေကြောင်းမှ ဗုံးကြဲ၍ ကလေးများအပါ ၈ ဦး သေဆုံး
ရခိုင်-မကွေး အစပ် မင်းတုန်းတွင် ထွန်စက်များ ချောဆွဲခံရမှုကြောင့် တောင်သူများ စိုးရိမ်ထိတ်လန့်
ရခိုင်မြောက်ပိုင်း မောင်တောနယ်စပ်တွင် ကင်းလှည့်နေသည့် AA နှင့် ARSA, RSO ပူးပေါင်းအဖွဲ့ တိုက်ပွဲဖြစ်
ရက်သတ္တပတ် အတန်ကြာတွင် အီရန်နှင့် အမေရိကန် အကြား ပစ်ခတ်မှု ပြန်ဖြစ်
နီပေါ ရေကြီးမှုကြောင့် လိုဏ်ခေါင်းအတွင်း လူရာပေါင်းများစွာ ပိတ်မိနေဆဲဖြစ် အတည်ပြု သေဆုံးသူ ၉၀၀ ကျော်ပြီ

Archives

Archives

×Close