Pope Leo XIV – Network Media Group

Tag: Pope Leo XIV

ပုပ်ရဟန်းမင်းကြီးတွင် ကင်ဆာ ရောဂါတွေ့ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၅ ရက်။ ပုပ်ရဟန်းမင်းကြီး လီယို (၁၄) ၏ အဆုတ်အတွင်းမှ အဖုအကျိတ်ကို ခွဲစိတ်ဖယ်ရှားပြီးနောက် ၎င်းတွင် အဆုတ်ကင်ဆာရောဂါ ခံစားနေရကြောင်း ဗာတီကန်နန်းတော်က တရားဝင် အတည်ပြု ထုတ်ပြန် လိုက်သည်။ ဆေးဘက်ဆိုင်ရာ စစ်ဆေးချက်များအရ ပုပ်ရဟန်းမင်းကြီး၌ ဖြစ်ပွားနေသည့် ကင်ဆာမှာ အဖြစ်များသော အဆုတ်ကင်ဆာ အမျိုးအစားတစ်ခုဖြစ်သည့် "အဒီနိုကာစီနိုမား" (Adenocarcinoma) ဖြစ်ကြောင်း သိရသည်။ ကျွမ်းကျင်သူများ၏ ပြောကြားချက်အရ အဆိုပါရောဂါမှာ အန္တရာယ်ကြီးမားသော်လည်း ရောဂါ အစောပိုင်းအဆင့်တွင် စောစီးစွာ သိရှိကုသနိုင်ပါက ပျောက်ကင်းနိုင်ခြေ မြင့်မားကြောင်းနှင့် လက်ရှိ ပုပ်ရဟန်းမင်းကြီး၏ အခြေအနေမှာလည်း ရောဂါအစောပိုင်းအဆင့်တွင် ရှိနေသည်။ အဆုတ်ကင်ဆာသည် ဆေးလိပ်သောက်သုံးခြင်းကြောင့် အဓိက ဖြစ်ပွားလေ့ရှိသော်လည်း ဆေးလိပ် မသောက်သူများတွင်လည်း လေထုညစ်ညမ်းမှု၊ ရေဒွန်ဓာတ်ငွေ့ စသည်တို့နှင့် ထိတွေ့မှုကြောင့် ဖြစ်ပွား နိုင်ကြောင်း ကျန်းမာရေးပညာရှင်များက ထောက်ပြထားသည်။ လက်ရှိတွင် ပုပ်ရဟန်းမင်းကြီးသည် ခွဲစိတ်ကုသမှုအပြီး ဆေးရုံ၌ အနားယူလျက်ရှိကြောင်း ဗာတီကန် က သတင်းထုတ်ပြန်ထားသည်။

ပုပ်ရဟန်းမင်းကြီးတွင် ကင်ဆာ ရောဂါတွေ့

ပုပ်ရဟန်းမင်းကြီး လီယို ၁၄ အဆုတ်ခွဲစိတ်ရန် ဆေးရုံတက်ရောက်မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၃ ရက်။ ပုပ်ရဟန်းမင်းကြီး လီယို ၁၄ (Pope Leo XIV) သည် အဆုတ်တွင် တွေ့ရှိရသည့် အဖုအကျိတ်တစ်ခုကို ဖယ်ရှားရန်အတွက် အောက်တိုဘာ ၁၃ ရက် အင်္ဂါနေ့ နံနက်ပိုင်းတွင် ရောမမြို့၌ရှိသော ဆေးရုံတစ်ခု၌ တက်ရောက် ခွဲစိတ်ကုသမှု ခံယူသွားမည်ဟု ဗာတီကန်က သတင်းထုတ်ပြန်ခဲ့သည်။ ပုပ်ရဟန်းမင်းကြီးသည် ပုံမှန် ကျန်းမာရေး စစ်ဆေးမှု ပြုလုပ်စဉ် အဆုတ်တွင် အဖုအကျိတ်တစ်ခုကို တွေ့ရှိခဲ့ခြင်းဖြစ်သည်။ ခွဲစိတ်ကုသမှု အပြီးတွင် ဆေးရုံ၌ တစ်ပတ်နီးပါး ဆေးကုသမှု ဆက်လက် ခံယူရမည်ဖြစ်သည်။ ထို့ကြောင့် အောက်တိုဘာ ၂၀ ရက်နေ့အထိ စီစဉ်ထားသည့် ပုပ်ရဟန်းမင်းကြီး၏ လူထုနှင့် တွေ့ဆုံပွဲ အခမ်းအနားများ အားလုံးကို ဖျက်သိမ်းလိုက်သည်။ ဆေးရုံဆင်းပြီးနောက်တွင် ပုပ်ရဟန်းမင်းကြီးသည် ရပ်နားထားသည့် သာသနာပြု လုပ်ငန်းများနှင့် အစည်းအဝေး ဆုံးဖြတ်ချက်များကို ပြန်လည် သုံးသပ်၍ မိန့်ခွန်းများ ဆက်လက် မြွက်ကြားသွားမည်ဟု ဗာတီကန်က ထုတ်ပြန်ထားသည်။

ပုပ်ရဟန်းမင်းကြီး လီယို ၁၄ အဆုတ်ခွဲစိတ်ရန် ဆေးရုံတက်ရောက်မည်

ကက်သလစ် သာသနာတွင်း လိင်ပိုင်းဆိုင်ရာ ကျူးလွန်မှုများ စုံစမ်းရန် ပုပ်ရဟန်းမင်းကြီး တိုက်တွန်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၈ ရက်။ ပြင်သစ်နိုင်ငံသို့ ရောက်ရှိနေသည့် ပုပ်ရဟန်းမင်းကြီး လီယို (Pope Leo) က ရိုမန်ကက်သလစ် သာသနာတော်အတွင်း ဖြစ်ပွားခဲ့သည့် လိင်ပိုင်းဆိုင်ရာ အလွဲသုံးစားပြုမှု အရှုပ်တော်ပုံများကို အမြစ်ပြတ် တူးဖော်ဖျက်ဆီးကြရန် ပြင်သစ် ကက်သလစ် ဆရာတော်များအား တိုက်တွန်း နှိုးဆော်လိုက်သည်။ လေးရက်ကြာ ပြင်သစ် တရားဝင် ခရီးစဉ်၏ တတိယမြောက်နေ့တွင် ဆရာတော်များနှင့် သီးသန့် တွေ့ဆုံဆွေးနွေးစဉ် ပုပ်ရဟန်းမင်းကြီးက အဆိုပါအတိုင်း မိန့်ကြားခဲ့ခြင်းဖြစ်သည်။ ကလေးသူငယ်များအပေါ် လိင်ပိုင်းဆိုင်ရာ အလွဲသုံးစားပြုမှု ပပျောက်ရေးအတွက် လွတ်လပ်သော စုံစမ်းစစ်ဆေးမှုများကို ဆက်လက် ဆောင်ရွက်ရန်နှင့် အမြင့်ဆုံး သတိဝီရိယ ထားရှိကြရန်လည်း မှာကြားခဲ့သည်။ ၂၀၂၁ ခုနှစ်က ထုတ်ပြန်ခဲ့သည့် သီးခြား စုံစမ်းစစ်ဆေးမှု အစီရင်ခံစာအရ လွန်ခဲ့သည့် နှစ်ပေါင်း ၇၀ အတွင်း ပြင်သစ်နိုင်ငံ၌ ကက်သလစ် ဘုန်းတော်ကြီးများနှင့် သာသနာ့ ဝန်ထမ်းများ၏ လိင်ပိုင်းဆိုင်ရာ ကျူးလွန်မှု ခံခဲ့ရသည့် ကလေးသူငယ် ဦးရေ စာရင်းမှာ ၃ သိန်း ၃ သောင်းကျော် ရှိခဲ့သည်။

ကက်သလစ် သာသနာတွင်း လိင်ပိုင်းဆိုင်ရာ ကျူးလွန်မှုများ စုံစမ်းရန် ပုပ်ရဟန်းမင်းကြီး တိုက်တွန်း

တားမြစ်ချက်ကို မလိုက်နာသည့် ရှေးရိုးစွဲ SSPX အဖွဲ့ကို ဗာတီကန် သာသနာ ထုတ်ပယ်

စစ်ပွဲ၏ ဒုက္ခအခက်အခဲများကိုသာ အသားပေးရန် သတင်းထောက်များကို ပုပ်ရဟန်းမင်းကြီး တိုက်တွန်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၇ ရက်။ ပုပ်ရဟန်းမင်းကြီး လီယို ၁၄ (Pope Leo XIV) က သတင်းထောက်များအနေဖြင့် စစ်ပွဲသတင်းများ ဖော်ပြရာတွင် အာဏာရှိသူများ၏ ဝါဒဖြန့်မှုများထက် စစ်ဘေးသင့်ပြည်သူများ၏ ဒုက္ခအခက်အခဲများကိုသာ အလေးပေးဖော်ပြကြရန် တိုက်တွန်းလိုက်ပါသည်။ ၎င်းက စစ်ပွဲကို ဗီဒီယိုဂိမ်းတစ်ခုကဲ့သို့ ဖျော်ဖြေမှုဆန်ဆန် တင်ဆက်ခြင်းမျိုး မလုပ်ရန်လည်း သတိပေးခဲ့ပါသည်။ အီတလီရုပ်သံ TG2 နှင့် တွေ့ဆုံရာတွင် ပထမဆုံးသော အမေရိကန်နွယ်ဖွား ပုပ်ရဟန်းမင်းကြီးဖြစ်သည့် လီယို ၁၄ က စစ်ဘေးသင့် နစ်နာသူများ၏ အမြင်ဖြင့် သတင်းတင်ဆက်ကြရန် တောင်းဆိုခဲ့သည်။ ယခင်ကလည်း ပုပ်ရဟန်းမင်းကြီးက လက်ရှိဖြစ်ပွားနေသည့် စစ်ပွဲအား ချက်ချင်းရပ်တန့်၍ အပစ်အခတ်ရပ်စဲရန် အပြင်းအထန် တောင်းဆိုနေခဲ့သည်။ #PopeLeoXIV #ပုပ်ရဟန်းမင်းကြီးလီယို၁၄

စစ်ပွဲ၏ ဒုက္ခအခက်အခဲများကိုသာ အသားပေးရန် သတင်းထောက်များကို ပုပ်ရဟန်းမင်းကြီး တိုက်တွန်း

ဗုဒ္ဓဟူးနေ့ညပိုင်း ရုပ်သံသတင်း(၇-၁၀-၂၆)

ဒီကနေ့ အစီအစဉ်ထဲမှာတော့-

– ကျိုက်ထိုမြို့နယ်မှာ တိုက်ပွဲမဖြစ်ပဲ စစ်အုပ်စုက အရပ်သားရွာတွေကို ဗုံးကြဲလို့ ထောင်နဲ့ချီထွက်ပြေးနေရ

– ရခိုင်-ဧရာဝတီ အစပ်မှာ တိုက်ပွဲ ပြင်းထန်ပြီး စစ်အုပ်စုက အစုအပြုံလိုက် ကျဆုံးနေ

– ကချင်ပြည်က ရွှေကူ-ငအိုး လမ်းပိုင်း သုံးသူတွေကို အရေးယူသွားမယ်လို့ KIAသတိပေး

– အလုပ်သမားတွေ ဆီက အခွန်နဲ့ လွှဲငွေ ရရှိဖို့ ပိုမို တင်းကြပ်သွားမယ်လို့ စစ်အုပ်စုပြော

– စစ်အုပ်စု ခေါင်းဆောင် ၇-၈ ရက်နေ့တွေမှာ မလေးရှားကို သွားမည်

– လာအို ဒုတိယမြို့တော်လေဆိပ် ကိုယ်ပိုင်လေယာဉ်ပေါ်တင်တဲ့ မူးယစ်ဆေးဝါး ကီလို ၅၀၀ ကျော်ဖမ်းမိ

– မက်ဒေါ်နယ်(McDonald’s)ကုမ္ပဏီဟာ AI သုံးစွဲပြီး လွတ်လပ်စွာ ယှဉ်ပြိုင်ခွင့်ကို ချိုးဖောက်တယ်ဆိုပြီး တရားစွဲခံရ

– ပထမဆုံး FIFA အာဆီယံ ဖလားကို အင်ဒိုနီးရှား အသင်း ပင်နယ်တီ အဆုံးအဖြတ်နဲ့ ဆွတ်ခူး…..စတာတွေ တင်ဆက်ထားပါတယ်။