NMG Doh – Page 58 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Apr 7

ဟော်မုဇ် ရေလက်ကြား သတ်မှတ်ချိန် နီးကပ်လာချိန် အာရှ သင်္ဘောများ အီရန်နဲ့ ညှိနှိုင်း ဖြတ်သန်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၇ ရက်။ အမေရိကန်သမ္မတ ဒေါ်နယ်ထရန့်သည် အီရန်နိုင်ငံအပေါ် စစ်ရေးအရ ဖိအားပေးမှုများကို တိုးမြှင့်လိုက်ပြီး ဟော်မုဇ်ရေလက်ကြား (Strait of Hormuz) ကို ပြန်လည်ဖွင့်လှစ်ပေးရန် အင်္ဂါနေ့ (ဧပြီ ၇ ရက်) ညပိုင်းအထိ နောက်ဆုံးရာဇသံ (Deadline) သတ်မှတ်လိုက်သည်။ အကယ်၍ သတ်မှတ်ချိန်အတွင်း လိုက်နာခြင်းမရှိပါက အီရန်နိုင်ငံအား "တစ်ညတာအတွင်း အပြတ်အသတ် ချေမှုန်းသွားမည်" ဟု ထရန့်က ခြိမ်းခြောက်ပြောဆိုခဲ့သည်။ သမ္မတထရန့်သည် စစ်ပွဲအပြီး ကာလတွင် အဆိုပါ အချက်အချာကျသော ရေလမ်းကြောင်းကို အမေရိကန်က တိုက်ရိုက်ထိန်းချုပ်ကာ ဖြတ်သန်းသွားလာမည့် သင်္ဘောများထံမှ "ရေကြောင်းဖြတ်သန်းခ" (Toll Fees) ကောက်ခံသွားမည့် အစီအစဉ် (Concept) ကိုလည်း ထုတ်ဖော်ပြောကြားခဲ့သည်။ ၎င်းက အမေရိကန်သည် စစ်ပွဲတွင် အနိုင်ရရှိသူဖြစ်သည့်အတွက် အဆိုပါ အခွင့်အရေးရှိကြောင်း သတင်းထောက်များကို ပြောကြားခဲ့သည်။ သို့သော် အမေရိကန်၏ စစ်ရေးခြိမ်းခြောက်မှုများ ရှိနေသည့်တိုင် စွမ်းအင်လိုအပ်ချက် မြင့်မားနေသော အာရှနိုင်ငံများသည် အီရန်နှင့် တိုက်ရိုက်ညှိနှိုင်းကာ ၎င်းတို့၏ ကုန်သွယ်ရေးသင်္ဘောများ ဘေးကင်းစွာ ဖြတ်သန်းနိုင်ရေးအတွက် သီးခြားသဘောတူညီချက်များ ရယူနေကြသည်။ ပြည်တွင်းရေနံလိုအပ်ချက်၏ ၉၈ ရာခိုင်နှုန်းကို အရှေ့အလယ်ပိုင်းမှ တင်သွင်းနေရသည့် ဖိလစ်ပိုင်သည် အီရန်နှင့် တိုက်ရိုက်ဆွေးနွေးကာ ၎င်းတို့၏ သင်္ဘောများ ဘေးကင်းစွာ ဖြတ်သန်းခွင့်ရရှိရန် အာမခံချက် ရယူနိုင်ခဲ့သည်။ အိန္ဒိယအလံတင်သင်္ဘောများကို အီရန်ဘက်က ဘေးကင်းစွာ ဖြတ်သန်းရန် ဖိတ်ခေါ်ထားသကဲ့သို့ ပါကစ္စတန်ကလည်း သင်္ဘောအစင်း ၂၀ ဖြတ်သန်းခွင့်ရရန် သဘောတူညီချက် ရရှိထားသည်။ အီရန်ရေနံကို အဓိကဝယ်ယူနေသည့် တရုတ်သင်္ဘောများမှာ ရေလက်ကြားကို ပုံမှန်ဖြတ်သန်းနေပြီး မလေးရှားဝန်ကြီးချုပ် အန်ဝါအီဗရာဟင်ကလည်း နှစ်နိုင်ငံသံတမန်ရေးအရ ၎င်းတို့၏ သင်္ဘောများ ဖြတ်သန်းခွင့်ရရှိထားကြောင်း အတည်ပြုခဲ့သည်။ အဆိုပါ အာရှနိုင်ငံများအနေဖြင့် အီရန်နိုင်ငံကို ဖြတ်သန်းခပေးဆောင်နေရခြင်း ရှိ၊ မရှိကိုမူ တိကျစွာ မသိရသေးဘဲ ဖြတ်သန်းခွင့်ရခဲ့သော ဂျပန်သင်္ဘောကလည်း အခွန်အခ‌ ပေးရခြင်း ရှိမရှိ ထုတ်ဖော်ပြောကြားခြင်း မရှိခဲ့ပေ။

ဟော်မုဇ် ရေလက်ကြား သတ်မှတ်ချိန် နီးကပ်လာချိန် အာရှ သင်္ဘောများ အီရန်နဲ့ ညှိနှိုင်း ဖြတ်သန်း

Apr 6

အင်းလေးဒေသ စက်လှေခများ စံချိန်တင်ဈေးတက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၆ ရက်။ ရှမ်းပြည် တောင်ပိုင်း၊ ညောင်ရွှေမြို့နယ်၊ အင်းလေးဒေသတွင် စက်သုံးဆီပြတ်လပ်မှုနှင့် ဈေးနှုန်းအဆမတန် မြင့်တက်လာမှုကြောင့် ဒေသတွင်းစက်လှေခများ စံချိန်တင်ဈေးတက်သွားပြီး ခရီးသွားယာဉ်လိုင်းအများစု ရပ်နားထားရသည့် အခြေအနေနှင့် ရင်ဆိုင်နေရသည်။ အင်းလေးဒေသရှိ စက်လှေမောင်းနှင်သူများသည် စက်သုံးဆီကို ညောင်ရွှေမြို့မှတစ်ဆင့် ဝယ်ယူနေရခြင်းဖြစ် ပြီး လက်ရှိတွင် ဆီခွဲတမ်းများ မလုံလောက်ခြင်းနှင့် ဒီဇယ်ဆီ လုံးဝဝယ်ယူ၍မရသည့် အခြေအနေများကြောင့် သွားလာရေးကဏ္ဍတစ်ခုလုံး အကျပ်အတည်းဖြစ်နေခြင်းဖြစ်သည်။ ဒေသတွင်း တံငါသည်တစ်ဦးက “အောက်ပိုင်းခြေ (ဓာတ်ဆီအင်ဂျင်ငယ်) တွေတော့ ရသေးတယ်။ ဓာတ်ဆီက ဈေးတက်ပေမယ့် ဝယ်ရအရမ်းမခက်ဘူးပေါ့။ ဒီဇယ်တော့ လုံးလုံးမရတော့ဘူး။ အခုဆို ဈေးနေ့တောင် စက်လှေက ၃ ဆလောက် နည်းသွားတယ်” ဟု မြေပြင်အခြေအနေကို ပြောပြသည်။ ညောင်ရွှေ - အင်းလေး ခေါက်တိုပြေးဆွဲသည့် စက်လှေခများမှာ ယခင်က ကျပ် ၇,၀၀၀ မှ ယခုအခါ ကျပ် ၁၀,၀၀၀ အထိ မြင့်တက်လာခဲ့ပြီး အဆိုပါ ဈေးနှုန်းမှာ ၂၀၂၁ ခုနှစ် အာဏာမသိမ်းမီကာလ (ကျပ် ၂,၀၀၀ ဝန်း ကျင်) နှင့် နှိုင်းယှဉ်ပါက ၅ ဆခန့်အထိ မြင့်တက်သွားခြင်းဖြစ်သည်။ ထို့တူ နိုင်ငံခြားသားနှင့် ရပ်ဝေးခရီးသည်များ အတွက် စင်းလုံးငှားခမှာလည်း ယခင်က ကျပ်တစ်သိန်းအောက် သာ ရှိခဲ့သော်လည်း ယခုအခါ ကျပ်တစ်သိန်းခွဲအထိ တောင်းခံနေရသည်ဟု ဆိုကြသည်။ စက်လှေပြေးဆွဲသူတစ်ဦးက “လူကြည့်ပြီး တောင်းနေရတာပဲ။ ဈေးပြောလိုက်ရင်လည်း လူတွေက မသွားချင် တော့ဘူး။ ကျနော်တို့လည်း ကိုက်မှလိုက်လို့ရတယ်။ အားလုံး ဒုက္ခရောက်နေကြတာပဲလေ။ တော်တော် များ များက မထွက်နိုင်ကြတော့ဘူး။ ကျနော်တောင် ဆီရတဲ့ ရက်လောက်ပဲ” ဟု ပြောသည်။ လက်ရှိတွင် အင်းလေးဒေသ၌ ဒီဇယ်တစ်ဂါလံလျှင် ကျပ် ၄၀,၀၀၀ ဝန်းကျင်နှင့် ဓာတ်ဆီတစ်ဂါလံလျှင် ကျပ် ၂၅,၀၀၀ ဝန်းကျင်အထိ ပေါက်ဈေးရှိနေသည်။ အင်းလေးဒေသရှိ မော်တော်လှေ ၈၀ ရာခိုင်နှုန်းခန့်မှာ ဒီဇယ်အင်ဂျင်များကို အသုံးပြုနေရသော်လည်း အဆိုပါ စက်လှေများမှာ တရားဝင်လိုင်စင်စနစ်ဖြင့် မောင်းနှင်ခြင်းမဟုတ်ဘဲ အချင်းချင်းနားလည်မှုဖြင့်သာ ပြေးဆွဲနေရ သဖြင့် စက်သုံးဆီ QR ကုဒ် ထုတ်ယူခွင့်မရှိဘဲ မှောင်ခိုဈေးကွက်ကိုသာ အဓိကအားထားနေရသည်ဟု ဆိုကြသည်။ ယခုကဲ့သို့ စက်သုံးဆီရှားပါးမှုနှင့် သယ်ယူပို့ဆောင်ရေးစရိတ် မြင့်တက်မှုများကြောင့် လာမည့် နှစ်သစ်ကူး သင်္ကြန် ခရီးသွားရာသီတွင် အင်းလေးဒေသ၏ ခရီးသွားလုပ်ငန်းမှာ ပိုမိုထိခိုက်လာနိုင်သဖြင့် ဒေသခံများနှင့် ယာဉ်လိုင်းတာဝန်ရှိသူများက စိုးရိမ်နေကြသည်။ #အင်းလေ #ညောင်ရွှေမြို့နယ် #စက်သုံးဆီရှားပါးမှု #စစ်လှေခစျေးတက်

အင်းလေးဒေသ စက်လှေခများ စံချိန်တင်ဈေးတက်

Apr 6

ဒီးမော့ဆို အနောက်ခြမ်းတွင် စက်ဆီရှား၍ သောက်သုံးရေပြတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၆ ရက်။ ကရင်နီ (ကယား) ပြည်၊ ဒီးမော့ဆိုမြို့နယ် အနောက်ခြမ်းရှိ စစ်ဘေးရှောင်စခန်းများတွင် စက်သုံးဆီရှားပါးမှုနှင့် အတူ ရေကားခဈေးနှုန်းများ အဆမတန် မြင့်တက်လာခြင်းကြောင့် သောက်သုံးရေ ပေးဝေရေးလုပ်ငန်း အချို့ ရပ်ဆိုင်းသွားခဲ့ရပြီး စစ်ဘေးရှောင်ပြည်သူများ ရေရှားပါးမှုအန္တရာယ်နှင့် ရင်ဆိုင်နေရသည်။ နွေရာသီကာလ ရောက်ရှိလာသည်နှင့်အမျှ ကရင်နီဒေသ၌ ရှေးယခင်ကတည်းက ရှိခဲ့သော ရေရှားပါးမှု ပြဿနာ သည် ယခုနှစ်တွင် စက်သုံးဆီပြတ်လပ်မှုနှင့် ပေါင်းစပ်ကာ ပိုမိုဆိုးရွားလာခြင်း ဖြစ်သည်။ ရေကားခဈေးနှုန်းများမှာ ယခင်က ဂါလံ ၈၀၀ ဆန့် တစ်စီးလျှင် ကျပ် ၃၀,၀၀၀ မှ ၄၅,၀၀၀ ဝန်းကျင်သာရှိ ခဲ့သော်လည်း ယခုအခါ ကျပ် ၈၀,၀၀၀ မှ ၁၂၅,၀၀၀ အထိ အသီးသီး မြင့်တက်သွားကြောင်း သိရသည်။ စစ်ဘေးရှောင် CDM အမျိုးသမီးတစ်ဦးက “ကျမသိသလောက်ဆို (ရေပေးဝေရေး) ရပ်ကုန်တာ ၃ ဖွဲ့လောက်ရှိ ပြီ။ ဆီမရှိတော့ ဘာမှလုပ်မရဘူး။ ထမင်းတောင်မှ စားဖို့မရှိရင် ရှာကြံလို့ရသေးတယ်။ ရေကတော့ ကျမ တော်တော် စိတ်ပူတယ်” ဟု ၎င်း၏ စိုးရိမ်မှုကို ပြောသည်။ စက်သုံးဆီရှားပါးမှုသည် ရေတင်စက်များနှင့် ရေကားများအတွက် သာမက တော်လှန်ရေး အင်အားစုများ၏ လှုပ်ရှားမှုများအပေါ်တွင်လည်း သက်ရောက်မှုရှိနေသည်။ စစ်ဘေးရှောင်ထောက်ပံ့ရေး ဆောင်ရွက်ပေးနေသူတစ်ဦးက “ဆီက တော်လှန်ရေးအဖွဲ့တွေလည်း ဒုက္ခရောက် နေတယ်။ အခုဆီပြဿနာက ရေကြီးတာထက် ဆိုးတယ်လို့ ပြောလို့ရတယ်။ အလှူရှင်ရှိလည်း ဘာလုပ်လို့ မရဘူး။ ဝယ်လို့ကို မရနေတာလေ” ဟု ပြောသည်။ လက်ရှိတွင် စက်သုံးဆီများမှာ ရှမ်းပြည် တောင်ပိုင်း လမ်းကြောင်းမှ ဝင်ရောက်နိုင်ခြင်းမရှိဘဲ တောင်ငူ - လိပ်သို - ယာဒို လမ်းကြောင်းမှသာ ခက်ခဲစွာ ဝင်ရောက်နေရခြင်းဖြစ်သည်ဟု ဆိုကြသည်။ ထိုသို့သော အခြေအနေများကြောင့် ဝင်ငွေနည်းပါးသည့် စစ်ဘေးရှောင်များမှာ ရေကို ဝယ်ယူအသုံးပြုရန် မတတ်နိုင်တော့သည့်အပြင် ကူညီထောက်ပံ့ရေးအဖွဲ့များကလည်း ဆီအခက်အခဲကြောင့် ရေကားများ မမောင်းနှင်နိုင်တော့ဘဲ ရပ်နားထားရခြင်း ဖြစ်သည်။ ဒီးမော့ဆိုမြို့နယ် အပြင် ဖရူဆို၊ ဘောလခဲနှင့် ဖားဆောင်းမြို့နယ်များတွင်လည်း မတ်လကတည်းက ရေရှားပါးမှု စတင်နေပြီး ယခုဧပြီလအတွင်း အပူရှိန်မြင့်တက်လာမှုနှင့်အတူ အခြေအနေများ ပိုမိုဆိုးရွားလာနိုင်ကြောင်း တော်လှန်ရေးအင်အားစုများနှင့် ကူညီရေးအဖွဲ့များက သတိပေးထားသည်။ စစ်ဘေးရှောင်ပြည်သူများ အနေဖြင့် ရေကို စနစ်တကျ ချွေတာသုံးစွဲနေရသော်လည်း ရေရှည်အတွက်မူ ကြီးမား သော လူသားချင်းစာနာမှုဆိုင်ရာ အကျပ်အတည်းတစ်ခု ဖြစ်လာနိုင်ကြောင်း အကူအညီပေးနေသူများက သုံးသပ်ပြောဆိုနေကြသည်။ #စက်သုံးဆီရှားပါး #ဒီးမော့ဆိုအနောက်ခြမ်း #သောက်သုံးရေပြတ်

ဒီးမော့ဆို အနောက်ခြမ်းတွင် စက်ဆီရှား၍ သောက်သုံးရေပြတ်

Apr 6

ညောင်ဦးတွင် စစ်ကော်မရှင်လက်နက်ကြီးကြောင့် ၂ ဦးသေ၊ ၁ ဦးခြေထောက် ဖြတ်လိုက်ရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၆ ရက်။ မန္တလေးတိုင်းဒေသကြီး၊ ညောင်ဦးတွင် တိုက်ပွဲမရှိဘဲ စစ်ကော်မရှင်တပ်က လက်နက်ကြီးဖြင့်ပစ်ခတ်ခဲ့ရာ အမျိုးသမီး ၂ ဦးသေဆုံးပြီး ထန်းသမားတစ်ဦး ခြေထောက်ဖြတ်လိုက်ရသည်။ ညောင်ဦးမြို့နယ်အတွင်းရှိ ကျေးရွာများကို စစ်ကော်မရှင်တပ်က တိုက်ပွဲဖြစ်ပွားခြင်းမရှိဘဲ လက်နက်ကြီးများ ဖြင့် ရမ်းသန်းပစ်ခတ်ခဲ့ရာ ကျောင်းဆရာမတစ်ဦး အပါအဝင် အမျိုးသမီး ၂ ဦး ပွဲချင်းပြီးသေဆုံးကာ၊ ထန်းတက် နေသည့် အမျိုးသားတစ်ဦးလည်း ပြင်းထန်ဒဏ်ရာဖြင့် ခြေထောက်ဖြတ်လိုက်ရသည်။ ညောင်ဦး - ကျောက်ပန်းတောင်း ကားလမ်းဘေးရှိ နပ္ပလင်ကျေးရွာမြောက်ဘက် ဘူးကင်းဘုရားအနီးမှ လှည့် ကင်းထွက်လာသည့် စစ်ကော်မရှင်တပ်ဖွဲ့ဝင်များက ချောင်းရှည်ကျေးရွာဘက်သို့ ဦးတည်ကာ လက်နက်ကြီး များဖြင့် ဧပြီလ ၄ ရက်နေ့ နံနက် ၆ နာရီအချိန်ခန့်တွင် အကြောင်းမဲ့ ပစ်ခတ်ခဲ့ခြင်းဖြစ်သည်။ အသက် ၇၀ အရွယ် ဒေသခံ အမျိုးသားတစ်ဦးက “ရွာမြောက်ဘက် ၂ မိုင်လောက်ကနေ ပစ်တာ ၆ ကြိမ်။ ရွာထဲ ကို ၃ လုံး ကျတယ်၊ ဘာတိုက်ပွဲမှလည်း မဖြစ်ဘူး။ သက်သက်ရမ်းကားပြီး လုပ်တာ၊ လက်နက်ရှိတော့ အနိုင် ကျင့်ကြတာပေါ့” ဟု ပြောသည်။ လက်နက်ကြီးကျည်များသည် ကျေးရွာအတွင်းရှိ လူနေအိမ်များပေါ်သို့ တိုက်ရိုက်ကျရောက် ပေါက်ကွဲခဲ့ခြင်း ဖြစ်ပြီး ဘုရားရှိခိုးနေသည့် ကျောင်းဆရာမတစ်ဦး၏ နေအိမ်မှာ ကျည်တည့်တည့်မှန်ကာ ပြိုကျပျက်စီးခဲ့ရ သည်။ ချောင်းရှည်ရွာသားတစ်ဦးက “ဘုရားရှိခိုးနေတဲ့အချိန် ကျောင်းဆရာမရဲ့ အိမ်ပေါ်ကို တည့်တည့်ကျတာ ပွဲချင်း ပြီးဆုံးတယ်။ အိမ်လည်း ရစရာမရှိတော့ဘူး၊ ဒဏ်ရာရတဲ့သူတွေလည်း ရှိသေးတယ်” ဟု ပြောသည်။ ထို့ပြင် ကျောင်းဆရာမ၏ အိမ်ဘေးရှိ နေအိမ်သို့လည်း နောက်ထပ်ကျည်တစ်လုံး ကျရောက်ခဲ့ရာ ထမင်းချက်နေ သည့် အမျိုးသမီးငယ်တစ်ဦးလည်း ကျည်စထိမှန်ကာ နေရာတွင်ပင် ပွဲချင်းပြီး သေဆုံးသွားခဲ့ကြောင်း မြောင်ရွာသားတစ်ဦးက ပြောသည်။ တစ်ချိန်တည်းမှာပင် ကျေးရွာအနီး ထန်းတက်နေသည့် ထန်းသမားတစ်ဦးမှာလည်း လက်နက်ကြီးအစ လာ ရောက်ထိမှန်သဖြင့် ဒဏ်ရာပြင်းထန်ကာ ခြေထောက်ဖြတ်လိုက်ရပြီး ညောင်ဦးဆေးရုံသို့ ပို့ဆောင်ထားရ ကြောင်း ရွာသားများက ပြောသည်။ ဒေသခံများ၏ အဆိုအရ အဆိုပါ စစ်ကော်မရှင် စစ်ကြောင်းသည် လက်နက်ကြီးဖြင့် ရမ်းသန်းပစ်ခတ်ပြီးနောက် အနောက်မြောက်အရပ်သို့ ဆက်လက် ထွက်ခွာသွားသည်။ ယခုဖြစ်စဉ်သည် ညောင်ဦးနှင့် ကျောက်ပန်းတောင်းဒေသအတွင်း စစ်ကော်မရှင်တပ်၏ အရပ်သားများအပေါ် ပစ်မှတ်ထားတိုက်ခိုက်မှုများ ပိုမိုစိပ်လာသည့် အခြေအနေကို ပြသနေသည်။ ပြီးခဲ့သည့် မတ်လ ၁၈ ရက်နေ့ကလည်း ကျောက်ပန်းတောင်းမြို့နယ်၊ အင်ပင်ကြီးကျေးရွာကို စစ်ကော်မရှင်တပ် က ဝင်ရောက်စီးနင်းကာ ဒေသခံ ၅ ဦးကို ဖမ်းဆီးသတ်ဖြတ်ပြီး မီးရှို့ဖျက်ဆီးခဲ့သည့် ဖြစ်စဉ်များ ရှိခဲ့ဖူးသည်။ လက်ရှိတွင် ညောင်ဦးမြို့နယ်အတွင်းရှိ ကျေးရွာသားများသည် စစ်ကော်မရှင်တပ်၏ လက်နက်ကြီးအန္တရာယ်နှင့် လှည့်ကင်း စစ်ကြောင်းများကြောင့် စိုးရိမ်ထိတ်လန့်နေကြရပြီး အချို့မှာ ဘေးလွတ်ရာသို့ တိမ်းရှောင်နေကြရ သည်။ #ညောင်ဦးမြို့နယ် #မန္တလေးတိုင်း #လက်နက်ကြီးပစ်ခတ်မှု

ညောင်ဦးတွင် စစ်ကော်မရှင်လက်နက်ကြီးကြောင့် ၂ ဦးသေ၊ ၁ ဦးခြေထောက် ဖြတ်လိုက်ရ

Apr 6

LGBTQ+ အခွင့်အရေး နှိမ်နင်းမည့် ဥပဒေ ဘီလာရုစ်လွှတ်တော် အတည်ပြု သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဧပြီလ ၆ ရက်။ မြန်မာစစ်ကောင်စီ၏ မဟာမိတ်ဖြစ်သော ဘီလာရုစ်နိုင်ငံ လွှတ်တော်သည် LGBTQ+ အခွင့်အရေးများကို တင်းကျပ်စွာ ပိတ်ပင်ကန့်သတ်မည့် ဥပဒေကြမ်းတစ်ရပ်ကို အတည်ပြုလိုက်သည်။ အဆိုပါဥပဒေအရ လိင်တူဆက်ဆံခြင်း၊ လိင်ပြောင်းလဲခြင်းနှင့် ကလေးယူရန် ငြင်းဆန်ခြင်း (Childfree lifestyle) စသည်တို့ကို လူသိရှင်ကြား ဝါဒဖြန့်ခြင်း သို့မဟုတ် လှုံ့ဆော်ခြင်းပြုလုပ်ပါက ပြစ်ဒဏ်များ ချမှတ်ခံရမည်ဖြစ်သည်။ ထိုပြစ်မှုဟု သတ်မှတ်ထားချက်များကို ကျူးလွန်ဖောက်ဖျက်ပါက ဒဏ်ငွေရိုက်ခြင်း၊ လူထုလုပ်အားပေး ခိုင်းစေခြင်းနှင့် ၁၅ ရက်အထိ ဖမ်းဆီးထိန်းသိမ်းခြင်းများ ခံရနိုင်သည်။ ဤဥပဒေသည် အိမ်နီးချင်း ရုရှားနိုင်ငံ၏ တင်းကျပ်သော လမ်းစဉ်အတိုင်း လိုက်နာဆောင်ရွက်ခြင်း ဖြစ်ပြီး သမ္မတ အလက်ဇန်းဒါး လူကာရှန်ကိုက မကြာမီ လက်မှတ်ရေးထိုး အတည်ပြုမည်ဖြစ်သည်။ လူ့အခွင့်အရေးအဖွဲ့အစည်းများ၏ အဆိုအရ ဘီလာရုစ်ထောက်လှမ်းရေး (KGB) သည် LGBTQ+ အဖွဲ့ဝင်များကို ခြိမ်းခြောက်ဖိအားပေးမှုများ ပြုလုပ်နေပြီး လုံခြုံရေးတပ်ဖွဲ့များကလည်း ပုဂ္ဂလိက ပါတီပွဲများကို ဝင်ရောက်စီးနင်းမှုများ ပိုမိုလုပ်ဆောင်လာနေသည်ဟု ဆိုသည်။ #LGBTQ+ #LGBT #LGBTQ #ဘီလာရုစ်

LGBTQ+ အခွင့်အရေး နှိမ်နင်းမည့် ဥပဒေ ဘီလာရုစ်လွှတ်တော် အတည်ပြု

Apr 6

ယူကရိန်းနှင့် ဆီးရီးယား လုံခြုံရေး ပူးပေါင်းဆောင်ရွက်ရန် သဘောတူ သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဧပြီလ ၆ ရက်။ ယူကရိန်းသမ္မတ ဗိုလိုဒီမာ ဇလန်းစကီးသည် ဆီးရီးယားအစိုးရသစ်နှင့် သံတမန်ဆက်ဆံရေး ပြန်လည်စတင်ပြီးနောက် ပထမဆုံးအကြိမ်အဖြစ် ဒမတ်စကတ်မြို့သို့ သွားရောက်ကာ ဆီးရီးယားသမ္မတ အာမက်အယ်လ်ရှာရာနှင့် တွေ့ဆုံဆွေးနွေးခဲ့သည်။ အဆိုပါတွေ့ဆုံမှုတွင် နှစ်နိုင်ငံလုံးက လုံခြုံရေးနှင့် ကာကွယ်ရေးကဏ္ဍများ၌ ပူးပေါင်းဆောင်ရွက်ရန် သဘောတူညီခဲ့ကြသည်။ ယူကရိန်းနိုင်ငံသည် ရုရှားနှင့် ၄ နှစ်ကြာ စစ်ဖြစ်ပွားနေသည့် အတွေ့အကြုံများအပေါ် အခြေခံကာ ဒရုန်းနှင့် ဒုံးကျည်ကာကွယ်ရေးဆိုင်ရာ ကျွမ်းကျင်မှု (Counter-drone expertise) များကို ဆီးရီးယားနှင့် အခြားအရှေ့အလယ်ပိုင်းနိုင်ငံများသို့ မျှဝေပေးရန် ကမ်းလှမ်းခဲ့သည်။ ထို့ပြင် တူရကီနိုင်ငံခြားရေးဝန်ကြီး ပါဝင်သည့် သုံးပွင့်ဆိုင်ဆွေးနွေးမှုတွင် ဒေသတွင်းစွမ်းအင်နှင့် အခြေခံအဆောက်အအုံဆိုင်ရာ ကိစ္စရပ်များကို ဆွေးနွေးခဲ့ကြသည်။ ယူကရိန်းသမ္မတက ၎င်းတို့နိုင်ငံသည် ကမ္ဘာ့ဂျုံအဓိကထုတ်လုပ်သူဖြစ်သည့်အတွက် ဆီးရီးယားအပါအဝင် ဒေသတွင်းနိုင်ငံများအတွက် စားနပ်ရိက္ခာဖူလုံရေးကို အာမခံချက်ရှိရှိ ကူညီပေးသွားမည်ဟု ကတိပြုခဲ့သည်။ #ယူကရိန်း #ဆီးရီးယား

ယူကရိန်းနှင့် ဆီးရီးယား လုံခြုံရေး ပူးပေါင်းဆောင်ရွက်ရန် သဘောတူ

Apr 6

အီရန်စစ်ပွဲ တင်းမာမှုများ ဆက်လက်မြင့်တက်၊ သမ္မတ ထရန့် ၄၈ နာရီ ရာဇသံထပ်ပေး သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဧပြီလ ၆ ရက်။ အမေရိကန်နှင့် အစ္စရေးတို့၏ အီရန်အပေါ် ဆင်နွှဲနေသော စစ်ပွဲသည် ၃၇ ရက်မြောက်နေ့သို့ ရောက်ရှိလာခဲ့ပြီး စစ်ရေးတင်းမာမှုများ အရှိန်မြင့်တက်လျက်ရှိသည်။ ပြီးခဲ့သည့်သောကြာနေ့က အီရန်လေကြောင်းရန်ကာကွယ်ရေးတပ်ဖွဲ့များ၏ ပစ်ချခြင်းကို ခံခဲ့ရသော အမေရိကန် F-15E တိုက်လေယာဉ်ပေါ်မှ ပျောက်ဆုံးနေသည့် ဗိုလ်မှူးကြီးအဆင့်ရှိ လေသူရဲကို ပြင်းထန်သော တိုက်ပွဲများအတွင်းမှ အောင်မြင်စွာ ကယ်ထုတ်နိုင်ခဲ့ပြီဖြစ်ကြောင်း သမ္မတ ဒေါ်နယ်ထရမ့်က အတည်ပြုပြောကြားခဲ့သည်။ ၎င်းက အဆိုပါကယ်ဆယ်ရေးစစ်ဆင်ရေးသည် အမေရိကန်သမိုင်းတွင် အလွန်ရဲရင့်သော စစ်ဆင်ရေးတစ်ခုဖြစ်ကြောင်း ချီးကျူးပြောဆိုခဲ့သည်။ အခြားတစ်ဖက်တွင်လည်း သမ္မတထရမ့်က ကမ္ဘာ့ရေနံစီးဆင်းမှု၏ ၂၀ ရာခိုင်နှုန်းခန့် ဖြတ်သန်းရာ ဟော်မုဇ်ရေလက်ကြား (Strait of Hormuz) ကို ၄၈ နာရီအတွင်း ပြန်လည်ဖွင့်လှစ်ပေးရန် အီရန်အစိုးရထံ ရာဇသံပေးလိုက်သည်။ သို့ရာတွင် အီရန်စစ်ဘက်ဗဟိုဌာနချုပ်က အဆိုပါခြိမ်းခြောက်မှုကို "မတည်ငြိမ်သည့် လုပ်ရပ်" ဟု တုံ့ပြန်ခဲ့ပြီး ဂရုမစိုက်ကြောင်း ထုတ်ဖော်ပြောကြားခဲ့သည်။ အမေရိကန်နှင့် အစ္စရေးတို့၏ လေကြောင်းတိုက်ခိုက်မှုကြောင့် အီရန်နိုင်ငံ၊ မာရှာ (Mahshahr) ရေနံဓာတုဗေဒဇုန်တွင် လူ ၅ ဦး သေဆုံးကာ ၁၇၀ ကျော် ဒဏ်ရာရရှိခဲ့သည်။ အီရန်နိုင်ငံတစ်ဝန်းရှိ တက္ကသိုလ်ပေါင်း ၃၀ ကျော် တိုက်ခိုက်ခံခဲ့ရပြီး၊ ရုရှားအစိုးရက ဘူရှေး (Bushehr) နူကလီးယားစက်ရုံမှ ၎င်းတို့၏ ဝန်ထမ်း ၂၀၀ ခန့်ကို ဘေးလွတ်ရာသို့ ရွှေ့ပြောင်းပေးခဲ့ရသည်။ အီရန်ဘက်မှလည်း ဒရုန်းများဖြင့် ပြန်လည်တုံ့ပြန်ရာ ကူဝိတ်၊ ဘာရိန်းနှင့် အာရပ်စော်ဘွားများ ပြည်ထောင်စု (UAE) တို့ရှိ လျှပ်စစ်ဓာတ်အားပေးစက်ရုံများနှင့် ရေနံသိုလှောင်ရုံများ ထိခိုက်ပျက်စီးခဲ့သည်။ အီရန်၊ ဟူသီနှင့် ဟစ်ဇ်ဘိုလာ ပူးပေါင်းတပ်ဖွဲ့များသည် အစ္စရေးနိုင်ငံအတွင်းရှိ လေဆိပ်နှင့် စစ်ဘက်ဆိုင်ရာနေရာများကို ဒုံးကျည်များဖြင့် တိုက်ခိုက်ခဲ့သဖြင့် ဂျေရုဆလင်နှင့် တဲလ်အဗစ်မြို့များတွင် ပေါက်ကွဲမှုများ ဖြစ်ပွားခဲ့သည်။ ယခုစစ်ပွဲကြောင့် ကမ္ဘာ့ရေနံဈေးနှုန်းမှာ တစ်စည်လျှင် အမေရိကန်ဒေါ်လာ ၁၀၀ ကျော်အထိ မြင့်တက်သွားခဲ့ပြီး အီတလီဝန်ကြီးချုပ် ဂျော်ဂျီယာမယ်လိုနီသည် စွမ်းအင်အခက်အခဲအတွက် ဆော်ဒီအာရေးဗီးယားနှင့် ကာတာနိုင်ငံများသို့ သွားရောက်ညှိနှိုင်းလျက် ရှိသည်။ #အီရန်စစ်ပွဲ #IranWar

အီရန်စစ်ပွဲ တင်းမာမှုများ ဆက်လက်မြင့်တက်၊ သမ္မတ ထရန့် ၄၈ နာရီ ရာဇသံထပ်ပေး

Apr 5

ဝင်းဝ စခန်းအနီးရှိ ကျေးရွာကို ဗုံးကြဲ တိုက်ခိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၄ ရက်။ ထားဝယ်ခရိုင်၊ သရက်ချောင်းမြို့နယ်၊ အတွင်းရှိ ဝင်းဝ စခန်းကို ပြန်လည် ထိန်းချုပ်ပြီးနောက် အနီးရှိ ကျေးရွာများကို ဝဲရစ်ကျေးရွာအနီးကို စစ်ကော်မရှင်တပ်က တိုက်လေယာဉ်နှစ်စင်းဖြင့် ဗုံးကြဲတိုက်ခိုက်ခဲ့သည်ဟု ဒေသခံရွာသားများက ပြောသည်။ ပြီးခဲ့သည့် ဧပြီလ ၂ ရက်နေ့ မွန်းလွဲ ၁၂ နာရီကျော်အချိန်တွင် K8W ဂျက်ဖိုက်တာနှစ်စင်းဖြင့် ဝဲရစ် ကျေးရွာကို ပေါင် ၂၅၀ ဗုံး လေးလုံးကို ရှေ့ဆင့်နောက်ဆင့် ကြဲချတိုက်ခိုက်ခဲ့သည့်အပြင် စက်သေနတ်များဖြင့်ပါ ပစ်ခတ်မှုများ ရှိခဲ့ခြင်း ဖြစ်သည်။ အဆိုပါ ဖြစ်စဉ်နှင့်ပတ်သက်၍ အသက် ၄၀ ခန့်အရွယ် ဝဲရစ်ရွာသားတစ်ဦးက “ဝဲရစ်ကျေးရွာအနားကို ဂျက်ဖိုက်တာနှစ်စီးနဲ့ လာကြဲချသွားတာပါ၊ ရွာသားတွေ ထိခိုက်မှုကတော့ မရှိခဲ့ပါဘူး” ဟု ပြောသည်။ ဝဲရစ်ကျေးရွာသည် မြိတ်-ထားဝယ် ကားလမ်းပေါ်ရှိ ဝင်းဝကျေးရွာ၏ တောင်ဘက် နှစ်မိုင်ခန့်အကွာတွင် တည်ရှိသည်။ လက်ရှိတွင် အဆိုပါ ဝင်းဝကျေးရွာသို့ စစ်ကော်မရှင်တပ်များ ပြန်လည်ရောက်ရှိနေကြောင်း တော်လှန်ရေး အင်အားစုများနှင့် ဒေသတွင်း သတင်းအရင်းအမြစ်များက ပြောသည်။ ပြီးခဲ့သည့် မတ်လ ၁၁ ရက်နေ့တွင် KNLA နှင့် PDF ပူးပေါင်းတပ်များက သိမ်းယူခဲ့သည့် ဝင်းဝစခန်းသို့ ရက် ပေါင်း ၂၀ ခန့်အကြာ မတ်လ ၃၁ ရက်နေ့တွင် စစ်ကော်မရှင်တပ်က ပြန်လည်ထိုးဖောက် ရောက်ရှိလာခြင်း ဖြစ်သည်။ စစ်ရေးသတင်းအရင်းအမြစ်များ၏ အဆိုအရ မတ်လနောက်ဆုံးပတ်တွင် သရက်ချောင်းမြို့ဘက်မှ အင်အား ၆၀ ခန့်ရှိ စစ်ကူစစ်ကြောင်းတစ်ကြောင်း ထပ်မံရောက်ရှိလာပြီး ဂုံညှင်းဆိပ်ကျေးရွာဘက်မှတစ်ဆင့် ဝင်းဝစခန်းသို့ ပြန်လည်ဝင်ရောက်လာခြင်း ဖြစ်သည်ဟု သိရသည်။ သို့သော် အဆိုပါစစ်ရေးအခြေအနေနှင့် ပတ်သက်၍ ကရင်အမျိုးသားအစည်းအရုံး KNU နှင့် PDF တာဝန်ရှိသူ အချို့ထံ ဆက်သွယ်မေးမြန်းထားသော်လည်း တစ်စုံတစ်ရာ ပြန်လည်ဖြေကြားခြင်း မရှိသေးပေ။ စစ်ကော်မရှင်ဘက်က ဝင်းဝစခန်းကို ပြန်လည်ထိန်းချုပ်နိုင်ပြီဖြစ်ပြီး မြိတ်-ထားဝယ် ကားလမ်းကိုလည်း ပြန်လည်ဖွင့်လှစ်လိုက်ပြီဟု ထုတ်ပြန်ထားသော်လည်း မြေပြင်တွင် လမ်းပိုင်းအခြေအနေမှာ ပုံမှန်မဟုတ်ဘဲ ပြန်လည်ပိတ်ဆို့မှုများ ရှိနေကြောင်း ဒေသခံများက ပြောသည်။ ဝင်းဝစခန်းကို တော်လှန်ရေးတပ်များ သိမ်းပိုက်ခဲ့သည့် နောက်ပိုင်းမှစ၍ လက်ရှိအချိန်ထိ သရက်ချောင်းမြို့နယ် အောက်ပိုင်းရှိ ကျေးရွာ ၁၂ ရွာခနှ့်မှာ စစ်ကော်မရှင်၏ လေကြောင်းနှင့် ရေကြောင်းမှ လက်နက်ကြီးပစ်ခတ်မှုဒဏ်ကို နေ့စဉ်ရင်ဆိုင်နေရ သည်ဟု ဒေသခံများက ပြောသည်။ စစ်ကော်မရှင်တပ်၏ စစ်ကြောင်းထိုးမှုနှင့် တိုက်ခိုက်မှုများကြောင့် ဒေသခံရွာသား ၂၀ ခန့် သေဆုံးခဲ့ရပြီး လူနေအိမ်၊ ဘာသာရေးအဆောက်အအုံနှင့် စာသင်ကျောင်းများစွာလည်း မီးလောင်ပျက်စီးခဲ့ရသည်။ #ဝင်းဝ #လေကြောင်းတိုက်ခိုက်မှု #စစ်ကော်မရှင် #ထားဝယ် #သရက်ချောင်းမြို့နယ်

ဝင်းဝ စခန်းအနီးရှိ ကျေးရွာကို ဗုံးကြဲ တိုက်ခိုက်

Apr 4

သေဆုံးသွားသော နိုင်ကျဉ်း အလောင်းအား မိသားစုထံပြန်မပေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၄ ရက်။ အကျဉ်းထောင်အတွင်း သေဆုံးသွားသည့် နိုင်ငံရေးအကျဉ်းသူ တစ်ဦး၏ ရုပ်အလောင်းအား မိသားစုထံ ပြန် လည်ပေးအပ်ခြင်း မရှိခြင်းသည် အကျဉ်းသားအခွင့်အရေးနှင့် လူ့ဂုဏ်သိက္ခာကို အဆုံးစွန်ထိ စော်ကားခြင်း ဖြစ်ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) က ရှုတ်ချလိုက်သည်။ စစ်ကိုင်းတိုင်း၊ တန့်ဆည်အချုပ်ထောင်တွင် မတရားဖမ်းဆီးခံထားရသည့် နိုင်ငံရေးအကျဉ်းသူ မသက်သက်မာ သည် ဆေးဝါးကုသခွင့် ပိတ်ပင်ခံရမှုကြောင့် ကျဆုံးသွားခဲ့ရပြီး၊ ၎င်း၏ရုပ်အလောင်းကိုပင် မိသားစုထံ ပြန်မပေး ဘဲ အာဏာပိုင်များက အတင်းအဓမ္မ သင်္ဂြိုဟ်လိုက်ခြင်းအပေါ် PPNM က ယခုကဲ့သို့ တုံ့ပြန်ပြောဆိုလိုက်ခြင်း ဖြစ်သည်။ အသက် ၅၄ နှစ်အရွယ်ရှိ မသက်သက်မာသည် သွေးလေးဘက်နာရောဂါကို ပြင်းထန်စွာ ခံစားနေရသူ ဖြစ်သော် လည်း ပြင်ပဆေးရုံတွင် ကုသခွင့်တောင်းခံမှုကို အာဏာပိုင်များက ပိတ်ပင်ခဲ့ခြင်းကြောင့် ပြီးခဲ့သည့် မတ်လ ၂၇ ရက်နေ့တွင် ကျဆုံးသွားခဲ့ရခြင်းဖြစ်သည်။ ၎င်းသည် ရွှေဘိုခရိုင် ထောက်ပို့တာဝန်ခံ စာရေးဆရာ ရန်ငြိမ်းသူ၏ ဇနီးဖြစ်ပြီး ဓားစာခံအဖြစ် မတရားဖမ်းဆီး ခံခဲ့ရကာ ထောင်ဒဏ် ၂၀ နှစ် အမိန့်ချမှတ်ခံထားရသူလည်း ဖြစ်သည်။ PPNM ဦးဆောင်ကော်မတီဝင် မရောင်နီလင်းက “မသက်သက်မာဟာ အဖမ်းမခံရခင် ကတည်းက သွေးလေး ဘက်နာကို ကုသနေရတဲ့ သူဖြစ်ပါတယ်။ အချုပ်ကာလမှာ ဆေးဝါးတွေကို ရဲစခန်းမှူး ဆီကနေမှတစ်ဆင့် ဝယ် ယူသောက်သုံး နေရပါတယ်။ ရောဂါ ပြင်းထန်လာတဲ့အချိန်မှာ ပြင်ပဆေးရုံကို ကုသခွင့် တောင်းဆိုခဲ့ပေမဲ့ ပိတ်ပင်ခံထား ခဲ့ရပါတယ်။ ဒါကြောင့်မို့လို့ မသေဆုံးသင့်ဘဲ သေဆုံး ခဲ့ရတဲ့ နိုင်ငံရေးအကျဉ်းသူတစ်ဦး ဖြစ်ပါ တယ်” ဟု ပြောသည်။ မသက်သက်မာ ဆုံးပါးသွားခဲ့သည့် မတ်လ ၂၇ ရက်နေ့တွင် မိသားစုထံ အကြောင်းကြားခဲ့သော်လည်း ရုပ်အလောင်းကို နောက်ဆုံးခရီး ပို့ဆောင်ခွင့်ပင် မပေးဘဲ အာဏာပိုင်များက အလျင်အမြန် စီစဉ်ခဲ့ကြောင်း ဆိုသည်။ ဖြစ်စဉ်နှင့်ပတ်သက်၍ မရောင်နီလင်းက “အရေးပေါ် စီမံချက်အရ အမြန် သင်္ဂြိုဟ်ရမယ်ဆိုတဲ့ အကြောင်းပြ ချက်ကို သုံးပြီးတော့ မိသားစုကို အလောင်း ပြန်ပေးတာမျိုးလည်း မရှိပါဘူး။ ဘယ်လိုပုံစံနဲ့ သင်္ဂြိုဟ်လိုက် တယ် ဆိုတာလည်း မသိရပါဘူး။ နောက်ဆုံးခရီး ပို့ဆောင်ခွင့်ကိုလည်း မရရှိခဲ့ပါဘူးရှင့်” ဟု ဆက် ပြောသည်။ အကျဉ်းထောင်များသည် အကျဉ်းဆိုင်ရာ နိုင်ငံတကာစံနှုန်းများကို လိုက်နာကျင့်သုံးရန် လိုအပ်ပြီး အကျဉ်း ထောင် အတွင်း သေဆုံးမှုများအတွက် လွတ်လပ်စွာ စုံစမ်းစစ်ဆေးခွင့်၊ မိသားစုဝင်များနှင့် ဆက်သွယ်ခွင့်၊ ရုပ် အလောင်းအား ပြန်လည်လက်ခံပိုင်ခွင့်နှင့် ဘာသာရေးအရ နောက်ဆုံးခရီးအား ဆောင်ရွက်ခွင့် ရှိရမည်ဖြစ် ကြောင်း PPNM က ထောက်ပြထားသည်။ ထို့ပြင် ယခုကဲ့သို့ ဆေးဝါးကုသခွင့် ပိတ်ပင်မှုကြောင့် အကျဉ်းသားများ မသေဆုံးသင့်ဘဲ သေဆုံးခဲ့ရသည့် ဖြစ်စဉ်အပေါ် သက်ဆိုင်ရာ အာဏာပိုင်များ အနေဖြင့် တာဝန်ယူ၊ တာဝန်ခံရမည် ဖြစ်သည်ဟု ဆိုသည်။ PPNM အနေဖြင့် အကျဉ်းသား အခွင့်အရေး ချိုးဖောက်မှုများ၊ ဆေးကုသခွင့် ပိတ်ပင်မှုများနှင့် ဓားစာခံအဖြစ် ဖမ်းဆီးမှုများကို ပြင်းထန်စွာ ရှုတ်ချပြီး တရားမျှတမှု ရရှိစေရန်နှင့် ကျန်ရှိနေသည့် နိုင်ငံရေးအကျဉ်းသားများ၏ အသက်ဘေးကင်းလုံခြုံရေးအတွက် နိုင်ငံတကာမှ အလေးထား စောင့်ကြည့်ပေးရန် တောင်းဆိုထားသည်။ #PPNM #မသက်သက်မာ #နိုင်ငံရေးအကျဉ်းသား

သေဆုံးသွားသော နိုင်ကျဉ်း အလောင်းအား မိသားစုထံပြန်မပေး

« Prev 1 … 56 57 58 59 60 … 1,082 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

စလော့ဂိမ်း သိန်း ၁၅၀ ရှုံးသဖြင့် ယာဉ်မောင်းတစ်ဦး အဆုံးစီရင်
မောင်တောမြို့နယ်အတွင်း ထိုးဖောက်လာသည့် ARSA အဖွဲ့ နှင့် AA တိုက်ပွဲဖြစ်
အီရန် ခေါင်းဆောင်ကြီး အယာတိုလာ ခါမေနီအတွက် ရက်ရှည်ဈာပနအခမ်းအနားများ ပြင်ဆင်
TikTok တိုက်ရိုက်ထုတ်လွှင့်မှုအတွင်း နမ်းခဲ့သည့် အင်ဒိုနီးရှားစုံတွဲတစ်တွဲကို ကြိမ်ဒဏ် ၂၁ ချက်စီ အပြစ်ပေး
တားမြစ်ချက်ကို မလိုက်နာသည့် ရှေးရိုးစွဲ SSPX အဖွဲ့ကို ဗာတီကန် သာသနာ ထုတ်ပယ်

Archives

Archives

×Close