NMG Doh – Page 71 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Jan 14

နိုင်ငံတကာတရားရုံး (ICJ) တွင် ဂမ်ဘီယာက ခိုင်မာသော အထောက်အထားသစ်များ တင်သွင်း သတင်းနှင့် မီဒီယာကွန်ရက်။ ၂၀၂၆ ခုနှစ်၊ ဇန္နဝါရီလ ၁၄ ရက်။ ဂမ်ဘီယာနိုင်ငံသည် မြန်မာနိုင်ငံ၏ လူမျိုးတုံးသတ်ဖြတ်မှုဆိုင်ရာအမှုနှင့် ပတ်သက်၍ ခိုင်မာသော အထောက်အထားသစ်များကို နိုင်ငံတကာတရားရုံးသို့ တင်ပြခဲ့သည်။ ယခင်ကြားနာမှုများတွင် ကုလသမဂ္ဂအချက်အလက်ရှာဖွေရေးအဖွဲ့ (FFM) ၏ အစီရင်ခံစာများကို အဓိကထားခဲ့သော်လည်း ယခုတစ်ကြိမ်တွင် မြန်မာနိုင်ငံဆိုင်ရာ လွတ်လပ်သောစုံစမ်းစစ်ဆေးရေးယန္တရား (IIMM) မှ စုဆောင်းထားသည့် ပြည်တွင်းလျှို့ဝှက်စစ်ဘက်စာရွက်စာတမ်းများ၊ စစ်သားဟောင်းများ၏ ဝန်ခံချက်များ၊ ဂြိုဟ်တုဓာတ်ပုံများနှင့် ဒစ်ဂျစ်တယ်အထောက်အထားများကို အသုံးပြု၍ အမှုကို တည်ဆောက်လာခဲ့သည်။ ဂမ်ဘီယာ၏ လျှောက်လဲချက်တွင် ၂၀၁၇ ခုနှစ် ရခိုင်ပြည်နယ်ဖြစ်စဉ်များသည် ရုတ်တရက်ဖြစ်ပွားခဲ့သော ပဋိပက္ခမဟုတ်ဘဲ ရိုဟင်ဂျာများကို လူမျိုးစုအလိုက် ဖျက်ဆီးပစ်ရန် စနစ်တကျ ကြိုတင်စီမံထားသည့် စစ်ဆင်ရေးဖြစ်ကြောင်း အလေးပေးဖော်ပြခဲ့သည်။ အထူးသဖြင့် အမျိုးသမီးနှင့် ကလေးသူငယ်များအပေါ် ကျူးလွန်ခဲ့သည့် အစုလိုက်အပြုံလိုက် မုဒိမ်းကျင့်မှုများသည် လူမျိုးစုကို ရုပ်ပိုင်းနှင့် စိတ်ပိုင်းဆိုင်ရာ ဖြိုခွဲရန် ဗျူဟာမြောက် အသုံးပြုခဲ့ခြင်းဖြစ်ကြောင်း တင်ပြခဲ့သည်။ ထို့ကြောင့် မြန်မာနိုင်ငံအနေဖြင့် လူမျိုးတုံးသတ်ဖြတ်မှု တားဆီးရေးဆိုင်ရာ သဘောတူစာချုပ် (Genocide Convention) ကို ချိုးဖောက်ရုံသာမက ကျူးလွန်သူများကို အပြစ်ပေးရန် ပျက်ကွက်ခြင်းဖြင့်လည်း စာချုပ်ပါအချက်များကို ဖောက်ဖျက်နေကြောင်း လျှောက်လဲခဲ့သည်။

နိုင်ငံတကာတရားရုံး (ICJ) တွင် ဂမ်ဘီယာက ခိုင်မာသော အထောက်အထားသစ်များ တင်သွင်း

Jan 13

Elon Musk ၏ Grok AI ကို မလေးရှားနှင့် အင်ဒိုနီးရှားနိုင်ငံတို့က ပိတ်ပင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၃ ရက်။ ကမ္ဘာ့အချမ်းသာဆုံးပုဂ္ဂိုလ် အီလွန်မာ့စ်ခ် (Elon Musk) ၏ xAI ကုမ္ပဏီမှ ထုတ်လုပ်ထားသော Grok AI ကို အလွဲသုံးစားပြု၍ လိင်ပိုင်းဆိုင်ရာပုံရိပ်များ ဖန်တီးနေသည့်အတွက် မလေးရှားနှင့် အင်ဒိုနီးရှားနိုင်ငံတို့က ပထမဆုံးအကြိမ်အဖြစ် စတင်ပိတ်ပင်လိုက်သည်။ X ပလက်ဖောင်းမှတစ်ဆင့် အသုံးပြုနိုင်သော Grok သည် အမျိုးသမီးများနှင့် ကလေးသူငယ်များကို မလျော်ကန်သော လိင်ပိုင်းဆိုင်ရာပုံဖော်မှုများ ပြုလုပ်နိုင်ခြင်းကြောင့် ဝေဖန်ခံနေရခြင်းဖြစ်သည်။ အင်ဒိုနီးရှား ဆက်သွယ်ရေးနှင့် ဒစ်ဂျစ်တယ်ရေးရာဝန်ကြီး မုယာဟာဖစ် (Meutya Hafid) က ယင်းကဲ့သို့ ခွင့်ပြုချက်မရှိဘဲ ဖန်တီးထားသော ပုံရိပ်များသည် လူ့အခွင့်အရေးနှင့် နိုင်ငံသားတို့၏ လုံခြုံမှုကို ပြင်းထန်စွာ ချိုးဖောက်ခြင်းဖြစ်ကြောင်း ပြောကြားခဲ့သည်။ ယခုအခါ ဥရောပသမဂ္ဂ (EU)၊ အိန္ဒိယ၊ ပြင်သစ်နှင့် ဗြိတိန်နိုင်ငံတို့ကလည်း Grok အပေါ် စောင့်ကြည့်စစ်ဆေးမှုများ ပြုလုပ်နေပြီး၊ ဗြိတိန်နိုင်ငံတွင်မူ အဆိုပါ AI ပုံရိပ်ဖန်တီးမှုများကို ရာဇဝတ်မှုအဖြစ် သတ်မှတ်ရန် ပြင်ဆင်နေသည်။ မလေးရှားနှင့် အင်ဒို နီးရှားတို့၏ အရေးယူမှုအပေါ် လက်ရှိအချိန်အထိ အီလွန်မာ့စ်ခ်၏ xAI ကုမ္ပဏီဘက်မှ တစ်စုံတစ်ရာ တုံ့ပြန်ခြင်း မရှိသေးပေ။

Elon Musk ၏ Grok AI ကို မလေးရှားနှင့် အင်ဒိုနီးရှားနိုင်ငံတို့က ပိတ်ပင်

Jan 13

ICJ ဆုံးဖြတ်ချက်မှာ အယူခံမရှိသော အပြီးသတ် ဆုံးဖြတ်ချက် ဖြစ်မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၃ ရက်။ ဂမ်ဘီယာနိုင်ငံက မြန်မာနိုင်ငံအပေါ် ၂၀၁၉ ခုနှစ်တွင် စွဲဆိုခဲ့သည့် လူမျိုးတုံးသတ်ဖြတ်မှုအမှုနှင့် ပတ်သက်၍ အပြည်ပြည်ဆိုင်ရာတရားရုံး (ICJ) သည် အပြီးသတ်ဆုံးဖြတ်ချက်ချမှတ်နိုင်ရန်အတွက် ၂၀၂၆ ခုနှစ်၊ ဇန်နဝါရီလ ၁၂ ရက် (တနင်္လာနေ့) မှစတင်ကာ သက်သေများကို ကြားနာစစ်ဆေးလျက်ရှိသည်။ ဂမ်ဘီယာနိုင်ငံခြားရေးဝန်ကြီး ဒေါဒါ ဂျောလို (Dawda Jallow) က မြန်မာစစ်တပ်သည် ၂၀၁၇ ခုနှစ်အတွင်း ရိုဟင်ဂျာများအပေါ် လူမျိုးတုံးပျောက်ကွယ်စေရန် ရည်ရွယ်သည့် မူဝါဒများဖြင့် ရက်စက်စွာ နှိမ်နင်းခဲ့ကြောင်း တရားရုံးတွင် လျှောက်ထားခဲ့သည်။ တရားရုံးသို့ ရောက်ရှိလာသည့် ရိုဟင်ဂျာဒုက္ခသည် အမျိုးသမီး မိုနာအီရာ (Monaira) ကလည်း မိမိတို့အနေဖြင့် တရားမျှတမှုကို တောင်းဆိုကြောင်းနှင့် လူမျိုးတုံးသတ်ဖြတ်မှု ကျူးလွန်ခဲ့သည့် စစ်ခေါင်းဆောင်များကို အရေးယူပေးရန် တိုက်တွန်းပြောကြားခဲ့သည်။ အဆိုပါ ကြားနာစစ်ဆေးမှုသည် လပေါင်းများစွာ ကြာမြင့်နိုင်သော်လည်း ၎င်းမှထွက်ပေါ်လာမည့် ဆုံးဖြတ်ချက်သည် အပြီးသတ်ဖြစ်ပြီး အယူခံဝင်ခွင့် ရှိမည်မဟုတ်ပေ။ အကယ်၍ မြန်မာနိုင်ငံသည် လူမျိုးတုံးသတ်ဖြတ်မှု ကျူးလွန်ခဲ့ကြောင်း စီရင်ချက်ထွက်ပေါ်လာပါက နိုင်ငံတကာရှေ့မှောက်တွင် တရားဝင်ဝန်ခံရခြင်း၊ နစ်နာသူများကို လျော်ကြေးပေးရခြင်းနှင့် ကျူးလွန်သူများကို အရေးယူရခြင်းများ ရှိလာနိုင်သည်။ ထို့ပြင် ဤစီရင်ချက်သည် နိုင်ငံတကာရာဇဝတ်တရားရုံး (ICC) ၏ စုံစမ်းစစ်ဆေးမှုများအတွက်လည်း ခိုင်လုံသော သက်သေအထောက်အထား ဖြစ်လာမည်ဖြစ်သည်။

ICJ ဆုံးဖြတ်ချက်မှာ အယူခံမရှိသော အပြီးသတ် ဆုံးဖြတ်ချက် ဖြစ်မည်

Jan 13

စမွတ်ပရာကန်ရှိ မြန်မာလုပ်သားများနှင့် ထိုင်းနိုင်ငံသားများအကြား ခိုက်ရန်ဖြစ်ပွားမှု သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၃ ရက်။ ထိုင်းနိုင်ငံ၊ စမွတ်ပရာကန်ခရိုင်ရှိ ဘန်ဘို (Bang Bo) မြို့နယ်တွင် မြန်မာရွှေ့ပြောင်းလုပ်သားများနှင့် ထိုင်းဆိုင်ကယ်ကယ်ရီသမားများအကြား ခိုက်ရန်ဖြစ်ပွားမှုတစ်ခု ဇန်နဝါရီလ ၁၁ ရက်နေ့က ဖြစ်ပွားခဲ့သည်။ ဖြစ်စဉ်မှာ မြန်မာလုပ်သားမောင်းနှင်လာသည့် ပစ်ကပ်ကားနှင့် ထိုင်းဆိုင်ကယ်ကယ်ရီသမားတို့ တိုက်မိလုနီးပါးဖြစ်ရာမှ ဟွန်းတီးသတိပေးမှုကို အကြောင်းပြု၍ အငြင်းပွားမှု စတင်ခဲ့ခြင်းဖြစ်သည်။ ထို့နောက် ဆိုင်ကယ်သမားဘက်မှ သူငယ်ချင်းများဖြင့် လာရောက်ဖြေရှင်းရာတွင် မြန်မာလုပ်သား ၆ ဦးက တုတ်များဖြင့် ထွက်လာခဲ့ပြီး ဆိုင်ကယ်ကို ရိုက်နှက်ရာမှ ရုန်းရင်းဆတ်ခတ်မှု ဖြစ်ပွားခဲ့သည်။ ယင်းဖြစ်စဉ်ကြောင့် ထိုင်းကယ်ရီသမား ၃ ဦး ဒဏ်ရာရရှိခဲ့ပြီး မြန်မာလုပ်သားများမှာ ဒဏ်ငွေပေးဆောင်ခဲ့ရသည်။ အဆိုပါကိစ္စကြောင့် ဒေသခံထိုင်းဆိုင်ကယ်သမား ၁၀၀ ကျော်က မကျေမနပ် ဆန္ဒပြခဲ့ကြသဖြင့် ဆိုင်ရှင်ဖြစ်သူက ကျူးလွန်သူ မြန်မာလုပ်သား ၆ ဦးစလုံးကို အလုပ်ထုတ်ပစ်ခဲ့သည်။ သို့သော် အုပ်ချုပ်ရေးပိုင်းမှ စာရွက်စာတမ်း မပြည့်စုံမှုကို စစ်ဆေးတွေ့ရှိရသဖြင့် ဆိုင်အား အကန့်အသတ်မရှိ ပိတ်ထားရန် အမိန့်ထုတ်ပြန်လိုက်သည်။ လက်ရှိတွင် ရွှေ့ပြောင်းလုပ်သားအရေး ဆောင်ရွက်သူများက မြန်မာအလုပ်သမားများအနေဖြင့် ထိုင်းနိုင်ငံ၏ ဥပဒေများကို လေးစားလိုက်နာကြရန် အထူးသတိပေး နှိုးဆော်ထားသည်။

စမွတ်ပရာကန်ရှိ မြန်မာလုပ်သားများနှင့် ထိုင်းနိုင်ငံသားများအကြား ခိုက်ရန်ဖြစ်ပွားမှု

Jan 13

BGF/KNA တပ်ဖွဲ့များအား ဒရုန်းဗုံးဖြင့် က်

Jan 13

နွားကျောင်းထွက်သည့် အမျိုးသမီးတစ်ဦး ဓါးဖြင့် ထိုးသတ်ခံရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၃ ရက်။ ကရင်နီပြည်၊ ဒီးမော့ဆိုမြို့နယ်တွင် နွားကျောင်းထွက်သည့် အမျိုးသမီးတစ်ဦး၏ အလောင်းကို ဓါးဒဏ်ရာများဖြင့် ပြန်လည် တွေ့ရှိရသည်ဟု မိသားစုဝင်များနှင့် ဒေသခံများက ပြောသည်။ ဒီးမော့ဆိုမြို့နယ် အနောက်ဘက်ခြမ်းတွင် နွားကျောင်းထွက်သွားသည့် အသက် ၄၅ နှစ်အရွယ် အမျိုးသမီး တစ်ဦး လမ်းခုလတ်၌ ဓါးဖြင့် အသတ်ခံလိုက်ရခြင်း ဖြစ်သည်ဟု ပြောသည်။ အသတ်ခံရသူမှာ ဒေါ်ပိုင် ဆိုသူဖြစ်ပြီး ၎င်းသည် ဇန်နဝါရီလ ၁၂ ရက်နေ့၊ နံနက် ၁၁ နာရီဝန်းကျင်ခန့်တွင် နေအိမ်မှ နွားကျောင်းရန် ထွက်ခွာသွားပြီးနောက် ပျောက်ဆုံးသွားခဲ့ခြင်း ဖြစ်သည်။ ညနေပိုင်းအထိ ပြန်လည်ရောက်ရှိမလာသဖြင့် မိသားစုဝင်များနှင့် ရွာသားများ ဝိုင်းဝန်းရှာဖွေခဲ့ကြရာ ည ၁၀ နာရီခန့်တွင် ရွာနှင့် တစ်မိုင်ခန့်အကွာ၌ ၎င်း၏ ရုပ်အလောင်းကို တွေ့ရှိခဲ့ရခြင်း ဖြစ်သည်။ ဒေါ်ပိုင်၏ နီးစပ်သူ အမျိုးသမီးတစ်ဦးက ပျောက်ဆုံးခဲ့သည့် အခြေအနေကို “မနက် သူထွက်သွားပြီးတော့ နေ့လည် ၂ နာရီလောက် ဖုန်းဆက်လာသေးတယ် ပြောတယ်။ ဘာတွေ ပြောကြလဲတော့ မသိဘူးပေါ့နော်။ အဲဒါနဲ့ ခါတိုင်းဆို ညနေ ၆ နာရီလောက်ဆို ပြန်ရောက်ပြီပေါ့။ မနေ့ညက ပြန်မရောက်တော့ သူ့အိမ်လူတွေက စိတ်ပူပြီး လိုက်ရှာကြတာပေါ့။ လူအများကြီးပဲ ဝိုင်းရှာကြတာ။ ညဉ့်နက်ကျတော့မှ အလောင်းတွေ့တာ” ဟု ပြောသည်။ ရုပ်အလောင်းအား ကြည့်ရှုခဲ့သည့် ဆွေမျိုးနီးစပ်သူတစ်ဦး၏ ပြောပြချက်အရ ဒေါ်ပိုင်၏ လည်ပင်းနှင့် ဝမ်းဗိုက် တို့တွင် ဓါးဖြင့် ကန့်လန့်ဖြတ်လှီးထားသည့် ဒဏ်ရာများအပြင်၊ လက်နှင့် ခြေထောက်တို့တွင်လည်း ခုခံထားသည့် ဓါးဒဏ်ရာများစွာ တွေ့ရှိခဲ့ရသည်ဟု သိရသည်။ ၎င်းက ဆက်လက်၍ “ဗိုက်မှာဆို ဓါးနဲ့ တစ်ချက်ပြီးတစ်ချက် ထိုးထားတာ။ ကြည့်ရတာတော့ သူလည်း တတ် နိုင်သလောက် ခုခံခဲ့ပါလိမ့်မယ်။ လုံးဝမတတ်သာလို့ အသက်ပေးလိုက်ရတာပါ။ မတော်မတရား ပြုကျင့်ထား တဲ့ လက္ခဏာတော့ မတွေ့ရပါဘူး။ မိသားစုအတွက် အမြန်ဆုံး အမှုပေါ်စေချင်ပါတယ်” ဟု ပြောသည်။ ဒေါ်ပိုင်သည် နွားကျောင်းထွက်ချိန်တွင် ငွေကြေးယူဆောင်သွားခြင်း မရှိဘဲ ဖုန်းတစ်လုံးသာ ပါသွားခဲ့ပြီး သေဆုံးချိန်တွင် အဆိုပါဖုန်းမှာလည်း ပျောက်ဆုံးနေကြောင်း ဆိုသည်။ သေဆုံးသူ ဒေါ်ပိုင်မှာ အိမ်ထောင်မရှိသည့် လူလွတ်တစ်ဦးဖြစ်ပြီး မိဘနှစ်ဦးနှင့် တူတစ်ဦးတို့အား လုပ်ကိုင် ကျွေးမွေးနေသူလည်း ဖြစ်သည်။ ယခုဖြစ်စဉ်နှင့် ပတ်သက်၍ မိသားစုဝင်များက တရားမျှတမှု အတွက် ကရင်နီပြည်ရဲတပ်ဖွဲ့ (KSP) ထံသို့ တိုင်ကြားသွားမည်ဟု ဆိုသည်။ ဒီးမော့ဆိုမြို့နယ် အနောက်ဘက်ခြမ်းတွင် စစ်တပ်က အာဏာသိမ်းပြီးနောက်ပိုင်း မူးယစ်ဆေးဝယ်ဖောက်ကား သူများ ပိုမိုများပြားလာခြင်းကြောင့် ဒေသခံများနှင့် စစ်ဘေးရှောင်များမှာ လုံခြုံရေးအတွက် စိုးရိမ်နေကြရ သည်။ ကရင်နီပြည် ကြားကာလ အုပ်ချုပ်ရေးကောင်စီ (IEC) အနေဖြင့် နယ်မြေလုံခြုံရေးနှင့် တရားဥပဒေစိုးမိုးရေး အတွက် ယခုထက်ပို၍ ထိထိရောက်ရောက် အရေးယူဆောင်ရွက်ပေးရန် လိုအပ်နေသည်ဟု စစ်ဘေးရှောင်များ က ထောက်ပြဝေဖန်နေကြသည်။

နွားကျောင်းထွက်သည့် အမျိုးသမီးတစ်ဦး ဓါးဖြင့် ထိုးသတ်ခံရ

Jan 13

တနင်္သာရီ မြို့နယ်အချို့တွင် ပြိုင်ဘက်မရှိသဖြင့် USDP အနိုင်ရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၃ ရက်။ စစ်ကော်မရှင်က ကျင်းပနေသော ရွေးကောက်ပွဲများတွင် တနင်္သာရီတိုင်း မြို့နယ် အချို့တွင် ပြိုင်ဘက်မရှိသဖြင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP)မှ ကိုယ်စားလှယ်များက အနိုင်ရနေကြသည်။ လာမည့် ဇန်နဝါရီလ ၂၅ ရက်နေ့တွင် ပြုလုပ်မည့် ရွေးကောက်ပွဲအပိုင်း (၃) တွင် ပါဝင်သည့် လောင်းလုံးမြို့နယ် နှင့် ဇန်နဝါရီလ ၁၁ ရက်တွင် ကျင်းပခဲ့သော အပိုင်း (၂) မှ ရေဖြူမြို့နယ် ပြည်သူ့လွှတ်တော်ကိုယ်စားလှယ် နေရာများအတွက် ပြိုင်ဘက်မရှိသဖြင့် ယှဉ်ပြိုင်ရန်မလိုဘဲ အနိုင်ရရှိထားခြင်း ဖြစ်သည်။ ၎င်းအပြင် အပိုင်း (၂) တွင် ပါဝင်သော သရက်ချောင်းနှင့် ရေဖြူမြို့နယ်တို့၏ တိုင်းဒေသကြီးလွှတ်တော် နေရာ များတွင်လည်း USDP ပါတီမှ ကိုယ်စားလှယ်လောင်းနှစ်ဦးမှာ ပြိုင်ဘက်မရှိ အလိုအလျောက် အနိုင်ရရှိနေ သည်ဟု ရွေးကောက်ပွဲကော်မရှင် တာဝန်ရှိသူတစ်ဦးက အတည်ပြုသည်။ ပြီးခဲ့သည့် ၂၀၂၅ ခုနှစ်၊ ဒီဇင်ဘာလ ၂၈ ရက်က ကျင်းပခဲ့သော ရွေးကောက်ပွဲအပိုင်း (၁) တွင်လည်း ထားဝယ်၊ မြိတ်၊ ဘုတ်ပြင်းနှင့် ကော့သောင်းမြို့နယ်များရှိ ပြည်သူ့လွှတ်တော်နေရာ ၄ နေရာစလုံးကို USDP ပါတီကပင် အနိုင်ရရှိခဲ့သည်။ တနင်္သာရီတိုင်း ရွေးကောက်ပွဲအပိုင်း (၁) အပြီးတွင် USDP ပါတီသည် ပြည်သူ့လွှတ်တော်အတွက် ၆ ဦးနှင့် တိုင်းဒေသကြီးလွှတ်တော် အတွက် ၅ ဦး၊ စုစုပေါင်း ၁၁ ဦးအထိ အနိုင်ရရှိထားခြင်း ဖြစ်သည်။ အဆိုပါ အနိုင်ရရှိမှုများနှင့် ပတ်သက်၍ UEC မှ တာဝန်ရှိသူတစ်ဦးက “ပြည်သူ့လွှတ်တော်အတွက် ကြံ့ခိုင်ရေး ပါတီက အနိုင်ရတဲ့သူတွေက ထားဝယ်မြို့နယ်မှာ ဒေါက်တာ ကျော်ကျော်ဌေး၊ မြိတ်မြို့နယ်မှာ ဦးလင်းအောင်၊ ဘုတ်ပြင်းမြို့နယ်မှာ ဦးအောင်လင်းလှိုင် နဲ့ ကော့သောင်းမြို့နယ်က ဦးကျော်သူတို့ပါပဲ၊ တိုင်းဒေသကြီး လွှတ် တော်အတွက် ဦးကိုကိုကြီးဦးဆောင်တဲ့ မြိတ်မြို့နယ် ပြည်သူ့ပါတီမှ ဦးခိုင်ဦးက တစ်နေရာ အနိုင်ရထားတယ်” ဟု ပြောသည်။ ယှဉ်ပြိုင်ရန် မလိုဘဲ အနိုင်ရရှိနေသည့် USDP ပါတီမှ ပြည်သူ့လွှတ်တော် ကိုယ်စားလှယ်များမှာ လောင်းလုံး မြို့နယ်မှ ဦးတင့်လွင်နှင့် ရေဖြူမြို့နယ်မှ ဦးမင်းနိုင်တို့ ဖြစ်ကြသည်။ တိုင်းဒေသကြီး လွှတ်တော်တွင်မူ လက်ရှိ စစ်ကော်မရှင်၏ ဝန်ကြီးချုပ် ဦးမြတ်ကိုက ထားဝယ်မြို့နယ်မှ အနိုင် ရရှိခဲ့ပြီး၊ ကော့သောင်းမြို့နယ်တွင် ဒေါက်တာဝင်းအောင်နှင့် ဘုတ်ပြင်းမြို့နယ်မှ ဦးအောင်ကျော်ကျော်ဦးတို့က အသီးသီး အနိုင်ရရှိထားကြသည်။ သို့သော်လည်း အမျိုးသားလွှတ်တော် အတွက် အနိုင်ရရှိမှု စာရင်းကိုမူ ပြည်ထောင်စု ရွေးကောက်ပွဲကော်မရှင် က သတင်းထုတ်ပြန်ခြင်း မရှိသေးပေ။ တော်လှန်ရေး အင်အားစုများကမူ ယခုရွေးကောက်ပွဲသည် စစ်ကော်မရှင်က ၎င်းတို့၏ တရားဝင်မှုကို ပြသရန် ကြိုးပမ်းသည့် အတုအယောင် ရွေးကောက်ပွဲသာ ဖြစ်ကြောင်းနှင့် ပြိုင်ဘက်မရှိ အနိုင်ရနေခြင်းမှာလည်း စစ်ကော်မရှင်က နိုင်ငံရေးပါတီများကို ကန့်သတ်ချုပ်ချယ်မှုများ ပြုလုပ်ထားခြင်းကြောင့် ဖြစ်ကြောင်း ဝေဖန် ထောက်ပြနေကြသည်။

တနင်္သာရီ မြို့နယ်အချို့တွင် ပြိုင်ဘက်မရှိသဖြင့် USDP အနိုင်ရ

Jan 13

စစ်ကော်မရှင်တပ် မီးရှို့၍ တနင်္သာရီတိုင်းတွင် ရာဘာနှင့် ကွမ်းခြံ ဧက ၂၀ ကျော် မီးလောင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၃ ရက်။ တနင်္သာရီတွင် ရွေးကောက်ပွဲအကြိုနေ့၌ စစ်ကော်မရှင်တပ်က ကျေးရွာများကို မီးရှို့ဖျက်ဆီးခဲ့ရာ ရာဘာနှင့် ကွမ်းခြံ ဧက ၂၀ ကျော် ပြာကျသွားသည်ဟု ဒေသခံများက ပြောသည်။ စစ်ကော်မရှင်က ကျင်းပသည့် ရွေးကောက်ပွဲ ဒုတိယပိုင်း အကြိုနေ့တွင် မြိတ်ခရိုင်၊ တနင်္သာရီမြို့နယ်အတွင်းရှိ ကျေးရွာများကို စစ်ကော်မရှင် စစ်ကြောင်းက ဝင်ရောက်မီးရှို့ဖျက်ဆီးခဲ့သဖြင့် ရာဘာခြံ၊ ကွမ်းခြံနှင့် နေအိမ်တစ်ဆောင် အပါအဝင် ပိုင်ဆိုင်မှုများစွာ ဆုံးရှုံးပျက်စီးခဲ့ကြောင်း ဒေသခံများက ပြောသည်။ မီးရှို့ဖျက်ဆီးခံရမှု အခြေအနေနှင့်ပတ်သက်၍ အသက် ၄၀ ခန့်အရွယ် ဒေသခံရွာသားတစ်ဦးက “ဘန်းလမွတ် ရွာက ရော်ဘာခြံက မီးရှို့ခံရတာ အများဆုံး ပါပဲ၊ နွေရာသီဆိုတော့ ပိုဆိုးတာပေါ့၊ မီးလောင်မြန်တယ်” ဟု ပြောသည်။ ဇန်နဝါရီလ ၁၀ ရက်နေ့၊ နံနက် ၁၁ နာရီခွဲခန့်တွင် ဘန်းလမွတ်ကျေးရွာအုပ်စု အတွင်းသို့ ဘန်းလမွတ်ကျေးရွာ အခြေစိုက် စစ်ကော်မရှင်၏ ခြေလျင်စစ်ကြောင်း နှစ်ကြောင်း ဝင်ရောက်လာပြီးနောက် ကျေးရွာအတွင်းရှိ စိုက်ပျိုးခြံများနှင့် နေအိမ်များကို တမင်သက်သက် မီးရှို့ဖျက်ဆီးခဲ့ခြင်း ဖြစ်သည်။ အဆိုပါ မီးရှို့ဖျက်ဆီးမှုကြောင့် ဘန်းလမွတ်ကျေးရွာ၊ ပနပ်ငယ်ကျေးရွာနှင့် (ဒေသအခေါ်) လယ်ဦးကျေးရွာတို့ရှိ ရာဘာခြံ သုံးခြံ၊ စုစုပေါင်း ဧက ၂၀ ကျော်၊ ကွမ်းခြံ ၅ ဧကခန့်နှင့် သစ်ခွဲသား ၂ တန်ခန့် မီးလောင်ပြာကျခဲ့ရသည်။ ထို့အပြင် ရမ်းဖိုကျေးရွာရှိ တစ်ထပ်တိုက် နေအိမ်တစ်ဆောင်ကိုလည်း စစ်ကော်မရှင်တပ်က မီးရှို့ဖျက်ဆီးခဲ့ ကြောင်း ဒေသခံများက ပြောသည်။ စစ်ကော်မရှင်တပ်ဖွဲ့ဝင်များ လက်ရှိအချိန်ထိ ကျေးရွာအတွင်း ရှိနေဆဲဖြစ်သဖြင့် ခြံပိုင်ရှင်များနှင့် ရွာသားများ သည် အသက်ဘေးကို စိုးရိမ်ကာ မီးဝင်ရောက်ငြှိမ်းသတ်နိုင်ခြင်း မရှိခဲ့ကြောင်း ဆိုသည်။ စစ်ကော်မရှင်တပ်နှင့် ဝေးရာနေရာများတွင်သာ မီးကူးစက်မှု မရှိစေရန် တားဆီးငြှိမ်းသတ်ခဲ့ရကြောင်း ရွာသားတစ်ဦးက ဆိုသည်။ တနင်္သာရီမြို့နယ်အတွင်း၌ စစ်ကော်မရှင်က ရွေးကောက်ပွဲကျင်းပနိုင်ရန် ကြိုးပမ်းနေသည့် ကာလအတွင်း ယခုကဲ့သို့ ကျေးရွာများကို မီးရှို့ဖျက်ဆီးခြင်းများ လုပ်ဆောင်နေသည်။ အလားတူ ဇန်နဝါရီလ ၁၁ ရက်နေ့ ရွေးကောက်ပွဲနေ့တွင်လည်း မော်တုန်း ကျေးရွာကို ဒရုန်းဖြင့် ဗုံးကြဲ တိုက်ခိုက်သဖြင့် အမျိုးသမီးကြီးတစ်ဦး ဒဏ်ရာရရှိခြင်း စသည့် လူ့အခွင့်အရေး ချိုးဖောက်မှုများ ဆက်တိုက် ဖြစ်ပေါ်နေသည်။ လက်ရှိတွင် တနင်္သာရီမြို့နယ်အတွင်း စစ်ရေးတင်းမာမှုများ ဆက်ရှိနေပြီး စစ်ကော်မရှင်တပ်၏ ရမ်းသန်း ပစ်ခတ်မှုနှင့် မီးရှို့ဖျက်ဆီးမှုများကြောင့် ဒေသခံပြည်သူများသည် လုပ်ငန်းခွင်အတွင်း မဝင်ရဲကြဘဲ ဘေးလွတ် ရာသို့ တိမ်းရှောင်နေကြရကြောင်း မြေပြင်သတင်းရင်းမြစ်များ၏ ပြောပြချက်အရ သိရှိသည်။

စစ်ကော်မရှင်တပ် မီးရှို့၍ တနင်္သာရီတိုင်းတွင် ရာဘာနှင့် ကွမ်းခြံ ဧက ၂၀ ကျော် မီးလောင်

Jan 13

ရွေးကောက်ပွဲနေ့တွင် ရွာအတွင်း ဒရုန်းဗုံးချသည့်အတွက် အသက် ၆၀ အရွယ် အမျိုးသမီးတစ်ဦး ဒဏ်ရာရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၃ ရက်။ ရွေးကောက်ပွဲ အပိုင်း ၂ ကျင်းပသည့်ရက်တွင် တနင်္သာရီတိုင်း မြိတ်ခရိုင်အတွင်း ဒရုန်းဖြင့် ဗုံးသီးချ တိုက်ခိုက်သဖြင့် အသက် ၆၀ အရွယ် အမျိုးသမီးတစ်ဦး ဒဏ်ရာရရှိသွားခဲ့သည်ဟု ဒေသခံများက ပြောသည်။ ရွေးကောက်ပွဲကျင်းပသည့် ဇန်နဝါရီလ ၁၁ ရက်နေ့၊ ညနေ ၅ နာရီခန့်တွင် တနင်္သာရီမြို့နယ်၊ မော်တုန်းကျေးရွာ အခြေစိုက် အမှတ် (၃၀၆) အမြောက်တပ်ရင်းက အနောက်မော်တုန်းကျေးရွာသို့ ဒရုန်းဖြင့် ဗုံးသီးနှစ်လုံး လာရောက် ကြဲချခဲ့ခြင်း ဖြစ်သည်။ အဆိုပါ တိုက်ခိုက်မှုကြောင့် ကျေးရွာအတွင်းရှိ ကွင်းပြင်၌ရှိနေသော နားလေးသည့် အဖွားအိုတစ်ဦး၏ လက် တွင် ဗုံးစထိမှန်ကာ ဒဏ်ရာရရှိခဲ့ခြင်းဖြစ်သည်ဟု ဒေသခံများက ပြောသည်။ ဖြစ်စဉ်နှင့်ပတ်သက်၍ မော်တုန်းရွာသားတစ်ဦးက “ရွေးကောက်ပွဲလုပ်တဲ့ရက်မှာ ဒရုန်းနဲ့ ဗုံးနှစ်လုံး ပြိုင်တူ လာကြဲချတာ၊ ကွင်းပြင်ထဲမှာကျပြီး နားလေးနေတဲ့ အဖွားရဲ့လက်မှာ အစစင်ပြီး ထိသွားတာ” ဟု ပြောသည်။ စစ်ကော်မရှင်တပ်သည် အနောက်မော်တုန်းကျေးရွာသို့ ဗုံးနှစ်လုံးကြဲချပြီးနောက် အနီးနားရှိ ကမ်းတိုကျေးရွာ သို့လည်း ဗုံးတစ်လုံး ထပ်မံကြဲချခဲ့သော်လည်း လူထိခိုက်မှုမရှိခဲ့ကြောင်း ကမ်းတိုရွာသားတစ်ဦးက အတည်ပြု သည်။ တနင်္သာရီမြို့နယ်အတွင်း၌ ကျေးရွာအုပ်စု ၂၁ ခု၊ ကျေးရွာပေါင်း ၂၂၀ ကျော် ရှိသော်လည်း စစ်ကော်မရှင်သည် နယ်မြေမစိုးမိုးနိုင်သဖြင့် မြို့နယ်တစ်ခုလုံးတွင် မဲရုံ ၃ ရုံသာ ဖွင့်လှစ်နိုင်ခဲ့သည်။ စစ်ကော်မရှင်က ဖွင့်လှစ်ခဲ့သည့် မဲရုံများမှာ တနင်္သာရီမြို့ပေါ်ရှိ တပ်ဦးစာသင်ကျောင်း၊ မြို့မအားကစားကွင်းနှင့် ခမရ (၅၅၆) တပ်ရင်းရှိရာ ဇဝဲကျေးရွာတို့တွင်သာ ဖြစ်သည်။ ဒေသခံများ၏ ပြောပြချက်အရ စစ်ကော်မရှင်သည် ၎င်းတို့၏ ရွေးကောက်ပွဲကို အောင်မြင်အောင် ကျင်းပနိုင်ရန် အတွက် လွန်ခဲ့သည့် တစ်ပတ်ခန့်မှစ၍ ပြည်ထောင်စုလမ်းမကြီးတစ်လျှောက်ရှိ နယ်ခြားရွာမှ ရေဖြူကျေးရွာ အထိ လုံခြုံရေးအင်အား တိုးမြှင့်ချထားခဲ့သည်။ ထို့အပြင် မြေမအုံနှင့် ပျို့အိုင်ကျေးရွာများတွင်လည်း လမ်းကင်းများ ချထားကာ လုံခြုံရေးတင်းကျပ်ထားသည့် ကြားမှ ကျေးရွာများအတွင်းသို့ ဒရုန်းဖြင့် ရမ်းသန်းဗုံးကြဲတိုက်ခိုက်မှုများ ပြုလုပ်နေခြင်း ဖြစ်သည်။ လက်ရှိတွင် တနင်္သာရီမြို့နယ် အတွင်းရှိ ဒေသခံပြည်သူများသည် စစ်ကော်မရှင်၏ အတင်းအကျပ် မဲပေးခိုင်းမှု များ အပြင်၊ ယခုကဲ့သို့ လူနေကျေးရွာများကို ဒရုန်းဖြင့် ဗုံးကြဲတိုက်ခိုက်နေမှုများကြောင့် အသက်ဘေးအတွက် စိုးရိမ်ထိတ်လန့်နေကြသည်။

ရွေးကောက်ပွဲနေ့တွင် ရွာအတွင်း ဒရုန်းဗုံးချသည့်အတွက် အသက် ၆၀ အရွယ် အမျိုးသမီးတစ်ဦး ဒဏ်ရာရ

« Prev 1 … 69 70 71 72 73 … 1,047 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

ဒေါ်နယ်ထရန့်ကို ရှီကျင့်ဖျင် ကော်ဇောနီဖြင့် ကြိုဆို
ထိုင်းနိုင်ငံတွင် အရက် သောက်သုံးရောင်းချမှု အပေါ် ထပ်မံတင်းကြပ်
ဖိလစ်ပိုင် လွှတ်တော်အတွင်းမှ ပစ်ခတ်သံများ ကြားရ
မြစ်ဆုံစီမံကိန်း ပြန်လည် စတင်ခြင်းသည် ဒေသခံများ အတွက် အကျိုး မဖြစ်နိုင်
အဆက်မပြတ်မိုးကြောင့် ရှမ်းအရှေ့ ရော်ဘာခြံလုပ်သားများ အခက်တွေ့

Archives

Archives

×Close