NMG Doh – Page 70 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Jan 15

Apple နှင့် Google တို့ AI နည်းပညာ ပူးပေါင်းဆောင်ရွက်ရန် သဘောတူ သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဇန္နဝါရီလ ၁၅ ရက်။ Apple ကုမ္ပဏီသည် ၎င်းတို့၏ iPhone များတွင် ထည့်သွင်းမည့် AI နည်းပညာသစ်အတွက် Google ၏ Gemini AI မော်ဒယ်ကို အသုံးပြုရန် သဘောတူညီမှု ရရှိခဲ့သည်ဟု ဇန္နဝါရီ ၁၂ ရက်က ကြေညာသည်။ ဤပူးပေါင်းမှုအရ iPhone များရှိ Siri စနစ်ကို Gemini နည်းပညာဖြင့် နောက်ကွယ်မှ ပံ့ပိုးပေးသွားမည်ဖြစ်ပြီး သုံးစွဲသူများအနေဖြင့် ပိုမိုထက်မြက်သည့် အပြန်အလှန်ဆက်သွယ်မှုများကို ရရှိတော့မည်ဖြစ်သည်။ အဆိုပါသတင်းကြောင့် Google ၏ ဈေးကွက်တန်ဖိုးမှာ ပထမဆုံးအကြိမ်အဖြစ် ၄ ထရီလီယံအထိ စံချိန်တင် မြင့်တက်သွားခဲ့သည်။ ယခုလက်တွဲမှုသည် Apple အတွက် AI နည်းပညာပိုင်းတွင် နောက်ကျကျန်နေသည့် စိုးရိမ်ချက်များကို ဖြေဖျောက်ပေးနိုင်ခဲ့သည်။ Google အတွက်လည်း ၎င်းတို့၏ AI နည်းပညာသည် ကမ္ဘာ့ထိပ်တန်းအဆင့်ဖြစ်ကြောင်း သက်သေပြနိုင်ခဲ့သည်ဟု ပညာရှင်များက ဆိုသည်။

Apple နှင့် Google တို့ AI နည်းပညာ ပူးပေါင်းဆောင်ရွက်ရန် သဘောတူ

Jan 15

ဂရင်းလန်ကျွန်းအရေး အမေရိကန်-ဥရောပ ဆက်ဆံရေး တင်းမာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၅ ရက်။ အမေရိကန်သမ္မတ ဒေါ်နယ်ထရမ့်က ဒိန်းမတ်နိုင်ငံ၏ ကိုယ်ပိုင်အုပ်ချုပ်ခွင့်ရနယ်မြေဖြစ်သော ဂရင်းလန်ကျွန်း (Greenland) ကို အမေရိကန်က ထိန်းချုပ်ပိုင်ဆိုင်ခွင့်ရရှိရန် တောင်းဆိုလာခြင်းကြောင့် အမေရိကန်နှင့် ဥရောပမဟာမိတ်နိုင်ငံများအကြား ဆက်ဆံရေး ပြင်းထန်စွာ တင်းမာလျက်ရှိသည်။ အမေရိကန်သမ္မတက အဆိုပါကျွန်းအား ဝယ်ယူရန် သို့မဟုတ် စစ်ရေးအရ ထိန်းချုပ်ရန် နည်းလမ်းမျိုးစုံကို စဉ်းစားထားကြောင်း ပြောကြားခဲ့ပြီးနောက်၊ ဥရောပနိုင်ငံများက ဂရင်းလန်း၏ အချုပ်အခြာအာဏာကို ကာကွယ်ရန် စစ်ရေးအရ စတင်ပူးပေါင်းဆောင်ရွက်လာကြသည်။ ယနေ့ ဇန်နဝါရီ ၁၅ ရက်တွင် ဂျာမနီနိုင်ငံက စစ်သား ၁၃ ဦးကို ကင်းထောက်မစ်ရှင်အဖြစ် ဂရင်းလန်းသို့ စတင်စေလွှတ်ခဲ့ပြီး ဆွီဒင်၊ နော်ဝေး၊ ပြင်သစ်၊ နယ်သာလန်နှင့် ကနေဒါနိုင်ငံတို့လည်း အဆိုပါနိုင်ငံစုံမစ်ရှင်တွင် ပူးပေါင်းပါဝင်ကြမည်ဖြစ်သည်။ အင်္ဂလန်နိုင်ငံကလည်း ဤစစ်ရေး လှုပ်ရှားမှုတွင် ပါဝင်ရန် စဉ်းစားနေပြီး အီတလီ၊ ပိုလန်၊ စပိန်နဲ့ ဖင်လန် နိုင်ငံ ခေါင်းဆောင်တွေကတော့ ဂရင်းလန်းရဲ့ အချုပ်အခြာအာဏာကို ကာကွယ်ရန်အတွက် ပူးတွဲ ကြေညာချက် ထုတ်ပြန်ပြီး ဒိန်းမတ်ဘက်က ရပ်တည်ထားသည်။ သမ္မတထရမ့်က မကြားသေးမီ ရက်သတ္တပတ်များ အတွင်းတွင် ဂရင်းလန်ကျွန်းသည် အမေရိကန်၏ လုံခြုံရေးအတွက် အရေးပါသည်ဟု ထပ်ခါတလဲလဲ ပြောကြားခဲ့သည်။ ဒိန်းမတ်နိုင်ငံရဲ့ ကိုယ်ပိုင်အုပ်ချုပ်ခွင့်ရ နယ်မြေဖြစ်သည် ဂရင်းလန်သည် တည်နေရာအရ မဟာဗျူဟာကျပြီး သယံဇာတ ပေါကြွယ်ဝသည့်အတွက် ရုရှား သို့မဟုတ် တရုတ်တို့က ဝင်ရောက်မကျူးကျော်နိုင်စေရန် အမေရိကန်က ပိုင်ဆိုင်ရမည်ဟု သမ္မတ ထရန့်က ပြောခဲ့သည်။ ဂရင်းလန်ကို ဝယ်ယူ၍ ပဲ ဖြစ်စေ၊ စစ်ရေးအရ လုပ်ဆောင်မှုအနေနှင့် ဖြစ်စေ နည်းလမ်းမျိုးစုံကို စဉ်းစားထားသည်ဟု သမ္မတ ထရန့်က ပြောကြားခဲ့ပြီးနောက်တွင်တော့ ဥရောပနှင့် အမေရိကန်အကြား ဆက်ဆံရေးသည် အလွန်တင်းမာလျက်ရှိနေသည်။

ဂရင်းလန်ကျွန်းအရေး အမေရိကန်-ဥရောပ ဆက်ဆံရေး တင်းမာ

Jan 15

ဗန်းမော်တွင် တိုက်ပွဲများ ထပ်မံ ပြင်းထန်၊ ကချင်ပြည် မြို့နယ် အချို့တွင် စစ်ရေး တင်းမာမှုများ ရှိ

ဗန်းမော်တွင် တိုက်ပွဲများ ထပ်မံ ပြင်းထန်၊ ကချင်ပြည် မြို့နယ် အချို့တွင် စစ်ရေး တင်းမာမှုများ ရှိ

Jan 15

မဲရုံဝန်ထမ်းများ တတိယပိုင်းတွင် တာဝန်ထမ်းဆောင်ရန် ထိတ်လန့်နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၅ ရက်။ စစ်ကော်မရှင်၏ ရွေးကောက်ပွဲ ဒုတိယပိုင်းအတွင်း မဲရုံများနှင့် အုပ်ချုပ်ရေးရုံးများ တိုက်ခိုက်ခံရပြီး ခရိုင်အရာရှိ အပါအဝင် ဝန်ထမ်းအချို့ သေဆုံးခဲ့သဖြင့် ကျန်ရှိသည့် အပိုင်း (၃) အတွက် ဝန်ထမ်းထုအတွင်း ထိတ်လန့်မှုများ မြင့်တက်နေသည်။ ပြီးခဲ့သည့် ဇန်နဝါရီလ ၁၁ ရက်နေ့က ပြုလုပ်ခဲ့သည့် ရွေးကောက်ပွဲ ဒုတိယပိုင်းတွင် လုံခြုံရေး အာမခံချက် မရှိသည့်ကြားမှ မဲရုံများ ဖွင့်လှစ်ခဲ့ရာ ပဲခူး၊ မကွေး၊ စစ်ကိုင်း၊ မွန်နှင့် တနင်္သာရီတိုင်းအတွင်းရှိ မြို့နယ် ၁၀ ခုထက် မနည်းတွင် ဒရုန်းဖြင့် ဗုံးကြဲခြင်း၊ ရှော့တိုက်ဒုံးဖြင့် ပစ်ခတ်ခြင်းနှင့် မြေပြင်ထိတွေ့တိုက်ပွဲများ ပြင်းထန်စွာ ဖြစ်ပွားခဲ့သည်။ အထူးသဖြင့် ပဲခူးတိုင်း၊ ထန်းတပင်မြို့နယ်တွင် မဲရေတွက်ရန် ပြင်ဆင်နေသည့် ထွေအုပ်ရုံးအတွင်းသို့ ဒရုန်းဖြင့် ဗုံးသီးချ တိုက်ခိုက်ခံရမှုကြောင့် ခရိုင်ထွေအုပ်ရုံးမှ လက်ထောက်ညွှန်ကြားရေးမှူးတစ်ဦး နေရာမှာတင် သေဆုံးခဲ့ ပြီး အခြားဝန်ထမ်းအချို့လည်း အပြင်းအထန် ဒဏ်ရာရရှိခဲ့သည်။ ယင်းဖြစ်စဉ်ကြောင့် ထန်းတပင်မြို့နယ်၏ မဲပေးမှုများကို ရပ်ဆိုင်းကာ မဲရုံများ ပိတ်ပစ်ခဲ့ရသည်အထိ အခြေ အနေ ဆိုးရွားခဲ့သည်။ မဲရုံအတွင်း ဗုံးကျပြီး အဆင့်မြင့်အရာရှိများ သေဆုံးလာသည့်အပေါ် ဝန်ထမ်း အသိုင်း အဝိုင်းနှင့် နီးစပ်သူတစ်ဦးက ယခုကဲ့သို့ ပြောပြသည်။ “အစကတော့ မဲစာရင်းလုပ်ရုံပဲဆိုပြီး ဖိအားပေးလို့ ဝန်ထမ်းတွေခမျာ လုပ်ခဲ့ကြရတာ။ အခုတော့ မဲရုံထဲအထိ ဗုံးကျနေပြီဆိုတော့ ဘယ်သူမှ အသက်နဲ့လဲပြီး တာဝန်မယူရဲကြတော့ဘူး။ လုံခြုံရေး အထပ်ထပ် ချပေးမယ်ဆို တာကလည်း စာအုပ်ထဲမှာပဲ ရှိတာ၊ မြေပြင်မှာတော့ ဝန်ထမ်းတွေမှာ ကိုယ့်အသက်ကိုယ် မနည်းလုနေရတဲ့ အခြေအနေဖြစ်နေပြီ။” လက်ရှိတွင် လာမည့် ဇန်နဝါရီလ ၂၅ ရက်နေ့တွင် ပြုလုပ်မည့် ရွေးကောက်ပွဲ အပိုင်း (၃) အတွက် စစ်ကော်မရှင် က ပြင်ဆင်နေသော်လည်း ဝန်ထမ်းအများအပြားမှာ တာဝန်မှ ကင်းလွတ်ခွင့်ရရန် ဆေးခွင့်တင်ခြင်း၊ အကြောင်း အမျိုးမျိုးပြ၍ ရှောင်တိမ်းခြင်းများ ပြုလုပ်နေကြသည်။ အချို့ဝန်ထမ်းများမှာ အလုပ်မှ နုတ်ထွက်ပြီး နယ်စပ်ဒေသများသို့ ထွက်ပြေးတိမ်းရှောင်ရန်အထိ ပြင်ဆင်နေကြ ကြောင်း ဆိုသည်။ တော်လှန်ရေးအဖွဲ့အစည်းများဘက်ကမူ စစ်ကော်မရှင်သည် ပြည်သူကို ခြိမ်းခြောက်၍ အတင်းအကျပ် မဲထည့် ခိုင်းနေသည့်အပြင် ဝန်ထမ်းများကိုလည်း အသက်ဘေးတွင်းသို့ တွန်းပို့နေခြင်းကြောင့် ယခုကဲ့သို့ ဟန့်တား တိုက်ခိုက်ရခြင်း ဖြစ်ကြောင်း ထုတ်ပြန်ထားသည်။ စစ်ကော်မရှင်ဘက်ကမူ တာဝန်ပျက်ကွက်သည့် ဝန်ထမ်းများကို ထိရောက်စွာ အရေးယူမည်ဟု ထပ်မံ ဖိအား ပေးထားသော်လည်း မြေပြင်စစ်ရေး အခြေအနေများမှာ ပိုမိုပြင်းထန်လာနေသည်။ အပိုင်း (၃) တွင် စစ်ရေးပြင်းထန်သည့် ဒေသများ ပိုမိုပါဝင်လာနိုင်သည့် အတွက် ရွေးကောက်ပွဲ လုပ်ငန်းစဉ်သည် ဝန်ထမ်းများနှင့် စစ်ကော်မရှင်အကြား အကျပ်ရိုက်စရာ ကိစ္စရပ်တစ်ခု ဖြစ်လာနေကြောင်း စစ်ရေးနှင့် နိုင်ငံရေး လေ့လာသူများက သုံးသပ်နေကြသည်။ ဓါတ်ပုံ - MOI

မဲရုံဝန်ထမ်းများ တတိယပိုင်းတွင် တာဝန်ထမ်းဆောင်ရန် ထိတ်လန့်နေ

Jan 15

မြန်မာ၊ ထိုင်း အပါအဝင် နိုင်ငံ ၇၅ နိုင်ငံအတွက် အမေရိကန်အခြေချနေထိုင်ခွင့်ဗီဇာ (Immigrant Visa) ဆိုင်းငံ့ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၅ ရက်။ အမေရိကန်ပြည်ထောင်စုသည် မြန်မာ၊ ထိုင်း၊ လာအိုနှင့် ကမ္ဘောဒီးယားအပါအဝင် နိုင်ငံပေါင်း ၇၅ နိုင်ငံမှ လျှောက်ထားသူများအတွက် အခြေချနေထိုင်ခွင့်ဗီဇာ (Immigrant Visa) ထုတ်ပေးခြင်းကို ယခုလ ၂၁ ရက်နေ့မှစ၍ ရက်အကန့်အသတ်မရှိ ဆိုင်းငံ့လိုက်ကြောင်း ကြေညာခဲ့သည်။ အမေရိကန်နိုင်ငံခြားရေးဝန်ကြီးဌာန၏ အဆိုအရ အမေရိကန်သို့ ရောက်ရှိလာပြီးနောက် အစိုးရ၏ လူမှုထောက်ပံ့ကြေးများအပေါ် မှီခိုနေထိုင်မည့် အလားအလာရှိသူများကို တားဆီးနိုင်ရန် ဗီဇာလုပ်ငန်းစဉ်များကို ပြန်လည်သုံးသပ်နေခြင်းဖြစ်သည်။ အဆိုပါ ဆိုင်းငံ့မှုစာရင်းတွင် ရုရှား၊ အာဖဂန်နစ္စတန်နှင့် အီရန်တို့ကဲ့သို့ နိုင်ငံများ ပါဝင်သော်လည်း တရုတ်နှင့် အိန္ဒိယနိုင်ငံတို့မှာမူ ပါဝင်ခြင်းမရှိပေ။ ၂၀၂၅ ခုနှစ် နိုဝင်ဘာလတွင် ကမ္ဘာတဝှမ်းရှိ အမေရိကန် ကောင်စစ်ဝန် ရုံးများသို့ ပေးပို့ခဲ့သည့် အမေရိကန် အစိုးရ၏ ညွှန်ကြားချက်ထဲတွင် လျှောက်ထားသူသည် အစိုးရ၏ အထောက်အပံ့များကို ရယူမည့်သူဟု ယူဆမိပါက ဗီဇာ ငြင်းပယ်ရန် ညွှန်ကြားထားခဲ့သည်။ အခု ဆိုင်းငံ့ထားသည့် အခြေချ ဗီဇာဆိုသည်မှာ အမေရိကန်နိုင်ငံတွင် သွားရောက်နေထိုင်ခွင့်ရှိမည့် ဗီဇာအမျိုးအစားများကို ဆိုလိုခြင်း ဖြစ်ပြီး အလည်အပတ် ဗီဇာများ မပါဝင်ပါ။

မြန်မာ၊ ထိုင်း အပါအဝင် နိုင်ငံ ၇၅ နိုင်ငံအတွက် အမေရိကန်အခြေချနေထိုင်ခွင့်ဗီဇာ (Immigrant Visa) ဆိုင်းငံ့

Jan 15

ထိုင်းနိုင်ငံတွင် ကရိန်းပြိုကျမှုကြောင့် လူအများအပြား သေဆုံး သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဇန္နဝါရီလ ၁၅ ရက်။ ထိုင်းနိုင်ငံတွင် နှစ်ရက်အတွင်း ကရိန်းပြိုကျသည့် မတော်တဆမှုများ ဆက်တိုက်ဖြစ်ပွားခဲ့ရာ လူပေါင်း ၃၀ ကျော် သေဆုံးခဲ့သည်။ ဇန်နဝါရီ ၁၄ ရက်က နခွန်ရတ်ချ်စီမာခရိုင်တွင် မြန်နှုန်းမြင့်ရထားလမ်း တည်ဆောက်ရေးကရိန်းတစ်ခု ခရီးသည်တင်ရထားပေါ်သို့ ပြိုကျခဲ့သဖြင့် အနည်းဆုံး လူ ၃၂ ဦး သေဆုံးကာ ၆၀ ကျော် ဒဏ်ရာရရှိခဲ့သည်။ ယနေ့ ဇန်နဝါရီ ၁၅ ရက် နံနက်ပိုင်းတွင်လည်း ဆမွတ်ဆာခွန်ခရိုင်၊ ရာမ ၂ လမ်းမကြီးပေါ်တွင် ကရိန်းတစ်ခု ထပ်မံပြိုကျခဲ့သဖြင့် လူ ၂ ဦး ထက်မနည်း သေဆုံးခဲ့ပြန်သည်။ လက်ရှိတွင် ထိုင်းအစိုးရက သက်ဆိုင်ရာ ဆောက်လုပ်ရေးကုမ္ပဏီများကို တရားစွဲဆိုရန် ပြင်ဆင်နေပြီး လုပ်ငန်းခွင်များကိုလည်း ခေတ္တပိတ်သိမ်းထားရန် ညွှန်ကြားထားသည်။

ထိုင်းနိုင်ငံတွင် ကရိန်းပြိုကျမှုကြောင့် လူအများအပြား သေဆုံး

Jan 14

ကမ္ဘာ့ဖလား လက်မှတ် ၁၇,၀၀၀ နီးပါး တပြိုင်တည်း ရုတ်သိမ်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၄ ရက်။ ၂၀၂၆ ကမ္ဘာ့ဖလားကျင်းပရန် ၆ လအလိုတွင် ပရိသတ်ပေါင်း ၁၇,၀၀၀ ခန့်က လက်မှတ်များကို တစ်ပြိုင်နက် ပယ်ဖျက်လိုက်ခြင်းကြောင့် FIFA အဖွဲ့ချုပ်သည် အရေးပေါ်အစည်းအဝေး ခေါ်ယူထားရသည်။ ယင်းသို့ ဖြစ်ရခြင်းမှာ အမေရိကန်သမ္မတ ဒေါ်နယ်ထရမ့်၏ ဗင်နီဇွဲလားအပေါ် လေကြောင်းတိုက်ခိုက်မှု အမိန့်နှင့် အခြားနိုင်ငံများအပေါ် ခြိမ်းခြောက်မှုများကြောင့် လုံခြုံရေးဆိုင်ရာ စိုးရိမ်မှုများ မြင့်တက်လာခြင်းကြောင့် ဖြစ်သည်။ လူမှုကွန်ရက်တွင်လည်း #BoycottWorldCup လှုပ်ရှားမှုများ အားကောင်းလာပြီး အမေရိကန်နိုင်ငံ၏ ခရီးသွားလာခွင့် ကန့်သတ်ချက်များကြောင့် ပရိသတ်များ လာရောက်ရန် ခက်ခဲနေသည်။ ထို့အပြင် ဗြိတိန်လွှတ်တော်အမတ်အချို့ကလည်း အမေရိကန်အား အိမ်ရှင်အဖြစ်မှ ဖယ်ရှားရန် တောင်းဆိုနေကြရာ FIFA အနေဖြင့် လက်မှတ်ရောင်းအား၊ လုံခြုံရေးနှင့် အဖွဲ့အစည်း၏ ဂုဏ်သိက္ခာပိုင်းဆိုင်ရာ စိန်ခေါ်မှုများကို ရင်ဆိုင်နေရသည်။

ကမ္ဘာ့ဖလား လက်မှတ် ၁၇,၀၀၀ နီးပါး တပြိုင်တည်း ရုတ်သိမ်း

Jan 14

ထိုင်းရောက် မြန်မာလုပ်သားများအကြား ခိုက်ရန်ဖြစ်ပွား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၄ ရက်။ ထိုင်းနိုင်ငံရှိ မြန်မာရွှေ့ပြောင်းလုပ်သားများအကြား အုပ်စုဖွဲ့ခိုက်ရန်ဖြစ်ပွားမှုများ ဆက်တိုက်ဖြစ်ပေါ်နေခြင်းအပေါ် အမျိုးသားညီညွတ်ရေးအစိုးရ (NUG) က သတိပေးချက် ထုတ်ပြန်ခဲ့သည်။ စမွတ်ပရာကန်ခရိုင်၌ ဖြစ်ပွားခဲ့သော ဖြစ်စဉ်မှာ နှစ်ဖက်ပြေလည်သွားသော်လည်း ဇန်နဝါရီ ၁၃ ရက်နေ့က ချွန်ဘူရီခရိုင်၌ မြန်မာအလုပ်သမားအချင်းချင်း ရန်ဖြစ်မှုကြောင့် လူနှစ်ဦး ပြင်းထန်စွာ ဒဏ်ရာရရှိခဲ့သည်။ ထိုသို့သော ဖြစ်ရပ်များကြောင့် ထိုင်းလူထု၏ ဝေဖန်မှုနှင့် အာဏာပိုင်များ၏ တင်းကျပ်သော စစ်ဆေးမှုများ ပေါ်ပေါက်လာနိုင်သဖြင့် အိမ်ရှင်နိုင်ငံ၏ ဥပဒေနှင့် ယဉ်ကျေးမှုကို လေးစားလိုက်နာရန် NUG နိုင်ငံခြားရေးဝန်ကြီးဌာနက ဇန်နဝါရီ ၁၄ ရက်တွင် တိုက်တွန်းခဲ့သည်။ အလုပ်သမားအရေး ဆောင်ရွက်သူများကလည်း ပြဿနာများကို လက်တုံ့ပြန်ခြင်းထက် ဥပဒေကြောင်းအရသာ ဖြေရှင်းရန် အကြံပြုထားကြသည်။

ထိုင်းရောက် မြန်မာလုပ်သားများအကြား ခိုက်ရန်ဖြစ်ပွား

Jan 14

ဂျပန်-တောင်ကိုရီးယား ခေါင်းဆောင်တွေရဲ့ ဒရမ် ဒစ်ပလိုမေစီ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၄ ရက်။ ဂျပန်နိုင်ငံ၊ နာရာမြို့တွင် ပြုလုပ်သည့် ထိပ်သီးဆွေးနွေးပွဲတွင် ဂျပန်ဝန်ကြီးချုပ် စေနိုင်း တာကာအိချီ နှင့် တောင်ကိုရီးယားသမ္မတ လီဂျေမြောင် တို့သည် နှစ်နိုင်ငံရင်းနှီးမှုပြယုဂ်အဖြစ် ဒရမ်တီးခြင်းကို အတူတကွ လုပ်ဆောင်ခဲ့ကြသည်။ နိုင်ငံခေါင်းဆောင်နှစ်ဦးသည် အားကစားဝတ်စုံများ ဝတ်ဆင်ကာ ကမ္ဘာကျော် BTS အဖွဲ့၏ "Dynamite" နှင့် "Golden" သီချင်းများကို စည်းချက်ညီညီ တီးခတ်ခဲ့ကြသည်။ ဒရမ်မတီးမီ ထိပ်သီးဆွေးနွေးပွဲအတွင်း နှစ်နိုင်ငံ လက်တွဲရေးအတွက်အရေးကြီးသော သဘောတူညီမှုများ ရရှိခဲ့သည်ဟုလည်း ဆိုသည်။ ဆွေးနွေးပွဲ၌ ဒေသတွင်းတည်ငြိမ်ရေး၊ စီးပွားရေးလုံခြုံမှုနှင့် အိမ်နီးချင်းကောင်း ဆက်ဆံရေး တည်ဆောက်ရန် သဘောတူညီခဲ့ကြသည်။ အထူးသဖြင့် တရုတ်နိုင်ငံနှင့် တင်းမာမှုများ ရှိနေစဉ်အတွင်း အမေရိကန်၏ မဟာမိတ်နှစ်နိုင်ငံဖြစ်သော ဂျပန်နှင့် ကိုရီးယားတို့ ပူးပေါင်းဆောင်ရွက်ရန် အရေးကြီးကြောင်း၊ ရာသီဥတုပြောင်းလဲမှုနှင့် နိုင်ငံတကာအစီအစဉ် (International Order) ကို ထိန်းသိမ်းရာတွင် တစ်သံတည်း ထွက်နိုင်ရန် ကြိုးပမ်းသွားမည်ဖြစ်ကြောင်း အတည်ပြုခဲ့ကြသည်။

ဂျပန်-တောင်ကိုရီးယား ခေါင်းဆောင်တွေရဲ့ ဒရမ် ဒစ်ပလိုမေစီ

« Prev 1 … 68 69 70 71 72 … 1,047 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

ဒေါ်နယ်ထရန့်ကို ရှီကျင့်ဖျင် ကော်ဇောနီဖြင့် ကြိုဆို
ထိုင်းနိုင်ငံတွင် အရက် သောက်သုံးရောင်းချမှု အပေါ် ထပ်မံတင်းကြပ်
ဖိလစ်ပိုင် လွှတ်တော်အတွင်းမှ ပစ်ခတ်သံများ ကြားရ
မြစ်ဆုံစီမံကိန်း ပြန်လည် စတင်ခြင်းသည် ဒေသခံများ အတွက် အကျိုး မဖြစ်နိုင်
အဆက်မပြတ်မိုးကြောင့် ရှမ်းအရှေ့ ရော်ဘာခြံလုပ်သားများ အခက်တွေ့

Archives

Archives

×Close