သတင်း

စက်လှေကား ရပ်သွားသည့် သမ္မတနှင့် လမ်းပိတ်ခံထားရသည့် သမ္မတ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၄ ရက်။   စက်တင်ဘာ ၂၄ ရက်နေ့က အမေရိကန် သမ္မတ ဒေါ်နယ်ထရန့်သည် ကုလသမဂ္ဂတွင်  မိန့်ခွန်းပြောကြားရန် အစီအစဉ်ရှိနေခဲ့သည်။   သမ္မတထရန့်သည် သူ၏ ထုံးစံအတိုင်း ဇနီးဖြစ်သူ Melania Trump နှင့်အတူ ညီလာခံ ကျင်းပရာနေရာသို့ ရောက်ရှိလာခဲ့သည်။ သတင်းထောက်များနှင့် ကင်မရာသမားများက သူ့ကို အနီးကပ် ခြံရံထားကြသည်။ ရုပ်သံ ရိုက်ကူးသူများကလည်း ရုပ်သံ ရိုက်ကူးနေကြသည်။ သမ္မတနှင့် သမ္မတကတော်တို့ နှစ်ဦး လမ်းလျောက်လာပြီး အပေါ်ထပ်သို့ တက်ရန် စက်လှေကားဆီသို့ ရောက်ရှိသွားခဲ့သည်။ သမ္မတနဲ့ သမ္မတ ကတော်တို့က ဟိတ်နဲ့ဟန်နဲ့ စက်လှေကားပေါ်ကို ခြေတစ်လှမ်း စနင်းလိုက်ချိန်တွင် လှေကားသည် ရုတ်တရက် ရပ်တန့်သွားခဲ့သည်။ ထို့နောက်တော့ သမ္မတက ဟိုဟို ဒီဒီကြည့်လိုက်ပြီး သမ္မတကတော်က ဆက်ပြီး လမ်းလျောက်တက်သွားခဲ့သည်။ အိမ်ဖြူတော်ကတော့ တစ်စုံတစ်ယောက်က စက်လှေကားကို တမင်တကာ ရပ်တန့်လိုက်ခြင်း ဖြစ်ပါက အလုပ်ထုတ်ပြီး စုံစမ်းစစ်ဆေးမှုများ လုပ်သွားမည်ဟု ထုတ်ပြန်သည်။ အခြား အဖြစ်အပျက် တစ်ခု လည်း ကုလသမဂ္ဂ ညီလာခံ ကျင်းပရာ နယူးယောက်တွင် ဖြစ်ခဲ့သေးသည်။ ထိုအဖြစ်အပျက်ကတော့ ပြင်သစ်သမ္မတ အီမင်နျူဝယ် မာခရွန် ကြုံတွေ့ရခြင်းဖြစ်သည်။ ယင်း အဖြစ်အပျက်သည်လည်း သမ္မတ ထရန့်နှင့်  ပတ်သက်နေသည်။ ပြင်သစ် သမ္မတ မာခရွန်က အထွေထွေ ညီလာခံကြီးတွင် ပူးတွဲ သဘာပတိလုပ်ရန် နယူးယောက်တွင် ရောက်ရှိနေခြင်း ဖြစ်သည်။ ပြင်သစ်သံရုံးကို သွားသည့် လမ်းတွင် ရဲများက သူလိုက်ပါလာသည့် ကားကို လမ်းပိတ်ထားခဲ့သည်။ အကြောင်းရင်းကတော့ သမ္မတ ထရန့်၏ ယာဉ်တန်းအတွက် လမ်းပိတ်ထားခြင်း ဖြစ်သည်။ လမ်းပိတ်ထားချိန်တွင် သမ္မတ မာခရွန်က နယူးယောက်က ရဲအရာရှိများကို လမ်းဖွင့်ပေးရန် စကားပြောဆိုခဲ့ရသည်ဟု သတင်းများက ဆိုသည်။ ပြင်သစ် သံရုံးသို့ ရောက်ရှိသည့် အခါတွင် သမ္မတ မာခရွန်က  ထိုအကြောင်းကို သမ္မတ ထရန့်အား ဖုန်းခေါ်ပြီး ပြောဆိုခဲ့သည်။

စက်လှေကား ရပ်သွားသည့် သမ္မတနှင့် လမ်းပိတ်ခံထားရသည့် သမ္မတ

စက်လှေကား ရပ်သွားသည့် သမ္မတနှင့် လမ်းပိတ်ခံထားရသည့် သမ္မတ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၄ ရက်။  စက်တင်ဘာ ၂၄ ရက်နေ့က အမေရိကန…

  • September 25, 2025
နိုင်ကျဉ်းများ အကျဉ်းထောင်များအတွင်း ဆက်လက် သေဆုံးနေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၄ ရက်။   မြန်မာနိုင်ငံတစ်ဝန်း အကျဉ်းထောင်များတွင် လုံလောက်သော ဆေးကုသခွင့် မရသည့်အတွက် ယခုနှစ်အတွင်း နိုင်ငံရေး အကျဉ်းသား၊ အကျဉ်းသူ စုစုပေါင်း အယောက် ၂၀ ဦးအသက်ဆုံးရှုံးခဲ့သည်ဟု မြန်မာနိုင်ငံလုံးဆိုင်ရာ နိုင်ငံရေး အကျဉ်းသားများ ကွန်ရက် PPNM က ပြောသည်။   ယခုနှစ် ဇန္နဝါရီလမှ စက်တင်ဘာလ ၁၉ ရက်နေ့အထိ အကျဉ်းထောင်များ အတွင်း ဆေးဝါးစောင့်ရှောက်မှု လုံ လောက်စွာ မပေးခြင်း၊ အချိန်မီ ဆေးကုသခွင့် မပေးခြင်းတို့ကြောင့် နိုင်ငံရေးအကျဉ်းသား၊ အကျဉ်းသူ အနည်း ဆုံး အယောက် ၂၀ ဦးအသက် ဆုံးရှုံးခဲ့သည်ဟု PPNM က မှတ်တမ်းတင်ထားသည်။   (PPNM) ၏ ဦးဆောင် ကော်မတီဝင် ကိုသိုက်ထွန်းဦးက “လုံလောက်တဲ့ ကျန်းမာရေးစောင့်ရှောက်မှု မပေးနိုင် တာ၊ ဆေးဝါးတွေ ပြတ်လပ်တာ၊ ပြင်ပဆေးရုံတွေကို အချိန်နဲ့တပြေးညီ မပို့တာတွေကြောင့်မို့လို့ နိုင်ငံရေး အကျဉ်းသားတွေ သေဆုံးနေရပါတယ်။ အဆိုးဆုံး ဒီနှစ်ထဲမှာ သေဆုံးနေတဲ့ ထောင်ဆိုရင်တော့ မန္တလေး အိုးဘို အကျဉ်းထောင် ဖြစ်ပါတယ်” ဟု ပြောသည်။   ဆေးကုသခွင့် မရရှိမှုကြောင့် အသက်ဆုံးရှုံးခဲ့ရသည့် နိုင်ငံရေး အကျဉ်းသား၊ အကျဉ်းသူ အယောက် ၂၀ ဦးတို့ သည် မန္တလေး အိုးဘိုအကျဉ်းထောင်၊ ဒိုက်ဦး၊ မြောင်းမြ၊ သာယာဝတီ၊ ကော့သောင်း၊ ပေါင်းတည်၊ အင်းစိန်၊ ရမည်းသင်းနှင့် သရက်အကျဉ်းထောင်တို့မှ ဖြစ်သည်ဟု ဆိုသည်။   ထို နိုင်ငံရေး အကျဉ်းသား၊ အကျဉ်းသူ အများစုသည် သွေးတိုး၊ ဆီးချို၊ အသည်း၊ နှလုံး၊ အစာအိမ်၊ ကျောက် ကပ်၊ ပန်းနာရင်ကြပ်နှင့် အမောဖောက်ခြင်း စသည့် ကျန်းမာရေး အခြေအနေများကို ခံစားရပြီး ဆေးဝါးစောင့် ရှောက်မှု အချိန်မှီ မရရှိမှုကြောင့် အသက်ဆုံးရှုံးခဲ့ကြရသည်ဟု ကိုသိုက်ထွန်းဦး က ပြောသည်။   “အထူးသဖြင်တော့ ထောင်တွင်းကျန်းမာရေးကြောင့် ဆုံးတယ်ဆိုပေမဲ့ ထောင်တွင်း ကျန်းမာရေး စောင့်ရှောက် မှု လုံလောက်စွာမရရှိလို့ အသက်သေဆုံးခဲ့ရတယ် ဆိုရင် ပိုပြီးတော့မှ မှန်ကန်တယ်။ ထောင်တစ်ထောင်မှာ ဆရာဝန် အင်အားဟာ ၃ ဦးကနေ ၅ ဦးအထိ ရှိပါတယ်။ အင်းစိန်လိုမျိုး သောင်းဂဏန်း ဝန်းကျင်ရှိတဲ့ အကျဉ်း သားတွေကို ထိထိရောက်ရောက် ကာဗာဖြစ်အောင် ကုသပေးဖို့ အတွက်ဆိုရင် အင်မတန်ကိုမှ အခက်အခဲ ရှိတဲ့ အခြေအနေ ဖြစ်ပါတယ်။”   မကွေးတိုင်း၊ သရက်အကျဉ်းထောင်တွင် ညွှန်မှူးလမ်းကြောင်းရှိနေ၍ အရေးပေါ်လူနာကို ထောင်အာဏာပိုင် များ က အချိန်မီ ဆေးကုသခွင့် မ‌ပေးခဲ့သဖြင့် နိုင်ငံရေး အကျဉ်းသား ကိုကျော်လင်းအောင် သည် စက်တင်ဘာလ ၁၇ ရက်နေ့၊ ညနေပိုင်းတွင် မသေဆုံးသင့်ဘဲ သေဆုံးခဲ့ရသည်ဟု PPNM က ဆိုသည်။   အဆိုပါ သရက်အကျဉ်းထောင်ရှိ ထောင်ပိုင် ဦးစိုးနောင်သည် နိုင်ငံရေး အကျဉ်းသားများ‌ အပေါ် အကျဉ်းထောင် ဥပဒေကို လက်တစ်လုံးခြား လုပ်ကာ ဖိနှိပ်မှုများကိုလည်း စနစ်တကျ ကျူးလွန်နေသည်ဟု PPNM က ဆိုသည်။   အကျဉ်းထောင်များ အတွင်း အကျဉ်းသူ/သားများအား ဆေးဝါးကုသခွင့် မပေးခြင်းသည် လူသား တစ်ယောက် ရရှိရမည့် အသက်ရှင်သန်ပိုင်ခွင့်ကို အတိအလင်း ချိုးဖောက်‌နေခြင်းဖြစ်သည် ဟု ကိုသိုက်ထွန်းဦးက ဆက် ပြော သည်။   “အထူးသဖြင့် အကျဉ်းထောင်ထဲမှာ ရှိတဲ့ အကျဉ်းသားတွေဟာ အကျဉ်းသား အခွင့်အရေးရော လူ့အခွင့် အရေး ရော ဆုံးရှုံးနေတဲ့ အခြေအနေ တစ်ခု ဖြစ်ပါတယ်။ ဒါကြောင့်မို့လို့ ထောင်ထဲမှာရှိတဲ့ လက်ရှိ ပြည်သူ လူထု ခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားတွေရဲ့ အသက်ရှင်သန် ပိုင်ခွင့်ကို အဆိုး ဝါးဆုံး ခြိမ်းခြောက်ခံရတဲ့ အခြေအနေမှာ ရောက်နေတယ်လို့ ပြောချင်ပါတယ်။ အဲ့တော့ အကျဉ်းထောင်ထဲမှာ ရှိတဲ့ နိုင်ငံရေးအကျဉ်းသားတွေကိုလုံလောက်တဲ့ ကျန်းမာရေးစောင့်ရှောက်မှု မပေးတာ အကျဉ်းသားတွေ အရေးပေါ်ဖြစ်တဲ့ အခြေအနေမှာ နိုင်ငံရေး အကျဉ်းသားတွေကို ပြင်ပဆေးရုံ မထုတ်တာဟာ တစ်ဖက်ကနေ နိုင်ငံရေး အကျဉ်းသားတွေ အသက်သေဆုံးအောင် သတ်ဖြတ်နေခြင်း ဖြစ်ပါတယ်။”   နိုင်ငံရေး အကျဉ်းသားများ အပါအဝင် အခြား အကျဉ်းသားများသည် အကျဉ်းထောင်ထဲတွင် အကျဉ်းသား တစ်ဦး ရရှိရမည့် အခွင့်အရေးများ ဆုံးရှုံးနေရသည်။   အထူးသဖြင့် အခြေခံ အကျဆုံးဖြစ်သည့် စားသောက်နေထိုင်ရေးနှင့် ကျန်းမာစွာ ထောင်တွင်းတွင် အသက်ရှင် နေထိုင်ရေးသည် အပြည့်အဝ ရရှိရမည် ဖြစ်သော်လည်း လက်ရှိ မြန်မာနိုင်ငံတွင် ချိုးဖောက် ခံနေရသည့် အခြေအနေ တစ်ခု ဖြစ်နေသည်ဟု ကိုသိုက်ထွန်းဦးက ပြောသည်။   အကျဉ်းထောင်များတွင် အကျဉ်းသား အခွင့်အရေးနှင့် လူ့အခွင့်အရေး ချိုးဖောက်မှုများတွင် အဓိက ကျူးလွန် နေသူများ၊ ပါဝင်နေသူများအနေဖြင့် ရပ်တန်းမှရပ်ရန် PPNM ဆိုသည်။   တာဝန်ယူမှု၊ တာဝန်ခံမှုမရှိဘဲ ဆက်လက်ကျူးလွန်နေပါက ကျူးလွန်သူများကို ဆက်လက် ဖော်ထုတ်သွားမည် ဖြစ်ပြီး နိုင်ငံရေး အကျဉ်းသူ/သားများ အတွက် တရားမျှတမှု အပြည့်အဝရရှိရေး ဆောင်ရွက်သွားမည် ဖြစ် ကြောင်း PPNM က စက်တင်ဘာလ ၁၉ ရက်နေ့ တွင် သတိပေးထုတ်ပြန်ထားသည်။

နိုင်ကျဉ်းများ အကျဉ်းထောင်များအတွင်း ဆက်လက် သေဆုံးနေ

နိုင်ကျဉ်းများ အကျဉ်းထောင်များအတွင်း ဆက်လက် သေဆုံးနေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ စက်တင်ဘာလ ၂၄ ရက်။  မြန်မာနိုင်ငံတစ်ဝန်း အကျဉ်းထောင်မ…

  • September 25, 2025
ဖယ်ခုံရောက် ပင်လောင်း စစ်ရှောင်များ အရေးပေါ် အကူအညီများ လိုအပ်နေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၄ ရက်။   ဖယ်ခုံရောက် ပင်လောင်း စစ်ဘေးရှောင်များ အတွက် နေရာထိုင်ခင်း အကူအညီ အရေးပေါ် လိုအပ်သည်ဟု အကူအညီ ပေးနေသူများက ပြောသည်။   စစ်ကော်မရှင်တပ်၏ စစ်ကြောင်းထိုးမှုကြောင့် ဖယ်ခုံမြို့နယ်ရောက် ပင်လောင်း စစ်ဘေးရှောင်များအတွက် အမိုး၊ အကာ၊ နေရာထိုင်ခင်း အကူအညီများ လိုအပ်နေကြသည်ဟု စစ်ဘေးရှောင်အရေး ကူညီဆောင်ရွက် နေသူများက ပြောသည်။   စစ်ဘေးရှောင်အရေး ကူညီဆောင်ရွက်ပေးနေသည့် JFK အဖွဲ့ ဦးဆောင်သူ တစ်ဦးက “ဖယ်ခုံ အနောက်ဘက် ခြမ်းက ရွာတွေမှာ နေထိုင်နေကြပါတယ်။ တောင်မဲသင်းကို စကစ စစ်ကြောင်းထိုးလာပြီး ရသွားတော့ နေလို့ မရတော့ဘူး။ အဲဒီကနေ တဆင့် ထပ်ထိုးဖို့ ပြင်နေလို့ အနီးနားကရွာတွေ ရှောင်ပြေးနေရတာပါ” ဟု ပြော သည်။   ရှမ်းပြည်တောင်ပိုင်း၊ ပအိုဝ်း ကိုယ်ပိုင်အုပ်ချုပ်ခွင့်ရ ဒေသ၊ ပင်လောင်းမြို့နယ်၊ တောင်မဲသင်းကျေးရွာသို့ စက်တင်ဘာလ ၁၃ ရက်နေ့မှ စတင်ပြီး စစ်ကော်မရှင်တပ်နှင့် ပအိုဝ်းပြည်သူ့စစ်အဖွဲ့ (PNA) တို့က စစ်ကြောင်း ထိုးလာသဖြင့် ဒေသခံများ တိမ်းရှောင်နေရခြင်း ဖြစ်သည်။   ဖယ်ခုံမြို့နယ် အနောက်ဘက်ခြမ်းတွင် အိမ်ထောင်စု ၁၅ စုမှ လူဦးရေ ၁၀၀ ဝန်းကျင် ခိုလှုံနေကြပြီး ယာယီတဲ ၁၅ လုံး ဆောက်လုပ်ပေးရန်အတွက် အလှူငွေများ လိုအပ်နေခြင်း ဖြစ်သည်။   လက်ရှိတွင် တဲများ ဆောက်လုပ်ပေးရန် အတွက် JFK နှင့် Dove KK ဆိုသည့် အကူအညီပေးရေး အဖွဲ့တို့မှ တာဝန်ယူထားပြီး တဲတစ်လုံးအတွက် ကျပ် ၁၀ သိန်း ကျသင့်မည်ဟု ဆိုသည်။   ထို့အပြင် အဆိုပါ စစ်ရှောင်များအတွက် အခြား အသုံးအဆောင် ပစ္စည်းများနှင့် စားနပ်ရိက္ခာများလည်း လိုအပ်လျက်ရှိသည်ဟု ပြောသည်။   စစ်ကော်မရှင် ပူးပေါင်းတပ်များ ထိန်းချုပ်ထားသည့် တောင်မဲသင်းနှင့် နန်းနိန်းကျေးရွာ အနီးတစ်ဝိုက်တွင် တိုက်ပွဲများ ဆက်လက် ဖြစ်ပွားနေဆဲဖြစ်ပြီး ဖယ်ခုံမြို့ အနောက်ဘက်ခြမ်းကိုလည်း ဆက်လက် စစ်ကြောင်းထိုး နေသည်ဟု မြေပြင်အရင်းအမြစ်များက ဆိုသည်။   JFK အဖွဲ့ ဦးဆောင်သူက “လက်ရှိကတော့‌ နေလို့ရတဲ့ ရွာတွေ ကျန်နေသေးပေမယ့် တော်တော်များများကတော့ ရှောင်ရတာပေါ့။ မရိတ်နိုင်သေးတဲ့ လယ်တွေ ကျန်ခဲ့လို့ စိုးရိမ်စိတ်နဲ့ အခြေအနေ စောင့်ကြည့်ပြီး ကျန်ခဲ့တဲ့ တောင်သူတွေလည်း လူနည်းစု ရှိပါတယ်” ဟု ဆက်ပြောသည်။   စစ်ကော်မရှင်တပ်က ရွေးကောက်ပွဲ ကျင်းပနိုင်ရေးအတွက် ပင်လောင်းနှင့် ဖယ်ခုံမြို့နယ်တို့ကို အပြီးသတ် ထိန်းချုပ်နိုင်ရန် အပြင်းအထန် ထိုးစစ်ဆင်လျက်ရှိပြီး လက်နက်ကြီး၊ ဒရုန်းတို့အပြင် လေကြောင်းမှလည်း တိုက်ခိုက်မှုများလည်း လုပ်နေသည်ဟု ဆိုသည်။   ပင်လောင်းမြို့နယ်တွင် ကာကင်းစခန်း အချို့အား တော်လှန်ရေး တပ်များက လက်လွှတ်ထားရပြီး ဖြစ်သည်။   သို့သော် အဆိုပါ နေရာများကို အပြီးသတ် သိမ်းယူထားခြင်းမျိုး မဟုတ်သေးသောကြောင့် နှစ်ဖက်ကြား ထိတွေ့တိုက်ပွဲများ နေ့စဉ် ဖြစ်ပွားနေသည်ဟု မြေပြင် သတင်းအရင်းအမြစ်များက ပြောသည်။

ဖယ်ခုံရောက် ပင်လောင်း စစ်ရှောင်များ အရေးပေါ် အကူအညီများ လိုအပ်နေ

ဖယ်ခုံရောက် ပင်လောင်း စစ်ရှောင်များ အရေးပေါ် အကူအညီများ လိုအပ်နေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ စက်တင်ဘာလ ၂၄ ရက်။  ဖယ်ခုံရောက် ပင်လောင်း…

  • September 25, 2025
ဗန်းမောက်မြို့သိမ်း တိုက်ပွဲတွင် နိုင်ကျဉ်း ၃ ဦး လွတ်မြောက်လာ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၄ ရက်။   ဗန်းမောက်မြို့သိမ်းတိုက်ပွဲတွင် နှစ်ရှည်ထောင်ဒဏ် ချမှတ်ခံထားရသည့် နိုင်ငံရေး အကျဥ်းသား ၃ ဦး လွတ်မြောက်လာသည်။   စစ်ကိုင်း - ကချင်အစပ်က ဗန်းမောက်မြို့ကို တော်လှန်ရေး အင်အားစုများက သိမ်းပိုက်ပြီးနောက် ဗန်းမောက် အချုပ်ထောင်ရှိ နှစ်ရှည် နိုင်ငံရေး အကျဥ်းသား ၃ ဦး လွတ်မြောက်လာခြင်း ဖြစ်သည်ဟု နီးစပ်သူများက ပြောသည်။   လွတ်မြောက်လာသူများနှင့်နီးစပ်သူတစ်ဦးက “ဆရာမက NUG အောက်မှာ တာဝန်ထမ်းဆောင်နေတဲ့ ဆရာမ ဟုတ်တယ်။ တစ်ယောက်က ထောက်ပို့ အဲ့တစ်ယောက်က ထောင်ဒဏ် တစ်သက်ကျထားတာ။ နောက် တစ်ယောက်ကတော့ နိုင်ငံရေးမှုပဲတဲ့ ဘယ်လိုလူ ဘယ်လိုအမှုလည်းတော့ မသိဘူး။ ကျနော့ အထင် သူတို့ကို အကျဥ်းထောင်မှာပဲ ထောင်မပြောင်းပဲ ချထားတယ်ထင်တယ်” ဟု ပြောသည်။   တော်လှန်ရေးအင်အားစုများကို ထောက်ပို့လုပ်ရင်း ဖမ်းဆီးခံခဲ့ရသည့် ထောင်ဒဏ် တစ်သက်ကျခံနေရသူ အမျိုးသားတစ်ဦး အပါအဝင် NUG လက်အောက်တွင် တိုက်နယ်တာဝန်ခံ လုပ်နေသည့် CDM ပညာရေး ဝန်ထမ်း အမျိုးသမီး နှင့် ထောင်ဒဏ် ၇ နှစ် ကျခံနေရသူ နိုင်ငံရေးအကျဥ်းသားတို့ ထွက်ပြေး လွတ်မြောက်လာ ခြင်း ဖြစ်သည်။   လုံခြုံရေး အခြေအနေအရ လွတ်မြောက်လာသူများ၏ နာမည်အတိအကျကိုမူ ထုတ်ဖော် ပြောဆို၍ မရသေး ဟု ဆိုသည်။   ထွက်ပြေး လွတ်မြောက်လာသူများသည် ဗန်းမောက်မြို့တွင် ဖမ်းဆီးခံခဲ့ရသူများ ဖြစ်ပြီး ထောက်ပို့လုပ်သူ အမျိုးသားနှင့် CDM ဆရာမသည် ပုဒ်မ ၅၀ - ည၊ ၅၂ - က စသည့် ပုဒ်မများဖြင့် အကျဥ်းချခံထားရသူများ ဖြစ် ကြသည်။   ထောင်ဒဏ် ၇ နှစ် ချခံထားရသူ အမျိုးသားသည် ပုဒ်မ ၅၀၅ - က ဖြင့် အကျဥ်းချခံထားရသူ ဖြစ်ပြီး မူးယစ်ဆေး မှုဖြင့် အကျဥ်းကျနေသည့် အမျိုးသားတစ်ဦးလည်း လွတ်မြောက်လာသေးသည်ဟု နီးစပ်သူများက ပြောသည်။   စစ်တပ်က အာဏာသိမ်းပြီးနောက်ပိုင်း နိုင်ငံတစ်ဝှမ်းတွင် စစ်ကော်မရှင်က အာဏာသိမ်းမှုဖြစ်စဥ်နှင့် ဆက်စပ် ပြီး စုစုပေါင်း ၂၉,၇၁၁ ဦး ကို ဖမ်းဆီးခဲ့သည်။   ဖမ်းဆီးခံရသူများထဲမှ လူဦးရေ ၂၂,၄၃၀ ဦးမှာ ထိန်းသိမ်းခံရဆဲ ဖြစ်ကာ ၁၁,၁၀၃ ဦးသည် ထောင်ဒဏ် ချမှတ် ခံထားရကြောင်း နိုင်ငံရေး အကျဥ်းသားများ ကူညီစောင့်ရှောက်ရေး အသင်း  AAPP က ထုတ်ပြန်ထားသည်။

ဗန်းမောက်မြို့သိမ်း တိုက်ပွဲတွင် နိုင်ကျဉ်း ၃ ဦး လွတ်မြောက်လာ

ဗန်းမောက်မြို့သိမ်း တိုက်ပွဲတွင် နိုင်ကျဉ်း ၃ ဦး လွတ်မြောက်လာ သတင်းနှင့် မီဒီယာ ကွန်ရက်။၂၀၂၅ ခုနှစ်၊ စက်တင်ဘာလ ၂၄ ရက်။  ဗန်းမောက်မြို့သိမ်းတိုက်…

  • September 25, 2025
ဗီယက်နမ် အမျိုးသမီးတစ်ဦး ခင်ပွန်းနှင့် တူ နှစ်ဦး သတ်မှုဖြင့် တရားစွဲခံရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၃ ရက်။ ဗီယက်နမ်နိုင်ငံ ဒေါင်နိုင် (Dong Nai) ပြည်နယ်က ဥပဒေအရာရှိတွေဟာ အသက် ၄၀ အရွယ် အမျိုးသမီးတစ်ယောက်ကို ခင်ပွန်းဖြစ်သူနဲ့ တူဖြစ်သူတွေကို သတ်ဖြတ်မှု နဲ့ စွဲချက်တင်လိုက်ပါတယ်။ အသက် ၄၀ အရွယ် ငုယင်သီဟောင်ဘစ်ချ် (Nguyen Thi Hong Bich)ကို ခင်ပွန်းဖြစ်သူနဲ့ တူ ၃ ယောက်ကို ဆိုင်ယာနိုက် အဆိပ် ခတ်ခဲ့တဲ့ အတွက် တူတယောက်က ပြင်းထန်စွာ ဒဏ်ရာရခဲ့ပြီး ကျန်သူတွေ သေဆုံးခဲ့ရတယ်ဆိုပြီး အာဏာပိုင်တွေက သူ့အပေါ် သံသယ ရှိတာ ဖြစ်ပါတယ်။ ၂၀၂၄ ခုနှစ် အလယ်ပိုင်းမှာ ဘစ်ချ်ရဲ့ ၁၉ နှစ်အရွယ် တူတယောက်ဟာ ဝက်ခြံအတွက် ဆေးသောက်ပြီး လဲကျသွားရာကနေ ဆွေမျိုးတွေက သူ့ကို ဆေးရုံပို့ခဲ့ပါတယ်။ ကျန်းမာရေး ဌာနက သူ့ရဲ့ ခန္ဓာကိုယ်ထဲမှာ ဆိုင်ယာနိုက် အဆိပ် ပမာဏ အများအပြား တွေ့ခဲ့တယ်လို့ ဆိုပါတယ်။ အဲဒီ ဖြစ်ရပ်မှာ အဆိပ်မိသူရဲ့ ဦးလေး ဖြစ်သူက ရဲကို တိုင်ကြားခဲ့တာကြောင့် ရဲက စုံစမ်းစစ်ဆေးမှုတွေ လုပ်ရာကနေ တခြား အမှုတွေ ပေါ်ပေါက်လာတာ ဖြစ်ပါတယ်။ စုံစမ်း မေးမြန်းမှုတွေမှာ ငုယင် သီဟောင်ဘစ်ချ်က သူ့ယောက်ျား ငုယင် သိုအိုင်ထန် (Nguyen Thoai Thanh) သောက်မယ့် ဆေးကို အဆိပ်ဆေးနဲ့ လဲထားခဲ့တာကို ဝန်ခံခဲ့ပါတယ်။ အဲဒါအပြင် သူ့ညီမရဲ့ သားဖြစ်တဲ့ အသက် ၈ နှစ်အရွယ် တူတယောက်နဲ့ အကိုရဲ့ သား ဖြစ်တဲ့ အသက် ၁၃ နှစ်အရွယ် တူ တစ်ယောက်တို့ကိုလည်း သူတို့ သောက်မယ့် အရည်တွေထဲမှာ ဆိုင်ယာနိုက် အဆိပ်‌တွေ ထည့်ခဲ့တယ်လို့ ဝန်ခံခဲ့ပါတယ်။ ဘစ်ချ်ဟာ ဆိုင်ယာနိုက် အဆိပ်ကို အွန်လိုင်းက နေ ၂၀၂၂ ခုနှစ်မှာ ဝယ်ယူခဲ့တာလို့ ဆိုပါတယ်။ သူ့ကိုယ်သူ သတ်သေဖို့ ဖြစ်ပေမယ့် မသောက်ဖြစ်ခဲ့ပဲ နောက်ပိုင်းမှာ မိသားစု အတွင်း ပြဿနာတွေကြောင့် မိသားစုထဲကလူတွေအတွက် အဆိပ်တွေကို အသုံးပြုခဲ့တာ လို့ ဆိုပါတယ်။

ဗီယက်နမ် အမျိုးသမီးတစ်ဦး ခင်ပွန်းနှင့် တူ နှစ်ဦး သတ်မှုဖြင့် တရားစွဲခံရ

ဗီယက်နမ် အမျိုးသမီးတစ်ဦး ခင်ပွန်းနှင့် တူ နှစ်ဦး သတ်မှုဖြင့် တရားစွဲခံရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၃ ရက်။  ဗီယက်နမ်နိုင်…

  • September 23, 2025
တိုင်ဖုန်း ရာဂါဆာကြောင့် ထိုင်းနှင့် မြန်မာ မိုးကြီးမည်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၃ ရက်။   တောင်တရုတ်ပင်လယ်တွင် ဖြစ်ပွားနေသည် စူပါ တိုင်ဖုန်း ရာဂါဆာကြောင့် ထိုင်းနှင့် မြန်မာနိုင်ငံ အနှံ့အပြားတွင် မိုးကြီး ရေလျှံမှုများ ဖြစ်နိုင်သည်ဟု မိုးလေဝသ ဌာနများက သတိပေးထားသည်။   ရာဂါဆာ မုန်တိုင်းမှာ ယခုနှစ်အတွင်း ဖြစ်ပွားခဲ့သည့် မုန်တိုင်းများအတွင်း အပြင်းထန် ဆုံး မုန်တိုင်းဖြစ်လာနေသည်။   ဟောင်ကောင်နဲ့ ထိုင်ဝမ်ကို သွားလာကြမည့် လေယာဉ်ခရီးစဉ် အများအပြားကို ဖျက်သိမ်းထားသည်။ တရုတ်၊ ဟောင်ကောင်နှင့် မကာအိုဒေသများတွင် လူပေါင်း ၄ သိန်းကျော် ရွှေ့ပြောင်းထားပြီး တရုတ်နိုင်ငံ ကွမ်တုံ ပြည်နယ်တွင် ကျောင်းများ၊ ရုံးများပိတ်ထားပြီး အများသုံး သယ်ယူပို့ဆောင်ရေး လုပ်ငန်းများကို ရပ်ဆိုင်းထားသည်။ ဟောင်ကောင်က လေယာဉ် ခရီးစဉ် ၅၀၀ ကျော်ကို ဖျက်သိမ်းထားပြီး ကျောင်းများကို ၂ ရက် ပိတ်ထားသည်။   မကာအိုတွင် ကျောင်းများကို ၂ ရက် ပိတ်ထားပြီး မြေနိမ့်ပိုင်းတွင် နေထိုင်သူများကို အရေးပေါ် ရွှေ့ပြောင်းနိုင်ရန် အတွက် အဆင်သင့် ပြင်ဆင်ထားရန် ညွှန်ကြားထားသည်။   ယနေ့ အင်္ဂါနေ့တွင် ဟောင်ကောင်ဘက်သို့ မုန်တိုင်းက သွားနေပြီး ကြာသပတေးနေ့တွင်  တုံကင် ပင်လယ်ကွေ့ကို ဖြတ်သန်းသွားမည် ဖြစ်သည်။ ထို့နောက် ဗီယက်နမ် နိုင်ငံ မြောက်ပိုင်းသို့ ဝင်ရောက်သွားမည် ဖြစ်ပြီး ကုန်းတွင်းပိုင်း လေအေးများကြောင့် ကြာသပတေးနဲ့ သောကြာနေ့များတွင် မုန်တိုင်း အားပျော့သွားမည်ဟု မိုးလေ ဝသဌာနများက ခန့်မှန်းထားသည်။   သို့ရာတွင် မုန်တိုင်းအရှိန်ကြောင့် ထိုင်းနိုင်ငံနဲ့ မြန်မာနိုင်ငံတွင် မိုးသည်းထန်စွာ ရွာသွန်းပြီး ရေကြီးရေလျှံမှုတွေ ဖြစ်နိုင်သည်ဟု သတိပေးထားသည်။   ထိုင်းနိုင်ငံ သဘာဝ ဘေးအန္တရာယ် ကာကွယ်ရေးနှင့် လျော့ချရေး ဌာနက ထိုင်း မြောက်ပိုင်း အရှေ့မြောက်ပိုင်း၊ အလယ်ပိုင်း လွင်ပြင်နဲ့ အရှေ့ပိုင်းဒေသများက ခရိုင် ၁၆ ခုတွင် ရေကြီးနိုင်သည်ဟု သတိပေးထားသည်။   အဆိုပါ သတိပေးထားသော ခရိုင်များတွင် ချင်းမိုင်ခရိုင်လည်း ပါဝင်သည်။

တိုင်ဖုန်း ရာဂါဆာကြောင့် ထိုင်းနှင့် မြန်မာ မိုးကြီးမည်

တိုင်ဖုန်း ရာဂါဆာကြောင့် ထိုင်းနှင့် မြန်မာ မိုးကြီးမည် သတင်းနှင့် မီဒီယာ ကွန်ရက်။၂၀၂၅ ခုနှစ်၊ စက်တင်ဘာလ ၂၃ ရက်။  တောင်တရုတ်ပင်လယ်တွင် ဖြစ်ပွားန…

  • September 23, 2025
ပါလက်စတိုင်းနိုင်ငံ အား နိုင်ငံအများအပြား အသိအမှတ်ပြု   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၃ ရက်။   ကုလသမဂ္ဂ အထွေထွေ ညီလာခံကြီး အတွင်း ဥပရောပ နိုင်ငံအများအပြားသည် ပါလက်စတိုင်းအား နိုင်ငံအဖြစ် အသိအမှတ်ပြုကြောင်း တနင်္လာနေ့က ကြေညာခဲ့ကြသည်။   ပါလက်စတိုင်းကို မနေ့က အသိအမှတ်ပြုခဲ့သည့် ဥရောပ နိုင်ငံများတွင် ပြင်သစ်၊ ဘယ်လ်ဂျီယံ၊ မိုနာကို၊ လူဇင်ဘတ်၊ မော်လ်တာ တို့ ပါဝင်ပြီး စက်တင်ဘာ ၂၀ ရက်နေ့က အသိအမှတ်ပြုသည့် နိုင်ငံများတွင် ဗြိတိန်၊ ကနေဒါ၊ ဩစတေးလျနဲ့ ပေါ်တူဂီ တို့ ပါဝင်သည်။   အမေရိကန် နိုင်ငံက ပါလက်စတိုင်းကို နိုင်ငံအဖြစ် အသိအမှတ်ပြုခြင်းကို ဆန့်ကျင်ထားပြီး အစ္စရေး ဝန်ကြီးချုပ် ဘင်ဂျမင် နေတန်ရာဟုကတော့ ပါလက်စတိုင်း နိုင်ငံ ဖြစ်မလာစေရဘူးဟု ကတိပြုထားသည်။   လက်ရှိ အခြေအနေအထိ ကုလသမဂ္ဂ အဖွဲ့ဝင် နိုင်ငံများ၏ ၈၀ % သည် ပါလက်စတိုင်းနိုင်ငံကို အသိအမှတ်ပြုထားပြီဟု CNN သတင်းဌာနက ပြောသည်။   တချို့ နိုင်ငံများက ပါလက်စတိုင်း နိုင်ငံကို သတ်မှတ်ချက်များနှင့် အတူ အသိအမှတ်ပြုလိုသည်ဟု ထုတ်ဖော်ခဲ့သည်။ အင်ဒိုရာ (Andorra) နိုင်ငံ၏ နိုင်ငံခြားရေး ဝန်ကြီး အင်မာ တော် ဖောက်စ် (Imma Tor Faus) က ဟားမာ့စ်များကို လက်နက်ဖြုတ်ပြီး ဓါးစာခံများအားလုံး ပြန်လွှတ်ပေးမှသာ အသိအမှတ်ပြုမည်ဟု ဆိုသည်။ ဘယ်လ်ဂျီယံ နိုင်ငံကလည်း ထိုသဘောထားအတိုင်း ပြောဆိုခဲ့သည်။   တချိန်တည်းမှာပင် ဂါဇာကမ်းမြှောင် ဒေသတွင် တိုက်ခိုက်မှုများ ဆက်ဖြစ်နေပြီး တနင်္လာနေ့တရက်ထဲတွင် လူ ၅၀ ကျော် သေဆုံးခဲ့ရသည်။ ဂါဇာစစ်ပွဲတွင် ယခုချိန်ထိ သေဆုံးသူပေါင်း ၆၅,၀၀၀ ရှိသွားပြီဟု ပါလက်စတိုင်း ကျန်းမာရေး ဌာနက ပြောသည်။   အီဂျစ်နိုင်ငံကတော့ ပါလက်စတိုင်းနိုင်ငံ ပေါ်ပေါက်ပြီး အပစ်အခတ်ရပ်စဲရေး ရသည်နှင့် ဂါဇာ ပြန်လည် တည်ဆောက်ရေး ဆွေးနွေးပွဲတွေကို သူ့နိုင်ငံမှာ ကျင်းပသွားမည်ဟု ကမ်းလှမ်းထားသည်။

ပါလက်စတိုင်းနိုင်ငံ အား နိုင်ငံအများအပြား အသိအမှတ်ပြု

ပါလက်စတိုင်းနိုင်ငံ အား နိုင်ငံအများအပြား အသိအမှတ်ပြု သတင်းနှင့် မီဒီယာ ကွန်ရက်။၂၀၂၅ ခုနှစ်၊ စက်တင်ဘာလ ၂၃ ရက်။  ကုလသမဂ္ဂ အထွေထွေ ညီလာခံကြီး အတွင…

  • September 23, 2025
ဖားကန့်မြို့တွင် ဒရုန်းဗုံးထိမှန်သဖြင့် သားအဖနှစ်ဦးသေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၃ ရက်။   ကချင်ပြည်၊ ဖားကန့်မြို့နယ်ထဲက ဆိုင်းတောင် (ဆိပ်မူ)ကျေးရွာ အုပ်စုထဲ စစ်ကော်မရှင်တပ်က ဒရုန်းဖြင့် ဗုံးကြဲခဲ့ရာ သားအဖနှစ်ဦး ထိမှန်သေဆုံးခဲ့သည်။   ကချင်လွတ်လပ်ရေး တပ်မတော် KIA နှင့် ပြည်သူ့ကာကွယ်ရေးတပ်ဖွဲ့ PDF ပူးပေါင်းအဖွဲ့က ထိန်းချုပ်ထားသည့် ဆိုင်းတောင် (ဆိပ်မူ) ကျေးရွာအုပ်စုထဲက ကျောက်သွေးတောင်ကျေးရွာအား စစ်ကော်မရှင်တပ်က ဒရုန်းဖြင့် ဗုံးကြဲခဲ့ခြင်း ဖြစ်သည်။   အဆိုပါ ကျေးရွာအတွင်း နေထိုင်သည့် သားအဖနှစ်ဦးမှာ ဒရုန်းဗုံးထိမှန်သဖြင့် သေဆုံးခဲ့ရသည်ဟု ဒေသခံများ ကပြောသည်။   စစ်ရေး သတင်းအရင်းအမြစ် တစ်ဦးက “ဟုတ်ပါတယ်။ မနေ့ကဘဲ ဒရုန်းနဲ့ချလို့ ပြည်သူနှစ်ယောက် သားအဖ နှစ်ယောက်ပေါ့။ ဒရုန်းဗုံးထိမှန်လို့ သေဆုံးသွားတာ။ လောလောဆယ် စစ်တပ်ဘက်က ဒရုန်းဗုံးသီးချတာတွေက ဆိုင်းတောင်ဘက်တွေမှာ တော်တော်လုပ်နေတာ။ တိုက်ပွဲတော့ဒီ နှစ်ရက် သုံးရက် အတွင်း မရှိဘူး ငြိမ်နေပါ တယ်” ဟု ပြောသည်။   ဖားကန့်ဗျူဟာကုန်းမှ စစ်ကော်မရှင်ပူးပေါင်းတပ်များက စက်တင်ဘာလ ၂၂ ရက်နေ့တွင် ဒရုန်းဖြင့် ဗုံးကြဲချခဲ့ ခြင်း ဖြစ်ကြောင်း ဒေသခံများက ဆိုသည်။   သေဆုံးခဲ့သွားသည့် သားအဖနှစ်ဦးမှာ အသက် ၅၀ ဝန်းကျင်အရွယ် ဦးကျော်စိုး ဆိုသူနှင့် သားဖြစ်သူ မောင်ထူးထူးစံတို့ ဖြစ်သည်ဟု ဒေသခံများက ပြောသည်။   စစ်ကော်မရှင် ပူးပေါင်းတပ်နှင့် တော်လှန်ရေး အင်အားစုများအကြား ပြင်းထန်လာသည့် တိုက်ပွဲကြောင့် ဖားကန့် မြို့နယ်ထဲက ဘေးလွှတ်သည့် နေရာများတွင် တိမ်းရှောင်နေရသည့် ကျေးရွာ ၇ ရွာခန့်မှ ဒေသခံများသည် စက် တင်ဘာလ ၂၀ ရက်နေ့မှ စတင်ကာ မြစ်ကြီးနား၊ မိုးကောင်း၊ မိုးညှင်းစသည့် မြို့နယ်များသို့ ဆက်လက် တိမ်းရှောင်နေကြရသည်။   “ဖားကန့်က လောလောဆယ် စစ်ပွဲတွေကြောင့် စစ်ရှောင်ရွာကတော့ ရွာ ၇ ရွာလောက် ရှိနေပြီ။ ဒီဒေသခံတွေ ကလည်း ဖားကန့်မှာ မလုံခြုံတော့လို့ မိုးညှင်း၊ မြစ်ကြီးနားဘက်တို့ကို ရှောင်နေကြတယ်။ အလံဖြူလေးတွေ ထောင်ပြီး ဆိုင်ကယ်တွေနဲ့ ရွှေ့နေကြတာတွေ့ရတယ်“ ဟု အထက်ပါ စစ်ရေးသတင်းရင်းမြစ်က ဆက် ပြော သည်။   ဖားကန့်မြို့တွင် စစ်ကော်မရှင် ပူးပေါင်းတပ်နှင့် KIA ပူးပေါင်းတပ်တို့အကြားက အပြန်အလှန် ပစ်ခတ်မှုများထဲ အရပ်သား သေဆုံးမှုသည် တစ်နေ့ထက်တစ်နေ့ မြင့်တက်လာနေသည်။   ပြီးခဲ့သည့် စက်တင်ဘာလ ၉ ရက်နေ့တွင်လည်း ထုံးဘိုကျေးရွာရှိ တော်လှန်ရေး အင်အားစုများ၏ အထိုင်ဂိတ် အနီး အမှိုက်ကောက်နေသည့် သားအမိနှစ်ဦး ဒရုန်းဗုံး ထိမှန်ကာ သေဆုံးခဲ့ရသေးသည်။   အာဏာသိမ်းပြီးနောက်ပိုင်း နိုင်ငံတစ်ဝှမ်းတွင် စစ်ကော်မရှင်တပ်၏ လက်ချက်ကြောင့် ဒီမိုကရေစီ အရေး လှုပ်ရှားသူနှင့် အရပ်သား စုစုပေါင်း ၇၂၀၀ ကျော်သေဆုံးခဲ့ရပြီ ဖြစ်ကြောင်း နိုင်ငံရေး အကျဥ်းသားများ ကူညီစောင့်ရှောက်ရေး အသင်း AAPP က စက်တင်ဘာလ ၁၉ ရက်နေ့တွင် ထုတ်ပြန်ထားသည်။ Photo - Tarlin Mg  

ဖားကန့်မြို့တွင် ဒရုန်းဗုံးထိမှန်သဖြင့် သားအဖနှစ်ဦးသေဆုံး

ဖားကန့်မြို့တွင် ဒရုန်းဗုံးထိမှန်သဖြင့် သားအဖနှစ်ဦးသေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ စက်တင်ဘာလ ၂၃ ရက်။ ကချင်ပြည်၊ ဖားကန့်မြို့နယ်ထဲက…

  • September 23, 2025
ရွေးကောက်ပွဲ နှောင့်ယှက်မှုနှင့် ဖမ်းဆီးအမှုဖွင့်ခံရသူ ၁၄ ဦးထိ ရှိလာ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၃ ရက်။   ရွေးကောက်ပွဲ နှောင့်ယှက်မှုနှင့် ဖမ်းဆီးခံအမှုဖွင့်ခံရသူ ၁၄ ဦးအထိ ရှိလာပြီး ဖမ်းဆီးခံရသူများထဲ အသက် ၁၈ နှစ်အောက် လူငယ် ၃ ဦးလည်း ပါဝင်နေသည်။   ရွေးကောက်ပွဲအား ဆန့်ကျင်ခြင်းနှင့် ပျက်အောင် လှုံ့ဆော်မှုတို့ဖြင့် စွပ်စွဲခံရပြီး ဖမ်းဆီး အမှုဖွင့်ထားသည်ဟု စစ်ကော်မရှင်က ထုတ်ပြန်သည်။ 
ရန်ကုန်က လူငယ်နှစ်ဦးကို ရွေးကောက်ပွဲ ဆန့်ကျင်ရေး လှုံ့ဆော်မှုနှင့် ဖမ်းဆီးထားသည်ဟု စက်တင်ဘာလ ၂၀ ရက်နေ့၌ စစ်ကော်မရှင်က ထုတ်ပြန်ထားသည်။   စစ်ကော်မရှင်၏ ထုတ်ပြန်ချက်များအရ လူ ၁၄ ဦးမှာ မကြာသေးခင်ကမှ ပြဋ္ဌာန်းလိုက်သည့် ရွေးကောက်ပွဲ ဥပဒေနှင့် ဖမ်းဆီး အရေးယူခံထားရခြင်း ဖြစ်သည်ဟု သိရသည်။   စက်တင်ဘာ ၂၃ ရက်နေ့ စစ်တပ်လက်အောက်ခံ သတင်းစာပါ ထုတ်ပြန်ချက်အရ ဖမ်းဆီး အမှုဖွင့်ခံထားရသူ များမှာ အမျိုးသားများ ဖြစ်ကြသည်။   ထိုအထဲ၌ အသက်မပြည့်သေးသော ၁၈ နှစ်အောက် လူငယ် ၃ ဦး ပါနေသည်။   ဖမ်းဆီးခံရသောသူများထဲ၌ ကရင်နီပြည်က ၅ ဦး ပါသည်ဟု စစ်တပ် သတင်းစာက ဆိုသည်။   ထို့အပြင် ရန်ကုန် ရွှေပြည်သာက ၄ ဦးနှင့် စက်တင်ဘာလ ၂၂ ရက်နေ့ မတိုင်ခင် အထိက ၅ ဦး ဖမ်းဆီးခံထားရ ခြင်း ဖြစ်သည်။   ၎င်းတို့အား ရွေးကောက်ပွဲ နှောင့်ယှက်ဟန့်တား ဖျက်ဆီးခြင်းမှ ကာကွယ်‌‌ပေး‌ရေး ဥပဒေပုဒ်မ ၂၃ - က ဖြင့် အမှုဖွင့်ထားခြင်း ဖြစ်သည်။   ထိုဥပဒေပါ ပုဒ်မအရ ထောင်ဒဏ် အနည်းဆုံး ၃ နှစ်မှ အများဆုံး ၇ နှစ်အထိ ချမှတ်ခံရနိုင်သည့်အပြင် ငွေဒဏ် လည်း ချမှတ်နိုင်သည်။

ရွေးကောက်ပွဲ နှောင့်ယှက်မှုနှင့် ဖမ်းဆီးအမှုဖွင့်ခံရသူ ၁၄ ဦးထိ ရှိလာ

ရွေးကောက်ပွဲ နှောင့်ယှက်မှုနှင့် ဖမ်းဆီးအမှုဖွင့်ခံရသူ ၁၄ ဦးထိ ရှိလာ သတင်းနှင့် မီဒီယာ ကွန်ရက်။၂၀၂၅ ခုနှစ်၊ စက်တင်ဘာလ ၂၃ ရက်။ ရွေးကောက်ပွဲ နှောင…

  • September 23, 2025
×Close