သတင်း

စစ်မှုထမ်း သင်တန်းဆင်းတစ်ဦး လက်နက်နှင့်တကွဘက်ပြောင်း ခိုလှုံ။

စစ်မှုထမ်း သင်တန်းဆင်းတစ်ဦး လက်နက်နှင့်တကွဘက်ပြောင်း ခိုလှုံ။

စစ်မှုထမ်း သင်တန်းဆင်းတစ်ဦး လက်နက်နှင့်တကွဘက်ပြောင်း ခိုလှုံ။ သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၇ ရက်။ တနင်္သာရီတိုင်း ထားဝယ်မြို…

  • December 17, 2024
တနင်္သာရီမြို့နယ်ထဲတွင် စစ်ကောင်စီတပ်ဖွဲ့က ဓားပြတိုက်

တနင်္သာရီမြို့နယ်ထဲတွင် စစ်ကောင်စီတပ်ဖွဲ့က ဓားပြတိုက်

တနင်္သာရီမြို့နယ်ထဲတွင် စစ်ကောင်စီတပ်ဖွဲ့က ဓားပြတိုက် သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၇ ရက်။ မြိတ်ခရိုင်၊ တနင်္သာရီမြို့နယ်၊ ဇဝ…

  • December 17, 2024
စစ်မှုထမ်းထောက်ပံ့ကြေး မပေးပါက ရွာကနှင်ထုတ်ခံရမည်   သတင်းနှင့် မီဒီယာ ကွန်ရက်။ ၂၀၂၄ ခုနှစ်၊ ဒီဇင်ဘာလ ၁၆ ရက်။   ကျေးရွာအုပ်စု အုပ်ချုပ်ရေးမှူးက အုပ်စုအတွင်းရှိ ကျေးရွာ ၄ ရွာမှ အိမ်ထောင်ဦးစီးများကို အစည်းအဝေး ခေါ် ကာ စစ်မှုထမ်း ထောက်ပံ့ကြေး မပေးဆောင်းပါက ရွာထဲမှ နှင်ထုတ်မည်ဟု ခြိမ်းခြောက်ခဲ့ကြောင်း အစည်း အဝေး တက်ခဲ့သည့် ဒေသခံအချို့က ပြောသည်။   ဧရာဝတီတိုင်း၊ မော်လမြိုင်ကျွန်းမြို့နယ်၊ ဖိုးသာအေးကျေးရွာအုပ်စု စစ်ကောင်စီခန့် အုပ်ချုပ်ရေးမှူး ဦးယဉ်ဌေး က ဒီဇင်ဘာလ ၉ ရက်နေ့က ဖိုးသာအေးကျေးရွာတွင် ပြုလုပ်သည့် အစည်းအဝေး၌ ပြောခဲ့ခြင်းဖြစ်သည်ဟု ဒေသခံများက ပြောသည်။   ဖိုးသာအေး ကျေးရွာအုပ်စုထဲက ကံစုကျေးရွာမှ ရွာသားတစ်ဦးက “စစ်မှုထမ်း ထောက်ပံ့ကြေး တစ်အိမ်ကို ၂၅,၀၀၀ ကောက်မှာ။ ဒီတစ်ခါပဲလား လတိုင်းပေးရမှာလား ဆိုတာလည်း ရှင်းရှင်းလင်းလင်း မ‌ပြောဘူး။ မပေးရင် ရွာမှာ မနေနဲ့ နှင်ထုတ်ခံရမယ်။ စစ်တပ်နဲ့ ခေါ်ပြီး နှင်ထုတ်မှာလို့ ပြောတာ” ဟု ပြောသည်။   ဖိုးသားအေး ကျေးရွာအုပ်စုအတွင်း၌ ဖိုးသာအေးကျေးရွာ၊ ပန်းခဝကျေးရွာ၊ ကံစုကျေးရွာနှင့် ခူမာန်ကျေးရွာ စုစုပေါင်း ကျေးရွာ ၄ ရွာရှိပြီး အိမ်ခြေ ၄၀၀ ကျော်ခန့်ရှိသည်ဟု ဆိုသည်။   ဖိုးသာအေးရွာတွင် နေထိုင်သူတစ်ဦးကလည်း “ဒီကောင် (အုပ်ချုပ်ရေးမှူး ယဉ်ဌေး) က အရက်မူးလာရင် PDF ကို ထောက်ပံ့နေတဲ့ ကောင် တွေ နိုင်ငံရေး အကြောင်းပြောတဲ့ သူတွေ၊ ငါ့ကို မလေးမစား မချေမငံ ဆက်ဆံတဲ့ သူတွေ သတိထားနေကြ။ ငါ့ အကြောင်း သိအောင် ထိထိရောက်ရောက် အရေးယူပြဦးမယ်လို့ အော်ပြီး ကြိမ်း မောင်းနေသေးတာ” ဟု ပြောသည်။   ဦးယဉ်ဌေး၏ ဖခင်ဖြစ်သူ ဦးမြင့်အေးသည် နာမည်ဆိုးဖြင့် ကျော်ကြားသည့် လူမုန်းများသော အုပ်ကြီးဟောင်း တစ်ဦးဖြစ်ပြီး စစ်တပ်နှင့်ပေါင်းကာ သားဖြစ်သူကို အုပ်ကြီးနေရာ လွှဲပေးခဲ့ခြင်း ဖြစ်သည်ဟု အုပ်ချုပ်ရေး အဖွဲ့ နှင့် နီးစပ်သူများက ပြောသည်။   ခူမာန်ရွာသားတစ်ဦးက “အဖေ့ထက်သားက လက်စောင်းပိုထက်ရမယ်ဆိုပြီး ကြွေးကြော်နေသေးတာ။ စစ်မှု ထမ်း ထောက်ပံ့ကြေး ကောက်တာကလည်း သူ့အိတ်ထဲ ထည့်ဖို့ပဲ ဖြစ်မှာ။ စစ်တပ်ကို ပိုင်တော့ ဘယ်သူကမှ မပြောရဲကြဘူး” ဟု ပြောသည်။   ပန်းခဝကျေးရွာထိပ် ဆိုင်းဘုတ်နေရာတွင် အုပ်ကြီးယဉ်ဌေး၊ စစ်သား၊ ရဲနှင့် ပြည်သူ့စစ်များ ပူး‌ပေါင်းအဖွဲ့က နေ့စဉ် စက်ဘီး၊ ဆိုင်ကယ်၊ ကားများကို စစ်ဆေးမှုများ လုပ်နေပြီး အကြောင်းအမျိုးမျိုးဖြင့် ဒဏ်ကြေးငွေ ကျပ် ၁၅,၀၀၀၊ ကျပ် ၃၀,၀၀၀၊ ကျပ် ၁၀၀,၀၀၀ အထိ ကောက်ခံနေသည်ဟု ဒေသခံများက ပြောသည်။

စစ်မှုထမ်းထောက်ပံ့ကြေး မပေးပါက ရွာကနှင်ထုတ်ခံရမည်

စစ်မှုထမ်းထောက်ပံ့ကြေး မပေးပါက ရွာကနှင်ထုတ်ခံရမည် သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၆ ရက်။  ကျေးရွာအုပ်စု အုပ်ချုပ်ရေးမှူးက အုပ်စ…

  • December 16, 2024
ယခုနှစ် ၁၁ လအတွင်း စစ်တပ်နှင့် ရဲ ၅၀၀ နီးပါး ပြည်သူ့ရင်ခွင် ခိုလှုံရေးထံ ဘက်ပြောင်း ခိုလှုံ သတင်းနှင့် မီဒီယာ ကွန်ရက်။
၂၀၂၄ ခုနှစ်၊ ဒီဇင်ဘာလ ၁၆ ရက်။ ပြည်သူ့ရင်ခွင် ခိုလှုံရေးထံသို့ (၁၁) လအတွင်း  စစ်တပ်ဘက်မှ ဒုတိယ ဗိုလ်မှူးကြီးအဆင့်နှင့် ရဲတပ်ဖွဲ့ဘက်မှ ဒုရဲမှူး အဆင့် အပါအဝင် ၄၇၅ ဦး ဆယ်သွယ် ခိုလှုံလာသည်ဟု အမျိုးသားညီညွှတ်ရေး အစိုးရ (NUG) က ပြော သည်။ အမျိုးသားညီညွှတ်ရေး အစိုးရ NUG ဝန်ကြီး ချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ဒီဇင်ဘာလ ၁၀ ရက်နေ့က ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း (Press Briefing) အစီအစဉ်တွင် ထည့် သွင်း ပြောကြားခဲ့ခြင်း ဖြစ်သည်။ ၎င်းက “၂၀၂၄ ဇန်နဝါရီလကနေ နိုဝင်ဘာလ အထိ ၁၁ လ ကာလအတွင်းမှာ ပြည်သူ့ရင်ခွင်ကို ဆက်သွယ်ပြီး ခိုလှုံလာတဲ့သူ ခြေလျင်တပ်သား ၃၀၂ ဦး၊ ရေတပ်သား ၁၁ ဦး၊ လေတပ်သား ၁၁ ဦး၊ ရဲတပ်ဖွဲ့ဝင် ၁၃၃ ဦး၊ အကျဉ်း ဦးစီးဝန်ထမ်း ၅ ဦးစုစုပေါင်း ၄၇၅ ဦး ရှိခဲ့ပါတယ်” ဟု ပြောသည်။ ပြည်သူ့ရင်ခွင်သို့ ခိုလှုံလာသူများထဲတွင် အဓမ္မစစ်သား စုဆောင်းခြင်း ခံရသူများလည်း ပါသည်ဟု ဆက်ပြော သည်။ “ပြည်သူ့ရင်ခွင် ခိုလှုံခဲ့သူတွေထဲမှာ အကြမ်းဖက် စစ်တပ်ရဲ့ အဓမ္မ စစ်သားစုဆောင်းမှုကို ခံခဲ့ရသူလည်း ပါဝင်ခဲ့ ပြီးတော့ စုစုပေါင်း ၃၃ ဦး ရှိခဲ့ပါတယ်” ဟု ပြောသည်။ ပြည်သူ့ရင်ခွင် ခိုလှုံလာသူ ၄၇၅ ဦး အထဲမှ ၁၉၁ ဦး သည် လက်နက်နှင့်အတူ ဝင်ရောက်လာသူများဖြစ်ပြီး ၎င်းတို့ ယူဆောင်လာသည့် လက်နက် အမျိုးအစားပေါ် မူတည်၍ ပြည်သူရင်ခွင် ခိုလှုံရေး အစီအစဉ် အကောင် အထည်ဖော်မှု ကော်မတီမှ ချီးမြှင့်ငွေများ ပေးအပ်ခဲ့သည်ဟု ဦးနေဘုန်းလတ် က ဆိုသည်။ ပြည်သူ့ရင်ခွင် ခိုလှုံရေး အစီအစဉ် အကောင်အထည်ဖော်မှု ကော်မတီ ဖွဲ့စည်းဆောင်ရွက်ခဲ့သည့် အချိန်မှစ၍ ၃ နှစ်ကျော် ကာလအတွင်း စစ်သား ၃၇၀၀ ဦးကျော် နှင့် ရဲတပ်ဖွဲ့ဝင် ၁၁၀၀၀ ဦး ကျော် ဖြင့် စုစုပေါင်း ၁၅,၀၀၀ ဦး ခန့် ပြည်သူ့ရင်ခွင်ခိုလှုံလာပြီး ၎င်းတို့ နှင့်အတူ မိသားစုဝင်များလည်း ပါဝင်ခဲ့သည်ဟု ဝန်ကြီးချုပ်ရုံး ပြောရေးဆို ခွင့်ရှိသူ ဦးနေဘုန်းလတ်က ပြောသည်။ ပြည်သူရင်ခွင် ခိုလှုံရေးအစီအစဉ် အကောင်အထည်ဖော်မှု ကော်မတီသို့ ခိုလှုံလာသည့် မိသားစုဝင်များကို လည်း လုပ်ထုံးလုပ်နည်းနှင့်အညီ ကူညီပံ့ပိုးပေးလျှက်ရှိသည် ဟု NUG က ဆိုသည်။ ပြည်သူရင်ခွင် ခိုလှုံရေးအစီအစဉ် အကောင်အထည်ဖော်မှု ကော်မတီနှင့် ချိတ်ဆက် လာခြင်းမရှိဘဲ နည်းလမ်း ပေါင်းစုံဖြင့် စစ်ကောင်စီထံမှ လမ်းခွဲခဲ့ကြသူများ၊ တပ်အတွင်း အာဏာဖီဆန်မှု ပြုလုပ်နေကြသူများ နှင့် တပ် တွင်းမှ တစ်နည်းနည်းဖြင့် ကူညီပံ့ပိုး ပေးနေကြသူများလည်း ရှိနေပြီး ၎င်းတို့၏ အားထုတ်မှုများကိုလည်း အမျိုးသားညီညွှတ်ရေး အစိုးရအနေဖြင့် အသိအမှတ်ပြုကြောင်း ဦးဘုန်းလတ်က ပြောသည်။ အမျိုးသား ညီညွှတ်ရေး အစိုးရ NUG အနေဖြင့် သွေးထွက်သံယို နည်းနိုင်သမျှ နည်းစေရေးနှင့် တော်လှန်ရေး အောင်နိုင်ရေးကို ရှေးရှုပြီး ပြည်သူ့ရင်ခွင်ခိုလှုံမှု အစီအစဉ်ကို ဖွဲ့စည်းခဲ့ပြီး စစ်ကောင်စီနှင့် လမ်းခွဲပြီး ပြည်သူ့ ရင်ခွင်ခိုလှုံလာသည့် စစ်သား နှင့် ရဲတပ်ဖွဲ့ဝင်များကို စိစစ်လက်ခံ ကူညီပေးလျှက် ရှိသည်ဟု NUG က ဆိုသည်။

ယခုနှစ် ၁၁ လအတွင်း စစ်တပ်နှင့် ရဲ ၅၀၀ နီးပါး ပြည်သူ့ရင်ခွင် ခိုလှုံရေးထံ ဘက်ပြောင်း ခိုလှုံ

ယခုနှစ် ၁၁ လအတွင်း စစ်တပ်နှင့် ရဲ ၅၀၀ နီးပါး ပြည်သူ့ရင်ခွင် ခိုလှုံရေးထံ ဘက်ပြောင်း ခိုလှုံ သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၆ ရက်။…

  • December 16, 2024
လိုင်စင်မဲ့ ဆိုင်ကယ် သမားများအား စစ်သား စုဆောင်းနေ သတင်းနှင့် မီဒီယာ ကွန်ရက်။
၂၀၂၄ ခုနှစ်၊ ဒီဇင်ဘာလ ၁၆ ရက်။ မွန်ပြည်နယ်၊ ရေးမြို့နယ်တွင် စစ်ကောင်စီ လက်အောက်ခံ ရဲနှင့် စစ်တပ်တို့မှ လိုင်စင်မဲ့ယာဉ်များကို ဖမ်းဆီး ငွေညှစ်တောင်းခံနေပြီး ငွေမပေးနိုင်သူများကို စစ်သားသစ် စုဆောင်းနေသည့်အပြင် ညှင်းပန်းနှိပ်စက်မှုများ ကိုလည်း လုပ်ဆောင်နေသည်ဟု ဒေသခံများနှင့် လူ့အခွင့်အရေး လှုပ်ရှားသူများက ပြောသည်။ ရေးမြို့နယ်တွင် စစ်ကောင်စီက လိုင်စင်မဲ့ ယာဉ်များအား ဖမ်းဆီးအရေး ယူနေသော်လည်း ငွေပေးနိုင်သူများကို ပြန် လွှတ်ပေးလျှက်ရှိပြီး ငွေမပေးဆောင်နိုင်ပါက ဖမ်းဆီးကာ စစ်သားသစ်အဖြစ် စုဆောင်းခေါ်ဆောင် သွား သည်ဟု ရေးမြို့  ဒေသခံ လူငယ်တစ်ဦး က ပြောသည်။ ရေးမြို့ ဒေသခံ လူငယ်တစ်ဦးက “ဖမ်းလိုက်ပြီးတော့ ပိုက်ဆံနဲ့ လာရွေးနိုင်တဲ့ သူဆို ပြန်လွှတ်ပေး လိုက်တယ် ပေါ့။ လာရွေးမနိုင်တဲ့လူဆို တစ်ခါတည်း စစ်ကြောရေးထဲ ထည့်လိုက်တယ်။ ပိုက်ဆံပေးနိုင်တဲ့ လူတွေကလည်း ပြန်လွှတ်သွားတာရှိတယ်။ တစ်ချို့ ကြတော့ ပိုက်ဆံလည်း မနိုင်ဘူးကွာ။ သူတို့မှာလည်း ငွေရေးကြေးရေး မပြည့်စုံဘူး။ ဆိုင်ကယ်လည်းသိမ်း လူတွေလည်း စစ်တပ်ထဲထည့်တာတွေ ပြီးရှေ့တန်းတွေ ပို့လိုက်တဲ့ လူတွေ လည်း ရှိတယ်ပေါ့” ဟု ပြောသည်။ မွန်ပြည်နယ်၊ ရေးမြို့နယ်တွင် စစ်အာဏာသိမ်းပြီးနောက် ယာဉ်မောင်းလိုင်စင် အသစ်ထပ်မံ လုပ်ပေးခြင်းမရှိဘဲ လိုင်စင်မဲ့ဟုဆိုကာ ဖမ်းဆီးငွေညှစ်မှုများ လုပ်နေသည့် အခြေအနေကိုလည်း ရေးမြို့ဒေသခံ လူငယ်က ယခုကဲ့ သို့ ဆက်ပြောသည်။  “ဆိုင်ကယ် without ဘီးတွေ ဆိုဖမ်းတာတွေ စစ်ကောင်စီက ငွေညှစ်တာတွေ အခုချိန်ထိ သူတို့ တောက် လျှောက် လုပ်နေတာလေ။ အစ်ကိုတို့ ဒီ မြို့ဘက်ခြမ်းမှာဆို နည်းနည်း တော်သေးတယ်ပေါ့။ တောနယ်ဘက်ဆို ပိုပြီးဆိုးတယ်။ တောနည်းနည်း ကျတဲ့ဘက်ဆို သူတို့ တအား ပိုက်ဆံကောက်တယ်။ ပိုက်ဆံ ကောက်လို့ မရ ဘူးဆိုရင် လူပါ ခေါ်သွားတယ်။ ဖမ်းသွားတယ်။ ပြီးရင် ဆိုင်ကယ်လည်း သိမ်းလိုက်တယ်။”  စစ်ကောင်စီသည် မွန်ပြည်နယ်တွင် ရေးမြို့နယ်အပြင် မော်လမြိုင်မြို့က အချို့နေရာများ၊ သံဖြူဇရပ်မြို့နှင့် မုဒုံ မြို့စသည့် နေရာများရှိ ၎င်းတို့ ထိန်းချုပ်ထားသော ဧရိယာအတွင်း လိုင်စင်မဲ့ ယာဉ်မောင်းများအား ဖမ်းဆီး ငွေညှစ်မှုများ တော်တော်များများ လုပ်ဆောင်နေသည်ဟု  မွန်ပြည် လူ့အခွင့်အရေး ဖောင်ဒေးရှင်း (HURFOM) က ပြောသည်။  စစ်ကောင်စီက လမ်းစည်းကမ်း ဥပဒေအရ လိုင်စင်မဲ့ ယာဉ်များကို ဖမ်းဆီးခြင်းမျိုး မဟုတ်ဘဲ ၎င်းတို့အတွက် ဝင်ငွေရရှိရန်သာ လုပ်နေခြင်းဖြစ်သည်ဟု မွန်ပြည်လူ့အခွင့်အရေး ဖောင်ဒေးရှင်း (HURFOM) ဒါရိုက်တာ နိုင်အဲမွန်က ပြောသည်။ နိုင်အဲမွန်က “အခုက လိုင်စင်မဲ့တွေ တော်တော်များများ ဖြစ်တယ်လေ။ ဘာဖြစ်လို့လဲဆိုတော့ ကုန်းလမ်း ပို့ဆောင်ရေး ကနေပြီးတော့ သူတို့ လိုင်စင် ထုတ်မပေးတော့ဘူး။ ဆိုတဲ့ အခါကြတော့ သွင်းလာတဲ့ ဆိုင်ကယ် တော်တော်များများက လိုင်စင်မဲ့တွေ။ ဆိုတော့ အဲ့ဒီအပေါ်မှာသူတို့က ငွေရှာပေါက် ပုံစံမျိုး သုံးပြီးတော့ သက်သက်ကို ဂွင်ဆင်ပြီးတော့ arrest လုပ်နေတဲ့ သဘောပါပဲ။ ဆိုတဲ့ခါကြတော့ operate ရှိတဲ့အခါ ရှောင် တခင်ပေါ့နော်။ လျှပ်တပြတ် ဂိတ်တွေချတယ် ပြီးလို့ရှိရင် ဖမ်းတယ်။ ပြီးလို့ရှိရင် တစ်စီးကို ဘယ်လောက် ဘယ်လောက် ဆိုပြီးတော့ ပြန်ရွေးခိုင်းတယ်။ မရွေးနိုင်ရင် သိမ်းသွားတယ်” ဟု ပြောသည်။ ဒဏ်ရိုက်ဖမ်းဆီး ထိန်းသိမ်းခံခဲ့ရသူ အများစုမှာ မြို့ခံများ မဟုတ်သည့် နယ်မှ တက်လာသူများ၊ တောရွာမှ မြို့ပေါ် သို့ ဈေးရောင်းဈေးဝယ်ရန် တက်လာသူများနှင့်  အလုပ်ကိစ္စရှိ၍ ထွက်လာသူများ ဖြစ်သည်ဟု နိုင်အဲမွန် က ဆို သည်။ နိုင်အဲမွန်က “တစ်ခါတစ်ခါ ဖမ်းလို့ရှိရင်တော့ အများကြီးပါပဲ။ အရင်တုန်းက တွေ့ဖူးသလောက် ဆိုလို့ရှိရင်  လောလီကားနဲ့ နှစ်စီး သုံးစီးလောက် ဆိုင်ကယ် သိမ်းသွားတာရှိတယ်။ ဆိုတော့များတယ်။ တစ်ခါတစ်ခါ ဖမ်း လို့ရှိရင် Case အနေနဲ့ ကြည့်မယ်ဆိုလို့ရှိရင် ၉၀၊ ၁၀၀ တော့ အနည်းဆုံး  ရှိမယ်နော်” ဟု ပြောသည်။ ထို့ ဖမ်းဆီးမှုများသည် ပြည်သူလူထု၏ လွတ်လပ်စွာ သွားလာခွင့်၊ လွတ်လပ်စွာ အသက်ရှင် နေထိုင်ခွင့်ကို စစ်ကောင်စီမှ ချိုးဖောက်နေခြင်း ဖြစ်သည်ဟု (HURFOM) က ဆိုသည်။ တစ်ဖက်တွင်လည်း စစ်ကောင်စီမှ လာဘ်ပေးလာဘ်ယူမှုများ၊ အာဏာအလွှဲသုံးစား လုပ်ပြီး ပြည်သူလူထုကို ဖိနှိပ်သည့် လုပ်ရပ်များလည်း ပိုမို ထွန်းကားလာနေသည်ဟု နိုင်အဲမွန်က ပြောသည်။ စစ်ကောင်စီ ထိန်းချုပ်မှုအောက်ရှိ ဒေသများတွင် စစ်ကောင်စီ၏ လက်အောက်ခံတပ်နှင့် အဖွဲ့အစည်းများမှ အာဏာအလွှဲသုံး စားလုပ်မှု၊ အနိုင်ကျင့်မှု၊ ငွေညှစ်မှု နှင့် ပြည်သူပိုင် ပစ္စည်းသိမ်းယူမှု စသည့်  လူ့အခွင့်အရေး ချိုးဖောက်မှုများကို တောက်လျှောက် ကျူးလွန် နေကြသည်ဟု နိုင်အဲမွန်က ဆိုသည်။

လိုင်စင်မဲ့ ဆိုင်ကယ် သမားများအား စစ်သား စုဆောင်းနေ

လိုင်စင်မဲ့ ဆိုင်ကယ် သမားများအား စစ်သား စုဆောင်းနေ သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၆ ရက်။  မွန်ပြည်နယ်၊ ရေးမြို့နယ်တွင် စစ…

  • December 16, 2024
ပအိုဝ်းအချင်းချင်း ပဋိပက္ခ မဖြစ်အောင် ကြိုးပမ်းမည်   သတင်းနှင့် မီဒီယာ ကွန်ရက်။ ၂၀၂၄ ခုနှစ် ဒီဇင်ဘာလ ၁၆ ရက်။   ပအိုဝ်းတော်လှန်ရေး အဖွဲ့အစည်းများအနေဖြင့် လက်ရှိ နွေဦးတော်လှန်ရေးတွင် ပအိုဝ်းအမျိုးသား အချင်းချင်း ကြား ပဋိပက္ခ မဖြစ်ပွားအောင် မူဝါဒများချမှတ် လုပ်ဆောင်နေသလို မိမိကိုယ်ကို ခုခံပိုင်ခွင့်မူကိုလည်း ကိုင်စွဲ ထားသည်ဟု ပအိုဝ်းအမျိုးသား လွတ်မြောက်ရေး တပ်မတော် PNLA က ပြောသည်။   လက်ရှိတွင် ပအိုဝ်းတော်လှန်ရေး အဖွဲ့အစည်းများဖြစ်သည့် ပအိုဝ်းအမျိုးသား လွတ်မြောက်ရေး တပ်မတော် PNLO/PNLA နှင့် ပအိုဝ်းအမျိုးသား ဖက်ဒရယ် ကောင်စီ PNFC တို့သည့် စစ်ကောင်စီနှင့် ပူးပေါင်းနေသည့် ပအိုဝ်းပြည်သူ့စစ်အဖွဲ့ PNO/PNA နှင့် စစ်ရေး ပဋိပက္ခများ ဖြစ်ပွားနေသည့်အပေါ် ပြောဆိုလိုက်ခြင်း ဖြစ်သည်။   ပအိုဝ်းအမျိုးသား လွတ်မြောက်ရေး တပ်မတော် PNLO/PNLA အထွေထွေ အတွင်းရေးမှူး ဗိုလ်မှူးကြီး ခွန်အောင်မန်းက “ကျနော်တို့ကတော့ ပအိုဝ်းအချင်းချင်း ပဋိပက္ခ မဖြစ်ရေးကို ကျနော်တို့ မူချမှတ်ပြီးတော့မှ လုပ်ဆောင်နေပါတယ်။ အဓိကက ကိုယ့်ကိုယ်ကို ခုခံပိုင်ခွင့် မူကိုတော့ ကျနော်တို့ အခိုင်မာစွဲ ကိုင်ထားပါတယ်” ဟု ပြောသည်။   စစ်ကောင်စီ ကျောထောက်နောက်ခံ ပေးထားသော ပအိုဝ်းပြည်သူ့စစ် PNO/PNA အနေဖြင့် PNLO/PNLA ထိန်း ချုပ်ရာ ဒေသများသို့ ကျူးကျော်ဝင်ရောက် တိုက်ခိုက်သည့် အခြေအနေများအား  ညှိနှိုင်းဖြေရှင်းသည့် နည်းလမ်းဖြင့် ဆောင်ရွက်သွားမည်ဟု PNLO/PNLA က ပြောသည်။   ပအိုဝ်းအမျိုးသား ဖက်ဒရယ် ကောင်စီ PNFC အတွင်းရေးမှူး - ၂ ခွန်ဝေထူးကလည်း PNO/PNA နှင့် ပတ်သက် ၍ ၎င်းတို့၏ သဘောထားကို ယခုကဲ့သို့ ပြောသည်။   “PNO/PNA ပြည်သူ့စစ်တွေ အနေနဲ့ပေါ့နော် ကျူးကျော်စစ်ဝင်ရောက် ဖော်ဆောင်လာခဲ့မယ်ဆိုရင်တော့ ကျနော်တို့ကတော့ အတတ်နိုင်ဆုံးပေါ့နော်။ စစ်ရေးထက်စာရင် ကျနော်တို့ ပအိုဝ်းအမျိုးသား အချင်းချင်း ကြား ညှိနှိုင်းဖြေရှင်းရေး နည်းလမ်းကို ကျနော်တို့ ရွေးချယ်ဖို့ တိုက်တွန်းနှိုးဆော်လိုတယ်။”   ညှိနှိုင်းဖြေရှင်းနေသည့် ကြားမှ ထပ်မံတိုက်ခိုက်လာမည် ဆိုပါက ပြန်လည်ခုခံ တိုက်ခိုက်သွားမည်ဟု PNLO အထွေထွေ အတွင်းရေးမှူး ဗိုလ်မှူးကြီး ခွန်အောင်မန်းက ပြောသည်။   ၎င်းက “ကျနော်တို့ကို လာရောက်တိုက်ခိုက်မယ် ဆိုရင်တော့ စစ်အာဏာရှင် တိုက်ဖျက်ရေး ဆိုတဲ့ခေါင်းစဉ်နဲ့ ပြန်လည် တိုက်ခိုက်သွားမှာ ဖြစ်ပါတယ်။ ကျနော်တို့ကတော့ PNO ဆိုတဲ့ ခေါင်းစဉ်ကို တိုက်ခိုက်မှာ မဟုတ် ပါဘူး။ စစ်အာဏာရှင် စစ်ကောင်စီကို တိုက်ခိုက်တဲ့ခေါင်းစဉ်နဲ့ပဲ ကျနော်တို့ တုန့်ပြန်သွားမှာ ဖြစ်ပါတယ်” ဟု ပြောသည်။   ထိုသို့ ခုခံတိုက်ခိုက်ရာတွင်လည်း မဟာမိတ် တော်လှန်ရေး အဖွဲ့အစည်းများဖြင့် ပူးပေါင်းသွားမည်ဟု ပအိုဝ်း အမျိုးသား ဖက်ဒရယ် ကောင်စီ PNFC အတွင်းရေးမှူး - ၂ ခွန်ဝေထူး က ဆက် ပြောသည်။   “နောက်ဆုံး အခြေအနေအရပေါ့လေ ဒီကျူးကျော်ဝင်ရောက်စစ်ကို တစ်ဖက်ကနေပြီးတော့မှ လက်နက်ကိုင် လမ်းစဉ်နဲ့ကျင့်သုံးလာခဲ့မယ် ဆိုရင်တော့ ကျနော်တို့ ပအိုဝ်းအမျိုးသား ဖက်ဒရယ်ကောင်စီနဲ့ ပအိုဝ်းအမျိုးသား လွတ်မြောက်ရေး အဖွဲ့ချုပ် ပအိုဝ်းအမျိုးသား လွတ်မြောက်ရေး တပ်မတော် မဟာမိတ် ခုခံတော်လှန်ရေး အဖွဲ့ အစည်းတွေနဲ့ ပူးပေါင်းပြီးတော့မှ မိမိကိုယ်ကို ခုခံပိုင်ခွင့်မူအရ ပြန်လည်ပြီးမှခုခံ ကာကွယ်သွားရမှာ ဖြစ်ပါ တယ်။”   စစ်ကောင်စီနှင့် PNO/PNA ပြည်သူ့စစ်တို့သည် PNLA တပ်စခန်းရှိသည့် ဟိုနမ့် ကျေးရွာအုပ်စုဘက်သို့ နိုဝင်ဘာ လ (၂၀) ရက်နေ့မှ စတင်ကာ ထိုးစစ်ဆင် တိုက်ခိုက်ခဲ့သည့်အတွက် လက်ရှိ အချိန်အထိ နှစ်ဖက် စစ်ရေး တင်းမာ လျှက်ရှိသည်။   “လက်ရှိအနေထားမှာလည်း ကျနော်တို့ နယ်ထဲကို လာပြီးတော့မှ ထိုးစစ်ဆင်နေတဲ့ အနေအထားမှာရှိတယ် ဒီရက်ပိုင်းတိုက်ပွဲတွေက ငြိမ်နေပေမယ့် စစ်ရေးတင်းမာနေတဲ့ အနေအထားတွေ အပြန်အလှန် လက်နက်ကြီး တွေဒရုန်းတွေနဲ့ တိုက်ခိုက်နေတဲ့ အနေအထားတွေရှိပါတယ်။”   ပအို၀်းအမျိုးသား ဖက်ဒရယ်ကောင်စီ PNFC ကို စတင်ဖွဲ့စည်းခဲ့သော ၂၀၂၁ ခုနှစ် ဒီဇင်ဘာလ ၁၁ ရက်နေ့ က တည်းက PNFC နှင့် PNLO တို့ အတူတကွ ပူးပေါင်းဆောင်ရွက်မှုများကို လုပ်ဆောင်ခဲ့ကြသည်ဟု ဆိုသည်။   လက်ရှိအချိန်တွင်လည်း စစ်အာဏာရှင် တိုက်ဖျက်ရေးနှင့် ပအိုဝ်းကိုယ်ပိုင် အုပ်ချုပ်ခွင့်ရ ဒေသပေါ် ပေါက်ရေး တို့အတွက် ဆက်လက် ပူးပေါင်းဆောင်ရွက်သွားမည်ဟု အဆိုပါ အဖွဲ့များက ဒီဇင်ဘာလ ၁၁ ရက်နေ့တွင် ထုတ် ပြန်ထားသည်။

ပအိုဝ်းအချင်းချင်း ပဋိပက္ခ မဖြစ်အောင် ကြိုးပမ်းမည်

ပအိုဝ်းအချင်းချင်း ပဋိပက္ခ မဖြစ်အောင် ကြိုးပမ်းမည် သတင်းနှင့် မီဒီယာ ကွန်ရက်။၂၀၂၄ ခုနှစ် ဒီဇင်ဘာလ ၁၆ ရက်။  ပအိုဝ်းတော်လှန်ရေး အဖွဲ့အစည်းများအနေဖ…

  • December 16, 2024
စစ်ကောင်စီ စစ်ကြောင်းမှ အမျိုးသမီးတစ်ဦးကိုသတ်ပြီး ရွာသားနှစ်ဦးကို ဖမ်းဆီးထား

စစ်ကောင်စီ စစ်ကြောင်းမှ အမျိုးသမီးတစ်ဦးကိုသတ်ပြီး ရွာသားနှစ်ဦးကို ဖမ်းဆီးထား

စစ်ကောင်စီ စစ်ကြောင်းမှ အမျိုးသမီးတစ်ဦးကိုသတ်ပြီး ရွာသားနှစ်ဦးကို ဖမ်းဆီးထား သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၄ ရက်။ ထားဝယ်မြို့…

  • December 14, 2024
စစ်ကောင်စီဂိတ်က အမျိုးသမီးများကို လိင်ပိုင်းဆိုင်ရာ စော်ကားနှောင့်ယှက်နေ

စစ်ကောင်စီဂိတ်က အမျိုးသမီးများကို လိင်ပိုင်းဆိုင်ရာ စော်ကားနှောင့်ယှက်နေ

စစ်ကောင်စီဂိတ်က အမျိုးသမီးများကို လိင်ပိုင်းဆိုင်ရာ စော်ကားနှောင့်ယှက်နေ သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၄ ရက်။ မြိတ်မြို့နယ်၊ …

  • December 14, 2024
ပိတ်ထားသည့်လမ်းအား ပြန်ဖွင့်ပေး 

ပိတ်ထားသည့်လမ်းအား ပြန်ဖွင့်ပေး 

ပိတ်ထားသည့်လမ်းအား ပြန်ဖွင့်ပေး  သတင်းနှင့်မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၃ ရက်။  စစ်ရေး တင်းမာမှုများကြောင့် ပိတ်ထားသည့် ထုံခါ - မောတောင…

  • December 13, 2024
×Close