သတင်း

ကြည်း၊ ရေ၊ လေ ပူးပေါင်း၍ ကျောက်နီမော်ကို  ခံစစ်ဆင်
 သတင်းနှင့်မီဒီယာ ကွန်ရက်။ ၂၀၂၄ ခုနှစ်၊ ဒီဇင်ဘာလ ၂၄ ရက်။   လောင်းလုံးမြို့နယ် တောင်ဘက်ပိုင်းရှိ ကျောက်နီမော်ကျေးရွာမှ စစ်ကောင်စီ၏ တပ်စခန်းများကို စစ်ကောင်စီမှ ကြည်း၊ ရေ၊ လေတပ်များ ပူးပေါင်းပြီး ခုခံနေသည်ဟု ရွာသားများက ပြောသည်။   စစ်ကောင်စီတပ်နှင့် ပျူစောထီးများ ပူးပေါင်းတပ်စွဲထားသည့် စခန်းသုံးခုကို ပြည်သူ့ကာကွယ်ရေး ပူး‌ပေါင်းတပ် ဖွဲ့များက ဒီဇင်ဘာလ ၂၃ ရက်နေ့ နံနက်ပိုင်းမှ စတင်ပြီး ဝင်ရောက် တိုက်ခိုက်နေခဲ့ခြင်း ဖြစ်သည်။   ဒီဇင်ဘာလ ၂၄ ရက်နေ့ နံနက် ၁၁ နာရီခန့်က စစ်ကောင်စီတပ်ဘက်မှ K-8W တိုက်လေယာဥ်ဖြင့် ကျောက်နီမော် ကျေးရွာထဲသို့ နှစ်ကြိမ် ဗုံးကြဲသွားခဲ့သည်ဟု ရွာသားများက ပြောသည်။   အသက် ၄၅ နှစ်ခန့် အရွယ် ရွာသားတစ်ဦးက “တိုက်လေယာဥ်နဲ့ နိမ့်နိမ့်လေးဝဲပြီး ဗုံးလာကြဲသွားတာ၊ ၁၅ မိနစ် လောက်ပဲ ကြာအုံးမယ်။ နောက်တစ်ခါထပ်ပြီး လာကြဲသေးတာ၊ ရွာအပြင်ဘက်က ပင်လယ်ပြင်မှာ ရှိနေတဲ့ စစ်သင်္ဘောကလည်း မနေ့က ညနေပိုင်းနဲ့ ဒီနေ့မနက်ပိုင်းတွေမှာ တိုက်ပွဲဖြစ်နေတဲ့ နေရာအနီးကို လက် နက်ကြီးတွေနဲ့ ပစ်ခတ်နေသေးတယ်” ဟု ပြောသည်။   တိုက်ပွဲဖြစ်ပွားနေသည့် ကျောက်နီမော်ကျေးရွာကို စစ်ကောင်စီတပ်မှ ထားဝယ်မြစ်အတိုင်း လှေသုံးစီးဖြင့် စစ်ကူပို့ခဲ့သော်လည်း အဆိုပါ စက်လှေများကို ပြည်သူ့ကာကွယ်ရေး တပ်ဖွဲ့များဘက်က ကြားဖြတ် တိုက်ခိုက်ခဲ့ခြင်းများကြောင့် ထိခိုက်ပျက်စီးမှုများ ရှိနေသည်။   တိုက်ပွဲများကြောင့် ကျောက်နီမော်၊ ဇလွတ်၊ ကျောက်ဝပ်ပြင်၊ အောက်ကျောက်ဝပ်၊ ကျောက်မတ်တပ် ကျေးရွာများမှ ရွာသားများ အားလုံး ရွာလုံးကျွတ် နီးစပ်ရာသို့ ထွက်ပြေးတိမ်းရှောင် နေကြရသည်ဟု ရွာသားများက ဆိုသည်။   လောင်းလုံးမြို့နယ် ပြည်သူ့ ကာကွယ်ရေးတပ်ဖွဲ့နှင့် ပြည်သူ့ အုပ်ချုပ်ရေးအဖွဲ့တို့မှ ပြည်သူများကို လုံခြုံ‌ဘေး ကင်းနိုင်သည့် နေရာများနှင့် ဗုံးခိုကျင်းများ ထဲတွင် နေထိုင်ကြရန် အရေးပေါ် သတိ‌ပေးချက်များ ထုတ်ပြန်ထား သည်။

ကြည်း၊ ရေ၊ လေ ပူးပေါင်း၍ ကျောက်နီမော်ကို  ခံစစ်ဆင်

ကြည်း၊ ရေ၊ လေ ပူးပေါင်း၍ ကျောက်နီမော်ကို  ခံစစ်ဆင် သတင်းနှင့်မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၂၄ ရက်။ လောင်းလုံးမြို့နယ် တောင်ဘက်ပိုင်းရှိ က…

  • December 24, 2024
စစ်ကောင်စီက ဖမ်းဆီးသွားသူများကို မြိတ်ဘက်ရှိ လေ့ကျင့်ရေးတပ်သို့ ပို့ဆောင်။   သတင်းနှင့်မီဒီယာ ကွန်ရက်။ ၂၀၁၄ ခုနှစ်၊ ဒီဇင်ဘာလ ၂၂ ရက်။   ကော့သောင်းလှေဆိပ်မှ ခလရ ၂၆၂ တပ်ရင်းထဲသို့ ဖမ်းဆီးခေါ်ဆောင်သွားသည့် အမျိုးသားများကို မြိတ်ဘက်ရှိ လေ့ကျင့်ရေးတပ်ထံ ရေလမ်းခရီးမှ တဆင့် ပို့ဆောင်လိုက်သည်ဟု မိသားစုဝင်များကပြောသည်။ 
ရနောင်း လဝက အချုပ်ခန်းမှ ကော့သောင်းလှေဆိပ်သို့ ဒီဇင်ဘာလ ၁၈ ရက်နေ့ မွန်းလွဲပိုင်းတွင် နေရပ် ပြန်ပို့ ခံရသူ ၂၁၉ ဦးထဲမှ အမျိုးသမီး ၁၈ ဦးကလွဲ၍ အမျိုးသားများ အားလုံးကို စစ်ကောင်စီက ကော့သောင်းမြို့နယ် အခြေစိုက် ခလရ ၂၆၂ တပ်ရင်းကို ဖမ်းဆီးခေါ်ဆောင်သွားခဲ့ခြင်း ဖြစ်သည်။   အသက် ၃၅ ခန့်အရွယ် မိသားစုဝင်တစ်ဦးက “စစ်မှုထမ်းရမယ်လို့ ပြောတယ်တဲ့။ လုံးဝထုတ်မရဘူး။ အရင် အခေါက်တွေ တုန်းကတော့ သိန်းနှစ်ဆယ် - သုံးဆယ်ပေးပြီး ထုတ်လို့ရသေးတယ်။ အခုက သိန်းငါးဆယ် ခြောက်ဆယ် ပေးပြီးရွေးတာ မရဘူး။ မြိတ်ကိုပို့လိုက်ပါပြီ” ဟု ပြောသည်။   အသက်ကြီးပိုင်း ၂ဦးကို ဖယ်ထုတ်ပြီး ကျန်သည့်အမျိုးသား ၁၉၉ ဦးကို တပ်ရင်းတွင် ဆေးစစ်ချက် ပြုလုပ်ပြီး နောက် မြိတ်ဘက်သို့ ပို့ဆောင်ခဲ့ခြင်းဖြစ်ကြောင်း မိသားစုဝင်တစ်ဦးက ဆိုသည်။   တပ်သားသစ်အဖြစ် စုဆောင်းခံရသူများကို သင်တန်းအချိန်ကာလ ၁ လ ပို့ချပေးမည် ဖြစ်ပြီး ၂ နှစ်အကြာ စစ်မှုထမ်းရမည်ဟု ပြောဆိုကာ ဒီဇင်ဘာလ ၂ဝ ရက်နေ့ ညနေပိုင်းက မြိတ်ဘက်ကို ရေလမ်းခရီးဖြင့် ပို့ဆောင်လိုက်ခြင်း ဖြစ်သည်ဟု ဆိုသည်။   စစ်မှုထမ်းရန် မြိတ်ဘက်သို့ ခေါ်ဆောင်သွားခြင်း ခံရသူများအထဲတွင် အသက် ၃၅ နှစ်ကျော်သည့် အမျိုးသားများလည်း ပါရှိနေပြီး စစ်ကောင်စီ၏ စစ်မှုထမ်း ဥပဒေတွင် သတ်မှတ်ထားသော အသက်အရွယ် ကန့်သတ်ချက်ထက် ကျော်လွန်နေသည်။   ယခင်အကြိမ်များ၌ ခလရ ၂၆၂ တပ်ရင်းထဲ၌ မိသားစုဝင်များက တစ်ဦးကို အနည်းဆုံး ဘတ် ၂ သောင်း ဝန်းကျင်အထိ ပေးပြီး ရွေးထုတ်ယူ၍ ရကြောင်း ပြန်လည် လွတ်မြောက်လာသူများ၏ ပြောပြချက်အရ သိရသည်။   လက်ရှိတွင် စစ်မှုထမ်းအဖြစ် စုဆောင်းခံရသူများ၏ မိသားစုဝင်များမှာ ငွေကြေးပေး၍ ထုတ်ယူသော်လည်း မရသည့်အတွက် စိုးရိမ်ပူပန်နေကြသည်။ 

စစ်ကောင်စီက ဖမ်းဆီးသွားသူများကို မြိတ်ဘက်ရှိ လေ့ကျင့်ရေးတပ်သို့ ပို့ဆောင်

စစ်ကောင်စီက ဖမ်းဆီးသွားသူများကို မြိတ်ဘက်ရှိ လေ့ကျင့်ရေးတပ်သို့ ပို့ဆောင် သတင်းနှင့်မီဒီယာ ကွန်ရက်။၂၀၁၄ ခုနှစ်၊ ဒီဇင်ဘာလ ၂၂ ရက်။ ကော့သောင်းလှေဆိ…

  • December 22, 2024
KTLA တပ်စခန်း ၅ ခုကို KNU က ဝင်ရောက်ရှင်းလင်းပြီးလူနှင့် လက်နက်များကို သိမ်းဆည်း။   သတင်းနှင့်မီဒီယာ ကွန်ရက်။ ၂၀၂၄ ခုနှစ်၊ ဒီဇင်ဘာလ ၂၂ ရက်။   ထားဝယ်မြို့နယ် အရှေ့တောဒေသမှ ဟိန္ဒားကျေးရွာအုပ်စုအတွင်းရှိ ကော်သူးလေတပ်မတော် KTLA ၏စခန်း ၅ ခုကို KNU က ဝင်ရောက်ရှင်းလင်းခဲ့သည်ဟု တာဝန်ရှိသူက ပြောသည်။   အဆိုပါ တပ်စခန်းများကို ဝင်ရောက်ရှင်းလင်းပြီးနောက် KTLA တပ်ဖွဲ့ဝင်များနှင့် လက်နက်ခဲယမ်းများကိုပါ သိမ်းဆည်းရရှိခဲ့သည်ဟု KNU တပ်မဟာ ၄ မြိတ် - ထားဝယ်ခရိုင်၏ အတွင်းရေးမှူး ပဒိုစောအယ်နားက ပြောသည်။   ဒီဇင်ဘာလ ၁၉ ရက်နေ့တွင် ဖြစ်ပွားခဲ့သည့် နယ်မြေရှင်းလင်းမှုအတွင်း ကော်သူးလေတပ်မတော်မှ KTLA တပ်ဖွဲ့ဝင် ၁၃ ဦးကို ဖမ်းဆီးရမိခဲ့ပြီး လက်နက် ၁၃ လက်ကို သိမ်းဆည်းရမိခဲ့သည်။   ဖမ်းဆီးရမိထားသူ KTLA ၁၃ ဦးကို KNU တပ်မဟာဌာနချုပ်ကို ပြန်လည်လွဲအပ်ထားပြီး လုပ်ထုံးလုပ်နည်းများ အတိုင်း အရေးယူဆောင်ရွက်သွားမည်ဟု ရှင်းလင်းရာတွင်ပါဝင်ခဲ့သည့် KNU တပ်ဖွဲ့ဝင်တစ်ဦးက ဆိုသည်။   KTLA တပ်ဘက်မှ KNU/KNLA တပ်ဖွဲ့ဝင်များကို ရန်သူသဖွယ်သတ်မှတ်ပြီး မကြာခဏ လုပ်ကြံသတ်ဖြတ်မှု၊ ခြုံခိုပစ်ခတ်တိုက်ခိုက်မှု၊ ဖမ်းဆီးမှုများ လုပ်နေသဖြင့် KNUတပ်ဖွဲ့မှ နယ်မြေရှင်းလင်းရခြင်း ဖြစ်ကြောင်း ဆိုသည်။   ပဒိုစောအယ်နာက “KTLA တပ်ဖွဲ့တွေက ဘုံရန်သူဖြစ်တဲ့ စစ်ကောင်စီတပ်ကို တိုက်ခိုက်တာမရှိဘဲ KNU/KNLA တပ်ဖွဲ့ဝင်တွေကို မကြာခဏ လုပ်ကြံတိုက်ခိုက်နေတာကြောင့် KNU နယ်မြေအတွင်းကနေ ရှင်းလင်းပစ်တာပါ” ဟု ပြောသည်။   ထားဝယ်ခရိုင် အတွင်း ဗိုလ်အယ်ခွီး (ကော်လာဖိုး) ဦးဆောင်သည့် ကော်သူးလေ တပ်မတော် တပ်ဖွဲ့ဝင်များနှင့် KNU တပ်မဟာ ၄ တို့အကြားတွင် ပြီးခဲ့သည့် ၂၀၂၃ နှစ်ဆန်းပိုင်းမှ စတင်ပြီး နှစ်ဖက်အခြေအနေများ တင်းမာနေခဲ့သည်ဟု ပဒိုစောအယ်နာက ဆိုသည်။   နောက်ပိုင်းတွင် နှစ်ဖက်တိုက်ပွဲများ၊ စခန်းသိမ်းခြင်းများနှင့် ချုံခိုပစ်ခတ်ခဲ့သည့် ဖြစ်စဥ်များကြောင့် နှစ်ဘက်စလုံးတွင် အရာရှိများ အပါအဝင် တပ်ဖွဲ့ဝင်များ သေဆုံးခြင်း၊ ထိခိုက်ဒဏ်ရာရခြင်းများ ရှိခဲ့ကြသည်။   ဒီဇင်ဘာလ ၈ ရက်နေ့ကလည်း KNLA တပ်ရင်း(၁၂) တပ်ခွဲ ၄ က ဒုတပ်ခွဲမှူး စောဖားဂျိုးကို KTLA တပ်ရင်း(၃) ဒုတပ်ရင်းမှူး ဗိုလ်ဒါးကေနှင့် အဖွဲ့က ပစ်ခတ် သတ်ဖြတ်ခဲ့ခြင်းကြောင့် နှစ်ဘက်အခြေအနေ ပိုတင်းမာနေခဲ့သည်။   ထိုသို့ ပစ်ခတ်သတ်ဖြတ်ခဲ့ပြီးနောက် ၁၁ ရက်အကြာ ဒီဇင်ဘာ ၁၉ ရက်နေ့တွင် ဖြစ်ပွားခဲ့သည့် နယ်မြေရှင်း မှုမှာလည်း စောဖားဂျိုးပစ်သတ်ခံရသည့် ဖြစ်စဥ်၏ နောက်ဆက်တွဲ အခြေအနေဖြစ်ကြောင်း ဒေသခံများက သုံးသပ်နေကြသည်။   ထားဝယ်ခရိုင်အတွင်း ဒီဇင်ဘာလ ၁၉ ရက်နေ့တွင် KNU တပ်မဟာ (၄)၊ KNLA တပ် နှင့် ကော်သူးလေ တပ်မတော် ဆာကဆော တပ်မတို့ နှစ်ဖက်တွေ့ တိုက်ပွဲဖြစ်ပွားခဲ့သည်မှာ မှန်ကန်ကြောင်း KTLA ကလည်း ဒီဇင်ဘာလ ၂၀ ရက်နေ့ နံနက်ပိုင်းတွင် ထုတ်ပြန်ထားသည်။   အဆိုပါ ထုတ်ပြန်ချက်အတွင်း ကရင်အမျိုးသား တော်လှန်ရေး တပ်ဖွဲ့ အချင်းချင်း ပဋိပက္ခတွင် အခြားသော တော်လှန်ရေး လက်နက်ကိုင် အင်အားစု အဖွဲ့အစည်းများနှင့် မသက်ဆိုင်ကြောင်း၊ ကြားနေ ဝင်ရောက်စွက်ဖက် ခြင်း မလုပ်ကြရန် ရေးသားထားသည်။   ထို့အပြင် ကရင်တော်လှန်ရေးတပ် အချင်းချင်း ဖြစ်ပွားနေသည့် ပြဿနာများကို ၎င်းတို့ကိုယ်တိုင် ဆုံးဖြတ်ဖြေရှင်းသွားမည်ဟု ထုတ်ပြန်ချက်တွင် ဖေါ်ပြထားသည်။

KTLA တပ်စခန်း ၅ ခုကို KNU က ဝင်ရောက်ရှင်းလင်းပြီးလူနှင့် လက်နက်များကို သိမ်းဆည်း

KTLA တပ်စခန်း ၅ ခုကို KNU က ဝင်ရောက်ရှင်းလင်းပြီးလူနှင့် လက်နက်များကို သိမ်းဆည်း သတင်းနှင့်မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၂၂ ရက်။ ထားဝယ်မြ…

  • December 22, 2024
မွန်လက်နက်ကိုင်လေးဖွဲ့ပေါင်း၍ တပ်တော်ဖွဲ့စည်းမည်

မွန်လက်နက်ကိုင်လေးဖွဲ့ပေါင်း၍ တပ်တော်ဖွဲ့စည်းမည်

မွန်လက်နက်ကိုင်လေးဖွဲ့ပေါင်း၍ တပ်တော်ဖွဲ့စည်းမည် သတင်းနှင့် မီဒီယာကွန်ရက်။၂၀၂၄ ခုနှစ်၊ ဒီဇင်ဘာလ ၂၀ ရက်။  မွန်ပြည်သူများ၏ တောင်းဆိုမှုနှင့် စစ်ရေ…

  • December 20, 2024
ကလေး ၂၀ ခန့် သဲလွန်စမရပဲ ပျောက်ဆုံးနေ   သတင်းနှင့် မီဒီယာ ကွန်ရက်။ ၂၀၂၄ ခုနှစ်၊ ဒီဇင်ဘာလ ၂၀ ရက်။   ကရင်ပြည်နယ်၊ ဘုရားသုံးဆူမြို့တွင် ကလေးငယ် ၂၀ ဦးခန့် သဲလွန်စမရပဲ ပျောက်ဆုံးသွားသည်ဟု ဒေသခံနှင့် လူ့အခွင့်အရေး လှုပ်ရှားနေသည့် အဖွဲ့များက ပြောသည်။

ကြာအင်းဆိပ်ကြီးမြို့နယ်၊ ဘုရားသုံးဆူမြို့၊ တောင်ဝိုင်းရပ်ကွက်မှ ကလေးငယ် ၁၃ ဦးသည် နိုဝင်ဘာလ တတိယပတ်အတွင်းတွင် သဲလွန်စ မရှိဘဲ ပျောက်ဆုံးသွားခဲ့သည်ဟု မွန်ပြည်လူ့အခွင့်အရေး ဖောင်ဒေးရှင်း HURFOM က ဆိုသည်။   ကလေးငယ်များမှာ ၎င်းတို့၏ ရပ်ကွက်ထဲ၌ပင် နေထိုင်ရင်း ပျောက်ဆုံးသွားကြခြင်းဖြစ်သည် ဟု မွန်ပြည်လူ့ အခွင့် အရေး ဖောင်ဒေးရှင်း (HURFOM) ဒါရိုက်တာ နိုင်အဲမွန်က ပြောသည်။

နိုင်အဲမွန်က “Case တော်တော်များများက ပတ်ဝန်းကျင်မှာတင် ပျောက်သွားတာ။ ဥပမာ တောင်ဝိုင်းလိုမျိုးဆို သူက ဘုရားသုံးဆူမြို့ပေါ် ရပ်ကွက်နော်။ အဲ့ဒီ မြို့ပေါ် ရပ်ကွက်မှာတင် ပျောက်သွားတာ။ နောက်တစ်ခုကြ နှင်းဆီလမ်းတို့ ဘုရားသုံးဆူက ရပ်ကွက် သိပ်တော့ မများလှပါဘူး။ တော်တော် များများကတော့ မြို့ပေါ်မှာပဲ ရှိတဲ့ ရပ်ကွက်တွေ။ အဲ့ဒီပတ်ဝန်ကျင်တွေမှာ ပျောက်တဲ့ခါကြတော့ တော်တော်လေးတော့ စိတ်ပူစရာ ဖြစ်တယ် ပေါ့နော်” ဟု ပြောသည်။

အလားတူ ဒီဇင်လာလ ၆ ရက်နေ့တွင်လည်း ဘုရားသုံးဆူမှ ကလေးငယ် ၇ ဦး ထပ်မံ ပျောက်ဆုံးသွားခဲ့သည်ဟု ဆိုသည်။ 

ပျောက်ဆုံးသွားသည့် ကလေးငယ်များမှာ အသက် ၄ နှစ်အရွယ် တစ်ဦး အပါအဝင် အသက် ၈ နှစ်မှ ၁၀ နှစ် အရွယ် အကြားရှိ ကလေးငယ်များ ဖြစ်ကြသည်ဟု မွန်ပြည်လူ့အခွင့်အရေး ဖောင်ဒေးရှင်း (HURFOM) ဒါရိုက်တာ နိုင်အဲမွန်က ပြောသည်။

လက်ရှိအချိန်အထိ ပျောက်ဆုံးသွားသည့် ကလေးငယ်များနှင့် ပတ်သက်သည့် သတင်း အစအနပင် မရရှိ သေးသည့်အတွက် မိဘများက အလွန်စိုးရိမ်နေကြသည်ဟု ဘုရားသုံးဆူမြို့ခံတစ်ဦးက ယခုကဲ့သို့ ပြော သည်။ 

ဘုရားသုံးဆူမြို့ခံ တစ်ဦးက “ဒီနေ့အထိတော့ ပျောက်ဆုံးနေတဲ့ ကလေးတွေအကြောင်း ဘာမှ မကြားရ သေး ဘူး။ ဘယ်သူကသူတို့ကို ခေါ်ယူသွားလဲတော့မသိဘူး။ သူတို့အမေတွေက သူတို့အတွက် အရမ်းစိုးရိမ် နေကြ တယ်” ဟု ပြောသည်။

ကလေးငယ်များ အကြောင်းမဲ့ ပျောက်ဆုံးသွားရခြင်းနှင့် ပတ်သက်၍ မိဘများ၊ မိသားစုဝင်များသည် မည်သို့ ဆက်လုပ်ရမည်ကို မသိကြသလို မည်သည့်နေရာများတွင် သွားရှာရမည်ကိုလည်း မသိကြဟုဆိုသည်။   မိဘများအနေဖြင့် ပျောက်ဆုံးနေသည့် ၎င်းတို့၏ ကလေးငယ်များ အသက်အန္တရာယ်ကို စိုးရိမ်နေရသည်ဟု နိုင်အဲမွန် က ပြောသည်။   “မပြောကောင်း မဆိုကောင်း သေမှာလား ရှင်မှာလား မပြောတတ်ဘူး လေးနော်။ နောက်တစ်ခါ ပုံစံပြောင်း ပြီးတော့နော် မူးယစ်ဆေးတွေ ဘာတွေထိုးပြီးတော့ ခေါ်သွားတာတို့။ အဲ့ဒီမှာတစ်ခြားအလုပ်တွေ လုပ်ခိုင်း တာတို့။ တောင်းရမ်း စားသောက်ခိုင်းတာ တို့ဆို ပိုဆိုးသွားပြီး အဲ့တာ။ အဲ့ပြဿနာလည်း တက်မှာ ကြောက် တယ်။ ဘာလို့ဆို မြန်မာနိုင်ငံတစ်လျားမှာ အဲ့လိုမျိုး ဖြစ်တာ အများကြီး ပဲနော်။ ဒီဘက် ထိုင်းရောက်လာတဲ့ ခါကြတော့လည်း လူကုန်ကူးတဲ့ ဂိုဏ်းတွေက နေပြီးတော့ ခိုးသွား ဂိုဏ်တွေကလည်း အများကြီး ရှိတာကိုး။ ဆိုတော့ နယ်စပ်ဆိုတော့ တော်တော်လေး စိုးရိမ်စရာ ကောင်းတယ်။” 
စိုးရိမ်မှုများ ရှိနေသည့် အခြားတစ်ဖက်တွင် ကလေးများ ပျောက်ဆုံးနေသည့် ကိစ္စရပ်နှင့် ပတ်သက်၍ ကူညီ ဖြေရှင်းပေးမည့် လူပုဂ္ဂိုလ်၊ အဖွဲ့အစည်းများ မရှိသကဲ့သို့ တိုင်ကြားရမည့် နေရာလည်း ပျောက်ဆုံး နေသည်ဟု ဒေသခံများက ဆိုသည်။   နိုင်အဲမွန် က“ကလေး မိဘတွေက ကြည့်ရတာ ဘယ်သူ့ကို ဘယ်လို တိုင်ရမလဲ မသိပါဘူး။ အဲ့ကြားထဲမှာ ကိုယ့် နည်း ကိုယ့် ဟန်နဲ့ လိုက်ရှာရင်းနဲ့ ကလေးတွေက ပျောက်နေတာ။ အဲ့တိုင်ရတဲ့ prosses က မသေချာဘူး။ ဘယ်သူ့ ဘယ်သူ ကို တိုင်ရမလဲ မသိဘူး။ ဘာလို့ဆို စစ်အုပ်စုက မရှိတော့ဘူး။ အဲ့ဒီမှာဆိုလို့ရှိရင် DKBA  ရှိတယ်။ နောက် မွန် ပြည်သစ်တပ်ဖွဲ့တွေ ရှိတယ်။ ပြီးလို့ရှိရင်  KNU တပ်ဖွဲ့တွေ ရှိတယ်လေး။ ဆိုင်ရာတွေ တော့ ပြော ကြမယ် ထင်တာပဲ။ အခုထိတော့ တရားဥပဒေစိုးမိုးရေး က ဘယ်သူ့ရဲ့ လက်အောက်မှာရှိလဲ မပြော တတ်တဲ့ ခါကြတော့ တရားရေးဆိုင်ရာ ရင်ဆိုင်ဖြေရှင်း ရမယ့်ကိစ္စကတော့ ဘယ်သူ့ကို သွားပြီး တိုင်ရ မယ်ဆိုတာ မသိဘူး ဖြစ်နေတာလေး” ဟု ပြောသည်။   မွန်ပြည်၊ ရေးမြို့နယ်၊ မော့ကနင်ကျေးရွာတွင်လည်း နိုဝင်ဘာလ တတိယပတ်အတွင်းက ဆယ်ကျော်သက် အရွယ် ကလေးလေးဦး ပျောက်ဆုံးသွားခဲ့ပြီး သုံးရက် အကြာတွင် ပြန်လည်တွေ့ရှိခဲ့သည် ဟု HURFOM က ဆိုသည်။   ယခုကဲ့သို့ ကလေးငယ်များ၊ အမျိုးသမီးငယ်များနှင့် လူငယ်များ ပျောက်ဆုံးမှုများသည် နောက်ထပ် ဖြစ်လာ နိုင်ပြီး ကြိုတင် ကာကွယ်တားဆီးရမည့် အစီအမံများနှင့် တရားဥပဒေစိုးမိုးမှု အစီအမံများလည်း မြေပြင်တွင် မရှိနေသည့် အတွက်ကြောင့် အလွန် စိုးရိမ်ဖွယ်ရာ ကိစ္စရပ် ဖြစ်သည်ဟု နိုင်အဲမွန်က ဆိုသည်။

ကလေး ၂၀ ခန့် သဲလွန်စမရပဲ ပျောက်ဆုံးနေ

ကလေး ၂၀ ခန့် သဲလွန်စမရပဲ ပျောက်ဆုံးနေ သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၂၀ ရက်။  ကရင်ပြည်နယ်၊ ဘုရားသုံးဆူမြို့တွင် ကလေးငယ် ၂၀ ဦးခန…

  • December 20, 2024
ရှမ်း-ကရင်နီ နယ်စပ်တွင် အဆိပ်ငွေ့ဗုံးများ သုံးဟု ကရင်နီ တော်လှန်ရေးအဖွဲ့များ စွပ်စွဲ 

ရှမ်း-ကရင်နီ နယ်စပ်တွင် အဆိပ်ငွေ့ဗုံးများ သုံးဟု ကရင်နီ တော်လှန်ရေးအဖွဲ့များ စွပ်စွဲ 

ရှမ်း-ကရင်နီ နယ်စပ်တွင် အဆိပ်ငွေ့ဗုံးများ သုံးဟု ကရင်နီ တော်လှန်ရေးအဖွဲ့များ စွပ်စွဲ  သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၉ ရက်။ …

  • December 19, 2024
လွိုင်ကော်တွင် မိုင်းအန္တရာယ် ရှိနေသေး   သတင်းနှင့် မီဒီယာ ကွန်ရက်။ ၂၀၂၄ ခုနှစ်၊ ဒီဇင်ဘာလ ၁၉ ရက်။   ကရင်နီပြည်၊ လွိုင်ကော်တွင် မြေမြုပ်မိုင်းကြောင့် ဒေသခံများ ထိခိုက်သေဆုံးမှု ရှိလာသည်ဟု လွိုင်ကော်မြို့ ခံများက ပြောသည်။   လွိုင်ကော်မြို့၊ ဒေါဥခူရပ်ကွက်တွင် စစ်ကောင်စီ၏ ခွင့်ပြုချက်ဖြင့် ပစ္စည်းပြန်သယ်ယူသည့် သက်ကြီးပိုင်း အမျိုး သားတစ်ဦးမှာ ဒီဇင်ဘာ ၁၂ ရက်နေ့တွင် မိုင်းနင်းမိပြီး ပွဲချင်းပြီးသေဆုံးသွားကြောင်း မြို့ခံများ က ပြောသည်။   လွိုင်ကော်ဒေသခံ အမျိုးသား တစ်ဦးက က “သူတို့မသွားခိုင်းတဲ့ နေရာသွားလို့ အဆင်မပြေဘူး သွားရင် ဖြစ် လာရင် သူတို့တာဝန်လည်း မယူပေးဘူး မသွားခိုင်းတဲ့နေရာ သူတို့ကန့်သတ်ထားတဲ့ နေရာသွားရင် အဆင်မပြေ ဘူး။ ကန့်သတ်ထားတဲ့နေရာ သူတို့ခွင့်ပြုချက်နဲ့ ဝင်တာတောင်မှ ထိခိုက်မိတာရှိတာပဲ။ ဟိုတစ်ရက်က ပစ္စည်း သွားသယ်တဲ့ သူဆိုအဲလိုပဲလေ ကြားတာက တော့ပြန်ထွက်တဲ့အချိန် သူပစ္စည်းတစ်ခု သွားယူတာ နင်းမိတာ ပွဲချင်းပြီးပြောတာပဲ ဘူးရယ်တဲ့ ဒီဒေါနိုးကူးထဲက” ဟု ပြောသည်။   ထို့အတူ နိုဝင်ဘာလလယ်ပိုင်းတွင် နောင်ယား (ခ) ရပ်ကွက်ရှိ ရွှေနှင်းဆီကော်ဖီဆိုင်မှ အမျိုးသားတစ်ဦးသည် လည်း အုန်းသီးကောက်ရန် နေအိမ်အနီး လမ်းကြားသို့ ဝင်သွားစဉ် မြေမြုပ်မိုင်းနင်းမိပြီး နေရာတွင်ပင် သေဆုံးခဲ့ သည်ဟု အမျိုးသမီးတစ်ဦးက ပြောသည်။   ကရင်နီပြည်၏ မြို့တော် လွိုင်ကော်မြို့အား စစ်ကောင်စီမှ ပြန်လည်ထိန်းချုပ်လိုက်သည့် ဇွန်လ နောက်ပိုင်းမှ စတင်၍ ယနေ့အချိန်ထိ ဒေသခံများ မြေမြုပ်မိုင်းနင်းမိသည့် ဖြစ်စဉ်များ ရှိနေပြီး ထိခိုက်ဒဏ်ရာရမှုများနှင့် အတူ အသက်ဆုံးရှုံးမှုများလည်း ရှိနေသည်ဟု ဒေသခံများက ဆိုသည်။ သို့သော် စာရင်းအတိအကျကိုမူ မသိရ သေးဘူးဟု ဒေသခံများက ဆိုသည်။   မြေမြုပ်မိုင်း နင်းမိသူများသည် စစ်ကောင်စီတပ်မှ ပြန်လည်နေထိုင်ခွင့်ပြုထားပြီး မိုင်းရှင်းလင်းပြီးသော နေရာ များ၌ပင် နင်းမိကြသည်ဟု လွိုင်ကော်ဒေသခံ အမျိုးသားတစ်ဦးမှ ပြောသည်။   စစ်ကောင်စီတပ်သားများသည် တိုက်ပွဲအတွင်း ၎င်းတို့ထောင်ထားခဲ့သည့် မိုင်းများအား ကိုယ်တိုင် ပြန်ရှင်းနေကြ ပြီး တပ်အရွှေ့အပြောင်းများကြောင့် ရှင်းလင်းရန် ကျန်ခဲ့သည့် နေရာများလည်း ရှိနေသည်ဟု လွိုင်ကော် ဒေသခံ အမျိုးသားတစ်ဦးက ပြောသည်။   “လူနေရင် ရှင်းပေးတယ် လူနေမယ် ဘာညာဆိုရင်တော့ ဒီနေရာ ဒီဒေသမှာ သူတို့ထောင်ထားတာရှိရင် လိုက် ရှင်းပေးတယ်။ တစ်ဖွဲ့နဲ့တစ်ဖွဲ့က ပြောင်းလဲနေတာ ဆိုတော့ တစ်ဖွဲ့ထောင်ခဲ့တဲ့ဟာကို တစ်ဖွဲ့ကလည်း မသိ။ သူတို့စက်နဲ့ စမ်းမိသလောက် သူတို့ ရှင်းတယ် ရှာတယ်။ ကျန်ခဲ့တဲ့ဟာလည်း ကျန်ခဲ့တာ ရှိမှာပေါ့။”   တစ်လေးလုံး စစ်ဆင်ရေးအတွင်း ကရင်နီတော်လှန်ရေး တပ်များနှင့် တိုက်ပွဲပြင်းထန်ခဲ့သော မြို့ပေါ်ရပ်ကွက် များ ဖြစ်သည့် မိုင်းလုံး၊ နောင်ယား (က)၊ နောင်ယား (ခ)၊ ဒေါဥခူ၊ နာနတ်တောနှင့် ဘာဒိုကျေးရွာ၊ ထေးငါးလျား ကျေးရွာတို့ အပြင် လွိုင်ကော်မြို့ မြောက်ဘက်တစ်ခြမ်းလုံးနီးပါးနှင့် စစ်ကောင်စီ တပ်စွဲခဲ့သော နေရာများတွင် မြေမြုပ်မိုင်း အများအပြား ထောင်ထားခဲ့သည်ဟု ဒေသခံများက ဆိုသည်။   လက်ရှိအချိန်တွင် နေအိမ်သို့ ပြန်လည် နေထိုင်မည်ဆိုမှသာ မိုင်းရှင်းလင်းရေး ဆောင်ရွက်ပေးပြီး ကျန်နေရာ များတွင် မြေမြုပ်မိုင်း မရှင်းလင်းနိုင်သေးဘဲ ရှိနေသည်ဟု ဒေသခံများမှဆိုသည်။   စစ်ကောင်စီတပ်မှ မြေမြုပ်မိုင်း ရှင်းလင်းမှုများ လုပ်ပေးနေသော်လည်း လွတ်လပ်စွာ သွားလာ၍ မရသေးဟု ရှမ်းပြည်တွင် စစ်ဘေးရှောင်ပြီးနေအိမ်သို့ ပြန်လာနေထိုင်သော လွိုင်ကော် ဒေသခံ အမျိုးသမီးတစ်ဦးက ပြော သည်။   “သူတို့စက်နဲ့ လုပ်တယ်လေ မိုင်းရှာလား ဘာလဲ တီ တီ တီ နဲ့ တော့ လုပ်တာပဲ။ အမေ မြေကြီးပေါ် မနင်းနဲ့ နော်တဲ့။ ကွန်ကရစ်ပေါ်မှာပဲ သွားပေါ့။”   လွိုင်ကော်မြို့ပေါ် ရပ်ကွက်များတွင် ပြန်လည်နေထိုင်လိုသော ဒေသခံများသည် လွိုင်ကော်မြို့နယ် စီမံအုပ်ချုပ် ရေးရုံးတွင် စာရင်း‌‌ပေးသွင်းပြီး ပြန်လည်နေထိုင်နိုင်ပြီ ဖြစ်သည်ဟု စစ်ကောင်စီမှ နိုဝင်ဘာလအတွင်း ကြော်ငြာ စာ များ လူနေရပ်ကွက်များအတွင်း လိုက်လံ ကပ်ထားပြီး အသိပေးထားသည်ဟု ဒေသခံများမှ ပြောသည်။   လက်ရှိတွင် လွိုင်ကော်ဒေသခံ ထက်ဝက်နီးပါးမှာ မြို့တွင်း၌ ပြန်လည် ဝင်ရောက်နေထိုင်နေကြပြီး အများစုမှာ အခြေခံလူတန်းစားနှင့် ဝန်ထမ်းများ ဖြစ်သည်။   ဓါတ်ပုံ - (Crd) ဇွန်လနောက်ပိုင်း စစ်ကောင်စီက လွိုင်ကော်မြို့အား ထိန်းချုပ်ပြီးနောက် အခြေအနေပုံ

လွိုင်ကော်တွင် မိုင်းအန္တရာယ် ရှိနေသေး

လွိုင်ကော်တွင် မိုင်းအန္တရာယ် ရှိနေသေး သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၉ ရက်။  ကရင်နီပြည်၊ လွိုင်ကော်တွင် မြေမြုပ်မိုင်းကြောင့်…

  • December 19, 2024

ရေးတွင် စစ်ကောင်စီက အိမ်နှင့် ဆိုင်ခန်းများ ဖျက်ခိုင်း 

ရေးတွင် စစ်ကောင်စီက အိမ်နှင့် ဆိုင်ခန်းများ ဖျက်ခိုင်း  သတင်းနှင့် မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၉ ရက်။  မွန်ပြည်၊ ရေးမြို့တွင် စစ်ကောင်…

  • December 19, 2024
ကံပေါက်ဒေသရှိ စစ်ကောင်စီစခန်း တိုက်ခိုက်ခံရပြီးနောက် စစ်တပ် စစ်ကြောင်းထိုးနေ

ကံပေါက်ဒေသရှိ စစ်ကောင်စီစခန်း တိုက်ခိုက်ခံရပြီးနောက် စစ်တပ် စစ်ကြောင်းထိုးနေ

ကံပေါက်ဒေသရှိ စစ်ကောင်စီစခန်း တိုက်ခိုက်ခံရပြီးနောက် စစ်တပ် စစ်ကြောင်းထိုးနေ သတင်းနှင့်မီဒီယာ ကွန်ရက်။၂၀၂၄ ခုနှစ်၊ ဒီဇင်ဘာလ ၁၈ ရက်။ ထားဝယ်ခရိုင်…

  • December 18, 2024
×Close