airstrikes – Page 4 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Tag Archive

Tag: airstrikes

လူထုကို ကာကွယ်ရန် ပြည်ထောင်စု တပ်မတော် ပေါ်ပေါက်ရေး KNDF ကြိုးပမ်းမည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၃ ရက်။ တစ်နိုင်ငံလုံးရှိ ပြည်သူလူထုများကို အကာအကွယ်ပေးနိုင်သည့် ပြည်ထောင်စု ကာကွယ်ရေးတပ် တရပ်ပေါ် ပေါက်ရေးကို ကြိုးပမ်းကြမည်ဟု ကရင်နီအမျိုးသားများ ကာကွယ်ရေးတပ် KNDF က ပြောဆိုလိုက်သည်။ မေလ ၁၂ ရက်နေ့ (ယမန်နေ့) နံနက် ၁၀ နာရီက စစ်ကိုင်းတိုင်း ဒီပဲယင်းမြို့နယ်၊ အိုးတိမ်းတွင်းကျေးရွာ စာသင် ကျောင်းကို စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့ရာ ဆရာမ ၂ ဦး၊ ကလေးသူငယ် ၂၀ ဦး ပွဲချင်း ပြီး သေဆုံးပြီး ၄၀ ကျော် ထိခိုက်ဒဏ်ရာ ရရှိခဲ့သည့်အပေါ် KNDF က ၎င်းတို့၏ သဘောထား ထုတ်ပြန်ချက်ထဲ တွင် ထိုသို့ ထည့်သွင်းပြောဆိုထားသည်။ KNDF က “မိမိတို့ တော်လှန်ရေးတပ်ဖွဲ့များအနေဖြင့် မြန်မာတနိုင်ငံလုံးရှိ တောလှန်ရေး ကာကွယ်ရေးတပ် များ နှင့်အတူ အရပ်သားပြည်သူနှင့် ကလေးသူငယ်များကို ကာကွယ်စောင့်ရှောက်သော အနာဂတ် ပြည် ထောင်စု ကာကွယ်ရေးတပ် တရပ်ပေါ်ပေါက်ရေးကို ကြိုးပမ်းကြရမည်ဟု တိုက်တွန်းသည်” ဟု မေလ ၁၃ ရက် (ယနေ့) ထုတ်ပြန်ချက်ထဲတွင် ပြောဆိုထားသည်။ စစ်ကောင်စီတပ်၏ ပြည်သူလူထုအပေါ် ပစ်မှတ်ထား တိုက်ခိုက်မှုများကို ပိုမိုကာကွယ်နိုင်ရန်အတွက် ပြည် ထောင်စုတပ် တရပ် ပေါ်ပေါက်လာအောင်ကြိုးစားကြရမည်ဟု KNDF က ၎င်းတို့၏ သဘောထားကို ထုတ်ပြန် ချက်ထဲတွင် ဖော်ပြထားသည်။ ပြည်ထောင်စု ကာကွယ်ရေးတပ် တရပ်ပေါ်ပေါက်ရေးကို လုပ်ဆောင်နိုင်ရန်ကြိုးပမ်းကြရမည့် အခြားတစ် ဖက်တွင် စစ်ကောင်စီ၏ လုပ်ရပ်များကို မသိကျေးကျွန်ပြုပြီး စစ်ကောင်စီ၏ အင်အားကို အထောက်အကူ ပြုနေသည့် မည်သည့်အဖွဲ့အစည်းကိုမဆို ၎င်းတို့ကျူးလွန်မှုများနှင့်အတူ ထပ်တူတာဝန်ရှိကြောင်း ပြောကြား လိုပါသည်ဟု KNDF က ပြောသည်။ ထို့အပြင် စစ်ကောင်စီတပ်သည် အပစ်ခတ်ရပ်စဲရေး ကာလများ ထုတ်ပြန်ထားသော်လည်း နိုင်ငံအတွင်းရှိ နေရာအနှံ့အပြားကို နေ့စဉ်ရက်ဆက် အရပ်သား ပြည်သူများနေရာတွင် ပစ်မှတ်ထားပြီး နည်းမျိုးစုံ တိုက်ခိုက်ကျူးလွန် သတ်ဖြတ်နေသည်ကို အရေးယူရေးနှင့် စစ်လက်နက် ပစ္စည်းအထောက်အပံ့ တားဆီး ရေးများ စသည်တို့ကို ဝိုင်ဝန်းကြိုးပမ်း ဆောင်ရွက်ပေးရန် ထပ်မံတိုက်တွန်းသည်ဟု ဆိုသည်။ စစ်ကောင်စီတပ်က ပြည်သူများအပေါ် ကျူးလွန်နေမှုများ အားလုံးကို စစ်ရာဇဝတ် ကျူးလွန်မှု ဖြစ်ရပ် သက်သေများအဖြစ် သိမ်းဆည်းထားပြီး ကျူးလွန်သူများအားလုံးကို ပြင်းထန်စွာ အရေးယူနိုင်ရန်အတွက် ကရင်နီအမျိုးသားများ ကာကွယ်ရေးတပ် KNDF အနေဖြင့် ဆက်လက်ပူးပေါင်းဆောင်ရွက်သွားမည်ဖြစ်သည်ဟု ပြောသည်။

လူထုကို ကာကွယ်ရန် ပြည်ထောင်စု တပ်မတော် ပေါ်ပေါက်ရေး KNDF ကြိုးပမ်းမည်

ဒီပဲယင်း စာသင်ကျောင်းကို စစ်ကောင်စီ ဗုံးကြဲ၊ ကျောင်းသူ/သား များ သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။ စစ်ကိုင်းတိုင်း၊ ဒီပဲယင်းမြို့နယ်၊ အိုးထိန်းတွင်းကျေးရွာရှိ အလယ်တန်းကျောင်းကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ ကျောင်းသူ/သားများနှင့် ဆရာမ စုစုပေါင်း အယောက် ၂၀ ကျော် သေဆုံးခဲ့ သည်။ မေလ ၁၂ ရက်နေ့၊ နံနက်ပိုင်း ၁၀ နာရီအချိန်ခန့်တွင် အမျိုးသားညီညွတ်ရေး အစိုးရ NUG က ဖွင့်ထားသော ကျေးရွာစာသင်ကျောင်းကို စစ်တပ်က လေကြောင်းမှ ဗုံးကြဲခဲ့ခြင်း ဖြစ်သည်။ မြေပြင်တွင် ကယ်ဆယ်ရေး လုပ်နေသူ တစ်ဦးက “ဒီမနက်မှာ လေယာဉ်နဲ့ လာကြဲသွားတာ ဟုတ်ပါတယ်ဗျာ။ မနက်ကတော့ ကလေးက ၁၃ ယောက်၊ ဆရာမက ၂ ယောက်ပေါ့ဗျာ။ အခု နောက်ဆုံးစာရင်းရတာက ကလေး က အယောက် ၂၀ ရှိသွားပြီ။ ဆရာမကတော့ ၂ ယောက် အားလုံးပေါင်း ၂၂ ယောက်ပါဗျာ” ဟု ပြောသည်။ အိုးထိန်းတွင်းကျေးရွာ စာသင်ကျောင်းအား လေကြောင်း ဗုံးကြဲတိုက်ခိုက်ခံရမှု ဖြစ်စဉ်အတွင်း ထိခိုက်ဒဏ်ရာရ သူ အယောက် ၄၀ ကျော်ရှိသည်ဟု ဒီပဲယင်းမြို့နယ် ပြည်သူ့အုပ်ချုပ်ရေး အဖွဲ့က ထုတ်ပြန်ထားသည်။ အိုးထိန်းတွင်းရွာ အနီးဝန်းကျင်၌ တိုက်ပွဲဖြစ်ပွားခြင်းမရှိကြောင်း၊ စာသင်ကျောင်းကို ပစ်မှတ်ထားကာ ပေါင် ၃၀၀ ဗုံး ၂ လုံး ကြဲတိုက်ခိုက်ခဲ့ခြင်းကြောင့် ကျောင်းသူ/သားများနှင့် ဆရာမ ၂ ဦး သေဆုံးခဲ့ရခြင်း ဖြစ်သည်ဟု မြေပြင် သတင်းအရင်းအမြစ်များက ပြောသည်။ ထိခိုက်ဒဏ်ရာရထားသော ကျောင်းသူ/သားများကို လုံခြုံစိတ်ချရသော နေရာများသို့ ရွှေ့ပြောင်းကာ အရေးပေါ် ဆေးကုသမှု ပေးနေကြသည်ဟု ကူညီကယ်ဆယ်ရေး လုပ်နေသူများက ဆိုသည်။ ထိခိုက်ဒဏ်ရာ ရထားသူများထဲတွင် အသက်အန္တရာယ်စိုးရိမ်ရသည့် သူလည်း အတော်များသောကြောင့် သေဆုံး သူများ ထပ်တိုးလာနိုင်သည်ဟု ဆိုကြသည်။ ဒီပဲယင်းမြို့နယ် ပြည်သူ့အုပ်ချုပ်ရေး အဖွဲ့ တာယန်ရှိသူ တစ်ဦးက “အသက်အရွယ်လေးတွေက ၈ နှစ်ကနေ ၁၇ ကြားပေါ့၊ အဲ့ဒီအရွယ် ကလေးတွေပါတယ်။ အကြီးဆုံး ၁၇ နှစ် ဖြစ်မယ်။ နောက်ပြီး ဆရာမလေး နှစ်ယောက် ကလည်း စေတနာ့ဝန်ထမ်းလို့ ပြောရမယ်။ လုပ်အားပေး ဆရာမလေးတွေပါ။ တော်တော်ဆိုးတယ်ဗျာ။ ကျနော်တို့ ပဇီကြီးတို့၊ လက်ယက်ကုန်းတို့၊ နောက်ပြီး အနမ့်ပါတို့ပြီးရင် ဒါက အဆိုးဆုံး ဖြစ်ရပ်လို့ ပြောလို့ရ တယ်” ဟု ပြောသည်။ ဒီပဲယင်းမြို့နယ် ပြည်သူ့အုပ်ချုပ်ရေး အဖွဲ့၏ ထုတ်ပြန်ချက်အရ ယခုလေကြောင်း တိုက်ခိုက်မှုမှာ လေယာဉ်ဖြင့် စာသင်ကျောင်းပေါ် တည့်တည့်ဗုံးကြဲခဲ့ခြင်း ဖြစ်သည်ဟု ဆိုသည်။ ဒီပဲယင်းမြို့ အနောက်တောင်ဘက်တွင် ရှိသည့် အိုးထိန်းတွင်းကျေးရွာ လေကြောင်း တိုက်ခိုက်ခံရချိန်တွင် စာသင်ကျောင်း၌ စာမေးပွဲဖြေဆိုနေသူ ကျောင်းသူ/သား ၂၈၉ ဦး ရှိနေသည်ဟု ဒီပဲယင်းမြို့နယ် ပြည်သူ့အုပ်ချုပ် ရေး အဖွဲ့ တာယန်ရှိသူ ပြောသည်။ သေဆုံးသူ ဆရာမနှစ်ဦးနှင့် ကျောင်းသူ/သားများ၏ အမည်နှင့် အတန်းစာရင်းကိုလည်း အမျိုးသားညီညွတ်ရေး အစိုးရ NUG က ထုတ်ပြန်ထားသည်။ ယခုလေကြောင်း တိုက်ခိုက်ခံရမှုသည် ဒီပဲယင်းမြို့နယ်အတွင်း ဒုတိယအကြိမ်မြောက် လူသေဆုံးမှု အများဆုံး ဖြစ်ပြီး ၂၀၂၂ ခုနှစ်၊ စက်တင်ဘာလ ၁၆ ရက်နေ့ကလည်း လက်ယက်ကုန်းကျေးရွာ စာသင်ကျောင်း လေကြောင်း တိုက်ခိုက်ခံရမှုကြောင့် ကလေးငယ် ၁၁ ဦး အပါအဝင် အရပ်သား ၁၃ ဦးအထိ သေဆုံးခဲ့သည်။ အလားတူ စစ်ကိုင်းတိုင်း ကန့်ဘလူက ပဇီကြီး လေကြောင်းဗုံးကြဲမှု၊ ဒီပဲယင်းက လက်ယက်ကုန်းကျေးရွာ စာသင်ကျောင်း တိုက်ခိုက်ခံရမှုနှင့် ကချင်ပြည် ဖားကန့်ဒေသမှ အနန့်ပါ ဗုံးကြဲ တိုက်ခိုက်မှု ပြီးလျှင် ယခု အိုးထိန်းတွင်းကျေးရွာ လေကြောင်းတိုက်ခိုက်ခံရမှုမှာ အဆိုးရွားဆုံး ဖြစ်သည်ဟု ဒေသခံများက ဆိုသည်။ ဓာတ်ပုံ - ဒီပဲယင်းမြို့နယ် ပြည်သူ့အုပ်ချုပ်ရေးအဖွဲ့

ဒီပဲယင်း စာသင်ကျောင်းကို စစ်ကောင်စီ ဗုံးကြဲ၊ ကျောင်းသူ/သား များ သေဆုံး

ချင်းညီနောင်က ကျစ်လစ်တဲ့ တပ်မတော် ဖွဲ့စည်းမည် (အင်တာဗျူး) သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။ ချင်းညီနောင်အဖွဲ့ဝင် တပ်ဖွဲ့များက ပြီးခဲ့သည့် ဧပြီလ ၂၆ ရက်နေ့ ကနေ ၂၉ ရက်နေ့အထိ မြေပြင်အစည်းအဝေး တစ်ခုကို ချင်းပြည်နယ် လွတ်မြောက်နယ်မြေတစ်နေရာတွင် ပြုလုပ်ခဲ့ကြသည်။ အဆိုပါ အစည်းအဝေးကို ချင်းညီနောင် အဖွဲ့ဝင် ၆ ဖွဲ့မှ ကိုယ်စားလှယ် ၃၉ ဦးတက်ရောက်ခဲ့ကြပြီး ထိုအစည်း အဝေးတွင် ချင်း တမျိုးသားလုံးကို အကာအကွယ်ပေးနိုင်သည့် ပိုမိုကျစ်လစ်ခိုင်မာသော တပ်မတော်တစ်ရပ် (Standard Army) အဖြစ် တိုးမြှင့်ဖွဲ့စည်းနိုင်ရန် အခြေခံမူများ ချမှတ်ခဲ့သည် ချင်းညီနောင်အဖွဲ့ CB က မေလ ၁၁ ရက်နေ့ (ယမန်နေ့) က ထုတ်ပြန်ထားသည်။ ထို့အပြင် ချင်းအမျိုးသား စည်းလုံးညီညွတ်ရေးနှင့် အနာဂတ်တွင် ချင်းပြည်သူလူထုတရပ်လုံးကို ကိုယ်စားပြု သည့် ချင်းပြည်အစိုးရ ပေါ်ပေါက်နိုင်ရေးအတွက် တန်းတူညီမျှခြင်း၊တရားမျှတခြင်း၊ ကိုယ့်ကြမ္မာ ကိုယ်ဖန်တီး နိုင်ခြင်း၊ အစရှိသော ဒီမိုကရေစီ စံနှုန်းထားများ ပါဝင်သည့် ချင်းညီနောင်၏ Terms of Reference (ToR) အတိုင်း ဆက်လက် အကောင်အထည်ဖော်ဆောင်ရွက်ရန် သဘောတူခဲ့ကြသည်ဟု ဆိုသည်။ ညီနောင်အဖွဲ့ -CB က ဖွဲ့စည်းမည့် ကျစ်လျစ်ခိုင်မာသည့် တပ်မတော်ဆိုတာဘာလဲ။ ဘယ်လိုပုံစံမျိုးလဲ။ ကျစ်လျစ်ခိုင်မာသည့် တပ်မတော် ဖွဲ့စည်းဖို့အပြင် ရှေ့ဆက်လုပ်ဆောင်မည့် ရှေ့လုပ်ငန်းစဉ်တွေက ဘာလဲ ချင်းညီနောင်အဖွဲ့ - CB ပြောရေးဆိုခွင့်ရှိသူ ဆလိုင်းယောမန် ကို သတင်းနှင့် မီဒီယာ ကွန်ရက်က ဆက်သွယ်မေး မြန်းထားသည်။ မေး - ချင်းညီနောင်အဖွဲ့တွေအနေနဲ့ ဒီ မြေပြင် ဆွေးနွေးပွဲကနေ ဘယ်လို ရှေ့လုပ်ငန်းစဉ်တွေကို ချမှတ်နိုင်ခဲ့ ကြသလဲ။ ဘာတွေ ဆက်လုပ်သွားဖို့ ရှိသလဲ။ ဆလိုင်းယောမန် - ကျနော်တို့ ရှေ့လုပ်ငန်းစဉ်တွေမှာတော့ ကျနော်တို့ ဒီ ချင်းညီနောင် အဖွဲ့တွေ ချင်းညီနောင် ထိန်းချုပ်နယ်မြေတွေ ကနေပေါ့နော စစ်ကောင်စီ လုံးဝကင်းစင်သွားအောင်လို့ ဥပမာတော့ တီးတိန် တစ်မြို့ပဲ ကျန်တော့တာပေါ့ ကျနော်တို့ ဒီ ချင်းညီနောင် အဖွဲ့ဝင် ၆ ဖွဲ့ထဲမှာပေါ့နော စစ်ကောင်စီကင်းစင်ဖို့က တီးတိန် တစ်မြို့ ပဲ ကျန်တော့တယ်။ အဲဒါကို ကျနော်တို့ လုပ်သွားမယ်။ ပြီးတဲ့နောက်မှာမှ တခြားအများကြီး ပါပဲ ဆွေးနွေးဖြစ်ကြ တာကတော့ ကျနော်တို့ သုံးရက် လေးရက်လောက် တွေ့ပြီးမှ ဆွေးနွေးတယ်ဆိုတော့နော် ဆွေးနွေးတာတော့ အများကြီးရှိပါတယ်။ မေး - ပြီးတော့ ထုတ်ပြန်ချက်ထဲမှာက ကျစ်လျစ်ခိုင်မာတဲ့ တပ်မတော်တစ်ရပ် ဖွဲ့စည်းသွားမယ်ဆိုပြီး တွေ့ရတယ်။ ဆို တော့ ကျစ်လျစ်ခိုင်မာတဲ့ တပ်မတော်ဆိုတာ ဘာကို ပြောတာလဲ။လက်ရှိပုံစံနဲ့ ဘာကွာသလဲ ဆလိုင်းယောမန် - ဒီကျစ်လစ်ခိုင်မာတဲ့ တပ်မတော် တစ်ရပ်ဆိုတာက ဥပမာ ကျနော်တို့ ဒီ ၆ ဖွဲ့ကို ၁ ဖွဲ့ပေါင်းလိုက်လို့ရပါတယ်။ အဖြစ်သဘောပေါ့နော။ အပေါ်ယံပဲ လုပ်ကြစတမ်းဆိုရင်ပေါ့လေ။ ကျနော်တို့ အခုစဉ်းစားထားတာ တော့ တစ်ဖွဲ့ချင်းစီ တစ်ဖွဲ့ချင်း ဒီထက် ပိုကျစ်လျစ်ခိုင်မာအောင် ကျနော်တို့ လုပ်ရမယ်။ အဖွဲ့တခုချင်းစီက ကျစ်လျစ်ခိုင်မာတဲ့ အဲလိုဖြစ်လာပြီဆိုမှ ဒါကိုကျနော်တို့ ပြန်ပေါင်းမယ်ဆိုတော့ တစ်ဖွဲ့အတွင်းချင်းစီမှာပဲ တကယ့် chain of command တွေ ethics တွေ discipling ကောင်းတဲ့ဟာဖြစ် အောင် ကျနော်တို့ ဝိုင်းဝန်း တည်ဆောက်ကြမယ်ပေါ့နော။ အဲဒါပြီးမှပဲ ကျနော်တို့ ပြန်ဝိုင်းဝန်းလုပ်ကြမယ် ပေါ့။ အဲလိုမျိုးပါ။ မေး - ကျစ်လျစ်ခိုင်မာတဲ့ တပ်မတော်ဖြစ်အောင် ဘယ်လို ဆက်လုပ်သွားဖို့ရှိသလဲ ဆလိုင်းယောမန် - ဒီလိုမျိုးပါဝင်တဲ့ အဖွဲ့တွေ တစ်ဖွဲ့ချင်းစီက ကျစ်လျစ်တဲ့ စည်းကမ်းရှိတဲ့ တပ်ဖွဲ့တွေ ဖြစ်လာ အောင် တည်ဆောက် ရင်းနဲ့မှပေါ့နော အဲဒီကနေမှပဲ တစ်ဖြေးဖြေး ပူးပေါင်းလာကြဖို့ပေါ့ အဲဒီ ၆ ဖွဲ့လုံး တစ်ဖွဲ့ ဖြစ်လာအောင် ပူးပေါင်း လာဖို့ပေါ့လေ အဲလိုမျိုးပါ။ ဒီမှာတော့ ကျစ်လျစ်ခိုင်မာတဲ့ တပ်မတော်ဆိုတာ ပြောချင်တာကတော့ နစ်နာခံမှု ကောင်းတယ်။ ဒီ ကျင့်ဝတ်သဘောပေါ့ ethics တွေ ကောင်းကောင်း နားလည်တယ်။ ဒီ Geneva Convention သဘောတွေကအစပေါ့ ပြီးတော့မှ တိုက်ရည်ခိုက်ရည် ရှိရမယ်ပေါ့နော။ စစ်တပ်ဆိုကတည်းက ယူနီဖောင်း ဘယ်လောက်ကောင်းကောင်း လက်နက်ဘယ်လောက် ကောင်းကောင်း အမိန့်နာခံမှု ဘယ်လောက်ရှိရှိ တိုက်ရည် ခိုက်ရည် မရှိရင် အလကားပဲ အဲလိုမျိုးပေါ့ ဆိုတော့ စည်းကမ်းရှိရမယ်။ အမိန့်နာခံမှုကောင်းရမယ်။ ကျင့်ဝတ် သဘောသဘာဝ လုံးဝနားလည်ရမယ်။ လေးစား လိုက်နာရမယ်။ တိုက်ရည် ခိုက်ရည်ကောင်းရမယ်။ ပြီးတော့မှ အင်အားရှိလာမယ်ဆိုတာမျိုးတစ်ခုပေါ့နော။ ကျနော်တို့ ပြည်သူတွေကို ကာကွယ်ဖို့ ကျနော်တို့ရဲ့ ကိုယ့်ကြမ္မာ ကိုယ်ဖန်တီးဖို့ ကောင်းကောင်းအာမခံနိုင်တဲ့ တပ်တစ်တပ်ဖြစ်လာအောင် ကျနော်တို့ အဲလိုမျိုးပေါ့ အဲဒီတပ်မ တော်ဖက်ကိုပေါ့နော အဲလိုမျိုးကို ကျနော်တို့ ဆိုလိုချင်တာပါ။ ချင်းညီနောင် အဖွဲ့ဝင်များမှာ ဇိုမီးဖက်ဒရယ် အစည်းအရုံး (ZFU/ PDF- Zoland)၊ ချင်းအမျိုးသားကောင်စီ - မင်းတပ် (CNC/ CDF – Mindat)၊ ချင်းအမျိုးသားအဖွဲ့ချုပ် (CNO/ CNDF) ၊ မရာနယ်မြေ အုပ်ချုပ်ရေး ကောင်စီ (MTC/ MDF) ၊ ချင်းကာကွယ်ရေးတပ်ဖွဲ့ – ကန်ပက်လက် (CDF- Kampetlet)၊ ချင်းလဲန်းကာ ကွယ်ရေးတပ်ဖွဲ့ - မတူပီ (CDF-Matupi တပ်မဟာ ၁ တို့ ဖြစ်သည်။

ချင်းညီနောင်က ကျစ်လစ်တဲ့ တပ်မတော် ဖွဲ့စည်းမည် (အင်တာဗျူး)

ကျောက်မဲ ပြည်သူ့ ဆေးရုံကို ဗုံးကြဲတိုက်ခိုက် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၆ ရက်။ ရှမ်းမြောက်ရှိ ကျောက်မဲမြို့ပေါ်နှင့် ဆေးရုံကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့သည်ဟု ဒေသခံများက ပြောသည်။ ကျောက်မဲမြို့ကို စစ်ကောင်စီတပ်မှ မေလ ၅ ရက်နေ့ နံနက်ပိုင်းတွင် ဂျက်ဖိုက်တာဖြင့် ဗုံးကြဲ တိုက်ခိုက်ခဲ့ခြင်း ဖြစ်သည်။ “သူတို့က ဆက်တိုက်လာကြဲတယ်။ မနက် ၁၁ နာရီ ကျော်လောက်မှာ နှစ်ခါလာကြဲသွားတာ။ အိမ်ပျက်စီးတာ လည်း ရှိတယ်။ လမ်းပေါ်တွေမှာ ကျတာလည်းရှိတော့ လူတွေက ကြောက်ကြတာပေါ့။ စိုးရိမ်တော့ ဘယ်မှာ နေရမှန်းမသိ လေယာဉ်သံပဲ နားစွင့်နေရတယ်။ လေယာဉ်ကလည်း ဆက်တိုက်ကို ဝဲနေတာ အပေါ်မှာလေ။ ဒီလိုပဲ အခြေအနေကြည့် နားစွင့်ပဲ နေနေကြရတာ” ဟု ကျောက်မဲဒေသခံ အမျိုးသမီး တစ်ဦးက ပြောသည်။ အလားတူ မေလ ၄ ရက်နေ့ကလည်း နောင်ချိုမြို့ပေါ်ရှိ ရပ်ကွက်အချို့နှင့် ကျေးရွာအချို့ကို စစ်တပ်က လေကြောင်းမှ ဗုံးကြဲ တိုက်ခိုက်မှုများ လုပ်နေသည်ဟု ဒေသခံများက ပြောသည်။ တအာင်း အမျိုးသား လွတ်မြောက်ရေး တပ်မတော် TNLA နှင့် စစ်ကောင်စီတို့၏ တရုတ်နိုင်ငံ ကူမင်းဆွေးနွေးပွဲ က သဘောတူညီမှုမရဘဲ ပြီးဆုံးခဲ့ပြီးနောက် ကျောက်မဲ၊ နောင်ချို အပြင် မိုးကုတ်မြို့တို့မှာ လေကြောင်းမှ ဆက်တိုက် ဗုံးကြဲ တိုက်ခိုက်ခံနေရသည်။ ကူမင်းဆွေးနွေးပွဲတွင် စစ်ကောင်စီသည် TNLA က သိမ်းပိုက်ထားသော မြို့များဖြစ်သည့် မိုးကုတ်၊ မိုးမိတ်၊ နောင်ချို၊ သီပေါနှင့် ကျောက်မဲမြို့တို့ကို ပြန်ပေးရန် တောင်းဆိုခဲ့သည်။ အဆိုပါ တွေ့ဆုံဆွေးနွေးပွဲ အပြီးမှာတွင် TNLA က သတင်းစာ ရှင်းလင်းပွဲ တစ်ခု လုပ်ခဲ့သည်။ ထိုသတင်းစာ ရှင်းလင်းပွဲ၌ တောင်းဆိုထားတဲ့ မြို့များ ပြန်ပေးရန် တရုတ်နှင့် စစ်ကောင်စီတို့က TNLA နယ်မြေရှိ လူထုကို ဖြတ်လေးဖြတ်နှင့် ပိတ်ဆို့ထားသည်ဟု ပြောသည်။ TNLA အနေဖြင့် ဖိအား ဘယ်လောက်များများ မြို့များ ပြန်မပေးရရေးအတွက် လုပ်သွားမည်ဟု သတင်း စာရှင်း လင်းပွဲတွင် ပြောဆိုထားသည်။ မိုးကုတ် ဒေသခံ အမျိုးသား တစ်ဦးက “ကျနော်တို့ မိုးကုတ်ကို ဗုံးကြဲနေတာက နေ့တိုင်းလိုလိုပါပဲ။ လေယာဉ် ကလည်း အမြဲဝဲနေတာ။ ဘာပဲဖြစ်ဖြစ် အကောင်းတွေ ဖြစ်လာဖို့ မျှော်လင့်ထားပေမယ့် နေ့တိုင်းတော့ စိုးရိမ်ပြီး သတိနဲ့ နေရတဲ့ အနေအထားမျိုးပေါ့ဗျာ။ ကြောက်လာဆိုရင်တော့ ကြောက်တယ်။ အထူးသဖြင့် ကလေးတွေ အတွက် စိုးရိမ်နေရတာ။ ဘယ်မှလည်း ထပ်ပြီး မရှောင်ချင်တော့ဘူး။ ဒီနေ့အထိတော့ ဒီလိုပဲ အခြေအနေကို စောင့်ကြည့် သတိနဲ့ နေရာတာမျိုးပေါ့ဗျာ” ဟု ပြောသည်။ လက်ရှိတွင် စစ်ကောင်စီတပ်သည် PSLF/TNLA ထိန်းချုပ်ထားသော မြို့နယ်များထဲ စစ်အင်အား ဖြည့်တင်းခြင်း၊ ထိုးစစ်ဆင်ခြင်းနှင့် တိုက်ပွဲဖြစ်ပွားခြင်း မရှိသည့် နေရာများကို လေကြောင်းမှ ဗုံးကြဲတိုက်ခိုက်ခြင်းများ လုပ်နေသည်ဟု ထုတ်ပြန်ထားသည်။ ထို့ကြောင့် မိဘပြည်သူများ အနေဖြင့် စစ်ကောင်စီ၏ ဗုံးကြဲတိုက်ခိုက်မှုများကို ရှောင်ရှားနိုင်ရန် စစ်ရေးသတိ အမြဲရှိရန်လိုအပ်ပြီး လေကြောင်းရန်မှ ကာကွယ်နိုင်ရန် ကာကွယ်ရေးဆိုင်ရာ နည်းလမ်းများကို လိုက်နာဆောင် ရွက်ကြရန် လိုအပ်ကြောင်း PSLF/TNLA က ထုတ်ပြန်ထားသည်။

ကျောက်မဲ ပြည်သူ့ ဆေးရုံကို ဗုံးကြဲတိုက်ခိုက်

တရုတ်ကုမ္ပဏီတစ်ခုက ခဲလုပ်ကွက်အတွက် တစ်အိမ်ကို ငါးသိန်းပေး ပြောင်းရွှေ့ခိုင်း သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၆ ရက်။ တရုတ်နိုင်ငံသားပိုင် ကုမ္ပဏီတစ်ခုက ခဲလုပ်ကွက် တိုးချဲ့ရန် တနင်္သာရီတိုင်း ကျွန်းစုမြို့နယ်အတွင်း တစ်အိမ် ကျပ်ငါးသိန်းပေးကာ ပြောင်းရွှေ့ခိုင်းနေသည်ဟု ရွာသားများက ပြောသည်။ မြိတ်ခရိုင်၊ ကျွန်းစုမြို့နယ်၊ ကျွဲခရံကျေးရွာအုပ်စု၊ ယမုံကျေးရွာတွင် ခဲသတ္တု လုပ်ကွက်တိုးချဲ့ တူးဖော်ရန် အတွက်ဟု ဆိုကာ နေအိမ်များကို တစ်ဆောင်လျှင် ကျပ်ငါးသိန်းစီပေးကာ ပြောင်းရွှေ့ခိုင်းနေသည်ဟု ရွာသား များက ပြောသည်။ အသက် ၄၀ ခန့်အရွယ် ရွာသားတစ်ဦးက “ကုမ္ပဏီမန်နေဂျာက တစ်အိမ်ကို ငါးသိန်းပေးမယ်၊ ဧပြီလအကုန်မှာ အပြီး ဖယ်ရှားရမယ်၊ ကန့်ကွက်တဲ့ အိမ်ကို ဘတ်ဟိုးနဲ့ အပြီး ဖြိုချဖျက်ဆီးပစ်မယ်လို့ ခြိမ်းခြောက်နေတယ်၊ သူတို့ ပေးတဲ့ငွေက မုန့်ဖိုးပေးသလောက်နဲ့ တမင် လုပ်ချင်တာ လုပ်နေတဲ့ သဘောပါပဲ” ဟု ပြောသည်။ ဧပြီလကုန်တွင် အပြီးပြောင်းရွှေ့ ပေးရန်အတွက် ယမုံကျေးရွာ၏ ရွာအဖျားပိုင်းရှိ နေအိမ် ၃၀ ခန့်ကို ပြောဆို ထားသော်လည်း လက်ခံမှုမရှိဘဲ ကန့်ကွက်ငြင်းဆိုသူ များနေသည်ဟု ရွာသားများက ပြောသည်။ တရုတ်နိုင်ငံသားပိုင် ရွှေပင်လယ်ကုမ္ပဏီ၏ မန်နေဂျာဖြစ်သူ ဦးသန်းထိုက်က စစ်ကောင်စီတပ်၊ ပျူစောထီးများ နှင့် ပူးပေါင်း၍ နေအိမ်တစ်ဆောင်လျှင် ငွေကျပ် ငါးသိန်းစီပေးကာ အဓမ္မ ပြောင်းရွှေ့ခိုင်းထားကြောင်း အသက် ရွာသားများက ပြောသည်။ ပြောင်းရွှေ့ခိုင်းထားသည့် နေအိမ်များမှာ မေလ ၄ ရက်နေ့အထိ ပြောင်းရွှေ့ခြင်း မပြုလုပ်ကြသော်လည်း ကုမ္ပဏီဘက်မှ နေအိမ်များကို တစ်စုံတစ်ရာ ပြုလုပ်ခြင်း မရှိသေးကြောင်း ဆိုသည်။ ပြီးခဲ့သည့် ၂၀၂၄ ခုနှစ်အတွင်းက ယမုံကျေးရွာ၌ ခဲသတ္တုမိုင်းပေါင်း ၃၂၀ ကျော်ရှိခဲ့ပြီး ယခု ၂၀၂၅ ခုနှစ်တွင် ခဲသတ္ထု ရှားပါးလာခြင်းကြောင့် ခဲသတ္တုမိုင်းပေါင်း ၁၅၀ ခန့်သာ ကျန်ရှိတော့သည်ဟု ရွာသားများက ပြော သည်။ ကျွန်းစုမြို့နယ် အပါအဝင် တနင်္သာရီတိုင်း အတွင်းရှိ မြို့နယ်အများစုတွင် စစ်အာဏာ သိမ်းပြီးသည့် နောက်ပိုင်း ခဲသတ္တုလုပ်ကွက် အများအပြား ပေါ်ပေါက်လာပြီး စစ်ကောင်စီတပ်နှင့် ပျူစောထီးအဖွဲ့များကို ငွေကြေးပေးပြီး တူးဖော် လုပ်ကိုင်နေကြခြင်း ဖြစ်သည်ဟု ဆိုသည်။

တရုတ်ကုမ္ပဏီတစ်ခုက ခဲလုပ်ကွက်အတွက် တစ်အိမ်ကို ငါးသိန်းပေး ပြောင်းရွှေ့ခိုင်း

ဗုဒ္ဓဟူးနေ့ ရုပ်သံသတင်း (၃၀-၄-၂၅) ဒီနေ့ အစီအစဉ်ထဲမှာတော့ ... နေပြည်တော် ပြန်လည်တည်ဆောက်ရေး ဘယ်သူတွေ ခေါင်းခံရမှာလဲ၊ NUG က အာဆီယံကို ဘယ်လို သတိပေးလိုက်သလဲ၊ ဗီယက်နမ်တွေက သစ္စာတရားရဲ့ အောင်ပွဲ ဆိုပြီး ဘာကြောင့် အောင်ပွဲ ခံနေကြတာလဲ စတာတွေ ကြည့်ရှု နားဆင်ရမှာပါ

ဗုဒ္ဓဟူးနေ့ ရုပ်သံသတင်း (၃၀-၄-၂၅)

ဒီနေ့ အစီအစဉ်ထဲမှာတော့ ... EU က ဗိုလ်ချုပ်မှူးကြီး မင်းအောင်လှိုင်အပါအဝင် စစ်ရေး၊ နိုင်ငံရေး၊ စီးပွားရေး တာဝန်ရှိသူ ၁၀၀ ကျော်ကို အရေးယူပိတ်ဆို့မှု သက်တမ်းတိုးလိုက်တဲ့အကြောင်း တိုက်ပွဲတွေ အကြောင်းနောက်ဆုံးရ သတင်းတွေ တရုတ်က ကမ္ဘာမှာ ပထမဆုံး နျူကလီးယား စွမ်းအင်မသုံးတဲ့ ဟိုက်ဒရိုဂျင်ဗုံးကို စမ်းသပ်အောင်မြင်သွားတော့ ဘာတွေ ဖြစ်လာမှာလဲ။ ဆိုတာနဲ့ ပါကစ္စတန်က နျူကလီးယား ထိပ်ဖူး ၁၃၀ ဟာ အိန္ဒိယ အတွက် ဖြစ်သွားမယ်လို့ ဘာလို့ ပြောလိုက်တာလဲ ဆိုတာတွေ ပါဝင်ပါတယ်။

တနင်္လာနေ့ ည ရုပ်သံသတင်း (၂၈-၄-၂၅)

ဒရုန်း တိုက်ခိုက်မှုကြောင့် ဖယ်ခုံတွင် အရပ်သား ၃ ဦး ဒဏ်ရာရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၈ ရက်။ ရှမ်းပြည်တောင်ပိုင်း၊ ကရင်နီပြည်အစပ်၊ ဖယ်ခုံမြို့နယ်တွင် စစ်ကောင်စီ၏ လက်နက်ကြီးနှင့် ဒရုန်းပစ်ခတ်မှု ကြောင့် အရပ်သား ၃ ဦး ပြင်းထန်ဒဏ်ရာများ ရရှိခဲ့သည်ဟု နီးစပ်သည့် စစ်ဘေးရှောင် သတင်းအရင်းအမြစ် များက ပြောသည်။ ဖယ်ခုံမြို့နယ်၊ မိုးဗြဲမြို့ အနောက်ဘက်ခြမ်းတွင် ခြေကုတ်ယူထားသည့် ခမရ ၄၄၂ တပ်ရင်းမှ တိုက်ပွဲဖြစ်ပွားခြင်း မရှိဘဲ ရည်ရွယ်ချက်ရှိရှိ ပစ်ခတ်ခဲ့ခြင်း ဖြစ်သည်။ စစ်ကောင်စီ၏ ဧပြီလ ၂၆ ရက်နေ့ ပစ်ခတ်မှုအတွင်း ဝါရီကောခူကျေးရွာတွင် နေထိုင်သည့် သားအဖ ၂ ဦးမှာ ဗုံးစထိမှန် ဒဏ်ရာများ ရရှိခဲ့ခြင်း ဖြစ်သည်။ နီးစပ်သည့် စစ်ဘေးရှောင် အမျိုးသမီး တစ်ဦးက “ထိတာက မြို့ထဲမှာ ထိတာပါ။ ညနေ ၄ နာရီလောက် သား အဖ ၂ ယောက်လုံး မြို့တက် ပစ္စည်းသွားဝယ်ရင်း စစ်တပ်က ပစ်တာ။ ဒဏ်ရာတော်တော်ပြင်းတယ်။ မျက်နှာ တွေဆို ရစရာတောင် မရှိဘူး” ဟု ပြောသည်။ အလားတူ ဧပြီလ ၂၅ ရက်နေ့ ည ၇ နာရီဝန်းကျင်ခန့်၌လည်း စစ်ကောင်စီ၏ လက်နက်ကြီး ပစ်ခတ်မှုကြောင့် မိုးဗြဲမြို့၊ ပွဲကုန်း ၁ ရပ်ကွက်တွင် နေထိုင်သည့် အသက် ၇၀ ကျော်အရွယ် ဦးမောင်ရန်မှာလည်း ပြင်းထန် ဒဏ်ရာများ ရရှိခဲ့သေးသည်ဟု ဆိုသည်။ ပုဂ္ဂိုလ်ရေးအရ နီးစပ်သူ တစ်ဦးက “အဘိုးက သေပြီလို့တောင် ထင်နေတာ။ သတိလစ်နေတာ တော်တော် ကြာ တယ်။ ဆေးရုံကြီးမှာ ခွဲစိပ်ရမယ်လို့ ပြောတယ်။ ခြေ၊ လက်တွေလည်း ဖြတ်ရမယ့် အခြေအနေ ရှိတယ် အခန့် မသင့်ရင်ပေါ့” ဟု ပြောသည်။ မိုးဗြဲမြို့ကို တော်လှန်ရေး အင်အားစုများက ပြီးခဲ့သည့်နှစ်မှ စ၍ လက်ရှိချိန်အထိ ထိန်းချုပ်ထားဆဲ ဖြစ်ပြီး စစ်ကောင်စီက ၂၀၂၅ ခုနှစ်အတွင်း ရွေးကောက်ပွဲ ကျင်းပနိုင်ရေးအတွက် အပြင်းအထန် ထိုးစစ်ဆင်လျက်ရှိ သည်။ အလားတူ ဧပြီလ ၂၆ ရက်နေ့တွင်လည်း ကရင်နီပြည်၊ ဖားဆောင်းမြို့နယ်၊ မော်ချီးမြို့တွင် စစ်ကောင်စီ၏ လေကြောင်း ပစ်ခတ်မှုကြောင့် အရပ်သား ၃ ဦး ပြင်းထန်ဒဏ်ရာ ရရှိခဲ့သေးသည်။ စစ်ကောင်စီသည် အပစ်ရပ်စဲရေး ကြေညာထားသော်လည်း ရှမ်းပြည်နယ် တောင်ပိုင်းနှင့် ကရင်နီဒေသများသို့ မကြာခဏ စစ်ကြောင်းထိုးခြင်း၊ နေ့စဉ်ရက်ဆက် လက်နက်ကြီးနှင့် ဒရုန်းများ ပစ်ခတ်ခြင်း စသည့်လုပ်ရပ်များ ကျူးလွန်လျက်ရှိသည်ဟု မြေပြင်စစ်ရေး သတင်းအရင်းအမြစ်များထံမှ သိရသည်။

ဒရုန်း တိုက်ခိုက်မှုကြောင့် ဖယ်ခုံတွင် အရပ်သား ၃ ဦး ဒဏ်ရာရ

ထားဝယ် တိုက်ပွဲ အတွင်း စစ်ကောင်စီတပ်ဖွဲ့ဝင် ၁၆ ဦး အလံဖြူထောင် လက်နက်ချ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီ ၂၈ ရက်။ တနင်္သာရီတိုင်း တိုက်ပွဲအတွင်း စစ်ကောင်စီ တပ်ဖွဲ့ဝင် ၁၆ ဦး အလံဖြူထောင် လက်နက်ချခဲ့သည်ဟု ထားဝယ်ပြည်သူ့ လွတ်မြောက်ရေး တပ် TPLFက ပြောသည်။ ထားဝယ်မြို့နှင့် ၇ မိုင်ခန့်အကွာရှိ ဟားလီးကွေ့စခန်းကို တိုက်ခိုက်စဥ် စစ်ကောင်တပ်က ၁၆ ဦး အလံဖြူ ထောင် လက်နက်ချခဲ့ပြီး စခန်းသိမ်းပိုက်နိုင်ခဲ့သည်ဟု ခရိုင်ပြည်သူ့လွတ်မြောက်ရေး တပ် TPLF တာဝန်ရှိသူက ပြောသည်။ မောင်မယ်မယ်ရှောင်ကျေးရွာရှိ ဟားလီးကွေ့ စစ်ကောင်စီစခန်းကို ဧပြီလ ၂၆ ရက်နေ့၊ နံနက် ၆ နာရီ အချိန်ခန့် က ပြည်သူ့ကာကွယ်ရေး ပူး‌ပေါင်းတပ်ဖွဲ့များက စတင် တိုက်ခိုက်ခဲ့ခြင်းဖြစ်ပြီး ညနေ ၅ နာရီခန့်တွင် စခန်းတစ်ခု လုံးကို သိမ်းပိုက်နိုင်ခဲ့ခြင်း ဖြစ်သည်။ ထားဝယ် - ရန်ကုန် ကားလမ်းမပေါ်ရှိ ဟားလီးကွေ့စခန်းသည် စစ်ဘေးရှောင်နေသည့် လူမရှိသည့် နေအိမ်များ ကို ခြေကုတ်ယူပြီး ဘန်ကာများ၊ ဆက်သွယ်ရေး မြောင်းများဖြင့် ပြီးခဲ့သည့် ၂၀၂၄ ခုနှစ် စက်တင်ဘာလခန့်မှ စတင်၍ အင်အား ၂၀ ခန့်ဖြင့် တပ်စွဲထားသည့် စစ်ကောင်စီ ဂိတ်စခန်း တစ်ခုဖြစ်သည်။ ထားဝယ်ပြည်သူ့လွတ်မြောက်ရေးတပ် - TPLF မှ တာဝန်ရှိသူတစ်ဦးက “စခန်းထဲက စစ်ကောင်စီတပ်သား ၁၆ ဦးက အလံဖြူထောင်ပြီး လက်နက်ချတယ်၊ စခန်းကိုလည်း မီးရှို့ခဲ့တယ်၊ လက်နက်တွေလည်း ရတယ်၊ စာရင်း အတိအကျတော့ မသိရသေးဘူး၊ ပူးပေါင်းတပ်ဖွဲ့ဘက်ကလည်း ထိခိုက်မှု တစ်ချို့ရှိပေမဲ့ စာရင်းယူနေတုန်းပါ။ လက်ရှိတော့ စခန်းက ပြန်ဆုတ်လိုက်ပါပြီ” ဟု ပြောသည်။ ဟားလီးကွေ့စခန်းသည် ရန်ကုန် - ထားဝယ် ကားလမ်းပေါ်တွင် သွားလာနေသည့်ယာဥ်များကို စစ်ဆေးငွေညှစ် နေသော ဂိတ်ဖြစ်‌ပြီး ပြည်သူ့ကာကွယ်ရေး တပ်ဖွဲ့များကလည်း စခန်းဂိတ်ကို မကြာခဏ လာရောက် ပစ်ခတ် ခဲ့ဖူးသည်ဟု တိုက်ခိုက်ရာတွင်ပါဝင်ခဲ့သူ တပ်ဖွဲ့ဝင်တစ်ဦးက ဆိုသည်။ ဟားလီးကွေ့စခန်းကို တိုက်ခိုက်နေချိန် နံနက် ၉ နာရီခန့်တွင် စစ်ကောင်စီဘက်မှ လေယာဥ်ဖြင့် နှစ်ကြိမ် လာ‌ ရောက် ဗုံးကြဲတိုက်ခိုက်ခဲ့ပြီး သပြေချောင်းအခြေစိုက် စစ်ကောင်စီတပ်ရင်း ဘက်မှလည်း မောင်မယ်ရှောင် ကျေးရွာနှင့် ဟားလီးကွေ့စခန်း တစ်ဝိုက်ကို လက်နက်ကြီးများနှင့် တစ်နေကုန် ပစ်ကူခဲ့သည်ဟု ဆိုသည်။ လေကြောင်းဖြင့် ဗုံးလာကြဲတာကြောင့် ဇဟာကျေးရွာ ဘုန်းကြီးကျောင်းအနီး ကျရောက်ပေါက်ကွဲခဲ့ပြီး ဇနီးမောင်နှံနှစ်ဦး သေဆုံးခဲ့ကာ ဘုန်းကြီးနှစ်ပါး ထိခိုက်ဒဏ်ရာများ ရရှိခဲ့ကြသည်။ ထို့အပြင် တိုက်ပွဲအတွင်း စစ်ကောင်စီတပ်သား လေးဦး သေဆုံးခဲ့ပြီး စခန်းကို အုပ်ချုပ်သည့် ဗိုလ်ကြီးဖြစ်သူမှာ စခန်းသိမ်းပိုက်ခံရ အပြီး၌ သေနတ်ဖြင့် ပစ်သတ်ကာ အဆုံးစီရင်သွားခဲ့သည်ဟု TPLF မှ တာဝန်ရှိသူတစ်ဦးက ဆိုသည်။ စခန်းသိမ်းတိုက်ပွဲကို ကရင်အမျိုးသား လွတ်မြောက်ရေး တပ်မတော် (KNLA)၊ ထားဝယ် ပြည်သူ့ လွတ်မြောက် ရေးတပ် - TPLF၊ ဓဝယ်အမျိုးသား လွတ်မြောက်ရေး တပ်တော် - (DNLA) အပါအဝင် ပြည်သူ့ကာကွယ်ရေးပူးပေါင်းတပ်ဖွဲ့များက ပုးပေါင်း စစ်ဆင်ရေူ လုပ်ခဲ့ခြင်းဖြစ်သည်။ ပြီးခဲ့သည့် ဧပြီလ ၁၉ ရက်နေ့ကလည်း ထားဝယ်ခရိုင် အတွင်းရှိ တပ်မဟာ (၄)နယ်မြေမှ စစ်ကောင်စီ၏ ဗျူဟာ စခန်းတစ်ခု ဖြစ်သည့် ထီးထစခန်းကို ကရင်အမျိုးသား လွတ်မြောက်ရေး တပ်မတော် (KNLA) နှင့် ပြည်သူ့ ကာကွယ်ရေး ပူးပေါင်းတပ်ဖွဲ့များက သိမ်းပိုက်ခဲ့သေးသည်။ တိုက်ပွဲအတွင်းမှ ဗျူဟာမှူး အပါဝင် စစ်ကောင်စီတပ်ဖွဲ့ဝင် ရာနှင့်ချီသေဆုံးခဲ့ပြီး လက်နက်ခဲယမ်း အများအပြား ကိုလည်း သိမ်းဆည်းရမိခဲ့သည်။ ယခုနှစ် သင်္ကြန်ကာလမှ စတင်ပြီး ပြည်သူ့ကာကွယ်ရေး ပူးပေါင်းတပ်ဖွဲ့များနှင့် စစ်ကောင်စီတို့ ကြား စစ်ရေး တင်းမာနေပြီး နေ့စဥ်နီးပါး လေကြောင်းမှ တိုက်ခိုက်မှုများလည်း ရှိနေပြီး ၁၀ ရက် အတွင်း၌ ထားဝယ်ခရိုင် အတွင်း စစ်ဘေးရှောင်နေရသူ တစ်သောင်းကျော်အထိ ရှိလာနေသည်ဟု ဒေါန-တနင်္သာရီ စစ်ဘေးရှောင်များ အ ထောက်အကူပြုရေး အဖွဲ့ထံမှ သိရသည်။

ထားဝယ် တိုက်ပွဲ အတွင်း စစ်ကောင်စီတပ်ဖွဲ့ဝင် ၁၆ ဦး အလံဖြူထောင် လက်နက်ချ

« Prev 1 2 3 4 5 6 7 Next »

သောကြာနေ့ည ရုပ်သံသတင်း (၁၀-၁၀-၂၅)

သောကြာနေ့ည ရုပ်သံသတင်း (၁၀-၁၀-၂၅)

ဒီကနေ့ အစီအစဉ်ထဲမှာတော့ … မိုးမိတ်မှာ ဗုံးကြဲတိုက်ခိုက်ခဲ့လို့ ကလေးတွေ အပါအဝင် အရပ်သားတွေ အသက်ဆုံးရှုံးခဲ့ရပါတယ်။ မွန်နဲ့ တနင်္သာရီမှာလည်း အရပ်သားတွေ လေကြောင်းတိုက်ခိုက်မှု ခံရပါတယ်။ ဖားကန့်မှာ စစ်ကော်မရှင်က ဘာကြောင့် ညမထွက်ရ အမိန့်ထုတ်လိုက်တာပါလဲ

ထိုင်းရောက် အလုပ်သမားတွေအတွက် ပန်းရောင်ကတ် ပြုလုပ်ရမယ့် နေရာတွေက ဘယ်နေရာတွေလဲ၊ ဘယ်လိုလုပ်ရမှာလဲ။ ယူကရိန်းတိုက်ပွဲမှာ လောင်စာ အရင်းအမြစ်တွေကို ဘာလို့ အပြန်အလှန် တိုက်ခိုက်နေကြတာလဲ။ ယူကေက အိန္ဒိယ နိုင်ငံကို အပေါ့စား ဒုံးကျည်တွေ ရောင်းပေးလိုက်ပါတယ်။

ကမ္ဘာကျော် မုဒိမ်းမှုတစ်ခုမှာ အယူခံဝင်တဲ့သူကို တရားရုံးက ဘယ်လို အမိန့်ချမှတ်လိုက်သလဲ … စတာတွေတင်ဆက်ထားပါတယ်။

×Close

News

IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm
Junta-Aligned Pa-O Militia Bans Residents from Leaving Villages — October 29, 2024 2:23 pm

Recent Posts

စစ်ကော်မရှင် စစ်ကြောင်းကို DNLA ၏ ဒူကရ စစ်ကြောင်းက တိုက်ခိုက်၊ စစ်ကော်မရှင် စစ်သား ၅ ဦးသေ
ပဲခူးတိုင်း အတွင်း ကပစ ၁၆ အနီးရှိ ၆၆၆ ပွိုင့် စခန်းကုန်းကို AA သိမ်းပိုက်
မြန်မာနိုင်ငံ အခြေအနေကို ICC သို့လွှဲရန်၊ လေယာဉ်ဆီ ပိတ်ဆို့ရန် CHRO တောင်းဆို
မြန်မာစစ်တပ်အပေါ် ပိတ်ဆို့မှုများ ပြန်လည်စတင်ရန် ဗြိတိန်ကို တိုက်တွန်း
မုံရွာ-မန္တလေးလမ်း တွင် စစ်ကော်မရှင်တပ်မှ ရမ်းသန်း ပစ်ခတ်၊ ဆုတောင်းပြည့် ဘုရားပွဲအပြန် လူငယ် ၄၀ ခန့်အား ပေါ်တာဆွဲ

Archives

Archives

×Close