airstrikes – Page 5 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Tag Archive

Tag: airstrikes

လေကြောင်းတိုက်ခိုက်မှုကြောင့် ကျောက်မဲတွင် အရပ်သား ၄ ဦးသေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၂၄ ရက်။ စစ်ကောင်စီတပ်၏ လေကြောင်းတိုက်ခိုက်မှုကြောင့် ကျောက်မဲမြို့တွင် အရပ်သား ၄ ဦး သေဆုံးပြီး ၄ ဦး ထိခိုက်ဒစ်ရာ ရရှိခဲ့သည်။ စစ်ကောင်စီတပ်က ကျောက်မဲမြို့ရှိ ရပ်ကွက် ၃ နှင့် ရပ်ကွက် ၇ ထဲကို တိုက်ပွဲ ဖြစ်ပွားမှု မရှိဘဲ ဂျက်ဖိုက်တာ ဖြင့် ပေါင် ၅၀၀ ဗုံး ၂ လုံး လာရောက်ကြဲချရာမှ ယခုကဲ့သို့ အရပ်သား ပြည်သူများ ထိခိုက်သေဆုံးခဲ့ရသည်ဟု PSLF/TNLA က ဇွန်လ ၂၄ ရက်နေ့ (ယနေ့) ညတွင် ထုတ်ပြန်သည်။ တအာင်းအမျိုးသား လွတ်မြောက်ရေး တပ်မတော် PSLF/TNLA က "ဖြစ်စဉ်တွင် ယနေ့ ညနေပိုင်းအချိန်တွင် စစ်ကောင်စီတပ်မှ လေကြောင်းဖြင့် (၂)ကြိမ် ဗုံးလာရောက်ကြဲချမှုကြောင့် အမျိုးသား (၂)ဦးနှင့် အမျိုးသမီး (၂)ဦး သေဆုံးခဲ့ရပြီး အမျိုးသား (၂)ဦးနှင့် အမျိုးသမီး (၂)ဦးတို့ ထိခိုက်ဒဏ်ရာရရှိခဲ့သည့်အပြင် ပြည်သူလူထု များ၏ နေအိမ် (၁၀)လုံးလည် ထိခိုက်ပျက်စီးသွားခဲ့သည်" ဟု ထုတ်ပြန်ထားသည်။ လူထိခိုက် သေဆုံး ဒဏ်ရာ ရရှိခဲ့သည့်အပြင် အရပ်သား ပြည်သူများ၏ နေအိမ် ၁၀ လုံး ထိမှန် ပျက်စီးခဲ့သည်ဟု ဆိုသည်။ ထို့ကြောင့် ပြည်သူများအနေဖြင့် စစ်ရေး သတိရှိကြရန်နှင့် လေကြောင်းရန် ကာကွယ်ရေးဆိုင်ရာ နည်းလမ်းများ လိုက်နာဆောင်ရွက်ကြရန် PSLF/TNLA က သတိပေးပြောဆိုထားသည်။ ပြီးခဲ့သည့် ဇွန်လ ၁၂ ရက်နေ့ကလည်း စစ်ကောင်စီတပ်သည် နမ္မတူမြို့နယ်၊ မန်လီကျေးရွာထဲကို ဂျက်ဖိုက်တာ ဖြင့် ပေါင် ၅၀၀ ဗုံး ၂လုံး လာရောက်ကြဲချတိုက်ခိုက်ခဲ့သောကြောင့် ဘုန်းကြီးကျောင်း၊ စာသင်ကျောင်းနှင့် ပြည်သူလူထုများ၏ နေအိမ်တစ်ချို့ ထိခိုက်ပျက်စီးသွားခဲ့သည်ဟု PSLF/TNLA က ပြောသည်။ Photo – PSLF/TNLA

လေကြောင်းတိုက်ခိုက်မှုကြောင့် ကျောက်မဲတွင် အရပ်သား ၄ ဦးသေဆုံး

သပိတ်ခေါင်းဆောင် ဝေမိုးနိုင်ကို ထောင်ပြောင်း သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၄ ရက်။ မုံရွာအကျဉ်းထောင်တွင် ထိန်းသိမ်းခံထားရသည့် မုံရွာသပိတ်ခေါင်းဆောင် ကိုဝေမိုးနိုင် အပါအဝင် နိုင်ကျဉ်း များနှင့် အခြား ရာဇဝတ်အကျဉ်းသား ၂၀၀ ခန့်ကို စစ်ကောင်စီက အခြားထောင်များသို့ ပြောင်းရွှေ့လိုက်သည်။ ထောင်ဒဏ် ၇၄ နှစ် ချမှတ်ခံထားရသည့် မုံရွာသပိတ်ခေါင်းဆောင် ကိုဝေမိုးနိုင် နှင့် အကျဉ်းသား ၂၀၀ ခန့်ကို ဇွန်လ ၁၂ ရက်နေ့တွင် ထောင်ပြောင်း လိုက်ခြင်းဖြစ်သည်ဟု မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများ ကွန်ရက် PPNM က ထုတ်ပြန်သည်။ PPNM ၏ ပြောရေးဆိုခွင့်ရှိသူ ကိုသိုက်ထွန်းဦးက “ကျနော်တို့ ဒီမနေ့မနက် ၅ နာရီနဲ့ ၆ နာရီဝန်းကျင်ကြားမှာ ပေါ့နော်၊ ဒီမုံရွာအကျဉ်းထောင်ကနေ ကျနော်တို့ မုံရွာရဲ့ သပိတ်ခေါင်းဆောင် တစ်ဦးဖြစ်တဲ့ ကိုဝေမိုးနိုင် အပါ အဝင် ဒီသပိတ်ခေါင်းဆောင်တွေ၊ နိုင်ငံရေး တက်ကြွလှုပ်ရှားသူတွေ၊ နိုင်ငံရေးသမားတွေနဲ့ တခြား ရာဇဝတ် အကျဉ်းသားတွေပေါ့နော်၊ အားလုံးကို စုစည်းပြီးမှ အယောက် ၂၀၀ ဝန်းကျင်လောက်ကို ဒါ နမခက စစ်တပ်က လုံခြုံရေးယူပြီးမှ ခေါ်ထုတ်သွားတာရှိပါတယ်” ဟု ပြောသည်။ ဇွန်လ ၁၂ ရက်နေ့၊ နံနက်ပိုင်းတွင် အနောက်မြောက်တိုင်း စစ်ဌာနချုပ် (နမခ) မှ တပ်ဖွဲ့ ဝင်များသည် သံချပ်ကာ ကား ၂ စီး၊ အိမ်စီးကား ၃ စီးနှင့် ဆယ့်နှစ်ဘီး ကုန်တင်ကား ၆ စီး ပါဝင်သော ယာဉ်တန်းဖြင့် မုံရွာထောင်မှ အကျဉ်းသားများကို လာခေါ်သွားခြင်း ဖြစ်သည်ဟု PPNM က ဆိုသည်။ အဆိုပါ အကျဉ်းသားများကို မန္တလေးတိုင်းရှိ အိုးဘိုနှင့် မြင်းခြံ အကျဉ်းထောင်အပြင် မကွေးတိုင်းရှိ မကွေး အကျဉ်းထောင်သို့ ခွဲ၍ ပို့ဆောင်မည်ဖြစ်ပြီး အဓိက ဦးတည်ရာမှာ အိုးဘိုအကျဉ်းထောင် ဖြစ်သည်ဟု ဆိုသည်။ ဤသို့ရွှေ့ပြောင်းရခြင်းမှာ စစ်ကိုင်းတိုင်းအတွင်း တော်လှန်ရေး အင်အားစုများ၏ စစ်ရေးလှုပ်ရှားမှုများ အရှိန်မြင့်လာခြင်းကြောင့် မုံရွာအကျဉ်းထောင်၏ လုံခြုံရေးအပေါ် စစ်ကောင်စီက စိုးရိမ်လာခြင်းဖြစ်နိုင်ကြောင်း ကိုသိုက်ထွန်းဦးက သုံးသပ်သည်။ “ပို့ရတဲ့ ရည်ရွယ်ချက်ကတော့ ကျနော်တို့ သုံးသပ်တာကတော့ ဒါ လက်ရှိ စစ်ကိုင်းတိုင်းဟာ စစ်ရေးအရ အရှိန် မြင့်လာတယ်။ တိုင်းပြည်မှာ ကောင်းကောင်း အင်အားမဖြန့်ထားနိုင်တဲ့ စစ်ကောင်စီအနေနဲ့က ဒီအညာမှာ စစ်ရေး အားကောင်းလာတာနဲ့ အမျှ ဒီမုံရွာဟာ လုံခြုံတယ်လို့ သူတို့ မခံစားရတော့တဲ့ အခြေအနေဖြစ်တယ်လို့ ကျနော်တို့ သုံးသပ်ပါတယ်။”  ထို့အပြင် ဤရွှေ့ပြောင်းမှုသည် အကျဉ်းသားများနှင့် ၎င်းတို့၏ မိသားစုဝင်များကြား အဆက်အသွယ် ဖြတ် တောက်ရန်နှင့် သတင်းစီးဆင်းမှုကို ဟန့်တားရန် ရည်ရွယ်နိုင်သည်ဟုလည်း ကိုသိုက်ထွန်းဦးက ဆိုသည်။ ရွှေ့ပြောင်းခံရသည့် အကျဉ်းသားများအတွက် နေရာထိုင်ခင်း၊ အစားအသောက်နှင့် လုံခြုံရေးဆိုင်ရာ စိုးရိမ်မှုများ လည်း ရှိနေသည်ဟု နိုင်ကျဉ်းအရေး စောင့်ကြည့်နေသူများက ဆိုသည်။ အထူးသဖြင့် အဓိက ပို့ခံရဖွယ်ရှိသည့် အိုးဘိုအကျဉ်းထောင်သည် ငလျင်ဒဏ်ကြောင့် အဆောက်အအုံများ၏ ခံနိုင်အားမှာ စိုးရိမ်နေရပြီး လက်ရှိတွင်ပင် အကျဉ်းသားဦးရေနှင့် ပြည့်ကြပ်နေပြီ ဖြစ်သည်။ ကိုသိုက်ထွန်းဦးက “ပို့လိုက်တဲ့ ထောင်ကလည်း မန္တလေး အိုးဘိုအကျဉ်းထောင် ဖြစ်တယ်။ မန္တလေး အိုးဘို အကျဉ်းထောင်ဟာ ငလျင်ဒဏ်ကြောင့်မို့လို့ ထိခိုက်ပျက်စီးမှု များစွာ ကြုံထားရတဲ့ ထောင်တစ်ခု ဖြစ်ပါတယ်။ ဒီလို အခြေအနေမျိုးမှာ နဂိုမူလ ရှိပြီးသားလူတွေရော၊ ထပ်ရောက်လာတဲ့ လူတွေကိုပါ စုပြုံပြီး ထားမယ် ဆိုရင် အားလုံးရဲ့ အသက်အန္တရာယ် စိုးရိမ်မှုတွေရှိနိုင်တယ်” ဟု ပြောသည်။ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ ဇွန်လ ၁၃ ရက်နေ့ ထုတ်ပြန်ချက်အရ စစ်တပ်က အာဏာသိမ်းပြီးနောက် ဖမ်းဆီးခံခဲ့ရသူ စုစုပေါင်း ၂၉,၂၇၂ ဦးရှိပြီး၊ ၎င်းတို့အနက် ၂၂,၁၂၀ ဦးမှာ ဆက်လက် ထိန်းသိမ်းခံထားရဆဲ ဖြစ်သည်။ PPNM အနေဖြင့် ရွှေ့ပြောင်းခံရသည့် အကျဉ်းသားများ၏ အခြေအနေနှင့် ၎င်းတို့အပေါ် ညှဉ်းပန်းနှိပ်စက်မှုများ ရှိ၊ မရှိကို ဆက်လက် စောင့်ကြည့်သွားမည်ဟု ဆိုသည်။

သပိတ်ခေါင်းဆောင် ဝေမိုးနိုင်ကို ထောင်ပြောင်း

ဖားကန့်တွင် သေနတ်ဒဏ်ရာဖြင့် သေဆုံးနေသော အလောင်း ၃ လောင်းတွေ့ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၃ ရက်။ ကချင်ပြည်၊ ဖားကန့်မြို့နယ်ထဲတွင် သေနတ်ဒဏ်ရာဖြင့် သေဆုံးနေသည့် အမျိုးသား ၃ ဦး၏ အလောင်းများကို တွေ့သည်ဟု ဒေသခံများက ပြောသည်။ သေဆုံးသူများ၏ အလောင်းများကို ဇွန်လ ၁၂ ရက်နေ့၊ နံနက်ပိုင်းတွင် မှော်စီစာကျေးရွာတွင် လာပစ်သွားခြင်း ဖြစ်သည်ဟု ရွာသားများက ပြောသည်။ ဒေသခံ ရွာသားတစ်ဦးက “၁၂ ရက်နေ့၊ ဒီနေ့ မနက်အစောပိုင်းမှာ လာပစ်သွားတာပါဗျ။ သူတို့သုံးယောက်လုံး က ဒေသခံ ရွာခံတွေတော့ မဟုတ်ဘူး။ ဒီပတ်ဝန်းကျင်မှာ နေတာတော့ ကြာပြီ။ လူတိုင်းလည်း သူတို့ကို သိ တယ်။ စျေးတွေမှာ လိုက်အိပ်တယ်၊ ဆိုင်တွေမှာ လိုက်အိပ်တယ် အဲ့လိုမျိုး လိုက်နေတာဗျ။ ဘယ်သူက ပစ်တာ သတ်သွားတာလဲတော့ မပြောတတ်ဘူးနော်ဗျ” ဟု ပြောသည်။ အသတ်ခံလိုက်ရသည့် အမျိုးသား ၃ ဦးမှာ လူလတ်ပိုင်းအရွယ်များ ဖြစ်ကြသည်။ ဇွန်လ ၁၁ ရက်နေ့၊ ညပိုင်းက စစ်ကောင်စီတပ်ဖွဲ့ဝင်များ သွားလာနေသည့်အပြင် သေနတ်သံများလည်း ကြားခဲ့ရသည်ဟု ဒေသခံများက ဆိုသည်။ ထိုသို့ သေနတ်သံများ ကြားရပြီးနောက် နံနက်ပိုင်းတွင် ယခုကဲ့သို့ သေနတ်ဒဏ်ရာများဖြင့် သေဆုံးနေသည့် အလောင်း ၃ လောင်းကို တွေ့ရခြင်း ဖြစ်သည်ဟု ဆိုကြသည်။ အလောင်းများကို သွားကြည့်ခဲ့သူ တစ်ဦးက “မနေ့ကညပိုင်းက ဘုရားကုန်းက စစ်သားတွေ ဆင်းလာတာလည်း တွေ့တဲ့ လူတွေရှိတယ်။ ပြီးတော့ ရွာထဲမှာ လျှောက်သွား လှုပ်ရှားနေတာမျိုးပေါ့လေ ပြောရင်တော့။ ညဘက် ကျတော့ သေနတ်သံတွေလည်း ကြားတယ်။ စစ်သားတွေ သွားလာနေတာ သိတော့ ဘယ်သူမှတော့ အပြင်ထွက် မကြည့်ကြဘူးပေါ့နော်။ စစ်သားတွေက သတ်တာလားဆိုတော့ အဲ့လိုမျိုးလည်း အတိအကျတော့ မပြောတတ် ဘူးနော်” ဟု ပြောသည်။ မည်သူမည်ဝါ မည်သည့် အဖွဲ့အစည်း၊ မည်သည့် လက်နက်ကိုင်အဖွဲ့က သတ်သွားသည်ကို မသိရသေးဘူးဟု ဆိုကြသည်။ သို့သော် စစ်ကောင်စီ စစ်ကြောင်းများ ဖားကန့်မြို့နယ်အတွင်း ဝင်ရောက်လာသည့် အချိန်မှစ၍ ယနေ့အချိန်ထိ နေ့စဉ်နှင့်အမျှ လူ့အခွင့်အရေး ချိုးဖောက်မှုများကို ကျူးလွန်သည်ဟု ဒေသခံများက ပြောသည်။ ထို့အပြင် ဇွန်လ ၁၂ ရက်နေ့တွင်လည်း မှော်စီစာကျေးရွာအနီးရှိ သာယာကုန်း၊ အောင်သာယာနှင့် အခြားသော ကျေးရွာများတွင် စစ်ကောင်စီတပ်ဖွဲ့နှင့် ပြည်သူ့စစ်ပူးပေါင်းအဖွဲ့တို့က လှုပ်ရှားသွားလာနေပြီး ကချင်လွတ်လပ် ရေး တပ်မတော် KIA ပူးပေါင်းတပ်နှင့်လည်း ထိတွေ့မှုများ ရှိနေသည်ဟု ဒေသခံများက ပြောသည်။

ဖားကန့်တွင် သေနတ်ဒဏ်ရာဖြင့် သေဆုံးနေသော အလောင်း ၃ လောင်းတွေ့

ကော့ကရိတ် မြို့နယ်အတွင်း ဗုံးကြဲမှု ကလေးအပါအဝင် အရပ်သား ၆ ဦး သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။ ကရင်ပြည် ကော့ကရိတ် မြို့နယ်အတွင်း ဗုံးကြဲ တိုက်ခိုက်မှုတွင် ကလေးများ အပါအဝင် အရပ်သား ၆ ဦး သေဆုံးခဲ့သည်။ ကရင်ပြည်၊ ကော့ကရိတ်မြို့နယ်ထဲက ပိုင်ရပ်ကျေးရွာအုပ်စုထဲက ကညင်ကတိုက် ကျေးရွာမှ ကလေးများ စာသင်နေကြသည့် နေအိမ်အနီးဝန်းကျင်အား လေကြောင်းမှ ဗုံးကြဲခံခဲ့ရသော ကြောင့် ကလေး ၃ ဦး အပါအဝင် လူကြီးတစ်ဦးက နေရာ၌ပင် သေဆုံးသွားခဲ့ခြင်း ဖြစ်သည်ဟု ဒေသခံများက ပြောသည်။ ဒေသခံ အမျိုးသားတစ်ဦးက “မနေ့က သေတာက ကလေး ၃ ယောက်၊ လူကြီးအမျိုးသား တစ်ယောက် သေ တယ်။ သူတို့က အဲ့ဒီနေရာမှာတင် သေသွားတာ။ ဒဏ်ရာရတဲ့လူတွေကို ဆေးရုံပို့နေတုန်း ဆရာမ တစ်ယောက် ထပ်သေတယ်။ ဒီနေ့ မနက်မှာ တစ်ယောက်ထပ်သေတယ်။ ဆိုတော့ အခုက သေဆုံးက ၆ ဦး ဖြစ်သွားပြီ” ဟု ပြောသည်။ အဆိုပါ ဖြစ်စဉ်မှာ ဇွန်လ ၉ ရက်နေ့ မွန်းလွှဲပိုင်း ၂ နာရီ အချိန်ချိန့်တွင် ဖြစ်ပွားခဲ့ခြင်း ဖြစ်သည်ဟု ဒေသခံများက ပြောသည်။ လေကြောင်း ဗုံးကြဲမှုကြောင့် ကလေးများအပါအဝင် အရပ်သား ၁၁ ဦးရှိရာ ၎င်းတို့အား ဆေးရုံသို့ဆောင်ကာ ဆေးကုသမှု ပေးနေရသည်ဟု ဆိုသည်။ ဒဏ်ရာ ရသူ ၁၁ ဦးအနက် နှစ်ဦးမှာ သေဆုံးသွားပြီ ဖြစ်၍ ကျန် ၉ ဦးမှာ မော်လမြိုင်ဆေးရုံ၌ ဆေးကုသမှု ဆက်လက်ခံယူနေရသည်ဟု ဆိုသည်။ လေကြောင်းမှာ ပစ်ချလိုက်သည့် ဗုံး ကျရောက်ပေါက်ကွဲသော နေအိမ်မှာ ကိုယ်ထူကိုယ်ထကျောင်းပုံစံမျိုးဖြင့် ကလေးများအား စာသင်ကြားပေးနေခြင်း ဖြစ်သည်။ အဆိုပါနေရာ၌ တိုက်ပွဲများ တစ်စုံတစ်ရာ ဖြစ်ပွားနေခြင်းမျိုးလည်း မရှိဘူးဟု ဒေသခံများက ဆိုသည်။ စစ်ရေး သတင်းအရင်းအမြစ် တစ်ဦးက “ကော့ကရိတ်မှာက တိုက်ပွဲဖြစ်တဲ့နေရာကလည်း ဖြစ်တာပဲ၊ မဖြစ်တဲ့ နေရာတွေကလည်း လက်နက်ကြီးရော၊ ဒီလေယာဉ်ရော ဒရုန်းရော ကြောက်နေရတာ။ ကလေးတွေအတွက် စိုးရိမ်လို့ ကျောင်းမှာ စာမသင်ဘဲ အိမ်မှာ သင်နေကြတာ။ အခု အိမ်မှာသင်နေတုန်း ဒီလိုမျိုး ထပ်ဖြစ်တော့ အားလုံး ကြောက်လန့်နေပြီ” ဟု ပြောသည်။ စစ်ကောင်စီတပ်က လေကြောင်းမှ ဗုံးကြဲတိုက်ခိုက်မှုများ ဆက်တိုက် လုပ်နေသောကြောင့် ကျောင်းမတက်ရဲ ကြဘဲ အများစုမှာ နေအိမ်များ၌ ကလေးများကို ခေါ်၍ စာသင်ပေးနေကြခြင်း ဖြစ်သည်။ ကညင်ကတိုက်ကျေးရွာထဲသို့ လေကြောင်းမှ ဗုံးကြဲတိုက်ခိုက်ပြီးနောက် ကျုံဒိုး၊ အုန်းတစ်ပင်၊ အင်းကြီးကျေးရွာ များဘက်သို့လည်း လေကြောင်းမှ ဆက်လက်ဗုံးကြဲ တိုက်ခိုက်ခဲ့သည်ဟု မြေပြင် စစ်ရေး သတင်း အရင်းအမြစ် များက ပြောသည်။ ယခု လေကြောင်းမှ ဗုံးကြဲတိုက်ခိုက်ခံရသည့် ပိုင်ရပ်ကျေးရွာအုပ်စုထဲက ကညင်ကတိုက်ကျေးရွာမှာ ကရင်ပြည် နှင့် မွန်ပြည်အစပ် ကရင်ပြည်ဘက်ခြမ်းထဲတွင် ရှိသည့် ကျေးရွာဖြစ်သည်။

ကော့ကရိတ် မြို့နယ်အတွင်း ဗုံးကြဲမှု ကလေးအပါအဝင် အရပ်သား ၆ ဦး သေဆုံး

လုံးခင်းတွင် စစ်တပ်က အရပ်သားများအပေါ် ကျူးလွန်ချိုးဖောက်မှုများ ပြုလုပ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၄ ရက်။ ကချင်ပြည် ဖားကန့်မြို့နယ်၊ လုံးခင်းကျေးရွာအုပ်စုထဲ ဝင်ရောက် တပ်စွဲထားသည့် စစ်ကောင်စီတပ်က လူ့အခွင့် အရေး ချိုးဖောက်မှုများ ဆက်တိုက်လုပ်နေသည်ဟု ဒေသခံများက ပြောသည်။ လုံးခင်းကျေးရွာ အုပ်စုအတွင်း ဇွန်လ ၃ ရက်နေ့က ပေါက်ကွဲမှုဖြစ်ပြီး လူထိခိုက်သေဆုံးမှုများ ရှိခဲ့ သည့်အပြင် ကျောက်စိမ်းလုပ်ကွက်အတွင်းရှိ စက်ယန္တရားများကိုလည်း စစ်ကောင်စီတပ်ဖွဲ့က မီးရှို့ ဖျက်ဆီးခဲ့သည်ဟု ဒေသခံများက ပြောသည်။ ဒေသခံအမျိုးသမီး တစ်ဦးက “ဒီနေ့ နေ့လည် ၁ နာရီကျော်လောက်မှာ စစ်တပ်က ပစ်လိုက်တဲ့ လက်နက်ကြီး ကြောင့် ကုမ္ပဏီက ဝန်ထမ်းတွေ ဒဏ်ရာ ရတာလည်း အများကြီးပဲ၊ သိသလောက်တော့ ၂ ယောက်တော့ သေ တယ်။ တချို့က ပြောတာတော့ လက်နက်ကြီး၊ တချို့ပြောတာကလည်း ဒရုန်း အဲ့လိုမျိုးပြောတယ်။ သေချာ တာက ကုမ္ပဏီထဲက ဒီယမ်းဂိုဒေါင်ပေါ်ကျတာ။ လူသေတာ ထိခိုက်ဒဏ်ရာ ရတာတွေကတော့ confirm ဖြစ် (အတည်ပြုနိုင်) တယ်” ဟု ပြောသည်။ လုံးခင်းကျေးရွာ အုပ်စုအတွင်းရှိ မှော်စီစာကျေးရွာအထက်ဘက်က ဆောင်းချိန်ကျေးရွာထဲက ဓမ္မာရုံအနီးတွင် ဇွန်လ ၃ ရက်နေ့ နေ့လည် ၁ နာရီကျော် ဝန်းကျင်အချိန်ခန့်က ပေါက်ကွဲမှု တစ်ခုဖြစ်ခဲ့သည်။ အဆိုပါ ဓမ္မာရုံအနီးရှိ ကျောက်စိမ်းကုမ္ပဏီတစ်ခုတွင် ဖြစ်ပွားခဲ့သည့် ပေါက်ကွဲမှုအတွက် ကုမ္ပဏီမှ ဝန်ထမ်း နှစ်ဦး သေဆုံးခဲ့ပြီး အယောက် ၂၀ နီးပါး ထိမှန် ဒဏ်ရာ ရရှိခဲ့သည်ဟု ဒေသခံများက ပြောသည်။ အလားတူ မှော်စီစာကျေးရွာအတွင်းရှိ တစ်သုံးလုံး ကျောက်စိမ်းလုပ်ကွက် အတွင်း က စက်ယန္တရားအချို့ကိုလည်း စစ်ကောင်စီ တပ်ဖွဲ့ဝင်များက ဇွန်လ ၃ ရက်နေ့ နံနက်ပိုင်း၌ မီးရှို့ဖျက်ဆီးခဲ့သည်။ ဒေသခံ အမျိုးသား တစ်ဦးက “မနက် ၈ နာရီခွဲကျော်လောက်က ဖြစ်တာ။ ကျနော်တို့ မှော်စီစာက တစ်သုံး လုံး လုပ်ကွက်ထဲက ကားတွေ မီးရှို့ခံရတာဗျ။ ဘက်ဟိုးတစ်စီး၊ မြေသယ်ကားနှစ်စီး၊ ကင်းတဲတစ်လုံးကို စစ်သားတွေက မီးရှို့နေတာလို့ ပြောတယ်။ ဟိုးရက် ၃၁ ရက်နေ့တုန်းကလည်း တစ်ခါရှို့သွားသေးတယ် အဲ့တုန်းက စားဖိုဆောင် အရှို့ခံရတာဗျ” ဟု ပြောသည်။ အလားတူ မှော်စီစာကျေးရွာက ကျောက်စိမ်းလုပ်ကွက် နေရာ သုံး-လေး ခု ခန့်အား စက်ယန္တရားမားအပြင် အဆောက်အအုံအချို့ကို မေလ ၃၁ ရက်နေ့က မီးရှို့ဖျက်ဆီးခဲ့သေးသည်ဟု ဒေသခံများက ပြောသည်။ အင်အားတစ်ရာခန့်ရှိသည့် စစ်ကောင်စီ စစ်ကြောင်းတစ်ကြောင်းက မှော်စီစာကျေးရွာက ဘုရားကုန်းတွင် တပ်စွဲထားခြင်း ဖြစ်သည်။ ဖားကန့်ဒေသကို ပြန်လည်ထိန်းချုပ်နိုင်ရေး ကြိုးပမ်းနေသည့် စစ်ကောင်စီ စစ်ကြောင်းက မေလ ၂၇ ရက်နေ့က စတင်ပြီး လုံးခင်းကျေးရွာအုပ်စုထဲသို့ ဝင်လာခဲ့ခြင်း ဖြစ်သည်။ ထိုသို့ ဝင်လာပြီးနောက် စစ်ကောင်စီတပ်နှင့် ကချင်လွတ်လပ်ရေး တပ်မတော် KIA ပူးပေါင်းအဖွဲ့တို့အကြား တိုက်ပွဲများ ဖြစ်ခဲ့ပြီး ပြည်သူ ၅ ဦးလည်း သေဆုံးခဲ့သည်။ ဓါတ်ပုံ - သင်္ဂဟလူမှုကူညီရေး အသင်း (လုံးခင်းကျေးရွာအုပ်စု)

လုံးခင်းတွင် စစ်တပ်က အရပ်သားများအပေါ် ကျူးလွန်ချိုးဖောက်မှုများ ပြုလုပ်

အာရက္ခ တပ်တော် AA ဖမ်းဆီးထားသော ချင်းလူငယ်များအား ပြန်လွှတ်ပေးရန် CPSC တောင်းဆို သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၂ ရက်။ အာရက္ခတပ်တော် ULA/AA က ဖမ်းထားသည့် ချင်းလူငယ် ၆၀ ကျော်ကို ပြန်လွှတ်ပေးရန် ချင်းနိုင်ငံရေး ဦးဆောင်ကော်မတီ (CPSC) က တောင်းဆိုလိုက်သည်။ အာရက္ခတပ်တော် ULA/AA က ဖမ်းထားသော ချင်းလူငယ်များမှာ မိသားစု စားဝတ်ရေးအတွက် ပြည်မထွက် အလုပ်လုပ်ကိုင်မည့်သူများနှင့် ပညာသင်ရန် သွားကြသည့် အသက်မပြည့်သေးသော ကျောင်းသူ/သားများ ဖြစ်သည်ဟု ချင်းနိုင်ငံရေး ဦးဆောင် ကော်မတီ တာဝန်ရှိသူက ပြောသည်။ ချင်းနိုင်ငံရေး ဦးဆောင် ကော်မတီ (CPSC) ဗဟိုအလုပ်အမှုဆောင် Salai Kyro (ခိုင်လ်ရို) က “အဖမ်းခံရတာက ၂၀၂၃ အောက်တိုဘာကနေ စတယ်။ ၂၀၂၃ အောက်တိုဘာမှာ ကျနော်တို့ ဒီမြေပုံမြို့နယ်ရဲ့ ချင်းရွာတစ်ရွာမှာရှိတဲ့ ဆရာမ တစ်ယောက် အဖမ်းခံရတယ်။ နောက်တစ်ခုကကျတော့ ၂၀၂၄ စက်တင်ဘာမှာ ကျနော်တို့ ပြည်မဘက်ကို သွားမယ်ဆိုတဲ့ စက်လှေတစ်စီးက နောင်တော်ကြီး နောင်တော်ငယ်မှာ အာရက္ခတပ်တော်ရဲ့ ဖမ်းဆီးခြင်းကို ခံရတယ်” ဟု ပြောသည်။ ယခု အဖမ်းခံထားရသော သူများမှာ ရခိုင်ပြည်ထဲက မင်းပြားမြို့နယ်နှင့် မြေပုံမြို့နယ်ထဲက ချင်းလူငယ်များ ဖြစ် ကြပြီး ၂၀၂၃၊ ၂၀၂၄ နှင့် ၂၀၂၅ ခုနှစ်တွေမှာ ဖမ်းဆီးခံရသည့် သူများဖြစ်သည်ဟု ခ Salai Kyro (ခိုင်လ်ရို) က ဆက်ပြောသည်။ “ကျနော်တို့ ဒီ ၂၀၂၅ မှာကျတော့ ဧပြီ-မေ အဲ့အတွင်းမှာကျတော့ တချို့လူတွေကျတော့ ရခိုင်ရိုးမကို ကျော်ပြီး တော့ ပြည်မဘက်ကို သွားမယ့်လူတွေ အဖမ်းခံရတယ်။ နောက်တဖွဲ့ကျတော့ ကျောက်ဖြူမြို့ တဖက် ကမ်းမှာ ရှိတဲ့ သဲချောင်းဖူးဆိပ်ရွာမှာ အဖမ်းခံရတယ်လို့ မြေပြင်က အချက်အလက်အရ ကျနော်တို့ သိရပါတယ် ခင်ဗျ။ ဖမ်းခံရတဲ့ထဲမှာ အသက်အရွယ်အားဖြင့်က ၁၃ နှစ်ကနေ ၄၅ နှစ်အတွင်း အမျိုးသမီးရော ယောက်ကျားလေး ရော ကလေးတွေလည်း ပါတယ်လို့ ကြားရပါတယ်ခင်ဗျ။” ဖမ်းဆီးခံထားရသော သူများမှာ အသက် ၁၃ နှစ်မှ အသက် ၄၅ နှစ်ကြား အရွယ်များ ဖြစ်သည်ဟု ဆိုသည်။ ရခိုင်ပြည်ထဲက ချင်းကျောင်းသူ/သားများ အပါအဝင် လူငယ် ၆၃ ဦးထက်မနည်းကို AA က ဖမ်းဆီး ထိန်းသိမ်းပြီး စစ်သင်တန်းပေးနေခြင်း ဖြစ်သည်ဟု ချင်းနိုင်ငံရေး ဦးဆောင်ကော်မတီက မေလ ၂၈ ရက်နေ့က ထုတ်ပြန်သည်။ အချက် ၅ ချက်ပါ CPSC ၏ ထုတ်ပြန်ချက်ထဲတွင် ULA/AA ၏ မတ်လ ၁၈ ရက်နေ့က ပြဌာန်းချက်အရ အမျိုးသား ကာကွယ်ရေးဆိုင်ရာ အရေးပေါ် ပြဌာန်းချက် (NDEP) မှာ အများပြည်သူသိအောင် အသေးစိတ် ထုတ်ပြန်ထားခြင်း မရှိကြောင်း၊ အဆိုပါ ပြဌာန်းချက်နှင့် ပတ်သက်၍ ဌာနေချင်းတိုင်းသားများနှင့် ကြိုတင် ညှိနှိုင်းမှုများ လုပ်သင့်သည်ဟုလည်း Salai Kyro (ခိုင်လ်ရို) က ထောက်ပြသည်။ NDEP ပြဌာန်းချက်အရ လူငယ်များအား ရခိုင်ပြည်ထဲမှ မထွက်ခွာရန် မေလ ၂၂ ရက်နေ့ တားမြစ်ချက်က လူ့အခွင့်အရေး စံနှုန်းနှင့် ကင်းကွာနေသည်ဟု ဆိုသည်။ Salai Kyro (ခိုင်လ်ရို) “ဒီဥပဒေ ပြဌာန်းချက် အပေါ်မှာ ကန့်ကွက်တာမျိုး မဟုတ်ဘူးပေါ့လေ။ ဒါကိုရှင်းရှင်း လင်းလင်း သိစေချင်တယ်။ ကျနော်တို့သည် ဒီ NDEP ကို ကန့်ကွက်တာမဟုတ်ဘူး။ ဒါပေမယ့် ဒီ NDEP ရဲ့ ပြဌာန်းချက် မတိုင်ခင်မှာ ကျနော် တို့ ဒီရခိုင်ပြည်နယ်မှာ ရှိနေတဲ့ တခြားတိုင်းရင်းသားတွေနဲ့ အရင်ဆုံး ညှိနှိုင်း သင့်တယ်လို့တော့ ထင်တယ်။ မျိုးနွယ်စုဆိုင်ရာ ULA ရဲ့ မူဝါဒတွေ လူမျိုးစုဆိုင်ရာ မူဝါဒတွေကို လူမျိုးစု နိုင်ငံ ရေး ခေါင်းဆောင် အင်အားစုတွေနဲ့ ဆွေးနွေးညှိနှိုင်းဖို့လိုမယ်လို့ ကျနော်တို့ မြင်တယ်” ဟု ပြောသည်။ အာရက္ခတပ်တော် ULA/AA အနေဖြင့် အာရက္ခနိုင်ငံကို ထူထောင်ရန် ပြင်ဆင်နေခြင်း ဖြစ်သည့်အတွက် ဒေသတွင်းရှိ ပြည်သူများ၊ လူနည်းစု၏ ဆန္ဒသဘောထားများကို အသိအမှတ်ပြုပြီး ကောင်းကျိုးဆိုးကျိုး သက်ရောက်မှုများကို လူထုအား ရှင်းပြရန် လိုအပ်သည်ဟု ဆိုသည်။ ယခုလည်း အသက်မပြည့်သေးသော ကလေးသူငယ်များကို အတင်းအဓမ္မ စစ်မှုထမ်းခိုင်းစေခြင်းမှာ လူ့အခွင့် အရေးအရ War Crimes မြောက်ကြောင်း၊ ULA/AA ၏ အောက်ခြေ တပ်ဖွဲ့ဝင်များ ကျူးလွန်နေမှုတို့ကို ခေါင်းဆောင်များ သိရှိနားလည်ပြီး ဖြေရှင်းပေးရန် တောင်းဆိုထားသည်။ ရခိုင်ပြည်တွင်း ဖြစ်ပွားနေသည့် တိုက်ပွဲများထဲ ပြည်သူအားလုံးမှာ ပညာရေး၊ ကျန်းမာရေး၊ အသက်မွေးဝမ်း ကျောင်း ဆိုင်ရာ အခက်အခဲ အကြပ်အတည်းများနှင့် ရင်ဆိုင်နေရပြီး ရခိုင်ပြည်ထဲက ချင်းလူမျိုးများပါ အလား တူ ခံစားနေကြရသည်ဟု ဆိုသည်။

အာရက္ခ တပ်တော် AA ဖမ်းဆီးထားသော ချင်းလူငယ်များအား ပြန်လွှတ်ပေးရန် CPSC တောင်းဆို

ရေကြီးသဖြင့် အိန္ဒိယ-မြန်မာနယ်စပ် စစ်ရှောင်များ အကူအညီအရေးပေါ် လိုအပ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၂ ရက်။ အိန္ဒိယ - မြန်မာနယ်စပ် မီဇိုရမ်ပြည်နယ်ထဲက မြန်မာစစ်ရှောင်များ ရေကြီး၍ အရေးပေါ် အကူအညီများ လိုအပ် နေကြသည်။ မီဇိုရမ်ပြည်နယ်၊ တောင်ဘက်ဆုံး လောင်တလိုင်ခရိုင်၊ တွီဒင်းကျေးရွာ နှင့် ကာကီကျေးရွာထဲ စစ်ရှောင်နေကြသည့် ပလက်ဝမြို့ နယ်က စစ်ဘေးရှောင်များ ရေဘေးကြောင့် အရေးပေါ် အကူအညီများ လိုအပ်နေကြခြင်း ဖြစ်သည်ဟု စစ်ဘေး ရှောင်အရေး ကူညီဆောင်ရွက်ပေးသူများက ပြောသည်။ ပလက်ဝ လူသားချင်းစာနာ ကူညီရေးဌာန တာဝန်ခံ ဆလိုင်းသန်းစိုးက “အခုသူတို့က အခြေခံ စားနပ်ရိက္ခာ လို အပ်တယ်လို့ပြောတယ်။ ပြောချင်တာက ဆန်၊ ဆီ၊ ဆားတွေက အစပေါ့နော်။ ပြီးတော့ ရေသန့်ပေါ့။ ရေက လည်း အဆင်မပြေဘူးလို့ ပြောတယ်။ အခြေခံ ကျန်းမာရေး စောင့်ရှောက်မှုလည်း လိုတယ်လို့ ပြောတယ် ဆေးဝါးတွေပေါ့။ ပြောချင်တာက သူတို့ မိုးရေထဲမှာပဲ နေနေရတဲ့အချိန်မှာ အအေးမိတာတို့ ဘာတို့ ဖျားနာတာ တို့ ရှိတယ်လို့ပြောတယ်။ အဲ့တော့ အခြေခံ ဆေးဝါးတွေ လိုအပ်တယ်။ နောက်ပြီးတော့မှ ယာယီတဲ အနေနဲ့ပဲ ဖြစ်ဖြစ် ထိုးဖို့ အမိုးအကာတွေ လိုအပ်တယ်လို့ ပြောတယ်။ လက်ရှိ အနေထားမှာတော့ အကူအညီပေးမယ့်သူ မရောက်သေးဘူးလို့ ပြောလို့ရပါတယ်” ဟု ပြောသည်။ မိုးအဆက်မပြတ် ရွာသွန်းမှုကြောင့် မေလ ၃၁ ရက်နေ့မှ စတင်၍ ရေကြီးခဲ့ပြီး နေအိမ်၊ အသုံးအဆောင် ပစ္စည်း များ ပျက်စီးကာ စုဆောင်းထားသည့် စားနပ်ရိက္ခာများလည်း ဆုံးရှုံးမှုရှိခဲ့သည်ဟု ပလက်ဝ လူသားချင်းစာနာ ကူညီရေးဌာနမှ ဇွန်လ ၁ ရက်နေ့တွင် ထုတ်ပြန်ထားသည်။ ကုလားတန်မြစ် ရေကြီးမှုကြောင့် ကာကီ စစ်ရှောင်စခန်းတွင် နေအိမ် ၆၉ လုံး၊ တွီဒင်း စစ်ရှောင်စခန်းတွင် အိမ် ခြေ ၁၈ လုံး ပျက်စီးသွားခဲ့ပြီး လူဦးရေ ၆၆၉ ဦး ရေဘေးသင့်ခဲ့သည်ဟု ပလက်ဝ လူသားချင်း စာနာကူညီရေး ဌာန တာဝန်ရှိသူက ပြောသည်။ လက်ရှိ ရေကြီးမှုကြောင့် မြစ်ကမ်းနားတွင် နေထိုင်ကြသည့် စစ်ဘေးရှောင် ပြည်သူများသည် တွီဒင်းကျေးရွာ အတွင်းရှိ နီးစပ်ရာ နေအိမ်များ၊ ကျေးရွာအတွင်းက ခန်းမ နေရာများ၌ အရေးပေါ် ပြောင်းရွှေ့နေကြရသည်ဟု ဆိုသည်။ မိုးအဆက်မပြတ် ရွာသွန်းမှုကြောင့် ကုလားတန်မြစ်ရေသည် ယခင်နှစ်ကထက် ရေကြီးမှု ဖြစ်ပေါ်ခဲ့သည်ဟု ဒေသခံများက ဆိုသည်။ ထို့အပြင် ယခင်နှစ်မှ ထိုနေရာသို့ ပြောင်းရွှေ့လာသော စစ်ဘေးရှောင် နေအိမ်များသည် ရေနစ်မြုပ်မှုဒဏ်ကို ပို၍ခံခဲ့ရသည်ဟု ဆလိုင်းသန်းစိုးက ဆက်ပြောသည်။ “အခုက အရင်နှစ်တွေက ထက်ပိုပြီးမှ ရေတအားကြီးတာ။ ကြီးတဲ့ အခါကျတော့ ဒီနှစ်မှာ တော်တော် အထိ အခိုက်များတယ်လို့ ပြောလို့ရတယ်။ တွီဒင်းကျတော့ အရင်နှစ်တွေမှာ အဲဒီနေရာမှာ မဆောက်ဘူး။ ဒီနှစ်ကျမှပဲ ကွင်းပြင် အရမ်းကောင်းတဲ့ နေရာဖြစ်တော့ သူတို့အပေါ်ပိုင်းမှာ အဆင်မပြေ ဖြစ်တော့ သူတို့ ဆင်းလာတော့ ဒီနှစ်ကျမှပဲ တိုက်တိုက်ဆိုင်ဆိုင်ပေါ့။ နယ်မြေခံတွေ ပြောတဲ့အရဆို အဲဒီနေရာကို ရေမရောက်တာ တော်တော် ကြာပြီလို့ ပြောတယ်။ ရေတအားကြီးမှပဲ ရောက်တယ်လို့ ပြောတော့ တီတွင်းရဲ့ ကိစ္စမှာဆိုရင် ဒီနှစ်မှ ဆင်းလာ ပြီး ဒီနှစ်ကျမှပဲ ရေကြီးတော့ တော်တော်လေး ဖြစ်သွားတာပေါ့။” ဇွန်လ ၁ ရက်နေ့မှစ၍ ရေအနည်းငယ် ပြန်ကျသွားခဲ့သော်လည်း ဇွန်လ ၂ ရက်နေ့ (ယနေ့) နံနက်ပိုင်းတွင် ရေပြန် တက်လာသောကြောင့် စစ်ရှောင်များက စိုးရိမ်နေကြသည်။ ရာသီဥတု အခြေအနေအရ မိုးအဆက်မပြတ် ဆက်ရွာသွန်းပါက ယခုထက်ပင် ရေထပ်ကြီးနိုင်သည်ဟု ဆိုကြ သည်။ အဆိုပါ ပလက်ဝဒေသမှ စစ်ဘေးရှောင်များသည် ၂၀၂၂ ခုနှစ် ဝန်းကျင်ကတည်းက လောင်တလိုင်ခရိုင်တွင် လာ ရောက် စစ်ရှောင်နေကြသူများ ဖြစ်သည်ဟု ဆိုသည်။ လောင်တလိုင် ခရိုင်မှာ မီဇိုရမ် ပြည်နယ် တောင်ဘက်စွန်းတွင်ရှိပြီး မြန်မာ၊ ဘင်္ဂလားဒေ့ရှ်တို့နှင့် နယ်စပ်ချင်း ထိစပ်လျက် ရှိသည် မေလ ၃၁ ရက်နေ့တွင်လည်း မိုးသည်းထန်စွာ ရွာသွန်းမှုကြောင့် မြေပြိုပြီး ကျန်ဖိုင်းခရိုင်၊ ဗာဖိုင်းကျေးရွာတွင် စစ်ဘေးရှောင်နေသော ချင်းစစ်ဘေးရှောင် ကိုယ်၀န်ဆောင် အမျိုးသမီး အပါအ၀င် ၃ ဦး သေဆုံးခဲ့သည်ဟု ဒေသတွင်း သတင်း အရင်းအမြစ်များက ဆိုသည်။

ရေကြီးသဖြင့် အိန္ဒိယ-မြန်မာနယ်စပ် စစ်ရှောင်များ အကူအညီအရေးပေါ် လိုအပ်

မင်္ဂလာဆောင် ဗုံးကြဲမှု သတို့သမီးနှင့် အခြား အရပ်သား ၁၂ ဦး သေဆုံး ဟု KNU ထုတ်ပြန် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၇ ရက်။ ပဲခူးတိုင်းအရှေ့ခြမ်းဒေသအတွင်း မင်္ဂလာဆောင် လေကြောင်း ဗုံးကြဲခံရမှု၌ သတို့သမီး အပါအဝင် အရပ်သား ၁၂ ဦး သေဆုံးခဲ့သည်ဟု ကရင်အမျိုးသားအစည်းအရုံး KNU က ထုတ်ပြန် သည်။ ပဲခူးတိုင်းအရှေ့ခြမ်း၊ ကျောက်ကြီးမြို့နယ်ထဲက ကျွန်းကြီးကျေးရွာက မင်္ဂလာဆောင်တွင် သေဆုံးသူ အရပ်သား ၁၂ ဦးထဲ၌ ကလေး ၂ ဦးလည်း ပါဝင်သည်ဟု ကရင်အမျိုးသား အစည်းအရုံး KNU (ဗဟို) က မေလ ၂၆ ရက်နေ့တွင် ထုတ်ပြန်သည်။ ဒေသခံ အမျိုးသား တစ်ဦးက “တိုက်ပွဲလည်း မဖြစ်ဘူး၊ ဘာမှ မဖြစ်ဘဲ လာကြဲသွားတာ လေယာဉ်နဲ့။ အဲ့မှာ စစချင်း သေစာရင်းက ၆ ယောက်နော်၊ နောက်ထပ် နှစ်ထပ်ယောက် ထပ်သေ တယ်။ အဲ့တော့ ပွဲချင်းပြီးက ၈ ယောက် ဖြစ်သွားတယ်။ မင်္ဂလာဆောင်ပွဲလုပ်တဲ့ နေရာမှာတင် သေတာကို ပြောတာပါ။ အဲ့မှာ သေတဲ့ထဲ ကလေးလည်း ပါတယ်။ နောက်ထပ် သေတဲ့ ၄ ယောက်က ဒဏ်ရာ ရတဲ့အထဲက ပြင်းထန်တဲ့ လူနာတွေ ထပ် သေသွားတာပါ။ မင်္ဂလာဆောင်နေရာမှာ သေတဲ့ထဲ သတို့သမီးလည်း ပါတယ်လေ” ဟု ပြောသည်။ ကျွန်းကြီးကျေးရွာ မင်္ဂလာဆောင်ကို စစ်ကောင်စီလေတပ်က မေလ ၂၅ ရက်နေ့၊ နံနက်ပိုင်း အချိန်တွင် လေယာဉ် နှင့် ဗုံးကြဲတိုက်ခိုက်ခဲ့ရာ မင်္ဂလာပွဲ လာသူများ အပါအဝင် ၈ ဦး နေရာမှာတင် သေဆုံးခဲ့ရပြီး ဒဏ်ရာရသူတွေထဲ မှ ၄ ဦး ထပ်မံသေဆုံးခဲ့သည်ဟု KNU ၏ ထုတ်ပြန်ချက်က ဆိုသည်။ ထို့အပြင် KNU ၏ ထုတ်ပြန်ချက်အရ ကလေးငယ် ၁၃ ဦး အပါအဝင် အရပ်သား ၃၇ ဦး ပြင်းထန် ဒဏ်ရာများ ရရှိခဲ့ပြီး အရပ်သား နေအိမ်အချို့နှင့် ကျွန်းကြီးကျေးရွာ အလယ်တန်းကျောင်းဝန်း နေရာများ ပျက်စီးခဲ့သည်ဟု သိရသည်။ ဒေသတွင်း တိုက်ပွဲတစ်စုံတစ်ရာ မဖြစ်ဘဲ စစ်ကောင်စီလေတပ်က အရပ်သားနေရာများကို ပစ်မှတ်ထားကာ ဗုံးကြဲတိုက်ခိုက်နေခြင်း ဖြစ်သည်ဟု မြေပြင်သတင်းအရင်းအမြစ်များနှင့် ဒေသခံများက ပြောသည်။ မြေပြင် သတင်းအရင်းအမြစ် တစ်ဦးက “ဒီနေရာက အရင်ကလည်း တိုက်ပွဲဖြစ်တာမျိုး မရှိဖူးဘူး။ တမင်လာ ကြဲတယ်လို့ ပြောလို့ရတယ်။ အရပ်သား မင်္ဂလာဆောင်ပါ။ သူတို့ တယ်ရီဂရမ်မှာ ဖြန့်နေသလိုမျိုး KNU ရဲ့ မင်္ဂလာဆောင်၊ PDF တွေရဲ့ မင်္ဂလာဆောင် ဆိုတာ လုံးဝမဟုတ်ပါဘူး။ အခု လာကြဲခံရတဲ့နေရာမှာ တိုက်ပွဲ မဖြစ်တာ နှစ်နှစ်ကျော်နေပါပြီ။ စစ်တပ်လည်း မရှိဘူး” ဟု ပြောသည်။ ကျွန်းကြီးကျေးရွာကို မေလ ၂၅ ရက်နေ့၊ နံနက် ၉ နာရီအချိန်ခန့်တွင် စစ်ကောင်စီတပ်မှ ဂျက်ဖိုက်တာ တစ်စင်း ဖြင့် မင်္ဂလာပွဲကျင်းပသည့် နေရာနှင့် အနီးဝန်းကျင်ကို ဗုံးနှသ်လုံး ကြဲချ တိုက်ခိုက်မှုကြောင့် အရပ်သား ပြည်သူ များ သေဆုံးခဲ့သည့်အပြင် နေအိမ် ၁၁ လုံး၊ ဈေးဆိုင် ၁ ဆိုင်၊ တဲ ၁ လုံးနှင့် စာသင်ကျောင်းခြံ ပါ ပျက်စီးခဲ့ရ သည်ဟု KNU က ဆိုသည်။ ယခု လေကြောင်းမှ တိုက်ခိုက်ခံရသည့် ကျောက်ကြီးမြို့နယ်ထဲက ကျွန်းကြီးကျေးရွာ နေရာသည် KNU တပ်မဟာ (၃) လှုပ်ရှားရာ နေရာဖြစ်ပြီး တိုက်ပွဲမရှိသည်မှာ နှစ်နှစ်ခန့်ရှိပြီဟု ဆိုသည်။ သို့သော် KNU တပ်မဟာ (၃) နယ်မြေထဲက ပဲခူးတိုင်း ရွှေကျင်မြို့နယ်တွင်မူ စစ်ကောင်စီ၏ တပ်စခန်းများကို ကရင် အမျိုးသားအစည်းအရုံး (KNU)၊ ပြည်သူ့ကာကွယ်ရေးတပ်မတော် PDF ပူးပေါင်းတပ်များက ထိုးစစ် ဆင်တိုက်ခိုက်လျှက်ရှိရာ မေလ ပထမပတ်မှ စတင်၍ ယနေ့အချိန်ထိ တိုက်ပွဲများ ပြင်းထန်နေသည်။

မင်္ဂလာဆောင် ဗုံးကြဲမှု သတို့သမီးနှင့် အခြား အရပ်သား ၁၂ ဦး သေဆုံး ဟု KNU ထုတ်ပြန်

အာဏာသိမိးပြီးနောက် သေဆုံးသူ ၆၆၀၀ ကျော်ပြီ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၆ ရက်။ စစ်အာဏာသိမ်းချိန်ကစပြီး ၂၀၂၅ ခုနှစ် မေလ ၁၆ ရက်နေ့အထိ စစ်ကောင်စီနှင့် အပေါင်းအပါများ၏ လက်ချက် ကြောင့် ပြည်သူစုစုပေါင်း ၆၆၈၀ ကျော် သေဆုံးခဲ့ရသည်ဟု နိုင်ငံရေး အကျဉ်းသားများ ကူညီ စောင့်ရှောက်ရေး အသင်း AAPP က ပြောသည်။ AAPP ၏ မေလ ၁၆ ရက်နေ့ (ယနေ့) ထုတ်ပြန်ချက်ထဲတွင် “ဖေဖော်ဝါရီလ ၁ ရက်၊ ၂၀၂၁ ခုနှစ် မတရားစစ် အာဏာလုမှုဖြစ်စဉ် စတင်ချိန်မှ မေလ ၁၆ ရက်၊ ၂၀၂၅ ခုနှစ်အထိ အကြမ်းဖက်စစ်အုပ်စုနှင့် ၎င်း၏လက်ပါး စေများကြောင့် နွေဦးတော်လှန်ရေးကာလအတွင်း သေဆုံးခဲ့ရသည့် ဒီမိုကရေစီရေး လှုပ်ရှားသူများနှင့် ပြည်သူ စုစုပေါင်းမှာ (၆၆၈၇) ဦး ရှိခဲ့ပြီဖြစ်သည်” ဟု ဖော်ပြထားသည်။ နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP မှ ကောက်ယူထားသော သတင်းအချက် အလက်များ အရ ၂၀၂၅ ခုနှစ်၊ ဧပြီလ ၁ ရက်နေ့မှ မေလ ၁၆ ရက်နေ့အထိ နိုင်ငံတဝန်း၌ စစ်ကောင်စီ၏ လက်နက်ကြီးဖြင့် ပစ်ခတ်တိုက်ခိုက်မှုကြောင့် အမျိုးသမီး (၁၀) ဦးနှင့် အမျိုးသား (၁၄) ဦး စုစုပေါင်း (၂၄) ဦး သေဆုံးခဲ့သည်ကို အမည်နှင့်တကွ အတည်ပြုနိုင်ခဲ့ပြီး ထိုအထဲတွင် သက် ၁၈ နှစ်အောက် ကလေးငယ် (၄) ဦး ပါဝင်သည်ဟု AAPP က ဆို သည်။ သေဆုံးသူများအနက် စစ်ကိုင်းတိုင်းနှင့် မကွေးတိုင်းတို့မှာ ၆ ဦးစီဖြင့် သေဆုံးမှု အများဆုံးဒေသဖြစ်သည်ဟု AAPP က ပြောသည်။ ထို့အပြင် အာဏာသိမ်းမှုဖြစ်စဉ်နှင့် ဆက်စပ်၍ ဖမ်းဆီးခံခဲ့ရသူ စုစုပေါင်း ၂၉၁၅၂ ဦးရှိပြီး ထိုအထဲမှ ၂၂၁၂၂ ဦးသည် ထိန်းသိမ်းခံနေရဆဲဖြစ်သည်ဟု AAPP က ဆိုသည်။ ထိန်းသိမ်းခံနေရသူများအနက် ၁၀၇၃၁ ဦးသည် ထောင်ဒဏ်ချမှတ်ခံထားရသည်ဟု AAPP ၏ စာရင်းများအရ သိရသည်။ ယခုအရေအတွက်သည် AAPP က လက်လှမ်းမှီသလောက် ကောက်ယူထားသည့် အရေအတွက်သာ ဖြစ်ပြီး မြေပြင်တွင် ယခုထက် ပိုများနိုင်သည်ဟု AAPP က ဆိုသည်။

အာဏာသိမ်းပြီးနောက် သေဆုံးသူ ၆၆၀၀ ကျော်ပြီ

« Prev 1 … 3 4 5 6 7 … 10 Next »

ဗုဒ္ဓဟူးနေ့ည ရုပ်သံသတင်း (၇-၁၀-၂၆)

ဗုဒ္ဓဟူးနေ့ညပိုင်း ရုပ်သံသတင်း(၇-၁၀-၂၆)

ဒီကနေ့ အစီအစဉ်ထဲမှာတော့-

– ကျိုက်ထိုမြို့နယ်မှာ တိုက်ပွဲမဖြစ်ပဲ စစ်အုပ်စုက အရပ်သားရွာတွေကို ဗုံးကြဲလို့ ထောင်နဲ့ချီထွက်ပြေးနေရ

– ရခိုင်-ဧရာဝတီ အစပ်မှာ တိုက်ပွဲ ပြင်းထန်ပြီး စစ်အုပ်စုက အစုအပြုံလိုက် ကျဆုံးနေ

– ကချင်ပြည်က ရွှေကူ-ငအိုး လမ်းပိုင်း သုံးသူတွေကို အရေးယူသွားမယ်လို့ KIAသတိပေး

– အလုပ်သမားတွေ ဆီက အခွန်နဲ့ လွှဲငွေ ရရှိဖို့ ပိုမို တင်းကြပ်သွားမယ်လို့ စစ်အုပ်စုပြော

– စစ်အုပ်စု ခေါင်းဆောင် ၇-၈ ရက်နေ့တွေမှာ မလေးရှားကို သွားမည်

– လာအို ဒုတိယမြို့တော်လေဆိပ် ကိုယ်ပိုင်လေယာဉ်ပေါ်တင်တဲ့ မူးယစ်ဆေးဝါး ကီလို ၅၀၀ ကျော်ဖမ်းမိ

– မက်ဒေါ်နယ်(McDonald’s)ကုမ္ပဏီဟာ AI သုံးစွဲပြီး လွတ်လပ်စွာ ယှဉ်ပြိုင်ခွင့်ကို ချိုးဖောက်တယ်ဆိုပြီး တရားစွဲခံရ

– ပထမဆုံး FIFA အာဆီယံ ဖလားကို အင်ဒိုနီးရှား အသင်း ပင်နယ်တီ အဆုံးအဖြတ်နဲ့ ဆွတ်ခူး…..စတာတွေ တင်ဆက်ထားပါတယ်။

×Close

News

တောမီးငြှိမ်းသတ်ရေးအတွက် နိုင်ငံတကာအကူအညီ လက်ခံရန် အင်ဒိုနီးရှား သမ္မတ သဘောတူ — October 16, 2026 6:36 pm
ပါကစ္စတန်တွင် ကျောင်းခေါင်မိုးပြိုကျ၍ အနည်းဆုံး ကလေးငယ် နှင့် ဆရာ/မ ၃၄ ဦး သေဆုံး — October 16, 2026 6:26 pm
တရုတ်နှင့် မြောက်ကိုရီးယား နယ်စပ်ဖြတ်ကျော်မြစ်ကူးတံတားသစ် ဖွင့်လှစ် — October 16, 2026 6:17 pm

Recent Posts

တောမီးငြှိမ်းသတ်ရေးအတွက် နိုင်ငံတကာအကူအညီ လက်ခံရန် အင်ဒိုနီးရှား သမ္မတ သဘောတူ
ပါကစ္စတန်တွင် ကျောင်းခေါင်မိုးပြိုကျ၍ အနည်းဆုံး ကလေးငယ် နှင့် ဆရာ/မ ၃၄ ဦး သေဆုံး
တရုတ်နှင့် မြောက်ကိုရီးယား နယ်စပ်ဖြတ်ကျော်မြစ်ကူးတံတားသစ် ဖွင့်လှစ်
အမေရိကန်နှင့် မြန်မာစစ်အုပ်စုတို့ ဒုတိယအကြိမ်အဖြစ် ဂျပန်တွင် တိုက်ရိုက် တွေ့ဆုံ
စစ်ကိုင်း အထက်ပိုင်း ဝန်းသိုတွင် တိုက်ပွဲပြင်းထန်ပြီး ရဲဘော် ၃ ဦးကျဆုံး၊ ဒေသခံ သောင်းနှင့်ချီ တိမ်းရှောင်ရ

Archives

Archives

×Close