american – Network Media Group

Tag: american

အမေရိကန်က လာမည့်အပတ်တွင် အီရန်ကို တိုက်ခိုက်ရန် အသင့်ဖြစ်နေပြီ သတင်းနှင့် မီဒီယာကွန်ရက်။  ၂၀၂၆ ခုနှစ်၊ ဖေဖော်ဝါရီလ ၁၉ ရက်။ အမေရိကန်ပြည်ထောင်စုအနေဖြင့် အီရန်နိုင်ငံအား လာမည့်သီတင်းပတ်ကုန်တွင် စတင်တိုက်ခိုက်နိုင်သည့်အထိ စစ်ရေးအရ အသင့်ပြင်ဆင်ထားကြောင်း သတင်းရင်းမြစ်များကို ကိုးကား၍ CNN သတင်းဌာနက ထုတ်ပြန်ခဲ့သည်။ သို့သော်လည်း သမ္မတ ဒေါ်နယ်ထရမ့်အနေဖြင့် အဆိုပါစစ်ဆင်ရေးကို စတင်ရန် တရားဝင်အမိန့်ပေးမည့် နောက်ဆုံးဆုံးဖြတ်ချက်ကိုမူ ယခုထက်တိုင် ချမှတ်ခြင်း မရှိသေးပေ။ လတ်တလောရက်ပိုင်းအတွင်း အမေရိကန်သည် အရှေ့အလယ်ပိုင်းဒေသသို့ လေကြောင်းနှင့် ရေကြောင်းစစ်အင်အားများကို သိသာထင်ရှားစွာ ဖြည့်တင်းထားရှိသည်။ ကမ္ဘာ့အဆင့်မြင့်ဆုံး လေယာဉ်တင်သင်္ဘော USS Gerald Ford သည် လာမည့်သီတင်းပတ်ကုန်တွင် ဒေသတွင်းသို့ ရောက်ရှိလာမည်ဖြစ်ပြီး ဗြိတိန်အခြေစိုက် တိုက်လေယာဉ်များနှင့် ဆီဖြည့်လေယာဉ်များကိုလည်း အရှေ့အလယ်ပိုင်းနှင့် နီးစပ်ရာဒေသများသို့ ပြောင်းရွှေ့နေရာချထားပြီး ဖြစ်သည်။ ဂျနီဗာမြို့၌ အီရန်နှင့် အမေရိကန်ကိုယ်စားလှယ်များအကြား သွယ်ဝိုက်သောနည်းဖြင့် တွေ့ဆုံဆွေးနွေးမှုများ ပြုလုပ်ခဲ့ကြသော်လည်း ထူးခြားသောရလဒ်တစ်စုံတစ်ရာ ထွက်ပေါ်လာခြင်း မရှိသေးပေ။ အိမ်ဖြူတော်က သံတမန်ရေးရာနည်းလမ်းကို ပထမဦးစားပေးအဖြစ် ထားရှိသော်လည်း စစ်ရေးအရ တိုက်ခိုက်ရန် အမြဲတမ်းအသင့်ပြင်ဆင်ထားကြောင်း ဆိုသည်။ တစ်ဖက်တွင်လည်း အီရန်နိုင်ငံသည် ၎င်းတို့၏ နျူကလီးယားစက်ရုံများကို ကွန်ကရစ်နှင့် မြေစာများအသုံးပြု၍ မြေအောက်တွင် ပိုမိုခိုင်ခံ့အောင် အရေးပေါ်ခံစစ်ပြင်ဆင်နေကြောင်း ဂြိုဟ်တုဓာတ်ပုံများအရ သိရှိရသည်။ လာမည့်အင်္ဂါနေ့တွင် ကျရောက်မည့် နိုင်ငံတော်အခြေပြမိန့်ခွန်း၊ ဆောင်းရာသီအိုလံပစ်ပွဲ ပြီးဆုံးမည့်ရက်နှင့် ရာမာဒန်ဥပုသ်လ စတင်မှုတို့သည် စစ်ဆင်ရေးစတင်မည့်အချိန်အပေါ် သက်ရောက်မှုရှိနိုင်ကြောင်း သုံးသပ်ကြသည်။

အမေရိကန်က လာမည့်အပတ်တွင် အီရန်ကို တိုက်ခိုက်ရန် အသင့်ဖြစ်နေပြီ

အမေရိကန်က စစ်ရေး ဘတ်ဂျက်ကို ၅၀% စံချိန်တင် တိုးမြှင့် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၉ ရက်။ အမေရိကန်သမ္မတ ဒေါ်နယ်ထရန့်သည် ၂၀၂၇ ခုနှစ်အတွက် စစ်ဘက်ဆိုင်ရာ အသုံးစရိတ်ကို အမေရိကန်ဒေါ်လာ ၁.၅ ထရီလီယံအထိ တိုးမြှင့်ရန် တောင်းဆိုလိုက်သည်။ အဆိုပါ ပမာဏသည် လက်ရှိအသုံးစရိတ် ၉၀၁ ဘီလီယံထက် ၅၀ ရာခိုင်နှုန်းကျော် ပိုမိုများပြားလာခြင်းဖြစ်သည်။ သမ္မတထရန့်က လက်ရှိအချိန်မှာ အန္တရာယ်များပြားသော ကာလဖြစ်သည့်အတွက် ဘေးကင်းလုံခြုံမှုရှိစေရန် "စိတ်ကူးထဲကစစ်တပ်" (Dream Military) ကို တည်ဆောက်ရမည်ဖြစ်ကြောင်း လူမှုကွန်ရက်မှတစ်ဆင့် ပြောကြားခဲ့သည်။ အဆိုပါ ဘတ်ဂျက်အတွက် လိုအပ်သော ရန်ပုံငွေများကို အခြားနိုင်ငံများအပေါ် စည်းကြပ်ထားသည့် သွင်းကုန်ခွန်များမှ ရရှိမည်ဟု ဆိုသည်။ တစ်ဖက်တွင်လည်း စစ်လက်နက်ထုတ်လုပ်ရေး ကုမ္ပဏီကြီးများအနေဖြင့် လက်နက်ထုတ်လုပ်မှုနှုန်း မြှင့်တင်ရန်နှင့် စက်ရုံသစ်များ တိုးချဲ့တည်ဆောက်ရန် ဖိအားပေးလျက်ရှိသည်။

အမေရိကန်က စစ်ရေး ဘတ်ဂျက်ကို ၅၀% စံချိန်တင် တိုးမြှင့်

အမေရိကန်ပြည်ထောင်စုက နိုင်ငံတကာအဖွဲ့အစည်း ၆၆ ဖွဲ့မှ နှုတ်ထွက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၈ ရက်။ အမေရိကန်ပြည်ထောင်စုသည် ၂၀၂၆ ခုနှစ်၊ ဇန်နဝါရီလ ၇ ရက် (ဗုဒ္ဓဟူးနေ့) တွင် နိုင်ငံတကာအဖွဲ့အစည်းပေါင်း (၆၆) ခုမှ တရားဝင်နှုတ်ထွက်ခဲ့ကြောင်း အိမ်ဖြူတော်က ထုတ်ပြန်ကြေညာသည်။ ၎င်းအဖွဲ့အစည်းများတွင် ကုလသမဂ္ဂလက်အောက်ခံအဖွဲ့ (၃၁) ဖွဲ့နှင့် အခြားနိုင်ငံတကာအဖွဲ့အစည်း (၃၅) ဖွဲ့ ပါဝင်သည်။ နိုင်ငံခြားရေးဝန်ကြီး မာကိုရူဘီယိုနှင့် အိမ်ဖြူတော်၏ ထုတ်ပြန်ချက်အရ အဆိုပါအဖွဲ့အစည်းများသည် အမေရိကန်၏ အကျိုးစီးပွားကို ဆန့်ကျင်နေသည့်အပြင် အခွန်ထမ်းပြည်သူများ၏ ငွေကြေးများကို ဖြုန်းတီးနေခြင်းနှင့် "Woke" ဟုခေါ်ဆိုသော လူမှုပြုပြင်ပြောင်းလဲရေး အစီအစဉ်များကိုသာ ဦးစားပေးဖော်ဆောင်နေခြင်းတို့ကြောင့် ယခုကဲ့သို့ နှုတ်ထွက်ရခြင်းဖြစ်သည်ဟု ဆိုသည်။ နှုတ်ထွက်လိုက်သော အဖွဲ့အစည်းများထဲတွင် ရာသီဥတုပြောင်းလဲမှုဆိုင်ရာ မူဘောင်အဖွဲ့ (UNFCCC)၊ လူဦးရေနှင့် မျိုးဆက်ပွားကျန်းမာရေးဆိုင်ရာ ရန်ပုံငွေအဖွဲ့ (UNFPA) နှင့် အမျိုးသမီးအခွင့်အရေးဆိုင်ရာအဖွဲ့ (UN Women) တို့ကဲ့သို့ အရေးကြီးအဖွဲ့များ ပါဝင်နေသည်။ ထိုသို့နှုတ်ထွက်မှုကြောင့် ကမ္ဘာကြီးပူနွေးလာမှုကို တားဆီးရန် ကြိုးပမ်းချက်များ ထိခိုက်နိုင်သကဲ့သို့ ကမ္ဘာလုံးဆိုင်ရာ လူသားချင်းစာနာမှုလုပ်ငန်းများအတွက် ရန်ပုံငွေ ထက်ဝက်ခန့် လျော့နည်းသွားနိုင်ကြောင်း ပညာရှင်များက စိုးရိမ်လျက်ရှိသည်။ သို့သော်လည်း အမေရိကန်သည် ကုလသမဂ္ဂလုံခြုံရေးကောင်စီ (UNSC)၊ နိုင်ငံတကာအဏုမြူအေဂျင်စီ (IAEA) နှင့် နေတိုး (NATO) တို့ကဲ့သို့ မဟာဗျူဟာအရ အရေးပါသောအဖွဲ့အစည်းများတွင်မူ ဆက်လက်ပါဝင်နေမည်ဖြစ်သည်။ မြန်မာနိုင်ငံကဲ့သို့သော အကျပ်အတည်းကြုံတွေ့နေရသည့် နိုင်ငံများအတွက်မူ ကုလသမဂ္ဂမှတစ်ဆင့်ရရှိသော ဒုက္ခသည်ကူညီရေး၊ အမျိုးသမီးအခွင့်အရေးနှင့် မိခင်နှင့်ကလေး စောင့်ရှောက်ရေး ရန်ပုံငွေများ သိသိသာသာ လျော့နည်းသွားနိုင်သည့် အလားအလာရှိနေသည်။။

အမေရိကန်ပြည်ထောင်စုက နိုင်ငံတကာအဖွဲ့အစည်း ၆၆ ဖွဲ့မှ နှုတ်ထွက်

အမေရိကန် ခိုလှုံခွင့်တောင်းခံသူများအား တတိယနိုင်ငံသို့ လွှဲပြောင်းမည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၇ ရက်။ အမေရိကန်နိုင်ငံတွင် ခိုလှုံခွင့် (Asylum) တောင်းခံထားသည့် နိုင်ငံခြားသားများကို ကာရေဘီယံကျွန်းနိုင်ငံတစ်ခုဖြစ်သော ဒိုမေနီကာ (Dominica) သို့ လွှဲပြောင်းပို့ဆောင်ရန် နှစ်နိုင်ငံ သဘောတူညီချက် ရရှိခဲ့ပါသည်။ ဒိုမေနီကာနိုင်ငံသည် အမေရိကန်၏ ပြည်ဝင်ခွင့်ဗီဇာ ကန့်သတ်ချက်များ ပြန်လည်ဖြေလျှော့ရရှိရေး အတွက် အပေးအယူတစ်ခုအနေဖြင့် ဤအစီအစဉ်ကို လက်ခံခဲ့ခြင်း ဖြစ်သည်။ ဒိုမေနီကာဝန်ကြီးချုပ်က နိုင်ငံတော်လုံခြုံရေးကို ထိခိုက်စေမည့်သူများနှင့် အကြမ်းဖက်သမားများကို လက်ခံမည်မဟုတ်ဟု ပြောကြားထားသော်လည်း၊ အတိုက်အခံခေါင်းဆောင် Thomson Fontaine ကမူ လူဦးရေ ၇၂,၀၀၀ ခန့်သာရှိသော ကျွန်းနိုင်ငံငယ်လေးအနေဖြင့် ဒုက္ခသည်များအတွက် အရင်းအမြစ်နှင့် နေရာထိုင်ခင်း လုံလောက်မှုမရှိမည်ကို စိုးရိမ်ကြောင်း ထုတ်ဖော်ပြောဆိုထားပါသည်။ အမေရိကန်အစိုးရသည် အလားတူသဘောတူညီချက်များကို ဘီလိဇ် (Belize)၊ ပါရာဂွေး (Paraguay)၊ အန်တီဂွာနှင့် ဘာဘူဒါ (Antigua and Barbuda) နိုင်ငံတို့နှင့်လည်း ချုပ်ဆိုထားပါသည်။ ဤမူဝါဒသည် သမ္မတ ဒေါ်နယ်ထရန့်အစိုးရ၏ လူဝင်မှုကြီးကြပ်ရေးဆိုင်ရာ ဖိအားပေးမှုနှင့် ဒုက္ခသည်ပြဿနာကို တတိယနိုင်ငံများသို့ တာဝန်ခွဲဝေလွှဲပြောင်းပေးသည့် မူဝါဒတစ်ရပ် ဖြစ်ပါသည်။

အမေရိကန် ခိုလှုံခွင့်တောင်းခံသူများအား တတိယနိုင်ငံသို့ လွှဲပြောင်းမည်

ထိုင်ဝမ်အရေး၊ အမေရိကန်က တရုတ်ကို စစ်ရှုံးနိုင်သည်ဟု လျို့ဝှက် စာတမ်း ထွက်ပေါ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဒီဇင်ဘာလ ၁၂ ရက်။ အင်္ဂလန်အခြေစိုက် တယ်လီဂရပ်ဖ် သတင်းစာ၏ ဖော်ပြချက်အရ၊ အမေရိကန်အစိုးရ၏ ထိပ်တန်းလျှို့ဝှက် စစ်တမ်းတစ်ခုတွင် ထိုင်ဝမ်အရေးကြောင့် တရုတ်နိုင်ငံနှင့် စစ်ပွဲဖြစ်ပွားပါက တရုတ်စစ်တပ်က အမေရိကန် စစ်တပ်ကို အနိုင်ယူဖွယ်ရှိကြောင်း သတိပေးထားသည်။ “Overmatch Brief” (အလွန်အကျွံ သာလွန်မှု အစီရင်ခံစာ) ဟု အမည်ပေးထားသည့် ၎င်းလျှို့ဝှက်စာရွက်စာတမ်းက ထိုင်ဝမ်တွင် စစ်ပွဲဖြစ်ပွားပါက အမေရိကန်သည် စစ်ပွဲတိုင်း၌ ရှုံးနိမ့်နိုင်ကြောင်း သတိပေးထားသည်။ ကုန်ကျစရိတ်ကြီးမားပြီး နည်းပညာရှုပ်ထွေးသော လက်နက်စနစ်များကို အမေရိကန်က အလွန်အမင်း မှီခိုနေရချိန်တွင် တရုတ်နိုင်ငံကမူ ဈေးသက်သာသော လက်နက်နှင့် စနစ်များကို အရေအတွက် အမြောက်အများ ထုတ်လုပ်နိုင်မည်ဟု ဖော်ပြထားသည်။ ထို့အပြင် တရုတ်နိုင်ငံသည် အမေရိကန်၏ နည်းဗျူဟာတိုင်းအတွက် အရန်စနစ်များကို အထပ်ထပ် ပြင်ဆင်ထားသည်ဟုလည်း ဆိုသည်။ ဒေါ်လာ ၁၃ ဘီလီယံတန်ဖိုးရှိသော အမေရိကန်၏ အဆင့်မြင့်ဆုံး လေယာဉ်တင်သင်္ဘော USS Gerald R Ford သည် စစ်ရေးလေ့ကျင့်ခန်းများတွင် အကြိမ်ပေါင်းများစွာ ဖျက်ဆီးခံရလေ့ရှိကြောင်း၊ အဘယ်ကြောင့်ဆိုသော် တရုတ်၏ မြန်နှုန်းမြင့် ဒီဇယ်-လျှပ်စစ် ရေငုပ်သင်္ဘောများနှင့် အသံထက် ငါးဆ ပိုမြန်သော ဒုံးကျည် ၆၀၀ ခန့်၏ တိုက်ခိုက်မှုကို ခံနိုင်ရည်ရှိမည်မဟုတ်ကြောင်း အစီရင်ခံစာက ဖော်ပြသည်။ ထိုင်ဝမ်နှင့် ပတ်သက်သည့် စစ်ရေးလေ့ကျင့်မှုများတွင် ပါဝင်ခဲ့သူ Eric Gomez က အပြီးသတ်ရလဒ်ကို ပြောနိုင်ခြင်းမရှိသော်လည်း စစ်ရေးလေ့ကျင့်မှုများ၌ အမေရိကန်သည် သင်္ဘောများ၊ F-35 အပါအဝင် ပဉ္စမမျိုးဆက် တိုက်လေယာဉ်များ၊ ဖျက်သင်္ဘောများနှင့် ရေငုပ်သင်္ဘောများ အပါအဝင် ကြီးမားသော ဆုံးရှုံးမှုများ ကြုံတွေ့ရကြောင်း ထုတ်ဖော်ပြောကြားခဲ့သည်။ မကြာသေးမီကလည်း တရုတ်သည် အသံထက် ရှစ်ဆ ပိုမြန်သည်ဟု ခန့်မှန်းရသည့် YJ-17 သင်္ဘောဖျက်ဒုံးကျည်များကို ထုတ်ဖော်ပြသခဲ့သည်။

ထိုင်ဝမ်အရေး၊ အမေရိကန်က တရုတ်ကို စစ်ရှုံးနိုင်သည်ဟု လျို့ဝှက် စာတမ်း ထွက်ပေါ်

အမေရိကန် အစိုးရ ရပ်ဆိုင်းမှု သတင်းနှစ်ပတ် ရှိလာပြီ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၇ ရက်။ ရပ်တန့်နေတဲ့ အမေရိကန် ပြည်ထောင်စု အစိုးရ ယန္တယား လည်ပတ်ရန် အတွက် အသုံးစားရိတ် အတည်ပြုနိုင်ရေး ဥပဒေကြမ်းများကို လွှတ်တော်တွင် မဲပေးခဲ့သော်လည်း လိုအပ်သည့် ထောက်ခံမဲ မရသေးပေ။ ယခု အကြိမ်သည် ၅ ကြိမ်မြောက် ဥပဒေမူကြမ်းကို အတည်ပြုရန် ၅ ကြိမ်မြောက် ကြိုးပမ်းခြင်းလည်း ဖြစ်သည်။ အောက်တိုဘာ ၆ ရက် က အထက်လွှတ်တော် မဲပေးမှုတွင် အတိုက်အခံ ဒီမိုကရက်ပါတီက တင်သွင်းသည့် အစိုးရ အသုံးစားရိတ် အဆိုနှင့် သမ္မတ ဒေါ်နယ်ထရန့်၏ ရီပတ်ဘလီကင် အမတ်များ တင်သွင်းသည့် အသုံးစားရိတ် အဆိုနှစ်ခုလုံးကို မဲပေးရာမှာ သတ်မှတ်မဲ မရရှိပဲ ဖြစ်ခဲ့သည်။ စုစုပေါင်း မဲ ကိုးဆယ်ကျော် ပေးသည့် အထဲတွင် အတည်ပြုရန် မဲ ၆၀ ရရန် လိုအပ်သော်လည်း အဆို နှစ်ခု စလုံးမှာ ၅၅ မဲပင် မရခဲ့ကြပေ။ အဓိက သဘောထားကွဲလွဲနေသည့် အချက်မှာ ဒီမိုကရက်များ လက်ထက်တွင် အတည်ပြုထားသည့် ဝင်ငွေနည်း အမေရိကန်များအတွက် ကျန်းမာရေးအာမခံ ထောက်ပံ့ငွေ ကိစ္စ ဖြစ်သည်။ သမ္မတ ထရန့်က “အလုပ်မဖြစ်ဘူး” ဟု ဆိုသော ထောက်ပံ့ငွေများကို ဖြတ်တောက်စေချင်ပြီး ဒီမိုကရက်များက ဝန်ငွေနည်း အမေရိကန်တွေအတွက် ထောက်ပံ့ငွေများကို မဖြတ်တောက်ရန် တင်းခံနေခြင်းလည်း ဖြစ်သည်။

အမေရိကန် အစိုးရ ရပ်ဆိုင်းမှု သတင်းနှစ်ပတ် ရှိလာပြီ

ကမ္ဘာ့ ကုန်သွယ်ရေးမှာ ဗျူဟာမြောက် လက်နက် ဖြစ်လာတဲ့ ပဲပုပ် သတင်းနှင့် မီဒီယာ ကွန်ရက် ၂၀၂၅ ခုနှစ်၊ အောက်တိုဘာလ ၂ ရက်။ ပဲပုပ် ခေါ် ပဲပိစပ်ကို တရုတ်နိုင်ငံက ဆွေးနွေးညှိနှိုင်းရေး နည်းဗျူဟာ အဖြစ် အသုံးပြုနေသည်ဟု အမေရိကန် သမ္မတ ဒေါ်နယ်ထရန့်က ပြောလိုက်သည် တရုတ်-အမေရိကန် ကုန်သွယ်စစ်အတွင်း တရုတ်ကုန်သည်များက အမေရိကန်မှ ပဲပိစပ် ခေါ် ပဲပုပ် တင်သွင်းခြင်းကို ရပ်ဆိုင်းထားသည့်အတွက် အမေရိကန် လယ်သမားများမှာ ဒေါ်လာ ဘီလီယံနှင့်ချီပြီး ဆုံးရှုံးနေရသည်။ ပဲပိစပ်ကို အမေရိကန် လယ်သမားများက ဆောင်းဦး ရာသီတွင် ရိတ်သိမ်သောကြောင့် ယခု အချိန်သည် အဓိက ရောင်းချသည့် ရာသီ ဖြစ်သည်။ ကမ္ဘာတွင် ပဲပိစပ်အများဆုံးတင်သွင်းသည့် တရုတ်က ယခုနှစ်တွင် အမေရိကန်မှ မဝယ်ပဲ တောင်အမေရိက ဈေးကွက်ဘက်သို့ လှည့်သွားခဲ့ခြင်းကြောင့် ဖြစ်သည်။ အမေရိကန် သမ္မတ ဒေါ်နယ်ထရန့်က တရုတ် သမ္မတ ရှီကျင့်ပင်နှင့် လာမည့် ရက်သတ္တပတ် ၄ ပတ် အကြာတွင် တွေ့ဆုံဖို့ ရှိနေရာ ထိုတွေ့ဆုံပွဲတွင် ပဲပိစပ် ကိစ္စသည် ဆွေးနွေးပွဲ၏ အဓိက ခေါင်းစဉ် ဖြစ်လာမည်ဟု ဆိုသည်။

ကမ္ဘာ့ ကုန်သွယ်ရေးမှာ ဗျူဟာမြောက် လက်နက် ဖြစ်လာတဲ့ ပဲပုပ်

တရားမဝင် ရွှေ့ပြောင်းသူများအား အမေရိကန် လဝက ဖမ်းဆီးခွင့် ရသွားပြီ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၉ ရက်။ အမေရိကန်နိုင်ငံ၊ လော့စ်အိန်ဂျလိစ်မြို့တွင် ရွှေ့ပြောင်းသူများအား ဖမ်းဆီးသည့် ကိစ္စအား တားဆီးထားသည့် အမိန့်ကို တရားရုံးချုပ်က ရုတ်သိမ်းလိုက်သည်။ ထို့ကြောင့် အမေရိကန် အစိုးရ အနေဖြင့် လော့စ်အိန်ဂျလိစ်မြို့တွင် တရားမဝင် ရွှေ့ပြောင်းနေထိုင်သူများအား တားမြစ်ရှာဖွေ ဖမ်းဆီးခွင့် ရသွားပြီဖြစ်သည်။ တနည်းဆိုရလျှင် သမ္မတ ဒေါ်နယ် ထရန့်အနေဖြင့် နိုင်ငံအတွင်း တရားမဝင် ဝင်ရောက်သူများကို စံချိန်တင် ပြန်ပို့မှုများ လုပ်ဆောင်မည် ဆိုသော ကတိကို အကောင်အထည် ဖော်ခွင့်ရသွားခြင်းလည်း ဖြစ်သည်။ အဆိုပါ ဆုံးဖြတ်ချက်ကြောင့် အသားအရောင်၊ ဘာသာစကား သို့မဟုတ် အလုပ်အကိုင် အပေါ်အခြေခံပြီး သံသယထား ဖမ်းဆီးစစ်ဆေးမှုများကို လုပ်ဆောင်ခွင့်ရသွားမည် ဖြစ်သည်။ ကန့်သတ်ချက် ရုတ်သိမ်းသည့် တရားရုံး ဆုံးဖြတ်ချက်ကို အိမ်ဖြူတော်က ကြိုဆိုလိုက်သည်။ မကြာသေးမီက တောင်ကိုရီးယားပိုင် ဟွန်ဒိုင်း စက်ရုံကို ဥပဒေ စိုးမိုးရေး အရာရှိများက ဝင်ရောက် စစ်ဆေးခဲ့ရာ တရားမဝင် နေထိုင်နေသည့် တောင်ကိုရီးယား နိုင်ငံသား အယောက် ၃၀၀ ကျော်ကို ဖမ်းဆီးခဲ့သည်။

တရားမဝင် ရွှေ့ပြောင်းသူများအား အမေရိကန် လဝက ဖမ်းဆီးခွင့် ရသွားပြီ

အမေရိကန်နှင့် တင်းမာနေစဉ်အတွင်း အိန္ဒိယ ဝန်ကြီးချုပ် တရုတ်နိုင်ငံ သွားမည် သတင်းနှင့် မီဒီယာ ကွန်ရက်။ ၂၀၂၅ ခုနှစ် ဩဂုတ်လ ၇ ရက်။ ကုန်သွယ်ခွန် သတ်မှတ်မှုကြောင့် အမေရိကန်နှင့် တင်းမာမှုများ ရှိလာချိန်၌ အိန္ဒိယဝန်ကြီးချုပ် နာရင်ဒရာ မိုဒီ (Narendra Modi) သည် ၇ နှစ်ကျော် အတွင်း ပထမဆုံး အကြိမ် တရုတ်နိုင်ငံသို့ သွားရောက်မည်ဟု သတင်းများ ထွက်ပေါ်လာခဲ့သည်။ ဩဂုတ်လ ၃၁ ရက်နေ့တွင် စတင်မည့် အပြန်အလှန် ဘက်စုံ ပူးပေါင်း ဆောင်ရွက်မှုများ ပါဝင်သော ရှန်ဟိုင်း ပူးပေါင်း ဆောင်ရွက်ရေးအဖွဲ့ SCO ၏ ထိပ်သီး အစည်းအဝေးကို မစ္စတာ မိုဒီ တက်ရောက်မည်ဟု အိန္ဒိယ အစိုးရ သတင်းရင်းမြစ်ကို ကိုးကားပြီး ရိုက်တာ သတင်းဌာနက သတင်းထုတ်ပြန်သည်။ တီယန်ကျင်း Tianjin မြို့တွင် ကျင်းပမည့် အစည်းအဝေးသို့ ရုရှားနိုင်ငံကလည်း တက်ရောက်ရန် ရှိနေသည်။ ယင်းသည် အိန္ဒိယဝန်ကြီးချုပ် မိုဒီ၏ ၂၀၁၈ ခုနှစ် ဇွန်လနောက်ပိုင်း ပထမဆုံး တရုတ်နိုင်ငံ ခရီးစဉ်လည်း ဖြစ်သည်။ အိန္ဒိယ နှင့် တရုတ် ဆက်ဆံရေးသည် ၂၀၂၀ ခုနှစ် ဟိမဝန္တာ တောင်တန်းများပေါ်တွင် နှစ်နိုင်ငံ နယ်စပ် ပြဿနာကြောင့် စစ်တပ်များ ထိပ်တိုက်တွေ့ဆုံမှု ဖြစ်ပြီးနောက်ပိုင်း ဆုတ်ယုတ်ခဲ့သည်။ သို့သော်လည်း ယခင်နှစ် အောက်တိုဘာလတွင် ကျင်းပခဲ့သည့် BRICS (ဘီအာရ်အိုင်စီအက်စ်-ဘရစ်စ်) အစည်း အဝေးတွင် အိန္ဒိယ ဝန်ကြီးချုပ် မိုဒီနှင့် တရုတ် သမ္မတ ရှီကျင့်ပင်တို့ ပင်မ အစည်းအဝေး အပြင်ဘက်တွင် တွေ့ဆုံခဲ့ကြသည်။ ထိုမှ စ၍ အိန္ဒိယ - တရုတ် ဆက်ဆံရေးက အနည်းငယ် နွေးထွေးလာခဲ့သည်ဟု သုံးသပ်သူများက ဆိုသည်။ ရက်ပိုင်းအတွင်းက အမေရိကန်သည် သွင်းကုန်ခွန် နှုန်းထားကို အိန္ဒိယ အတွက် ၂၅ ရာခိုင်နှုန်း သတ်မှတ်ထား ရာမှ အိန္ဒိယနိုင်ငံသည် ရုရှား၏ ရေနံကို ဝယ်ယူနေသည်ဟု ဆိုကာ အမျိုးသား လုံခြုံရေး အကြောင်းပြချက်ဖြင့် နောက်ထပ် ၂၅ ရာခိုင်နှုန်း တိုးမြှင့်ခဲ့သည်။ ထို့ကြောင့် အိန္ဒိယမှ အမေရိကန်သို့ တင်ပို့မည့် ကုန်ပစ္စည်းများအပေါ် အခွန် စုစုပေါင်း ၅၀ % ကောက်ခံမည် ဖြစ်သဖြင့် နှစ်နိုင်ငံ အကြား တင်းမာမှုများ ဖြစ်ပွားလာခြင်း ဖြစ်သည်။ အိန္ဒိယကမူ အမေရိကန်၏ ကုန်သွယ်ခွန် ၅၀ ရာခိုင်နှုန်း ကောက်ခံမှုသည် အဓိပ္ပာယ်မရှိကြောင်းနှင့် အိန္ဒိယ နိုင်ငံအနေဖြင့် လူသန်းပေါင်း ၁၄၀၀ ကျော်အတွက် စွမ်းအင်လိုအပ်ချက်ကို ဖြည့်ဆည်းဖို့ လိုအပ်သည်ဟု တုန့်ပြန်ခဲ့သည်။ ထိုသို့ တင်းမာမှုများ ဖြစ်ပေါ်နေသည့် အချိန်တွင် အိန္ဒိယ ဝန်ကြီးချုပ် နာရင်ဒရာ မိုဒီက တရုတ်နိုင်ငံသို့ သွားရောက် လည်ပတ်မည့် သတင်း ထွက်ပေါ်လာခြင်းလည်း ဖြစ်သည်။

အမေရိကန်နှင့် တင်းမာနေစဉ်အတွင်း အိန္ဒိယ ဝန်ကြီးချုပ် တရုတ်နိုင်ငံ သွားမည်

သောကြာနေ့ည ရုပ်သံသတင်း (၁၀-၁၀-၂၅)

ဒီကနေ့ အစီအစဉ်ထဲမှာတော့ … မိုးမိတ်မှာ ဗုံးကြဲတိုက်ခိုက်ခဲ့လို့ ကလေးတွေ အပါအဝင် အရပ်သားတွေ အသက်ဆုံးရှုံးခဲ့ရပါတယ်။ မွန်နဲ့ တနင်္သာရီမှာလည်း အရပ်သားတွေ လေကြောင်းတိုက်ခိုက်မှု ခံရပါတယ်။ ဖားကန့်မှာ စစ်ကော်မရှင်က ဘာကြောင့် ညမထွက်ရ အမိန့်ထုတ်လိုက်တာပါလဲ

ထိုင်းရောက် အလုပ်သမားတွေအတွက် ပန်းရောင်ကတ် ပြုလုပ်ရမယ့် နေရာတွေက ဘယ်နေရာတွေလဲ၊ ဘယ်လိုလုပ်ရမှာလဲ။ ယူကရိန်းတိုက်ပွဲမှာ လောင်စာ အရင်းအမြစ်တွေကို ဘာလို့ အပြန်အလှန် တိုက်ခိုက်နေကြတာလဲ။ ယူကေက အိန္ဒိယ နိုင်ငံကို အပေါ့စား ဒုံးကျည်တွေ ရောင်းပေးလိုက်ပါတယ်။

ကမ္ဘာကျော် မုဒိမ်းမှုတစ်ခုမှာ အယူခံဝင်တဲ့သူကို တရားရုံးက ဘယ်လို အမိန့်ချမှတ်လိုက်သလဲ … စတာတွေတင်ဆက်ထားပါတယ်။