Strait of Hormuz – Page 2 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Tag Archive

Tag: Strait of Hormuz

ဟော်မုဇ် ရေလက်ကြား သတ်မှတ်ချိန် နီးကပ်လာချိန် အာရှ သင်္ဘောများ အီရန်နဲ့ ညှိနှိုင်း ဖြတ်သန်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၇ ရက်။ အမေရိကန်သမ္မတ ဒေါ်နယ်ထရန့်သည် အီရန်နိုင်ငံအပေါ် စစ်ရေးအရ ဖိအားပေးမှုများကို တိုးမြှင့်လိုက်ပြီး ဟော်မုဇ်ရေလက်ကြား (Strait of Hormuz) ကို ပြန်လည်ဖွင့်လှစ်ပေးရန် အင်္ဂါနေ့ (ဧပြီ ၇ ရက်) ညပိုင်းအထိ နောက်ဆုံးရာဇသံ (Deadline) သတ်မှတ်လိုက်သည်။ အကယ်၍ သတ်မှတ်ချိန်အတွင်း လိုက်နာခြင်းမရှိပါက အီရန်နိုင်ငံအား "တစ်ညတာအတွင်း အပြတ်အသတ် ချေမှုန်းသွားမည်" ဟု ထရန့်က ခြိမ်းခြောက်ပြောဆိုခဲ့သည်။ သမ္မတထရန့်သည် စစ်ပွဲအပြီး ကာလတွင် အဆိုပါ အချက်အချာကျသော ရေလမ်းကြောင်းကို အမေရိကန်က တိုက်ရိုက်ထိန်းချုပ်ကာ ဖြတ်သန်းသွားလာမည့် သင်္ဘောများထံမှ "ရေကြောင်းဖြတ်သန်းခ" (Toll Fees) ကောက်ခံသွားမည့် အစီအစဉ် (Concept) ကိုလည်း ထုတ်ဖော်ပြောကြားခဲ့သည်။ ၎င်းက အမေရိကန်သည် စစ်ပွဲတွင် အနိုင်ရရှိသူဖြစ်သည့်အတွက် အဆိုပါ အခွင့်အရေးရှိကြောင်း သတင်းထောက်များကို ပြောကြားခဲ့သည်။ သို့သော် အမေရိကန်၏ စစ်ရေးခြိမ်းခြောက်မှုများ ရှိနေသည့်တိုင် စွမ်းအင်လိုအပ်ချက် မြင့်မားနေသော အာရှနိုင်ငံများသည် အီရန်နှင့် တိုက်ရိုက်ညှိနှိုင်းကာ ၎င်းတို့၏ ကုန်သွယ်ရေးသင်္ဘောများ ဘေးကင်းစွာ ဖြတ်သန်းနိုင်ရေးအတွက် သီးခြားသဘောတူညီချက်များ ရယူနေကြသည်။ ပြည်တွင်းရေနံလိုအပ်ချက်၏ ၉၈ ရာခိုင်နှုန်းကို အရှေ့အလယ်ပိုင်းမှ တင်သွင်းနေရသည့် ဖိလစ်ပိုင်သည် အီရန်နှင့် တိုက်ရိုက်ဆွေးနွေးကာ ၎င်းတို့၏ သင်္ဘောများ ဘေးကင်းစွာ ဖြတ်သန်းခွင့်ရရှိရန် အာမခံချက် ရယူနိုင်ခဲ့သည်။ အိန္ဒိယအလံတင်သင်္ဘောများကို အီရန်ဘက်က ဘေးကင်းစွာ ဖြတ်သန်းရန် ဖိတ်ခေါ်ထားသကဲ့သို့ ပါကစ္စတန်ကလည်း သင်္ဘောအစင်း ၂၀ ဖြတ်သန်းခွင့်ရရန် သဘောတူညီချက် ရရှိထားသည်။ အီရန်ရေနံကို အဓိကဝယ်ယူနေသည့် တရုတ်သင်္ဘောများမှာ ရေလက်ကြားကို ပုံမှန်ဖြတ်သန်းနေပြီး မလေးရှားဝန်ကြီးချုပ် အန်ဝါအီဗရာဟင်ကလည်း နှစ်နိုင်ငံသံတမန်ရေးအရ ၎င်းတို့၏ သင်္ဘောများ ဖြတ်သန်းခွင့်ရရှိထားကြောင်း အတည်ပြုခဲ့သည်။ အဆိုပါ အာရှနိုင်ငံများအနေဖြင့် အီရန်နိုင်ငံကို ဖြတ်သန်းခပေးဆောင်နေရခြင်း ရှိ၊ မရှိကိုမူ တိကျစွာ မသိရသေးဘဲ ဖြတ်သန်းခွင့်ရခဲ့သော ဂျပန်သင်္ဘောကလည်း အခွန်အခ‌ ပေးရခြင်း ရှိမရှိ ထုတ်ဖော်ပြောကြားခြင်း မရှိခဲ့ပေ။

ဟော်မုဇ် ရေလက်ကြား သတ်မှတ်ချိန် နီးကပ်လာချိန် အာရှ သင်္ဘောများ အီရန်နဲ့ ညှိနှိုင်း ဖြတ်သန်း

စွမ်းအင်အရင်းအမြစ်များ အတိုက်ခံရပါက Hormuz ဟော်မုဇ် ရေလက်ကြား လုံးဝ ပိတ်ပစ်မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၃ ရက်။ အမေရိကန်သမ္မတ ဒေါ်နယ်ထရန့်က အီရန်နိုင်ငံအနေဖြင့် ဟော်မုဇ်ရေလက်ကြား (Strait of Hormuz) ကို ပြန်လည်ဖွင့်လှစ်ခြင်းမရှိပါက ၎င်း၏ လျှပ်စစ်ဓာတ်အားပေးစက်ရုံများကို တိုက်ခိုက်ဖျက်ဆီးမည်ဟု ရာဇသံပေးထားရာ အီရန်ဘက်ကလည်း အလားတူ လက်တုံ့ပြန်သွားမည်ဟု ထုတ်ဖော်ပြောဆိုလိုက်သည်။ အကယ်၍ အမေရိကန်၏ တိုက်ခိုက်မှုကို ခံရပါက ဟော်မုဇ်ရေလက်ကြားကို အကန့်အသတ်မရှိ ပိတ်ပစ်မည်ဖြစ်သည့်အပြင် ဒေသတွင်းရှိ အမေရိကန်နှင့် ဆက်နွှယ်သော အခြေခံအဆောက်အအုံများကိုပါ တိုက်ခိုက်သွားမည်ဟု အီရန်က သတိပေးထားသည်။ သမ္မတထရန့်က သတ်မှတ်ထားသည့် ၄၈ နာရီ ရာဇသံသည် ယနေ့ တနင်္လာနေ့ ညနေပိုင်း (မြန်မာစံတော်ချိန် အင်္ဂါနေ့ မွန်းတည့်ချိန်ခန့်) တွင် ပြည့်မြောက်မည်ဖြစ်သည်။ တစ်ချိန်တည်းမှာပင် အပြည်ပြည်ဆိုင်ရာ စွမ်းအင်အေဂျင်စီ (IEA) အကြီးအကဲ ဖာတစ် ဘီရိုလ်း (Fatih Birol) က လက်ရှိအခြေအနေသည် ၁၉၇၀ ပြည့်လွန်နှစ်များက ကြုံတွေ့ခဲ့ရသော ရေနံအကျပ်အတည်းထက် ပိုမိုဆိုးရွားနေပြီး ကမ္ဘာ့စီးပွားရေးအတွက် ကြီးမားသော ခြိမ်းခြောက်မှုဖြစ်နေကြောင်း သတိပေးခဲ့သည်။ အထူးသဖြင့် ဟော်မုဇ်ရေလက်ကြားကို အဓိကအားကိုးနေရသော အာရှနိုင်ငံများသည် ယခုအကျပ်အတည်း၏ဒဏ်ကို အဆိုးရွားဆုံး ခံစားရနိုင်ကြောင်း သိရသည်။ လက်ရှိတွင် အီရန်၏ ဒုံးကျည်တိုက်ခိုက်မှုများကြောင့် ကာတာနိုင်ငံ၏ သဘာဝဓာတ်ငွေ့ (LNG) တင်ပို့မှုများ ရပ်တန့်သွားခဲ့သည်။ IEA အနေဖြင့် ဈေးကွက်တည်ငြိမ်စေရန် အရန်ရေနံစည်ပေါင်း သန်း ၄၀၀ ထုတ်ပေးထားသော်လည်း ယင်းမှာ ယာယီဖြေရှင်းချက်သာဖြစ်သည်။ ဟော်မုဇ်ရေလက်ကြား ပြန်လည်ပွင့်လှစ်မှသာလျှင် အကျပ်အတည်း ပြေလည်နိုင်မည်ဖြစ်ကြောင်း ကျွမ်းကျင်သူများက သုံးသပ်ထားကြသည်။ #ဟော်မုဇ်ရေလက်ကြား #Hormuz #LNG

စွမ်းအင်အရင်းအမြစ်များ အတိုက်ခံရပါက Hormuz ဟော်မုဇ် ရေလက်ကြား လုံးဝ ပိတ်ပစ်မည်

ဟော်မုဇ် တည်ငြိမ်ရေး ဥရောပနှင့် ဂျပန် ကြိုးပမ်းမည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၀ ရက်။ ဥရောပ ထိပ်သီးနိုင်ငံ အချို့နှင့် ဂျပန် နိုင်ငံတို့ ပူးတွဲ၍ ဟော်မုဇ် ရေလက်ကြား သင်္ဘောများ သွားလာနိုင်ရေးနှင့် ပတ်သက်၍ ကြေညာချက် ထုတ်ပြန်ခဲ့ကြသည်။ ဗြိတိန်၊ ပြင်သစ်၊ ဂျာမနီ၊ အီတလီ၊ နယ်သာလန်နှင့် ဂျပန်နိုင်ငံတို့သည် စွမ်းအင်ဈေးကွက် တည်ငြိမ်စေရန်နှင့် ဟော်မုဇ်ရေလက်ကြားအတွင်း သင်္ဘောများ ဘေးကင်းစွာ ဖြတ်သန်းနိုင်ရေးအတွက် ပူးပေါင်းဆောင်ရွက်သွားမည်ဟု မတ်လ ၁၉ ရက်တွင် ပူးတွဲကြေညာချက် ထုတ်ပြန်ခဲ့ခြင်း ဖြစ်သည်။ အဆိုပါနိုင်ငံများသည် အီရန်၏ တိုက်ခိုက်မှုများကို ရှုတ်ချထားခဲ့သည်။ စွမ်းအင်ဈေးနှုန်း ထိန်းညှိရန်အတွက် ရေနံထုတ်လုပ်သည့် နိုင်ငံအချို့နှင့် ပူးပေါင်းကာ ထုတ်လုပ်မှုတိုးမြှင့်ရန်နှင့် မဟာဗျူဟာမြောက် ရေနံအရန်သင့်စုဆောင်းမှု (SPR) များကို ထုတ်ယူသုံးစွဲခြင်းအား ကြိုဆိုကြောင်း ဖော်ပြထားသည်။ ထို့ပြင် ဟော်မုဇ်ရေလက်ကြားအတွင်း ဘေးကင်းစွာ သွားလာနိုင်ရေးအတွက် ကြိုတင်ပြင်ဆင်မှုများ လုပ်ဆောင်နေသည့် နိုင်ငံများ၏ ကတိပြုချက်များကိုလည်း ကြိုဆိုခဲ့ကြပါသည်။ #EU #ဥရောပသမဂ္ဂ #ဟော်မုဇ်ရေလက်ကြား #Strait_of_Hormuz

ဟော်မုဇ် တည်ငြိမ်ရေး ဥရောပနှင့် ဂျပန် ကြိုးပမ်းမည်

မတ်လအတွင်း သင်္ဘော ၁၀၀ ခန့်သာ ဟော်မုဇ် ရေလက်ကြားကို ဖြတ်သန်းနိုင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၀ ရက်။ အီရန်စစ်ပွဲ စတင်ခဲ့သည့် ဖေဖော်ဝါရီ ၂၈ ရက်နောက်ပိုင်း ကမ္ဘာ့အလုပ်အရှုပ်ဆုံး ရေကြောင်းလမ်းဖြစ်သည့် ဟော်မုဇ်ရေလက်ကြား (Strait of Hormuz) တွင် သွားလာမှု ၉၅ ရာခိုင်နှုန်းခန့် ထိုးကျသွားကြောင်း နိုင်ငံတကာ သတင်းများတွင် ဖော်ပြထားသည်။ မတ်လအတွင်း သင်္ဘော ၁၀၀ နီးပါးသာ ဖြတ်သန်းနိုင်ခဲ့ပြီး တစ်ရက်လျှင် ပျမ်းမျှသင်္ဘော ၅ စင်းမှ ၆ စင်းခန့်သာ သွားလာနိုင်တော့သည်။ အဆိုပါသင်္ဘောများအနက် အီရန်အလံတင်သင်္ဘော ၁၄ စင်း၊ တရုတ်ကုမ္ပဏီပိုင် ၉ စင်းနှင့် အိန္ဒိယသို့ ဦးတည်သည့် သင်္ဘော ၆ စင်း ပါဝင်သည်ဟု BBC သတင်းဌာနက အတည်ပြုသည်။ တိုက်ခိုက်ခံရမည့် အန္တရာယ်ကြောင့် သင်္ဘောများသည် အပြည်ပြည်ဆိုင်ရာ ရေကြောင်းလမ်းအစား အီရန်ကမ်းခြေဘက်သို့ ကပ်၍ သွားလာနေရသည်။ ကမ္ဘာ့ရေနံတင်သင်္ဘော ၂၅ ရာခိုင်နှုန်းခန့် ဖြတ်သန်းရာ ဤရေလက်ကြား၌ သွားလာရေး ခက်ခဲနေခြင်းကြောင့် ရေနံဈေးနှုန်းများ မြင့်တက်လျက်ရှိသည်။ ထို့ပြင် အစ္စရေးက အီရန်၏ South Pars ဓာတ်ငွေ့သိုက်ကို တိုက်ခိုက်ခဲ့ခြင်းအား လက်တုံ့ပြန်သည့်အနေဖြင့် အီရန်က အမေရိကန်မဟာမိတ်များ၏ စွမ်းအင်အရင်းအမြစ်များကို တိုက်ခိုက်လာခြင်းကြောင့် ရေနံဈေးနှုန်းမှာ ထပ်မံမြင့်တက်ခဲ့သည်။ တိုက်ခိုက်မှုများကြောင့် ကာတာနိုင်ငံ၏ LNG တင်ပို့မှုမှာလည်း ၁၇ ရာခိုင်နှုန်းအထိ ထိခိုက်လျက်ရှိသည်။ #South_Pars #LNG #Strait_of_Hormuz

မတ်လအတွင်း သင်္ဘော ၁၀၀ ခန့်သာ ဟော်မုဇ် ရေလက်ကြားကို ဖြတ်သန်းနိုင်

ရုရှားအပေါ် ရေနံနှင့် ပတ်သက်သည့် ပိတ်ဆို့မှု ရက် ၃၀ လျော့ပေါ့မည် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၁၃ ရက်။ အီရန်စစ်ပွဲကြောင့် ကမ္ဘာ့ရေနံဈေးကွက် မတည်ငြိမ်မှုကို ထိန်းချုပ်ရန်အတွက် အမေရိကန်အစိုးရသည် ရုရှားရေနံအပေါ် ချမှတ်ထားသော ပိတ်ဆို့မှုအချို့ကို ရက်ပေါင်း ၃၀ ကြာ ယာယီဖြေလျှော့ပေးလိုက်သည်။ ပင်လယ်ပြင်အတွင်း ရောက်ရှိနေသည့် ရုရှားရေနံနှင့် ရေနံထွက်ပစ္စည်းများကို နိုင်ငံတကာမှ ဝယ်ယူခွင့်ပြုရန်အတွက် အမေရိကန်ဘဏ္ဍာရေးဝန်ကြီးဌာနက ဧပြီလ ၁၁ ရက်နေ့အထိ အကျုံးဝင်မည့် ယာယီကင်းလွတ်ခွင့် (Waiver) ကို ထုတ်ပြန်ခဲ့ခြင်းဖြစ်သည်။ အီရန်စစ်ပွဲကြောင့် အရေးပါသည့် ဟော်မုဇ်ရေလက်ကြား (Strait of Hormuz) ပိတ်ဆို့ခံထားရသဖြင့် ရေနံဈေးနှုန်းများ အဆမတန် မြင့်တက်လာမှုကို လျှော့ချနိုင်ရန် ယခုကဲ့သို့ စီစဉ်ရခြင်း ဖြစ်သည်။ ထို့အပြင် ရေနံဈေးနှုန်း ထိန်းညှိရန်အတွက် အမေရိကန်၏ အရန်ရေနံသိုလှောင်မှုမှ ရေနံစည်ပေါင်း ၁၇၂ သန်းကိုလည်း ထုတ်သုံးသွားမည်ဟု ကြေညာထားသည်။ အမေရိကန်၏ ယခုလုပ်ဆောင်ချက်သည် ယူကရိန်းစစ်ပွဲကြောင့် ရုရှားအပေါ် ချမှတ်ထားသည့် မူဝါဒများနှင့် ဆန့်ကျင်နေသဖြင့် ဥရောပသမဂ္ဂ (EU) ဘက်က ကန့်ကွက်ထားပြီး ရုရှားအပေါ် ပိတ်ဆို့မှုများကို မလျှော့ချသင့်ကြောင်း တုံ့ပြန်ထားသည်။ #EU #ဥရောပသမဂ္ဂ #အမေရိကန်အစိုးရ #ရုရှားရေနံ #StraitofHormuz

ရုရှားအပေါ် ရေနံနှင့် ပတ်သက်သည့် ပိတ်ဆို့မှု ရက် ၃၀ လျော့ပေါ့မည်

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

အမေရိကန်က အီရန်မြို့ကြီးအများအပြားကို ကိုးညမြောက်အဖြစ် ဆက်တိုက်ဗုံးကြဲတိုက်ခိုက် — July 20, 2026 3:02 pm
နျူကလီးယားလက်နက် ပိုင်ဆိုင်ရေး နိုင်ငံအတွင်း ပွင့်လင်းစွာဆွေးနွေးရန် လိုအပ်ကြောင်း ဂျပန်ကာကွယ်ရေးဝန်ကြီး ပြော — July 20, 2026 2:50 pm
ထိုင်ဝမ်ကျွန်း တရုတ်လက်အောက်ခံဖြစ်မသွားရေးကာကွယ်ကြရန်သမ္မတ လိုင်ချင်းတယ် တိုက်တွန်း — July 20, 2026 2:43 pm

Recent Posts

ငွေဆောင်တွင် တောဆင်ရိုင်းဝင်တိုက်၊ မိသားစု ၃ ဦးသေဆုံး
အာဏာသိမ်းကာလအတွင်း နိုင်ကျဉ်း ၁၄၈ ဦး သေဆုံး
အမေရိကန်က အီရန်မြို့ကြီးအများအပြားကို ကိုးညမြောက်အဖြစ် ဆက်တိုက်ဗုံးကြဲတိုက်ခိုက်
နျူကလီးယားလက်နက် ပိုင်ဆိုင်ရေး နိုင်ငံအတွင်း ပွင့်လင်းစွာဆွေးနွေးရန် လိုအပ်ကြောင်း ဂျပန်ကာကွယ်ရေးဝန်ကြီး ပြော
ထိုင်ဝမ်ကျွန်း တရုတ်လက်အောက်ခံဖြစ်မသွားရေးကာကွယ်ကြရန်သမ္မတ လိုင်ချင်းတယ် တိုက်တွန်း

Archives

Archives

×Close