သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇူလိုင်လ ၁၀ ရက်။

တူရကီနိုင်ငံ အန်ကာရာမြို့တွင် နှစ်ရက်ကြာ ကျင်းပခဲ့သည့် မြောက်အတ္တလန္တိတ်စာချုပ်အဖွဲ့ (NATO) ထိပ်သီးအစည်းအဝေး၌ အရေးကြီးသော သဘောတူညီချက်အချို့ ချမှတ်ခဲ့ကြသည်။

စစ်ဘက်ဆိုင်ရာ အသုံးစရိတ် တိုးမြှင့်ရေးနှင့် ပတ်သက်၍ နေတိုးမဟာမိတ်အဖွဲ့ဝင်နိုင်ငံများသည် ဒုံးကျည်ကာကွယ်ရေး၊ ဉာဏ်ရည်တု (AI) နည်းပညာနှင့် စစ်ဘက်ဆိုင်ရာ စွမ်းရည်များ မြှင့်တင်ရန်အတွက် အမေရိကန်ဒေါ်လာ ဘီလီယံ ၅၀ ကျော်တန်ဖိုးရှိ စစ်လက်နက်ပစ္စည်း အရောင်းအဝယ်ပြုလုပ်ရန် သဘောတူညီခဲ့ကြသည်။

သို့ရာတွင် လက်ရှိ သတ်မှတ်ထားသည့် ဂျီဒီပီ (GDP) ၏ ၃.၅ ရာခိုင်နှုန်းအထိ စစ်အသုံးစရိတ် သုံးစွဲရမည့် ရည်မှန်းချက်ကိုမူ အဖွဲ့ဝင် ၃၂ နိုင်ငံအနက် ၅ နိုင်ငံသာ ယခုနှစ်အတွင်း ပြည့်မီရန် ရှိနေသည်။

ယူကရိန်းအရေးနှင့် စပ်လျဉ်း၍ နေတိုးအဖွဲ့က ယူကရိန်းနိုင်ငံအတွက် ယူရို ၇၀ ဘီလီယံ တန်ဖိုးရှိ စစ်လက်နက်ပစ္စည်းများနှင့် စစ်သင်တန်းအကူအညီများ ပေးအပ်ရန် ကတိပြုခဲ့သည်။

အမေရိကန် သမ္မတ ဒေါ်နယ်ထရမ့်ကမူ ယူကရိန်းနိုင်ငံအနေဖြင့် တန်ဖိုးကြီးမားပြီး လိုအပ်ချက် မြင့်မားနေသည့် Patriot ဒုံးကျည်စနစ်များကို ယူကရိန်းနိုင်ငံအတွင်း၌ပင် ကိုယ်တိုင်ထုတ်လုပ်ခွင့် ပြုသွားမည်ဖြစ်ကြောင်း ပြောကြားခဲ့သည်။

အဆိုပါ အစည်းအဝေးအတွင်း၌ပင် သမ္မတ ထရမ့်က ဒိန်းမတ်နိုင်ငံပိုင် ကိုယ်ပိုင်အုပ်ချုပ်ခွင့်ရ ဂရင်းလန် (Greenland) ကျွန်းကို အမေရိကန်က ထိန်းချုပ်သင့်သည်ဟူသော ကိစ္စရပ်ကို တစ်ကျော့ပြန် ပြောဆိုခဲ့သည်။

သို့သော်လည်း ဒိန်းမတ်ဝန်ကြီးချုပ် မက်တီ ဖရက်ဒရစ်ဆင် (Mette Frederiksen) က ဂရင်းလန်ကျွန်းသည် ရောင်းချရန် မဟုတ်ကြောင်းနှင့် မိမိတို့၏ ပိုင်နက်နယ်မြေကို တစ်လက်မမျှ အထိပါးမခံရအောင် ကာကွယ်သွားမည်ဖြစ်ကြောင်း တုံ့ပြန်ပယ်ချခဲ့သည်။

ထို့ပြင် သမ္မတ ထရမ့်က အီရန်အရေးတွင် အပြည့်အဝ ပူးပေါင်းပါဝင်ခြင်း မရှိဟုဆိုကာ ဗြိတိန်နှင့် စပိန်နိုင်ငံတို့ကို ဝေဖန်ခဲ့ပြီး၊ စပိန်နိုင်ငံနှင့် ကုန်သွယ်မှုများ ဖြတ်တောက်သည်အထိ ဆောင်ရွက်သွားမည်ဟု ခြိမ်းခြောက်ပြောဆိုခဲ့သည်။

#NATO

နေတိုးထိပ်သီးအစည်းအဝေးတွင် ဘီလီယံ ၅၀ ဖိုး စစ်လက်နက် အရောင်းအဝယ်ဖြစ်

သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇူလိုင်လ ၁၀ ရက်။