NMG Doh – Page 143 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Jul 16

ရှမ်းမြောက် ဗုံးကြဲမှု အရပ်သား ထိခိုက်မှုများရှိနေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။ ရှမ်းမြောက်ဒေသထဲက သီပေါမြို့နှင့် မိုင်းငေါ့မြို့နယ်တို့အား စစ်ကောင်စီတပ်က လေကြောင်းမှ ဗုံးကြဲတိုက်ခိုက် ခဲ့ရာ အရပ်သား ထိမှန်သေဆုံးမှုများ ရှိခဲ့သည်။ မိုင်းငေါမြို့နယ်ထဲက မန်ပင့်တံတားကို စစ်တပ်က လေကြောင်းမှ ဗုံးကြဲတိုက်ခိုက်မှုကြောင့် ခရီးသွားပြည်သူ တစ်ဦး သေဆုံးခဲ့ပြီး၊ ၃ ဦး ထိမှန် ဒဏ်ရာ ရရှိခဲ့သည် ဟု တအာင်းတပ်မတော် TNLA က ထုတ်ပြန်ထားသည်။   ဇူလိုင်လ ၁၅ ရက်နေ့၊ နေ့လည် ၁၂ နာရီ၊ ၅၀ မိနစ် အချိန်တွင် စစ်ကောင်စီတပ်က မိုင်းငေါ့မြို့နယ်ထဲက မန်ပင့် တံတားနား တဝိုက်ကို ပေါင်း ၂၅၀ ဗုံး နှစ်လုံး လာကြဲသွားခြင်း ဖြစ်သည်။ မြေပြင် သတင်းအရင်းအမြစ် တစ်ဦးက “စစ်ကောင်စီက ဂျက်ဖိုက်တာနဲ့ ဗုံးကြဲသွားတာ။ ပေါင် ၂၅၀ ဗုံးနော် နှစ်လုံး လာကြဲတယ်။ ဗုံးက မန်ပင့်တံတားနားမှာ ကျပေါက်တော့ အပျက်အစီးရှိတယ်။ ဒီတံတားက မိုင်းငေါ့ - ကျောက်မဲ အထွက်ပေါ့နော်။ ဗုံးကြောင့် ဒီမန်ပင့်တံတားလည်း ဗုံးစထိမှန်ပြီး ပျက်စီးသွားတယ်” ဟု ပြော သည်။ အလားတူ ရှမ်းမြောက်ဒေသထဲ သီပေါမြို့ကိုလည်း စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ ဒေသခံ နှစ်ဦး သေဆုံးခဲ့ပြီး ၅ ဦး ထိမှန်ဒဏ်ရာ ရခဲ့သည်။ ဒေသခံ အမျိုးသား နှစ်ဦး ပွဲချင်းပြီး သေဆုံးခဲ့သည့်အပြင် အမျိုးသမီးတစ်ဦး၊ အမျိုးသား ၄ ဦး ထိမှန်ဒဏ်ရာ ရခဲ့သည်ဟု သီပေါမြို့ခံများက ပြောသည်။ သီပေါမြို့ပေါ်က တောင်မြို့ရပ်ကွက်ကို ဇူလိုင်လ ၁၄ ရက်နေ့၊ ညနေ ၆ နာရီအချိန်ခန့်တွင် လေယာဉ်ဖြင့် ဗုံးကြဲ တိုက်ခိုက်ခဲ့ခြင်း ဖြစ်သည်။ သီပေါ ဒေသခံတစ်ဦးက “ကျနော်တို့ သီပေါ တောင်မြို့ရပ်ကွက်မှာ ကျတာ။ သေတာက အမျိုးသား နှစ်ယောက်နော်။ သေသွားတဲ့ နှစ်ယောက်က ဒီရွှေလုံးအလှပြင်ဆိုင် ပိုင်ရှင်နဲ့ ဆိုင်ရှေ့မှာရှိနေတဲ့ ဆိုင်ကယ် ကယ်ရီသမားပေါ့နော်။ သေသွားတဲ့လူတွေကလည်း ကိုယ့်အသိတွေပဲ။ စိတ်မကောင်းဘူးဗျာ” ဟု ပြောသည်။ ထို့အပြင် လေကြောင်း ဗုံးကြဲတိုက်ခိုက်ခံရမှုထဲ၌ နေအိမ် ၅ လုံးလည်း ထိမှန်ပျက်စီးသွားခဲ့သည်။ သီပေါမြို့အား ဇူလိုင်လ ၁၄ ရက်နေ့ လေကြောင်းတိုက်ခိုက်မှုမှာ ယခုလအတွင်း ဒုတိယအကြိမ်ဖြစ်ပြီး ဇူလိုင် ၄ ရက်ကလည်း သီပေါမြို့ကို စစ်တပ်က ဂျက်ဖိုက်တာဖြင့် ပေါင် ၂၅၀ ဗုံး ၂ လုံး ကြဲချတိုက်ခိုက်ခဲ့ရာ အစိုးရ အဆောက်အအုံ ၅ လုံးနှင့် နေအိမ် ၈ လုံးထက်မနည်း ထိမှန်ပျက်စီးခဲ့သည်။ ဇွန်လ ၂၉ ရက်နေ့မှ ဇူလိုင်လ ၁၄ ရက်နေ့အထိ စစ်ကောင်စီတပ်က၏ လေကြောင်းဗုံးကြဲမှုများမှာ ကျောက်မဲမြို့ အား ၆ ကြိမ်၊ နောင်ချိုမြို့နယ်၌ တစ်ကြိမ်၊ မိုးကုတ်မြို့ကို နှစ်ကြိမ်နှင့် သီပေါမြို့ကို ၂ ကြိမ် တိုက်ခိုက်ခဲ့သည်ဟု တအာင်းတပ် TNLA ထုတ်ပြန်ထားသည်။

ရှမ်းမြောက် ဗုံးကြဲမှု အရပ်သား ထိခိုက်မှုများရှိနေ

Jul 16

မန္တလေး-မြစ်ကြီးနားလမ်းပိုင်း လေကြောင်းတိုက်ခိုက်မှုကြောင့် အရပ်သား ထိခိုက်မှုရှိ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။ မန္တလေး - မြစ်ကြီးနား လမ်းပိုင်းနေရာ အချို့ လေကြောင်း တိုက်ခိုက်ခံရသဖြင့် အရပ်သား ထိမှန် သေဆုံးမှုများ ရှိခဲ့သည်။ စစ်ကောင်စီတပ်သည် မန္တလေး - မြစ်ကြီးနား လမ်းပိုင်းနေရာ အချို့ကို နှစ်ပတ်အတွင်း နှစ်ကြိမ်တိုင်တိုင် ဂျက်ဖိုက်တာဖြင့် လေကြောင်းမှ တိုက်ခိုက်ခဲ့ရာ ထိခိုက်သေဆုံး ပျက်စီးမှုများ ရှိခဲ့သည်ဟု ကာကွယ်ရေး တပ်ဖွဲ့ များက ထုတ်ပြန်သည်။ မန္တလေး - မြစ်ကြီးနား လမ်းပိုင်းရှိ ကောလင်းမြို့၊ ဒိုးပင်ကျေးရွာအနီးကို ဇူလိုင်လ ၁၄ ရက်နေ့က လေကြောင်းမှ ဗုံးကြဲတိုက်ခိုက်ခဲ့သဖြင့် ကလေးတစ်ဦး အပါအဝင် အရပ်သား ၄ ဦး ထိခိုက်ဒဏ်ရာရခဲ့သည်။ အလားတူ စက်သုံးဆီတင်ကား ၂ စီး နှင့် ထမင်းဆိုင်တစ်ဆိုင်ပါ မီးလောင်ပျက်စီးသွားသည်ဟု မြေပြင် သတင်း အရင်းအမြစ်များက အတည်ပြု ပြောဆိုသည်။ စစ်ကိုင်းနှင့် ကချင်အစပ်ဒေသခရှိ ကာကွယ်ရေးတပ်ဖွဲ့ဝင် တစ်ဦးက “သူတို့က ပစ်ချင်တဲ့ နေရာကို ပစ်တာ။ ပွင့်ပွင့်လင်းလင်း ပြောရရင် ဘာရယ်ကြောင့်တော့ မဟုတ်ဘူး။ သူတို့ ပစ်ချင်ရင် ပစ်တာပေါ့။ ပြီးရင် ဖြစ်နိုင် တာက ကာကွယ်ရေးတပ်တွေရဲ့ ဂိတ်တွေကို ပစ်တာ ဖြစ်နိုင်တယ်။ အခုက Starlink ကလည်း နေရာတိုင်းမှာ ရှိတော့ သတင်းပေးရတာက လွယ်တယ်။ ကျနော်တို့ ပင်လည်ဘူးမှာ ဆိုရင် မုံရွာကနေ ဆံပင်လာဝယ်တယ် ဆို ပြီး ထောက်လှမ်း လာတာတွေ ရှိတယ်” ဟု လေကြောင်းတိုက်ခိုက်ခံရမှု အပေါ် သုံးသပ်ပြောဆိုသည်။ ထို့အပြင် ဇူလိုင်လ ၄ ရက်နေ့ကလည်း မန္တလေး - မြစ်ကြီးနား လမ်းပိုင်းရှိ ကန့်ဘလူမြို့နယ်၊ သီရိမွန်ကျေးရွာ လမ်းဆုံကို ဂျက်ဖိုက်တာဖြင့် ဗုံး ၃ လုံး ကြဲချခဲ့ရာ အရပ်သား ၂ ဦး သေဆုံးခဲ့ရသည်ဟု Kawlin Revolution-KR အဖွဲ့က သတင်း ထုတ်ပြန်ထားသည်။ အဆိုပါ လေကြောင်းတိုက်ခိုက်ခံခဲ့ရသည့် ဖြစ်စဥ်နှစ်ခုတွင် သေဆုံးဒဏ်ရာ ရရှိမှုနှင့် ပျက်စီးမှုများသည် လက်ရှိ ထုတ်ပြန်ထားသည့် ကိန်းဂဏန်းထက် ပိုများနိုင်သည်ဟု ဆိုကြသည်။ စစ်ကောင်စီ၏ ဝါဒဖြန့်သည့် တယ်လီဂရမ် ချန်နယ်လ်များတွင်မူ ကောလင်းမြို့နယ်၊ ဒိုးပင်ကျေးရွာက KIA နှင့် PDF ထောက်ပို့စခန်းကို လေကြောင်းမှ ပစ်ခတ်ရှင်းလင်းခဲ့သည်ဟု ရေးသားထားသည်။ ကာကွယ်ရေး တပ်ဖွဲ့ဝင်များ၏ ပြောပြချက်အရ လေကြောင်း ပစ်ခတ်ခံရသည့် ကန့်ဘလူမြို့နယ်နှင့် ကောလင်းမြို့နယ် တစ်ဝိုက်တွင် မြေပြင်၌ နှစ်ဖက်ကြား တိုက်ပွဲ တစ်စုံတစ်ရာ ဖြစ်ပွားခြင်းမျိုး မရှိဘူးဟု သိရသည်။ မန္တလေး - မြစ်ကြီးနား လမ်းပိုင်း ကားသမားတစ်ဦးက “ကောလင်းဘက်တွေ၊ ကန့်ဘလူဘက်တွေမှာတော့ ကျနော်တို့ သွားနေတဲ့ လမ်းကြောင်းကတော့ မကြုံဖူးဘူးပေါ့လေ။ ဒါပေမဲ့ တခြား လမ်းပိုင်းတွေမှာ ဖြစ်တာ ကတော့ အဲ့လို ကြားရတာတွေတော့ ရှိတယ်” ဟု ဆိုသည်။ လေကြောင်းမှ တိုက်ခိုက်ခြင်းခံခဲ့ရသည့် ကောာလင်းမြို့ကို ပြီးခဲ့သည့် ၂၀၂၃ ခုနှစ်က ကာကွယ်ရေး ပူးပေါင်း တပ်တို့က သိမ်းပိုက်နိုင်ခဲ့ပြီး ၂၀၂၄ ခုနှစ်၊ နှစ်ဆန်းပိုင်းတွင် ပြန်လက်လွှတ်ခဲ့ရသည်။ ကန့်ဘလူမြို့နယ်၏ ဒေသ တစ်ချို့တစ်ဝက်ကိုမူ စစ်ကောင်စီတပ်နှင့် ဘုန်းကြီးဦးဝါသဝ ဦးဆောင်သည့် ပျူစော ထီး ပူးပေါင်းတပ်တို့က ထိန်းချုပ်ထားပြီး ကာကွယ်ရေး ပူးပေါင်းတပ်များက ထိန်းချုပ်ထားသည့် ဒေသများ လည်းရှိသည်။ စစ်ကောင်စီတပ်သည် ကောလင်းမြို့၊ ကန့်ဘလူမြို့ အပါအဝင် စစ်ကိုင်းနှင့် ကချင်အစပ်က ထီးချိုင့်မြို့၊ ပင်လည် ဘူးမြို့၊ ဗန်းမောက်မြို့ နှင့် ကသာမြို့တို့၌ ထိတွေ့ တိုက်ပွဲများ မရှိသော်လည်း မကြာခဏ လေကြောင်းအသုံးပြု တိုက်ခိုက်လေ့ ရှိသည်။ ဓာတ်ပုံ- ကောလင်းမြို့နယ် ဒိုးပင်ကျေးရွာအနီး လေကြောင်းမှ တိုက်ခိုက်ခံရသည့် အခြေအနေ

မန္တလေး-မြစ်ကြီးနားလမ်းပိုင်း လေကြောင်းတိုက်ခိုက်မှုကြောင့် အရပ်သား ထိခိုက်မှုရှိ

Jul 16

မော်ချီးသတ္တုတွင်းဒေသ လေကြောင်းမှ ၂ ကြိမ်တိုက်ခံရ၊ လူ ၅ ဦး ဒဏ်ရာ ပြင်းထန် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။ မော်ချီးသတ္တုတွင်းဒေသတွင် ၂၄ နာရီအတွင်း ၂ ကြိမ်မြောက် လေကြောင်းတိုက်ခိုက်ခံရပြီး လူ ၅ ဦး ပြင်းထန် ဒဏ်ရာရများ ရရှိခဲ့ သည်။ ကရင်နီပြည်ထဲက သတ္တုတူးဖော်ရေးလုပ်ငန်းမြို့ဖြစ်သည့် မော်ချီးမြို့ကို စစ်ကောင်စီက လေကြောင်းမှ ထပ်မံတိုက်ခိုက်ခဲ့ရာ အရပ်သား ၅ ဦး ထိခိုက်မှု ရှိသည်ဟု ကရင်နီပြည် ကြားကာလ အုပ်ချုပ်ရေးကောင်စီ (IEC) အတွင်းရေးမှူး ၂ ဦးဗညားက အတည်ပြု ပြောဆိုသည်။ မော်ချီးမြို့အား စစ်ကောင်စီက ၂၄ နာရီအတွင်း ၂ ကြိမ်မြောက် လေကြောင်း တိုက်ခိုက်ခဲ့ခြင်း ဖြစ်ပြီး ယခု ဇူလိုင်လအတွင်း၌ ၃ ကြိမ်မြောက် တိုက်ခိုက်ခြင်း ဖြစ်သည်။ ၂၀၂၅ ခုနှစ်အတွင်း မော်ချီးမြို့မှာ လေကြောင်းမှ တိုက်ခိုက်ခံရမှု ၉ ကြိမ်ရှိပြီ ဖြစ်သည်ဟု ကရင်နီဒေသတွင်းရှိ လူ့အခွင့်အရေး လေ့လာစောင့်ကြည့်နေသူများက ပြောသည်။ မော်ချီးမြို့အနီးတစ်ဝိုက်တွင် စစ်ရေး လှုပ်ရှားနေသည့် မြေပြင် သတင်းအရင်းအမြစ် တစ်ဦးက “ကျနော်တို့ တစ်လေးလုံး စတော့ ဖားဆောင်းမှာက ခလရ ၁၃၄၊ ၁၃၅ ပဲကျန်တယ်။ အခုက ၁၃၄ ပါ သိမ်းနိုင်ပြီဆိုတော့ မကြာခင် ၁၃၅ လည်း ရတော့မယ်။ အဲ့ဒါကြောင့် သူတို့က မော်ချီးကို မဲနေတာ။ မော်ချီးထိရင် တော်လှန်ရေး တပ်တွေ ဆုတ်မယ်လို့ သူတို့ တွေးတာပေါ့။ ဖားဆောင်းလည်း နေ့တိုင်းကြဲတာပဲ။ လူမရှိတော့ သတင်းတွေ မတက်ကြတာ” ဟု ပြောသည်။ မော်ချီးမြို့ရှိ သတ္တုတွင်းလုပ်ငန်း အနီးတစ်ဝိုက် နေရာများကို ဇူလိုင်လ ၁၅ ရက်နေ့၊ နံနက်အစောပိုင်း ၁ နာရီ အချိန်ခန့်တွင် တိုက်ပွဲဖြစ်ပွားခြင်းမရှိဘဲ Y12 ဂျက်ဖိုက်တာဖြင့် ဗုံးသီး ၃ လုံး ကြဲချ တိုက်ခိုက်ခဲ့ခြင်း ဖြစ်သည်။ လေကြောင်း တိုက်ခိုက်မှုအတွင်း အမျိုးသား တစ်ဦးနှင့် အမျိုးသမီး ၄ ဦး ထိခိုက်မှုရှိခဲ့ပြီး လူနေအိမ် တစ်လုံး လည်း မီးလောင်ပြာကျ ပျက်စီးခဲ့ရသည်ဟု ဒေသတွင်း နေထိုင်သူများက ပြောသည်။ မော်ချီးမြို့တွင် ခေတ္တခိုလှုံနေသူ တစ်ဦးက “မနေ့လည်း ကြဲတယ်ဆိုတော့ လေယာဉ်လာတာနဲ့ ကျဉ်းထဲ ဝင်ပြေး ကြတယ်လေ။ ကြုံရတာများပြီဆိုတော့ နည်းနည်းပါးပါးပဲ ထိတယ်။ လူသေတာတော့ ဒီနေ့ မရှိဘူး။ ဒဏ်ရာ ကတော့ ပြင်းတဲ့လူများတယ် ပြောတယ်။ စိုးရိမ်ရတာလည်း ပါတယ်” ဟု ပြောသည်။ ဇူလိုင်လ ၁၄ ရက်နေ့၊ နေ့လည် ၂ နာရီဝန်းကျင် အချိန်ခန့်ကလည်း မော်ချီးဒေသရှိ တောင်ပေါ်ကျေးရွာ၊ စက် ဆရာကွေ့နေရာအား လေကြောင်းမှ ဗုံးကြဲတိုက်ခိုက်ခံရမှုထဲ အရပ်သား ၆ ဦး သေဆုံးပြီး ၃ ဦး ပြင်းထန် ဒဏ်ရာ များ ရရှိခဲ့သည်။ အဆိုပါ လေကြောင်း တိုက်ခိုက်ခံရမှုထဲ လူနေအိမ် ၅ လုံး မီးလောင်ပြာကျ ပျက်စီးသွားခဲ့သည်။ အလားတူ ကရင်နီပြည်၊ ဒီးမော့ဆိုမြို့နယ် အနောက်ခြမ်းရှိ စစ်ဘေးရှောင်စခန်းကိုလည်း ဇူလိုင်လ ၁၄ ရက်နေ့၌ စစ်ကောင်စီက လေကြောင်းမှ တိုက်ခိုက်ခဲ့ရာ ဆေးပေးခန်း ၂ အဆောက်အအုံနှင့် ကားတစ်စီး မီးလောင်ပြာကျ ပျက်စီးခဲ့သည်ဟု မြေပြင်ရှိ သတင်း အရင်းအမြစ်များက ပြောသည်။

မော်ချီးသတ္တုတွင်းဒေသ လေကြောင်းမှ ၂ ကြိမ်တိုက်ခံရ၊ လူ ၅ ဦး ဒဏ်ရာ ပြင်းထန်

Jul 15

တိုက်ပွဲ မဖြစ်ပဲ ဒီးမော့ဆိုနှင့် မော်ချီးတို့ကို ဗုံးကြဲ၊ အရပ်သား ထိခိုက်သေဆုံးမှုများ ရှိ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၅ ရက်။ ကရင်နီပြည်ထဲက ဒီးမော့ဆိုမြို့နယ်နှင့် မော်ချီးမြို့တို့ကို စစ်ကောင်စီက တိုက်ပွဲဖြစ်ပွားခြင်း မရှိဘဲ လေကြောင်း မှ ဗုံးကြဲတိုက်ခိုက်မှုကြောင့် အရပ်သားထိခိုက်သေဆုံးမှုများ ရှိနေသည်။ မော်ချီးမြို့ကို လေကြောင်းမှ ဗုံးကြဲတိုက်ခိုက်ခဲ့ရာ အရပ်သား ၆ ဦးထက်မနည်း သေဆုံးခဲ့ပြီး ၃ ဦး ပြင်းထန် ဒဏ်ရာရရှိသည်ဟု သည်။ စစ်ကောင်စီက ပေါင် ၂၀၀ ဗုံး ၂ လုံးဖြင့် ဇူလိုင်လ ၁၄ ရက်နေ့၊ နေ့လည် ၂ နာရီဝန်းကျင် အချိန်ခန့်၌ ကြဲချခဲ့ခြင်းဖြစ်ပြီး ဗုံးတစ်လုံးမှာ လမ်းမပေါ်သို့ ကျရောက်သော်လည်း ကျန်တစ်လုံးမှာ အမှတ် ၃၊ ၄ အိမ်စုနှင့် ရတနာအောင်မြေ ရပ်ကွက်ရှိ လူနေအိမ်များကြားတွင် ပေါက်ကွဲခဲ့ခြင်း ဖြစ်သည်။ မော်ချီးမြို့အတွင်း ကူညီကယ်ဆယ်ရေး ဆောင်ရွက်နေသူ တစ်ဦးက “လောလောဆယ်တော့ အမျိုးသား တစ် ယောက်။ အမျိုးသမီး ၅ ယောက်။ အတိအကျတော့ မရသေးဘူး။ ဟိုဖက်ခြမ်းက ၁၀ ယောက် ထိတယ်လို့ လည်း ကြားတယ်။ ကျနော်တို့ လူလိုက် ကောက်ပြီးမှပဲ စာရင်းက အတည်ပြုနိုင်မယ်” ဟု ပြောသည်။ လက်ရှိ စာရင်း ကောက်ယူထားသည့် စာရင်းအရ လူနေအိမ် ၅ လုံးခန့် ထိခိုက်ပျက်စီးခဲ့ပြီး အချိန်ကြာလာ သည်နှင့် အမျှ ထိခိုက်သေဆုံးသည့် စာရင်းတိုးလာနိုင်သည် ဟု ဆိုသည်။ အလားတူ ဒီးမော့ဆိုမြို့နယ်၊ အနောက်ဘက်ခြမ်းရှိ စစ်ဘေးရှောင်စခန်းထဲက ဆေးပေးခန်း တစ်ခုအား စစ်ကောင်စီက ဇူလိုင်လ ၁၄ ရက်နေ့၊ နံနက် ၁ နာရီ အချိန်ခန့်တွင် လေကြောင်းမှ တိုက်ခိုက်ခဲ့ရာ အဆောက် အအုံ ၂ ခု၊ ရေချိုးခန်း၊ အိမ်သာနှင့် ကားတစ်စီးတို့ ဗုံးစထိမှန် ပျက်စီးသွားခဲ့သည်။ ဒီးမော့ဆိုမြို့နယ် အနောက်ဘက်ခြမ်းမှ စစ်ဘေးရှောင်တစ်ဦးက “အခုတလော ကြဲပြီဆိုရင် ပေါင် ၂၀၀ တွေပဲ။ တခါခါဆို ၅၀၀။ ကျမတို့ ဒီလောက်ဝေးတာတောင် နားစည်ကွဲမလို ဖြစ်နေတာ။ တကယ်ထိတဲ့ လူဆို မတွေး ရဲဘူး။ သူတို့ ပစ်မှတ်ထားတာက ဆေးရုံနဲ့ စာသင်ကျောင်းပဲ” ဟု ပြောသည်။ ဇူလိုင်လ ၉ ရက်နေ့ကလည်း မော်ချီးမြို့အနီး၊ လိုလော်ထီးကျေးရွာကို လေကြောင်းမှ တိုက်ခိုက်ခဲ့ရာ ကလေး အပါအဝင် အရပ်သား ၅ ဦး သေဆုံးပြီး၊ ၅ ဦး ပြင်းထန်ဒဏ်ရာ ရရှိခဲ့သေးသည်။ ယခု မော်ချီးမြို့ လေကြာင်းတိုက်ခိုက်မှုမှာ ၈ ကြိမ်မြောက် ဖြစ်ပြီး ဒီးမော့ဆိုမြို့နယ်၌ ဇူလိုင်လ အတွင်း ၂ ကြိမ် မြောက် တိုက်ခိုက်ခံရခြင်း ဖြစ်သည်ဟု ဒေသတွင်း အကူအညီပေးနေသူများက ပြောဆိုထားသည်။

တိုက်ပွဲ မဖြစ်ပဲ ဒီးမော့ဆိုနှင့် မော်ချီးတို့ကို ဗုံးကြဲ၊ အရပ်သား ထိခိုက်သေဆုံးမှုများ ရှိ

Jul 15

စစ်မှုထမ်း ဥပဒေကို အကြောင်းပြ၍ လူထုထံမှ ခြိမ်းခြောက်ငွေညှစ်နေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၅ ရက်။ မွန်ပြည်တွင် စစ်မှုထမ်းဥပဒေကို အကြောင်းပြ၍ ရပ်ကျေးအုပ်ချုပ်ရေး အဖွဲ့များက ပြည်သူများထံမှ ငွေကြေး ကောက်ခံခြင်းနှင့် ခြိမ်းခြောက် ငွေညှစ်ခြင်းများ ကျယ်ကျယ်ပြန့်ပြန့် လုပ်နေကြသည်ဟု မွန်ပြည် လူ့အခွင့် အရေး ဖောင်ဒေးရှင်း (HURFOM) က ပြောသည်။ မော်လမြိုင်မြို့ပေါ်က ရပ်ကွက်များတွင် စစ်မှုထမ်းသွားသူများကို ထောက်ပံ့ရန်ဟု ဆိုကာ အိမ်ထောင်စု တစ်စု လျှင် ငွေကျပ် (၁၀,၀၀၀) မှ (၂၀,၀၀၀) အထိ ကောက်ခံနေပြီး၊ မပေးဆောင်နိုင်ပါက စစ်သင်တန်း တက်ရောက် ရန် စာရင်းပေးရမည်ဟု အုပ်ချုပ်ရေးမှူး အချို့က ခြိမ်းခြောက်ပြောဆိုမှုများ ရှိနေသည်ဟု HURFOM တာဝန်ရှိသူ နှင့် ဒေသခံများက ပြောသည်။ (HURFOM) အဖွဲ့ ဒါရိုက်တာ နိုင်အဲမွန်က “ရှိပြီးသား စစ်မှုထမ်းတွေ၊ စစ်မှုထမ်း မဟုတ်တဲ့ ပြည်သူ့စစ်၊ ပြည်သူ့ လုံခြုံရေး တပ်ဖွဲ့ဝင်တွေ အတွက် စားဖို့သောက်ဖို့၊ uniform၊ လက်နက်ခဲယမ်းက အစ ပြည်သူတွေကနေ ထောက်ပံ့ရမယ်ဆိုတဲ့ သဘောမျိုး အမိန့်ပေး စေခိုင်းတာတွေ ရှိလာတယ်။ ဒါက စစ်မှုထမ်း နောက်ဆက်တွဲ ချိုးဖောက်မှုတွေပေါ့နော်” ဟု ပြောသည်။ မော်လမြိုင်ရှိ ရပ်ကွက် အုပ်ချုပ်ရေးမှူးများကို ပြီးခဲ့သည့် ဇူလိုင်လ ၄ ရက်နေ့မှ ဇူလိုင်လ ၇ ရက်နေ့အထိ စစ်ကောင်စီတပ်မှ အစည်းအဝေး ခေါ်ယူကာ စစ်မှုထမ်း ထောက်ပံ့ကြေး အတွက် လစဉ် ငွေကြေး ကောက်ခံ ရန်နှင့် စစ်သင်တန်းသားများ ပေးပို့ရန် ဖိအားပေးခဲ့ခြင်း ဖြစ်သည်။ ထောက်ပံ့ကြေး ကောက်ခံရာတွင် ရပ်ကွက် အုပ်ချုပ်ရေးမှူးများမှ တစ်ဆင့် ချောင်လည်သည့် မိသားစုများနှင့် စီးပွားရေး လုပ်ငန်းရှင်များကို ပစ်မှတ်ထားကာ ကောက်ခံနေသည်ဟု ဆိုသည်။ ထိုသို့ ကောက်ခံရတွင်လည်း ငွေပမာဏ များပြားစွာ တိုးမြှင့်ကောက်ခံလေ့ ရှိပြီး အချို့ထံမှ သိန်းနှင့်ချီ၍ ကောက်ခံမှုများပင် ရှိနေသည်ဟု နိုင်အဲမွန်က ဆိုသည်။ “ရပ်ကျေး အုပ်ချုပ်ရေးကနေ သူတို့သိတယ်။ ဘယ်အိမ်က၊ ဘယ်ရပ်ကွက်မှာ ဘယ်အိမ်က ချောင်လည်တယ်။ ဘယ်အိမ်က ပေးနိုင်ကမ်းနိုင်တယ်ဆိုတာ သူတို့သိကြတယ်။ သိတဲ့အခါကျတော့ အဲလိုအိမ်မျိုးတွေကို တိုးတိုး ကောက်တယ်။ စတိုးဆိုင်တွေတို့၊ လုပ်ငန်းရှိတဲ့အိမ်တွေ၊ စီးပွားရေး လုပ်တဲ့ အိမ်တွေဆို တိုးကောက်တယ်။ သိန်းနဲ့ချီ ကောက်တာ ရှိတယ်။” ငွေကြေးများ ကောက်ခံရာတွင် ရပ်ကျေး၊ ထွေအုပ်၊ ဒေသဆိုင်ရာ တပ်ဘက်ဆိုင်ရာ တာဝန်ရှိသူများမှ အဆင့် ဆင့် အခွင့်ကောင်းယူကာ လုပ်ဆောင်နေမှုများ ရှိနေသည်ဟု ဆိုသည်။ လူအင်အား လိုအပ်ချက် မြင့်မားနေသည့် စစ်ကောင်စီသည် မော်လမြိုင်၊ ပေါင်၊ မုဒုံ၊ သံဖြူဇရပ်၊ ကျိုက်မရော၊ ရေးနှင့် ကျိုက်ထိုမြို့နယ်များတွင် လူငယ်များကို အကြောင်းပြချက် အမျိုးမျိုးဖြင့် ဖမ်းဆီးလျက်ရှိသည်ဟု ဒေသခံများက ပြောသည်။ ဒေသအတွင်း မူးယစ်ဆေးဝါး သုံးစွဲနေသည့် လူငယ်များကို ဖမ်းဆီးခြင်း၊ ခိုးမှု၊ လုယက်မှု ကျူးလွန်သူ တစ်ဦးကို ငွေကျပ် (၃၅) သိန်းခန့်မှ ကျပ်သိန်း(၅၀) သိန်းခန့်အထိ ပေးဝယ်ကာ စစ်မှုထမ်းရန် ပို့ဆောင်ခြင်းများလည်း ရှိနေသည်ဟု HURFOM ၏ စာရင်းများတွင် ဖော်ပြထားသည်။ မွန်ပြည်ရှိ မြို့နယ်အသီးသီးက စစ်မှုထမ်း သတ်မှတ်ချက် စာရင်းဝင်သည့် သင်တန်းသား ဦးရေ ၂,၀၀၀ ကျော် အား စစ်မှုထမ်း သင်တန်း အပတ်စဉ် ၁ မှ ၁၂ အတွက် ပို့ဆောင်ခဲ့ပြီးဖြစ်ကာ အပတ်စဉ် ၉ အထိ သင်တန်းဆင်း သူများကို ရှေ့တန်းစစ်မြေပြင်များသို့ ပို့ဆောင်ထားပြီး ဖြစ်သည်။

စစ်မှုထမ်း ဥပဒေကို အကြောင်းပြ၍ လူထုထံမှ ခြိမ်းခြောက်ငွေညှစ်နေ

Jul 15

မိုးကုတ်အား တပတ်အတွင်း ၃ ကြိမ်မြောက် ဗုံးကြဲရာ ကလေးအပါအဝင် ၈ ဦး ဒဏ်ရာရ သတင်းနှင့် မီဒီယာကွန်ရက်။ ၂၀၂၅ ခုနှစ်၊ ဇူလိုင်လ ၁၅ ရက်။ မန္တလေးတိုင်း၊ မိုးကုတ်မြို့ကို တစ်ပတ်အတွင်း တတိယ အကြိမ်မြောက် လေကြောင်းတိုက်မှု ထပ်မံ ပြုလုပ်ခဲ့ရာ ကလေး အပါအဝင် ၈ ဦး ထိခိုက်ဒဏ်ရာ ရသည်ဟု ဒေသခံများက ပြောသည်။ မန္တလေးတိုင်း ပြင်ဦးလွင်ခရိုင်၊ မိုးကုတ်မြို့ရှိ ပန်းမထိပ်ရပ်ကွက် ဂေါ်ရခါး အပေါ်ရွာအား ဇူလိုင်လ ၁၃ ရက်နေ့၊ ည ၁၀ နာရီခွဲဝန်းကျင် အချိန်ခန့်၌ စစ်ကောင်စီက တိုက်ပွဲဖြစ်ပွားခြင်း မရှိဘဲ ဂျက်ဖိုက်တာဖြင့် လာရောက် ကြဲချခဲ့ခြင်း ဖြစ်သည်။ ပန်းမထိပ်နှင့် ရပ်ကွက်ချင်း နီးစပ်သူ တစ်ဦးက “ဂေါ်ရခါး ရွာကြဲတာ ဆိုပေမယ့် ဗမာတွေလည်း ထိတယ်။ ရပ်ကွက်ချင်း တော်တော် လှမ်းတာတောင် အိမ်ကအရမ်း တုန်သွားတယ်။ မနေ့ည ကြဲတာ အသိထဲက လက် သမား ဆရာမော်လီအိမ်လည်း ထိတယ်။ သူတို့ မိသားစုထိတယ်လို့ လှမ်းပြောလာတယ်” ဟု ပြောသည်။ ဗုံးကြဲ တိုက်ခိုက်ခံရမှု အတွင်း အသက် ၁၀ နှစ်ဝန်းကျင် ကလေး ၃ ဦး အပါအဝင် ဒေသခံရွာသား ၈ ဦး ပြင်းထန် ဒဏ်ရာများ ရရှိခဲ့သည်ဟု ဆိုသည်။ အဆိုပါ ၈ ဦးမှာ နဖူး၊ ပေါင်ခြံ၊ ဝမ်းဗိုက်၊ ဦးခေါင်း စသည့် နေရာများတွင် ထိမှန်ဒဏ်ရာများ ရရှိခဲ့ခြင်း ဖြစ်ပြီး တစ်ဦးမှာ အသက်အန္တရာယ် စိုးရိမ်ရသည့်အပြင် အချိန်နှင့်အမျှ သေဆုံးသူ စာရင်း တိုးလာနိုင်သည်ဟု မြေပြင်၌ အကူအညီပေးနေသူများ၏ ပြောပြချက်များအရ သိရသည်။ ပန်းမထိပ်ရပ်ကွက်တွင် နေထိုင်သူတစ်ဦးက “တော်တော် စိတ်ကင်ဆာ ပေးတာပဲ။ မနေ့ည တစ်ညလုံး ဘယ်သူ မှ မအိပ်ရဲဘူး။ ရှေ့ရက်တွေလည်း နိုးစက်ပေးပြီး ကျင်းထဲ ပြေးပြေးဆင်းနေရတာ။ မိုးကုတ်ကြဲရင် ကလေး တွေပဲ အများဆုံး ထိတာဆိုတော့ မိဘတွေလည်း စိတ်ဒဏ်ရာ ရနေကြပြီ” ဟု ပြောသည်။ အလားတူ ဇူလိုင်လ ၉ ရက်နေ့၊ ည ၈ နာရီဝန်းကျင် အချိန်ခန့်၌လည်း ပန်းမထိပ်ရပ်ကွက်အား လေကြောင်းမှ တိုက်ခိုက်ခဲ့ရာတွင် အသက် ၁၀ နှစ်ဝန်းကျင် အရွယ် ကလေး ၅ ဦး သေဆုံးပြီး ၅ ဦး ပြင်းထန်ဒဏ်ရာများ ရရှိခဲ့ သည်ဟု ရပ်ကွက်နေပြည်သူများက ပြောဆိုသည်။ ထို့အပြင် ဇူလိုင်လ ၈ ရက်နေ့ ည၌လည်း မိုးကုတ်မြို့ အနောက်ပိုင်းရှိ ‘ကြိုးစားသူများ’ အထက်တန်းကျောင်း အား ပေါင် ၂၀၀ ဗုံးဖြင့် ကြဲချတိုက်ခိုက်ခဲ့ပြီး အရပ်သား ၃ ဦး သေဆုံးခဲ့ရသည်ဟု ကျောင်းတာဝန်ရှိသူများက ပြောသည်။

မိုးကုတ်အား တပတ်အတွင်း ၃ ကြိမ်မြောက် ဗုံးကြဲရာ ကလေးအပါအဝင် ၈ ဦး ဒဏ်ရာရ

Jul 15

ရွေးကောက်ပွဲကို အယုံအကြည်မရှိကြောင်း တအာင်းပါတီပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၅ ရက်။ စစ်ကောင်စီက ကျင်းပရန် ပြင်ဆင်နေသည့် ရွေးကောက်ပွဲသည် နိုင်ငံတော်၏ အချုပ်အခြာ အာဏာကို မတရား ရယူရန် ကြိုးပမ်းသည့် အတုအယောင် လုပ်ရပ်တစ်ခုသာ ဖြစ်ကြောင်း တအာင်း (ပလောင်) အမျိုးသားပါတီ (TNP) က ပြောသည်။ လက်ရှိ စစ်ကောင်စီက ကျင်းပရန် ရည်ရွယ်နေသည့် ရွေးကောက်ပွဲကို အယုံအကြည် မရှိကြောင်း TPN ပါတီ၏ အထွေထွေ အတွင်းရေးမှူး မိုင်းနိုင်ဂေါင်ဇာရ်က ပြောသည်။ “ဒီရွေးကောက်ပွဲက စစ်မှန်တဲ့ ရွေးကောက်ပွဲလည်း မဖြစ်နိုင်သလို၊ တရားမျှတတဲ့ ရွေးကောက်ပွဲလည်း မဖြစ် နိုင်ဘူး။ ပြီးတော့ ရွေးကောက်ပွဲကို ခွဲပြီး အပိုင်းလိုက် ပြုလုပ်မယ်လို့လည်း ပြောထားတာ တွေ့တော့ ပိုပြီး တောင် ယုံကြည်လို့ မရဘူးပေါ့နော်။” ဇွန်လ ၂၇ ရက်နေ့မှ ဇွန်လ ၂၉ ရက်နေ့အထိ ပြုလုပ်ခဲ့သော TNP ၏ ၆ လပတ် မျက်နှာစုံညီ အစည်းအဝေးအပြီး ထုတ်ပြန်ချက်တွင် စစ်ကောင်စီ၏ ရွေးကောက်ပွဲ ပြင်ဆင်နေမှုကို အဓိကထား ကန့်ကွက်ခဲ့ပြီး အဆိုပါ လုပ်ရပ် သည် တရားဝင်မှု မရှိကြောင်း အတိအလင်း ထုတ်ပြန်ထားသည်။ လက်ရှိအချိန်တွင် ရွေးကောက်ပွဲ ကျင်းပရေးထက် စစ်တပ်သည် နိုင်ငံရေးမှ နုတ်ထွက်ပြီး အကြမ်းဖက်မှုများ အတွက် တာဝန်ခံရန် လိုလားသည်ဟု ဆက်ပြောသည်။ မိုင်းနိုင်ဂေါင်ဇာရ်က “ဒီအချိန်မှာ ရွေးကောက်ပွဲက မြန်မာနိုင်ငံအတွက် အရေးမကြီးသေးပါဘူး။ အရေးကြီးတာ က ဒီအကြမ်းဖက်မှုကို အမြန်ဆုံး ရပ်တန့်ပြီး မြန်မာစစ်တပ်ဟာ နိုင်ငံရေး လုပ်ငန်းစဉ်တွေမှာ မပါဝင်တော့ ကြောင်း အတိအလင်း ထုတ်ပြန်ပြီး သူကျူးလွန်ခဲ့တဲ့ ရာဇဝတ်မှုတွေ အတွက် တရားရင်ဆိုင်ဖို့ပဲ ဖြစ်တယ်” ဟု ပြောသည်။ TPN ပါတီ၏ ဗဟိုကော်မတီ အစည်းအဝေးအပြီး ဇူလိုင်လ ၁၂ ရက်နေ့က ထုတ်ပြန်သည့် သဘောထား ထုတ်ပြန် ချက်ထဲတွင် စစ်ကောင်စီ၏ “လူသားမဆန်သော စစ်ရာဇဝတ်မှုများနှင့် လူသားမျိုးနွယ်အပေါ် ကျူးလွန်သော ရာဇဝတ်မှုများ” ကို ကန့်ကွက်ကြောင်း၊ နိုင်ငံတကာ အသိုင်းအဝိုင်းအနေဖြင့် အမြန်ဆုံး အရေးယူ ဆောင်ရွက် ပေးရန် တိုက်တွန်းထားသည်။ ဒေသခံ တအာင်းပြည်သူများ တရုတ်၏ ဖိအားကို ရင်ဆိုင်နေရချိန် စစ်ကောင်စီသည် တရုတ်ကို အားကိုးပြီး ရွေးကောက်ပွဲ ကျင်းပရန် ဖိအား ပေးလာနိုင်ခြေနှင့် ပတ်သက်၍လည်း မိုင်းနိုင်ဂေါင်ဇာရ် က ယခုကဲ့သို့ ပြောဆိုသည်။ “တရုတ်ဘက်က သူများရဲ့ ပြည်တွင်းရေးကို ဝင်ရောက် မစွက်ဖက်ဘူးလို့ ပြောထားတယ်။ သူကသာ အတင်း အကြပ် ဖိအားပေး တကယ် လုပ်နေတယ် ဆိုရင်တော့ တကယ့်နိုင်ငံကြီး တစ်နိုင်ငံကောင်း မပီသဘူးပေါ့နော်။” စစ်ကောင်စီ၏ အုပ်ချုပ်ရေးနှင့် ရွေးကောက်ပွဲကို ငြင်းပယ်သည့် အပြင် TNP ပါတီ အနေဖြင့် တအာင်းဒေသ အတွက် ၎င်းတို့၏ နိုင်ငံရေးလမ်းပြမြေပုံကိုလည်း ထုတ်ပြန်ချက်တွင် ချပြခဲ့သည်။ TNP ပါတီ သည် တအာင်း နိုင်ငံရေး အတိုင်ပင်ခံ ကော်မတီ (TPCC) မှ တအာင်းပြည် ကောင်စီ (TLC) အဖြစ်သို့ ပြောင်းလဲ ဖွဲ့စည်းမှုကိုလည်း ထောက်ခံပြီး TLC မှ ဦးဆောင် အကောင်အထည် ဖော်မည့် ‘တအာင်းပြည် တော် လှန်ရေး ကာလ အစိုးရ အစီအမံ’ တွင် အပြည့်အဝ ပူးပေါင်း ဆောင်ရွက်သွားမည် ဖြစ်ကြောင်း အတည်ပြု ထားသည်။ TNP ပါတီသည် စစ်ကောင်စီ၏ နိုင်ငံရေး လုပ်ငန်းစဉ်များကို ဆန့်ကျင်ပြီး ဘုံရန်သူဖြစ်သည့် အာဏာရှင် စနစ်ကို အမြစ်ပြတ် တိုက်ဖျက်ကာ၊ ဖက်ဒရယ် ဒီမိုကရေစီ နိုင်ငံတော်သစ် တည်ဆောက်ရေးကိုသာ ဦးတည်ကြောင်း အတည်ပြု ပြောကြားထားသည်။

ရွေးကောက်ပွဲကို အယုံအကြည်မရှိကြောင်း တအာင်းပါတီပြော

Jul 15

ရွေးကောက်ပွဲ ဝင်မည့် USDP ကိုယ်စားလှယ်တစ်ဦး လုပ်ကြံခံရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၅ ရက်။ စစ်ကောင်စီ ရွေးကောက်ပွဲ ယှဉ်ပြိုင်မည့် ပြည်ထောင်စု ကြံ့ခိုင်ရေးနှင် ဖွံ့ဖြိုးရေးပါတီ (USDP) မှ ကိုယ်စားလှယ် တစ်ဦး လုပ်ကြံခံလိုက်ရသည်။ ရှမ်းပြည်တောင်ပိုင်း၊ မောက်မယ်မြို့နယ်တွင် (USDP) မှ ကိုယ်စားလှယ် အမတ်တစ်ဦး လုပ်ကြံ သတ်ဖြတ်ခံရ သည်ဟု ဒေသတွင်း နီးစပ်သူများက ပြောသည်။ ယခင် ရွေးကောက်ပွဲများတွင် မောက်မယ်မြို့နယ်က အနိုင်ရခဲ့သော စိုင်းငေါင်းဆိုင်ဟိန်းကို ၎င်း၏ နေအိမ်နှင့် ၂ မိုင်ခန့် ကွာဝေး သည့် တောင်ယာခြံထဲ၌ အမည်မသိ လက်နက်ကိုင် လူတစ်စုက လာရောက် ပစ်ခတ်ခဲ့ခြင်း ဖြစ်သည်ဟု ဆို သည်။ မောက်မယ်မြို့နယ်ရှိ USDP ပါတီဝင်များနှင့် အဆက်အသွယ်ရှိသူ တစ်ဦးက “သူ့အစ်ကို လိုက်သွားတော့ အလောင်းတွေ့တယ်လို့ ကြားတယ်။ တစ်ချို့ ခြံချင်းနီးတဲ့သူတွေ ပြောတာတော့ ဆိုင်ကယ် ၂ စီးဝင်လာပြီး ပစ်သံ ဘာညာကြားတယ်လို့လည်း ပြောကြတာပဲ။ သူက စစ်တပ်ဖက်က ဆိုပေမယ့် လူကောင်း တစ်ယောက် ပါ။ မောက်မယ်မှာ မသိတဲ့သူ မရှိဘူး” ဟု ပြောသည်။ စိုင်းငေါင်းဆိုင်ဟိန်းအား ဇူလိုင်လ ၁၁ ရက်နေ့၊ နံနက် ၉ နာရီ အချိန်ခန့်တွင် ဦးခေါင်း၌ သေနတ်ဒဏ်ရာ ၂ ချက်ဖြင့် သေဆုံးနေသည့် အလောင်းကို တွေ့ရှိခဲ့ရပြီး သေဆုံးချိန်၌ အသက် ၆၂ နှစ် ရှိပြီဟု ဆိုသည်။ သေဆုံးသူမှာ မောက်မယ်မြို့နယ်အတွင်း နာမည်ပျက် မရှိသော်လည်း လက်ရှိကာလ၌ စစ်ကောင်စီနှင့် အနီးကပ် နေ၍ ရွေးကောက်ပွဲအတွက် အားကြိုးမာန်တက် ပြင်ဆင်နေသူ ဖြစ်သည်ဟု ဒေသခံများက ပြောသည်။ စိုင်းငေါင်းဆိုင်ဟိန်းနှင့် ပုဂ္ဂိုလ်ရေးအရ နီးစပ်သူ တစ်ဦးက “မောက်မယ်မှာက PDF တွေ မရှိဘူးဆိုတော့ ပြောရ ခက်ပါတယ်။ သူအာဏာ ရတုန်းကတော့ တော်တော်လုပ်ပေးခဲ့ပါတယ်။ လူတိုင်းကို ပြုံးပြုံးရယ်ရယ်ပဲ ဆက်ဆံ တယ်။ ပေါင်းသင်းဆက်ဆံရေး တအားကောင်းတယ်။ ဒီကာလတော့ ဘက်မတူရင် ပစ်သတ်ကြတာတော့ တော် တော် စိတ်မကောင်း ဖြစ်မိတယ်” ဟု ပြောသည်။ ကျောင်းဆရာဟောင်း တစ်ဦးဖြစ်သည့် စိုင်းငေါင်းဆိုင်ဟိန်းသည် ၂၀၁၀၊ ၂၀၁၅၊ ၂၀၂၀ အထွေထွေ ရွေးကောက်ပွဲ ကာလများအတွင်း ၃ ကြိမ်တိတိ အနိုင်ရခဲ့သူ ဖြစ်ပြီး လာမည့် စစ်ကောင်စီ ရွေးကောက်ပွဲ အတွက်လည်း ယှဉ်ပြိုင်ရန် ထပ်မံရွေးချယ်ခံထားရသူ ဖြစ်သည်။ မောက်မယ်မြို့နယ်၏ နေရာအများစုကို ပအိုဝ်းအမျိုးသား လွတ်မြောက်ရေး တပ်မတော် (PNLA) မှ ထိန်းချုပ် ထားပြီး သျှမ်းပြည်ပြန်လည် ထူထောင်ရေးကောင်စီ/ သျှမ်းပြည် တပ်မတော် (RCSS/ SSA) ကလည်း မကြာ ခဏ ဝင်ရောက် သွားလာလေ့ရှိသည်ဟု ဒေသခံများက ပြောသည်။

ရွေးကောက်ပွဲ ဝင်မည့် USDP ကိုယ်စားလှယ်တစ်ဦး လုပ်ကြံခံရ

Jul 12

ယခု နှစ်အတွင်း ကရင်နီတွင် လေကြောင်းတိုက်ခိုက်မှုကြောင့် အရပ်သား ၃၃ ဦး သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၁ ရက်။ ကရင်နီပြည်တွင် စစ်ကောင်စီ၏ လေကြောင်း တိုက်ခိုက်မှုကြောင့် ၆ လကျော်အတွင်း အရပ်သား ပြည်သူ ၃၃ ဦး သေဆုံးခဲ့ပြီး ထိခိုက်ဒဏ်ရာရရှိသူ ၉၄ ဦး ရှိခဲ့သည်ဟု ကရင်နီပြည် ကြားကာလ အုပ်ချုပ်ရေးကောင်စီ (IEC) က ပြောသည်။ ကရင်နီပြည်နယ် အတွင်း ယခုနှစ် ဇန္နဝါရီလမှ ဇူလိုင်လ ၉ ရက်နေ့အထိ လေကြောင်းမှ ဗုံးကြဲ တိုက်ခိုက်ခံရမှု များကြောင့် သေဆုံးခဲ့သည့် အရပ်သားပြည်သူ ၃၃ ဦးအထဲတွင် ကလေးသူငယ် ၂ ဦး၊ အမျိုးသမီး ၉ ဦး၊ အမျိုးသား ၁၅ ဦး နှင့် အချက်အလက် အတိအကျ မသိရသူ ၇ ဦး တို့ ဖြစ်သည်။ ကရင်နီပြည် ကြားကာလ အုပ်ချုပ်ရေးကောင်စီ (IEC) အတွင်းရေးမှုး ၂ ဦးဗညားက “လေကြောင်းရန် တိုက် ခိုက်မှုက ကျနော်တို့ ကရင်နီပြည်မှာ ခဏခဏဖြစ်တယ်။ နေရာတိုင်းနီးပါးမှာ ဖြစ်တယ်ပေါ့နော်။ ပြည်သူ လူထုကလည်း အနည်းနဲ့ အများကတော့ ဒီအပေါ်မှာ သတိဝိရိယရှိကြတယ်။ လိုအပ်တဲ့ ဗုံးခိုကျင်းတွေကလည်း တချို့ မြို့နယ်အလိုက် ဒေသအလိုက် သူတို့ဟာ ရှိတယ်ပေါ့နော်။ သို့ပေမဲ့လည်း ညကြီးညနက်မှာ လာကြဲတာ ရှိသလို တစ်ခါတစ်လေကလည်း လုံးဝ မထင်မှတ်ထားတဲ့ အချိန်မှာပေါ့နော်။ ကျနော်တို့ကလည်း လေကြောင်း ရန် ကြိုတင်အသိပေး၊ ကြိုတင်ကာကွယ်တဲ့ စနစ်ကလည်း အရမ်း အားနည်းတယ်ပေါ့နော်။ အားနည်းတဲ့ အတွက်ကြောင့်မို့လို့ အားလုံးကို အသိမပေးနိုင်တာလည်း စိတ်မကောင်း ဖြစ်ရတယ်ပေါ့နော်” ဟု ပြောသည်။ ၆ လကျော်ကာလ အတွင်း လေကြောင်း တိုက်ခိုက်မှုများကြောင့် ကလေးသူငယ် ၁၃ ဦး၊ အမျိုးသမီး ၁၀ ဦး၊ အမျိုးသား ၁၆ ဦး နှင့် အချက် အလက် အတိအကျ မသိရသူ ၅၅ ဦး စုစုပေါင်း ၉၄ ဦးတို့ ထိခိုက်ဒဏ်ရာရခဲ့ သည်။ စစ်ကောင်စီက စစ်ရေးပစ်မှတ် အရပ်သားပစ်မှတ် မခွဲခြားဘဲ ကရင်နီပြည်အတွင်း လေကြောင်း တိုက်ခိုက်မှုများ ပိုမို၍ လုပ်လာနေသောကြောင့် အရပ်သားပြည်သူများ အတွက် စစ်မဲ့ဇုန် (Safe zone) သတ်မှတ်ဆောင်ရွက် ပေးရန် နိုင်ငံတကာကို ဦးဗညားက ယခုကဲ့သို့ တောင်းဆိုထားသည်။ “ပြည်သူလူထုတွေ နေထိုင်တဲ့အရပ်မှာ ဗုံးကြဲတာတွေ တိုက်ခိုက်မှုတွေ မလုပ်ဖို့အတွက် အဲ့ဒီနေရာတွေကို Safe Zone (စစ်မဲ့ဇုန်) တွေ No Fly Zone (လေယာဉ်မပျံသန်းရဇုန်) တွေကို အတတ်နိုင်ဆုံး ထူထောင်ပြီးတော့မှ လူထုရဲ့ အသက် အိုးအိမ် စည်းစိမ်ကို ကာကွယ်ဖို့ အတွက် နိုင်ငံတကာရဲ့ ဖိအားပေါ့နော် နိုင်ငံတကာရဲ့ အကူအညီ လိုအပ်တယ်ပေါ့နော်။” ထို့အတူ လက်နက်ကြီး ပစ်ခတ်ခြင်း၊ ဒရုန်းဖြင့် ဗုံးကြဲခြင်း၊ ပစ်ခတ်သတ်ဖြတ်ခြင်း၊ မိုင်းနင်းမိခြင်းတို့ကြောင့် လည်း ၆ လကျော်အတွင်း ကလေးသူငယ် ၆ ဦး၊ အမျိုးသမီး ၃ ဦး၊ အမျိုးသား ၁၈ ဦး နှင့် အချက်အလက် အတိအကျ မသိရသူ ၂ ဦးတို့ စုစုပေါင်း ၂၉ ဦး သေဆုံးခဲ့ပြီး အရပ်သားပြည်သူ ၁၁၄ ဦးတို့ ထိခိုက်ဒဏ်ရာရရှိခဲ့ သည်။ ကရင်နီပြည်အတွင်း၌ စစ်ကောင်စီတပ်က အရပ်သား ပြည်သူများအား ပစ်မှတ်ထားပြီး စစ်ရာဇဝတ်မှု ကျူးလွန် နေသည် သာမက ပြည်သူ့နေအိမ်များကို မီးရှို့ဖျက်ဆီးခြင်း၊ ကုန်စည်စီးဆင်းမှုများ ပြတ်တောက်စေရန် ယာဉ် လမ်းကြောင်းများ ပိတ်ဆို့ခြင်းနှင့် ပြည်သူများနေထိုင်ရာ ဒေသများသို့ စစ်ဆင်ရေး အကြိမ်ကြိမ် ပြုလုပ်ခြင်း စသည့် လူ့အခွင့်အရေးချိုး ဖောက်မှုများကို ကျူးလွန်နေဟု (IEC) က ဇူလိုင်လ ၉ ရက်နေ့ ထုတ်ပြန်ချက်ထဲတွင် ဖော်ပြထားသည်။

ယခု နှစ်အတွင်း ကရင်နီတွင် လေကြောင်းတိုက်ခိုက်မှုကြောင့် အရပ်သား ၃၃ ဦး သေဆုံး

« Prev 1 … 141 142 143 144 145 … 1,048 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

တရုတ်ခရီးသွား လျော့နည်းသော်လည်း ဂျပန်ခရီးသွားလုပ်ငန်း စံချိန်တင်တိုးတက်
မော်စကိုနှင့် ရုရှားအနှံ့ ယူကရိန်းက ဒရုန်းစစ်ဆင်ရေး ဆင်နွှဲ
အီရန်က UAE နျူကလီးယားစက်ရုံကို ဒရုန်းဖြင့် တိုက်ခိုက်
ဒေါ်နယ်ထရန့်ကို ရှီကျင့်ဖျင် ကော်ဇောနီဖြင့် ကြိုဆို
ထိုင်းနိုင်ငံတွင် အရက် သောက်သုံးရောင်းချမှု အပေါ် ထပ်မံတင်းကြပ်

Archives

Archives

×Close