NMG Doh – Page 142 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Jul 19

ဝက်လက်မြို့နယ်တွင် ကျေးရွာများကို ဗုံးကြဲ၊ အရပ်သား ၂၀ ခန့်သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၉ ရက်။ စစ်ကိုင်းတိုင်း၊ ဝက်လက်မြို့နယ်ထဲက ဧရာဝတီမြစ်ဘေးရှိ ကျေးရွာ ၃ ရွာ လေကြောင်းမှ ဗုံးကြဲတိုက်ခိုက် ခံရ သဖြင့် အရပ်သား ၂၀ ဦး သေဆုံးခဲ့သည်ဟု မြစ်ကြောင်း အခြေအနေအား စောင့်ကြည့်နေသည့်အဖွဲ့များက ပြော သည်။ တံတားဦးမှ တက်လာသော Y12 လေယာဥ်ဖြင့် ဧရာဝတီမြစ်ဘေးရှိ ရှားကွဲ၊ ငါဘတ်ချောင်း နှင့် ရေလည်မော် ကျေးရွာတို့ကို ဇူလိုင်လ ၁၇ ရက်နေ့၊ ညနေ ၅ နာရီဝန်းကျင် အချိန်တွင် ဗုံးကြဲ တိုက်ခိုက်ခဲ့ခြင်းဖြစ်သည်။ ရှားကွဲကျေးရွာမှ ၈ ဦး၊ ငါးဘတ်ချောင်းကျေးရွာမှ ၁၂ ဦးနှင့် ရေလည်မော်ကျေးရွာမှ ပကဖ ရဲဘော် တစ်ဦးတို့ လေကြောင်း တိုက်ခိုက်ခံရမှုထဲ သေဆုံးခဲ့ပြီး ထိခိုက်ဒဏ်ရာရရှိသူ အယောက် ၂၀ ကျော်ရှိသည်ဟု Wetlet Informational Network က အတည်ပြုပြောဆိုသည်။ Wetlet Informational Network မှ တာဝန်ရှိသူတစ်ဦးက “သင်္ဘောတွေကို လာဝန်းရံပေးရင်းနဲ့မှ လေကြောင်း တိုက်ခိုက်မှု ပြုလုပ်သွားတာက ခန့်မှန်းပြည်သူ ၂၀ သေဆုံးပြီးတော့မှ ပကဖ ရဲဘော်တစ်ဦး ကျတယ်ဗျ။ သူက မထင်ထားကြဘူး သင်္ဘောလမ်းကြောင်းက ရေလည်မော်ရွာကနေ အထက်ကို ဆန်တက်ရမှာဗျ။ ငဘတ်ချောင်း တို့ ရှားကွဲရွာတို့က သင်္ဘောတွေ မဝင်နိုင်တဲ့ ဒေသတွေဆိုတော့ မလာလောက်ဘူးထင်တာ” ဟု ပြောသည်။ ထို့အပြင် ဇူလိုင်လ ၁၈ ရက်နေ့၊ နံနက်ပိုင်းတွင်လည်း ရှိန်းမကားကျေးရွာ ဆိပ်ကမ်းမှ စစ်သင်္ဘောများ ဆန်တက် ချိန်၌ လေကြောင်းမှ ထပ်မံ ပစ်ခတ်တိုက်ခိုက်ခဲ့သဖြင့် ရေလည်မှော်ကျေးရွာမှ အမျိုးသမီး တစ်ဦးနှင့် အမျိုးသား တစ်ဦး ထိခိုက်ဒဏ်ရာရခဲ့သေးသည်ဟု ဆိုသည်။ စစ်ကောင်စီတပ်သည် ဧရာဝတီမြစ်ဘေးတစ်လျှောက် ပြင်းထန်နေသည့် တိုက်ပွဲများအတွင်း စစ်အင်အား ဖြည့်တင်းရန်အတွက် မြစ်ရေတက်ခြင်းကို အခွင့်ကောင်းယူကာ စစ်အင်အားများ ဖြည့်တင်းလေ့ရှိသည်။ ယမန်နှစ်ကလည်း ဧရာဝတီမြစ်ကြောင်း အတိုင်း စစ်သင်္ဘောများ အသုံးပြုပြီး မန္တလေးတိုင်းမှ အထက်ဘက် ကချင်ပြည်၊ ဗန်းမော်မြို့အထိ စစ်လက်နက် ရိက္ခာနှင့် ဆေးဝါးများ ဖြည့်တင်းခဲ့သည်။ ယခုကဲ့သို့ ရေကြောင်းအား အသုံးပြု၍ စစ်အင်အားနှင့် ရိက္ခာများ ဖြည့်တင်းချိန်တွင် ဧရာဝတီ မြစ်ဘေး တစ်လျှောက်ရှိ ကျေးရွာများကို လက်နက်ကြီးများဖြင့်လည်း ရမ်းသမ်းပစ်ခတ်လေ့ရှိသည့်အပြင် လေကြောင်းမှ တစ်ဆင့်လည်း ပစ်ခတ်မှုများ လုပ်လေ့ရှိသည်။ Wetlet Informational Network မှ တာဝန်ရှိသူက “အဓိကကတော့ သင်္ဘော တက်လာတဲ့ တစ်လျှောက် မြစ် ကမ်းဘေး တစ်လျှောက်က ပြည်သူတွေကို သင်္ဘောတွေ တက်သွားမှပဲ ကိုယ့်အိမ်ကိုယ် ပြန်နေကြဖို့၊ သင်္ဘော တက်ရာ လမ်းကြောင်းမှာက လေကြောင်း တိုက်ခိုက်မှုတွေက အနောက်ကနေ အစဥ်မပြတ် လုပ်နေတော့ လေကြောင်း သတင်းတွေ နားစွင့်ကြဖို့ ပြောချင်ပါတယ်” ဟု ဆက်ပြောသည်။ ယခု တက်လာသည့် စစ်ကောင်စီ၏ ရေယာဥ်တန်းထဲတွင် စစ်သင်္ဘော ၅ စီး၊ ရိက္ခာတင်သင်္ဘော ၇ စီး နှင့် နောက် တွန်း ဖလပ်ခွံ့ ရေယာဥ် စုစုပေါင်း ၁၄ စီးခန့် ပါဝင်ပြီး ဇူလိုင်လ ၁၈ ရက်နေ့တွ် ရွှေဘိုမြို့နယ်သို့ စစ်သင်္ဘောများ ရောက်ရှိနေပြီဟု Wetlet Informational Network က ထုတ်ပြန်ထားသည်။ အဆိုပါ စစ်သင်္ဘောနှင့် ရိက္ခာတင် သင်္ဘောများသည် မန္တလေး - ဝက်လက် - ရွှေဘို - ကျောက်မြောင်း -တကောင်း - ထီးချိုင့် - ကသာ - ရွှေကူ - ဗန်းမော် စသည့် လမ်းကြောင်းအတိုင်း ဆန်တက်လာနိုင်သည်ဟု စစ်ရေးအခြေအနေ စောင့်ကြည်နေသူများက သုံးသပ်နေကြသည်။ ပြီးခဲ့သည့် ၂၀၂၄ ခုနှစ် ဩဂုတ်လတွင် ဆန်တက်ခဲ့သည့် စစ်သင်္ဘောနှင့် ရိက္ခာတင် သင်္ဘော အချို့သည် မြစ်ကြောင်း တစ်လျှောက် တော်လှန်ရေး အင်အားစုများ၏ တိုက်ခိုက်မှုများကြောင့် ရေယာဥ်အချို့ မှာ ပျက်စီးခဲ့ သည်။ ရေယာဉ်အချို့မှာမူ တော်လှန်ရေးအဖွဲ့၏ သိမ်းပိုက်မှုကို ခံခဲ့ရပြီး အချို့မှာ ဗန်းမော်မြို့အထိ ဆန်တက် နိုင်ခဲ့ သည်ဟု ဆိုကြသည်။

ဝက်လက်မြို့နယ်တွင် ကျေးရွာများကို ဗုံးကြဲ၊ အရပ်သား ၂၀ ခန့်သေဆုံး

Jul 19

သာယာဝတီထောင်တွင် နိုင်ကျဉ်း တစ်ဦး ရိုက်နှက် တိုက်ပိတ်ခံရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၉ ရက်။ သာယာဝတီ အကျဉ်းထောင်၌ နိုင်ငံရေး အကျဉ်းသား တစ်ဦး ရိုက်နှက် တိုက်ပိတ်ခံထားရသည်ဟု အကျဉ်းဦးစီး နှင့် နီးစပ်သူများက ပြောသည်။ ပဲခူးတိုင်း၊ သာယာဝတီ အကျဉ်းထောင်တွင် နိုင်ငံရေး အကျဉ်းသားတစ်ဦးကို ပုခုံးဆစ် ပြုတ်သည်အထိ ရိုက် နှက်ခံရပြီး ဇူလိုင်လ ၁၇ ရက်နေ့ အထိ တိုက်ပိတ်ထားဆဲ ဖြစ်သည်ဟု မြန်မာနိုင်ငံလုံးဆိုင်ရာ နိုင်ငံရေး အကျဉ်း သားများ ကွန်ယက် (PPNM) က ထုတ်ပြန်သည်။ PPNM ဦးဆောင် ကော်မတီဝင် ကိုသိုက်ထွန်းဦးက “ကိုအောင်သူထက် တိုက်ပိတ်ခံထားရတဲ့ အခြေအနေပေါ့ နော်။ စတင်တိုက်ပိတ်ပြီ ဆိုတာနဲ့ ထောင်ဝင်စာ ပါဆယ်ပါ တစ်လအနည်းဆုံး ပိတ်ခံထားရတဲ့ အခြေအနေ ဖြစ် ပါတယ်။ မိသားစုဝင်တွေ အဆက်အသွယ် နဂိုကတည်းက ခက်ခဲတဲ့သူဆိုရင်တော့ ထောင်ဝင်စာ အင်မတန် ခက်ခဲတဲ့ အခြေအနေတစ်ခုကို ရင်ဆိုင်နေရတာ ဖြစ်ပါတယ်” ဟု ပြောသည်။ နိုင်ငံရေး အကျဉ်းသားဖြစ်သည့် ကိုအောင်ထက်သူအား အကျဉ်းဦးစီးဌာနမှ ဝန်ထမ်း စိုးမင်းက အခြား ရာဇဝတ် အကျဉ်းသားနှင့် ရန်ဖြစ်သည်ဟု ဆိုကာ စွပ်စွဲရိုက်နှက်ခဲ့ခြင်း ဖြစ်သည်။ ကိုအောင်ထက်သူအား ဇူလိုင်လ ၆ ရက်နေ့တွင် ရိုက်နှက်ခဲ့ပြီးနောက် ဆေးကုသခွင့် ပိတ်ပင်ထားခဲ့ပြီး ယင်းနေ့ နေ့လည် ၂ နာရီမှသာ နိုင်ကျဉ်းများ၏ ဝိုင်းဝန်းတောင်းဆိုမှုကြောင့် ဆေးကုသခွင့် ရရှိခဲ့သည်ဟု ထောင်နှင့် နီးစပ်သူများ၏ ပြောပြချက်အရ သိရသည်။ ကျူးလွန်သူ စိုးမင်း ဆိုသူမှာ ယခင်နှစ်များကလည်း နိုင်ကျဉ်းများ အပေါ် ကိုယ်ထိလက်ရောက် အကြမ်းဖက် ကျူးလွန်မှုများ မကြာခဏ လုပ်ဆောင်လေ့ ရှိသဖြင့် တိုင်ကြားခြင်း ခံထားရသူ ဖြစ်သည်ဟု နိုင်ကျဉ်းဟောင်း များက ပြောသည်။ သို့သော် ၎င်းအား လက်ရှိချိန်အထိ ထောင်ပြောင်းရွှေ့ပေးခြင်း မရှိဘဲ သာယာဝတီထောင်၌သာ အပြင်ထွက်ခွင့် ပိတ်ခြင်း၊ ထောင်အဆောက်အအုံ ပြောင်းခြင်းဖြင့်သာ အရေးယူခဲ့ပြီး လက်ရှိတွင်လည်း ဆက်လက် တာဝန် ထမ်းဆောင်ခွင့် ပေးထားဆဲဖြစ်သည်ဟု ဆိုသည်။ “ထောင်တိုင်းနီးပါး အဓိက ဖိနှိပ်မှုတွေ ဖြစ်ပေမယ့် အများအားဖြင့် မန္တလေး အိုးဘိုထောင်၊ မြင်းခြံထောင်၊ ဒိုက်ဦးထောင်၊ သာယာဝတီထောင်ပေါ့နော် ပြီးတော့ မကွေးထောင်၊ မုံရွာထောင်ပေါ့နော်။ ဒီလိုထောင်တွေမှာ နိုင်ငံရေး အကျဉ်းသားတွေကို ဖိနှိပ်တဲ့ ကိစ္စတွေတော့ ရှိပါတယ်။ အများအားဖြင့်တော့ ဗဟိုထောင်တွေပေါ့ နော်၊ ထောင်မကြီးတွေတော့ ပိုပြီးတော့ ဖိနှိပ်မှု ပိုများတယ်လို့ ပြောလို့ရပါတယ်ခင်ဗျာ” ဟု ကိုသိုက်ထွန်းဦးက ဆက်ပြောသည်။ သာယာဝတီ အကျဉ်းထောင်၌ နိုင်ငံရေး အကျဉ်းသားများအား လူ့အခွင့်အရေး ချိုးဖောက်သည့် အကြမ်းဖက် ဖိနှပ်မှုများ ဆက်တိုက် ကျူးလွန်နေကြသော်လည်း စစ်ကောင်စီ လက်အောက်ခံ ထောင်အာဏာပိုင်များက လျစ်လျူရှုထားသဖြင့် ဖိနှိပ်များ ဆက်လက် လုပ်ဆောင်နေကြခြင်း ဖြစ်သည်။ နိုင်ကျဉ်းများ၏ အကျဉ်းသား အခွင့်အရေးအရ ထောင်တွင်း ဆေးဝါးကုသမှုနှင့် ဆေးဝါးလုံလောက်စွာ ထားရရှိ ရေး၊ ကျန်းမာရေးအရ စိုးရိမ်ရသူများကို ပြင်ပဆေးရုံသို့ အချိန်နှင့် တပြေးညီ ပို့ဆောင်ပေးရန် PPNM မှ တောင်း ဆိုထားသော်လည်း အကျဉ်းဦးစီးဌာနမှ လိုက်နာမှု မရှိသဖြင့် နှစ်စဉ်ပျမ်းမျှ နိုင်ကျဉ်း ၂၅ ဦးခန့် အသက် ဆုံးရှုံးနေ ရသည်ဟု ဆိုသည်။

သာယာဝတီထောင်တွင် နိုင်ကျဉ်း တစ်ဦး ရိုက်နှက် တိုက်ပိတ်ခံရ

Jul 19

မိုးဗြဲ-လွိုင်ကော်လမ်း လုံခြုံမှု မရှိသေးဟု တော်လှန်ရေး တပ်ဖွဲ့များက ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၉ ရက်။ ရှမ်းပြည်တောင်ပိုင်းနှင့် ကရင်နီပြည်ကို ဆက်သွယ်ထားသည့် ပင်လောင်း - မိုးဗြဲ - ဖယ်ခုံ - လွိုင်ကော် လမ်း မကြီးအား အသုံးပြုရန်အတွက် ရာနှုန်းပြည့် လုံခြုံမှု မရှိသေးဟု မြေပြင်တော်လှန်ရေး တပ်ဖွဲ့ဝင်များက ပြော သည်။ အဆိုပါ လမ်းမကြီးအား စစ်ကောင်စီတပ်က အသုံးပြုနိုင်ပြီဟု ဇူလိုင်လ ၁၁ ရက်နေ့၌ ကြေညာထားသော်လည်း လမ်းမကြီးတစ်ဝိုက်တွင် တိုက်ပွဲဆက်လက် ဖြစ်ပွားနေဆဲဟု ဆိုသည်။ မိုးဗြဲမြို့အနီး၌ စစ်ရေးလှုပ်ရှားနေသည့် မြေပြင်တပ်ဖွဲ့ဝင် တစ်ဦးက “သူတို့ဖက်ကတော့ ကြေညာထားပေမယ့် တိုက်ပွဲ ဖြစ်နေတုန်းပဲ။ ဝါရီကောခူလည်း ကျနော်တို့ ပေးလိုက်ရပြီ။ သူတို့ စစ်ကြောင်းက လွိုင်ကော်နား ရောက်တော့မယ်။ သွားလာနေကြတာတွေက သူတို့ ထောက်ခံတဲ့ အုပ်စုလောက်ပါပဲ။ ကျနော်တို့ကတော့ တား တာပေါ့နော်။ မဖြစ်မနေ လမ်းပွင့်လို့ သွားမယ်ဆိုလည်း သတိတော့ထားကြပေါ့နော်” ဟု ပြောသည်။ စစ်ကောင်စီတပ်က ဝါရီကောခူ၊ ဆောင်ကန်း၊ ထီရိ၊ ကုန်းသာ၊ ကယန်းသာယာ၊ ကယန်းကြခူ၊ မြေနီကုန်း စသည့် ကျေးရွာများအား ထိန်းချုပ်ထားနိုင်ပြီဖြစ်ပြီး လက်ရှိတွင် လွိုင်ကော်မြို့အထိ နယ်မြေရှင်းလင်းရေး လုပ်ဆောင် နေသည်ဟု ဆိုသည်။ လတ်တလော ခရီးသည်ကားများ ပြေးဆွဲခြင်း မရှိသေးသော်လည်း ကုန်ကားအချို့မှာ လွိုင်ကော်မြို့သို့ စတင် ဝင်ရောက်နေဟု ဆိုသည်။ ထို့အပြင် ယာဉ်မောင်းအချို့အား စစ်ကောင်စီက ဖိအားပေး သွားလာခိုင်းနေသည်ဟုလည်း မြေပြင် သတင်း အရင်းအမြစ်များက ဆိုသည်။ မိုးဗြဲမြို့တွင် နေထိုင်သူ အမျိုးသမီးတစ်ဦးက “ပြည်ထောင်စု လမ်းမကြီး ပွင့်သွားရင် နည်းနည်းတော့ အသက် ရှူချောင် မလားပေါ့နော်။ ကုန်ဈေးနှုန်းလည်း တအားတက်တယ်လေ။ လမ်းပွင့်ပြီး တော်လှန်ရေး အောင်တာ မျိုး ဆိုရင် တော့ ပိုကောင်းတာပေါ့။ ကျမတို့လည်း နည်းနည်း အခြေနေငြိမ်မှပဲ သွားမယ်လို့ စိတ်ကူးထားတာ ပေါ့နော်” ဟု ပြောသည်။ မိုးဗြဲ - လွိုင်ကော် လမ်းမကြီးအား စစ်ကောင်စီ ရရှိပါက ပိတ်ဆို့ခံထားရသည့် ဒီးမော့ဆို၊ ဖရူဆို၊ ဘောလခဲ စသည့် မြို့နယ်များမှ စစ်ကောင်စီ တပ်ရင်းများ အတွက် ရိက္ခာပို့ လမ်းကြောင်း ပွင့်လာနိုင်ပြီး ရွေးကောက်ပွဲ အမြန်ဆုံး ဖော်ဆောင်လာသည်ဟု မြေပြင်တပ်ဖွဲ့ဝင်များက သုံးသပ်နေကြသည်။ မိုးဗြဲမြို့အား စစ်ကောင်စီထံသို့ လက်လွှတ်လိုက်ရသော်လည်း တဖက်တွင် ဖားဆောင်းမြို့အား ခြေလျင်တပ်ရင်း (ခမရ - ၁၃၅) အား တော်လှန်ရေး အင်အားစုများက အပြင်းအထန် ထိုးစစ်ဆင်နေပြီး မြို့ရရှိရန်အတွက် နီးစပ် လာပြီဟု ဆိုသည်။

မိုးဗြဲ-လွိုင်ကော်လမ်း လုံခြုံမှု မရှိသေးဟု တော်လှန်ရေး တပ်ဖွဲ့များက ပြော

Jul 17

နောင်ချိုတွင် တိုက်ပွဲများ ဆက်လက်ပြင်းထန်နေမည် ဖြစ်၍ စစ်ရေးသတိရှိကြရန် TNLA သတိပေး သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၇ ရက်။ စစ်ကောင်စီတပ်က ထိန်းချုပ်လိုက်သည့် ရှမ်းမြောက်ဒေသ၊ နောင်ချိုမြို့တွင်း တိုက်ပွဲများ ဆက်လက် ပြင်းထန် အုံးမည်ဖြစ်၍ ပြည်သူများ စစ်ရေးသတိရှိကြရန် တအာင်းတပ် TNLA အသိပေး ထုတ်ပြန်သည်။ နောင်ချိုမြို့မှာ တိုက်ပွဲတွေ ဆက်လက်ပြင်းထန်နေမှာ ဖြစ်၍ တိုက်ပွဲများကြား မိဘပြည်သူလူထု ကြားညှပ် ခြင်းမျိုး၊ ပိတ်မိခြင်းမျိုးတို့ ဖြစ်စေရန် လုံခြုံရေးသတိထားပြီး နေထိုင်သွားလာကြဖို့နှင့် လေကြောင်း အန္တရာယ် ကာကွယ်ရေး လမ်းညွှန်ချက်များ လိုက်နာကြဖို့ လိုအပ်သည်ဟု TNLA က အသိပေးဖော်ပြလိုက်သည်။ အဆိုပါ အသိပေး ထုတ်ပြန်ချက်ကို တအာင်းတပ်မတော် TNLA က ဇူလိုင်လ ၁၆ ရက်နေ့တွင် ထုတ်ပြန်လိုက် ခြင်း ဖြစ်သည်။ မြေပြင်က အခြေအနေနှင့် ပတ်သက်၍ ဒေသခံတစ်ဦးက “ဇူလိုင်လ ၁၂ ရက်နေ့ည၊ ၁၃ ရက်နေ့လောက်စပြီး မြို့ထဲကို စစ်တပ်က ဝင်လာပြီပေါ့နော်” ဟု ပြောသည်။ စစ်ကောင်စီတပ်က နောင်ချိုမြို့အတွင်းကို ဇူလိုင် ၁၃ ရက်နေ့က စတင်၍ ဝင်ရောက်လာခဲ့ခြင်း ဖြစ်သည်ဟု ဒေသခံ အချို့က ပြောသည်။ နောင်ချိုမြို့ အနီးကပ် ရောက်လာနေသော်လည်း စိုးရိမ်မှု မရှိကြရန် တအာင်းတပ် TNLA ပြောရေးဆိုခွင့်ရှိသူ လွေးယေဦး ပြောဆိုထားသည်။ ဇူလိုင်လ ၅ ရက်နေ့က ပြုလုပ်ခဲ့သည့် အွန်လိုင်း သတင်းစာရှင်းလင်းပွဲတွင် လွေးယေဦးက “ဒီလိုမျိုး နောင်ချို ကို လက်လွှတ်ပေးရတာမျိုး၊ ဆုံးဖြတ်ချက်ချထားတာမျိုးတွေလည်း မရှိသေးဘူး ပေါ့နော်။ ကျမတို့က လက်ရှိ ကတော့ အကောင်းဆုံးနဲ့ ကျမတို့ ရှိတဲ့ ဒီခုခံကာကွယ်မှုကိုလည်း ကျမတို့ ပြင်ဆင်ထားပါတယ်” ဟု ပြောသည်။ ဇူလိုင်လ ၁၆ ရက်နေ့တွင် နောင်ချိုမြို့ပေါ်ရှိ အစိုးရဌာနဆိုင်ရာရုံးများနှင့် နေရာအများအပြားကို စစ်ကောင်စီက ထိန်းချုပ်နိုင်ခဲ့သည်။ နောင်ချိုမြို့ကို ပြန်ရရေး ၁ နှစ်နီးပါး တိုက်ခိုက်ခဲ့ရသည်ဟုလည်း စစ်ကောင်စီက ထုတ်ပြန်ထားသည်။ နောင်ချိုမြို့ကို ပြန်လည်ထိန်းချုပ်နိုင်ရေး အမှတ် ၂ စစ်ဆင်ရေးအထူးအဖွဲ့မှူး ဒုဗိုလ်ချုပ်ကြီး နိုင်နိုင်ဦး ဦးဆောင် ကွပ်ကဲပြီး စစ်ကူစစ်ကြောင်းများအပြင် လေကြောင်း၊ လက်နက်ကြီးပစ်ကူ၊ ကွန်မန်ဒိုအဖွဲ့၊ မြေပြင်အဖွဲ့များနှင့် တိုက်ယူခဲ့ရသည်ဟု ဆိုသည်။ ထို့အပြင် အကြမ်းဖက်ချေမှုန်းရေး စစ်ဆင်ရေး (Counter-Terrorism Operation) ဖော်ဆောင်ပြီး ၁၁ လကြာ တိုက်ယူခဲ့ရခြင်း ဖြစ်သည်ဟု စစ်ကောင်စီက ဇူလိုင်လ ၁၇ ရက်နေ့တွင် ထုတ်ပြန်သည်။

နောင်ချိုတွင် တိုက်ပွဲများ ဆက်လက်ပြင်းထန်နေမည် ဖြစ်၍ စစ်ရေးသတိရှိကြရန် TNLA သတိပေး

Jul 17

စစ်ကောင်စီကို အရေးယူကိုင်တွယ်မှု မရှိသောကြောင့် အာဆီယံကို စိတ်ပျက်ဟု NUG ပြော    သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဇူလိုင် ၁၇ ရက်။ အာဆီယံအနေဖြင့် စစ်ရာဇဝတ်မှုများ ဆက်လက် ကျူးလွန်နေသည့် စစ်ကောင်စီကို ထိရောက်သည့် အရေးယူ ကိုင်တွယ်မှု မရှိသောကြောင့် စိတ်ပျက်ရသည်ဟု အမျိုးသားညီညွတ်ရေး အစိုးရ NUG က ပြောသည်။ စစ်ကောင်စီက ပြည်သူများအပေါ် စစ်ရာဇဝတ်မှုများ ဆက်လက်ကျူးလွန်နေသော်လည်း အာဆီယံက တိုက် ရိုက် ထုတ်ဖော်ရှုတ်ချခြင်းနှင့် ထိရောက်သည့် အရေးယူကိုင်တွယ်မှု မရှိဘူးဟု ဇူလိုင်လ ၁၆ ရက်နေ့က ထုတ် ပြန် ပြောဆိုလိုက်ခြင်း ဖြစ်သည်။ ဇူလိုင် လဆန်းပိုင်းက ကျင်းပခဲ့သည့် အာဆီယံ နိုင်ငံခြားရေးဝန်ကြီးများ အစည်းအဝေးပွဲ အပြီး ပူးတွဲကြေညာ ချက် သဘောထား ထုတ်ပြန်ချိန်၌ NUG က ပြောဆိုလိုက်ခြင်း ဖြစ်သည်။ ဇူလိုင်လ ၉ ရက်နေ့ မလေးရှားနိုင်ငံ၊ ကွာလမ်ပူမြို့တွင် ၅၈ ကြိမ်မြောက် အာဆီယံ နိုင်ငံခြားရေးဝန်ကြီးများ အစည်းအဝေး ပြုလုပ်အပြီး ထုတ်ပြန်သည့် ကြေညာချက်၌ မြန်မာနိုင်ငံအတွင်း ပဋိပက္ခများပိုမြင့်တက်လာမှုနှင့် လူသားချင်းစာနာ ထောက်ထားမှုဆိုင်ရာ ဆိုးရွားလာမှုအား စိုးရိမ်ပူပန်ကြောင်း၊ စစ်တပ်၏ အကြမ်းဖက် တိုက် ခိုက်မှုများအပေါ် ရှုတ်ချပြီး ချက်ချင်းရပ်တန့်ရန် တိုက်တွန်းထားသော်လည်း အရေးယူ ကိုင်တွယ်မှု မရှိသည် ကိုတွေ့ရကြောင်း NUG က ဆိုသည်။ အာဆီယံ အစည်းအဝေး၏ ပူးတွဲကြေညာချက်၌ စစ်ကောင်စီအပေါ် တိုက်ရိုက်ဖော်ထုတ် ရှုတ်ချပြီး ထိရောက် သည့် အရေးယူကိုင်တွယ်မှု မရှိဘူးဟု NUG က ပြောသည်။ ထိုသို့ ထိရောက်သည့် အရေးယူကိုင်တွယ်မှု မရှိခြင်းသည် အာဆီယံအနေဖြင့် စစ်ကောင်စီကို သွယ်ဝိုက် အကာ အကွယ် ပေးနေသည့် သဘောမျိုး သက်ရောက်နိုင်သည်ဟုလည်း NUG ထောက်ပြထားသည်။ စစ်ကောင်စီသည် ရွေးကောက်ပွဲလုပ်ရန် ပြင်ဆင်နေခြင်းမှာ အာဆီယံ ဘုံသဘောတူညီချက်ပါ အကြမ်းဖက်မှု များ အဆုံးသတ် ရေးဟူသော အချက်ကို ဆန့်ကျင်နေသည်မှာ ထင်ရှားသည်ဟုလည်း NUG က ဆိုသည်။ အာဆီယံအနေဖြင့် စစ်ကောင်စီက လုပ်မည့် အတုအယောင် ရွေးကောက်ပွဲအပေါ် သတိပေးဟန့်တားမှု တစ်စုံ တစ်ရာ မပါရှိသည့်အတွက်လည်း အကြမ်းဖက်စစ်အုပ်စုအား သွယ်ဝိုက်၍ အကာအကွယ်ပေးနေသည့် သဘော မျိုး သက်ရောက်နိုင်ကြောင်း အမျိုးသားညီညွတ်ရေးအစိုးရက ဆိုသည်။ အာဆီယံအနေဖြင့် မြန်မာ့နိုင်ငံ၏ ပဋိပက္ခကို ဖြေရှင်းရာ၌ လက်တွေ့ကျသည့် ဆောင်ရွက်မှုများနှင့် လိုအပ်သည့် မဟာဗျူဟာများကို ချမှတ်ဆောင်ရွက်ဖို့ NUG က တိုက်တွန်းထားသည်။ ဓါတ်ပုံ - Ministry of Foreign Affairs, Kingdom of Thailand

စစ်ကောင်စီကို အရေးယူကိုင်တွယ်မှု မရှိသောကြောင့် အာဆီယံကို စိတ်ပျက်ဟု NUG ပြော

Jul 17

ရေဖြူတွင် စစ်ကူလာသည့် စစ်ကောင်စီ စစ်ကြောင်း တိုက်ခိုက်ခံရ၊ ဗိုလ်မှူးတစ်ဦးအပါအဝင် ၄ ဦး သေဆုံး သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။ ကရင်အမျိုးသား အစည်းအရုံး KNU နှင့် ပူးပေါင်းတပ်ဖွဲ့များက ရေဖြူမြို့နယ်တွင် ဗိုလ်မှူးတစ်ဦး အပါအဝင် ၄ ဦး သေဆုံး ၄ ဦးကို အရှင်ဖမ်းမိခဲ့ကြသည်။ ရေဖြူမြို့နယ်ထဲက ထိုင်း - မြန်မာနယ်စပ်ရှိ နတ်အိမ်တောင်စခန်းကို စစ်ကူလာသည့် စစ်ကြောင်းကို တိုက်ခိုက်ခဲ့ ရာ တပ်ခွဲမှူး ဗိုလ်မှူးတစ်ဦး အပါအဝင် ၄ ဦး၊ သေဆုံးပြီး ၄ ဦး အရှင်ဖမ်းမိခဲ့သည်ဟု KNU ၏ မြိတ် - ထားဝယ် ခရိုင်မှ တာဝန်ရှိသူတစ်ဦးက ပြောသည်။ အရှင်ဖမ်းမိသူများထဲ တစ်ဦးမှာ တိုက်ပွဲအတွင်း ပြင်းထန်ဒဏ်ရာများ ရရှိထား၍ ဆေးကုသမှု ပေးနေရသည်ဟု KNU မြိတ် - ထားဝယ် ခရိုင်မှ တာဝန်ရှိသူက ပြောသည်။ KNU တပ်မဟာ ၄ တာဝန်ရှိသူက “ဒဏ်ရာနဲ့သူကိုတော့ ဆေးကုသ ပေးထားပြီး ဖမ်းမိထားတဲ့ သူတွေအကုန် လုံးကို နိုင်ငံတကာ စစ်သုံ့ပန်း ကျင့်ဝတ်တွေနဲ့အညီ စောင့်ရှောက်ထားပါတယ်၊ ပူးပေါင်း တပ်ဖွဲ့ဝင်တွေဘက်က တော့ အထိအခိုက် မရှိပါဘူး” ဟု ပြောသည်။ ထိုင်း - မြန်မာနယ်စပ်ရှိ နတ်အိမ်တောင်စခန်းကို စစ်ကူလာသည့် စစ်ကြောင်းအား KNLA နှင့် မဟာမိတ် ပူးပေါင်းတပ်များက တိုက်ခိုက်ခဲ့ရာ တပ်ခွဲမှူး ဗိုလ်မှူး အောင်ကိုဟိန်း အပါအဝင် ၄ ဦး သေဆုံးခဲ့ပြီး သေနတ် ၂ လက်ကို သိမ်းဆည်းရရှိခဲ့ခြင်း ဖြစ်သည်။ ဇူလိုင်လ ၁၁ ရက်နေ့ နှင့် ဇူလိုင်လ ၁၂ ရက်နေ့တွင် နတ်အိမ်တောင်စခန်းသို့ စစ်ကြောင်းထိုး ဝင်ရောက်လာသည့် ကမ်းရိုးတန်းတိုင်း စစ်ဌာနချုပ်လက်အောက်ခံ ကလိန်အောင်တပ်နယ်မှ တပ်ရင်း ၅ ရင်းဖြင့် ပူးပေါင်းထားသည့် စစ်ကြောင်းကို KNLA နှင့် မဟာမိတ် ပူးပေါင်းတပ်များက တိုက်ခိုက်ခဲ့ခြင်း ဖြစ်သည်။ အလားတူ ဇူလိုင်လ ၁၄ ရက်နေ့ နှင့် ၁၅ ရက်နေ့တွင်လည်း အဆိုပါ စစ်ကြောင်းအား KNLA တပ်မဟာ ၄၊ တပ်မဟာ ၆၊ အထူးဗျူဟာ ၂ နှင့် ပူးပေါင်းတပ်ဖွဲ့များက လိုက်လံတိုက်ခိုက်ခဲ့သေးကြောင်း ပူးပေါင်းတပ်ဖွဲ့ဝင် တစ်ဦးက ဆိုသည်။ ထိုသို့ လိုက်လံ တိုက်ခိုက်ခဲ့ရာတွင် စစ်ကောင်စီ တပ်သား ၄ ဦးကို အရှင်ဖမ်းမိခဲ့သည့် အပြင် လက်နက်ခဲယမ်း များကိုလည်း သိမ်းဆည်းရမိခဲ့သည်။ စစ်ကောင်စီ၏ စစ်ကြောင်းတွင် ကမ်းရိုးတမ်း စစ်ဌာနချုပ် လက်အောက်ခံ ခလရ - ၂၇၃၊ ခလရ - ၂၈၂၊ ခမရ - ၄ဝ၈၊ ခမရ - ၄၀၉ နှင့် ခမရ - ၄၁ဝ စသည့် တပ်ရင်း ၅ ရင်းဖြင့် ဖွဲ့စည်းထားသည်။ အဆိုပါ စစ်ကြောင်းမှာ ဇူလိုင်လ ပထမပတ်မှ စတင်ပြီး နတ်အိမ်တောင်စခန်း ဧရိယာထဲသို့ စစ်ကြောင်းထိုး နေခြင်း ဖြစ်သည်။

ရေဖြူတွင် စစ်ကူလာသည့် စစ်ကောင်စီ စစ်ကြောင်း တိုက်ခိုက်ခံရ၊ ဗိုလ်မှူးတစ်ဦးအပါအဝင် ၄ ဦး သေဆုံး

Jul 17

စစ်ကောင်စီ ဒရုန်းကြောင့် PDF တစ်ဦး အပါအဝင် အရပ်သားများ ထိခိုက်သေဆုံး သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။ ပုလောမြို့နယ်ထဲ စစ်ကောင်စီတပ်က လက်နက်ကြီးဖြင့် ပစ်ခတ်ပြီး ဒရုန်းဖြင့် ဗုံးသီးချ တိုက်ခိုက်ခဲ့မှုများကြောင့် PDF တစ်ဦး၊ ရွာသားတစ်ဦး သေဆုံးပြီး ၃ ဦး ထိခိုက်ဒဏ်ရာ ရှိခဲ့သည်ဟုရွာသားများက ပြောသည်။ ပုလောမြို့နယ်ထဲက ရှပ်ပုံကျေးရွာအုပ်စု အတွင်းရှိ ဆီတောင်ကျေးရွာဘက်သို့ ဇူလိုင်လ ၁၄ ရက်နေ့၊ ညနေ ၄ နာရီခွဲ အချိန်ခန့်က ဒရုန်းဖြင့် ဗုံးသီးချ တိုက်ခိုက်ခဲ့ပြီးနောက် ဝါးတန်းရပ်ကွက်ကိုလည်း လက်နက်ကြီးဖြင့် ပစ်ခတ်ခဲ့သည်။ ပုလောမြို့နယ် ပြည်သူ့အုပ်ချုပ်ရေးအဖွဲ့ (ပအဖ) တာဝန်ရှိသူ တစ်ဦးက “ဆီတောင်ရွာဘက်ကို ဒရုန်းနဲ့ ဗုံးသီးချ လိုက်လို့ အဖွားတစ်ယောက် ထိခိုက်ဒဏ်ရာရသွားတယ်။ စစ်ကောင်စီက ညနေ ၅ နာရီလောက်မှာ ရှပ်ပုံ ဝါးတန်းကို လက်နက်ကြီး နှစ်လုံးပစ်လိုက်တာ ယောက်ကျားလေး တစ်ယောက် သေဆုံးပြီး မိန်းကလေး နှစ်ယောက် ထိခိုက်ဒဏ်ရာရခဲ့သေးတယ်” ဟု ပြောသည်။ ဇူလိုင်လ ၁၃ ရက်နေ့တွင်လည်း စစ်ကောင်စီတပ်၏ ဒရုန်းဖြင့် ဗုံးကြဲတိုက်ခိုက်မှုများကြောင့် ပုလောမြို့နယ်၊ ရှပ်ပုံကျေးရွာအုပ်စုအတွင်းရှိ အထဲစုရပ်ကွက်မှ အသက် ၄၀ ခန့်အရွယ် အမျိုးသားတစ်ဦး ဒဏ်ရာရရှိခဲ့ကာ ပုလော ဆေးရုံ၌ တင်ထားရသည်ဟု ရွာသားတစ်ဦးက ပြောသည်။ အလားတူ ဇူလိုင်လ ၁၂ ရက်နေ့ကလည်း ဒရုန်းဖြင့် ဗုံးသီးချ တိုက်ခိုက်မှုများနှင့် လက်နက်ကြီး ပစ်ခတ်မှုများထဲ ပြည်သူ့ကာကွယ်ရေး တပ်မတော်၊ မြိတ်ခရိုင် တပ်ရင်း (၁) က PDF တပ်ဖွဲ့ဝင်တစ်ဦး ဗုံးသီး ထိမှန်ပြီး သေဆုံးခဲ့သည်။ ရှပ်ပုံကျေးရွာအနီးတွင် စစ်ကောင်စီတပ်ဖွဲ့မှ အင်အား ဖြည့်တင်းထားသည့်အပြင် ပြည်သူ့ကာကွယ်ရေး ပူးပေါင်းတပ်များ ဘက်မှလည်း အသင့်ပြင်ဆင်ထားသဖြင့် နှစ်ဘက်ကြား စစ်ရေးတင်းမာနေသည့် အခြေအနေတွင်ရှိသည်ဟု ရွာသားများက ဆိုသည်။ ရှပ်ပုံကျေးရွာ အနီးဝန်းကျင်တွင် စစ်ကောင်စီ စစ်ကြောင်းရှိနေကာ ဒရုန်းဖြင့် ဗုံးသီးချ တိုက်ခိုက်မှုများ ဆက် တိုက်ပြုလုပ်နေသဖြင့် ရွာသားအများစုမှာ ဘေးလွတ်ရာသို့ ထွက်ပြေး တိမ်းရှောင်နေကြပြီး အနည်းငယ်သာ ကျေးရွာ၌ ကျန်ရှိနေသည်။ ထွက်ပြေး တိမ်းရှောင်နေရသည့် ရွာသားများမှာ လတ်တလောတွင် အစားအသောက်၊ ဆေးဝါးများနှင့် အမိုးအ ကာများလာ်း လိုအပ်ကြသည်ဟု ရွာသားတစ်ဦးက ဆိုသည်။ ရှပ်ပုံကျေးရွာနှင့် အနီးဝန်းကျင်တွင် တိုက်ပွဲများဖြစ်ပွားလာချိန်၌ ရွာသားများမှာ ဘေးလွှတ်ရာသို့ တိမ်းရှောင် လေ့ရှိကြပြီး တိုက်ပွဲများ ငြိမ်သက်သွားမှသာ ကျေးရွာအတွင်း ပြန်လာ နေထိုင်လေ့ရှိကြကြောင်း ဆိုကြသည်။ ဓါတ်ပုံ - ပုံဟောင်း (ရှပ်ပုံကျေးရွာအား စစ်တပ်မှ မီးရှို့ခဲ့သည့်ပုံ)

စစ်ကောင်စီ ဒရုန်းကြောင့် PDF တစ်ဦး အပါအဝင် အရပ်သားများ ထိခိုက်သေဆုံး

Jul 16

ဖားကန့်အား နေ့စဉ်ရက်ဆက် ဗုံးကြဲနေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။ ကချင်ပြည်၊ ဖားကန့်မြို့နယ်အား စစ်ကောင်စီတပ်က ယခုရက်ပိုင်းအတွင်း လေကြောင်းမှ ဗုံးကြဲတိုက်ခိုက်မှုများ ဆက်တိုက်လုပ်နေသည်ဟု မြို့ခံများက ပြောသည်။ တိုက်ပွဲများ၊ စစ်ရေးပဋိပက္ခများ ဆက်ဖြစ်နေသော ဖားကန့်ဒေသတွင်း၌ လေကြောင်း တိုက်ခိုက်မှုများ အပြင် မြေပြင်တွင်လည်း တိုက်ပွဲများ ဆက်ဖြစ်နေသည်။ ဒေသခံ အမျိုးသားတစ်ဦးက “လမောင်ကုန်းနဲ့ မော်မောင်းကုန်းကို ဒီနေ့ မနက် ၁၁ နာရီခွဲကျော် ၁၁း၄၀ လောက်မှာ လေယာဉ်နဲ့ လာပြီး ဗုံးကြဲသွားတာပါ။ လာပစ်တာက ဂျက်ဖိုက်တာနဲ့ဗျ။ မော်မောင်းလျှံရွာ ဘုန်း ကြီးကျောင်းနဲ့ ကုမ္ပဏီကြားကို နှစ်ကြိမ်ပစ်သွားတာပါ” ဟု ဇူလိုင်လ ၁၅ ရက်နေ့ လေကြောင်း တိုက်ခိုက်မှုနှင့် ပတ်သက်၍ ပြောသည်။ အရပ်သား ဖမ်းဆီးခံရမှုများနှင့် ပစ်သတ်ခံရသည့် အခြေအနေများလည်း ဆက်ရှိနေသည်ဟု ဒေသခံများက ပြောသည်။ အလားတူ ဖားကန့် လေကြောင်း တိုက်ခိုက်ခံရမှုထဲ ဇူလိုင်လ ၁၃ ရက်နေ့တွင် မော်မောင်းကုန်းကျေးရွာ စာသင် ကျောင်း ထိမှန် ပျက်ဆီးသွားခဲ့သေးသည်ဟု ဆိုကြသည်။ ဖားကန့် ဒေသခံ အမျိုးသမီးတစ်ဦးက “ဒီနေ့လည်း ကျမတို့ ထွက်ပြေးနေရတာ ဟုတ်တယ်။ အော် ဟိုး ဒီမော် မောင်းကုန်းရွာ ကျောင်းလား အဲ့ဒါက ၁၃ ရက်နေ့ လေယာဉ်နဲ့ လာပစ်သွားတာ။ အထက (ခွဲ) ပေါ့။ ကျောင်း ဆောင်တွေ အမိုးတွေ ပျက်ကုန်တယ်။ အားလုံးက သတိနဲ့ နေပေမယ့် သူတို့က ရွာတွေမှာ တော်လှန်ရေး အဖွဲ့ တွေ ရှိတယ်ထင်ပြီး လာကြဲတာလို့ ပြောနေကြတာတော့ ရှိတယ်” ဟု ပြောသည်။ ထို့အပြင် ဖားကန့်မြို့နယ်ထဲက မှော်ဝမ်းလေး၊ မော်မောင်းလယန်၊ အင်မားယန်နှင့် ရှရော်ခ ညောင်ပင်ကုန်း ကျေးရွာများ အနီးဝန်းကျင်၌လည်း စစ်ကောင်စီတပ်နှင့် ကချင်လွတ်လပ်ရေး တပ်မတော် KIA ပူးပေါင်းအဖွဲ့တို့ ကြား တိုက်ပွဲများ ဆက်ဖြစ်နေသည်။ အဆိုပါ ဖားကန့်ဒေသခံ အမျိုးသမီးက “အေး တိုက်ပွဲလည်း နေ့တိုင်းလိုလို ဖြစ်တယ်။ အသံက နေ့တိုင်းကြားရ တယ်။ ဒီတစ်ရက် နှစ်ရက်က ပိုအသံကြားရတယ်။ လမ်းတွေကလည်း တချို့နေရာတွေက ပိတ်ထားတော့ မြစ် ကြီးနားဘက် ပြေးဖို့ကလည်း အဆင်မပြေသေးဘူး။ ဖားကန့်ထဲမှာပဲ ပတ်ပြီး ရှောင်နေတာမျိုး ဟုတ်တယ်” ဟု ပြောသည်။ မြေပြင် စစ်ရေး သတင်း အရင်းအမြစ်တစ်ဦး၏ အတည်ပြုပြောဆိုချက်အရ အင်းတော်ကြီး - ဖားကန့် လမ်းပိုင်းတွင် ဇူလိုင်လ ၁၅ ရက်နေ့၌ တိုက်ပွဲများ ပြင်းထန်နေသည်ဟု သိရသည်။ စစ်ကောင်စီတပ်သည် ဖားကန့်ဗျူဟာကုန်း အတွက် အရေးပါသည့် လမောင်ကုန်းနှင့် မော်မောင်းကုန်းကို ပြန်လည် ရရှိရေး ယခုရက်ပိုင်းတွင် လေကြောင်း၊ ဒရုန်း အပြင် လက်နက်ကြီး ပစ်ကူများဖြင့် ဆက်တိုက် ထိုးစစ်ဆင်နေခြင်း ဖြစ်သည်။ တိုက်ပွဲများ၊ လေကြောင်းမှ တိုက်ခိုက်မှုများအပြင် လက်သည်မပေါ်သည့် ပစ်သတ်ခံရမှုများလည်း ဇူလိုင်လ ဒုတိယပတ်ထိ ရှိခဲ့သည်။ ဇူလိုင်လ ၁၂ ရက်နေ့က အမှိုက်ပုံကျေးရွာ ဥက္ကဋ္ဌဟောင်း ဦးမင်းစိုးဦး နှင့် ဂွေခါ အုပ်ချုပ်ရေးမှူး ဦးဘရန်မွန်းတို့ နှစ်ဦးလည်း ပစ်သတ်ခံလိုက်ရသည်။ ဓါတ်ပုံ - ပုံဟောင်း

ဖားကန့်အား နေ့စဉ်ရက်ဆက် ဗုံးကြဲနေ

Jul 16

မန္တလေး-မြစ်ကြီးနား လမ်း ၆ ရက် ခရီးသွားနေရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။ ကချင်ပြည်၏ အဓိက ကုန်စည်စီးဆင်းရာ လမ်းကြောင်းဖြစ်သော မန္တလေး - မြစ်ကြီးနား လမ်းပိုင်းများ ပျက်စီးနေသဖြင့် ၅ ညအိပ် ၆ ရက်ခရီးအထိ အချိန်ကြာမြင့်လာသည် ဟု ကားသမားများနှင့် ခရီးသွားများက ပြောသည်။ အဆိုပါ လမ်းမကြီးကို စစ်ကောင်စီတပ်က ပိတ်ထားသဖြင့် ကားများမှာ မြေသားတောလမ်းမှ သွားနေရသဖြင့် မိုးရွာသည့် အချိန်တိုင်း၌ ယာဥ်တန်း ရာကြီးပိုင်းခန့် အထိ ပိတ်မိ လေ့ရှိသည်ဟု ကားသမားနှင့် ခရီးသွားများ က ဆိုသည်။ ကားသမားတစ်ဦးက “မိုးတွင်းဆိုတော့ ကား အသွားအလာကလည်း ပြန်များတော့ မြေတွေက ပျော့တော့ ကား အကြီးတွေ သွားရင် ချိုင့်တွေ ဖြစ်သွားတာ။ ကားအကြီးတွေက မရုန်းနိုင်ဘဲ ပိတ်နေတာတို့ ဆိုရင် ကြာသွား ရော။ အဲ့ကား ပြန်ထွက်ပြီ ဆိုရင်တောင် နောက်မှာ တန်းစီနေတဲ့ ယာဥ်တန်းက မနည်းဘူး။ ပြောမယ် ဆိုရင် တော့ လမ်းမကောင်းတော့ ကားပိတ်တာပေါ့။ ဥပမာ စပိတ်တာကို ကြုံတဲ့ကားကတော့ ပိတ်တာက ၃ ရက်၊ သွားတာက ၂ ရက်ဆိုတော့ ၅ ညလောက် အိပ်ပြီး ၆ ရက်လောက် သွားနေရတာ” ဟု ပြောသည်။ မိုင် ၄၀ ကျော် ရှည်လျားသော အဆိုပါ တောလမ်းကို အသုံးပြုသွားလာနေရသည်မှာ ပြီးခဲ့သည့် ၂၀၂၄ ခုနှစ် အင်းတော်မြို့သိမ်း တိုက်ပွဲ စတင်ချိန်မှ ယနေ့အချိန်ထိ ဖြစ်သည်။ ယခုနှစ် ဧပြီလ ၇ ရက်နေ့က အင်းတော်မြို့ကို ကာကွယ်ရေး ပူးပေါင်းတပ်တို့က အပြီးသတ် သိမ်းပိုက်လိုက်ပြီးချိန် တွင် တိုက်ပွဲကြောင့် ပိတ်ထားသည့် ကားလမ်းမ လမ်းပိုင်းအချို့ကို ကာကွယ်ရေး ပူးပေါင်းတပ်ဖွဲ့ ဘက်က ပြန်ဖွင့် ပေးခဲ့သည်။ သို့သော့် ကန့်ဘလူမြို့နယ် တစ်ဝိုက်အား ထိန်းချုပ်ထားဆဲ ဖြစ်သည့် စစ်ကောင်စီတပ်က ၎င်းတို့ ထိန်းချုပ်ထား သည့် နေရာမှ စ၍ လမ်းအား ပြန်ပိတ်ခဲ့သဖြင့် ခရီးသွားများနှင့် ကားသမားများမှာ တောလမ်းကို ယနေ့အချိန်ထိ အသုံးပြုနေရဆဲ ဖြစ်သည်။ စစ်ကိုင်းနှင့် ကချင်အစပ်မှ ကာကွယ်ရေးတပ်ဖွဲ့ဝင် တစ်ဦးက “ကန့်ဘလူက စံပါယ်နံ့သာက မြစ်ကြီးနား - မန္တလေး ခရီးတစ်ထောက်နားတဲ့ နေရာကို စစ်တပ်က ပိတ်ချလိုက် ပြီး ပေးမဖြတ်‌တော့ အဲ့ဒီရွာကို ကွင်းရတာ။ ကွင်းတဲ့လမ်းက မိုင် ၄၀ ကျော် ရှိတယ်။ အဲ့ဒီလမ်းက မိုးရွာရင်လစ် ပြီ။ မြေသားလမ်း မြေစေးတွေဆိုတော့ မိုးရွာရင်သွားပြီ” ဟု လမ်းပိုင်းအခြေအနေကို ရှင်းပြသည်။ ယခုရက်ပိုင်း အတွင်း မန္တလေး - မြစ်ကြီးနား လမ်းပိုင်း၌ ယာဥ် ထောင်နှင့်ချီ ပိတ်မိနေဆဲ ဖြစ်ပြီး မိုးဆက် တိုက် ရွာသွန်းနေဆဲ ဖြစ်သဖြင့် အရေးပေါ်ကိစ္စ မရှိလျှင် ခရီးမထွက်ကြဖို့ ကားသမားများက တိုက်တွန်းထားသည်။ လမ်းခရီး ကြန့်ကြာနေမှုများကြောင့် မန္တလေးမှ သယ်ယူလာသည့် သားငါးနှင့် ကုန်စိမ်း များမှာ ပုပ်သိုး ပျက်စီးကုန်သည်ဟု ကားသမားများက ပြောသည်။ ထို့အပြင် တရုတ်နှင့် ကချင်အစပ်က နယ်စပ်ဒေသ တိုက်ပွဲများကြောင့် တရုတ်ပြည်မှ ကုန်စည် အဝင်လည်း မရှိတော့သည့် အတွက် ကချင်ပြည် တစ်ဝှမ်း ကုန်ဈေးနှုန်းများ ဆက်တိုက် မြင့်တက်နေသည်။ မြို့တော် မြစ်ကြီးနားတွင် ဝက်သား တစ်ပိဿာကို ကျပ် ၅သောင်းနှုန်းထိ ပေးဝယ်နေရသည်မှာ တစ်နှစ်ပြည့် တော့မည်ဟု ဒေသခံများက ဆိုသည်။ ဓာတ်ပုံ (မန္တလေး - မြစ်ကြီးနား လမ်းပိုင်းက ပေကြီးကွင်း လမ်းနေရာအချို့)

မန္တလေး-မြစ်ကြီးနား လမ်း ၆ ရက် ခရီးသွားနေရ

« Prev 1 … 140 141 142 143 144 … 1,048 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

တရုတ်ခရီးသွား လျော့နည်းသော်လည်း ဂျပန်ခရီးသွားလုပ်ငန်း စံချိန်တင်တိုးတက်
မော်စကိုနှင့် ရုရှားအနှံ့ ယူကရိန်းက ဒရုန်းစစ်ဆင်ရေး ဆင်နွှဲ
အီရန်က UAE နျူကလီးယားစက်ရုံကို ဒရုန်းဖြင့် တိုက်ခိုက်
ဒေါ်နယ်ထရန့်ကို ရှီကျင့်ဖျင် ကော်ဇောနီဖြင့် ကြိုဆို
ထိုင်းနိုင်ငံတွင် အရက် သောက်သုံးရောင်းချမှု အပေါ် ထပ်မံတင်းကြပ်

Archives

Archives

×Close