NMG Doh – Page 159 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

May 13

လူထုကို ကာကွယ်ရန် ပြည်ထောင်စု တပ်မတော် ပေါ်ပေါက်ရေး KNDF ကြိုးပမ်းမည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၃ ရက်။ တစ်နိုင်ငံလုံးရှိ ပြည်သူလူထုများကို အကာအကွယ်ပေးနိုင်သည့် ပြည်ထောင်စု ကာကွယ်ရေးတပ် တရပ်ပေါ် ပေါက်ရေးကို ကြိုးပမ်းကြမည်ဟု ကရင်နီအမျိုးသားများ ကာကွယ်ရေးတပ် KNDF က ပြောဆိုလိုက်သည်။ မေလ ၁၂ ရက်နေ့ (ယမန်နေ့) နံနက် ၁၀ နာရီက စစ်ကိုင်းတိုင်း ဒီပဲယင်းမြို့နယ်၊ အိုးတိမ်းတွင်းကျေးရွာ စာသင် ကျောင်းကို စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့ရာ ဆရာမ ၂ ဦး၊ ကလေးသူငယ် ၂၀ ဦး ပွဲချင်း ပြီး သေဆုံးပြီး ၄၀ ကျော် ထိခိုက်ဒဏ်ရာ ရရှိခဲ့သည့်အပေါ် KNDF က ၎င်းတို့၏ သဘောထား ထုတ်ပြန်ချက်ထဲ တွင် ထိုသို့ ထည့်သွင်းပြောဆိုထားသည်။ KNDF က “မိမိတို့ တော်လှန်ရေးတပ်ဖွဲ့များအနေဖြင့် မြန်မာတနိုင်ငံလုံးရှိ တောလှန်ရေး ကာကွယ်ရေးတပ် များ နှင့်အတူ အရပ်သားပြည်သူနှင့် ကလေးသူငယ်များကို ကာကွယ်စောင့်ရှောက်သော အနာဂတ် ပြည် ထောင်စု ကာကွယ်ရေးတပ် တရပ်ပေါ်ပေါက်ရေးကို ကြိုးပမ်းကြရမည်ဟု တိုက်တွန်းသည်” ဟု မေလ ၁၃ ရက် (ယနေ့) ထုတ်ပြန်ချက်ထဲတွင် ပြောဆိုထားသည်။ စစ်ကောင်စီတပ်၏ ပြည်သူလူထုအပေါ် ပစ်မှတ်ထား တိုက်ခိုက်မှုများကို ပိုမိုကာကွယ်နိုင်ရန်အတွက် ပြည် ထောင်စုတပ် တရပ် ပေါ်ပေါက်လာအောင်ကြိုးစားကြရမည်ဟု KNDF က ၎င်းတို့၏ သဘောထားကို ထုတ်ပြန် ချက်ထဲတွင် ဖော်ပြထားသည်။ ပြည်ထောင်စု ကာကွယ်ရေးတပ် တရပ်ပေါ်ပေါက်ရေးကို လုပ်ဆောင်နိုင်ရန်ကြိုးပမ်းကြရမည့် အခြားတစ် ဖက်တွင် စစ်ကောင်စီ၏ လုပ်ရပ်များကို မသိကျေးကျွန်ပြုပြီး စစ်ကောင်စီ၏ အင်အားကို အထောက်အကူ ပြုနေသည့် မည်သည့်အဖွဲ့အစည်းကိုမဆို ၎င်းတို့ကျူးလွန်မှုများနှင့်အတူ ထပ်တူတာဝန်ရှိကြောင်း ပြောကြား လိုပါသည်ဟု KNDF က ပြောသည်။ ထို့အပြင် စစ်ကောင်စီတပ်သည် အပစ်ခတ်ရပ်စဲရေး ကာလများ ထုတ်ပြန်ထားသော်လည်း နိုင်ငံအတွင်းရှိ နေရာအနှံ့အပြားကို နေ့စဉ်ရက်ဆက် အရပ်သား ပြည်သူများနေရာတွင် ပစ်မှတ်ထားပြီး နည်းမျိုးစုံ တိုက်ခိုက်ကျူးလွန် သတ်ဖြတ်နေသည်ကို အရေးယူရေးနှင့် စစ်လက်နက် ပစ္စည်းအထောက်အပံ့ တားဆီး ရေးများ စသည်တို့ကို ဝိုင်ဝန်းကြိုးပမ်း ဆောင်ရွက်ပေးရန် ထပ်မံတိုက်တွန်းသည်ဟု ဆိုသည်။ စစ်ကောင်စီတပ်က ပြည်သူများအပေါ် ကျူးလွန်နေမှုများ အားလုံးကို စစ်ရာဇဝတ် ကျူးလွန်မှု ဖြစ်ရပ် သက်သေများအဖြစ် သိမ်းဆည်းထားပြီး ကျူးလွန်သူများအားလုံးကို ပြင်းထန်စွာ အရေးယူနိုင်ရန်အတွက် ကရင်နီအမျိုးသားများ ကာကွယ်ရေးတပ် KNDF အနေဖြင့် ဆက်လက်ပူးပေါင်းဆောင်ရွက်သွားမည်ဖြစ်သည်ဟု ပြောသည်။

လူထုကို ကာကွယ်ရန် ပြည်ထောင်စု တပ်မတော် ပေါ်ပေါက်ရေး KNDF ကြိုးပမ်းမည်

May 13

တနင်္သာရီတိုင်းအတွင်း စစ်ကောင်စီ တပ်စခန်းများ ရှင်းလင်းပြီး လူထု မြှင့်တင်ရေးလုပ်မည်ဟု KNLA ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၃ ရက်။ ပြည်သူများအတွက် အနာဂတ်တွင် ကောင်းမွန်သည့် လူမှုဘဝနှင့် လုံခြုံမှုကို ရရှိရန် တနင်္သာရီတိုင်းထဲတွင် ရှိနေ သည့် စစ်ကောင်စီတပ်များ အားလုံးကို မောင်းထုတ်မည်ဟု ကရင်အမျိုးသား အစည်းအရုံး KNU/KNLA ဒု-စစ်ဦးစီးချုပ် ဒု-ဗိုလ်ချုပ်ကြီး စောဘောကျော်ဟဲ က ပြောသည်။ တနင်္သာရီ ကမ်ပိန်းနှင့် ပတ်သက်ပြီး တိုက်တွန်းအားပေးသည့် ရုပ်သံထဲတွင် ကရင်အမျိုးသား လွတ်မြောက်ရေး တပ်မတော် KNLA ဒုတိယ စစ်ဦးစီးချုပ် ဒုတိယ ဗိုလ်ချုပ်ကြီး စောဘောကျော်ဟဲ က ထည့်သွင်း ပြောဆိုထား သည်။ ၎င်းက “အခုအချိန်ဟာ တနင်္သာရီ တစ်လျှောက်လုံးနဲ့ တပ်မဟာ ၄ နယ်မြေ တစ်ခုလုံးမှာရှိနေတဲ့ နေရာအများစု က ပြည်သူတွေရဲ့ လုံခြုံရေးအတွက်နဲ့ ကျနော်တို့ နယ်မြေထဲမှာရှိတဲ့ ရန်သူတွေ အားလုံးကို မောင်းထုတ်ရမယ်” ဟု ပြောသည်။ ထို့အပြင် တနင်္သာရီတိုင်းရှိ စစ်ကောင်စီတပ် အားလုံးကို မောင်းထုတ်မှသာ အနာဂတ်တွင် ပြည်သူလူထုအတွက် လုံခြုံစိတ် ချသည့် လူမှု့ဘဝကို ဖန်တီးနိုင်မည်ဟု ဆက်ပြောသည်။ ဒုတိယ ဗိုလ်ချုပ်ကြီး စောဘောကျော်ဟဲ က “ပြီးတော့ ကျနော်တို့ လူမျိုးအတွက် စစ်မှန်ပြီး မှန်ကန်တဲ့ အုပ်ချုပ်ရေး စနစ်ကို တည်ဆောက်ရမယ်။ အနာဂတ်မှာ တခြားလူမျိုးတွေနဲ့အတူ အသက်ရှင်နေထိုင်ဖို့ အတွက်နဲ့ ကျနော်တို့ လူမျိုးတွေရဲ့ ပြီးပြည့်စုံတဲ့ လူမှုဘဝနေထိုင်မှု ရရှိဖို့အတွက် တနင်္သာရီ ကမ်ပိန်းမှာ လိုအပ်နေတဲ့ အထောက်အပံ့တွေကို တနင်္သာရီ တိုင်းဒေသကြီး အတွင်းမှာရှိတဲ့ ကျနော်တို့ လူမျိုးတွေအပြင် အခြေားသော နေရာဒေသတွေမှာရှိတဲ့ ကျနော်တို့ လူမျိုးတွေအားလုံး ပူးပေါင်းပါဝင် အင်အားဖြည့်ကြဖို့ တိုက်တွန်းနှိုးဆော်ချင်ပါတယ်” ဟု ပြောသည်။ အဆိုပါ ပြောဆိုမှုကို တနင်္သာရီ ကမ်ပိန်းက ရုပ်သံနှင့် မေလ ၁၂ ရက်နေ့ (ယမန်နေ့) ထုတ်ပြန်ထားသည်။ တနင်္သာရီ ကမ်ပိန်း ဥက္ကဋ္ဌ စောနေထူးကလည်း တနင်္သာရီ ကမ်ပိန်း ပြုလုပ်ရသည့် ရည်ရွယ်ချက်ကို ယခုကဲ့သို့ ပြောသည်။ စောနေထူးက “ဒီဒေသကြီးသည် ကရင့်တော်လှန်ရေးအတွက် လူသားအရင်းမြစ်များအား ပြန်လည် စုဆောင်းဖြည့်တင်းရန်အတွက် အခြေခံ မြေခံ ကောင်းခြင်း၊ တနင်္သာရီတိုင်းရှိ ပြည်သူများရဲ့ အာဏာရှင် ကျရှုံးခြင်းနဲ့ ငြိမ်းချမ်းတည်ငြိမ်သော လူ့အဖွဲ့အစည်းကို တည်ဆောက်လိုသည့် သဘောထားသည်လည်း မိမိတို့ ကရင်တော်လှန်ရေးလမ်းစဉ်နဲ့ ကိုက်ညီခြင်း ရန်သူ၏ စီးပွားရေး ကုန်သွယ်ခြင်းနဲ့ ရင်းနှီးမြုပ်နှံမှုကို ရိုက်ချိုးနိုင်ခြင်းဖြင့် ပြည်ပမဟာ အင်အားကြီး နိုင်ငံများရဲ့ ဝင်ရောက်စွတ်ဖက်မှုကို ဟန့်တားနိုင်စေရန်အတွက် ဒီကမ်ပိန်းကို ကျနော်တို့ လုပ်ဆောင်ရခြင်းဖြစ်ပါတယ်” ဟု ပြောသည်။ ထို့အပြင် အကြောက်တရားများနှင့် ရင်ဆိုင်နေရသည့် ပြည်သူများကို အကာအကွယ်ပေးရန်၊ တည်ငြိမ်ရေးနှင့် ကောင်းမွန်သော အုပ်ချုပ်ရေးကို ပြန်လည် တည်ဆောက်ရန်နှင့် အာဏာရှင်ကို တနင်္သာရီတိုင်း ဒေသကြီးကနေ တွန်းထုတ်ရန်ဖြစ်သည်ဟု ဆိုသည်။ လက်ရှိ တနင်္သာရီတိုင်းဒေသကြီးထဲတွင် စစ်ကောင်စီတပ်၏ စစ်ရေးလှုပ်ရှားမှုများကြောင့် ဒေသခံ ပြည်သူများ ၏ ကျေးရွာများနှင့် အိုးအိမ်များ ပျက်စီးရှုံးဆုံးမှုများ ရှိနေသည့်အပြင် လူဦးရေ တစ်သိန်းကျော်သည် လည်း ၎င်းတို့၏ နေရပ်ကို စွန့်ပြီး စစ်ဘေးရှောင်နေရသည်ဟု စောနေထူးက ပြောသည်။ ၂၀၂၅ ခုနှစ်က စပြီး စစ်ကောင်စီတပ်သည် တနင်္သာရီတိုင်းထဲတွင် စစ်ရေး လှုပ်ရှားမှုများကို ပိုမိုတိုးမြှင့် လုပ် ဆောင်လာသည်သာမက နယ်စပ်ဒေသရှိ စီးပွားရေး၊ ကုန်သွယ်ရေး လုပ်ငန်းများကို ပြန်လည်လုပ်ဆောင်နိုင် ရန်အတွက် ကုန်သွယ်ရေးလမ်းမများကို သိမ်းပိုက်ရန် ကြိုးစားလာသည်ဟု ဆိုသည်။ စစ်ကောင်စီတပ်ကို တနင်္သာရီတိုင်းဒေသကြီး တစ်ခုလုံးကနေ မောင်းထုတ်မည့် တနင်္သာရီ ကမ်းပိန်ကို မေလ ၁ ရက်နေ့မှ ဇွန်လ ၁၅ ရက်နေ့အထိ ပြုလုပ်သွားမည်ဖြစ်ပြီး ထိုကမ်ပိန်းမှ ဘတ် သုံးသန်း ရရှိရန် မျှော်မှန်းထား သည်ဟု စောနေထူးက ပြောသည်။

တနင်္သာရီတိုင်းအတွင်း စစ်ကောင်စီ တပ်စခန်းများ ရှင်းလင်းပြီး လူထု မြှင့်တင်ရေးလုပ်မည်ဟု KNLA ပြော

May 13

ပညာသင် ကလေးများ လုံခြုံရေးအတွက် နိုင်ငံတကာက ပံ့ပိုးရန် NUG တောင်းဆို

May 12

ဧပြီလအတွင်း စစ်ကောင်စီကြောင့် အမျိုးသမီး ၇၀ ကျော် သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။ တစ်နိုင်ငံလုံး အတိုင်းအတာဖြင့် စစ်ကောင်စီတပ်၏ အကြမ်းဖက်မှုကြောင့် ဧပြီလထဲ၌ အသက် ၁၈ နှစ်အောက် အမျိုးသမီးငယ် ၁၃ ဦး အပါအဝင် အမျိုးသမီးစုစုပေါင်း ၇၁ ဦး သေဆုံးခဲ့ရသည်ဟု မြန်မာ့အမျိုးသမီးသမဂ္ဂ (BWU) က ပြောသည်။ သေဆုံးသူများထဲ စစ်ကိုင်းတိုင်းက အများဆုံးဖြစ်ပြီး စစ်ကောင်စီတပ်၏ လေကြောင်း တိုက်ခိုက်မှုများကြောင့် အများဆုံး သေဆုံးရခြင်း ဖြစ်သည်ဟု BWU တွဲဖက်အထွေထွေ အတွင်းရေးမှူး- ၁ မဝေဝေလှိုင် က ပြောသည်။ “အကြမ်းဖက်စစ်တပ်က စစ်ကိုင်းတိုင်းထဲကို ပိုပြီးတော့မှ လေကြောင်းတိုက်ခိုက်မှုကို ဦးတည် လုပ်လာတာ ကြောင့် ဖြစ်တယ်။ ပြီးခဲ့တဲ့ မတ်လ ၂၈ ရက်နေ့က လှုပ်ခတ်ခဲ့တဲ့ စစ်ကိုင်းငလျင်ကြောင့် အရပ်သားပြည်သူတွေ ဟာ ထိခိုက်နစ်နာဆုံးရှုံးမှုတွေ အများကြီးဖြစ်နေတယ်။ အဲ့ဒီအချိန်မှာ စစ်အုပ်စုက အပစ်ခတ်ရပ်စဲရေး ကြေ ညာထားသော်လည်းပဲ သူတို့စကားကိုမတည်ပဲ အရပ်သားပြည်သူကို ပစ်မှတ်ထားတာ အထူးသဖြင့် စစ်ကိုင်း တိုင်းကို ပစ်မှတ်ထား လေကြောင်းတိုက်ခိုက်မှုတွေ လုပ်ဆောင်ခဲ့တာကြောင့် ဖြစ်တယ်။” ဧပြီလ တစ်လထဲ၌ပင် စစ်ကောင်စီ၏ လေကြောင်းနှင့် ဗုံးကြဲတိုက်ခိုက်မှုကြောင့် အမျိုးသမီး ၅၉ ဦး၊ လက်နက် ကြီး ပစ်ခတ်မှုကြောင့် ၇ ဦးနှင့် သတ်ဖြတ်ခံရမှုကြောင့် ၅ ဦး သေဆုံးခဲ့တယ်လို့ BWU က ထုတ်ပြန်သည်။ အမျိုးသမီး ၇၁ ဦးထဲတွင် အသက် ၁၈ နှစ်အောက် အမျိုးသမီးငယ် ၁၃ ဦး ပါဝင်သည်ဟု BWU တာဝန်ရှိသူက ဆိုသည်။ မဝေဝေလှိုင်က “အကြမ်းဖက် စစ်အုပ်စုဟာ သူတို့ရဲ့ အာဏာတည်မြဲရေးအတွက်ဆိုရင် ဘယ်သူ့ကိုမှ ဘယ်လို အခြေအနေမှာမှ မငှဲ့ညာပဲ ရက်ရက်စက်စက် သတ်ဖြတ်တဲ့စစ်အုပ်စုဖြစ်တယ်လို့ မှတ်ချက်ပေးချင်ပါတယ်” ဟု ပြောသည်။ လေကြောင်း တိုက်ခိုက်မှုကြောင့် အမျိုးသမီး ၄၀ ဦး၊ လက်နက်ကြီးပစ်ခတ်မှုကြောင့် ၅ ဦး၊ မြေမြှုပ်မိုင်းကြောင့် ၄ ဦးနှင့် အာရက္ခတပ်တော် AA တပ်ဖွဲ့ဝင်က မုဒိမ်းပြုကျင့်မှုကြောင့် ၁ ဦး စုစုပေါင်း အမျိုးသမီး အယောက် ၅၀ ထိခိုက်ဒဏ်ရာရရှိခဲ့သည်ဟု BWU က ဆိုသည်။ ထို့အပြင် သဘာဝဘေး အန္တရာယ်ကြုံနေရသည့် ပြည်သူများကို ပစ်မှတ်ထားပြီး စစ်ကောင်စီတပ်က လေကြောင်း တိုက်ခိုက်မှုများကိုလည်း ယခင်လများကထက် ပိုမိုအသုံးပြု တိုက်ခိုက်ခဲ့သည်ဟု ဆိုသည်။ မြန်မာနိုင်ငံတစ်ဝန်း အမျိုးသမီးသေဆုံးမှု ပိုမိုမြင့်မားလာရခြင်းနှင့် ပတ်သက်၍ မဝေဝေလှိုင်က “အဓိက အကြမ်းဖက် စစ်အုပ်စုက လေကြောင်းတိုက်ခိုက်မှုတွေကို ပိုမိုပြီးတော့ လုပ်ဆောင်လာတာကြောင့်ဖြစ်တယ်။ အဲ့ဒါအပြင် ပဋိပက္ခနဲ့ဆက်နွယ်တဲ့ လိင်ပိုင်းဆိုင်ရာအကြမ်းဖက်တွေ ကျူးလွန်နေတဲ့ခါကြလို့ရှိရင် ကျူးလွန်နေ တဲ့ သူတွေက လက်နက်ကိုင်ထားတဲ့သူတွေက ပိုများတယ်။ လက်နက်ကိုင်ထားတဲ့သူတွေက သူတို့ကျူးလွန်တဲ့ ပဋိပက္ခနဲ့ဆက်နွယ်တဲ့ လိင်ပိုင်းဆိုင်ရာ အကြမ်းဖက်တွေ မုဒိမ်းမှုတွေ ကျူးလွန်ပြီးတဲ့ခါကြလို့ရှိရင် နှုတ်ပိတ်တဲ့ အနေနဲ့ ပစ်သတ်တာ နှုတ်ပိတ်တာတွေကြောင့်လို့မြင်တယ်” ဟု မှတ်ချက်ပြု ပြောဆိုသည်။ ဧပြီလအတွင်း သေဆုံးခဲ့ရသည့် အမျိုးသမီးများမှာ စစ်ကိုင်းတိုင်းဒေသကြီးက ၃၀ ဦး၊ မန္တလေးတိုင်းဒေသကြီး ထဲတွင် ၁၄ ဦး၊ ပဲခူးတိုင်းဒေသကြီးထဲက ၅ ဦး၊ မကွေးတိုင်းဒေသကြီးက ၄ ဦး၊ ချင်းပြည်က ၄ ဦး၊ ရခိုင်ပြည်က ၄ ဦး၊ ကရင်ပြည်က ၄ ဦး၊ ကရင်နီပြည်က ၃ ဦး၊ မွန်ပြည်က ၂ ဦးနှင့် ရှမ်းပြည်က ၁ ဦးတို့ ဖြစ်ကြသည်။ မြန်မာ့အမျိုးသမီးသမဂ္ဂ BWU အနေဖြင့် အမျိုးသမီးများ သေဆုံးရသည့် အခြေအနေ၊ အကြမ်းဖက်ခံရသည့် ဖြစ်စဉ်များကို နေ့စဉ်စာရင်းကောက်ယူနေပြီး နစ်နာသူများအတွက် တရားမျှတမှု တစ်စုံတစ်ရာ ဖော်ဆောင်ပေး နိုင်ရေးနှင့် ပြစ်မှုကျူးလွန်သူများကို ပြစ်မှုနှင့်အညီ အပြစ်ပေးအရေးယူနိုင်ရေး သက်ဆိုင်ရာ အသီးသီးကို စည်းရုံးတိုက်တွန်းလှုံ့ဆော်မှုများ လုပ်ဆောင်လျှက်ရှိသည်။

ဧပြီလအတွင်း စစ်ကောင်စီကြောင့် အမျိုးသမီး ၇၀ ကျော် သေဆုံး

May 12

ဒီပဲယင်း စာသင်ကျောင်းကို စစ်ကောင်စီ ဗုံးကြဲ၊ ကျောင်းသူ/သား များ သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။ စစ်ကိုင်းတိုင်း၊ ဒီပဲယင်းမြို့နယ်၊ အိုးထိန်းတွင်းကျေးရွာရှိ အလယ်တန်းကျောင်းကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ ကျောင်းသူ/သားများနှင့် ဆရာမ စုစုပေါင်း အယောက် ၂၀ ကျော် သေဆုံးခဲ့ သည်။ မေလ ၁၂ ရက်နေ့၊ နံနက်ပိုင်း ၁၀ နာရီအချိန်ခန့်တွင် အမျိုးသားညီညွတ်ရေး အစိုးရ NUG က ဖွင့်ထားသော ကျေးရွာစာသင်ကျောင်းကို စစ်တပ်က လေကြောင်းမှ ဗုံးကြဲခဲ့ခြင်း ဖြစ်သည်။ မြေပြင်တွင် ကယ်ဆယ်ရေး လုပ်နေသူ တစ်ဦးက “ဒီမနက်မှာ လေယာဉ်နဲ့ လာကြဲသွားတာ ဟုတ်ပါတယ်ဗျာ။ မနက်ကတော့ ကလေးက ၁၃ ယောက်၊ ဆရာမက ၂ ယောက်ပေါ့ဗျာ။ အခု နောက်ဆုံးစာရင်းရတာက ကလေး က အယောက် ၂၀ ရှိသွားပြီ။ ဆရာမကတော့ ၂ ယောက် အားလုံးပေါင်း ၂၂ ယောက်ပါဗျာ” ဟု ပြောသည်။ အိုးထိန်းတွင်းကျေးရွာ စာသင်ကျောင်းအား လေကြောင်း ဗုံးကြဲတိုက်ခိုက်ခံရမှု ဖြစ်စဉ်အတွင်း ထိခိုက်ဒဏ်ရာရ သူ အယောက် ၄၀ ကျော်ရှိသည်ဟု ဒီပဲယင်းမြို့နယ် ပြည်သူ့အုပ်ချုပ်ရေး အဖွဲ့က ထုတ်ပြန်ထားသည်။ အိုးထိန်းတွင်းရွာ အနီးဝန်းကျင်၌ တိုက်ပွဲဖြစ်ပွားခြင်းမရှိကြောင်း၊ စာသင်ကျောင်းကို ပစ်မှတ်ထားကာ ပေါင် ၃၀၀ ဗုံး ၂ လုံး ကြဲတိုက်ခိုက်ခဲ့ခြင်းကြောင့် ကျောင်းသူ/သားများနှင့် ဆရာမ ၂ ဦး သေဆုံးခဲ့ရခြင်း ဖြစ်သည်ဟု မြေပြင် သတင်းအရင်းအမြစ်များက ပြောသည်။ ထိခိုက်ဒဏ်ရာရထားသော ကျောင်းသူ/သားများကို လုံခြုံစိတ်ချရသော နေရာများသို့ ရွှေ့ပြောင်းကာ အရေးပေါ် ဆေးကုသမှု ပေးနေကြသည်ဟု ကူညီကယ်ဆယ်ရေး လုပ်နေသူများက ဆိုသည်။ ထိခိုက်ဒဏ်ရာ ရထားသူများထဲတွင် အသက်အန္တရာယ်စိုးရိမ်ရသည့် သူလည်း အတော်များသောကြောင့် သေဆုံး သူများ ထပ်တိုးလာနိုင်သည်ဟု ဆိုကြသည်။ ဒီပဲယင်းမြို့နယ် ပြည်သူ့အုပ်ချုပ်ရေး အဖွဲ့ တာယန်ရှိသူ တစ်ဦးက “အသက်အရွယ်လေးတွေက ၈ နှစ်ကနေ ၁၇ ကြားပေါ့၊ အဲ့ဒီအရွယ် ကလေးတွေပါတယ်။ အကြီးဆုံး ၁၇ နှစ် ဖြစ်မယ်။ နောက်ပြီး ဆရာမလေး နှစ်ယောက် ကလည်း စေတနာ့ဝန်ထမ်းလို့ ပြောရမယ်။ လုပ်အားပေး ဆရာမလေးတွေပါ။ တော်တော်ဆိုးတယ်ဗျာ။ ကျနော်တို့ ပဇီကြီးတို့၊ လက်ယက်ကုန်းတို့၊ နောက်ပြီး အနမ့်ပါတို့ပြီးရင် ဒါက အဆိုးဆုံး ဖြစ်ရပ်လို့ ပြောလို့ရ တယ်” ဟု ပြောသည်။ ဒီပဲယင်းမြို့နယ် ပြည်သူ့အုပ်ချုပ်ရေး အဖွဲ့၏ ထုတ်ပြန်ချက်အရ ယခုလေကြောင်း တိုက်ခိုက်မှုမှာ လေယာဉ်ဖြင့် စာသင်ကျောင်းပေါ် တည့်တည့်ဗုံးကြဲခဲ့ခြင်း ဖြစ်သည်ဟု ဆိုသည်။ ဒီပဲယင်းမြို့ အနောက်တောင်ဘက်တွင် ရှိသည့် အိုးထိန်းတွင်းကျေးရွာ လေကြောင်း တိုက်ခိုက်ခံရချိန်တွင် စာသင်ကျောင်း၌ စာမေးပွဲဖြေဆိုနေသူ ကျောင်းသူ/သား ၂၈၉ ဦး ရှိနေသည်ဟု ဒီပဲယင်းမြို့နယ် ပြည်သူ့အုပ်ချုပ် ရေး အဖွဲ့ တာယန်ရှိသူ ပြောသည်။ သေဆုံးသူ ဆရာမနှစ်ဦးနှင့် ကျောင်းသူ/သားများ၏ အမည်နှင့် အတန်းစာရင်းကိုလည်း အမျိုးသားညီညွတ်ရေး အစိုးရ NUG က ထုတ်ပြန်ထားသည်။ ယခုလေကြောင်း တိုက်ခိုက်ခံရမှုသည် ဒီပဲယင်းမြို့နယ်အတွင်း ဒုတိယအကြိမ်မြောက် လူသေဆုံးမှု အများဆုံး ဖြစ်ပြီး ၂၀၂၂ ခုနှစ်၊ စက်တင်ဘာလ ၁၆ ရက်နေ့ကလည်း လက်ယက်ကုန်းကျေးရွာ စာသင်ကျောင်း လေကြောင်း တိုက်ခိုက်ခံရမှုကြောင့် ကလေးငယ် ၁၁ ဦး အပါအဝင် အရပ်သား ၁၃ ဦးအထိ သေဆုံးခဲ့သည်။ အလားတူ စစ်ကိုင်းတိုင်း ကန့်ဘလူက ပဇီကြီး လေကြောင်းဗုံးကြဲမှု၊ ဒီပဲယင်းက လက်ယက်ကုန်းကျေးရွာ စာသင်ကျောင်း တိုက်ခိုက်ခံရမှုနှင့် ကချင်ပြည် ဖားကန့်ဒေသမှ အနန့်ပါ ဗုံးကြဲ တိုက်ခိုက်မှု ပြီးလျှင် ယခု အိုးထိန်းတွင်းကျေးရွာ လေကြောင်းတိုက်ခိုက်ခံရမှုမှာ အဆိုးရွားဆုံး ဖြစ်သည်ဟု ဒေသခံများက ဆိုသည်။ ဓာတ်ပုံ - ဒီပဲယင်းမြို့နယ် ပြည်သူ့အုပ်ချုပ်ရေးအဖွဲ့

ဒီပဲယင်း စာသင်ကျောင်းကို စစ်ကောင်စီ ဗုံးကြဲ၊ ကျောင်းသူ/သား များ သေဆုံး

May 12

ချင်းညီနောင်က ကျစ်လစ်တဲ့ တပ်မတော် ဖွဲ့စည်းမည် (အင်တာဗျူး) သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။ ချင်းညီနောင်အဖွဲ့ဝင် တပ်ဖွဲ့များက ပြီးခဲ့သည့် ဧပြီလ ၂၆ ရက်နေ့ ကနေ ၂၉ ရက်နေ့အထိ မြေပြင်အစည်းအဝေး တစ်ခုကို ချင်းပြည်နယ် လွတ်မြောက်နယ်မြေတစ်နေရာတွင် ပြုလုပ်ခဲ့ကြသည်။ အဆိုပါ အစည်းအဝေးကို ချင်းညီနောင် အဖွဲ့ဝင် ၆ ဖွဲ့မှ ကိုယ်စားလှယ် ၃၉ ဦးတက်ရောက်ခဲ့ကြပြီး ထိုအစည်း အဝေးတွင် ချင်း တမျိုးသားလုံးကို အကာအကွယ်ပေးနိုင်သည့် ပိုမိုကျစ်လစ်ခိုင်မာသော တပ်မတော်တစ်ရပ် (Standard Army) အဖြစ် တိုးမြှင့်ဖွဲ့စည်းနိုင်ရန် အခြေခံမူများ ချမှတ်ခဲ့သည် ချင်းညီနောင်အဖွဲ့ CB က မေလ ၁၁ ရက်နေ့ (ယမန်နေ့) က ထုတ်ပြန်ထားသည်။ ထို့အပြင် ချင်းအမျိုးသား စည်းလုံးညီညွတ်ရေးနှင့် အနာဂတ်တွင် ချင်းပြည်သူလူထုတရပ်လုံးကို ကိုယ်စားပြု သည့် ချင်းပြည်အစိုးရ ပေါ်ပေါက်နိုင်ရေးအတွက် တန်းတူညီမျှခြင်း၊တရားမျှတခြင်း၊ ကိုယ့်ကြမ္မာ ကိုယ်ဖန်တီး နိုင်ခြင်း၊ အစရှိသော ဒီမိုကရေစီ စံနှုန်းထားများ ပါဝင်သည့် ချင်းညီနောင်၏ Terms of Reference (ToR) အတိုင်း ဆက်လက် အကောင်အထည်ဖော်ဆောင်ရွက်ရန် သဘောတူခဲ့ကြသည်ဟု ဆိုသည်။ ညီနောင်အဖွဲ့ -CB က ဖွဲ့စည်းမည့် ကျစ်လျစ်ခိုင်မာသည့် တပ်မတော်ဆိုတာဘာလဲ။ ဘယ်လိုပုံစံမျိုးလဲ။ ကျစ်လျစ်ခိုင်မာသည့် တပ်မတော် ဖွဲ့စည်းဖို့အပြင် ရှေ့ဆက်လုပ်ဆောင်မည့် ရှေ့လုပ်ငန်းစဉ်တွေက ဘာလဲ ချင်းညီနောင်အဖွဲ့ - CB ပြောရေးဆိုခွင့်ရှိသူ ဆလိုင်းယောမန် ကို သတင်းနှင့် မီဒီယာ ကွန်ရက်က ဆက်သွယ်မေး မြန်းထားသည်။ မေး - ချင်းညီနောင်အဖွဲ့တွေအနေနဲ့ ဒီ မြေပြင် ဆွေးနွေးပွဲကနေ ဘယ်လို ရှေ့လုပ်ငန်းစဉ်တွေကို ချမှတ်နိုင်ခဲ့ ကြသလဲ။ ဘာတွေ ဆက်လုပ်သွားဖို့ ရှိသလဲ။ ဆလိုင်းယောမန် - ကျနော်တို့ ရှေ့လုပ်ငန်းစဉ်တွေမှာတော့ ကျနော်တို့ ဒီ ချင်းညီနောင် အဖွဲ့တွေ ချင်းညီနောင် ထိန်းချုပ်နယ်မြေတွေ ကနေပေါ့နော စစ်ကောင်စီ လုံးဝကင်းစင်သွားအောင်လို့ ဥပမာတော့ တီးတိန် တစ်မြို့ပဲ ကျန်တော့တာပေါ့ ကျနော်တို့ ဒီ ချင်းညီနောင် အဖွဲ့ဝင် ၆ ဖွဲ့ထဲမှာပေါ့နော စစ်ကောင်စီကင်းစင်ဖို့က တီးတိန် တစ်မြို့ ပဲ ကျန်တော့တယ်။ အဲဒါကို ကျနော်တို့ လုပ်သွားမယ်။ ပြီးတဲ့နောက်မှာမှ တခြားအများကြီး ပါပဲ ဆွေးနွေးဖြစ်ကြ တာကတော့ ကျနော်တို့ သုံးရက် လေးရက်လောက် တွေ့ပြီးမှ ဆွေးနွေးတယ်ဆိုတော့နော် ဆွေးနွေးတာတော့ အများကြီးရှိပါတယ်။ မေး - ပြီးတော့ ထုတ်ပြန်ချက်ထဲမှာက ကျစ်လျစ်ခိုင်မာတဲ့ တပ်မတော်တစ်ရပ် ဖွဲ့စည်းသွားမယ်ဆိုပြီး တွေ့ရတယ်။ ဆို တော့ ကျစ်လျစ်ခိုင်မာတဲ့ တပ်မတော်ဆိုတာ ဘာကို ပြောတာလဲ။လက်ရှိပုံစံနဲ့ ဘာကွာသလဲ ဆလိုင်းယောမန် - ဒီကျစ်လစ်ခိုင်မာတဲ့ တပ်မတော် တစ်ရပ်ဆိုတာက ဥပမာ ကျနော်တို့ ဒီ ၆ ဖွဲ့ကို ၁ ဖွဲ့ပေါင်းလိုက်လို့ရပါတယ်။ အဖြစ်သဘောပေါ့နော။ အပေါ်ယံပဲ လုပ်ကြစတမ်းဆိုရင်ပေါ့လေ။ ကျနော်တို့ အခုစဉ်းစားထားတာ တော့ တစ်ဖွဲ့ချင်းစီ တစ်ဖွဲ့ချင်း ဒီထက် ပိုကျစ်လျစ်ခိုင်မာအောင် ကျနော်တို့ လုပ်ရမယ်။ အဖွဲ့တခုချင်းစီက ကျစ်လျစ်ခိုင်မာတဲ့ အဲလိုဖြစ်လာပြီဆိုမှ ဒါကိုကျနော်တို့ ပြန်ပေါင်းမယ်ဆိုတော့ တစ်ဖွဲ့အတွင်းချင်းစီမှာပဲ တကယ့် chain of command တွေ ethics တွေ discipling ကောင်းတဲ့ဟာဖြစ် အောင် ကျနော်တို့ ဝိုင်းဝန်း တည်ဆောက်ကြမယ်ပေါ့နော။ အဲဒါပြီးမှပဲ ကျနော်တို့ ပြန်ဝိုင်းဝန်းလုပ်ကြမယ် ပေါ့။ အဲလိုမျိုးပါ။ မေး - ကျစ်လျစ်ခိုင်မာတဲ့ တပ်မတော်ဖြစ်အောင် ဘယ်လို ဆက်လုပ်သွားဖို့ရှိသလဲ ဆလိုင်းယောမန် - ဒီလိုမျိုးပါဝင်တဲ့ အဖွဲ့တွေ တစ်ဖွဲ့ချင်းစီက ကျစ်လျစ်တဲ့ စည်းကမ်းရှိတဲ့ တပ်ဖွဲ့တွေ ဖြစ်လာ အောင် တည်ဆောက် ရင်းနဲ့မှပေါ့နော အဲဒီကနေမှပဲ တစ်ဖြေးဖြေး ပူးပေါင်းလာကြဖို့ပေါ့ အဲဒီ ၆ ဖွဲ့လုံး တစ်ဖွဲ့ ဖြစ်လာအောင် ပူးပေါင်း လာဖို့ပေါ့လေ အဲလိုမျိုးပါ။ ဒီမှာတော့ ကျစ်လျစ်ခိုင်မာတဲ့ တပ်မတော်ဆိုတာ ပြောချင်တာကတော့ နစ်နာခံမှု ကောင်းတယ်။ ဒီ ကျင့်ဝတ်သဘောပေါ့ ethics တွေ ကောင်းကောင်း နားလည်တယ်။ ဒီ Geneva Convention သဘောတွေကအစပေါ့ ပြီးတော့မှ တိုက်ရည်ခိုက်ရည် ရှိရမယ်ပေါ့နော။ စစ်တပ်ဆိုကတည်းက ယူနီဖောင်း ဘယ်လောက်ကောင်းကောင်း လက်နက်ဘယ်လောက် ကောင်းကောင်း အမိန့်နာခံမှု ဘယ်လောက်ရှိရှိ တိုက်ရည် ခိုက်ရည် မရှိရင် အလကားပဲ အဲလိုမျိုးပေါ့ ဆိုတော့ စည်းကမ်းရှိရမယ်။ အမိန့်နာခံမှုကောင်းရမယ်။ ကျင့်ဝတ် သဘောသဘာဝ လုံးဝနားလည်ရမယ်။ လေးစား လိုက်နာရမယ်။ တိုက်ရည် ခိုက်ရည်ကောင်းရမယ်။ ပြီးတော့မှ အင်အားရှိလာမယ်ဆိုတာမျိုးတစ်ခုပေါ့နော။ ကျနော်တို့ ပြည်သူတွေကို ကာကွယ်ဖို့ ကျနော်တို့ရဲ့ ကိုယ့်ကြမ္မာ ကိုယ်ဖန်တီးဖို့ ကောင်းကောင်းအာမခံနိုင်တဲ့ တပ်တစ်တပ်ဖြစ်လာအောင် ကျနော်တို့ အဲလိုမျိုးပေါ့ အဲဒီတပ်မ တော်ဖက်ကိုပေါ့နော အဲလိုမျိုးကို ကျနော်တို့ ဆိုလိုချင်တာပါ။ ချင်းညီနောင် အဖွဲ့ဝင်များမှာ ဇိုမီးဖက်ဒရယ် အစည်းအရုံး (ZFU/ PDF- Zoland)၊ ချင်းအမျိုးသားကောင်စီ - မင်းတပ် (CNC/ CDF – Mindat)၊ ချင်းအမျိုးသားအဖွဲ့ချုပ် (CNO/ CNDF) ၊ မရာနယ်မြေ အုပ်ချုပ်ရေး ကောင်စီ (MTC/ MDF) ၊ ချင်းကာကွယ်ရေးတပ်ဖွဲ့ – ကန်ပက်လက် (CDF- Kampetlet)၊ ချင်းလဲန်းကာ ကွယ်ရေးတပ်ဖွဲ့ - မတူပီ (CDF-Matupi တပ်မဟာ ၁ တို့ ဖြစ်သည်။

ချင်းညီနောင်က ကျစ်လစ်တဲ့ တပ်မတော် ဖွဲ့စည်းမည် (အင်တာဗျူး)

May 12

ရှမ်း-ကရင်နီ နယ်စပ် ဧပြီလ အတွင်း လူ ၁၈ ဦး သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။ ကရင်နီပြည်နယ်နှင့် ရှမ်း-ကရင်နီနယ်စပ်တွင် ဧပြီလအတွင်း အရပ်သား ၁၈ ယောက် သေဆုံးပြီး ၃၆ ယောက် ထိခိုက်ဒဏ်ရာ ရရှိခဲ့သည်ဟု ကရင်နီ လူ့အခွင့်အရေးအဖွဲ့ KnHRG က မေလ ၁၂ ရက် (ယနေ့) တွင် ထုတ်ပြန် သည်။ သေဆုံးသူများနှင့် ထိခိုက်ဒဏ်ရာ ရရှိသူများသည် စစ်ကောင်စီတပ်၏ လေကြောင်းတိုက်ခိုက်မှုနှင့် လက်နက် ကြီး ပစ်ခတ်မှုတို့အပြင် သဘာဝဘေးဒဏ်ကြောင့် ဖြစ်သည်ဟု ကရင်နီ လူ့အခွင့်အရေး အဖွဲ့ KnHRG က ပြောသည်။ ကရင်နီ လူ့အခွင့်အရေး အဖွဲ့ KnHRG အနေဖြင့် ကရင်နီပြည်နယ် လွိုင်ကော်၊ ဒီးမော့ဆိုမြို့နှင့် ကရင်နီ-ရှမ်းနယ် စပ် ကျေးရွာများတွင် လေကြောင်းနှင့် မြေပြင်မှ တိုက်ခိုက်လာသော အရာများကို မှတ်တမ်းပြုစုထား ခြင်းဖြစ် သည်ဟု ဆိုသည်။ စစ်ကောင်စီတပ်၏ လေကြောင်းတိုက်ခိုက်မှုကြောင့် အမျိုးသား ၃ ဦး၊ အမျိုးသမီး ၁ ဦး နှင့် လသားအရွယ် ကလေး ၁ ဦးအပြင် ကျား/မ ဖော်ပြနိုင်ခြင်း မရှိသူ စုစုပေါင်း ၁၂ ဦးသေဆုံးခဲ့ရပြီး လက်နက်ကြီး ပစ်ခတ်မှု ကြောင့်လည်း အမျိုးသား ၂ ဦး အမျိုးသမီး ၁ ဦး သေဆုံးခဲ့ရသည်ဟု KnHRG က ပြောသည်။ စစ်ကောင်စီ၏ လေကြောင်းတိုက်ခိုက်မှု နှင့် လက်နက်ကြီး ပစ်ခတ်မှုတို့အပြင် သဘာဝဘေးဒဏ်ကြောင့် အမျိုးသား ၁ ဦး၊ ကလေး ၁ ဦး နှင့် အမျိုးသမီး ၁ ဦးတို့လည်း သေဆုံးခဲ့သည်ဟု KnHRG ၏ ထုတ်ပြန်ချက် ထဲမှာ တွေ့ရသည်။ ထို့အပြင် လက်နက်ကြီး ပစ်ခတ်မှုကြောင့် အမျိုးသား ၃ ဦး၊ အမျိုးသမီး ၁ ဦး၊ ကလေး ၁ ဦး၊ လေကြောင်း တိုက်ခိုက်မှုကြောင့် အမျိုးသား ၂ ဦးနှင့် ကျား/မ မသိသူ စုစုပေါင်း ၂၇ ဦး ထိခိုက်ဒဏ်ရာ ရရှိခဲ့ကြသည့်အပြင် ဒရုန်းတိုက်ခိုက်မှုကြောင့် လည်း အမျိုးသား ၁ ဦးနှင့် ကလေး ၁ ဦး ထိခိုက်ဒဏ်ရာ ရရှိခဲ့ကြသည်ဟု ဆိုသည်။ ထို့အတူ လက်နက်ကြီး နှင့် လေကြောင်းတိုက်ခိုက်မှုကြောင့် အဆောက်အအုံ ၃၉ လုံးလည်း ပျက်စီးခဲ့သည်ဟု KnHRG က ထုတ်ပြန်ချက်ထဲမှာ ရေးသားထားသည်။ စစ်ကောင်စီသည် ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အရှိန်အဟုန် မြင့် ဆောင်ရွက်ရန်နှင့် တည်ငြိမ်အေးချမ်းရေးကို ရှေ့ရှူးပြီး ယာယီ အပစ်ရပ်သက်တမ်းကို မေလ ၅ ရက်နေ့မှ မေလ ၃၁ ရက်နေ့အထိ တစ်လ ထပ်တိုးထားမည်ဟု ထုတ်ပြန်ထားသည်။ ယာယီ အပစ်ရပ် သက်တမ်း တစ်လ ထပ်တိုးမည်ဟု ထုတ်ပြန်ထားသော်လည်း လေကြောင်းတိုက်ခိုက်မှု၊ ဒရုန်းဖြင့် ဗုံးကြဲ တိုက်ခိုက်မှု၊ လက်နက်ကြီး ပစ်ခတ်မှုများကို စစ်ကောင်စီက ပြည်နယ်နှင့် တိုင်းဒေသကြီးများ တွင် နေ့တိုင်း လုပ်ဆောင်နေပြီး တိုက်ပွဲ များလည်း ဆက်လက် ဖြစ်ပွားနေသည်ဟု တော်လှန်ရေး အင်အား စုများက ပြောသည်။

ရှမ်း-ကရင်နီ နယ်စပ် ဧပြီလ အတွင်း လူ ၁၈ ဦး သေဆုံး

May 12

ကျစ်လျစ်ခိုင်မာသည့် တပ်မတော်တစ်ရပ် ဖွဲ့စည်းသွားမည်ဟု ချင်းညီနောင်အဖွဲ့ ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။ ချင်းညီနောင်အဖွဲ့ဝင် တပ်ဖွဲ့များ ပေါင်းစည်းကာ ချင်းပြည်နှင့် ချင်းတမျိုးသားလုံးကို အကာအကွယ်ပေးနိုင်သည့် ပိုမိုကျစ်လစ်ခိုင်မာသော တပ်မတော်တစ်ရပ် (Standard Army) အဖြစ် တိုးမြှင့်ဖွဲ့စည်းနိုင်ရန် အခြေခံမူများ ချမှတ်ခဲ့သည်ဟု ချင်းညီနောင်အဖွဲ့ CB က မေလ ၁၁ ရက်နေ့(ယမန်နေ့) က ထုတ်ပြန်သည်။ ချင်းပြည်နယ်ရှိ လွတ်မြောက်နယ်မြေ တနေရာတွင် ဧပြီလ ၂၆ ရက်မှ ၂၉ ရက်နေ့အထိ ၄ ရက်တာ ပြုလုပ်ခဲ့ သည့် ချင်းညီနောင်အဖွဲ့ ၏ မြေပြင် အစည်းအဝေးတွင် ထိုသို့ ချမှတ်ခဲ့ကြခြင်းဖြစ်သည်။ ထို့အပြင် ချင်းအမျိုးသား စည်းလုံးညီညွတ်ရေးနှင့် အနာဂတ်တွင် ချင်းပြည်သူလူထုတရပ်လုံးကို ကိုယ်စားပြု သည့် ချင်းပြည်အစိုးရ ပေါ်ပေါက်နိုင်ရေးအတွက် တန်းတူညီမျှခြင်း၊တရားမျှတခြင်း၊ ကိုယ့်ကြမ္မာ ကိုယ်ဖန်တီး နိုင်ခြင်း၊ အစရှိသော ဒီမိုကရေစီ စံနှုန်းထားများ ပါဝင်သည့် ချင်းညီနောင်၏ Terms of Reference (ToR) အတိုင်း ဆက်လက် အကောင်အထည်ဖော်ဆောင်ရွက်ရန် သဘောတူခဲ့ကြသည်ဟု ဆိုသည်။ ချင်းနောင်အဖွဲ့၏ ထုတ်ပြန်ချက်ထဲတွင် ပြည်တွင်း မဟာမိတ် ဆက်ဆံရေးနှင့် စပ်လျဉ်း၍ သော် လည်းကောင်း၊ နိုင်ငံတကာ ဆက်ဆံရေးနှင့် စပ်လျဉ်း၍ သော်လည်းကောင်း စစ်ရေး၊ နိုင်ငံရေးနှင့် လူမှု စီးပွား ရေး မူဝါဒများ ရေးဆွဲနိုင်ရေးအတွက် အခြေခံ သဘောတူ ညီချက်များ ချမှတ်ခဲ့ကြသည်ဟု ပါရှိသည်။ အလားတူ ချင်းညီနောင် ထိန်းချုပ်နယ်မြေများအတွင်းရှိ ပြည်သူလူထု၏ အသက်အိုးအိမ် စည်းမိမ်များကို ကာကွယ်သွားမည့်အပြင် ကျန်းမာရေး၊ ပညာရေး၊ စားနပ်ရိက္ခာဖူလုံရေး အစရှိသည့် ပြည်သူ့ဝန်ဆောင်မှု လုပ်ငန်းများကိုလည်း ထိထိရောက်ရောက် ဝန်ဆောင်မှုပေးနိုင်ရန်အတွက် ပြည်တွင်းပြည်ပရှိ မိဘပြည်သူများ၊ တော်လှန်ရေးအင်အားစုများ၊ နိုင်ငံတကာ အဖွဲ့အစည်းများနှင့်အတူ လက်တွဲ ပူးပေါင်းဆောင်ရွက်နိုင်ရေးအတွက် အခြေခံသဘောတူညီချက်များ ချမှတ်ခဲ့ကြသည်ဟု ချင်းညီနောင်အဖွဲ့က ဆိုသည်။

ကျစ်လျစ်ခိုင်မာသည့် တပ်မတော်တစ်ရပ် ဖွဲ့စည်းသွားမည်ဟု ချင်းညီနောင်အဖွဲ့ ပြော

May 9

ထိုင်း နယ်စပ် ထီးခီး စခန်းကို KNU. ပူးပေါင်းတပ်များ သိမ်းပိုက် သတင်းနှင့် မီဒီယာကွန်ရက်။ ၂၀၂၅ ခုနှစ်၊ မေလ ၉ ရက်။ ကရင်အမျိုးသား အစည်းအရုံး KNU တပ်မဟာ ၄ မြိတ်-ထားဝယ်ခရိုင်ရှိ စစ်ကောင်စီတပ်၏ ထီးခီးဗျူဟာ တပ်စခန်းကို KNLA နှင့် ပူးပေါင်းတပ်များက မေလ ၉ ရက် (ယနေ့) တွင် တိုက်ခိုက်သိမ်းပိုက်လိုက်သည်။ စစ်ကောင်စီတပ်၏ ထီးခီးဗျူဟာတပ်စခန်း သိမ်းပိုက်ရရှိသည့် အခြေအနေနှင့် ပတ်သက်၍ အမည်မဖော်လို သည့် မြေပြင်သတင်းအရင်းမြစ်တစ်ဦးက ယခုကဲ့သို့ ပြောသည်။ အမည်မဖော်လိုသည့် မြေပြင် သတင်းရင်းမြစ်တစ်ဦးက “ထီးခီး အခု ဒီမနက် ၉ နာရီလောက်မှာ သူတို့ တက်သိမ်း လိုက်တယ်ပေါ့နော။ ဒီ တော်လှန်ရေး တပ်ပေါင်းစုတွေ ပေါင်းပြီးတော့ ဒီမနက် ၉ နာရီကျော် လောက်မှာ အကုန်တက်သိမ်းရခဲ့တယ်ပေါ့နော။ အခုကတော့ ကျနော်တို့ တပ်သားတွေ တက်သိမ်း လိုက်ပြီပေါ့နော။ သူတို့အပေါ်မှာ အလံတော့ထူလိုက်ပြီပေါ့နော။” ဟု ပြောသည်။ ထို့အပြင် လက်နက်ခဲ့ယမ်း အချို့ကိုလည်း သိမ်းယူရရှိခဲ့သည်ဟု အဆိုပါ သတင်းရင်းမြစ်က ပြောသည်။ ထီးခီးဗျူဟာ တပ်စခန်းသိမ်း တိုက်ပွဲအတွင်း စစ်ကောင်စီတပ်က လေကြောင်းတိုက်ခိုက်မှု၊ လက်နက်ကြီး ပစ်ခတ်မှုများကို ပြပြင်းပြင်း ထန်ထန် လုပ်ဆောင်ခဲ့သည်ဟု ဆိုသည်။ ပြီးခဲ့သည့် ဧပြီလ ၁၉ ရက်နေ့ကလည်း စစ်ကောင်စီတပ်၏ ထီးထာဗျူဟာ တပ်စခန်းကို KNLA နှင့် တော်လှန် ရေး ပူးပေါင်းတပ်များက တိုက်ခိုက်သိမ်းပိုက်နိုင်ခဲ့သည်။ ထိုထီးထာဗျူဟာ တပ်စခန်းသည် ယခင်က KNU တပ်မဟာ ၄ မြိတ်-ထားဝယ်ခရိုင်၏ ဗဟိုဌာနချုပ်ဟောင်း နေရာ ဖြစ်ပြီး ယခင် စစ်အာဏာရှင်ဟောင်း ဦးသန်းရွှေလက်ထက် ၁၉၉၇ ခုနှစ်တွင် စစ်တပ်က အပြင်းအထန် ထိုးစစ်ဆင်ကာ တိုက်ခိုက် သိမ်းပိုက်ခဲ့သည်။ အဆိုပါ ထီးထာ ဗျူဟာ စခန်းကို KNU တပ်မဟာ ၄ လက်အောက်ခံ KNLA နှင့် နွေဦးတော်လှန်ရေးမှ ပေါ်ပေါက် လာသည့် တော်လှန်ရေး ပူးပေါင်း တပ်များက ၂၈ နှစ်အကြာ ၂၀၂၅ ခုနှစ် ဧပြီလ ၁၉ ရက်နေ့တွင် ပြန်လည် တိုက် ခိုက်သိမ်းပိုက် ရယူနိုင်ခဲ့ကြသည်။ ထီးထာဗျူဟာစခန်းကို တိုက်ခိုက် သိမ်းပိုက်ရရှိပြီးနောက် စစ်ကောင်စီတပ်၏ ထီးခီးဗျူဟာတပ်စခန်းကို ဆက်လက် တိုက်ခိုက်ခဲ့သည်ဟု သတင်းရင်းမြစ်က ဆက်ပြောသည်။ “စတာကတော့ ဒီ ထီးထာစခန်းပြီးတာပေါ့နော။ ထီးထာ စခန်းသိမ်းပြီး ၁၉ ရက်နေ့ပေါ့နော ၁၉ ရက်နေ့ ထီးထာ စခန်းတက်သိမ်းပြီးတော့ ဒီ ၂၂ ကနေ ပြန်စတယ်။ ဒီ ထီးခီးကို ၂၂ ပြန်စတယ်။ အခုဒီ ၅ လပိုင်း ၉ ရက်နေ့မှာ တက်သိမ်းနိုင်တယ်ပေါ့နော” တိုက်ပွဲအတွင်း စစ်ကောင်စီတပ်သား အယောက် ၄၀ ထက်မနည်း ထိုင်းနိုင်ငံဖက်သို့ ထွက်ပြေးသွားသည်ဟု သတင်းရင်းမြစ်က ပြောသည်။ ထို့အပြင် ထီးခီးဗျူဟာ တပ်စခန်းသိမ်း တိုက်ပွဲကြောင့် ဒေသခံ ပြည်သူ ၂၀၀ နီးပါးသည် ထိုင်း-မြန်မာနယ်စပ်သို့ ထွက်ပြေးတိမ်း ရှောင် နေကြရပြီး နေထိုင်စားသောက်ရေးနှင့် အကူအညီများလိုအပ်နေသည်ဟု သတင်းရင်း မြစ်က ဆိုသည်။ မေလ ၉ ရက်နေ့ တရက်တည်းတွင် KNU တပ်မဟာ ၄ မြိတ်-ထားဝယ်ခရိုင်ရှိ စစ်ကောင်စီ၏ ထီးခီး ဗျူဟာ တပ်စခန်းကို KNLA နှင့် ပူးပေါင်းတပ်များက သိမ်းပိုက်ရရှိခဲ့သကဲ့သို့ KNU တပ်မဟာ ၇ ဖားအံခရိုင်၊ ပိုင်ကျုံ (တာကရယ်)မြို့နယ်ရှိ စစ်ကောင်စီတပ်၏ လေးပနာဒီ (ခေါ်) တခေါ်ဘီခွီး တပ်စခန်းနှင့် KNU တပ်မဟာ ၃ ညောင် လေးပင်ခရိုင် ရွှေကျင်မြို့နယ်ရှိ စစ်ကောင်စီတပ်၏ ခြေမြန်တပ်ရင်း ခမရ - ၅၉၈ အခြေစိုက် တပ်စခန်းတို့ကို KNLA နှင့် ပူးပေါင်းတပ်များက တိုက်ခိုက်သိမ်းပိုက်နိုင်ခဲ့သည်။

ထိုင်း နယ်စပ် ထီးခီး စခန်းကို KNU ပူးပေါင်းတပ်များ သိမ်းပိုက်

« Prev 1 … 157 158 159 160 161 … 1,048 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

တရုတ်ခရီးသွား လျော့နည်းသော်လည်း ဂျပန်ခရီးသွားလုပ်ငန်း စံချိန်တင်တိုးတက်
မော်စကိုနှင့် ရုရှားအနှံ့ ယူကရိန်းက ဒရုန်းစစ်ဆင်ရေး ဆင်နွှဲ
အီရန်က UAE နျူကလီးယားစက်ရုံကို ဒရုန်းဖြင့် တိုက်ခိုက်
ဒေါ်နယ်ထရန့်ကို ရှီကျင့်ဖျင် ကော်ဇောနီဖြင့် ကြိုဆို
ထိုင်းနိုင်ငံတွင် အရက် သောက်သုံးရောင်းချမှု အပေါ် ထပ်မံတင်းကြပ်

Archives

Archives

×Close