NMG Doh – Page 175 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Jul 29

မိုးဗြဲတွင် ပြန်နေရန် မသင့်သေးကြောင်း တော်လှန်ရေး တပ်များက ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၉ ရက်။ စစ်ကောင်စီ ထိုးစစ်များကြောင့် မိုးဗြဲမြို့တွင် ပြန်နေထိုင်ရန် မသင့်တော်သေးဟု တော်လှန်ရေးတပ်ဖွဲ့များက ပြောသည်။ ရှမ်း-ကရင်နီအစပ်၊ ရှမ်းပြည်တောင်ပိုင်း၊ ဖယ်ခုံမြို့နယ်အတွင်းက မိုးဗြဲမြို့ကို စစ်ကောင်စီတပ်က ရာနှုန်းပြည့် ထိန်းချုပ်လိုက်ပြီးနောက် ကရင်နီပြည်၊ လွိုင်ကော်မြို့နယ်ရှိ ကျေးရွာ များထဲသို့ ဆက်လက် ထိုးစစ်ဆင်နေသည်ဟု မြေပြင်တော်လှန်ရေး တပ်ဖွဲ့ဝင်များက ပြောသည်။ ယခု ဇူလိုင်လနှောင်းပိုင်း အတွင်း ပင်လောင်း - ဖယ်ခုံ - မိုးဗြဲ - လွိုင်ကော် လမ်းမကြီးအတိုင်း စစ်ကောင်စီတပ် က ထိုးစစ်ဆင်နေပြီး လွိုင်ကော်မြို့နယ်၊ ဘုရားနီ၊ မှုံပြာ စသည့်ကျေးရွာများနှင့် ဖယ်ခုံအရှေ့ဘက်ကမ်းရှိ ကျေးရွာများတွင် လူနေအိမ်များကို မီးရှို့ဖျက်ဆီးနေသည်ဟု ဆိုသည်။ မိုးဗြဲမြို့အနီး စစ်ရေးလှုပ်ရှားနေသည့် မြေပြင်တပ်ဖွဲ့ဝင် တစ်ဦးက “မြို့က စကစ လုံးဝထိန်းချုပ်လိုက်ပြီ။ အခု က အဲဒီမြို့ကနေ တခြားမြို့တွေကိုပါ ထိုးနေတာဗျာ့။ အန္တရာယ်လုံးဝ ကင်းတယ်ဆိုတဲ့ နယ်မြေတော့ မရှိပါ ဘူး။ တိုက်ပွဲနဲ့ နည်းနည်းအလှမ်းဝေးတဲ့ ဘက်ကိုပဲ ရှောင်ပြေးရတာပေါ့။ အခုတော့ လုံးဝနေလို့ အဆင် မပြေ သေးပါဘူး” ဟု ပြောသည်။ လက်ရှိ မိုးဗြဲမြို့ ဒေသခံများမှာ လွိုင်ကော်မြို့ အရှေ့ဘက်ခြမ်းရှိ ကျေးရွာများနှင့် ရှားတောမြို့နယ်ထဲရှိ ကျေးရွာ များသို့ တိမ်းရှောင်နေကြရပြီး အဆိုပါ စစ်ဘေးရှောင်များအတွက် စားနပ်ရိက္ခာနှင့် သောက်သုံးရေများ အကူ အညီ လိုအပ်နေကြသည်ဟု အကူအညီပေးနေသူများက ပြောသည်။ မိုးဗြဲ - လွိုင်ကော် လမ်းမကြီးအတိုင်း စစ်ကြောင်းထိုးလာသည့် စစ်ကောင်စီတပ်များသည် လွိုင်ကော်မြို့နယ်၊ ပိန်းချစ်နှင့် မှုံပြာကျေးရွာတို့၌ ဒေသခံ စစ်ဘေးရှောင်များအား ဖမ်းဆီးစစ်ဆေးနေသည်ဟုလည်း ဆိုသည်။ မြေပြင်ရှိ ကရင်နီတော်လှန်ရေး တပ်ဖွဲ့ဝင် တစ်ဦးက “သူတို့ စစ်ကြောင်းထိုးလာပြီး မိုးဗြဲမှာ အိမ်တွေ မီးရှို့တော့ တော်တော်များများက လွိုင်ကော်အရှေ့ဘက်ခြမ်းကို ရွှေ့ကြတာပေါ့။ တချို့ပြည်သူတွေက အဲကနေတဆင့် လမ်းလျှောက်ပြီး တောလမ်းကနေ ဒီးမော့ဆိုထဲကို ပြန်ဆင်းလာကြတယ်။ စစ်ကောင်စီဖက်က လက်နက်ကြီးနဲ့ လေကြောင်း နေ့တိုင်း ပစ်နေတုန်းပဲ” ဟု ပြောသည်။ ဇူလိုင်လ ၂၈ ရက်နေ့ မြေပြင်အခြေအနေအရ လွိုင်ကော်မြို့နယ်ထဲက ဒေါဆော်လီနှင့် ဘုရားနီကျေးရွာတို့တွင် တိုက်ပွဲများ ပြင်းထန်နေပြီး စစ်ကောင်စီတပ်က ပအိုဝ်းပြည်သူ့စစ်အဖွဲ့ (PNA) အပါအဝင် စစ်မှုထမ်းသစ် စစ်ကူ များဖြင့် ဖရူဆို၊ ဘော်လခဲ စသည့်မြို့နယ်များသို့ ခြေလျင်စစ်ကြောင်း ဆက်လက်ထိုးနိုင်သည်ဟု မြေပြင်စစ်ရေး သတင်းအရင်းအမြစ်များက ခန့်မှန်းနေကြသည်။ မိုးဗြဲမြို့ကို ဇူလိုင်လ ၁၁ ရက်နေ့မှ စတင်၍ စစ်ကောင်စီတပ်က ထိန်းချုပ်ထားသော်လည်း မြို့တွင်း ဝင်ရောက် နေထိုင်ကြသည့် ဒေသခံများ မရှိသေးသည့်အပြင် ၎င်းတို့အနေဖြင့် အုပ်ချုပ်ရေး ယန္တရား အပြည့်အဝ လည်ပတ် နိုင်ရန်အတွက်လည်း လပေါင်းများစွာ ကြာနိုင်သည်ဟု ဖယ်ခုံမြို့နယ်တွင်း ထောက်ပို့တပ်ဖွဲ့ဝင်များက ပြောဆို ထားသည်။

မိုးဗြဲတွင် ပြန်နေရန် မသင့်သေးကြောင်း တော်လှန်ရေး တပ်များက ပြော

Jul 29

အပစ်ရပ် သဘောတူချက် ချိုးဖောက်တယ်လို့ ကမ္ဘောဒီးယားကို ထိုင်း စွပ်စွဲ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၉ ရက်။ အပစ်အခတ်ရပ်ရန် သတ်မှတ်ထားသည့် ည ၁၂ နာရီ နောက်ပိုင်းတွင် ကမ္ဘောဒီးယား စစ်တပ်သည်သဘောတူညီချက်ကို ချိုးဖောက်ပြီး ထိုင်းနယ်မြေများကို တိုက်ခိုက်ခဲ့သည်ဟု ထိုင်းစစ်တပ်က စွပ်စွဲ ထားကြောင်း ဘန်ကောက်ပို့စ် သတင်းစာတွင် ဖော်ပြသည်။ Chong An Ma, Chong Bok, Prasat Ta Kwai, Phu Makhuea နဲ့ Sam Tae နေရာ ၅ ခုတွင် ထိုင်းနိုင်ငံ အတွင်းကို ကမ္ဘောဒီးယားဘက်က ပစ်ခတ်ခဲ့သည်ဟု ထိုင်း စစ်တပ်က ထုတ်ပြန်ချက်ထဲတွင် ဖော်ပြ သည်။ ထိုင်း စစ်တပ်ပြောရေးဆိုခွင့်ရှိသူ ဗိုလ်ချုပ် Winthai Suraree က "ဒါဟာ အပစ်အခတ်ရပ်စဲရေးကို ချိုးဖောက်တာ ဖြစ်တယ်၊ အပြန်အလှန်ယုံကြည်မှု စနစ်ကို ပျက်စီးစေတာ ဖြစ်တယ်လို့ ဆိုပြီး လုပ်ဆောင်မှုကို ထိုင်းစစ်တပ်က ရှုတ်ချတယ်" ဟု ပြောသည်။ ထိုင်းနိုင်ငံအနေဖြင့် နိုင်ငံတကာ စည်းမျဉ်းစည်းကမ်းနှင့် အညီ မိမိတို့၏ ခုခံကာကွယ်ပိုင်ခွင့်အတွင်းက ပြန်လည်တုန့်ပြန်မှုများ လုပ်ခဲ့သည်ဟု ဗိုလ်ချုပ် Winthai က ပြောသည်။ ယမန်နေ့က ဇူလိုင်လ ၂၈ ရက်နေ့က မလေးရှားနိုင်ငံ ဝန်ကြီးချုပ် အန်ဝါ အီဗရာဟင် ရှေ့မှောက်တွင် ထိုင်းနဲ့ ကမ္ဘောဒီးယား တို့ အပစ်အခတ်ရပ်စဲရေးကို ချက်ချင်းနဲ့ ချွင်းချက်မရှိ သဘောတူခဲ့ကြသည်။ ယနေ့ ဇူလိုင်လ ၂၉ ရက်နေ့ နံနက် ၁၀နာရီတွင် ထိုင်းနိုင်ငံ ဆူရင်း နယ်စပ်တွင် နှစ်ဘက် ရှေ့တန်းတပ်မှူးများ တွေ့ဆုံရန် ရှိသည်ဟု သတင်းရကြောင်း ဘန်ကောက်ပို့စ် သတင်းစာတွင် ဖော်ပြထားသည်။ #Thailand #Cambodia #ထိုင်း #ကမ္ဘောဒီးယား #တွေ့ဆုံ #မလေးရှားနိုင်ငံ

အပစ်ရပ် သဘောတူချက် ချိုးဖောက်တယ်လို့ ကမ္ဘောဒီးယားကို ထိုင်း စွပ်စွဲ

Jul 28

ထိုင်းနှင့် ကမ္ဘောဒီးယား မလေးရှားတွင် တွေ့ဆုံမည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၈ ရက်။ အမေရိကန် သမ္မတ ဒေါ်နယ် ထရန့်က ထိုင်း နှင့် ကမ္ဘောဒီးယားတို့ ဆက်တိုက်နေကြမည် ဆိုပါက ကုန်သွယ်ခွန်များနှင့် ပတ်သက်၍ ဆွေးနွေးမည် မဟုတ်ကြောင်း ပြောခဲ့သည်။ ထိုသို့ ပြောလိုက်ပြီးနောက် ထိုင်းနှင့် ကမ္ဘောဒီးယား တို့သည် အပစ်ရပ်စဲရေးအတွက် ဇူလိုင်လ ၂၈ ရက်နေ့ (ယနေ့)တွင် မလေးရှား စံတော်ချိန် မွန်းလွှဲ ၃ နာရီတွင် မလေးရှားနိုင်ငံတွင် တွေ့ဆုံဆွေးနွေးကြရန် သဘောတူခဲ့ကြသည်။ လေးရက်ကြာ အပြန်အလှန် ပစ်ခတ်တိုက်ခိုက်မှုများ လုပ်ပြီးသည့်နောက် ဇူလိုင်လ ၂၈ ရက်နေ့ (ယနေ့) တနင်္လာနေ့တွင် တွေ့ဆုံမည့် တွေ့ဆုံပွဲကို ထိုင်းဘက်က ယာယီ ဝန်ကြီးချုပ် Phumtham Wechayachai က ခေါင်းဆောင်မည် ဖြစ်ပြီး ကမ္ဘောဒီးယား ဘက်က ဝန်ကြီးချုပ် ဟွမ် မာနက် Hum Manet က ဦးဆောင်မည်ဖြစ်သည်။ နယ်စပ် တိုက်ခိုက်မှုများ စတင်ဖြစ်ပွားခဲ့သည့် ဇူလိုင် ၂၄ ရက်နေ့ကစ၍ အနည်းဆုံး စစ်သားနှင့်အရပ်သား ၃၃ ဦး သေဆုံးခဲ့ပြီး နယ်စပ်ဒေသများက လူထု ၁ သိန်းကျော် ဘေးလွတ်ရာကို ရှောင်တိမ်း ခဲ့ရသည်။ အမေရိကန် သမ္မတ ဒေါ်နယ်ထရန့်က နှစ်နိုင်ငံ ခေါင်းဆောင်များနှင့် တယ်လီဖုန်း ဆက်သွယ် ပြောကြားပြီး နောက်တွင် ထိုင်းနှင့် ကမ္ဘောဒီးယာ နှစ်နိုင်ငံလုံးက အပစ်အခတ် ရပ်စဲရန် သဘောတူသည်ဟု ပြောခဲ့သည်။ ကမ္ဘောဒီးယားက ချွင်းချက်မရှိ ချက်ချင်း အပစ်အခတ် ရပ်စဲရန် သဘောတူသည်ဟု ပြောခဲ့သည်။ ထိုင်းနိုင်ငံအနေဖြင့် ကမ္ဘောဒီးယားနှင့် ဆွေးနွေးပြီးမှသာ အပစ်အခတ် ရပ်စဲရေးကို သဘောတူနိုင်မည်ဟု ပြောဆိုထားသည်။ လက်ရှိ ဖြစ်ပွားလာသည့် ပဋိပက္ခများကြောင့် ထိုင်းတွင် အလုပ်လုပ်နေကြသည့် ကမ္ဘောဒီးယား နိုင်ငံသား အလုပ်သမား ၁ သိန်းကျော်သည် ဇူလိုင်လ ၂၈ ရက်(ယနေ့)နှင့် ဇူလိုင်လ ၂၇ ရက်နေ့(ယမန်နေ့) တွင် နေရပ် ပြန်နေကြသည်။ #Thailand #Cambodia #ထိုင်း #ကမ္ဘောဒီးယား #တွေ့ဆုံ #မလေးရှားနိုင်ငံ

ထိုင်းနှင့် ကမ္ဘောဒီးယား မလေးရှားတွင် တွေ့ဆုံမည်

Jul 26

ထိုင်း-ကမ္ဘောဒီးယား တိုက်ပွဲ ဆက်ဖြစ်၊ ပဋိပက္ခ နယ်မြေ ကျယ်ပြန့်လာ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၆ ရက်။ ဇူလိုင် ၂၆ ရက် စနေနေ့တွင်လည်း ထိုင်းနှင့် ကမ္ဘောဒီးယား နှစ်နိုင်ငံစစ်တပ် အကြား တိုက်ခိုက်မှုများဆက်ဖြစ်နေသည်။ ထိုင်းက တစ်ချို့နေရာများကို နယ်မြေ ရှင်းလင်းရေးများ လုပ်ပြီး ရေတပ်သင်္ဘာများကိုလည်း ပဋိပက္ခ ဒေသတွင် ချထားလိုက်သည်။ ဇူလိုင်လ ၂၆ ရက်နေ့ (စနေနေ့ ) နံနက်တွင် ထိတွေ့မှု ဧရိယာသည် ၆ နေရာမှ ၁၂ နေရာ အထိ ကျယ်ပြန့်လာသည်ဟု ထိုင်းစစ်တပ်က ပြောသည်။ ပဋိပက္ခ နယ်မြေသည် လာအို နယ်စပ် ဘက်အထိ ကျယ်ပြန်လာသည်။ ထိုင်းဘက်က ပြောမည်ဆိုပါက Trat နှင့် Chanthaburi ခရိုင်များကို ပြန့်နှံ့လာသည်ဟု ဆိုသည်။ အဆိုပါဒေသများတွင် ထိုင်းက ရေတပ် သင်္ဘောကြီး တစ်စီးနှင့် သင်္ဘောငယ် ၄ စီးကို တာဝန်ချထားလိုက်သည်။ ယနေ့ နံနက် ၉ နာရီ ၂၀ တွင် ယခင်ရက်များက တိုက်ခိုက်မှုများ ဖြစ်နေခဲ့သော ကမ္ဘောဒီးယားများတပ်စွဲထားခဲ့သည့် Phu Makuea တောင်ထိပ်တွင် ထိုင်းအလံ ထောင်လိုက်ပြီး နယ်မြေ ရှင်းလင်းရေးများ လုပ်နေသည်ဟု ထိုင်း စစ်တပ်က ပြောသည်။ ထိုင်းစစ်တပ်က ကေဘယ်ကြိုးကားများ သံမဏိ တံတားများနှင့် ရေဒါတိုင်များကို ဖျက်စီးလိုက်သည်ဟု ကြေညာသည်။ Sa Kaeo ခရိုင်တွင်လည်း အငြင်းပွားနေသည့် နေရာ ၄ ခုမှ ကမ္ဘောဒီးယား စစ်သားများကို မောင်းထုတ်နိုင်ခဲ့သည်ဟု ထိုင်းစစ်တပ်က ပြောပါသည်။ မြတြိဂံ နယ်စပ်ဖြစ်သည့် ထိုင်း-လာအို-ကမ္ဘောဒီးယား နယ်စပ်တွင်လည်း ထိတွေ့မှု တစ်ချို့ ဖြစ်ခဲ့ပြီး လာအို နိုင်ငံထဲကို ကျည်ဆံများ ကျရောက်ခဲ့သည်။ ထိုကျည်ဆံများသည် ကမ္ဘောဒီးယား ကျည်ဆံများ ဖြစ်သည်ဟု ထိုင်းဘက်က ပြောဆိုထားပြီး ၎င်းတို့ အနေဖြင့် လာအိုဘက်ကို ကျည်ဆံမကျအောင် အထူးဂရုစိုက် လှုပ်ရှားနေသည်ဟု ပြောသည်။ ဇူလိုင်လ ၂၅ ရက်နေ့ (ယမန်နေ့) က ကုလသမဂ္ဂ လုံခြုံရေး ကောင်စီတွင် ထိုင်းနှင့် ကမ္ဘောဒီးယား နှစ်နိုင်ငံက အပြန်အလှန် စွပ်စွဲချက်များ လုပ်ခဲ့ပြီး နှစ်နိုင်ငံလုံးက ငြိမ်းချမ်းသည့်နည်းဖြင့် ဖြေရှင်းခြင်းကို လိုလားကြောင်း ပြသခဲ့သည်ဟု ကုလသမဂ္ဂက ပြောသည်။ ထိုင်းအစိုးရ ပြောရေး ဆိုခွင့်ရှိသူ Ms. Sasikarn Watthanachan က ၎င်း၏ Facebook စာမျက်နှာမှတစ်ဆင့် လူထုနှင့် မီဒီယာ များကို သတင်းအချက်အလက်များ ဖလှယ်ရာတွင် တာဝန်ခံမှု ရှိရှိဖြင့် ဖြန့်ဝေကြရန် တိုက်တွန်းထားသည်။ #ထိုင်း #ကမ္ဘောဒီးယား #တိုက်ခိုက်မှု #ထိုင်းအစိုးရ #နယ်မြေ

ထိုင်း-ကမ္ဘောဒီးယား တိုက်ပွဲ ဆက်ဖြစ်၊ ပဋိပက္ခ နယ်မြေ ကျယ်ပြန့်လာ

Jul 25

ထိုင်း- ကမ္ဘောဒီးယားနယ်စပ် တိုက်ခိုက်မှုများ ဆက်လက်ဖြစ်ပွား (၁၀:၃၀ update) သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၅ ရက်။ ထိုင်း-ကမ္ဘောဒီးယား နယ်စပ်တွင် ဇူလိုင်လ ၂၅ ရက်နေ့ (ယနေ့) တွင် တိုက်ခိုက်မှုများ ဆက်လက် ဖြစ်ပွားနေသည်။ ဇူလိုင်လ ၂၅ ရက်နေ့ (ယနေ့နံနက်) တွင် ကမ္ဘောဒီးယား ၂၄ ဦး သေဆုံးသွားခဲ့သည်ဟု ထိုင်းသတင်းဌာနဖြစ်သည့် Khaosod သတင်းဌာနက ထိုင်း ထောက်လှမ်းရေးကို ကိုးကားပြီး ဖော်ပြသည်။ ထို့အပြင် ကမ္ဘောဒီးယား၏ ၁၀၀ မီလီမီတာ အမြောက် သုံးခုနှင့် တင့်ကား ၂ စီးကို လက်နက်ကြီးဖြင့် ပစ်ခတ် ဖျက်ဆီးနိုင်ခဲ့သည်ဟု ထိုင်း အမှတ် ၂ တပ်မတော်ကို ကိုးကား ဖော်ပြထားသည်။ ယနေ့ နံနက်စောစောတွင် Ta Muen Thom ဘုရားနားတွင် ကမ္ဘောဒီးယားက လူ ၉ ဦးသေဆုံးခဲ့ပြီး ထိုသူများမှာ ကမ္ဘောဒီးယား စစ်သား ၄ ဦး၊ အရပ်သား ၃ ဦးနှင့် ဘုန်းတော်ကြီး ၁ ပါး ပါဝင်သည်ဟု ထိုင်း အမှတ် ၂ တပ်မတော် လုံခြုံရေး တပ်ဖွဲ့များက ပြောသည်။ ဆက်သွယ်ရေးနှင့် လက်နက် သိုလှောင်ရုံ ရှိသည့် Khao Makuea တောင်ထိပ်ကို ထိုင်းဘက်က ဒရုန်းများနှင့် တိုက်ခိုက်ခဲ့ရာ ကမ္ဘောဒီးယား စစ်သား ၁၄ ဦး သေဆုံးခဲ့သည်ဟု ဆိုသည်။ ထို့အပြင် ကမ္ဘောဒီးယား တပ်မ ၈၊ တပ်မ ၉ နဲ့ တပ်မ ၄၂ ဌာနချုပ်စခန်းတွေကို လေယာဉ်များဖြင့်ဗုံးကြဲခဲ့သည်ဟု ဆိုသည်။ ထိုင်းဘက်က Satta Som ဆိုသည့် နေရာ၏ တဖက် နယ်စပ်အတွင်းဘက်ကို လက်နက်ကြီးနှင့် ပစ်ခတ်ခဲ့သည်ဟု ဆိုသည်။

ထိုင်း- ကမ္ဘောဒီးယားနယ်စပ် တိုက်ခိုက်မှုများ ဆက်လက်ဖြစ်ပွား (၁၀:၃၀ update)

Jul 25

ထိုင်း- ကမ္ဘောဒီးယား နယ်စပ် သောကြာမနက် အခြေအနေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၅ ရက်။ ထိုင်းတပ်မတော် အမှတ် ၂ ဒေသက ပြည်သူတွေကို နယ်စပ် Sisaket (ศรีสะเกษ) ခရိုင်အတွင်းက နယ်စပ်များ အနီးကို မသွားကြရန် ဇူလိုင် ၂၅ ရက် (ယနေ့) နံနက် ၈ နာရီတွင် သတိပေးချက်ထုတ်ပြန်လိုက်သည်။ အမှတ် ၂ ထိုင်းတပ်မတော် ဒေသ၏ Facebook စာမျက်နှာတွင် ထိုင်း-ကမ္ဘောဒီးယား နယ်စပ်က ပြည်သူတွေကို လိပ်မူပြီး “သတိ။ နယ်စပ်တလျောက် နေရာအများအပြားတွင် ထိတွေ့မှုများ ဖြစ်နေသည်၊ ကျေးဇူးပြု၍ အဲဒီ နယ်စပ်ဒေသတွေကို ရှောင်ရှားကြပါ” ဆိုပြီး သတိပေးချက် ထုတ်ပြန်ထားသည်။ ထိုင်းဘုရင့်တပ်မတော် Update စာမျက်နှာတွင်လည်း တင်းမာမှုတွေ ရှိနေပြီး နံနက် စောစော ၄ နာရီခွဲတွင် သေနတ်သံများ ကြားနေရသည်ဟု ရေးသားထားသည်။ကမ္ဘောဒီးယားများက ချည်းကပ်လာနေသည်ဟု ရေးသားထားသည်။ ကြာသပတေးနေ့ ဇူလိုင်လ ၂၄ ရက်နေ့ (ယမန်နေ့) က နယ်စပ်တလျောက် နေရာ ၆ ခုတွင် ထိတွေ့မှုတွေ ဖြစ်ပွားခဲ့ပြီး အနည်းဆုံး လူ ၁၁ ယောက် သေဆုံးခဲ့သည်။ ကမ္ဘောဒီးယားဘက်က ထိုင်းဘက်ကို အတွဲလိုက် ဒုံးကျည်များနှင့် ပစ်ခတ်ခဲ့ပြီး ထိုင်းဘက်က F-16 လေယာဉ်များနှင့် ကမ္ဘောဒီးယား စစ်ဘက် ပစ်မှတ်များကို ပစ်ခတ်တိုက်ခိုက် ခဲ့ကြသည်။ ထိုင်း-ကမ္ဘောဒီးယား နယ်စပ် တစ်လျှောက်ကိုလည်း အသွားအလာ မရှိအောင် ထိုင်းဘက်က ပိတ်ထားလိုက်ပြီး နယ်စပ်တွင်ရှိသည့် သောင်းနှင့် ချီသည့် လူများကို ဘေးလွတ်ရာသို့ ရွေ့ပြောင်းထားသည်။ ကမ္ဘောဒီးယားဘက်က နယ်စပ် ပြဿနာကို ကုလသမဂ္ဂ လုံခြုံရေး ကောင်စီကို တင်ပြထားပြီး ထိုင်းဘက်က နှစ်နိုင်ငံ နယ်ခြား ကော်မတီတွင် ဆွေးနွေး ဖြေရှင်းရန်အဆိုပြုထားသည်။

ထိုင်း-ကမ္ဘောဒီးယား နယ်စပ် သောကြာမနက် အခြေအနေ

Jul 24

တောင်ကြီး-လွိုင်ကော်လမ်းတွင် ကရင်နီ မှတ်ပုံတင် ကိုင်ဆောင်သူများကို ဖမ်းမိန့်ထုတ်ထား သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၄ ရက်။ ကရင်နီမှတ်ပုံတင် (ကယားပြည်နယ် မှတ်ပုံတင် ၂/ ) ကိုင်ဆောင်သူများကို စစ်ဆေးရေး ဂိတ်များ၌ ဖမ်းမိန့် ထုတ်ထားသည် အုပ်ချုပ်ရေးပိုင်းနှင့် နီးစပ်သူများက ပြောသည်။ ရှမ်းပြည်တောင်ပိုင်း၊ တောင်ကြီး - လွိုင်ကော် လမ်းမကြီး တစ်လျှောက်နှင့် ကရင်နီပြည်ရှိ စစ်ကောင်စီ လက် အောက်ခံ စစ်ဆေးရေး ဂိတ်များတွင် ကရင်နီ မှတ်ပုံတင် ကိုင်ဆောင်ထားသူများကို ဖမ်းမိန့် ထုတ်ထားသည် ဟု ထွေအုပ်နှင့် နီးစပ်သူများက ပြောသည်။ ပုဒ်မ ၅၀ - ည ဖြင့် ဖမ်းမိန့် ထုတ်ထားသည့် ကရင်နီ မှတ်ပုံတင် ကိုင်ဆောင်သူ အယောက် ၆၀၀ ကျော် အား တောင်ကြီး - လွိုင်ကော် လမ်းမကြီး တစ်လျှောက်ရှိ စစ်ဆေးရေးဂိတ်ပေါင်း ၂၀ ကျော်နှင့် ကရင်နီပြည် တွင်းရှိ ဒီးမော့ဆို - မော်ချီး - ထူးချောင်းလမ်း၊ လွိုင်ကော် - မော်ချီးလမ်း စသည့် ဂိတ်များတွင် စစ်ဆေး ဖမ်းဆီး ခဲ့ခြင်းဖြစ်သည်ဟု ဆိုသည်။ ကရင်နီပြည်အတွင်း တော်လှန်ရေးတပ်ဖွဲ့များနှင့် CDM ထောက်ပံ့ရေး လုပ်ဆောင်နေသူ တစ်ဦးက “သူတို့ ထုတ် ထားတဲ့ ဥပဒေပုဒ်မနဲ့ ညှိလို့ ခေါ်စစ်တယ် ပြောတာပဲ။ တချို့ကတော့ ဘာမှန်းမသိ ပါသွားတယ်။ ကိုယ့်ရဲ့ K-Pay နဲ့ ဘယ်သူက ပိုက်ဆံပို့ထားလဲ ဘယ်သူမှ မသိနိုင်ဘူးလေ။ တချို့လည်း ငွေခဏ လွှဲပေးပါဦးလို့ အကူအညီ တောင်းတာတွေက ခဏခဏကြုံရတယ်။ အခု သူတို့ လုပ်တာနဲ့ ဘယ်သူမှ မသွားရဲတော့ဘူး” ဟု ပြောသည်။ လက်ရှိ တော်လှန်ရေး၌ ပါဝင်လှုပ်ရှားနေသူများနှင့် ယခင် ထောက်ပံ့ရေးနှင့် ပို့ဆောင်ရေး လုပ်ဆောင်ခဲ့ဖူးသူများ အား တက်ပလက် (Tablet) ဖြင့် စစ်ဆေးနေခြင်း ဖြစ်ပြီး အများစုမှာ KBZ Pay ငွေလွှဲမှုများဖြင့် ဖမ်းဆီးခံနေကြ ရသည်ဟု ဆိုသည်။ ယခု ဇူလိုင်လ တတိယပတ်အတွင်း ဘော်လခဲမြို့နယ်၊ မော်ချီးမြို့မှ ဒီးမော့ဆိုမြို့နယ်သို့ နေရပ်ပြန်လာသည့် စစ်ဘေးရှောင် အယောက် ၃၀ ကျော်အား စစ်ဆေးမည်ဟု ဆိုကာ လွိုင်ကော်မြို့ရှိ ဒေသကွပ်ကဲမှု စစ်ဌာချုပ် (ဒကစ) သို့ ဖမ်းဆီး ခေါ်ဆောင်သွားပြီး ဇူလိုင်လ ၂၃ ရက်နေ့ အထိ အဆက်အသွယ် မရသေးဘူးဟု ဆိုသည်။ မော်ချီးမြို့ရှိ ဖမ်းဆီးခံရသူများနှင့် နီးစပ်သူ တစ်ဦးက “မော်ချီးမှာ လေကြောင်းကြဲလို့ အိမ်ပြန်ကြတာပါ။ အကုန် လုံး ခဲလုပ်သားတွေပါ။ ဆက်နေတော့လည်း လေယာဉ်ကြောင့် သေမယ်။ ရှောင်ရင်လည်း ဖမ်းတယ်ဆို တော့ အားလုံး ဘယ်မှမသွားရဲအောင် ဖြစ်နေပါတယ်” ဟု ပြောသည်။ ယခု ဖမ်းဆီးနေမှုများမှာ တော်လှန်ရေး၌ လှုပ်ရှားသူများသာ အကြုံးဝင်သည်ဟု ဆိုသော်လည်း ပုဒ်မ ၅၀ - ည အရ စားသောက်ကုန် သယ်ဆောင်သူများကိုပါ စစ်ဆေးနေသဖြင့် ဒေသတွင်း လုပ်ငန်းရှင်အချို့လည်း စိုးရိမ်နေ ကြသည်။ စစ်ကောင်စီက ရွေးကောက်ပွဲ အမြန်ဆုံး ကျင်းပနိုင်ရေးအတွက် ထိုးစစ်များ အကြီးအကျယ် လုပ်နေသည့်အပြင် စစ်ဘေးရှောင် စခန်းများရှိ လွိုင်ကော်၊ ဖယ်ခုံ၊ မိုးဗြဲ ဒေသခံများအား ဖိအားပေး နေရပ်ပြန်ခိုင်းနေပြီး မပြန်ပါက ဗုံးကြဲမည်ဟုလည်း လူမှုကွန်ရက် စာမျာက်နှာများ၌ ၎င်းတို့ကို ထောက်ခံသည့် အုပ်စုများက ခြိမ်းခြောက် နေကြ သည်။

တောင်ကြီး-လွိုင်ကော်လမ်းတွင် ကရင်နီ မှတ်ပုံတင် ကိုင်ဆောင်သူများကို ဖမ်းမိန့်ထုတ်ထား

Jul 24

TikTok တွင် ဝါဒဖြန့် လှုံ့ဆော်မှုဖြင့် အမျိုးသမီး တစ်ဦး ဖမ်းဆီးခံရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၄ ရက်။ မွန်ပြည်နယ်၊ ရေးမြို့နယ်တွင် TikTok လူမှုကွန်ရက် စာမျက်နှာပေါ်၌ လှုံ့ဆော်ဝါဒဖြန့်သည်ဟု ဆိုကာ ရေးမြို့ခံ အမျိုးသမီးတစ်ဦးကို စစ်ကောင်စီတပ်က ဖမ်းဆီးသွားသည်ဟု မွန်ပြည် လူ့အခွင့်အရေး ဖောင်ဒေးရှင်း (HURFOM) အဖွဲ့ တာဝန်ရှိသူက ပြောသည်။ ရေးမြို့နယ်၊ ရန်ကြီးအောင်ရပ်ကွက်နေ မယမင်း (ခ) လင်း ဆိုသည့် အမျိုးသမီးကို စစ်ကောင်စီတပ်က သူမ၏ Tiktok အကောင့်ဖြစ်သည့် ‘yaminlove’ မှတစ်ဆင့် အမျိုးသားညီညွတ်ရေးအစိုးရ (NUG) နှင့် ပြည်ထောင်စု လွှတ်တော် ကိုယ်စားပြု ကော်မတီ (CRPH) တို့အတွက် လှုံဆော်ဝါဒဖြန့်သည်ဟု ဆိုကာ ဇူလိုင်လ ၂၁ ရက်နေ့၊ ညနေ ၃ နာရီအချိန်ခန့်တွင် ဖမ်းဆီးသွားခြင်း ဖြစ်သည်။ မွန်ပြည် လူ့အခွင့်အရေး ဖောင်ဒေးရှင်း (HURFOM) အဖွဲ့ ဒါရိုက်တာ နိုင်အဲမွန်က “မယမင်းကိစ္စကတော့ စစ်ကောင်စီက လွတ်လပ်စွာ ပြောဆိုရေးသား ထုတ်ဖော်ခွင့်ကို တင်းကျပ်စွာ ပိတ်ပင်ထားတာတော့ ကြာပြီ။ အမြဲတမ်းပဲ မွန်ပြည်နယ်ထဲမှာဆို သေချာစောင့်ကြည့် လေ့လာတယ်။ အုပ်စုတွေ ဖွဲ့ထားပြီးတော့မှ သူတို့ သေ ချာစိစစ်တယ်ပေါ့နော်။ အဲ့လို သေချာစိစစ်တာကြောင့်ပဲ အခုလို ကိုယ့်နိုင်ငံရေးအရ ယုံကြည်ရာ ဒါမှမဟုတ် လူမျိုးရေးအရ ပေါ့နော် ကိုယ်ယုံကြည်ရာ ထုတ်ဖော်ပြောဆိုတဲ့ အချိန်မှာ ချက်ချင်း အရေးယူဆောင်ရွက်တဲ့ ကိစ္စ ပိုများလာတယ်“ ဟု ပြောသည်။ ဖမ်းဆီးခံရသည့် မယမင်း (ခ) လင်း ကို လက်ရှိ ရေးမြို့မရဲစခန်းတွင် ဖမ်းဆီးချုပ်နှောင်ထားပြီး နိုင်ငံတော် အကြည်ညို ပျက်စေမှု ရာဇသတ်ကြီး ပုဒ်မ ၅၀၅-က ဖြင့် အမှုဖွင့် အရေးယူထားကြောင်း ဒေသခံ သတင်း အရင်းအမြစ်ထံမှ သိရသည်ဟု HURFOM က ဆိုသည်။ မွန်ပြည်တွင် စစ်တပ်က အာဏာသိမ်းသည့် အချိန်မှစတင်၍ ယနေ့အထိ လူမှုကွန်ရက် စာမျက်နှာများတွင် လှုံဆော်ဝါဒဖြန့်သည်ဟုဆိုကာ အရပ်သား ၃၅ ဦးကို ဖမ်းဆီးခဲ့သည်ဟု နိုင်အဲမွန်က ဆက်ပြောသည်။ “ဒီမွန်ပြည်နယ်မှာ ဒီနှစ်အတွင်းမှာပဲ ဆိုလို့ရှိရင် ၄ ယောက်ရှိတယ်။ ဒီဖြစ်ရပ်တွေက တစ်နှစ် ထက်တစ်နှစ် တိုး တိုးလာတယ်။ ၂၀၂၁ ခုနှစ်ကနေ အခု ၂၀၂၅ ဇူလိုင် လလောက်အထိမှာ ဖြစ်ခဲ့တဲ့ ဖြစ်ရပ်က ၃၅ ခုလောက်ရှိပြီ။ ဒါမွန်ပြည်နယ်ထဲမှာနော်။ ဆိုတော့ ဖြစ်စဉ်တိုင်းက ကြီးလေးတဲ့ ပုဒ်မတွေ တပ်ပြီးတော့ ၄ နှစ်ကနေပြီးတော့ ၁၂ နှစ်လောက်ထိ ထောင်ဒဏ်ချတဲ့ ကိစ္စတွေရှိလာတယ်။ အဲ့တော့ စိုးရိမ်ရတယ်။” လူ့အခွင့်အရေး တစ်ရပ်ဖြစ်သည့် လွတ်လပ်စွာ ထုတ်ဖော်ပြောဆိုခွင့်ကို စစ်ကောင်စီတပ်က အာဏာသိမ်းချိန်မှ စ၍ ချိုးဖောက်မှာ ပိုဆိုးဝါးလာခဲ့ပြီး အရပ်သား ပြည်သူများအား ဖမ်းဆီး အရေးယူမှုများ လုပ်ဆောင်နေသည့် အပေါ် နိုင်ငံတကာ အသိုင်းအဝန်းကို နိုင်အဲမွန်က ယခုကဲ့သို့ ပြောသည်။ “ဒီမြန်မာနိုင်ငံမှာ ဖြစ်နေတဲ့ လူ့အခွင့်အရေး ချိုးဖောက်မှုတွေထဲမှာ အခုလိုမျိုး လွတ်လပ်စွာထုတ်ဖော် ပြောဆို ရေးသားခွင့်တွေ နိုင်ငံရေးအရ ရပ်တည်ခွင့် အပါအဝင် မတရားသဖြင့် စစ်မှုထမ်းနေတဲ့ ကိစ္စတွေ နောက်တစ်ခု က လူသားဒိုင်းတွေ အသုံးပြုလာတဲ့ကိစ္စတွေ ကတကယ့်ကြီးလေးတဲ့ လူ့အခွင့်အရေး ချိုးဖောက်မှုတွေ ဖြစ် တယ်ဆိုတဲ့ ကိစ္စကိုပြောချင်တယ်။ သူတို့ချိုးဖောက်မှုတွေက အစီအစဉ်တကျ ဖြစ်တယ် ဆိုတာကို နိုင်ငံ တကာက သိဖို့လိုတယ်။” မွန်ပြည် လူ့အခွင့်အရေး ဖောင်ဒေးရှင်း အနေဖြင့် တတ်နိုင်သည့်ဘက်မှ ဖမ်းဆီးခံရသူ၏ မိသားစုများအတွက် ဥပဒေရေး အရ အကာအကွယ် ပေးနိုင်မည့် အစီအမံများ လုပ်ဆောင်ပေးနေသည်ဟု ဆိုသည်။ ထို့အပြင် နိုင်ငံတကာသိအောင် ထုတ်ပြန်မှုများအပြင် သတင်းများ ရေးသားခြင်းအားဖြင့် ထုတ်ဖော် ပြောဆို ခြင်းနှင့် ထပ်တိုး ဖမ်းဆီးခံရမှုများ မဖြစ်အောင်လည်း ၎င်းတို့၏ ကွန်ရက်မှ တစ်ဆင့် ဆောင်ရန် ရှောင်ရန် နည်း လမ်းများနှင့် ကာကွယ် တားဆီးနိုင်ရေး လုပ်ဆောင်ပေးခြင်းတို့ကို တတ်နိုင်သည့် အဝန်းအဝိုင်းမှ လုပ်ပေးလျက် ရှိသည်ဟု ဆိုသည်။

TikTok တွင် ဝါဒဖြန့် လှုံ့ဆော်မှုဖြင့် အမျိုးသမီး တစ်ဦး ဖမ်းဆီးခံရ

Jul 24

ဓနု ဒေသတွင် ငှက်ဖျားဆေး လိုအပ် သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၄ ရက်။ ရှမ်းပြည်တောင်ပိုင်း၊ ဓနုကိုယ်ပိုင် အုပ်ချုပ်ခွင့်ရဒေသဖြစ်သည့် ရွာငံမြို့နယ်ထဲက မင်းပလောင်ကျေးရွာက စစ်ဘေးရှောင်များ ငှက်ဖျားရောဂါ ဖြစ်နေပြီး ဆေးဝါးများ အကူအညီ လိုအပ်နေကြသည်။ ဇွန်လဆန်းပိုင်း ကတည်းက စတင်ဖြစ်ပွားခဲ့သော ငှက်ဖျားရောဂါမှာ လက်ရှိအချိန်ထိ ဆိုးဝါးစွာ ဆက်လက် ဖြစ်ပွားနေသည်ဟု ဓနုပြည်နယ် အမျိုးသား ကာကွယ်ရေးတပ်တော် (DSNDA) မှ သတင်းနှင့် ပြန်ကြားရေး တာဝန်ခံ ကိုကျားပျံက ပြောသည်။ “ငှက်ဖျားကတော့ တော်တော်ဆိုးတယ်။ အဲ့မှာဆိုရင် ငှက်ဖျား မဖြစ်ဖူးတဲ့သူ မရှိသလောက်အောင် မကျန်တော့ အောင်ပေါ့နော်၊ အကုန်လုံးက ဖြစ်ဖူးသွားတဲ့ အနေအထားမျိုးထိ ဖြစ်နေတာ ဒီပြည်သူတွေ အပါပေါ့နော်၊ ကျနော်တို့ ဒီလက်ရှိ ကူညီဆောင်ရွက်နေတဲ့ ကျနော်တို့ အဖွဲ့သားတွေရော၊ ကျနော်တို့ ကိုယ်တိုင် အပါပေါ့နော်၊ ကျနော်တို့လည်း အဲ့လိုမျိုး သတိလစ်သွားလောက်တဲ့ အထိ ဖြစ်တာပေါ့နော်။ လုံးဝ ဆိုးဆိုးဝါးဝါးကြီး၊ လုံးဝ သတိလစ်တဲ့ အခြေအနေမျိုးထိကို ဖြစ်သွားတာ။” မိုးဦးရာသီမှ စတင်၍ ဖြစ်ပွားခဲ့သော ငှက်ဖျားရောဂါသည် စစ်ဘေးရှောင်ပြည်သူ အယောက် ၂၀၀ နီးပါးအထိ ကူးစက်ခံစားခဲ့ရပြီး လက်ရှိတွင် ငှက်ဖျား မဖြစ်ဖူးသူ မရှိသလောက် ဖြစ်နေကြောင်း ကိုကျားပျံက ဆိုသည်။ ငှက်ဖျားရောဂါကြောင့် အသက်ဆုံးရှုံးရသူများ မရှိသေးသော်လည်း ဆေးဝါး အလုံလောက် မရှိသောကြောင့် လက်ရှိအချိန်ထိ ဆက်လက် ကူးစက်မှုများ ရှိနေသည်ဟု ဆိုသည်။ လက်ရှိတွင် အဓိက စိန်ခေါ်မှုမှာ ဆေးဝါးပြတ်လပ်မှု ဖြစ်ပြီး ရရှိထားသည့် ဆေးဝါး အနည်းငယ်ဖြင့် လူနာ ဦးရေ များပြားမှုကို မျှဝေသုံးစွဲနေရသောကြောင့် ရောဂါကုသမှုကို ရက်ပြည့်အောင် မဆောင်ရွက်နိုင်ဘဲ ဖြစ်နေသည်ဟု ကိုကျားပျံက ဆက်ပြောသည်။ “ငှက်ဖျားဆေးကို ကျနော်တို့ သုံးရက်တိုက်ရမယ့် အနေအထားမျိုးမှာ အများကြီးဖြစ်တဲ့ အချိန်နဲ့ တိုးပြီးဆိုလို့ ရှိရင် ကျနော်တို့က သူတို့ကို သုံးရက်လုံး ရက်ပတ်လည်အောင် မတိုက်နိုင်တဲ့ အခါမှာ တစ်ရက်တိုက်ရတယ်၊ နှစ်ရက်တိုက်ရတယ်။ အဲ့အချိန်မှာ ကျနော်တို့က ငှက်ဖျားကို အမြစ်ပြတ်အောင် မဖြတ်ပေးနိုင်ဘူး ဖြစ်နေ တယ်။ အဲ့ဒါကြောင့်။” ငှက်ဖျားရောဂါ အပြင် မသန့်ရှင်းသော ချောင်းရေများကို သောက်သုံးနေရခြင်းနှင့် တောတွင်း နေထိုင်မှု ပုံစံတို့ ကြောင့်လည်း ယားနာကဲ့သို့သော အရေပြားရောဂါများနှင့်လည်း စစ်ဘေးရှောင်များ ရင်ဆိုင်နေရသည်။ အရပ်ဘက် အဖွဲ့အစည်းများက ဆေးဝါးနှင့် ကုသမှုများအတွက် တတ်နိုင်သလောက် ကူညီဆောင်ရွက်ပေးနေ သော်လည်း လိုအပ်ချက်မှာ ကြီးမားနေဆဲဖြစ်ပြီး ဆေးဝါးဝယ်ယူရန် ငွေကြေးများ အရေးတကြီး လိုအပ်နေ သည်ဟု အကူအညီပေးနေသူများက ဆိုသည်။ ထို့အပြင် စစ်ဘေးရှောင်များအတွက် ခြင်ထောင်နှင့် စားနပ်ရိက္ခာများ အပါအဝင် အခြားသော အကူအညီများစွာ လည်း လိုအပ်နေသည်ဟု ဆိုသည်။ မင်းပလောင်ကျေးရွာသည် ၂၀၂၄ ခုနှစ်၊ ဒီဇင်ဘာလ ၂၂ ရက်နေ့တွင် စစ်ကောင်စီတပ်၏ ရွာလုံးကျွတ် မီးရှို့ ဖျက်ဆီးခြင်းကို ခံခဲ့ရပြီး အိမ်ခြေ ၁၇၉ အိမ်အနက် ၁၆၈ အိမ် မီးလောင်ပျက်စီးခဲ့ခြင်း ဖြစ်သည်။ ထိုအချိန်မှ စတင်၍ မင်းပလောင် ဒေသခံရွာသားများသည် နီးစပ်ရာ တောတောင်များ အတွင်းသို့ ပြောင်းရွှေ့ ခိုလှုံခဲ့ကြရသည်။ မိုးရာသီတွင် လမ်းပန်းဆက်သွယ်ရေး အလွန်ခက်ခဲသည့် ဒေသတစ်ခုဖြစ်သောကြောင့် ပြင်ပအလှူရှင်များ၏ အကူအညီများ ရောက်ရှိရန် ခက်ခဲနေသည်ဟု အကူအညီပေးနေသူများက ပြောသည်။

ဓနု ဒေသတွင် ငှက်ဖျားဆေး လိုအပ်

« Prev 1 … 173 174 175 176 177 … 1,083 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

Sky Villa ကွန်ဒိုပိုင်ရှင်ကို ထောင် ၅ နှစ်ချမှုအပေါ် နစ်နာသူများ ဝေဖန်
ဖားကန့်မြေပြိုမှုများကြောင့် တစ်ပတ်အတွင်း လူ ၁၀ ဦးထက်မနည်း သေဆုံး
ယခုနှစ် အတွက် ပထမဆုံး တိုင်ဖုန်း မုန်တိုင်း တရုတ်ကို ဝင်ရောက်
မင်းပြားနှင့် ပေါက်တောကို ရခိုင်ရာဇဝင်လာ အမည်များ ပြောင်းလဲရန် ULA/AA စီစဉ်
ပြည်နယ်နှင့် တိုင်း ၄ ခုတွင် လေဆင်နှာမောင်းတိုက်ပြီး အိမ်ရာချီ ပျက်စီး

Archives

Archives

×Close