သတင်း

မွန်ပြည်နယ် ရေးမြို့နယ်၌ စစ်အုပ်စု စစ်ကြောင်း မိုင်းဆွဲခံရပြီး တပ်ကြပ်ကြီး အပါအဝင် ၃ ဦး ဒဏ်ရာရ

မွန်ပြည်နယ် ရေးမြို့နယ်၌ စစ်အုပ်စု စစ်ကြောင်း မိုင်းဆွဲခံရပြီး တပ်ကြပ်ကြီး အပါအဝင် ၃ ဦး ဒဏ်ရာရ

မွန်ပြည်နယ် ရေးမြို့နယ်၌ စစ်အုပ်စု စစ်ကြောင်း မိုင်းဆွဲခံရပြီး တပ်ကြပ်ကြီး အပါအဝင် ၃ ဦး ဒဏ်ရာရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ နိုဝင်ဘာလ ၄ ရ…

  • November 4, 2026
မကွေးတိုင်း ပေါက်မြို့နယ်၌ စစ်အုပ်စု လေကြောင်းတိုက်ခိုက်မှုကြောင့် ပြည်သူ ၇ ဦးသေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၄ ရက်။ မကွေးတိုင်း၊ ပေါက်မြို့နယ်အတွင်းရှိ ကျေးရွာ ၃ ရွာကို စစ်အုပ်စုက နိုဝင်ဘာလ ၃ ရက်တွင် လေကြောင်းမှ ဗုံးကြဲတိုက်ခိုက်ခဲ့ရာ အသက် ၉၀ အရွယ် မျက်စိမမြင်ရသည့် အဖွားအိုတစ်ဦး အပါအဝင် အရပ်သားပြည်သူ ၇ ဦး သေဆုံးပြီး ၁၅ ဦး ထိခိုက်ဒဏ်ရာရရှိခဲ့ကြောင်း အမျိုးသား ညီညွတ်ရေး အစိုးရ NUG လက်အောက်ခံ ပေါက်မြို့နယ် လူမှုရေးရာ၊ အလုပ်သမားနှင့် လူသားချင်း စာနာထောက်ထားရေးဌာနမှ ထုတ်ပြန်ထားသည်။ ပေါက်မြို့နယ်တောင်ပိုင်းရှိ ကျောက်ခွက်၊ အိုင့်ကျယ်နှင့် လယ်လန်းကျေးရွာတို့ကို ပုဂံညောင်ဦးလေဆိပ်မှ တက်လာသည့် ဂျိုင်ရိုကော့ပတာ ၃ စီးဖြင့် တိုက်ပွဲဖြစ်ပွားခြင်းမရှိဘဲ မွန်းလွဲ ၂ နာရီခွဲခန့်တွင် လေကြောင်းမှ ဝင်ရောက်တိုက်ခိုက်သွားခဲ့ခြင်း ဖြစ်သည်။ ထိုကဲ့သို့ လေကြောင်းတိုက်ခိုက်မှုကြောင့် ကျောက်ခွက်ကျေးရွာမှ အမျိုးသား ၄ ဦးနှင့် အမျိုးသမီး ၂ ဦး သေဆုံးကာ အမျိုးသား ၄ ဦးနှင့် အမျိုးသမီး ၅ ဦး ထိခိုက်ဒဏ်ရာ ရရှိခဲ့သည်။ ထို့ပြင် လယ်လန်းကျေးရွာမှ အသက် ၉၀ အရွယ် မျက်စိမမြင်ရသည့် အဖွားအိုတစ်ဦး နေရာတွင်ပင် ပွဲချင်းပြီး သေဆုံးခဲ့ရပြီး ကိုရင်ကြီးတစ်ပါး အပါအဝင် အမျိုးသား ၁ ဦးနှင့် အမျိုးသမီး ၅ ဦး ထိခိုက်ဒဏ်ရာ ရရှိခဲ့သည်။ ပေါက်မြို့နယ်မှ တော်လှန်ရေးတပ်ဖွဲ့ဝင်တစ်ဦးက “ လက်ရှိပေါက်ဘက်အခြမ်းကို လေယာဉ်တွေနဲ့ပါ တိုက်လာတာပါ မြေပြင်အနေအထားကတော့ စစ်ကြောင်းတွေ အဲ့လောက်တက်မလာနိုင်ဘူး၊လာရင်လည်း ရွာတွေကို မီးရှို့ပြီးပြန်ထွက်တာပါ။အခု သေဆုံးတဲ့အထဲ အသက် (၉၀) အရွယ် မျက်စီမမြင်ရတဲ့ အဖွားအို (၁)ဦး ပွဲချင်းပြီးတယ်၊ အိမ်ထောင်စု ကိုးရာကျော်စစ်ရှောင်ရတယ်” ဟု ပြောပြသည်။ စစ်အုပ်စုသည် ပေါက်မြို့နယ်အတွင်းသို့ ဂျက်ဖိုက်တာ၊ Mi-35 နှင့် ဂျိုင်ရိုကော့ပတာများ အသုံးပြု၍ တိုက်ခိုက်ခဲ့ သည့်အပြင် ကပစ (၂၄) လက်နက်စက်ရုံမှ လက်နက်ကြီးများဖြင့်ပါ ၉ ကြိမ်အထိ လေကြောင်းနှင့် လက်နက်ကြီး ပစ်ကူများပါ အသုံးပြုတိုက်ခိုက်ခဲ့သည်။ ထိုသို့သော တိုက်ခိုက်မှုများကြောင့် လူနေအိမ်များနှင့် မွေးမြူရေး တိရစ္ဆာန်များ ပျက်စီးဆုံးရှုံးခဲ့ရသည်။ အဆိုပါ လေကြောင်းတိုက်ခိုက်မှုများကြောင့် ပေါက်မြို့နယ်တောင်ပိုင်းရှိ ဝန်ခြုံး၊ ကျောက်ခွက်၊ အိုင့်ကျယ်၊ သီးချောက်၊ သရဖီနှင့် လယ်လန်းကျေးရွာတို့မှ အိမ်ထောင်စု ၉၅၈ စု၊ လူဦးရေအားဖြင့် အမျိုးသား ၁,၅၄၅ ဦး၊ အမျိုးသမီး ၁,၇၉၆ ဦး၊ စုစုပေါင်း ၃,၃၄၁ ဦး ဘေးလွတ်ရာသို့ စစ်ဘေးတိမ်းရှောင်နေကြရသည်။ (ဓါတ်ပုံ - Credit to original uploader) #ပေါက်မြို့နယ်

မကွေးတိုင်း ပေါက်မြို့နယ်၌ စစ်အုပ်စု လေကြောင်းတိုက်ခိုက်မှုကြောင့် ပြည်သူ ၇ ဦးသေဆုံး

မကွေးတိုင်း ပေါက်မြို့နယ်၌ စစ်အုပ်စု လေကြောင်းတိုက်ခိုက်မှုကြောင့် ပြည်သူ ၇ ဦးသေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ နိုဝင်ဘာလ ၄ ရက်။ မကွ…

  • November 4, 2026
ကချင်တွင် တိုက်ပွဲများ ပြင်းထန်နေပြီး စစ်အုပ်စုကြောင့် အရပ်သား ထိခိုက်မှုများပြား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၃ ရက်။ ကချင်ပြည်အတွင်း အောက်တိုဘာလမှစ၍ နိုဝင်ဘာလဆန်းအထိ စစ်အုပ်စုတပ်နှင့် KIA ပူးပေါင်းတပ်ဖွဲ့များ အကြား မြို့နယ်အသီးသီး၌ တိုက်ပွဲများ အရှိန်မြင့်တက်နေပြီး စစ်အုပ်စုက အထိနာကာ စခန်းအချို့ လက် လွှတ်ရသဖြင့် အရပ်သားနေရာများကို ပစ်မှတ်ထားကာ လေကြောင်းနှင့် လက်နက်ကြီးများဖြင့် ဆက်တိုက် တိုက်ခိုက်လျက်ရှိသည်။ အောက်တိုဘာလအတွင်း ဖြစ်ပွားခဲ့သည့် အင်းတော်တိုက်ပွဲတွင် စစ်အုပ်စုဘက်မှ တပ်ဖွဲ့ဝင် ၅၀ ကျော်၏ အလောင်းများကို စွန့်ပစ်ခဲ့ရသည့်အပြင် ဗန်းမော်၊ မံစီ၊ ခေါင်လန်ဖူး၊ ဖားကန့်၊ ကောင်ဂျာယန်၊ ကချင်-စစ်ကိုင်း အစပ်က အင်းတော်နှင့် ရှမ်းမြောက်ဒေသ မိုးမိတ်မြို့နယ်တို့၌လည်း KIA ပူးပေါင်းတပ်များ၏ ထိုးစစ်ကြောင့် စစ်အုပ်စု စခန်းအချို့နှင့် SNA စခန်း ၂ ခု သိမ်းပိုက်ခံခဲ့ရသည်။ တော်လှန်ရေးပူးပေါင်း တပ်ဖွဲ့ဝင်တစ်ဦးက “ရွှေကူ-ဗန်းမော်ဘက်လည်း ဆက်တိုက်ဖြစ်တယ်။ ဒီနောက်ဆုံး ပတ်ထဲဆိုရင် ဖားကန့်ဘက်လည်း ဆက်ဖြစ်နေတယ်။ နောက်ပြီးတော့ တိုက်ပွဲပြင်းထန်နေတဲ့ ဗန်းမော် - မံစီ - မိုးမောက် တစ်ကြောက မိုးမောက်မြို့အထက်ပေါ့နော် အဲ့မှာရှိနေတဲ့ မြို့သစ်တံတားကို ပြီးခဲ့တဲ့လ ၂၃ ရက်နေ့ မနက်ပိုင်းမှာ Y-12 နဲ့ ဗုံးကြဲသွားတယ်။ မြို့သစ်တံတား ဗုံးထိမှန်ပျက်စီးသွားတာ ရှိပါတယ်” ဟု ပြောသည်။ စစ်ရေးအရှိန် မြင့်တက်လာမှုကြောင့် ရွှေကူ-ငအိုး လမ်းမကြီးကို သွားလာခြင်းမပြုရန် သတိပေးထားရသလို၊ အိန္ဒိယ-မြန်မာနယ်စပ် ပန်ဆောင်တွင် တိုက်ပွဲများကြောင့် ကုန်သွယ်ရေးလမ်းကြောင်းများနှင့် ဈေးများပါ ပိတ်ထားရသည့်အထိ နိုဝင်ဘာလအတွင်း စစ်ရေးတင်းမာမှုများ ဆက်လက် ကူးစက်လာနေသည်။ မြေပြင်တွင် စစ်ရေးအရ အသာစီးမရတော့သည့် စစ်အုပ်စုသည် အရပ်သားပြည်သူများအပေါ် ဦးလှည့်ကာ လေကြောင်း၊ ဒရုန်းနှင့် လက်နက်ကြီးများ အသုံးပြု၍ စနစ်တကျ ပစ်မှတ်ထား တိုက်ခိုက်လာနေသည်။ ကချင်လူ့အခွင့်အရေး စောင့်ကြည့်ရေးအဖွဲ့ Kachin Human Rights Watch (KHRW) ၏ နိုဝင်ဘာ ၂ ရက် ထုတ်ပြန်ချက်အရ အောက်တိုဘာလတစ်လတည်း၌ပင် စစ်အုပ်စု၏ လေကြောင်းတိုက်ခိုက်မှု ၂ ကြိမ်၊ လက်နက်ကြီးနှင့် ဒရုန်းပစ်ခတ်မှု ၃ ကြိမ်၊ KBC ခရစ်ယာန်ဘုရားကျောင်း မီးရှို့မှု ၁ ကြိမ် ကျူးလွန်ခဲ့သဖြင့် အရပ်သား ၂ ဦး သေဆုံး၊ ၁၃ ဦး ဒဏ်ရာရရှိကာ အမျိုးသမီးနှင့် ကလေးငယ်များ အပါအဝင် ၂၀ ထက်မနည်း အကြောင်းမဲ့ ဖမ်းဆီးခံခဲ့ရသည်။ ဖြစ်စဉ်များအနေဖြင့် ဖားကန့်မြို့နယ် ကုဋေ၊ မှော်ဆီစာနှင့် လုံးခင်းကျေးရွာတို့တွင် စစ်အုပ်စု၏ ပစ်ခတ်မှုများ ကြောင့် ဒေသခံများ ဒဏ်ရာရရှိခဲ့သလို၊ ဗန်းမော်မြို့နယ် ၃ မိုင်ကျေးရွာရှိ လူနေအိမ်များနှင့် KBC ဘုရားကျောင်း တို့ မီးရှို့ဖျက်ဆီးခံခဲ့ရသည်။ ထို့ပြင် မြစ်ကြီးနားမြို့ နောင်နန်းရပ်ကွက်၌ ဒေသခံ ၂၀ ကျော် ဖမ်းဆီးခံခဲ့ရပြီး၊ ရွှေကူမြို့နယ် စီသာကျေးရွာအနီး ဈေးတန်းနှင့် မန်နားရွာတို့ကို ဒရုန်းနှင့် လက်နက်ကြီးများဖြင့် ပစ်ခတ်ခဲ့သဖြင့် အမျိုးသမီး ၂ ဦး သေဆုံးခဲ့ရသည်။ အထူးသဖြင့် မိုးမောက်မြို့နယ် တာပိန်မြစ်ကူး ကြိုးတံတားနှင့် သံဘောင်တံတားတို့ကို စစ်အုပ်စုက တိုက်ပွဲမရှိ ဘဲ နှစ်ရက်ဆက်တိုက် လေကြောင်းမှ ဗုံးကြဲဖျက်ဆီးခဲ့၍ အရပ်သား ၂ ဦး ပြင်းထန်စွာ ဒဏ်ရာရရှိခဲ့သည်။ စစ်အုပ်စု၏ ပစ်မှတ်ထား တိုက်ခိုက်မှုများနှင့် ပတ်သက်၍ မြေပြင်မှ ဒေသခံတစ်ဦးက “ရှေ့တန်းမှာ စစ်တပ်က အထိနာပြီး စခန်းတွေ ပါသွားလေလေ၊ ရွာတွေဘက်ကို လက်နက်ကြီးနဲ့ လှမ်းပစ်၊ လေယာဉ်နဲ့ လာကြဲလေပဲ။ အခုဆို ဘုရားကျောင်းရော၊ တံတားတွေပါ ဖျက်ဆီးခံရတယ်။ တံတားကိုပါ ဖျက်ဆီးတော့ လမ်းပန်းဆက်သွယ် ရေးတွေပါ ပြတ်တောက်ကုန်ပြီ။ အထူးသဖြင့်တော့ ကလေးတွေနဲ့ အမျိုးသမီးတွေက သနားစရာ။ အကုန်လန့် နေကြတယ်” ဟု ပြောသည်။ စစ်အုပ်စု၏ ဤလုပ်ရပ်များသည် ဂျီနီဗာ သဘောတူညီချက်နှင့် နိုင်ငံတကာ လူသားချင်း စာနာထောက်ထားမှု ဆိုင်ရာ ဥပဒေ (IHL) များကို ပြောင်ပြောင်တင်းတင်း ချိုးဖောက်နေသည့် စစ်ရာဇဝတ်မှုများ ဖြစ်ကြောင်း KHRW က ထောက်ပြထားသည်။ သို့ဖြစ်ပါ၍ ကချင်ပြည်အတွင်းရှိ ပြည်သူများ၏ အသက်အိုးအိမ်များကို ကာကွယ်နိုင်ရန် စစ်အုပ်စုအပေါ် ထိရောက်သည့် အရေးယူပိတ်ဆို့မှုများ ချက်ချင်း လုပ်ဆောင်ရန်၊ လေကြောင်းတိုက်ခိုက်မှုများမှ အရပ်သား များကို ကာကွယ်ပေးရန်နှင့် အရေးပေါ် လူသားချင်းစာနာမှု အကူအညီများ အမြန်ဆုံး အကောင်အထည်ဖော်ပေး ရန် KHRW က နိုင်ငံတကာ အသိုက်အဝန်းထံ တိုက်တွန်းထားသည်။ ဓါတ်ပုံ - (လေကြောင်းတိုက်ခိုက်မှုကြောင့် ပျက်စီးသွားသည့် မြို့သစ်တံတား / Credit to original uploader) #Kachin #KHRW

ကချင်တွင် တိုက်ပွဲများ ပြင်းထန်နေပြီး စစ်အုပ်စုကြောင့် အရပ်သား ထိခိုက်မှုများပြား

ကချင်တွင် တိုက်ပွဲများ ပြင်းထန်နေပြီး စစ်အုပ်စုကြောင့် အရပ်သား ထိခိုက်မှုများပြား သတင်းနှင့် မီဒီယာ ကွန်ရက်။၂၀၂၆ ခုနှစ်၊ နိုဝင်ဘာလ ၃ ရက်။ ကချင်ပ…

  • November 3, 2026
ULA/AA နှင့် မီဇိုရမ်ယာဉ်ပိုင်ရှင်များအသင်း MoU ရေးထိုး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၃ ရက်။ အိန္ဒိယနိုင်ငံ၊ မီဇိုရမ်ပြည်နယ်၊ စိုင်ဟာခရိုင်ရှိ မီဇိုရမ်လုပ်ငန်းသုံး ယာဉ်ပိုင်ရှင်များအသင်း (MCVOA) နှင့် ရက္ခိုင် အမျိုးသားအဖွဲ့ချုပ်/အာရက္ခတပ်တော် (ULA/AA) တို့အကြား နယ်စပ်ကုန်သွယ်ရေးဆိုင်ရာ နားလည်မှု စာချွန် လွှာ (MoU) ရေးထိုးလိုက်သည်။ စာချုပ်အရ ရခိုင်ဒေသနှင့် အိန္ဒိယအကြား ကုန်စည်စီးဆင်းမှု ပိုမိုစနစ်ကျပြီး တရား ဝင်ပုံစံဆန်ဆန် ဖြစ်လာနိုင်ကြောင်း ဒေသခံကုန်သည်များနှင့် နယ်စပ်အရေး လေ့လာသူများက သုံးသပ် ကြသည်။ ပြီးခဲ့သည့် အောက်တိုဘာလ ၂၉ ရက်နေ့က စိုင်ဟာမြို့ရှိ သတင်းစာကလပ်၌ MCVOA ၏ စိုင်ဟာခရိုင်အဖွဲ့ခွဲနှင့် ULA/AA ကိုယ်စားလှယ်များ တွေ့ဆုံကာ အဆိုပါ MoU ကို လက်မှတ်ရေးထိုးခဲ့ကြခြင်း ဖြစ်သည်။ ယခင်က ဖြစ်ပေါ်ခဲ့သည့် နယ်စပ်ဒေသ အငြင်းပွားမှုများနှင့် နားလည်မှုလွဲမှားမှုများကို ညှိနှိုင်းဖြေရှင်းနိုင်မည့် စနစ်တစ်ခု ပေါ်ပေါက်လာသည့်အတွက် ရုတ်တရက် ကုန်စည်ပြတ်တောက်မှုကို ကြိုတင်ကာကွယ်နိုင်မည်ဟု ဒေသခံ ရခိုင်ကုန်သည်တစ်ဦးက ပြောသည်။ ရခိုင်ကုန်သည်က “အဓိကကတော့ အရင်ကဖြစ်ခဲ့ဖူးတဲ့ နယ်စပ်ဒေသ အငြင်းပွားမှုတွေ၊ နားလည်မှုလွဲမှားတာ တွေကို ဖြေရှင်းနိုင်မယ့် စနစ်တစ်ခုကို ဖော်ဆောင်ပေးလိုက်တာလို့ မြင်တယ်။ စက်တင်ဘာလတုန်းကလို ကုန် သွယ်ရေးလမ်းကြောင်း ပိတ်ဆို့တာမျိုး ဖြစ်မလာတော့ဘဲ တရားဝင်လို ဖြစ်သွားတာပေါ့။ မမျှော်လင့်ဘဲ ကုန်စည်စီးဆင်းမှု ပြတ်တောက်ရတာမျိုး ကြိုတင်ကာကွယ်နိုင်မယ်။ ကုန်အဝင်အထွက် အသွားအလာကိုလည်း အချိန်တစ်ခု သတ်မှတ်ထားနိုင်တော့ အားလုံးအတွက် အဆင်ပြေပါတယ်” ဟု ပြောသည်။ နှစ်ဖက်ဆွေးနွေးမှုများအရ နယ်စပ်မြစ်ဖြစ်သည့် ကုလဒန် (လုံပု) မြစ်ဘေးရှိ ရာလီနှင့် ဆလချွာကျေးရွာများအနီး ကုန်ပစ္စည်းသယ်ယူရာတွင် အသုံးပြုသည့် မော်တော်ယာဉ်နှင့် စက်လှေငှားရမ်းခ နှုန်းထားများကို သင့်တင့်မျှတ ပြီး တစ်ပြေးညီ ဖြစ်စေရန် သတ်မှတ်ခဲ့ကြသည်။ ထို့ပြင် အဆိုပါ နယ်စပ်ကုန်သွယ်ရေးဂိတ်များကို နေ့စဉ် ည ၈ နာရီအထိ တိုးမြှင့်ဖွင့်လှစ်ပေးသွားရန်လည်း သဘောတူခဲ့ကြသည်။ အဆိုပါ ဆွေးနွေးပွဲကို MCVOA ၏ စိုင်ဟာခရိုင်အဖွဲ့ခွဲဥက္ကဋ္ဌက ဦးဆောင်ခဲ့ခြင်းဖြစ်ပြီး ULA/AA ကိုယ်စား လှယ်များနှင့် ဒေသခံကုန်သည်များအကြား ဆက်ဆံဆောင်ရွက်ခြင်းသည် ပိုမိုအကျိုးရှိပြီး လုံခြုံမှုရှိမည်ဖြစ် ကြောင်း တိုက်တွန်းခဲ့သည်ဟု သိရသည်။ နယ်စပ်အရေး လေ့လာသူတစ်ဦးက “ရခိုင်အစပ် ကုလားတန်မြစ် ပတ်ဝန်းကျင်ရွာတွေက နယ်စပ်ကုန်သွယ် မှုဟာ တရားဝင်ပုံစံမျိုး ဖြစ်လာနိုင်တယ်။ နောက်တစ်ခုက ဒီပွဲကို စိုင်ဟာခရိုင် အဖွဲ့ခွဲ ဥက္ကဋ္ဌက ဦးဆောင် ကျင်း ပခဲ့တာဖြစ်ပြီး အိန္ဒိယ သတင်းစာတွေမှာလည်း ဖော်ပြနေကြတာဆိုတော့ ULA/AA ရဲ့ ထိန်းချုပ်နယ်မြေ ကုန် သွယ်ရေး အခန်းကဏ္ဍကို အတိုင်းအတာတစ်ခုအထိ အသိအမှတ်ပြုလာတဲ့ သဘောလည်း ဖြစ်ပါတယ်” ဟု သုံးသပ် ပြောဆိုသည်။ ယခင်က စိုင်ဟာခရိုင်အတွင်းရှိ Mara Thyutlia Py (MTP) အဖွဲ့နှင့် နယ်စပ်ဂိတ်များတွင် အငြင်းပွားမှု ဖြစ် ပွားကာ စက်တင်ဘာ ၁၆ ရက်မှစ၍ နယ်စပ်ကုန်သွယ်ရေးကို အကန့်အသတ်မရှိ ပိတ်ပင်ခဲ့ဖူးသော်လည်း ULA/AA တာဝန်ရှိသူများနှင့် တွေ့ဆုံဆွေးနွေးပြီးနောက် စက်တင်ဘာ ၂၄ ရက်တွင် ပြန်လည်ဖွင့်လှစ်ပေးခဲ့ခြင်း ဖြစ်သည်။ လက်ရှိတွင် စစ်အုပ်စုက ရခိုင်ပြည်သို့ ဆက်သွယ်ထားသည့် ပြည်မဘက်ကုန်းလမ်းနှင့် ရေလမ်းကြောင်းများကို တင်းကျပ်စွာ ပိတ်ဆို့ထားသည့်အတွက် ဒေသခံပြည်သူများနှင့် ကုန်သည်များမှာ စက်သုံးဆီအပါအဝင် အခြေခံ ကုန်ပစ္စည်းများအတွက် အိန္ဒိယနိုင်ငံ မီဇိုရမ်ပြည်နယ်တောင်ပိုင်း နယ်စပ်လမ်းကြောင်းကို အဓိက အားထားနေ ကြရသည်။ (ဓာတ်ပုံ - Zothlifim) #AA #မီဇိုရမ်ယာဉ်ပိုင်ရှင်များအသင်း

ULA/AA နှင့် မီဇိုရမ်ယာဉ်ပိုင်ရှင်များအသင်း MoU ရေးထိုး

ULA/AA နှင့် မီဇိုရမ်ယာဉ်ပိုင်ရှင်များအသင်း MoU ရေးထိုး သတင်းနှင့် မီဒီယာ ကွန်ရက်။၂၀၂၆ ခုနှစ်၊ နိုဝင်ဘာလ ၃ ရက်။ အိန္ဒိယနိုင်ငံ၊ မီဇိုရမ်ပြည်နယ်…

  • November 3, 2026
လွိုင်ကော်တွင် စာသင်ကျောင်းဗုံးကြဲမှု KnHRG ၊ IEC နှင့် ဒေသခံများ စစ်အုပ်စုကို ပြင်းထန်စွာ ရှုတ်ချ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၃ ရက်။ ကရင်နီပြည်၊ လွိုင်ကော်မြို့နယ် အရှေ့ဘက်ခြမ်းရှိ စစ်ရှောင်စာသင်ကျောင်းသို့ စစ်အုပ်စုတပ်က လေကြောင်းမှ ဗုံးကြဲတိုက်ခိုက်ခဲ့သဖြင့် ကလေးငယ် ၃ ဦး သေဆုံးပြီး ၅ ဦး ဒဏ်ရာရရှိခဲ့သည့် ဖြစ်စဉ်အပေါ် ကရင်နီလူ့အခွင့် အရေးအဖွဲ့ (KnHRG)၊ IEC ပညာရေးဌာနနှင့် ဒေသခံများက ကန့်ကွက်ရှုတ်ချလိုက်သည်။ စစ်ရာဇဝတ်မှု ကျူးလွန် နေသည့် စစ်တပ်အား အမြန်ဆုံး တာဝန်ယူ တာဝန်ခံစေရန်လည်း နိုင်ငံတကာ အသိုက်အဝန်းထံ အဆိုပါ အဖွဲ့များက တောင်းဆိုလိုက်ကြ သည်။ ပြီးခဲ့သည့် အောက်တိုဘာလ ၃် ရက် မွန်းလွဲပိုင်းတွင် မြေပြင်၌ တိုက်ပွဲတစ်စုံတစ်ရာ ဖြစ်ပွားခြင်း မရှိဘဲ စစ်အုပ် စုသည် Y-12 လေယာဉ်နှင့် ဂျက်ဖိုက်တာများကို အသုံးပြု၍ စစ်ရှောင်ကလေးငယ်များ စာသင်ကြားနေသည့် နေရာသို့ ဗုံးအလုံးရေ ၂၀ ကျော် ဆက်တိုက် ကြဲချတိုက်ခိုက်ခဲ့ခြင်း ဖြစ်သည်။ အဆိုပါ တိုက်ခိုက်မှုကြောင့် တတိယတန်း၊ ပဉ္စမတန်းနှင့် သတ္တမတန်းတို့မှ ကျောင်းသား၊ ကျောင်းသူ ၃ ဦး ပွဲချင်း ပြီး သေဆုံးခဲ့ပြီး၊ အသက် ၉ နှစ်မှ ၁၆ နှစ်ကြား ကလေးငယ် ၅ ဦးမှာ ကျည်စ၊ ဗုံးစများ ထိမှန်၍ ဒဏ်ရာ ရရှိခဲ့ရာ ကလေးငယ်တစ်ဦးမှာ ဦးခေါင်း ပြင်းထန်စွာ ထိခိုက်ထားသဖြင့် အသက်အန္တရာယ် စိုးရိမ်ရသည့် အခြေအနေ တွင် ရှိနေသည်။ လက်ရှိ လေကြောင်းဗုံးကြဲခံရပြီးနောက် မြေပြင်အခြေအနေနှင့် ပတ်သက်၍ စစ်ရှောင်စခန်းမှ ဒေသခံတစ်ဦးက “လေယာဉ်သံ ကြားတာနဲ့တင် ကလေးတွေရော လူကြီးတွေပါ အကုန်လုံး လန့်ကြရတယ်။ အခုက စာသင် ကျောင်းပါ ဗုံးကြဲခံလိုက်ရတာဆိုတော့ ဘယ်နေရာမှ မလုံခြုံတော့ပါဘူး။ လက်ရှိမှာ ကလေးတွေကို ကျောင်း ဆက်မထားဖို့တောင် စဉ်းစားနေရပြီ။ ဘုရားကျောင်းဆိုလည်း ကြဲတာပဲ၊ ဈေးဆိုလည်း ကြဲတာပဲ။ ဒဏ်ရာရ ထားတဲ့ ကလေးတွေအတွက်လည်း ဆေးဝါးနဲ့ ကုသမှု ပစ္စည်းတွေ အရေးပေါ် လိုအပ်နေပါတယ်” ဟု ပြော သည်။ အဆိုပါ ဖြစ်စဉ်နှင့် ပတ်သက်၍ မြေပြင်၌ အကူအညီပေးနေသူ တစ်ဦးကလည်း “ကလေးငယ်တွေ စာသင်နေတဲ့ နေရာမှန်း အတိအကျ သိရက်နဲ့ အခုလို အကြိမ်ကြိမ် ပစ်မှတ်ထား ဗုံးကြဲတိုက်ခိုက်တာဟာ ဘယ်လိုမှ ခွင့်လွှတ် လို့မရတဲ့ စစ်ရာဇဝတ်မှုဖြစ်ပြီး တရားမျှတမှုအတွက် ဆက်လက် ဆောင်ရွက်သွားပါမယ်” ဟု ပြောသည်။ ကရင်နီပြည် ကြားကာလ အုပ်ချုပ်ရေးကောင်စီ (IEC) ပညာရေးဌာနကလည်း ယခုကဲ့သို့ စာသင်ကျောင်းနှင့် စစ်ဘေးရှောင် ကလေးသူငယ်များအပေါ် ပစ်မှတ်ထား တိုက်ခိုက်ခြင်းသည် နိုင်ငံတကာ လူသားချင်း စာနာ ထောက်ထားမှုဥပဒေ (IHL) နှင့် ကုလသမဂ္ဂ ကလေးသူငယ် အခွင့်အရေးဆိုင်ရာ ကွန်ဗင်းရှင်း (CRC) တို့ကို ပြောင်ပြောင်တင်းတင်း ချိုးဖောက်နေသည့် စစ်ရာဇဝတ်မှု ဖြစ်ကြောင်း ထောက်ပြထားသည်။ သို့ဖြစ်ပါ၍ စာသင်ကျောင်းများနှင့် အရပ်သားများအပေါ် လေကြောင်းတိုက်ခိုက်မှုများကို ချက်ချင်းရပ်တန့်ရန်၊ စစ်အုပ်စု၏ ကျူးလွန်မှုများအတွက် တာဝန်ခံမှုရှိလာစေရန် နိုင်ငံတကာမှ လွတ်လပ်သော စုံစမ်းစစ်ဆေးမှုများ ပြုလုပ်ပေးရန်နှင့် ကလေးသူငယ်များ၏ ဘေးကင်းလုံခြုံရေးအတွက် ကုလသမဂ္ဂ အပါအဝင် နိုင်ငံတကာ အသိုက်အဝန်းက အရေးပေါ် အကူအညီများ ပေးရန် IEC ပညာရေးဌာနက တောင်းဆိုထားသည်။ ထို့ပြင် KnHRG အနေဖြင့် ၂၀၂၆ ခုနှစ်၊ ဇူလိုင်လမှ စက်တင်ဘာလအတွင်း ကရင်နီပြည်၌ စစ်အုပ်စု၏ လေကြောင်းတိုက်ခိုက်မှု ၁၅ ကြိမ်ထက်မနည်းနှင့် ဒရုန်းတိုက်ခိုက်မှု ၃၅ ကြိမ်အထိ မှတ်တမ်းတင်နိုင်ခဲ့ပြီး ကလေးသူငယ်များ အပါအဝင် အရပ်သားပြည်သူများ ပိုမို ပစ်မှတ်ထားခံနေရကြောင်း သတိပေးထားသည်။ စစ်အုပ်စု၏ ပြစ်ဒဏ်ကင်းလွတ်ခွင့်ကို အဆုံးသတ်နိုင်ရေးအတွက် နိုင်ငံတကာ မိတ်ဖက် အဖွဲ့အစည်းများ အနေဖြင့် အပြည်ပြည်ဆိုင်ရာ ရာဇဝတ်ခုံရုံး (ICC) သို့ အမြန်ဆုံး လွှဲပြောင်းပေးရန်နှင့် အရပ်သားများကို ကာကွယ်ပေးနိုင်မည့် ထိရောက်သော အရေးယူဆောင်ရွက်မှုများ ချက်ချင်း လုပ်ဆောင်ရန် KnHRG က တိုက်တွန်းထားသည်။ (ဓာတ်ပုံ - Credit to original uploader) #Airatrike

လွိုင်ကော်တွင် စာသင်ကျောင်းဗုံးကြဲမှု  KnHRG ၊ IEC နှင့် ဒေသခံများ စစ်အုပ်စုကို ပြင်းထန်စွာ ရှုတ်ချ

လွိုင်ကော်တွင် စာသင်ကျောင်းဗုံးကြဲမှု  KnHRG ၊ IEC နှင့် ဒေသခံများ စစ်အုပ်စုကို ပြင်းထန်စွာ ရှုတ်ချ သတင်းနှင့် မီဒီယာ ကွန်ရက်။၂၀၂၆ ခုနှစ်၊ နိုဝင်ဘာ…

  • November 3, 2026
ကချင်-စစ်ကိုင်း အစပ်တွင် စစ်အုပ်စု စစ်ကြောင်းထိုးနေ၍ ဒေသခံများ စစ်ဘေးရှောင်နေရ သတင်းနှင့် မီဒီယာကွန်ရက်။ ၂၀၂၆ ခုနှစ်၊ နိုဝင်ဘာလ ၂ ရက်။ စစ်ကိုင်းတိုင်းနှင့် ကချင်ပြည်အစပ်၊ အင်းတော်မြို့နယ်အတွင်း အထိနာနေသည့် စစ်အုပ်စု စစ်ကြောင်းသည် ဝန်းသို ဘက်မှ ပြန်လှည့်လာသည့် စစ်ကူစစ်ကြောင်းနှင့် ပူးပေါင်းကာ စစ်ကြောင်း ဆက်လက်ထိုးနေပြီး မြေပြင်တိုက်ပွဲ များနှင့် လေကြောင်း တိုက်ခိုက်မှုများ ဆက်လက်ပြင်းထန်နေကြောင်း ဒေသခံများက ပြောသည်။ လက်ရှိတွင် အင်းတော်မြို့နယ်အဆုံးပိုင်း ပိန္နဲကုန်းကျေးရွာအထိ စစ်အုပ်စုတပ်များ ရောက်ရှိလာပြီး ကျောင်းကုန်းကျေးရွာဘက်မှတစ်ဆင့် ထီးချိုင့်မြို့နယ်အတွင်းသို့ စစ်ကြောင်း ဆက်လက်ထိုးနေခြင်း ဖြစ်သည်။ ကျောင်းကုန်းနှင့် ပိန္နဲကုန်းတစ်ဝိုက်တွင် နိုဝင်ဘာလ ၂ ရက်နေ့ နံနက် ၇ နာရီဝန်းကျင်အထိ တိုက်ပွဲများ ဆက် လက် ဖြစ်ပွားနေကြောင်း ဒေသခံများနှင့် မြေပြင်သတင်းရင်းမြစ်က ပြောသည်။ ဒေသခံ တစ်ဦးက “အင်းတော်အဆုံး ပိန္နဲကုန်းဆိုတာ အင်းတော်မြို့နယ်ရဲ့ အဆုံးရွာပေါ့နော်။ အဲဒီရွာကို ရောက် ပြီတဲ့။ အဲဒီရွာကနေပြီးတော့မှ ဒိုးပင်တောင်တက်ရတယ်။ ဒီတောင်က အင်းတော်လည်းပိုင်တယ်၊ ထီးချိုင့် ဘက်ကလည်းပိုင်တယ်။ ကောလင်းနဲ့ ဝန်းသိုဘက်ကလည်း ပိုင်တယ်ဆိုတော့ ဘယ်သွားမလဲတော့ မပြောတတ် ဘူး။ သူများတွေပြောတာတော့ ကျောက်တန်းဘက်ကို ပေါက်တယ်။ ကျောက်တန်းဘက်ကို သွားနိုင်တယ်လို့ ပြောနေတယ်” ဟု ပြောသည်။ ထို့ပြင် စစ်အုပ်စုတပ်သည် မြေပြင်စစ်ကြောင်းထိုးမှုများအပြင် ဝေဟင်မှလည်း ထောက်ပို့မှုများကို အဓိကထား လုပ်ဆောင်နေသည်။ နိုဝင်ဘာလ ၂ ရက်နေ့ နံနက်ပိုင်းတွင် Y-8 လေယာဉ်ဖြင့် ပစ္စည်းများ လာရောက်ချခဲ့ရာ တစ်နာရီခန့် ကြာမြင့်ခဲ့ကြောင်း ဒေသခံများက ဆိုသည်။ အခြားဒေသခံ တစ်ဦးက “မြေပြင်မှာလည်း တိုက်ပွဲတွေဖြစ်နေတယ်။ လေကြောင်းက တော်တော်စိပ်တယ်။ ဒီနေ့မနက်ဆိုရင် Y-8 နဲ့ ပစ္စည်းတွေလာချသွားတာ အပတ် ၂၀ လောက်ရှိမလားမသိဘူး။ တစ်နာရီလောက်ရှိ တယ်” ဟု ပြောသည်။ လက်ရှိတိုက်ပွဲများနှင့် စစ်ကြောင်းထိုးမှုများကြောင့် အင်းတော်မြို့နယ်နှင့် ထီးချိုင့်မြို့နယ်အစပ်ရှိ ကျေးရွာ အချို့မှ ဒေသခံများမှာ နေရပ်စွန့်ခွာကာ စစ်ဘေးရှောင်နေရဆဲဖြစ်ပြီး အချို့ကျေးရွာများတွင်လည်း ထပ်မံ တိမ်းရှောင်မှုများ ရှိနေသည်။ အင်းတော်မြို့နယ်ဘက်ရှိ ဘုဓလက်၊ ညောင်ကုန်း၊ အိုက်မ၊ ကျောင်းကုန်း၊ စကားပင်၊ ပိန္နဲကုန်းနှင့် ကျောက်ဆင် ကျေးရွာတို့မှ ဒေသခံများမှာ ဆက်လက် စစ်ဘေးရှောင်နေရဆဲ ဖြစ်ကာ ထီးချိုင့်မြို့နယ်ဘက်ခြမ်း ကျောက်အိုက် အနီးတစ်ဝိုက်ရှိ ကျေးရွာများတွင်လည်း စစ်ရှောင်မှုများ ရှိနေသည်။ မြေပြင်စစ်ရေးသတင်းရင်းမြစ် တစ်ဦးက “ရွာတွေတော်တော်များများကတော့ စစ်ရှောင်ခဲ့ကြတယ်။ ကျောင်း ကုန်းကနေ ကျော်လိုက်ရင် ထီးချိုင့်နယ်ထဲ ရောက်ပြီပေါ့နော်။ အဲဒီမှာဆိုရင် ကျောက်အိုက်နားတစ်ဝိုက်က ရွာတွေဆိုရင် စစ်ရှောင်ကြတာတွေ ရှိတယ်” ဟု ပြောသည်။ အင်းတော်မြို့နယ်အတွင်း အောက်တိုဘာလဆန်းပိုင်းမှစတင်ကာ အင်အား ၇၀၀ ဝန်းကျင်ရှိသည့် စစ်အုပ်စု စစ်ကြောင်း နှစ်ကြောင်းသည် မန္တလေး-မြစ်ကြီးနား ပြည်ထောင်စုလမ်းမကြီးတစ်လျှောက်ရှိ ကျေးရွာများကို စစ်ကြောင်းထိုး ဝင်ရောက်ခဲ့ခြင်း ဖြစ်သည်။ အဆိုပါစစ်ကြောင်းများကို တော်လှန်ရေးအင်အားစုများက လမ်းတစ်လျှောက် ကြားဖြတ်တိုက်ခိုက်ခဲ့သဖြင့် စစ်အုပ်စုဘက်တွင် ထိခိုက်သေဆုံးမှုများပြားခဲ့ပြီး ဝန်းသိုမြို့နယ်ဘက်သို့ ဦးတည်သွားခဲ့သည့် စစ်ကြောင်းမှာ လည်း မူလစစ်ကြောင်းထံသို့ စစ်ကူပေးရန် ပြန်လှည့်လာခဲ့ရကာ အထိနာနေသည့် တပ်စိတ်များနှင့် ပူးပေါင်း၍ စစ်ဆင်ရေးများ ဆက်လက် လုပ်ဆောင်နေခြင်း ဖြစ်သည်။ Photo:CJ #အင်းတော်

ကချင်-စစ်ကိုင်း အစပ်တွင် စစ်အုပ်စု စစ်ကြောင်းထိုးနေ၍ ဒေသခံများ စစ်ဘေးရှောင်နေရ

ကချင်-စစ်ကိုင်း အစပ်တွင် စစ်အုပ်စု စစ်ကြောင်းထိုးနေ၍ ဒေသခံများ စစ်ဘေးရှောင်နေရ သတင်းနှင့် မီဒီယာကွန်ရက်။၂၀၂၆ ခုနှစ်၊ နိုဝင်ဘာလ ၂ ရက်။ စစ်ကိုင်းတ…

  • November 2, 2026
စစ်တွေတိုက်ပွဲ ပြင်းထန်နေပြီး စစ်အုပ်စုက အရပ်သားများကို လူသားဒိုင်းကာအဖြစ် အသုံးချနေ သတင်းနှင့် မီဒီယာကွန်ရက်။ ၂၀၂၆ ခုနှစ်၊ နိုဝင်ဘာလ ၂ ရက်။ ရခိုင်ပြည်၊ စစ်တွေမြို့ မကျအောင် ခုခံတိုက်ခိုက်နေသည့် စစ်အုပ်စုတပ်သည် အရပ်သားပြည်သူများကို ဓားစာခံအဖြစ် ဖမ်းဆီးကာ လူသားဒိုင်းကာ ပြုလုပ်ထားသည့်အပြင် ပြည်သူများ ပုန်းခိုရန် တူးထားသည့် ဗုံးခိုကျင်းများကိုလည်း လိုက်လံဖျက်ဆီးနေကြောင်း အာရက္ခတပ်တော် (AA) က ပြောသည်။ ရခိုင်ပြည်၊ စစ်တွေမြို့နယ်အတွင်း ဖြစ်ပွားနေသည့် တိုက်ပွဲအခြေအနေများနှင့် ပတ်သက်၍ ULA/AA ၏ ပြောရေးဆိုခွင့်ရှိသူ ခိုင်သုခက အောက်တိုဘာလ ၂၈ ရက်နေ့က ပြုလုပ်ခဲ့သည့် သတင်းထုတ်ပြန်ချက်တွင် ယခုကဲ့သို့ ထည့်သွင်းပြောဆိုခဲ့ခြင်း ဖြစ်သည်။ “စစ်တွေမြို့နယ်ထဲက ဒီတိုက်ပွဲ အခြေအနေကတော့ စစ်တွေမြို့ တစ်ဝှိုက်ဆက်စပ်တဲ့ နေရာအားလုံးမှာ တိုက်ပွဲ တွေ ပြင်းပြင်းထန်ထန် ဆက်လက်ဖြစ်ပွားနေတာ ရှိပါတယ်။ အကြမ်းဖက် မြန်မာဖက်စပ်စစ်တပ်ကလည်း စစ်တွေမြို့ထဲမှာ ပိတ်လောင်ထားတဲ့ အပြစ်မဲ့အရပ်သားပြည်သူတွေကို လူသားဒိုင်းကာ ဓားစာခံလုပ်ထားပြီး တော့ အယုတ်မာဆုံးနည်းလမ်းတွေနဲ့ ခုခံတိုက်ခိုက်နေတာ ရှိပါတယ်။ အရပ်သား ပြည်သူတွေ အသက် လုံခြုံ ရေးအတွက် ပုန်းခိုဖို့ တူးထားတဲ့ ဗုံးခိုကျင်းတွေကိုလည်းပဲ ဒီအကြမ်းဖက် မြန်မာစစ်တပ်က လိုက်လံ ဖျက်ဆီး နေတာ ရှိပါတယ်။” စစ်အုပ်စု၏ ယခုကဲ့သို့ လုပ်ရပ်မှာ အရပ်သားပြည်သူများကို သတ်ဖြတ်ရန် ရည်ရွယ်ချက်ရှိရှိ စနစ်တကျ ကြိုတင်စီစဉ်ထားခြင်းဖြစ်ပြီး လူသားမျိုးနွယ်အပေါ် ကျူးလွန်သည့် ရာဇဝတ်မှု မြောက်ကြောင်းလည်း ခိုင်သုခက ထောက်ပြပြောဆိုသည်။ လက်ရှိတွင် စစ်တွေမြို့နှင့် အနီးတစ်ဝိုက်၌ တိုက်ပွဲများ ပြင်းထန်စွာ ဆက်လက်ဖြစ်ပွားနေပြီး စစ်အုပ်စုတပ်က ငပြီကျွန်းသို့ ကမ်းတက်နိုင်ရန် အပြင်းအထန် ထိုးစစ်ဆင် တိုက်ခိုက်နေသော်လည်း အဆိုပါကျွန်းကို ULA/AA က အခိုင်အမာ ထိန်းချုပ်ထားဆဲ ဖြစ်သည်။ ထိုသို့ စစ်အုပ်စုတပ်က ငပြီကျွန်းဘက်သို့ ကမ်းတက်ရန် ကြိုးပမ်းနေစဉ်အတွင်း ULA/AA က ရေကြောင်း စစ်ဆင်ရေး တစ်ရပ်အနေဖြင့် ကုလားတန်မြစ်ဝတွင် တပ်စွဲထားသည့် စစ်အုပ်စုတပ်၏ စစ်သင်္ဘောများကို တိုက်ခိုက် နစ်မြှုပ်ခဲ့သေးသည်။ “ဟို စစ်တွေနဲ့ ဝိရဌာနီအကြားက ကုလားတန်မြစ်ဝမှာ တပ်စွဲထားတဲ့ အကြမ်းဖက်မြန်မာစစ်တပ်ရဲ့ ရေတပ် စစ်သင်္ဘောတွေကို လွန်ခဲ့တဲ့ သတင်းကျွတ်လပြည့်ညမှာ ရေကြောင်းစစ်ဆင်ရေး တစ်ခုနဲ့ အာရက္ခတပ်တော်က တိုက်ခိုက်ရှင်းလင်းခဲ့တာ ရှိပါတယ်။ အဲဒီဖြစ်စဉ်မှာ ဒီအကြမ်းဖက် မြန်မာစစ်တပ် ရေတပ်စစ်သင်္ဘောသုံးစင်း ထိမှန်ပျက်စီးခဲ့တာ ရှိတယ်။ ဟိုစစ်သင်္ဘော ၂ စင်းကတော့ လုံးဝနစ်မြှုပ်သွားတယ်။ ကျန်တဲ့ ၁ စင်းကတော့ ဆိုးဆိုးရွားရွား ထိမှန်ပျက်စီးခဲ့တာ ရှိပါတယ်” ဟု ခိုင်သုခက ဆက်ပြောသည်။ ULA/AA ၏ တိုက်ခိုက်မှုကို ခံရသည့် အဆိုပါ စစ်ရေယာဉ်အုပ်စုမှာ စစ်တွေမြို့၏ လုံခြုံရေးတာဝန်ကို ယူထား သည့် ရေတပ်အုပ်စုဖြစ်ပြီး ငပြီကျွန်းဘက်သို့လည်း လက်နက်ကြီး ပစ်ကူပေးနေသည့် ရေယာဉ်များ ဖြစ်ကြ သည်။ စစ်တွေမြို့နယ်အတွင်း ဖြစ်ပွားနေသည့် တိုက်ပွဲများကြောင့် အကျအဆုံးများ ရှိနေသည့် စစ်အုပ်စုတပ်သည် အောက်တိုဘာလ နောက်ဆုံးအပတ်အတွင်း ရသေ့တောင်မြို့နယ်ရှိ ကျေးရွာနှစ်ရွာကို လေကြောင်းဖြင့် ဗုံးကြဲ တိုက်ခိုက်ခဲ့ခြင်းကြောင့် အရပ်သား ၄ ဦးထက်မနည်း ထိခိုက်ဒဏ်ရာ ရရှိခဲ့သေးသည်။ စစ်တွေမြို့ကို ကာကွယ်ရန်အတွက် စစ်အုပ်စုတပ်သည် စစ်သင်္ဘောများနှင့် အမြန်တိုက်ခိုက်ရေး ရေယာဉ်များကို ကမ်းရိုးတန်းရေပြင်တွင် ပုံမှန်ကင်းလှည့်သွားလာခိုင်းခြင်းနှင့် အနီးကပ် လုံခြုံရေးယူခြင်းများကို လုပ်ဆောင်နေကြောင်း ဒေသခံများက ပြောဆိုကြသည်။ ထို့ပြင် မြို့နယ်အတွင်းနှင့် အနီးတစ်ဝိုက်ရှိ ရေတပ်စခန်းများတွင်လည်း ခုခံစစ် ပြင်ဆင်မှုကို အထူးတင်းကျပ် ထားကာ အမြောက်ကြီးများဖြင့် ပစ်ခတ်နိုင်ရန် ပြင်ဆင်ထားကြောင်း ဆိုသည်။ ULA/AA ၏ ထိုးစစ်နှင့် ရေကြောင်းကို စိုးမိုးသွားမည်ကို စိုးရိမ်နေသည့်အတွက် စစ်တွေမြို့ကို ဆက်သွယ်နေ သည့် ပင်လယ်ပြင်နှင့် မြစ်ကြောင်းများမှတစ်ဆင့် သွားလာနိုင်သည့် လမ်းကြောင်းများကိုလည်း စစ်အုပ်စုတပ် က တင်းတင်းကျပ်ကျပ် စစ်ဆေးနေဆဲ ဖြစ်သည်။ သို့ဖြစ်ရာ ဒေသခံ ရေလုပ်သားများ၊ ငါးဖမ်းလှေများနှင့် ဒေသန္တရ စက်လှေများကို သတ်မှတ်ဧရိယာပြင်ပမှ ထွက်ခွာခွင့် တင်းကျပ်စွာ ကန့်သတ်ထားပြီး သတ်မှတ်ချိန်နှင့် ဧရိယာဘောင်အတွင်း၌သာ ငါးဖမ်းဆီးခွင့် ပြုထားကြောင်း ဒေသခံများက ပြောသည်။ Photo:Credit to original uploader #စစ်တွေ

စစ်တွေတိုက်ပွဲ ပြင်းထန်နေပြီး စစ်အုပ်စုက အရပ်သားများကို လူသားဒိုင်းကာအဖြစ် အသုံးချနေ

စစ်တွေတိုက်ပွဲ ပြင်းထန်နေပြီး စစ်အုပ်စုက အရပ်သားများကို လူသားဒိုင်းကာအဖြစ် အသုံးချနေ သတင်းနှင့် မီဒီယာကွန်ရက်။၂၀၂၆ ခုနှစ်၊ နိုဝင်ဘာလ ၂ ရက်။ ရခို…

  • November 2, 2026
စစ်အုပ်စု ဗုံးကြဲမှုများကြောင့် ရခိုင်လူထု၏ လူမှု စီးပွားဘဝ ထိခိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ နိုဝင်ဘာလ ၂ ရက်။ အာရက္ခ (ရခိုင်) ပြည်အတွင်း စစ်ရေးအရ အထိနာနေသည့် စစ်အုပ်စုတပ်သည် တိုက်ပွဲဧရိယာပြင်ပရှိ ဒေသခံ ပြည်သူများ၏ လူမှုစီးပွားဘဝများကို ထိခိုက်ပျက်စီးစေရန်နှင့် ကုန်သွယ်စီးဆင်းမှုများကို ဖြတ်တောက်ရန် ရည် ရွယ်ချက်ဖြင့် အရပ်သားနေရာများကို လေကြောင်းဖြင့် စနစ်တကျ ဗုံးကြဲတိုက်ခိုက်လျက်ရှိကြောင်း ဒေသခံများ က သုံးသပ်ပြောဆိုကြသည်။ နိုဝင်ဘာလ ၁ ရက်နေ့ တစ်ရက်တည်းအတွင်း ကျောက်တော်၊ မြောက်ဦး၊ ကျောက်ဖြူနှင့် ဝီရဌာနီ (ပေါက်တော) မြို့နယ်များအတွင်းသို့ စစ်အုပ်စုက ဂျက်တိုက်လေယာဉ်များနှင့် Y-12 လေယာဉ်များ အသုံးပြုကာ ဆက်တိုက် ဗုံးကြဲခဲ့ခြင်းကြောင့် မွေးကင်းစ ကလေးငယ် တစ်ဦးအပါအဝင် အပြစ်မဲ့ အရပ်သား ၁၂ ဦး သေဆုံးကာ ၃၂ ဦး ထိခိုက်ဒဏ်ရာ ရရှိခဲ့သည်။ အဆိုပါ တိုက်ခိုက်မှုများအတွင်း ကျောက်တော်မြို့နယ်ရှိ ဝါးတောင်နှင့် ပန်းဖဲချောင်းရွာ ဆက်သွယ်ရေးတံတား ဗုံးကြဲခံရမှုကြောင့် လမ်းသွားလမ်းလာ ခရီးသွားပြည်သူ ၇ ဦး သေဆုံးခဲ့ရပြီး၊ မြောက်ဦးမြို့နယ်ရှိ ဒေသခံများကို ဆေးကုသပေးနေသည့် ယာယီဆေးခန်းနှင့် သားဖွားဆောင်ကိုပါ Cluster ဗုံးများဖြင့် တိုက်ရိုက် ပစ်မှတ်ထား ဗုံးကြဲခဲ့သောကြောင့် မွေးကင်းစ ကလေးငယ် တစ်ဦးအပါအဝင် ၅ ဦး အသက်ဆုံးရှုံးခဲ့ရသည်။ “အကြမ်းဖက် ဖက်ဆစ် စကမ လေတပ်က ပြည်သူတွေ အဓိက သွားလာနေကြတဲ့ ကျောက်တော်မြို့နယ်နဲ့ ပုဏ္ဏားကျွန်းမြို့နယ်ကြားက ယိုးချောင်းတံတားကို ဗုံးကြဲဖျက်ဆီးသွားတယ်။ အဲဒီတံတားအနီး ဖြတ်သန်းသွား လာနေကြတဲ့ ပြည်သူ ၇ ဦး သေဆုံးပြီး ၃ ဦး ဒဏ်ရာရလို့ ကနဦးသိရပါတယ်” ဟု စာရေးဆရာ ဝေဟင်အောင် က ၎င်း၏ လူမှုကွန်ရက်စာမျက်နှာတွင် ပြောဆိုထားသည်။ မြေပြင်တွင် စစ်ရေးအရ အသာစီးမရတော့သည့် စစ်အုပ်စုသည် တော်လှန်ရေးအင်အားစုများကို တိုက်ခိုက် မရသည့်အဆုံး ပြည်သူလူထုဘက်သို့ ဦးလှည့်ကာ စစ်ရာဇဝတ်မှုများကို ပေါ်ပေါ်ထင်ထင် ကျူးလွန်လာနေခြင်း ဖြစ်ကြောင်း ဒေသခံများက ဝေဖန်ပြောဆိုကြသည်။ ကျောက်တော်မှ ဒေသခံတစ်ဦးက “မအလ ပြည်သူ့အသက်အိုးအိမ်စည်းစိမ်ကို ဖျက်ဆီးယုတ်မာ အကြမ်းဖက် တယ်။ နေ့တိုင်း ရခိုင်လူထုကို သတ်နေတာဗျ။ အေအေတပ်တော်ကို မနိုင်တော့ လူထုဘက်ကို လှည့်လာတာ။ လူ့အခွင့်အရေးချိုးဖောက်တဲ့ မအလတပ် ကျဆုံးပါစေဆိုပြီးပဲ နေ့တိုင်းဆုတောင်းနေရတယ်” ဟု ပြောသည်။ ယခုကဲ့သို့ လမ်းတံတားများနှင့် ဆေးခန်းများကို တိုက်ခိုက်ခြင်းမှာ တိုက်ပွဲဖြစ်ပွားရာ ဒေသများအတွင်း ကုန်သွယ်စီးဆင်းမှုများကို ဖြတ်တောက်ရန်နှင့် ပြည်သူများ၏ လူမှုစီးပွားဘဝများကို အစစအရာရာ ထိခိုက်ပျက်စီးစေရန် ရည်ရွယ်ချက်ရှိရှိ လုပ်ဆောင်နေခြင်းဖြစ်နိုင်ကြောင်း ဒေသခံများက ထောက်ပြကြသည်။ “စိတ်ဓာတ်ပိုင်းဆိုင်ရာ ဘယ်လောက်ထိ အောက်တန်းကျလဲဆိုတာ သူတို့လုပ်ရပ်ကို ကြည့်ရင် သိတယ်ဗျ။ ရခိုင်ကို ကုန်ပစ္စည်းပြတ်လပ်မှု၊ ကုန်သွယ်စီးဆင်းမှုတွေ ပြတ်လပ်သွားအောင်၊ တစ်မြို့နဲ့တစ်မြို့ လူမှုစီးပွား ဖြန့်မရအောင် လုပ်တဲ့ နည်းဗျူဟာတွေကို သုံးနေတာ” ဟု မြေပြင်တွင် ပရဟိတလုပ်နေသူ ဒေသခံတစ်ဦးက သုံးသပ်ပြောဆိုသည်။ မြန်မာနိုင်ငံတွင် ပြီးခဲ့သည့် သုံးလတာကာလအတွင်း စစ်အုပ်စု၏ လေကြောင်းတိုက်ခိုက်မှု ၅၈၁ ကြိမ်အထိ ရှိလာခဲ့ပြီး၊ အဲဒီထဲက ၉၆ ရာခိုင်နှုန်းကျော်မှာ အင်တာနက်နှင့် ဆက်သွယ်ရေး ဖြတ်တောက်ခံထားရသည့် ဒေသများတွင်သာ အဓိက ဖြစ်ပွားခဲ့ကြောင်း မြန်မာအင်တာနက်ပရောဂျက် (MIP) ၏ ထုတ်ပြန်ချက်အရ သိရသည်။ အထူးသဖြင့် ရခိုင်ပြည်တွင် လေကြောင်းတိုက်ခိုက်မှု ၁၅၁ ကြိမ်ဖြင့် အများဆုံးဖြစ်ပွားခဲ့ပြီး နိုင်ငံတစ်ဝန်း အရပ်သား အနည်းဆုံး ၃၅၃ ဦး သေဆုံးခဲ့ရကာ ဆက်သွယ်ရေး အခက်အခဲများကြောင့် မြေပြင် အချက်အလက် များမှာ ယခုထက် ပိုမိုများပြားနိုင်ကြောင်း သတိပေးထားသည်။ လက်ရှိတွင် စစ်အုပ်စုဘက်က လေကြောင်းအင်အား အသုံးပြုမှုကို တိုးမြှင့်လာနေပြီး နယ်မြေစိုးမိုးရေးအတွက် အင်တာနက် ဖြတ်တောက်ခံထားရသည့် ဒေသများအတွင်းရှိ အပြစ်မဲ့ အရပ်သားပြည်သူများကို ပစ်မှတ်ထား ကာ လူမှုစီးပွားဘဝများကိုပါ ဖြတ်တောက်တိုက်ခိုက်နေမှုများကို ဆက်လက် လုပ်ဆောင်နေဆဲ ဖြစ်သည်။ ဓာတ်ပုံ - အာရက္ခတပ်တော် #ULA #AA #Airstrike

စစ်အုပ်စု ဗုံးကြဲမှုများကြောင့် ရခိုင်လူထု၏ လူမှု စီးပွားဘဝ ထိခိုက်

စစ်အုပ်စု ဗုံးကြဲမှုများကြောင့် ရခိုင်လူထု၏ လူမှု စီးပွားဘဝ ထိခိုက် သတင်းနှင့် မီဒီယာ ကွန်ရက်။၂၀၂၆ ခုနှစ်၊ နိုဝင်ဘာလ ၂ ရက်။ အာရက္ခ (ရခိုင်) ပြည်…

  • November 2, 2026
ဧရာဝတီတိုင်းတွင် AA နှင့်ဆက်စပ်သည်ဟုဆိုကာ ဖမ်းဆီးမှုများ ဆက်ရှိနေ သတင်းနှင့် မီဒီယာကွန်ရက်။ ၂၀၂၆ ခုနှစ်၊ အောက်တိုဘာလ ၃၀ ရက်။ ဧရာဝတီတိုင်းအတွင်း ရခိုင်ရိုးမနှင့်ထိစပ်နေသည့် မြို့နယ်များတွင် အာရက္ခတပ်တော် (AA) နှင့်ဆက်စပ်သည်ဟု စွပ်စွဲကာ ဒေသခံပြည်သူများကို စစ်အုပ်စုတပ်က အကြောင်းပြဖမ်းဆီးမှုများ လုပ်ဆောင်နေသလို တိုက်ပွဲများ အတွင်း ပို့ဆောင်ခံထားရသည့် စစ်မှုထမ်းတပ်သားသစ်အချို့မှာလည်း AA ထံသို့ ထွက်ပြေးခိုလှုံမှုများ ရှိလာနေ ကြောင်း ဒေသခံစစ်ရေး သတင်းအရင်းအမြစ်များက ပြောသည်။ ဧရာဝတီတိုင်း၊ ကြံခင်းမြို့နယ်သည် ဧရာဝတီမြစ်အနောက်ဘက်ကမ်း၊ ရခိုင်ရိုးမတောင်တန်းနှင့် နီးကပ်စွာ တည်ရှိပြီး ရခိုင်ဘက်မှ ပြောင်းရွှေ့နေထိုင်ကြသည့် စစ်ဘေးရှောင်များလည်း ရှိနေသည့်နေရာဖြစ်သည်။ အဆိုပါ ကြံခင်းမြို့နယ်၊ ပိုးစုကြီးကျေးရွာတွင် အောက်တိုဘာလ ၂၄ ရက်နေ့က စားသောက်ကုန်နှင့် စက်သုံးဆီ ရောင်းချနေသည့် အမျိုးသမီးတစ်ဦးအပါအဝင် ဒေသခံအရပ်သား သုံးဦးကို AA ထံ စက်သုံးဆီ တရားမဝင်သို လှောင်ရောင်းချပေးနေသည်ဟု စွပ်စွဲကာ စစ်အုပ်စုတပ်က ဝင်ရောက်ဖမ်းဆီးခေါ်ဆောင်သွားခဲ့ခြင်း ဖြစ်သည်။ ဧရာဝတီတိုင်းဒေသခံ အမျိုးသမီးတစ်ဦးက “တိုင်းဧရာမှာတော့ စစ်တပ်က အကြောင်းပြဖမ်းချင်ရင် AA အကြောင်းပြလိုက်ရုံပဲ။ သာပေါင်း၊ ရေကြည်၊ ညောင်တုန်းဘက်တွေကတော့ စစ်တပ်တွေနဲ့ တိုက်ပွဲလည်းရှိ တယ်။ ဒေသခံတွေလည်း ပြေးလိုက်၊ ပြန်ဝင်လိုက်နဲ့ တည်ငြိမ်တာမရှိဘူး။ အခုက ကြံခင်းမြို့နယ်ကိုပါ စစ်တပ် က စောင့်ကြည့်နေပြီး AA က လှုပ်ရှားလာတယ်လို့ ထင်လားတော့မသိဘူး။ မာန်အောင်၊ ကြံခင်းက ဒေသခံတွေ က အများစု အေးဆေးနေကြတာပါ၊ အဲ့ဒါကို AA နဲ့ဆက်စပ်တယ်၊ ထောက်ပံ့တယ်ဆိုပြီး လုပ်လာတာပါ၊ အခု ဖမ်းတယ်။ AA ကို ဆီလှောင်ပေးတယ်ဆိုတာ မဖြစ်နိုင်ပါဘူး” ဟု ပြောသည်။ လက်ရှိတွင် စစ်အုပ်စု၏ လက်အောက်ခံ စစ်တပ်နှင့် ရဲတပ်ဖွဲ့ဝင်များသည် ကြံခင်းမြို့နယ်အတွင်းရှိ စားသောက် ကုန်နှင့် စက်သုံးဆီရောင်းချသည့်ဆိုင်များကို ညဘက်အထိ လိုက်လံစစ်ဆေးနေကြပြီး AA အပါအဝင် တော်လှန် ရေး တပ်ဖွဲ့များနှင့် ဆက်စပ်မှုရှိမရှိ စစ်ဆေးနေသလို လယ်ယာသုံး ဒီဇယ်ဆီဝယ်ယူလာသည့် အရပ်သားအချို့ ကိုပါ ပစ်မှတ်ထား စစ်ဆေးလျက် ရှိသည်။ ထို့ပြင် ဧရာဝတီတိုင်း၊ ပုသိမ်ခရိုင်၊ ရေကြည်မြို့နယ်အတွင်းရှိ တိုက်ပွဲများတွင် စစ်အုပ်စုက စစ်မှုထမ်းတပ်သား သစ်များကို အဓိကထား အသုံးပြုနေခြင်းကြောင့် ရှေ့တန်းစခန်းများမှ ထွက်ပြေးမှုများလည်း ဆက်တိုက် ဖြစ်ပေါ်နေသည်။ အောက်တိုဘာလ ၂၅ ရက် ညနေပိုင်းတွင် ရေကြည်မြို့နယ်၊ ကမ်းပါးကြီးဒေသရှိ ယာယီစခန်းမှ စစ်မှုထမ်း အပတ်စဉ် (၁၁) တပ်သား သုံးဦးမှာ စခန်းကိုစွန့်ခွာကာ ရိုးမပေါ်ရှိ AA ထံသို့ ထွက်ပြေးခိုလှုံသွားခဲ့သည်။ ရေကြည်ဒေသခံ ဒေသခံအမျိုးသားတစ်ဦးက “ရေကြည်မှာ တိုက်ပွဲကာလ တော်တော်ကြာနေတာပေါ့၊ စစ်တပ်က ကျတယ်။ စစ်မှုထမ်းတွေ ထွက်ပြေးတယ်၊ ဒါက ရိုးနေပြီ။ အခုက စစ်မှုထမ်းတပ်သားသစ်တွေက AA နဲ့ တော်လှန်ရေးတပ်တွေဘက်ကို ရောက်အောင် ပြေးနေတာပဲ၊ ထူးခြားတယ်။ ရိုးမခြေရင်း တချို့နေရာ တွေမှာ AA က စောင့်ပြီး လက်ခံနေတယ်လို့ကို သတင်းတွေ ပြန့်နေတာပါ” ဟု ပြောသည်။ ထိုသို့ စစ်မှုထမ်းတပ်သားသစ်များ ထွက်ပြေးလွတ်မြောက်သွားခြင်းကြောင့် စစ်အုပ်စုတပ်က လိုက်လံရှာဖွေနေ ကြပြီး ဒေသခံပြည်သူများကိုလည်း တွေ့ရှိပါက သတင်းပေးရန်နှင့် တပ်သားသစ်များကို လက်ခံထားရှိကြောင်း စစ်ဆေးတွေ့ရှိပါက ပြင်းထန်စွာ အရေးယူမည်ဟု ခြိမ်းခြောက်မှုများ လုပ်ဆောင်လျက် ရှိသည်။ စစ်အုပ်စုသည် ရေကြည်မြို့နယ်အတွင်းရှိ ကမ်းပါးကြီးဒေသအပါအဝင် ကျေးရွာအချို့တွင် စစ်မှုထမ်းအသစ် များကို အသုံးပြုကာ အောက်တိုဘာလ ပထမပတ်ကတည်းက ယာယီစခန်းများကို တိုးချဲ့တပ်စွဲထားခြင်း ဖြစ်သည်။ ဓါတ်ပုံ - (စစ်အုပ်စု တပ်ဖွဲ့ဝင်အချို့ကို တွေ့ရစဉ်။ / Original uploader) #AA

ဧရာဝတီတိုင်းတွင် AA နှင့်ဆက်စပ်သည်ဟုဆိုကာ ဖမ်းဆီးမှုများ ဆက်ရှိနေ

ဧရာဝတီတိုင်းတွင် AA နှင့်ဆက်စပ်သည်ဟုဆိုကာ ဖမ်းဆီးမှုများ ဆက်ရှိနေ သတင်းနှင့် မီဒီယာကွန်ရက်။၂၀၂၆ ခုနှစ်၊ အောက်တိုဘာလ ၃၀ ရက်။ ဧရာဝတီတိုင်းအတွင်း ရ…

  • October 30, 2026
×Close